اذهب إلى المحتوى
محاورات المصريين

التسوق في كندا - المحلات الرخيصة، الاسعار .. الخ


Recommended Posts

التسوق يكون اما لشراء الخضار او لشراء الملابس والفسحة

بالنسبة للخضار : فارخص المحلات في تورونتو هي "No frills وبها الخضار واللبن .. الخ من المنتجات الغذائية متضمنا اللحوم والاسماك. الاكل الحلال "اللحوم" والاكل الشرقي"متضمنا العيش الشامي" توفره المحلات العربية واكبرها محلات نصر في حي سكاريورو. محلات الخضار الاخري تتضمن  سوبيز و لابلوز وسوبرستورز وبروفيجو وسيف واي.

بالنسبة للملابس والفسحة ، فيوجد اكثر من مول في  كل حي ، والملابس غالية ولكن عادة ما يكون هناك خصومات طول السنة ، تصل احيانا ال 80 في المائة، ومع هذه الاوكازيونات تكون الاسعار ارخص من مصر.

من ارخص المحلات ًWall Mart ولكنه، لرخص اسعاره، يندر ان يقدم خصومات كبيرة. Winners ايضا محل رخيص جدا ، Zellers ايضا رخيص ولكن اذواق الملابس به مش قد كده. باقي المحلات مثل The Bay, Eatons, Sears, اسعارها اعلي. معظم الملابس في هذه المحلات كاجوال كما انها Departments stores {بها كل شئ ، ملابس، اجهزة منزلية .. الخ} ، ومن يريد ملابس السهرات فعليه الشراء من المحلات المتخصصة.

للحديث بقية

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

بالرغم من ان هذا الموضوع موجه اساسا للقادمين الجدد ، لكني اراه مفيدا ايضا للمقيمين في كندا لتبادل خبراتهم ، من الفول الي الفسيخ، وللحصول علي افضل الخصومات ، ويمكن ان يدخل تحته كيفية شراء سيارة، ماهي فرص الاسعار الموجوده في السوق الآن ، ربما نحتاج تغير عنوان الموضوع فيما بعد ، وربما عنوان " فيه فراخ في الجمعية" يذكرنا بـ"ايامنا الحلوة"

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

مره اخرى موضوع رائع و مفيد يا أستاذ بايت للقادمين الجدد و المقيمين أيضا فى كندا فكثيرا ما يكون المرء عايش فى بلد أو فى مكان و لكنه لا يعرف غير محلات أو أماكن معينه يبتاع منها مستلزماته و يفاجأ بنفس الأشياء و لكن بسعر أرخص مع شخص اخر أو فى مكان اخر.

و لكن أرجوا أن تتضمن معلوماتك القيمه عن أماكن بيع العفش فكل قادم جديد يلزمه العفش ليفرش بيته الذى سيقيم فيه و نظرا لكثره التنقل فى الفتره الأولى حتى الأستقرار  فأعتقد انه يجب ان يكون عفش مريح و لكن غير مكلف .......

رابط هذا التعليق
شارك

سمعت امس فقط ان هناك مزرعة تسمى مزرعة سامى العشرى .. تبيع ملوخية خضراء .. من الغيط يعنى

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك

رأيت ان اعرض لكم هذا الموضوع للاستفادة بخبرة تعرضت لها حديثا :

اخدت سيارتي الي Canadian tire  لأن نور الباب كان منور علي طول. تاني يوم اتصلوا بي وقالوا ان تكلفة الاصلاح ستكون 550 دولار فطلبت منهم الا يصلحوها و سأخذها الي ورشة اخري، فقالوا لي ان علي ادفع 180 دولار للكشف علي العيب الذي استغرق 3 ساعات. وبعد مناقشة استمرت نصف ساعة لم نصل الي نتيجة. فقلت لهم اني سأجري مكالمه ثم ارد عليهم. وكلمت ال ministy of consumers وهي الجهة المسئولة علي حماية حقوق المستهلك ، وقالوا لي انهم يمكنهم "التوسط" بيننا اوان اذهب للمحكمة. ووجدت انه يمكنني اما دفع المبلغ لهم ثم الذهاب الي المحكمة "هذه  المحكمة خاصة بالمنازعات البسيطة ذات القيمة الصغيرة وغالبا تكون احكامها في نفس اليوم وتسمي court of small claims " " أو ان ادفع المبلغ بالاضافة الي 70 دولار في جهه تسمي Garage keepers  ان كنت لا اريد دفع المبلغ لهم. وفعلا اتصلت ب Canadian tire  وقلت لهم ان يكملوا اصلاح السيارة. وعندما ذهبت اليهم بعد انتهاء عملي وجدتهم لم يكملوا اصلاحها "طبعا قلقوا من مناقشة الصباح" وطلبوا مني التوقيع علي امر شغل قبل ان يكملوها. فقلت لهم اني يمكنني دفع المبلغ لهم قبل الاصلاح ان ارادوا اما امر الشغل فلن اوقع عليه لاني انوي الذهاب الي المحكمة ولا يعقل ان اوقع علي موافقة تضعف موقفي، فقالوا لي نحن لا نستطيع اكمال التصليح الا بعد التوقيع ، فقلت لهم ان كانوا قد خولوا لنفسهم الحق في الكشف علي السيارة لمده 3 ساعات بدون توقيع فيمكنهم استكمال التصليح بدون توقيع والا فلن ادفع لهم اي نقود وسأدفعها في  Garage keepers  . طبعا موقفهم كان ضعيف جدا وهم ادركوا ذلك وعرضوا علي ان بخفضوا المبلغ 100 دولار علي الا اذهب للمحكمة. ووافقت علي ذلك. ولكن الظاهر انهم كانوا عايزين يعكننوا عليا زي ما عكننت مزاجهم فاستلمت منهم السيارة تاني يوم بها عيب آخر. وعندما واجهتهم بذلك انكروا ان الاصلاح الذي قاموا به يمكن ان يكون تسبب في هذا العيب ورفضوا اصلاحه ووصلنا في النقاش الي طريق مسدود مرة اخري. فقلت لهم اني سآخذ السيارة الي الdealer  لاصلاحها وسآخذ من الديلار بعد ذلك  ايصال بتكلفة الاصلاح وشهادة بسبب العطل ثم اذهب الي المحكمة لاجبارهم علي دفع تكلفة ماتسببوا فيه، فطلبوا مني الانتظار قليلا واصلحوا العيب واعترفوا بانه كان ناتج من ان اصلاحهم السابق لم يكن كما ينبغي.

اوردت هذه التجربة للافاده في حالة تعرض احدكم لموقف مشابه

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

  • بعد 1 شهر...

عزيزى بايت .. امال افضل طريقة لعمل صيانة للسيارة .. ما هى .. على ان تكون رخيصة ايضا .. و شكرام

( بدون دهن خنزير) ..  :D

و التكلفة كام؟ .. و شكرام

Edited By freefreer on مايو 22 2002 05:26am

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك

انا معلوماتي الميكانيكية تحت الصفر، يعني  لو العربية وقفت مني هاحتاس، وطبعا انت عارف اهمية العربية في كندا ، دي مش من الحاجات اللي ممكن اسمح فيها بالاحتمالات . علشان كدة انا مختار لنفسي اغلي طريقة، مش ارخص طريقة. وتعاملي يكون فقط مع وكيل الصيانة. والمرة اللي رحت فيها ل Canadian Tire كانت اول وآخر مرة(رغم انه غالي وساعة العمالة به = 61.5)

اللي قلبه اجمد شوية يروح للميكانيكيين العاديين ، ساعتهم يتكلف 30 دولار .

والاريح من ده كله ان عربيتك تكون جديدة ومش محتاجة ميكانيكي.

دي كانت تاني مرة في 7 سنين احتاج فيها لاصلاع عطل بالسيارة. وزي مانت شايف نور الباب كلفني 450 دولار رغم انه نور خنزير، امال لو كان نور بقري كان هايكلفني كام؟ :colgate:

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

60 دولار الساعة .. ياعينى على محللى النظم المخدوعين :sneaky2:

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك

  • بعد 3 أسابيع...

يوجد شركة تليفونات long distance اسمها ستارتك، عاملة الدقيقة لمصر ب47 سنت :)

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

رائع، واشتريه ازاي؟ بعض الكروت متاحة لمناطق معينة، ياتري اقدر اشتريه من الانترنت؟

شكرا صامويل

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

آسف ، شكرا مصراوي

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك

  • بعد 6 شهور...

انا باستخدم السايت ده لشراء كروت اكلم بيها مصر..

http://www.arabcallingcard.com/

و السعر بيوصل فى بعض الكروت الى 14 سنت امريكى.

يعنى ممكن كارت ب 10 دولار اتكلم بيه ييجى 60 دقيقه..!!!

و للامانه فيه كروت كويسه و - ساعات - بيكون فيه لخبطه و الاقى فلوس بتروح من الكارت ماتعرفش ليه؟؟

و حاولت اشتكى لكن خدمه العملاء ما بتردش غالبا.

لكن اغلب الاوقات بتكون الخدمه معقوله قوى .

معلهش الرد متاخر طعا بس قلت ..يمكن حد يكون لسه بيدور.

Saken fi Canada we 3ayesh fi Masr

رابط هذا التعليق
شارك

  • بعد 4 أسابيع...

الأخ حورس

هل ينفع نستخدم الكروت دي من كندا؟؟ :?

أنا مش شايف كندا في اللستة....لأن ساعات كتير كروت أمريكا ما بتمشيش في كندا والعكس :idea:

when_born.jpg
رابط هذا التعليق
شارك

  • بعد 2 أسابيع...

عزيزى مصراوى

اسف للتأخر عليك فى الرد

الحقيقه بما انى لسه فى امريكا و لم اطأ أرض كندا بقدمى بعد - و مش باين ... ربنا يستر - فانا مش قادر أجاوب على السؤال بتاعك....

بس انا دورت ع النت على مواقع أخرى و أعتقد ان ده أفضلهم .

ادعيلى ربنا يعدلهالى و أجى كندا و أزورك و أبقى أجرب الكارت ده من هناك.

http://www.nobelcom.com/nobelcom/jsp/produ...5&to_country=90

Saken fi Canada we 3ayesh fi Masr

رابط هذا التعليق
شارك

  • بعد 5 سنة...

عاوزين بقى ياسر يكملنا موضوع بايت بتاع الشوبنج وافضل الاماكن والاسعار وازاي نقدر نشتري عربية من كندا واية الافضل مستعملة ولا جديدة. طبعا زي ما حبيبي ياسر كان قال قبل كدة ان الامريكاني اكتر العربيات اللي الميكانيكية بيفهموا فيها. وطبعا الجديد للى معاة فلوس اسهل بس من خبرتك في كندا رائيك اية؟؟

والاخ العزيز حورس باشا اللي الحمد لله دلوقتي في البرتا وساعة ردة دة كان لسة في امريكا اية رائيك في موضوع الاكل والشراء دة الناس بتوع البرتا يجيبو اكل منين؟؟ اكيد الحسيني مستني ردك.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك

عاوزين بقى ياسر يكملنا موضوع بايت بتاع الشوبنج وافضل الاماكن والاسعار وازاي نقدر نشتري عربية من كندا واية الافضل مستعملة ولا جديدة. طبعا زي ما حبيبي ياسر كان قال قبل كدة ان الامريكاني اكتر العربيات اللي الميكانيكية بيفهموا فيها. وطبعا الجديد للى معاة فلوس اسهل بس من خبرتك في كندا رائيك اية؟؟

والاخ العزيز حورس باشا اللي الحمد لله دلوقتي في البرتا وساعة ردة دة كان لسة في امريكا اية رائيك في موضوع الاكل والشراء دة الناس بتوع البرتا يجيبو اكل منين؟؟ اكيد الحسيني مستني ردك.

انا ممكن ارد عليك يا استاذ/سامح لكن حضرتك طلبت ابو عمار ريس الجالية المصرية في تورونتو وضواحيها..فا انا ماأقدرش افتي و ابو عمار في المدينة.

رابط هذا التعليق
شارك

لا عشان خاطري يابو حميد افتي حيث انة يكمن الفتوى من قبل صاحب الخبرة القوية محمد عمر باشا في حالة عدم رد مهندسنا الكبير ياسر. وعفوا على عدم ملاحظة رد سعادتك الا النهاردة نظرا لكثرة المواضيع الجديدة المتشابهة والتي تصيب الواحد بالملل. تقبل اعتذاري وتحياتي وكل سنة وحضرتك طيب.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك

عاوزين بقى ياسر يكملنا موضوع بايت بتاع الشوبنج وافضل الاماكن والاسعار وازاي نقدر نشتري عربية من كندا واية الافضل مستعملة ولا جديدة. طبعا زي ما حبيبي ياسر كان قال قبل كدة ان الامريكاني اكتر العربيات اللي الميكانيكية بيفهموا فيها. وطبعا الجديد للى معاة فلوس اسهل بس من خبرتك في كندا رائيك اية؟؟

والاخ العزيز حورس باشا اللي الحمد لله دلوقتي في البرتا وساعة ردة دة كان لسة في امريكا اية رائيك في موضوع الاكل والشراء دة الناس بتوع البرتا يجيبو اكل منين؟؟ اكيد الحسيني مستني ردك.

انا ممكن ارد عليك يا استاذ/سامح لكن حضرتك طلبت ابو عمار ريس الجالية المصرية في تورونتو وضواحيها..فا انا ماأقدرش افتي و ابو عمار في المدينة.

اله حقيقى يا استاذ محمد عمر ... فينك ؟؟ بقالك يومان مظهرتش

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...