إستفسار عن الحصول على تأشيرة زيارة للكويت من السعودية

[مصرى و متغرب]

اخوكوا صيدلى فى المنطقة الشرقية بالسعودية

عايز اروح الكويت فى زيارة

لو حد يعرف ايه الإجراءات او التأشيرات المطلوبة ع الباسبور ياريت يقولى!!!!! B) :aslam:

علما بأنى هاسافر برى إن شاء الله

افيدونى افادكم الله

[se_ Elsyed]

تم تغيير عنوان الموضوع ليُعبر عن محتواه .

[HDarwish]

اخوكوا صيدلى فى المنطقة الشرقية بالسعودية

عايز اروح الكويت فى زيارة

لو حد يعرف ايه الإجراءات او التأشيرات المطلوبة ع الباسبور ياريت يقولى!!!!! B) :aslam:

علما بأنى هاسافر برى إن شاء الله

افيدونى افادكم الله

إنت عايز تدخل الكويت تعمل إيه؟

[أسد]

تليفون سفارة الكويت في الرياض

4883500

فاكس 4883682

اتصل بهم حيقولولك على المطلوب بالتفصيل

بالتوفيق

[Diab]

لو حد عملك زيارة من هناك الموضوع مش هياخد منك ايام

الكويت من اسهل دول الخليج في عمل الزيارة

[HDarwish]

الزيارة يا عائلية يا تجارية يا سياحة

العائلية: لازم يكون ليك حد هنا قريبك من الدرجة الأولى بس (الأب أو الأم أو الإبن أو البنت) الأخ والأخت ممكن بس بيكون فيها شوية كلام

التجارية: لو ليك حد هنا في الكويت ممكن يعملهلك عند أي واحد من تجار الإقامات وكنت أعرف إنها بتتكلف حوالي من 120 إلى 150 دينار

السياحة: معرفشي عنها حاجة إلا إن لازم واحد كويتي يعملك دعوة

علشان كده أنا سألت عايز تيجي الكويت تعمل إيه على هذا الأساس

تحياتي وتمنياتي بالتوفيق

[madzoro]

يا جماعة هو اللي معاه اقامة في السعودية ممكن يدخل الكويت او الامارات عادي بتاشيرة من على الحدود و لا ايه ؟؟؟؟؟؟؟؟؟؟

عموما بالنسبة للامارات عادي و انا متاكد منها بس هي بتعتمد على المهنة اللي في الاقامة

افضل حل انك تتصل بالسفارة على الارقام اللي كتبها الاخ الفاضل اسد و ان شاء الله تلاقي الاجابة الشافية

و يا ريت تعرفنا الاجابة

بالتوفيق

تم تعديل October 12, 2008 بواسطة madzoro

[مصرى و متغرب]

متشكر جدا ياجماعة لسرعة ردودكم واهتمامكم

الزيارة فعلا عائلية للكويت

انا كنت باسأل :

هل ممكن اخد التأشيرة من على الحدود؟؟؟

وهل لازم اجيب تأشيرة ذهاب وعودة على الباسبور؟؟؟

لو حد عنده تجربة سايقة من المقيمين فى الخافجى او حفر الباطن ياريت يقولى..........

انا كمان سمعت ان الكويت ممكن تدخلها بجواز السفر وبس على حسب الوظيفة !!!!1

هل الكلام ده صحيح

وشكرا جدا لكل الأخوة اللى بيحاولوا يفيدوا اخوانهم

[buhana]

مش مهم انك صيدلى او نجار

طالما انك مقيم قانونى باحدى دول مجلس التعاون الخليجى ممكن تاخد التاشيره لاى بلد عضو فى مجلس التعاون من الحدود سواء بريه او جويه اوبحريه

تم تعديل October 12, 2008 بواسطة buhana

[mezo]

مش مهم انك صيدلى او نجار

طالما انك مقيم قانونى باحدى دول مجلس التعاون الخليجى ممكن تاخد التاشيره لاى بلد عضو فى مجلس التعاون من الحدود سواء بريه او جويه اوبحريه

لا الكويت بالذات المهنة تهم مدام مقيم فى دول مجلس التعاون الخليجى

تأشيرة دخول لمقيمي دول مجلس التعاون إلى دولة الكويت

تأشيرة دخول عند الوصول

بناء على تعليمات الإدارة العامة لشئون الهجرة بوزارة الداخلية ، تقرر السماح لمقيمي دول مجلس التعاون (عدا الجنسية العراقية) بدخول البلاد ومنحهم سمة دخول للسياحة من حاجز التأشيرات بالمطار صالحة للإقامة المؤقتة لمدة ثلاثة أشهر بعد التأكد من توافر الشروط التالية :

أن تكون مهنة القادم إحدى المهن المذكورة (قاضي ، مستشار ، أعضاء النيابة العامة ، محامي ، طبيب ، مهندس ، معلم ، معلم جامعة، صحفي ، صحافة ، موظفي الأعلام ، طيار ، محلل نظم ، صيدلي ، مبرمج كمبيوتر ، مدير ، رجل أعمال ، دبلوماسيين ، الملا ، مدراء وممثلي الشركات التجارية ، شركات والمؤسسات ، أصحاب المؤهلات الجامعية) .

أن لا يكونوا من حملة وثائق السفر أو تذاكر المرور بكافة أنواعها .

أن يكون لديهم جوازات سفر وإقامة لا تقل صلاحيتها عن ستة أشهر في إحدى دول مجلس التعاون .

أن لا يكون مسجلا بشأنهم قيود أمنية بدولة الكويت تمنعهم من الدخول أو الخروج منها .

أن يكون القادمين حاملي تذاكر سفر (عودة) .

أن يحدد بطلب التأشيرة على حاجز التأشيرات بالمطار عنوان سكنه بالكويت .

مع العلم بأنه يسمح لزوجة وأبناء وخدم الفئات المشار إليها بدخول البلاد شريطة وجود إقامة بكفالته بالإضافة إلى توافر الشروط المذكورة أعلاه.

بناء على تعليمات الإدارة العامة لشئون الهجرة بوزارة الداخلية ، تقرر منح مواطني 35 دولة فور وصولهم من خلال المنافذ الحدودية دون اشتراط كفيل أو تعبئة النموذج ، ويتم الاكتفاء بتسجيل البيانات في الحاسب الآلي مع توفير كافة متطلبات تسهيل إجراءات الدخول . مع توافر الشروط التالية :-

أن يكون القادمين حاملي تذاكر سفر (عودة) .

للسلطات المختصة الحق في التحفظ ورفض دخول أي شخص لدولة الكويت بدون إبداء أي توضيح .

أن لا يكون مسجلا بشأنهم قيود أمنية بدولة الكويت تمنعهم من الدخول أو الخروج منها .

أن يكون لديهم جوازات سفر لا تقل صلاحيتها عن ستة أشهر .

أن يحدد بطلب التأشيرة على حاجز التأشيرات بالمطار عنوان سكنه بالكويت .

رعايا الدول التي يجوز منحهم سمة دخول من المنفذ مباشرة :

"الولايات المتحدة الأمريكية – بريطانيا – فرنسا – ايطاليا – ألمانيا – كندا – استراليا – نيوزلندة – اليابان – هولندا – بلجيكا – لوكسمبورج – سويسرا - النمسا – السويد – النرويج – الدانمرك – البرتغال – ايرلندا – فنلندا – اسبانيا – موناكو – الفاتيكان – ايسلنده – اندورا – سان مارينو – ليخشتين – بروناي – سنغافورة – ماليزيا – هونج كونج – كوريا الجنوبية – الصين"

وده الرابط بتاع مطار الكويت

http://www.kuwait-airport.com.kw/

ادخل على تاشيرة الدخول وهتلاقى الشروط

[مصرى و متغرب]

متشكر جدا ياجماعة على ردودكم المفيدة

بس محدش قالى :

هل لازم اخد تأشيرة ذهاب وعودة من الجوازات السعودية قبل ما أسافر للكويت

وكمان انا فهمت من كلام الأخ المحترم mezo

إن كارت الزيارة مش مطلوب

انا كده فهمت صح؟؟؟؟

ارجو التوضيح

ومتشكر جدا جدا جدا مرة تانية

[madzoro]

متشكر جدا ياجماعة على ردودكم المفيدة

بس محدش قالى :

هل لازم اخد تأشيرة ذهاب وعودة من الجوازات السعودية قبل ما أسافر للكويت

وكمان انا فهمت من كلام الأخ المحترم mezo

إن كارت الزيارة مش مطلوب

انا كده فهمت صح؟؟؟؟

ارجو التوضيح

ومتشكر جدا جدا جدا مرة تانية

طبعا لازم لانه انت ما ينفعش تخرج من المملكة اساسا الا بتاشيرة يااما خروج وعودة يا اما خروج نهائي

[madzoro]

مش مهم انك صيدلى او نجار

طالما انك مقيم قانونى باحدى دول مجلس التعاون الخليجى ممكن تاخد التاشيره لاى بلد عضو فى مجلس التعاون من الحدود سواء بريه او جويه اوبحريه

بالنسبة للامارات المهنة في الاقامة مهمة زي ما هي مهمة في الكويت

و لما تتصل بالسفارة من السعودية ممكن هيرد عليك المجيب الالي و يذكر المهن المسموح لها باصدار تاشيرات عند الوصول اما باقي المهن يشترط انها تكون بمرافقة الكفيل

[madzoro]

اخوكوا صيدلى فى المنطقة الشرقية بالسعودية

عايز اروح الكويت فى زيارة

لو حد يعرف ايه الإجراءات او التأشيرات المطلوبة ع الباسبور ياريت يقولى!!!!! :wub: :wub:

علما بأنى هاسافر برى إن شاء الله

افيدونى افادكم الله

بالنسبة للسفر بري هل لنت مسافر بسيارتك الخاصة ؟

اذا كانت السيارة بتمويل من البنك خد بالك انك هتكون محتاج تفويض دولي او تفويض دول الخليج

اما اذا كانت ملكك خالصة فتوكل على الله

يالتوفيق

[Guest احمد طه]

السلام عليكم

انا مقيم في السعودية وعايز اروح الكويت تأشيرة سياحية هل اقدر احصل عليها من الحدود

[Guest ساره زين]

طيب انا خرجه هندسه ومقيمه فالسعوديه على اقامه ابي الطبيب وعايزه اروح لوحدي الكويت هل هيشترط وجود الاب لان اقاماتنا عليه ولا هيبقى عادي ؟ 

[Guest معــــــــاذ]

السلام عليكم
 أناأخصائي تحاليل مقيم في السعودية وكفالتي على والدي وعايز أروح الكويت 
ورحت سألت على طريقة السفر للكويت كسياحة وقلي لازم الجواز وتأشيرة خروج وعوده بس مش عارف التأشيرة دي بقى من الجوازات ولا من السفارة ياريت اللي عنده حاجه يفيدنا بيها
شكرا لكم جميعا
 

[Guest ابو ادهم]

انا عايز احصل على زياره للكويت وانا مقيم بالرياض والمنه بالإقامة عامل عادي اي المطلوب اعمله

[Guest عمرو ابراهيم]

طيب لو هاروح من الخفجي بعربيتي ، ايه الإجراءت المطلوبة و الرسوم و لو حد عنده تجربة يحكيها 

[Guest نادر]

السلام عليكم انا لسه داخل الكويت من ١٩ يوم ومفيش شغل ليا هنا هل ينفع حد يبعتلي تأشيره عمل بالسعوديه