اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

الشرطة والشعب في خدمة الوطن...


Recommended Posts

بصراحة مش عارف إبداء منين و أقول اية…. آنا لسة في قمة الذهول….. كنت بحضر لموضوعين و احد بعنوان منمان في زنقة الستات و التاني بعنوان هامش الحرية…. بس بعد الموقف الي حصلي لسة مفيش من ساعة و احدة قررت اكتبة ليكم و لكل المصريين علشان نعرف احنا وصلنا لحد فين……

رحت أمبارح علشان أطلع تصريح عمل من وزارة الداخلية… رحت قسم تصاريح العمل و دفعت الرسوم و قلبوا في البصبور يمين و شمال و قالولي فوت علينا بكرة الساعة 3 تستلم التصريح…….

وطبعا انا كان معايا واحد قديم قوي لما رحت بلجيكا….. وبحكم اني رحت من بلجيكا علي البرازيل عدل مكنش معايا و احد تاني للبرازيل…. بس مش هية دي المشكلة…..

رحت … واذا بالموظف يقولي البية العميد عايزك…. قولت في عقل بالي خير استر يارب….

دخلت السلام عليكم …بصراحة الراجل ذوق جدا جدا…. قالي انت كنت ساكن في الشارع الفلاني في اسكندرية… قلتلة لآ…. قالي بس اسمك الرباعي زي اسم واحد علية حكم و سقط بالتقادم سنة 91 ….. لحد هنا و انا مش فاهم… قلتلة طيب حضرتك اعمل اية او انا ممكن اعمل اية…. قالي ولاحاجة لازم نتأكد من شخصيتك وانكم مش نفس الشخص….. قلتلة نعم…. طيب هو عمرة نفس عمري انا سنة 91 كنت عيل كنت 15 سنة و هو كان عندة حكم سقط بالتقادم سنة 91 يعني كان عندة 50 سنة علي الاقل… قالي مش عارف… بس الاسماء متشابها….. قلتلة بس حضرتك الاسم مش كل حاجة ارجوك انا طيارتي بكرة و مفيش وقت ممكن نعمل اية…. قالي نجيب تصريحات امنية… قلتلة ازاي يعني…. قالي نكشف علي بينات الشخص التاني و نطبقها ببياناتك…. و عمل كدة و الحمد لله مطلعش انا وخدت التصريح…بس الظابط حذرني ان بكرة في المطار ممكن تتكرر تاني نفس المشكلة….. ربنا يستر…

يعني و النبي مش خيبة وهبل وعبط… هو البني ادم اسم و بس… مفيش سن و تاريخ ميلاد و اسم الام و العنوان و البصمات… ولازم البية ينشف دمي الاول قبل ما يعمل الكشف… هو مش الكشف دة كان المفروض يتم حتي من غير انا ما أخد خبر …. بس لية يتعبوا من الاول الاسم متشابة يبقي هو و انا المفروض اثبت العكس…. اثبت للبوليس بمساعدة البوليس اني مش هو.. دماغي حيفرقع…. ارحمني يارب و ارحم كل المصريين…

رابط المشاركه
شارك

أقرأ الحادثة ....... أقرأ الحادثة

القبض على المجرم الهارب منمان .

هذا وقد صرح مصدر مسئول رُفيع بوزارة الداخلية بإنه طبقاً لتعليمات السيد وزير الداخلية والسيد مدير أمن محافظة الأسكندرية والأومباشى حسنين مدير قسم شرطة الأنفوشي بأنه قد تم إلقاء القبض على المدعو مانمان وفي رواية آخرى باتمان أثناء محاولته الهرب خارج البلاد إلى جهه غير معلومة .

والجدير بالذكر أن هذا المانمان هو السبب فى إرتفاع قيمة الدولار وأنبعاج قيمة الجنية المصري وأكتئاب المواطن المصري وأنشراخ السد العالي .

تحية لعيون مصر الساهرة ) برضوا سهر تاني مش بقولكم الحكومة فى مصر مابتشتغلش إلا بالليل .. نايت شيفت )

رابط المشاركه
شارك

سي السيد كتب:

المجرم الهارب منمان
القبض على المدعو مانمان

هو دة تشابة الاسماء الي كان حيودينا في داهية....

( وش واحد مسخسخ من الضحك)

رابط المشاركه
شارك

سي السيد كتب:

والجدير بالذكر أن هذا المانمان هو السبب فى إرتفاع قيمة الدولار وأنبعاج قيمة الجنية المصري وأكتئاب المواطن المصري وأنشراخ السد العالي .

وش واحد واخدينة علي حبل المشنقة عددددددددددل.....

رابط المشاركه
شارك

داروين كتب:

أخي منمان ..  

سؤال صغير بريء كده على الماشي  

هوا فيه مكافأة للي يبلغ عنك ؟؟؟؟؟  

معلش ياخويا الدنيا غلااااااااااااا  

وش واحد مبرق وعينه مزغلله ولسانه مدلدل

سعر البني ادم في مصر 500 جنية.... يعني المكافئة مش حتعدي 300 جنية.... خد مني انا 1000 جنية و خبيني عندك دانا بريئ و الله مش ممكن اعمل كدة...تصدق بالله انا حتي معرفش اية القضية بتاعت الراجل الاخر.....

حلوة... منمان الرجل الاخر...

وش واحد ميت من الضحك....

رابط المشاركه
شارك
وش واحد مبرق وعينه مزغلله ولسانه مدلدل

داروين ....... آميه يا صاحبي آميه . أنا صاحب الفكره يعني المكافأة تيفتي تيفتي ... الزبون طيب وشكله مش هايتعبنا . شوفت كاتب أيه

تصدق بالله انا حتي معرفش اية القضية بتاعت الراجل الاخر.....

يعني تفصل عليه أى قضية مش هايمانع ..... مش بقولك طيب

رابط المشاركه
شارك

يعني تفصل عليه أى قضية مش هايمانع .....

أيوه هوا هوا .. أنا عارفة ..

هوا دا ياباشا اللي سرق ونش الأنفاق

ألف جنيه يامنمان مش توزن كويس ماأنت شايف اللي بيقولك فيفتي فيفتي قبل ما نقبض أهوه

رابط المشاركه
شارك

الأخ منمان...

سيبك من الكل... بيتي تحت أمرك هنا.... و من غير أي مقابل...و هتلاقي باقي الشله كلهم... سوبرمان ، سبايدرمان ، داركمان و كمان و كمان.. بس علشان خاطرى تخلينى آخد لفة بالباتموبيل... حلم طفولتي كان متركز فى العربيه دى... في أنتظارك...

رابط المشاركه
شارك

دارون كتب:

ألف جنيه يامنمان مش توزن كويس ماأنت شايف اللي بيقولك فيفتي فيفتي قبل ما نقبض أهوه

انتي أأمر.... دة سجن و بهدلة.... نخليهم 1050 خلاص و الله ماهم راجعين......

سكوربيون كتب:

الأخ منمان... 

سيبك من الكل... بيتي تحت أمرك هنا.... و من غير أي مقابل...و هتلاقي باقي الشله كلهم... سوبرمان ، سبايدرمان ، داركمان و كمان و كمان.. بس علشان خاطرى تخلينى آخد لفة بالباتموبيل... حلم طفولتي كان متركز فى العربيه دى... في أنتظارك...

الله يخليك ياسكوربيون يا اخويا.... هيا دي شهامة وشجاعة ولاد البلد....... ولو علي الباتموبيل تحت امرك من لفة الي مائة لفة.....

رابط المشاركه
شارك
mnman كتب:

…بصراحة الراجل ذوق جدا جدا….

يا عزيزى...دة انت تحمد ربنا و تبوس ايدك وش و ضهر...

غيرك بيعملولوا "كعب داير" و يلففوة محافظات مص كلها!!!

المهم فى المطار لو جد اتعرض لك طلعلهم البطاقة المتينة.....

spiderman_secretid.jpg

بس على الله ما يعتبروهاش "انتحال شخصية" عزيزنا سبايدر، فى حين ان انت عزيزنا "منمان".....icon_smile.gif....

الا على فكرة اية اخبار الرقم القومى....و البطاقة الشخصية الجديدة؟!

رابط المشاركه
شارك

شعنونة كتبت:

انا كان قلبيييييييييي حاااااااااااسسسسسس 

"وش رافع سماعة التلفون "

رافع السماعة.... حتبلغي عني ياشانا.. ماشي ماشي....

وش مش مصدق ودانة........وش بيضحك....

وايت هارت كتب:

يا عزيزى...دة انت تحمد ربنا و تبوس ايدك وش و ضهر... 

غيرك بيعملولوا "كعب داير" و يلففوة محافظات مص كلها!!! 

المهم فى المطار لو جد اتعرض لك طلعلهم البطاقة المتينة.....

الظابط قالي كدة ان الموضوع مش ساهل... بس بجد كان ابن ناس و خلصلي الورق بعد ما سيب ركبي....

وايت هارت كتب:

بس على الله ما يعتبروهاش "انتحال شخصية" عزيزنا سبايدر، فى حين ان انت عزيزنا "منمان"......... 

أنتحال تاني... هو احنا خلصنا من الاول لما ندخل في التاني....

رابط المشاركه
شارك

فكرتنى يا منمان بذكاء الموظف المصرى الجبار اللى الروتين قاعد و معشش فى نافوخه .

لما اتعينت كان فى موظفة هى اللى بتملا لى البيانات وهى بتكتب سألتنى:متجوزة؟ قلتلها "لأ" مفيش بعدها بربع ثانية "عندك أولاد؟ وبعدها راحت من عندها نوبة الهوستاكا و فاقت و بقت كويسة و قالتلى خلاص.

مرة تانية و أنا باطلع البطاقة بتاعة الرقم القومى سألنى الموظف بعد ما أخد بطاقتى القديمة والدك فين؟ قلتله ليه؟ قالى أصل التعليمات اللى عندنا بتقول ان لازم البنت يمضي ولى أمرها على اقرار انها مش متجوزة قلتله طيب ما هو البطاقة اللى قدامك بتقول انى مش قاصر و لا حاجة؛المهم قرفنىو استغبى فيها و عملى عبده الروتين و أنا راسى و ألف سيف لاهطلع البطاقة كده و من غير اقرارات .وقد كان بس بعد ما كرهته فى عيشته.

وش واحدة واكلة دراع موظف حكومى الروتين لحس دماغه .

رابط المشاركه
شارك

انت ربنا بيحبك يا منمان ....

يعنى الراجل كان لطيف معاك و خد من وقتك دقايق و بعدين مشيت و كل اللى مضايقك ان الواحد مش اسم بس ‍‍‍‍‍‍‍ ؟؟؟؟

يا سيدى ... لقد ارتكبت جريمة يعاقب عليها القانون ( البوليسى ) بالحبس لاجل غير مسمى و تلقى كافة انواع الاهانة بدءاً من السب الى اقصى ما يمكن ان يدور فى الخيال ....

و هذه هى العقوبة الرسمية - غير العقوبة الاخرى على يد زملاء الحجز ‍‍‍

و فى النهاية سيكتشفوا انهم اخطأوا و تخرج بعد ما تكون كرهت اسمك

و بعدين ازاى يا منمان تسمح لنفسك ان يكون اسمك زى اسم مجرم عتيد الاجرام ؟؟؟

انت فاكر ان البلد ما فيهاش قانون و الا ايه ...

لأ دى فيها قانون و عود و ربابة كمان

(وش واحد مقبوض عليه)

رابط المشاركه
شارك

منمان يحيكم من خارج ارض الوطن وبعد الهروب الكبير.......هيةةةةةةةةةةةةةةةةةةةةةةةةةةة

كليو... يافندم حضرتك تأمري...ممكن طبعا تاخدي الوصلة لاي حتة في مصر مش لموضوع فساد الشرطة بس.... (وش مبتسم)

كروسفيلد.... انتي جاية اشتغلي اية.... (وش واحدمسخسخ من الضحك).....

الحمد لله اني متبهدلتش والله كنت عاملتله بن لادن ...... (وش واحد كداب ياخيشة)

سي السيد... انا خلاص بقيت جنبك يعني نصف ساعة بالطيارة واجيلك .... عاد لينتقم.....(وش واحد رايح ينتقم من سي السيد مخصوص و بعدين داروين).....

رابط المشاركه
شارك

الأخ منمان... من هنا و رايح حأسميك الكونت دى مونت دي كريستو أمير الأنتقام... بس ما تخلي قلبك أبيض يا أخويا و تعفي عنهم.. دول أخوتنا و رفقاء السلاح في معركة رجال الموقع ضد نسائها... و لو مصر نعاقبهم عقاب بسيط .. يعني مثلآ يقروا عشر مقالات لسمير رجب يوميا و لمدة شهر لغاية ما يعرفوا أن الله حق...

بالمناسبةأنا عندي أعتراف صغير ... لما كنت بقرأ منين بتكتب... و الحق عليك اللي كتبتها بالأنجليزي ALKHOBAR... يعني قريتها بسرعه الخابور.. فصعبت علي قوي... و قلت في نفسي لاحول الله يا رب أمال لو كان أسمه حسني كان عملوا فيه أيه..بس الحمد لله جت سليمة..

رابط المشاركه
شارك
الأخ منمان... من هنا و رايح حأسميك الكونت دى مونت دي كريستو أمير الأنتقام... بس ما تخلي قلبك أبيض يا أخويا و تعفي عنهم.. دول أخوتنا و رفقاء السلاح في معركة رجال الموقع ضد نسائها

لأ سيبه يا سكوربيون ، مهي كده الثورة تأكل أولادها ... مش هو ده منمان اللى كان عجينة طرية فى أيد المخبرين من كام يوم ... دلوقتي شم نفسه .. لكن مسيرة ينزا مصر ونبلغ عنه - تاني - هو هايروح ممنا فين .

على العموم مرحباً بك فى لاسعودية وأنت برضوا تحت عنينا وتحركات كلها مرصودة ، يعني انت دلوقتي ملقوط يا باتمان.

( وش واحد ماسك لاسلكي وبيبلغ القيادة العامة وبيقولهم الهدف دخل القفص )

رابط المشاركه
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • الفهم الصحيح للدين ... مدخل شرعي لعلاقة بر وقسط بين أبناء الوطن الواحد

      1-   هل يلزمنا فهم الآخرين؟ بالطبع لا .... لأننا في حاجة للتفكر والتدبر في استدلالات الآخرين إذا وجد فيها تخريف أو انحراف أو سببت حرجا شديدا في الدين   نعم يختلف الفهم من إنسان لآخر ولا يجوز لأحد أن يفرض وصايته على الآخرين وحق الاجتهاد مكفول للمنصف المحايد المدرك لقواعد اللغة وأحوالهاوللعلوم المختلفة ومن أمثلة الأفهام الخاطئة والاستدلالات الفاسدة -         يستدل بعض جهال هذا الزمان بالآية  ( وَفَاكِهَةٍ مِمَّا يَتَخَيَّرُونَ (20) وَلَحْمِ طَيْرٍ مِمَّا يَشْتَهُونَ)  على أن اكل الفاكهة

      في موضوعات جادة

    • الشرطة السويدية واختطاف أطفال المسلمين!

      الشرطة السويدية واختطاف أطفال المسلمين! القضية المثارة على مواقع التواصل الاجتماعي واليوتيوب بخصوص خطف الشرطة السويدية لأطفال من عائلاتهم المهاجرة مليئة بحكايات غير صحيحة وفبركات، خاصة الذين قالوا بأن الشرطة السويدية تختار الأطفال المسلمين. أنا أعيش في اسكندنافيا منذ 46 عاما، ولي أطفال وأحفاد ولم أسمع عن حكاية واحدة  تُنفذّ فيها الشرطة أوامر الدولة بعد تقارير من مكاتب الضمان الاجتماعي، فالحكاية باختصار تنطلق من سوء معاملة اللاجئين لأطفالهم في بلاد لا تتهاون مع ضرب الطفل وإهانته ومنعه من ح

      في المغتربين المصريين - egyptian expatriates

    • الوطن ومشرطُ الجرّاح!

      الوطن ومشرطُ الجرّاح! لابد من إجراء جراحة عاجلة للوطن، ولكن في أي مكان في الجسد المصري يجب أن يدخل مشرط ُالجرّاح؟ في المخ حتى يعتدل تفكير الناس! في القلب حتى تستقيم ضمائرهم! في الصدر حتى تصبح الشجاعة أهم قيمة إنسانية! في البطن حتى يتراجع سعار شهوة الطعام! في العينين حتى نبحث عن الجمال حولنا! في الأذنين حتى نتعلم احترام النغم واللغة والتعبيرات الساحرة وقوة المنطق، ولتتوقفا عن الإنصات للغث والتفاهات وخطب الكبار ورجال الدين! في ا

      في المغتربين المصريين - egyptian expatriates

    • تصحيح المفاهيم عن شركاء الوطن … بالقرآن و من القرآن

      تصحيح المفاهيم المغلوطة عن شركاء الوطن والعرض عن طرق اسئلة وإجاباتها 1-    ما معنى الإسلام؟ الاستسلام والخضوع بدون تخصيص (إِنَّا أَنزَلْنَا التَّوْرَاةَ فِيهَا هُدًى وَنُورٌ ۚ يَحْكُمُ بِهَا النَّبِيُّونَ الَّذِينَ أَسْلَمُوا لِلَّذِينَ هَادُوا وَالرَّبَّانِيُّونَ وَالْأَحْبَارُ بِمَا اسْتُحْفِظُوا مِن كِتَابِ اللَّهِ وَكَانُوا عَلَيْهِ شُهَدَاءَ ۚ) 2-  هل هو خاص بأمة محمد صلى الله عليه وسلم؟ الإجابة لا (قَالَتْ يَا أَيُّهَا الْمَلَأُ إِنِّي أُلْقِيَ إِلَيَّ كِتَابٌ كَرِيمٌ (29) إِنَّه

      في الملتقى العام لزوار محاورات المصريين

    • ربنا يعين كل ملاك اراضى بيت الوطن بعد قصتى مع المكاتب

      مساء الخير عليكم جميعا بصراحة مكنتش اعرف ان مصر ولصت للدرجة دى من انعدام المهنية حتى فى ارقى المهن زى الطب والهندسة وخلافة ، كنت بسمع كلام كتير انى حتعب فى التعامل وخصوصا مع المهندسين والمقاولين مع انى كنت فى بلد فية برضة نصب وكل شىء بس على الاقل لما بتروح مؤسسة او شركة الموضوع بيختلف ، الموضوع انى امتلك قطعة ارض فى بيت الوطن التجمع الخامس وكنت الفترة اللى فاتت بشوف اعلانات ورسايل لمكاتب هندسية كتير وقولت لما انزل مصر اروح اسمع واشوف احسن من التعامل من الخارج ولما دخلت المكاتب الهندسية

      في مسائل إقتصادية - economic issues

×
×
  • اضف...