تكاليف المعيشة فى السعودية ؟

[youyou]

طب يا جماعة انا طالع الرياض على مرتب 3500 ريال وبدل سكن 14000 ريال ومتزوج وعندى بنتين ... فهل يا ترى يا هلترى ال 14000 يكفوا شقة معقولة غرفة وصاله بمنطقة مقبولة + غاز وكهرباء طوال العام ولو توفر ارجو ذكر المنطقة المقترحة والأسعار المتاحة

[youyou]

هو انا سؤالى مش مفهوم ولا انا بسأل فى حته غلط .. نقول كمان ... بدل السكن 14000 ريال ومتزوج وعندى بنتين ... فهل يا ترى يا هلترى ال 14000 يكفوا شقة معقولة غرفة وصاله بمنطقة مقبولة وقريب من حى الرفيعة بجوار شارع الأمير طلال مع ذكر المنطقة المقترحة والأسعار المتاحة

[واثق الخطوة]

اهلا بالجميع

من وجهة نظرى ده عقد مناسب

الوظيفة مدرس انجليزى

هو فيه مدرس بياخد 4000 ريال يا باشمهندس سيد

فعلا فيه مدرسين رواتبهم أكثر من 4000 ريال

شوف مدارس : المملكة ونجد والرياض والملك فيصل وأبناء المملكة والمنارات ..... الخ

أنا كنت مثلكم لا أتخيل هذا

بل وتخيلت أن هذا المدارس لا يعمل فيها مصريين

حتى يسر الله الحال وصبرت في عمل المقابلات حتى حصلت على الراتب الذي أطمح إليه

أهم شيء أن تكون السيرة الذاتية متميزة

فالجيد يفرض نفسه .

وأنا عندي مبدأ تعلمته من تجربة السفر الفاشلة الأولى :

لا تخرج من بيتك إلا بعقد عمل جيد يوفي لك تكلفة الغربة والمثل الشعبي يقول : اللي يشتغل مع العالي يعلى و اللي يشتغل مع (...)

وعموما لدينا مشكلة مصرية غريبة شوية هو أننا نقلل من امكانياتنا .. بعكس الأخوة أبناء بلاد الشام الذين يجيدون تسويق أنفسهم ولا يعملوا إلا في وظائف ذات رواتب جيدة !

للأخ youyou

كما قلت سابقاً

14 الف ريال يمكنك أن تحصل بها على سكن مناسب بإذن الله في أحياء كثيرة رخيصة مثل المنفوحة والشميسي والمربع

وأنا عن نفسي عندي مثلك ولدين ومصاريفي حوالي 1400 ريال في الشهر .. وهناك من زملائي من يصرف 1000 ريال في الشهر

لأن المصاريف تختلف من واحد للثاني ..

ولكن ستكلفك مصاريف تجهيز الشقة في أول سنة بعض المال ...

عموما من رايي أن _تتحمل _ وتشتري في تجهيزة الشقة أشياء جديدة مثل الثلاجة والغسالة ... الخ وأبعد عن المستعمل لعدة أسباب :

1- ان ترحم نفسك من نصب الناس وبين أشياء معدومة ,,, ثم تتعذب في التصليح

2-أن تبيع ما تشتريه بسعر جيد بعد فترة ..

وهاسيبك رقم موبايلي عالخاص لو عايز توضيح اكتر

[mama nona]

اهلا بالاخ الفاضل واثق الخطوة

بعد التحية

المدارس ال حضرتك ذكرتها دى مش كل مدارس المملكة

يعنى حضرتك ذكرت مدارس فعلا صفوة

انما تعالى نشوف الاغلبية العظمى من امدرسين رواتبهم كام؟؟؟

انا اعرف مدرسين على راتب 1200 ريال

واعرف مدرسين مش بيشتغلو فمدارس خالص ومقضينها دروس خصوصية وماشاء الله 10000-15000 فالشهر

وقضية التقليل من نفسنا واننا مش زى الشوام

اولا هما اذكياء فاختيار الوظايف ال بيتقدمو ليها وبيعرفو يبلفو الزبون بالبلدى كده بمعسول الكلام

عندهم قدرة على التسويق وبالذات الاردنيين واللبنانين

انما السوريين زى حالاتنا كده رواتبهم على حجم خبراتهم

ثانيا وثالثا ورابعا بقى سمعة المصريين ال ما شاء الله مسمعة

اننا مش كويسين فالتعامل واننا نثير الشغب

واننا كتار الكلام

اعتذر طبعا عن هذا الكلام ال محبش انى كنت اقوله

بس دى الحقيقة ال الناس هنا بتشوفنا عليها

مثال لحضرتك فمجالى

انا طبيبة

مستشفيات معينه معروفة بالاسم محاولش انى اقدم فيها

ليه ؟؟

لانهم مش بيوظفو عندهم مصريين من الاساس

وف الاول والاخر الرواتب دى ارزاق

[واثق الخطوة]

مثال لحضرتك فمجالى

انا طبيبة

مستشفيات معينه معروفة بالاسم محاولش انى اقدم فيها

ليه ؟؟

لانهم مش بيوظفو عندهم مصريين من الاساس

كنت مثلك حتى حاولت وقدمت ونجحت !

نصيحتي لك حاولي

[عادل أبوضيف]

كل عام وانتم بخير جميعا

[princememo]

أولا كل سنة وكل الأعضاء طيبين

يعنى من كلامك يا أستاذ (واثق الخطوة) ممكن ألاقى عقد كمدرس بأكتر من 4000

[Guest راجيه الجنه]

السلام عليكم يا جماعه انا جايلي عقد عمل بخميس مشيط مدرسه علي ٣٠٠٠ هل يكون كافي عشان استقدم أولادي ويعيشوا معي وظروف السكن ايه

[AbuZeyad]

On 7/1/2019 at 9:27 AM, Guest راجيه الجنه said:

السلام عليكم يا جماعه انا جايلي عقد عمل بخميس مشيط مدرسه علي ٣٠٠٠ هل يكون كافي عشان استقدم أولادي ويعيشوا معي وظروف السكن ايه

طبعا الظروف حاليا اختلفت عن اللي كانت عليه لما الموضوع دا بدا قبل 10 سنين

معنديش فكرة عن السكن في خميس مشيط بس عموما السكن مش بيقل عن 1000 ريال شهرياً ودا بيكون في ارخص المناطق وأسواها في الغالب ودا قياسا على تجريتي في الرياض وجدة

حضرتك مش موضحة كامل ظروف العقد بس خلي بالك من النقاط دي لو حبيتي تستقدمي أولادك

حاليا فيه رسوم مقييمين حوالي300 او 400 ريال شهريا على كل واحد يعني لو معاكي طفلين بيكون عليهم رسوم600 او 800 ريال شهريا غير مصاريف الاستقدام نفسة 200 ريال

مصاريف البيت على فرض معاكي طفلين في حدود 1500 ريال شهريا ودي أقل حاجة وهاتكون غالباً عيشة متقشفة جداً وأظن صعب أطفال يستحملوها

فرش البيت لو فرضنا الاثاث كله مستعمل من 5000 الى 7000 ريال

طبعا في ظل الظروف دي هايكون صعب تدخلي الاولاد مدارس علشان تضغطي النفقات، والحل البديل انك هاتذاكري لهم في البيت طول السنة ويمتحنوا في السفارة، ودا طبعا صعب عليكي وعليهم الا اذا كانت المدرسة هاتوفر التعليم ببلاش

باختصار

المدرسة لو مش هاتوفر سكن ومواصلات وتأمين صحي وتذاكر طيران وتدفع رسوم المقيمين ومصاريف تجديد الإقامة الراتب دا لا يصلح أبدا لعيشة كريمة لأسرة

دا غير ان فيه مدارس مش بتدفع راتب في اجازة الصيف، لو المدرسة اللي قدمت العرض بتعمل كدا بلاش منها احسن

 وحتى لو وفرت المدرسة دا كله يبقى الراتب قليل بالنسبة لأسرة متوسطة

اتمني لك التوفيق