اذهب الي المحتوي
الأفوكاتو

دردشة: المعوقون

Recommended Posts

المعوقون.

سأبدأ دردشتى اليوم بالحديث عن المعوقين, و لن يكون كلامى عن المعوق المصرى, , فإن رعاية المعوق و كبير السن فى مصر لا تحتل الأولوية التى ييحظى بها المواطن فى البلاد الأخرى المتحضرة.

هل تتذكرون الدكتور طه حسين؟ عميد الأدب المصرى, و وزير التعليم فى فترة الهواء و الماء؟

لقد ولد أعمى, و تعلم فى كُتاب القرية , ثم درس فى الأزهر, و سافرا الى فرنسا, و حصل على الدكتوراة من جامعة السربون, كل ذلك رغم أنه كان قد فقد نعمة الإبصار.

وفى إحدى مظاهرات طلبة الجامعة أثناء توليه وزارة المعارف العمومية, ردد بعض الطلبة هتافات تقول: يسقط الوزير الأعمى.

و قد كان هذا الهتاف من أقذر الهتافات التى أستعملت فى أى مظاهرة طلابية, وأستنكرها أغلب شباب الجامعة, حيث أنه كان أول من طالب بمجانية التعليم الجامعى, و جعل التعليم حق مثل حق الحصول على الماء و الهواء.

و لكن طه حسين لم يفوت الفرصة لكى يرد على هذه الهتافات, فقد قال فى حفل تكريم له فى الجامعة:

الى من نادوا بسقوط الوزير الأعمى, أقول, أحمد الله أنه خلقنى أعمى, حتى لا أرى وجوهكم.

سبب الكلام عن الدكتور طه حسين هو أنى قابلت شخصية مرت بظروف تماثل ظروف الدكتور طه حسين ( باشا).

عندما تم ترشيحى لتدريس القانون فى جامعة لييدز, طلبوا منى مقابلة البروفوسير ماكريدى, عميد مدرسة الحقوق( أى كلية الحقوق), و كان قد تحدد لى ميعادا, و كنت فى مكتب سكرتيرته فى الساعة المحددة بالضبط.

إبتسمت السكرتيرة, ثم قالت, البروفوسير فى إنتظارك, هل ترغب فى فنجان من الشاى أثناء المقابلة؟ فشكرتها بالقبول.

دخلت حجرة العميد, و رأيته جالسا عل مقعده خلف مكتبه, مرتديا نظارة غامقة اللون, ووقف فور دخولى الحجرة, و مد يده الى مصافحا, ثم سألنى بأدب شديد أن أجلس.

و استمرت المقابلة 30 دقيقة, تناولت خلالها فنجان الشاى, و تحدثنا فى أمور الوظيفة و متطلباتها, ثم وقف مادا يده, مصافحا, قائلا:

مرحبا بك فى الفريق.

شكرته, و غادرت مكتبه, وودعتنى السكرتيرة, و قبل مغادرة مكتبها, سألتها: لماذا يرتدى بروفوسير ماكريدى نظارة سوداء رغم أن الإضاءة فى المكتب لم تكن وهاجة؟

فابتسمت,و قالت:أوه, أنت لا تعرف؟ البروفوسير فقد النظر فى حادثة سيارة منذ كانعمره 10 سنوات.

و تركت مكتب العميد ,انا أتذكر الدكتور طه حسين.

إذن لماذا أكتب هذه الكلمات الآن؟ السبب بسيط:

زارنى منذ أسبوعين صديق و زميل سابق من كلية أخرى, وهو أستاذ فى الأدب الإنجليزى, و قد تقاعد فى العام الماضى, و كنا نتزاور باستمرار, و لكن فى الفترة الأخيرة, لم أره و لم أسمع منه . فقررت أن أسأل عنه, و بعد مكالمة تليفونية, عرفت السبب.

قال صديقى أن الجامعة طلبت منه العودة 0(بارت تيم) , لكى يقوم بعمل إنسانى مدفوع الأجر:

طُلب من الأستاذ أن يساعد طالب معوق فى إستيعاب بعض الدروس فى الأدب الإنجليزى, لمدة ساعتين , مرتين أسبوعيا, حتى يتمكن من دخول إمتحان القبول فى الكلية.

و الطالب مصاب بعمى جزئى فى عين, و عمى كلى فى الأخرى, و مصاب بضمور فى عضلات الأرجل واليد اليمنى, و يستعمل كرسى متحرك بالكهرباء.

يقوم صديقى بزيارته فى بيته مرتين فى الأسبوع, و كما ذكرت , لمدة ساعتين فى كل زيارة , من الناحية الرسمية , و لكنه يقضى معه 4 ساعات, متطوعا بفرق الزمن, لأن ما يقوم به هو واجب إنسانى على حد قوله.

و صرح لى صديقى أنه يعمل وقتا إضافيا فى البيت لكى يُحضر, و يصحح عمل الطالب المقعد, و لا يتقاضى أجرا عن الساعات الإضافية

بالمناسية, تقوم الجامعة بتحمل كل هذه المصاريف, بما فيها مصاريف إنتقاله.

سوف أترك لكم التعليق على هذا.

شارك هذه المشاركه


رابط المشاركه
شارك

انا من وجهة نظرى هذة الدردشة ما هى الا ملخص بسيط و جميل لأحدى أهم نقاط الخلاف بيننا وبينهم...أعنى Human & time value ، قيمة الأنسان و الوقت اللتان شبه منعدمان فى بلدنا بكل أسف...

أضف عليهم "غلظة" قلوب الكثيرين لأسباب عدة...

شكرا لنقلك تلك الدردشة التى أعتبرها "دردشة الصالحين" ..

و أنتهز الفرصة لأدعو الله ان يغير ما بأنفسنا من كل شر.

شارك هذه المشاركه


رابط المشاركه
شارك

يبدو ان المعوق ينظر اليه الناس في مصر علي انه انسان بلا قيمه وان اي اعاقه تنقله من انسان الي نصف انسان ولذا لا تجد سوي نظره شفقه من كل من حوله،،،،واذا اصاب اي انسان باي عاهه انتقل من انسان مهما كانت قيمته الي مهمل بعكس اي دوله اخري لي اخ اصيب بشلل اثر جلطه في المخ عاش بعدها حوالي ١٣ سنه لم الاحظ اي تغير في نظرة الناس له،،،لم تسحب رخصة سيارته بالرغم ان الشلل اصاب يده ورجله كل ما هناللك طلب منه اضافة اشياء بسيطه جدآ لتسهيل السواقه،،،لم يشطب من نقابة الاطباء ولكن منع من الجراحه فقط

كان يعيش حياته عادي جدا ،،،،قرر يقوم برحله الي مصر وبلاد اوربا بمفرده لانه كان يعتبر نفسه انسان عادي الغريبه انه قال لي ان البلد الوحيد الذا حس انه معتوه لمجرد انه معوق كانت مصر برغم حبه الشديد لها

هذه النظره تاتي من عدم الامكانيات التي تمكن المعوق من ممارسة حياته بطريقه عاديه وعدم اهتمامنا بالمعوق والنظر الي الجزء السلبي فقط الذي فقد برغم انه ربما يفقد جزء من جسمه ولكن عقله مازال قادر علي العطاء وربما اكثر من انسان سليم الجسد مريض التفكير

شارك هذه المشاركه


رابط المشاركه
شارك

الأخت سناء كتبت

يبدو ان المعوق ينظر اليه الناس في مصر علي انه انسان بلا قيمه وان اي اعاقه تنقله من انسان الي نصف انسان ولذا لا تجد سوي نظره شفقه من كل من حوله

من قال هذا يا مدام سلوى !!! أنا لا أتفق معكم بأنه يوجد معنى لكلمة معوق اساساً فى مصر .. وذلك لسبب بسيط وهو أن المواطن السليم لا توجد له حقوق فى مصر وكلنا نعامل معاملة الدواب ... هذه حقيقة أنظري للمعاملة فى أقسم الشرطة ، المستشفيات، المواصلات ... إذاً فسوف يكون من الترفية .. والترفيه الزائد عن الحد لو تشدقت الحكومة بكلام عن حقوق المعوقين .

وهي ماسأة بكل معنى الكلمة أن نعاقب ونهمل أنسان ليس له ذنب فى الوجود إلا أنه أُبتلي من ربه ففقد حاسة من حواسه أو جزء من جسمه .

شارك هذه المشاركه


رابط المشاركه
شارك

شكرا للأخ هوايت هارت, و السيدة سناء, و الأخ سى السبد على مشاركتهم فى الموضوع.

و اليكم أهدى هذه القصة:

أصيب والد زوجتى بنوبة فلبية , و تطلبت عملية جراحية أدت فى النهاية الى شلل نصفى فى اليد اليمنى, و الرجل اليمنى.

تخيلوا ماذا يحصل عليه الآن من الحكومة الإنجليزية؟

كل صباح, يحضر شخص ( أحيانا رجل, و أحيانا سيدة) من البلدية لكى يقوم برعاية نسيبى شخصيا, فيقوم بوضعه فى الحمام, و إعطائه دوش, ثم تغيير ملابسه, و قص أظافره.

ثم يقوم بإعطائه بعض التمارين الرياضية لأصابع اليد اليمنى, و القدم اليمنى.

و بعد ذلك يحضر الى منزله كل أسبوع مندوب من البلدية لكى يقوم بتنظيف المنزل, و غسيل الملابس, و قص الحشائش فى الحديقة.

و نظرا لأن زوجته هى أيضا كبيرة السن, فقد حصلوا على الحق فى الحصول على أطعمة يتم أرسالها لمنزلهم أسبوعيا, بعد دفع مبلغ رمزى لهذه الخدمة.

أقول هذا مرة أخرى بدون تعليق.

و تقبلوا تحياتى.

شارك هذه المشاركه


رابط المشاركه
شارك

شكرا  للأخ هوايت هارت, و السيدة سناء, و الأخ سى السبد على  مشاركتهم فى الموضوع.

و اليكم أهدى هذه القصة:

أصيب والد زوجتى بنوبة فلبية , و تطلبت عملية جراحية أدت فى النهاية الى شلل نصفى فى اليد اليمنى, و الرجل اليمنى.

تخيلوا ماذا يحصل عليه الآن من الحكومة الإنجليزية؟

كل صباح, يحضر شخص ( أحيانا رجل, و أحيانا سيدة)  من البلدية لكى يقوم برعاية نسيبى شخصيا, فيقوم بوضعه فى الحمام, و إعطائه دوش, ثم تغيير ملابسه, و قص أظافره.  

ثم يقوم بإعطائه بعض التمارين الرياضية لأصابع اليد اليمنى,  و القدم اليمنى.

و بعد ذلك يحضر الى منزله كل أسبوع مندوب من البلدية لكى يقوم بتنظيف المنزل, و غسيل الملابس, و قص الحشائش فى الحديقة.

و نظرا لأن زوجته هى أيضا كبيرة السن, فقد حصلوا على الحق فى الحصول على أطعمة يتم أرسالها لمنزلهم أسبوعيا, بعد دفع مبلغ رمزى لهذه الخدمة.

أقول هذا مرة أخرى بدون تعليق.  

و تقبلوا تحياتى.

أبلغ تعليق هو " لا تعليق "...

فى مصر يقولك أخبط دماغك فى الحيط أذا كنت تعبان أو غيره

لكى الله يا مصر ويا شعب مصر الغلبان

شارك هذه المشاركه


رابط المشاركه
شارك

المشكلة أن الكلاب فى هذه الدول يتم رعايتها بصورة لا يراها 90 % من المصريين المقيمين فى مصر(آسف على التعبير لكنها الحقيقة المرة والتى لا مفر منها)

واذا أصاب أى أحد مرض بيعيشوا سنين سودا ويشحتوا من هنا ومن هنا ويروحوا مستشفيات تقرف وينتظروا بالساعات لحد ما الدكتور يتكرم ويديهم جزء من وقته ويترك الجريدة التى فى يده ... أما أذا كان حد مستعجل فأمامه أحد الحلين: أما أن يخبط دماغه فى الحيط أو يدفع للمرضه المعلوم وكل ما المعلوم كبر كل ما خلص بسرعة...

يا مصريين

الصبر أشتكى منكوا

والله حرام عليكوا اللى بتعملوه فى نفسكوا ده

شارك هذه المشاركه


رابط المشاركه
شارك

الأفوكاتو كتب

شكرا  للأخ هوايت هارت, و السيدة سناء, و الأخ سى السبد على  مشاركتهم فى الموضوع.

و اليكم أهدى هذه القصة:

كل صباح, يحضر شخص ( أحيانا رجل, و أحيانا سيدة)  من البلدية لكى يقوم برعاية نسيبى شخصيا, فيقوم بوضعه فى الحمام, و إعطائه دوش, ثم تغيير ملابسه, و قص أظافره. 

ثم يقوم بإعطائه بعض التمارين الرياضية لأصابع اليد اليمنى,  و القدم اليمنى.

و بعد ذلك يحضر الى منزله كل أسبوع مندوب من البلدية لكى يقوم بتنظيف المنزل, و غسيل الملابس, و قص الحشائش فى الحديقة.

و نظرا لأن زوجته هى أيضا كبيرة السن, فقد حصلوا على الحق فى الحصول على أطعمة يتم أرسالها لمنزلهم أسبوعيا, بعد دفع مبلغ رمزى لهذه الخدمة.

والله بجد حرام كده ... حرام التعقيد اللى بتعقدهولنا ده يا متر ، دي أمثلة أستفزازية تخلي الواحد ينزل مصر حالاً وأخد شعنونة من اديها وأروح أشتري أنا وهي فنطاس جاز ونأجر 10 صعيده ونولع فى البلد .......

مش بأقولك الناس دي بيعملونا زي الدواب .

عفواً عزيزي عنكبوت ، مصريين مين اللى حرام ليهم ؟!!! طب مأحنا مصريين !! يا كابتن عنكب الحل فى الجاز صدقني .. الحل فى الجاز

شارك هذه المشاركه


رابط المشاركه
شارك

إسمحوا لي أن أشاركم في هذه الدردشة الجميلة ....

و لي تعقيب علي نقطتين .... يمكن يكون النقطتين وجهين لعملة واحدة زي ما سأوضح في الأخر لكن الفرق كبير ...

الأولي ... نحن و هم .... نحن كـ "مصر" و هم كـ "دول العالم المتحضر" .... معلهش لكن أنا حاسس بقليل من التجني علينا في موضوع توفير هذه الرعاية لفئات من الناس .... إحنا مازلنا دولة من دول العالم التالت اللي بيدلعوها و يقوللها الدولة النامية .... هذه الرعاية محتاجة الجامعة تدفع ساعات إضافية للأستاذ ... في حين الجامعة مش قادرة تدفع علشان تبني مدرجات للطلبة .... و للأسف الشديد ... مفهوم زي العمل الخيري التطوعي مش بهذا الإنتشار في مصر .... لأن الناس حياتها مش بهذا القدر من الرفاهية إنها تقدر توفر حياة كويسة لنفسها علشان تقدر تنزل تعمل عمل تطوعي ببلاش .... و علي هذا فمازال أمامنا طريق طويييييييل حتى نصل لهذه الدرجة .... و مع ذلك هذا لا يسقط حق هؤلاء في الرعاية المناسبة ....

النقطة التانية ..... Human Value ..... قيمة الإنسان عندنا في مصر تتوقف علي حاجات كتير أوي غير قيمته كإنسان .... يعني مثلا وظيفته ... مركزه .... فلوسه .. نسبه .... قوته .... سلطته .... أي حاجة غير قيمته هو كشخص له شخصيته المستقلة و المختلفة عن الأخرين .... و ده بطريقة أو بأخري أحد أسباب البقاء الأبدي للحكام في الحكم .... لو الحاكم عرف إنه لما يمشي من الحكم هيلقي معاملة محترمة من الناس ... و هيفضل زي ما كان راجل محترم ... كان مش هيوجع قلبه بالبقاء في الحكم ... لكن بمجرد خروجه من الحكم يتحول إلي هدف ثابت سهل لكل أجهزة الإعلام ... و يبقي الراجل سبب كل مشاكلنا بعد ما كان قائد المسيرة ....

الناس للأسف سطحية للغاية و تعشق المظاهر ... لكن القيمة الحقيقة محدش بيبص لها ....

النقطتين وجهة لعملة واحدة ... لأن الأولي هي القدرة المادية علي توفير الرعاية .... و ديه مش في مقدورنا .... و التانية هي القدرة النفسية – أي الرغبة – لتوفير الرعاية ... و هي برضه مش موجودة .... و ديه للأسف واحدة كمان من الصفات السيئة لهذا الشعب الجميل .... الذي يبدو أن صفاته السيئة لا تريد أن تنتهي .... "وش قمة في الإحباط" ...

شارك هذه المشاركه


رابط المشاركه
شارك

Lancelot

كل كلامك صح بس هما مش وجهين لعمله .....هي العمليه تنحصر فقط في قيمة الانسان ...لو الانسان قيمته في انه انسان وليس بما يملك او بوضعه الاجتماعي...او بوظيفته ومركزه ...هنا كانت الرعايه ستوجد وان لم تجد كامله فعلي الاقل يوجد الحد الادني منها

ولذا عندما يصبح الانسان معوقآ فيفقد المركز والوظيفه فيفقد قيمته

بل ممكن ينطبق عليه مثل الحي ابقي من الميت

علي فكره يا Lancelot اوعي تفتكر اني بتجني علي البلد او بقارن دول غنيه تنعم بالرفاهيه بدوله من العالم التالت ....مصر دي مفيش احسن منها بس المشكله ان كل واحد بيرمي الخطآ علي الاخر ومن كتر اللي بنشوفه بنفتكر ان مفيش فايده ....وكل واحد بيسافر بره مصر ويشوف نظام احسن بيكون غيور علي بلده نفسه مصر تكون احسن بلد في الدنيا

شارك هذه المشاركه


رابط المشاركه
شارك

سيدتى الفاضلة سناء,

ما تقولينه صحيح, فالمشكلة ليست فى المصرى, ألمشكلة هى فى النظام الحاكم.

لم يكن ذكرى لقصة طه حسين عشوائيا, بل تعمدت ذكر فترة من تاريخ مصر, عندما كانت الثقافة و الحضارة و الإقتصاد المصرى فى القمة, و كانت مصر مركز جذب لأجانب فضلوا الحياة فى مصر عن الحياة فى اليونان و أيطاليا.

لقد كنا نُصدر الحضارة, و الآن لا نجدها, و انخفضت قيمة الإنسان المصرى, إذ كيف يحترم العالم قوم لا تحترم حكومتهم حقوقهم الأساسية؟

ملايين من أموال الشعب ينهبها المقربون, و هذه الأموال كان يمكن نكريسها لإعطاء المواطن المصرى بعض الأمل, و بعض الأمان , و لكن هذا ليس ضمن أولويات النظام الحاكم.

إن حق المواطن المصرى فى أن يعيش حياة كريمة , و هو حق من الحقوق الأساسية , هو آخر ما تفكر فيه حكومتنا السنية.

شارك هذه المشاركه


رابط المشاركه
شارك

سيدتي الفاضلة سناء ..... أنا أسف لم أقصد أبدا إن أي حد بيتجني علي مصر .... لكن قصدي إن الموضوع له بعد إقتصادي فوق قدرتنا ... علشان كده إحنا مش قادرين نوصل لهذه الرعاية الفائقة اللي تعقد ....

لكن الموضوع له بعد تاني غير إقتصادي و هو تواجد الرغبة في توفير هذه الرعاية .... لتوفير هذا الحد الأدني منها الذي ذكرتيه حضرتك ..... و هو ده وجه التقصير مننا كشعب و حكومة .....

شارك هذه المشاركه


رابط المشاركه
شارك

امبارح خدت ولد اسمه احمد عنده 20 سنة

اصيب من حوالي 4 سنين بقيرس في المخ meningites

ادى الى اصابته بشلل كلي

المهم رحنا عند الدكتور

وانا كنت فاكره انه بطل يسمع ويشوف او يتكلم

لكن فوجئت انه سامع وفاهم

لا وبيضحك كماااان؟؟!!

"وش فرحان جدااا"

وانا قاعدا لقيته هوا بصلي وابتسم

رحت ابتسمت له

ومديت ايدي قلتله سلم عليا

ف ماماته جت تساعده

فقلتلها لا

سيبيه لوحده

راح هوا تحامل وسلم عليا

الحمدلله كشفنا وخدنا ادوية وفيه امل كبيييير جدا جدا انه يتحسن ويرجع انسان يعتمد على نفسه بدل ما هوا معتمد على والدته

المنهاردا الصبح صحيت على تلفون من احمد دا شخصيا

كلمني وسلم عليا واتفقنا انه ها يكلمني كل يوم يقول عمل تمريناته او لا وخد الدوا والا لا

مامته قالتلي انه اول مرة يتكلم كدا كتيير

عادة بيتكلم كلمتين وبس

النهاردا عرفت انه حاجا صغيرة اوي ومجهود ساعا واحدا بس ممكن يفرق في مشارعر وحياة انسان

ممكن يطلع انسان السما ويديله ارادة وعزم

انا بقول الكلام دا عشان المادة مش كل حاجا

المشاعر الأنسانية والرحمة والمودة اهم من الفلوس في التعامل بكتييير جدا

شارك هذه المشاركه


رابط المشاركه
شارك
امبارح خدت ولد اسمه احمد عنده 20 سنة

اصيب من حوالي 4 سنين بقيرس في المخ meningites

ادى الى اصابته بشلل كلي

المهم رحنا عند الدكتور

وانا كنت فاكره انه بطل يسمع ويشوف او يتكلم

لكن فوجئت انه سامع وفاهم

لا وبيضحك كماااان؟؟!!

"وش فرحان جدااا"

وانا قاعدا لقيته هوا بصلي وابتسم

رحت ابتسمت له

ومديت ايدي قلتله سلم عليا

ف ماماته جت تساعده

فقلتلها لا

سيبيه لوحده

راح هوا تحامل وسلم عليا

الحمدلله كشفنا وخدنا ادوية وفيه امل كبيييير جدا جدا انه يتحسن ويرجع انسان يعتمد على نفسه بدل ما هوا معتمد على والدته

المنهاردا الصبح صحيت على تلفون من احمد دا شخصيا

كلمني وسلم عليا واتفقنا انه ها يكلمني كل يوم يقول عمل تمريناته او لا وخد الدوا والا لا

مامته قالتلي انه اول مرة يتكلم كدا كتيير

عادة بيتكلم كلمتين وبس

النهاردا عرفت انه حاجا صغيرة اوي ومجهود ساعا واحدا بس ممكن يفرق في مشارعر وحياة انسان 

ممكن يطلع انسان السما ويديله ارادة وعزم

انا بقول الكلام دا عشان المادة مش كل حاجا

المشاعر الأنسانية والرحمة والمودة اهم من الفلوس في التعامل بكتييير جدا

روحي يا شيخه ... ربنا يكرمك

قد أيه الواحد بيحس بقيته فى الحياه لما يعمل حاجة تسعد الآخرين ، خاصة لما يكونوا من ذوي الاحتاجات الخاصة الذين يتنصل منهم ويهملهم المجتمع المحيط بهم وكأنهم نكرات ... شكراً يا شعنونة أنت أنسانة عظيمة ( بس آه لو تبطلي جنونة اليأس اللى ساعات بتجيلك دي !!!! )

شارك هذه المشاركه


رابط المشاركه
شارك

الحقيقة الموضوع دة مأساة بمعني الكلمة.... شئنا ام ابينا المواطن المصري مالهوش حقوق غير حقين فقط... الماء و الهواء غير كدة مفيش وسعات والله بتصفصف علي الهواء بس.......

دايما يقولولنا مصر ام الدنيا و ان احنا احسن ناس... لية مش عارف ...بأمارة اية لسة مش عارف هوة كدة وخلاص...... و عشنا كلنا الوهم و لبسنا السلطانية .... وبعدين فوقنا لكن لسة حدود الوهم موجودة.....

تأخد اية من موظف بيشتغل 30 دقيقة في اليوم كمتوسط.... موظف كسلان ... عايز اي طريقة علشان ياخد نصف جنية من دة ولا خمسة جنية من غيرة..... المصريين كلهم مهانين في بلدهم الا ذوي الاموال و النفوذ و السلطة....غير كدة مفيش باقي الشعب بيعامل معاملة الكلاب (اسف) بس هي دي الحقيقة .... انا و انت وغيرنا ملناش قيمة قدام الحكومة احنا ولا حاجة هواء مجرد هواء... وجودنا ماهو الا ليصبحوا حكام علينا و اصحاب نفوذ....

في النهاية اقول احفاد الحاكم فرعون لسة موجودين وان اختلف شكلهم و لكن تعددت ملوك الفراعنة و المبداء واحد.... إزلال و ظلم و استعباد......

شارك هذه المشاركه


رابط المشاركه
شارك
الحقيقة الموضوع دة مأساة بمعني الكلمة.... شئنا ام ابينا المواطن المصري مالهوش حقوق غير حقين فقط... الماء و الهواء غير كدة مفيش وسعات والله بتصفصف علي الهواء بس.......

دايما يقولولنا مصر ام الدنيا و ان احنا احسن ناس... لية مش عارف ...بأمارة اية لسة مش عارف هوة كدة وخلاص...... و عشنا كلنا الوهم و لبسنا السلطانية .... وبعدين فوقنا لكن لسة حدود الوهم موجودة.....

تأخد اية من موظف بيشتغل 30 دقيقة في اليوم كمتوسط.... موظف كسلان ... عايز اي طريقة علشان ياخد نصف جنية من دة ولا خمسة جنية من غيرة..... المصريين كلهم مهانين في بلدهم الا ذوي الاموال و النفوذ و السلطة....غير كدة مفيش باقي الشعب بيعامل معاملة الكلاب (اسف) بس هي دي الحقيقة .... انا و انت وغيرنا ملناش قيمة قدام الحكومة احنا ولا حاجة هواء مجرد هواء... وجودنا ماهو الا ليصبحوا حكام علينا و اصحاب نفوذ.... 

في النهاية اقول احفاد الحاكم فرعون لسة موجودين وان اختلف شكلهم و لكن تعددت ملوك الفراعنة و المبداء واحد.... إزلال و ظلم و استعباد......

عيبك يا منمان انك طيب أكتر من اللازم ....... حتى الهواء يا صديقى لا نحصل عليه ، فكل التقارير الدولية والمحلية والملوخية بتأكد أن هواء مصر يحقق اعلى معدلات تلوث في العالم كله ... أنزل القاهرة وشوف بعنيك ( مش شم ) الدخان والعوادم والتلوث على أصوله.

ويقولك يا عم الناس عايشه وزي الفل ومعدتها تهضم الزلط ... والنتيجة عملنا أرقام قياسية عالمية فى عدد المصابين بفيروس الكبد الوبائي سي وكذلك أعداد مرضى الفشل الكلوي والسرطان .. ربنا يعافينه.

شارك هذه المشاركه


رابط المشاركه
شارك

كيف حالكم يا احبائى؟

عارفين ؟

سنة 1992 فى اوليمبياد برشلونة لذوى الاحتياجات الخاصة..ذهبنا نشجع

اولادنا المصريين..وفوجئنا..انهم فوجئوا..وده ليه؟

الكل يهتم فقط بالرياضى السليم الجسد...ومعوق فكريا..

ولادنا المصريين ـ الغير معوقين ـ هم اللى رفعوا اسم مصر..

كل الجرائد والناس كانت تتكلم عنهم.

احييكم كلكم على الموضوع الجميل..

ياسيدى سى السيد....متتلخبطش فى اسمى...سلوى...مش سناء..والا علشان

ال SA..

وانتى ياشانا عارفة رأيى فى الموضوع ده..بالاهتمام والحنان ممكن الناس دى تعمل معجزات.

يوجد محاسب لشركة كبيرة هنا...اعمى.ـ البصر فقط ـ وليس البصيرة.

وهو يستخدم كمبيوتر خاص..ومهما حاولت..لاتجد له غلطة واحدة.

وسبحان الله.

وكما قلت لكم سابقا..موضوع الرسم..وغيره.

والحمدلله ..

ربنا يحميكم..ومن يستطيع تقديم خدمة...لايبخل..حتى لو كانت القراءة للمسنين وادخال السعادة فى نفوسهم حتى بقضاء بعض الوقت فى صحبتهم..

سلامى.

شارك هذه المشاركه


رابط المشاركه
شارك

السلام عليكم

كل ده ولسه ما سمعتش حد بيتكلم عن معامله المعوقين في مصر او تجربه شخصيه ممكن ادلى بدلوي لو سمحتو لى

اولا احمد الله الف مره انه ابتلاني باصابه بسيطه لمرض شلل الاطفال نتيجه جرعه تطعيم حكوميه فاسده (اغلب الظن والله اعلم) والحمد لله تماثلت للشفاء وتمكنت من اللعب مع اقرانى صحيح مش 100% بس الحمد لله انا بقدر امشى واجرى وممكن ابرطع لو حبيت

المهم في العموم نسيت الاعاقه تماما يعنى لم اطلب اي تسهيل من التسهيلات المخصوصه للمعوقين لان الله عافانى

ولكن لما خلصت الجامعه وتقدمت للعمل طلبو كعب عمل رحت اطلبه من مكتب العمل قالولى شهاده الجيش فين ولما شافوها وجدوا اني معافي بسبب الاعاقه قالولى لا لا لا لا لا لازم تعمل تاهيل قلت لهم يعنى ايه؟؟؟؟؟

المهم طلع التاهيل ده عباره عن لف اسبوع من توقيع فلان ثم علان يليه ترتان

ولا تاهيل ولا تهبيل ولا يحزنون

اما كعب العمل مكتوب عليهعاجز مؤهل

وقالت لى الموظفه سجلناه في دفتر العجزه

ودارت الايام واضطرت ان اطلب حقي في التعين 5% معوقين واكتشفت انه كلام فشنك

اما عن استخراج رخصه القيادة والقومسيون الطبي مش عاوز ازعلكم

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • المعوّقُون.

      المُعوّقُون. سأبدأ مقالى اليوم بالحديث عن المُعوّقين, و لن يكون كلامى عن المُعوّق المصرى, , فإن رعاية المعوق و كبير السن فى مصر لا تحتل الأولوية التى يحظى بها المواطن فى بعض البلاد الأخرى . هل تتذكرون الدكتور طه حسين؟ عميد الأدب المصرى, و وزير التعليم فى فترة الهواء و الماء؟ لقد أصيب بالعمى فى سن الطفولة, و تعلم فى كُتاب القرية , ثم درس فى الأزهر, و سافرا الى فرنسا, و حصل على الدكتوراة من جامعة السربون, كل ذلك رغم أنه كان قد فقد نعمة الإبصار. وفى إحدى مظاهرات

      في موضوعات جادة

    • دردشة فضفضة تشااات اي كلام فاضي معقول والسلام :))))

      ياسلام على الحرية وجمالها ,, نبدأ الكلام ونقول بسم الله الرحمن الرحيم ,, اتوقع التوبيك ده حيسجل ريكورد في عدد المشاركات والمشاهدات ,, تحت رعاية الساحر المتالق المبدع الفلته النابغة الخنقه :happy: خنيق خنيق يعني :happy: نازل اجيب سندوتشات سوخنه عشان السسهرة صباحي والله اعلم ماحدش يحدف طوب عشان الحكم قاعد ومستحلف تشاو يا بشر ,,

      في موضوعات خفيفة

    • دردشة: أسباب تدهور مهنة المحاماة فى مصر

      دردشة: أسباب تدهور مستوى مهنة المحاماة فى مصر. . ليس المقصود من هذا المقال النيل من سمعة المحامى المصرى, فهو مواطن يعانى و يقاسى ما يعانيه بقية الشعب. و يعمل فى ظل ظروف مجحفة, و مناخ أصبحت فيه كلمة القانون لا معنى لها. بصفة عامة, نلاحظ تدهور فى الثقافة المهنية, فما يُقال عن مستوى مهنة المحاماة يمكن أيضا أن يعكس ما تعانيه مهن أخرى, مثل الطب, و الهندسة. و ليس من السهل وضع أصبع على سبب واحد, أو عدة أسباب منفردة, بل إن المشكلة سببها ليس فقط تعدد, بل تشابك هذه الأسباب. دعونا أولا ندرس المكونا

      في موضوعات خفيفة

    • دردشة: القاب و تسميات طريفة

      دردشة : طرائف الألقاب. فكرت كثيرا فى كيف تؤثر الألقاب على سير حياة الإنسان المصرى. فيستعمل لقب أستاذ كل من هب و دب, فالحاصل على الإبتدائية, يُلقب باستاذ فى المصلحة الحكومية التى يعمل به, و فى الدول الغربية, يُطلق لقب دكتور على من حصل على درجة الدكتوراة فى الفلسفة, و لكن إذا استمر هذا الشخص فى العمل الجامعى , و شغل مقعد الأستاذية, فإنه يشار اليه بلقب " بروفوسير, بدون داعى لذكر لقب " دكتور" و فى مصر, لأن لقب " أستاذ" يُمنح لكل من هب و دب, فإن حاصلى الدكتوراة يستعملون لقب " دكتور" أما أساتذة ا

      في موضوعات خفيفة

    • دردشة فى المطبخ

      انا راجل بحب المطبخ واكتشفت اسرار كتير للطبخ بس برضه نفسي اعرف وصفات تانية من رجالة وستات و اسمع تجاربكم 1 ) طريقة تتبيل السمك 1) بعد شراء السمك وغسله جيدا و تنظيفه يتم عصر 2 ليمونة كبيرة على كل كيلو وغسلوه جيدا بالليمون 2) دهان السمك من الداخل و الخارج بالكمون و الكاري و الجنزبيل ( الجنزبيل شوية صغيرة يعني ربع معلقة صغيرة اما الكاري كتر و متخفش ) 3 ) وضع الثوم ( القليل منه مش كتير قوي ) مع الملح مع فلفل اخضر مع شوية كاري مع لمونة مع شوية صغيرة مية فى الخلاط لعمل عصير ودهان السمك من الداخل و

      في المطبخ

×
×
  • اضف...