اذهب الي المحتوي
almasry

في حد يعرف حاجة عن مدينة حائل بالسعودية

Recommended Posts

انا جاي لي عقد عمل بحائل وعاوز أعرف أكتر عن المدينة والمعيشة فيها وتكاليفها والأماكن الترفيهية فيها وجوها وشعبها ، لو حد عارف عنها حاجة ياريت يقولي من فضلكم .

شارك هذه المشاركه


رابط المشاركه
شارك

السلام عليك

مدينة حائل من ناحية الجو فهي في الصيف قريبة من جو مصر اما في الشتاء بتكون تلج درجة الحرارة بتوصل 5 درجة اما التكاليف هي تكاليفها عادية يعني مش غالية والسكن بيتراوح من 4 الي 10 الاف ريال في السنة للشقة الكويسة اما من ناحية اماكن الترفية انا عن نفسي وكان لية صديق كنا بروح نتفسح في بندةههههههههههههههههههههه من الاخر مفيش اماكن ترفية كبيرك تروح بندة وبندة دي علي فكرة هيبر كبير وبس مافي اي مكن يتراح

شارك هذه المشاركه


رابط المشاركه
شارك

أشكرك يا سيد مرسي على هذه المعلومة ، يعني تزهق ؟ والا ايه ؟

شارك هذه المشاركه


رابط المشاركه
شارك

أنا كنت عاوز أعرف برده أخبار المدارس ايه والجامعات ، يعني أنا عندي ولد في الثانوية العامة وكنت عاوز أخده معايا هناك فهل يوجد جامعات هناك ، وبرده عندي بنت في ابتدائي وولد في اعدادي ، أخبار المدارس ايه وتكاليفها وهل يوجد مدارس انترناشيونال وبكام ؟

واشكركم كثيرا لكل من يتفضل علينا بالرد فليس أمامي الوقت الكثير لأخذ القرار

شارك هذه المشاركه


رابط المشاركه
شارك

السلام عليك

موضوع المدارس فية مدارس مستوها كويس لكن مش اعرف عنها اي تفصيل اما الجامعات انسي فكرة ان اولادك ياخدوا الجامعة من اي دولة في الخليج

عايز تدرس جامعة يبقي مصر او امريكا واروبا غير كدة يبق بتشتري شهادات بس

شارك هذه المشاركه


رابط المشاركه
شارك

عن مديـنه حائل الحقيقه لا استطيع ان اقول كل عن الايجار لكن

حائل مديــنه جميله جدا جداا ومن اجمل المدن السعــوديه هي عروس الشمال تجمع بين المديــنه الكبيــره وبين جو العائله

فاهل حائل من افضل الناس تعاملا ونقاهم طبيعــه طيبه متناهيــه جدا فيهم .

هم اهل كرم ومشهورين بالكرم والشهامــه ولكن مع المديــنه الان قد يكون الامر اخف عن ذي قبل لكن لازالو محتفظين ببعض العادات

حائل هي بلده حاتم الطائي . وتحيط بها حبال اجا وسلمــي

الترفيـه في حائل ترفيه طبيعــي الجبال القريبـه من المديــنه اضافه على المتنزها الاخــري داخل المديـنه من الحدايق

فالرحله البريـه هناك لها طهم خاص والجبال والخضره فيها مناطق روعـه .

لن تجد مشكله في الترفيـه اطلاقا

اما عن المدارس ففيها جامعه حائل تم افتتاحها هذا العام ..حكوميـه لا اعرف تخصصاتها

هذا تقرير موجـز عن المدينه وان شاء الله لما تنزل وتستقر تعال قول لان انطباعاتك عنــها .

شارك هذه المشاركه


رابط المشاركه
شارك

ربنا يطمنك يا سيد قديم ، لأني قلق بشأنها جدا

شارك هذه المشاركه


رابط المشاركه
شارك

أنا في حائل بقالي حوالي شهرين وهي مدينة هادية وجميلة وجوها رائع جدا في الصيف لكن بيقولو الشتا برد جدا.. بالنسبة للمدارس لا تقارن بالمنطقة الشرقية أو الرياض أو جدة.. مفيش أماكن ترفيهية خالص هنا.. بالنسبة للمطاعم في ماكدونالدز وكنتاكي وبيتزا هت وكودو وهرفي.. في مول اسمه سماح سنتر معقول وفيه محلات كتير كويسة, بس طبعا لا يقارن بمولات مصر..

السكن هنا رخيص بالمقارنة بباقي مدن السعودية.. أحسن سكن هنا هيكلفك 16 ألف ريال سنوي.. طبعا في سكن بـ4 و5 آلاف بس بصراحة تقرف تسكن فيه..

شارك هذه المشاركه


رابط المشاركه
شارك

الأخ ياسرك شكرا جزيلا على المعلومات ، وأتمنى لك اقامة سعيدة بحائل ، يعني ايه المدارس لا تقارن بمصر ( من اي ناحية دراسة .. أسعار .. ايه بالظبط ) أرجو التفصيل ، وخصوصا المدارس الانترناشيونال اسعارها ، وهل يدرسون اللغة الفرنسية من ابتدائي ؟ طبعا انا عارف انك هناك منذ شهرين فقط ، لكن اذا توفرت لك المعلومة فأرجو الرد عليا ، وبخصوص السكن اللي ب16000 ده سكن كويس يعني حاجة جديدة ومبهجة والا كئيبة ، والبلد كمان متمدنه يعني شبه أي بلد بمصر ؟ أشكرك مرة أخرى

شارك هذه المشاركه


رابط المشاركه
شارك
الأخ ياسرك شكرا جزيلا على المعلومات ، وأتمنى لك اقامة سعيدة بحائل ، يعني ايه المدارس لا تقارن بمصر ( من اي ناحية دراسة .. أسعار .. ايه بالظبط ) أرجو التفصيل ، وخصوصا المدارس الانترناشيونال اسعارها ، وهل يدرسون اللغة الفرنسية من ابتدائي ؟ طبعا انا عارف انك هناك منذ شهرين فقط ، لكن اذا توفرت لك المعلومة فأرجو الرد عليا ، وبخصوص السكن اللي ب16000 ده سكن كويس يعني حاجة جديدة ومبهجة والا كئيبة ، والبلد كمان متمدنه يعني شبه أي بلد بمصر ؟ أشكرك مرة أخرى

بخصوص المدارس معنديش معلومات كتير عنها لكن مبدئيا كده مفيش مدارس على مستوى عالي زي باقي مدن المملكة.. عالعموم هسأل وأرد عليك بعدين..

السكن أرخص من أي مكان تاني.. 16 ألف ده أغلى حاجة وأحسن حاجة..

مفيش وسائل ترفيهية زي مصر.. وزي ما قلتلك هيه بلد هادية وبسيطة.. زي مثلا الاسماعيلية أو المدن الجديدة في مصر..

زي ما قلتلك في أسواق شعبية, وكمان في مول واحد صغير, وفي كمان باندا هيبرماركت..

العيوب: مفيش مواصلات عامة, لازم تركب تاكسي والتسعيرة 10 ريال لأي مشوار.. ممكن تتفق مع بعض المصريين على المشاوير في مقابل أقل من 10 ريال..

تم تعديل بواسطة YaserK

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...