علاقة الجيرة المصرية!!!!

[بنت شعنونة]

اول ما نزلت مصر فوجئت بالجيرة كا اول تعامل بيني وبين مصر

بصراحا انا ماكنتش مستسيغاها ابداااااا

ومازلت لحد دلوقتي ما احبهاش بالشكل دا

عيشتي في السعودية علمتني اسلوب صباح الخير يا جاري انت في حالك وانا في حالي

انما هنا في مصر

احنا ارابيسك؟؟؟

البيوت كلها متعشقة في بعضها.. اللي بيحصل في بيت العمارة كلللللهااااااا تعرفه دا اذا ما كانش كل العمارات اللي حوالينا كمان

"وش قرفان"

وكل ست من كل بيت بتدخل اي بيت وممكن تتحشر في اي حاجا في البيت دا؟

دا غير سلف الاكل؟ او الهدوم او الألات او ايييييييي شيء مهما كان غريب عجيب؟؟

اذكر اول انتقال لينا في شقة مفروشة وقتها

نزلت صاحبة الشقة وهيا ساكنا فوقنا

سلمت علينا عشان احنا من غير ماما وكانت ظريفة جدا

ولقيتها كل يوم تخبط عليا عاوزا تيجي تقعد معانا في البيت؟؟؟؟؟؟؟

بيني وبينكم انا اتضايقت

ما بقتش عارفا اقولها ايه؟؟؟؟

هيا عاوزاني ارغي عن بابا واخواتي وكدا

وانا موووووووتي وسممممممي الموضوع دا

فكنت اسكت

لحد ما هيا حست من 3 مرة وماجاتش

رابع مرة جت وجايبا لحمة وكدا عاوزا تحطها في الفريزر عندنا؟؟؟؟؟؟؟؟

"وش مصدوم"

ساعتها رفضت وقلتلها انا اسفة

صحيح احنا ماجرين الشقة من حضرتك

بس مش كدا يعني؟؟؟؟؟

شوفوا المثال دا كمان لسا سمعاه من يومين

اسمعوا القصة دي

واحدا ساكنة في عمارة عندها حوالي 40 سنة ولكن واخدا بالها من نفسها اوووووووي لدرجة ملفته

تعلمت السواقة وكل مرة تخرج ترجع وراها عربية شباب بيعاكسوها

متزوجة وعندها ولد شب

تسكن معها اخرى في نفس العمارة شابه صغيره في العشرين

بتكلموا ودخلوا بيوت بعض ونميمة مع بعض وكدا

وفجاة قلبوا على بعض

فقررت الفتاة انها تبعت رسالة لزوج الست تقوله

زوجتك تخونك

وفعلتها ورمتها للبواب ع الفجر

البواب صحي لقى الجواب مرمي ومش عليه طابع ولا اي حاجا ومكتوب عليه اسم المرسل اليه بس

راح فتح الجواب لقى الرسالة اللي كتبتها البنت

يتصرف ازاي؟؟

يسكت؟؟ ولاا يتكلم والا يسلم الجواب لجوز الست زي ما كان مكتوب؟؟؟؟؟

؟؟؟؟؟؟؟؟!!!!!!!!!!!!

هل علاقة الجيران في مصر صحيحة؟؟

والا صباح الخير هيا اللي صح؟؟

مين فينا الصح؟؟

[Farah]

زمان قالوا الجار قبل الدار

وده لااهميت الجار ،،،،دلوقتي بلنسبه لازمه السكن الاختيار صعب

لذالك انا افضل العلاقه الهامشيه بس احيانا فيه ناس مش بتديك فرصه للحريه لذا الاقتصار مع الناس دي بيكون اكثر

[بنت شعنونة]

المشكلة يا فرح انه تدخل الغير او الجيران في حياتك ودقائقها بقى شيء طبيعي

ولو انتي خدتي جنب لوحدك بيعتبروكي انتي اللي مش طبيعيه!!!

تصوري

مرة رحت ازور صديقة و الأسانسير كان عطلان فطلعت ع السلم

لقيت شقه من الشقق الباب مفتوووح ع الأخر والناس قاعدا براحتهاااااا جداااااااااااا عادي

ولما استفتسرت

عرفت ان الباب دا على طول مفتوح كدا!!!!!

في كدا ياربي؟؟؟؟

[غادة]

عزيزتى شوشو

خير الامور الوسط

انا لما كنت فى السعوديه كان فى اختلاط بالجيران بس فى حدود

يعنى مفيش كلام فى الخصوصيات بس كنا بنسال على بعض وكان فى ود بنا كانت جيره صح

فعلا لما رجعت مصر لقيت زى ماانت بتقولى(( وكل ست من كل بيت بتدخل اي بيت وممكن تتحشر في اي حاجه في البيت دا؟

دا غير سلف الاكل؟ او الهدوم ))

ولو قلت لا يبقه زعله

بدانا شويه شويه نقلل مع الجيران لحد مهما حاسوا بطرقتنا فى المعامله واصبح زى ماانتى قلتى صباح الخير ياجارى انت فى حالك وانا فى حالى

بس لو احتاجونا فى اى مساعده او حاله طارئه نساعدهم حسب ماوصى الرسول عليه الصلاة والسلام بالجيران

ولا ايه رايك؟

ولكى تحياتى

[Cleo]

إحنا بأة طووووول عمرنا مالناش أى علاقة بأى جيران غير فى حدود صباح الخير صباح النور و الضروريات...

لكن من 10 سنين تقريبا عزلنا لبيت تانى غير اللى اتولدت فيه... و ربنا رزقنا بشوية جيراااااااان...!!!!

* جيران عندهم أولاد صغيرين فى أجازة الصيف يقعدوا طول الليل يتفرجوا على التليفزيون.... و بعد ما التليفزيون يشطب (حوالى الساعة 12 - 1 بعد نص الليل) يبتدوا ينزلوا يلعبوا كورة...!!!!! و لما ماما طلعت اشتكت أهل الأولاد دول قالولنا إييييييييه؟؟؟؟

"يا مدام أصل انتم اللى بتناموا بدرى... يعنى إحنا نحبس الأولاد..."!!!!

وش منقوط"

* جار تانى مش عايزنا نركن تحت عمارتهم قام بدأ يتسلى على العربيتين... مرة يخربش دى بمسمار... مرة يكسر شكمان التانية... لدرجة إنه مره قطع كاوتش عربية أختى بآله حادة... و هى مروحة فى طريق المطار و معاها أولاد صغيرين العجلة نامت منها و لولا ستر ربنا كانت اتقلبت بيها و راحت هى و الأولاد...!!!!

* الجيران اللى فوقينا كل ما تجيلهم الشغالة "تنظف" تروح منفضة السجاجيد على السلم... فطبعا التراب كله بينزل على بسطة الدور بتاعنا و مايرضوش ينزلوا يكنسوا اللى هم عملوه...!!!!!

* الجارة اللى قصادنا عندها رفق بالحيوان.... بتحب تحط أكل و عضم فراخ للقطة اللى على السلم.... بس تخاف أحسن القطة توسخ قدام باب شقتها... تروح رامية العضم جنب باب شقتنا إحنا أو فى وسط الباسطة (حتى يتفرق دمها بين القبائل و محدش يعرف الحاجة دى بتاعت أنهى شقة)

فعلا أصبحنا نفكر فى العزال من هذا البيت من سوء الجيرة......

"وش بينفخ من القرف"

[Cleo]

أنا كنت سمعت مرة حديثث شريف بيقول إن ما يدخلش الجنة واحد جارة بيتقى شره...

حد عارف نص الحديث؟؟

[بنت شعنونة]

ااااااااااخ يا كليو يا بنتيييييييي

فكرتيني باللي بيحصل فياااااااااااااااااا

"وش مفروووووووس"

احنا عزلنا 3 مرات مؤخرا

كل مرة في منطقة راااااااقية جدا وهادية جدا وممتااااازة

بس كل مرة يطلع فيه مصيبه

مرة انه الشقة نفسها فيها عيب

ومرة الشارع كله حرامية

واخيرررررااااا

بابا قرر انه ما نسكنش في منطقة هادية وراقية

ونسكن في منطقة اقل من راقية بدرجة

وحصصصصصصصصصصصصللللللل

واديني منقووووووعة فيها اهو بقالي 4 شهوووووووور وبعيييييييييييط نددددددم

وبيفكروا يعزلوا للمرة الرااااااااابعة

مش عاوزا اقولك انه لينا جار لو انا ركنت مطرح عربيته بيطلع يسمعني سلام مربع من كلللللل الشتايم

واخر مرة رمى زيت مغلي على عربيتي ودا كان قريب جدا "وش مولع نار"

وغيره وغييييييييره

مع اني ما بقفش مكااااااانه الا اذا كان الشارع كللللللله ملينا يعني

طب اروح فين انا بقى؟؟؟؟؟

اللي سبق اكل النباء

هوا كان شارع السيد الوالد بتاعه يعني!!!!!!!!!

اففففففففف

كلامك تمااااااام يا غادة

انا قصدي دا

يعني في المناسبات السعيدة او الحزينة او الطواريء

ماشي

انما عمال على بطاللللل؟؟؟؟؟؟؟

لالالا دا حرررررام

ليا جارة كان عندها فرح

وجت تستلف مني فستان

احرجججججتتتت جداااااااااااااا اني اقولها لا

مع اني من النوع الإنف جداااااا "وش احمر"

ومش بحب اييييييييي حد يلبس هدوووومي

دا غير اني سمعت زمان حديث معناه ان لو الست لبست مطرح ست تانية او غيرت هدومها في مكان غير بيتها ف دا حرام شرعا

الله اعلم على ما اذكر يعني

المهم اضطريت اديهولها ولما رجعته

رميته في الدولاب ولالالالالا جيت جنبه من يومها!!!!!

"وش مقروف"

[الطفشان]

أنا كنت سمعت مرة حديثث شريف بيقول إن ما يدخلش الجنة واحد جارة بيتقى شره...

حد عارف نص الحديث؟؟

حديث صحيح

والله لا يؤمن، والله لا يؤمن، والله لا يؤمن قيل: يا رسول الله ! لقد خاب وخسر، من هذا ؟ قال: من لا يأمن جاره بوائقه قالوا: وما بوائقه ؟ قال: شره

صحيح

صحيح الترغيب 2551

لا يدخل الجنة من لا يأمن جاره بوائقه

صحيح

صحيح الأدب 89

[White heart]

Cleo كتبت:

فعلا أصبحنا نفكر فى العزال من هذا البيت من سوء الجيرة......

الله....اوعى يا كليو تكون الشقة اللى بتتكلمى عليها دى ...يكون ليها علاقة بالموضوع دة.....

[se_ Elsyed]

على ما يبدو أن موضوع الجيران ده جذب إليه الجنس الناعم بس ، وده ليه ... طبعاً لأن الستات اللى فى ساكنين فى مكان واحد أكثر تعاملاً مع بعضهم البعض ، بعكسنا أحنا .

فأنا على سبيل المثال ساكن فى عمارة مكونة من 12 شقة .. كل اللى بيني وبين رجالة العمارة سلام عليكم .. ده إزاى شفتهم أصلاً ، أما الحريم بأه فحدث ولا حرج ، دائماً فى إجتماعات قمة منعقدة لبحث شئون الدنيا كلها .. بس أعتقد ده من الفراغ اللى عندهم يا جماعة ، يعني لا أتخيل أمرأة عاملة وطالع عينيها طول اليوم فى الشغل ، وبعدين ترجع تلاقي شغل البيت والعيال وراها .. ومن هذا كله لن تجد وقت للأحتكاك الزيادة عن اللازم بالجيران.

والمرأة بشكل عام فى يدها تحديد نوع العلاقة مع الجيران ، ولو أنه من الأفضل على طول المدى أن تكون العلاقة مع الجيران لها حدود فاصلة لا يجب تحت أى ظروف أن يتم تجاوزها ، لأنها تتطور إلى مراحل خطيره ومنها على سبيل المثال معرفة أسرار وخبايا البيوت ، وحيث أن الستات عاطفيين وبيتأمصوا بسرعة ، فممكن يترتب على أى خلاف بينهم .. أفشاء لهذه الأسرار أو أستخدامها بشكل سيء .

هـــــــيه ... تقول لمين ومين يسمع يا س س يا حكيم ، الست هي الست حتى لو وصلت وبقت رئيسة وزارة .

[بنت شعنونة]

كنت اعتقد ان موضوع الجيرة يقتصر على الطبقى المتوسطة فما دون

وان الطبقى الراقية ما عندهاش المووضع دا

لكن فوجئت ان الموضوع موجوووووووود برضه بس عن طريق الدادا

يعني في المناطق الراقية الدادااات بينقلوا اسرار البيوت لبعض

وكل دادا تروح للست بتاعتها تحكيلها اخبار اليوم سواء بالتفصيل او بالمختصر

يعني هيا هيا برضه في الأخر!!!!!

[farasha79]

خير الامور الوسط فعلا ... يعني الناس لبعضها و الرسول ( عليه الصلاه و السلام ) وصى على سابع جار ...

احنا سواء هنا او في مصر العلاقات رسميه جدا بينا و بين الجيران و لو في مناقشات بتكون في امور العماره ..

بس لما كنت لوحدي ايام الجامعه كنت ساكنه لوحدي مع الداده و جيراني اللي ساكنيين في نفس الدور اتقربوا مني و حاسيت بالامان لاني لاجئت ليهم في ظروف كثيره اوي و من بعدها اتوثقت العلاقات بينا و بينهم بدون ما يعرفوا مشاكلنا و اسرارنا الشخصيه يعني زيارات خفيفه بنتكلم فيها عن كل حاجه الا مسائلنا الشخصيه......

اغلى حاجه في الدنيا معرفه الناس لان محدش يقدر يعيش لوحده او بدون علاقات اجتماعيه