هل يتم تحديد بداية رمضان و الأعياد بناء على رؤية الهلال فعلا؟

[MZohairy]

حقيقة انا شبه متأكد أن الخلاف الحالي و السابق و اللاحق بين الدول الإسلاميه في تحديد بداية شهر رمضان و نهايته ليس بسبب اختلاف هذه الدول في رؤية الهلال ابدا.....

و اعتقد ان الموضوع كله مصالح في مصالح......

يعني نشوف (كحكومه و حكام) ايه اللي فيه مصلحة الأمن و الإقتصاد و ما شابه و نعمله

لو من المصلحه ان رمضان يبقى بكره ....يبقى شوفنا الهلال و نذيع اغنية رمضان جانا و فرحنابه

و لو العكس يبقى تعذر رؤية الهلال و اليوم هو المتمم لشعبان

نفس الموضوع في عيد الفطر

و بييجي بقى المزنق في العيد الكبير لأنه مرتبط بوقفة عرفات في السعوديه

و بالتالي لا يمكن ابدا ان يحدث خلاف او اختلاف

حد فكر قبل كده ليه الاختلاف بيحصل بس في رمضان و العيد الصغير و عمره ما حصل في العيد الكبير؟

[tarek hassan]

مرونة الدين تجعل كلا الرأيين صح

رؤية غيرنا تلزمنا

هل كل بلد لهم رؤيتهم

لو كان فيه مرونه وسعة ليه نزعل

نقفل الباب ولا نفتحه يا أخ زهيري

شيخ الأزهر خد برأي وهو قال أنا المسئول والذنب ذنبي واحنا علينا نصوم ونفطر بناء على فتواه ومفيش مشكلة المهم ربنا يتقبل

والعيد الكبير له قصة تانية وارتباط بالحج مفيش فيه كلام

[Alshiekh]

لى سؤال ليتنى اجد اجابة عليه

ماقبل المائة ، كيف كانوا يحددون اوائل الشهور العربية ، وبالذات شهرى رمضان وشوال ؟

المسافة مثلا من الاسكندرية الى دمنهور ، لا أريد ان اقول القاهرة ، حوالى 60 كيلومتر ومثلها تقريبا بين دمنهور وطنطا

هل كان هناك اتصال بين الاسكندرية ودمنهور او بين دمنهور وطنطا او بين طنطا وبنها لابلاغهم بثبوت الرؤية من عدمها؟

أم أن كل مدينة كان قاضيها هو من يحدد بداية شهر رمضان ونهايته؟

المعروف ان التكنولوجيا والتقدم العلمى انما هو لخدمة وراحة الانسان ، فلماذا نستخدمه نحن فى التشكيك وارباك الانسان؟

ياجماعة انا زرت اماكن فى ريف مصر فى الستينات كانوا يقيسون الظل ليعرفوا مواقيت الصلاة ، وينتظرون نجما معينا بزاوية معينة لتحديد الامساك وصلاة الفجر ، لم يكن لديهم ساعات لاحائط ولايد ولاحتى ساعة خشب.

قالوا ان علم الفلك قد تقدم واصبح يعتمد عليه فى قياسات اجزاء من الثانية لاحداث فضائية ممكن تحدث ، فلماذا لايؤخذ بها بدلا من البلبلة كل عام؟

لماذا تتفتح عقولنا فى اشياء وتتحجر فى اشياء أخرى؟

مافيش فايدة

كل عام وانتم بخير

ونقول الكلام ده تانى السنة الجاية :lol: :)