اذهب الي المحتوي
ArabHosters
Scorpion

فيه حد هنا ضليع في الأنجليزي ؟؟

Recommended Posts

pic_5.jpg

في اللقطة دي مراد باشا ( سليمان نجيب ) كان بيسأل الأستاذ حمام ( نجيب الريحاني ) في مشهد خالد :

- هااااااااا .. يعني انت ضليع في قواعد اللغة العربية ؟؟ .... في أصول اللغة العربية ؟؟؟؟

و بغض النظر عن رد الأستاذ حمام اللي اتمني انه ما يكنش من نصيبي ... قاصد بتوع الأنجليزي هنا في خدمة ... ممكن من اي حد ضليع قي قواعد اللغة الأنجليزية .. في أصول اللغة الأنجليزية انه يساعدني في حاجة بسيطة ؟؟؟؟

ممكن :wub:

شارك هذه المشاركه


رابط المشاركه
شارك

هات ما عندك وربنا يقدرنا نساعدك يا جميل اظن انى كويسة ف الانجليزى يا مرسى

لا بجد هات وربك ييسر ان شاء الله

مانا

شارك هذه المشاركه


رابط المشاركه
شارك

استني بس يا عم جوست العملية عايزالها علي الأقل 5 تنفار .. و مش حقدر انزلها اللا لما يكون عندي اسماء المتسابقين .. و بعدين انت بالذات بخاف منك .. آجي اسلمك ورقة الأسئلة ... الكهربا الأستاكيتية بتاعتك تفلت من لمؤاخذة الجزمة او الشبشب و تمسك فيا ... او في مادا .. ما هي بنت مصرية ما بتمشيش من غيره ....

بس حاجة غريبة يا أخي ... منتدي طويل عريض يرمح فيه الخيل يومين و مافيش فيه غير اتنين بس واثقين من نفسهم و ضليعين في اصول اللغة الأنجليزية ....

:blink:

و الا انا غلطت في الباب :roseop: .... ما هو باب ما حدش بيهوب جنبه ....

الله .. و ايه المشكلة ما انا مشرف ...

استغل بقي وظيفتي :rolleyes: و انقل الموضوع ده لباب المغتربين ... و نشوف مين اللبلب فيهم ؟؟؟

بس طبعآ الأسبقية حتكون ليك انت و بنت مصرية .. و من دلوقتي انا بشكركم بجد أوي خالص

:wub: :roseop:

شارك هذه المشاركه


رابط المشاركه
شارك

يعني حضرتك ضليع في قواعد اللغة الإنجليزية ؟؟ في أصول اللغة الإنجليزية ؟؟

اصله المقارنة بانيس منصور ما بتقنعنيش قوي ... ساعات تعبيرات متركبة اولها son of كان بيترجمها " يا أحمق" و طبعآ كلنا عارفين ان الترجمة دي غلط ... و الصح بتاعها حتي بتوع ابتدائي يعرفوا ان معناه " يا طِفِس"

يا مهون وصلنا لتلاتة

:rolleyes:

شارك هذه المشاركه


رابط المشاركه
شارك
و الا انا غلطت في الباب .... ما هو باب ما حدش بيهوب جنبه ....

الله .. و ايه المشكلة ما انا مشرف ...

استغل بقي وظيفتي و انقل الموضوع ده لباب المغتربين ... و نشوف مين اللبلب فيهم ؟؟؟

و الله يا سكوب انت لحد دلوقتي ما رستناش على بر

انا احط ايدي على السؤال يتجاوب على رأي سعيد صالح

بس هو فين السؤال

انا رأي ان الموضوع يا سكوب يروح باب الابتسامات احسن لحسن انا فطسان على نفسي من الضحك من سبع و لا تمن اشتراكات في الموضوع و هو الموضوع فين

:rolleyes:

و بعدين ما تخافش من الكهرباء

دا كان كام فولت كده سخنين في دماغي و طلعم من زمان يا ريس

شارك هذه المشاركه


رابط المشاركه
شارك
يعني حضرتك ضليع في قواعد اللغة الإنجليزية ؟؟ في أصول اللغة الإنجليزية ؟؟

أيوه .. زى ما حضرتك ضليع فى أصول السبريسو .. والاسباجيتى .. والفيات وألفا روميو

اصله المقارنة بانيس منصور ما بتقنعنيش قوي ...

عبيد يا أستاذ .. عبيد .. .... أنيس منصور ده يبقى سيادة المستثار بتاع الزمالك :rolleyes:

ساعات تعبيرات متركبة اولها son of كان بيترجمها " يا أحمق" و طبعآ كلنا عارفين ان الترجمة دي غلط ... و الصح بتاعها حتي بتوع ابتدائي يعرفوا ان معناه " يا طِفِس"

تمام ياسعادة الباشا .. ده حتى فيه .. تبا لك .. وعليك اللعنة .. وما انخلع كمان :roseop:

شارك هذه المشاركه


رابط المشاركه
شارك

احنا في الخدمة يا سكوربيون

و دي مسئولية كبيرة جدا

لكني مش هارجع الا لما اعرف الحقيقة....

و احنا انجليزي بقي فرنساوي روسي اسباني احنا معاك

بس هات ما عندك....

شارك هذه المشاركه


رابط المشاركه
شارك

جود مورنينج مستر سكوب :)

إذا كان عالانجليزي يبقى جيت للراجل عدم اللامؤاخزة المناسب.

استناني كده باملّي الولاد شوية انجليزي

اكتب يابني عندك .. أي هاف تو أيز .. جيفيت بكشيش .. بوبي الهبّوب .. أنا سبيك عمكوا سكوب و كومينج ليكوا تاني.

أهو على يدّك مش ملاحق على الانجليزي بس علشان خاطر انت حبيبي هافضّي لك نفسي.

هات يا معلّم .. قصدي يا سي المستر.

شارك هذه المشاركه


رابط المشاركه
شارك

السلام عليكم ورحمة الله....

أهم بقوا ستة باين ..

سبعة ياريس....

الله..الله..الله..ما تـ SAY SPEDS بقى...يعنى اسأل بسرعة أومال :)

احنا ورانا ترجمات وحاجات ومحتاجات معطلينها علشان خاطرك...

فرصتك انك تستفيد من خبرتى اللغوية بتنكمش ...وقد أفطر من اعذر jmb-) ...

احنا يابنى هنا..أوول انجليش..أوول زا تايممممممزززززززززز..ابوسترف اس

يعنى اوعى وشك... :roseop:

شارك هذه المشاركه


رابط المشاركه
شارك

يا خسارة يا مصر " كيل دوماج يا إيجيبت "

تعالى يا مصطفى يا كامل شوف عيالك ..

قومي يا صفية يا حلمي شوفي بناتك ..

بقى كل ده ومش فاهمين ؟!!!!!!!!!!!!!!!

الاخ سكوب يقصد ينقرزكم بالكلام من تحت لتحت ويقولكم : يا عالم يا خلق هوووه فوقوا بقى وخليكو إيجابيين وتعالوا نلتف حول قضية معينة ونوصل صوتنا "

لكن لا حياة لمن تنادي

وبالتالي لما وضع الأخ المجاهد سكوربيون موضوع الألغام وأقترح مسودة خطاب يرسل للجهات المعنية ... وطلب مننا إننا نترجمه للغة الإنجليزية .. كان ذلك ليس عن ضعفاً لغوياً عنده .. ولكن كان عشان كلنا نشارك في الموضوع ونبتنى تلك القضية ..

شارك هذه المشاركه


رابط المشاركه
شارك
وبالتالي لما وضع الأخ المجاهد سكوربيون موضوع الألغام وأقترح مسودة خطاب يرسل للجهات المعنية ... وطلب مننا إننا نترجمه للغة الإنجليزية .. كان ذلك ليس عن ضعفاً لغوياً عنده .. ولكن كان عشان كلنا نشارك في الموضوع ونبتنى تلك القضية ..

REALY....!!!!

:roseop: :)

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...