اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

استفسار عن تاشيرة عمل الى الامارات


Recommended Posts

اطبعها يا ريس واتوكل علي المطار بعد وصولك بالسلامه الي الامارات في شباك اسمه ,استلام التاشيرات, تسلمهم الصوره يدوك الال وبعدين تروح للجوازات.

شركتك لازم تعرف ميعاد وصولك عشان مندوب يسلم اصل الفيزا وبالتوفيق انشاء الله

رابط هذا التعليق
شارك

السلام عليكم

الأخى ماجد

ألف مبروك على التأشيرة ، ربنا يجعلها فاتحه خير

شوف يا عزيزى ، طبعاً إنت طالع عمل ، يعنى لازم تروح تطلع تصريح عمل لأن إحتمال ضابط الجوازات بمطار القاهرة يسئلك عليه . ده بيطلع لمده سنه و يجب تجديده كله سنه (سمعت إن ممكن يطلع بسنتين ، لكن غير متأكد)

إحجز تذكرة طيران ، حالياً صعب تلاقى مكان لأن الناس بترجع من مصر إلى الإمارات لأن المدارس قربت

فى مطار أبو ظبى (ده لو هتشرفنا فى أبو ظبى ) ، لابد من تواجد أصل التأشيرة فى المطار ليسمح لك بدخول البلد

لذا رتب مع شركتك ، علشان يسلموا الـاشيرة الأصليه للمطار قبل و صولك

لما توصل بالسلامه ، هتلاقى شبكاك تسليم التأشيرات ، عليه طابور طويل غالبا ، هتاخد منهم أصل التأشيره ، و تروح على الشباك اللى جنبه على اليمبن

هناك بقى بصمة العين ، و هى ضروريه لكل قادم جديد للإقامه

بعدها يا باشا تروح على ضابط الجوازات و ده فى نفس المكان

ضابط الجوازات هيختم التأشيره ختم دخول ، و من حقك الأن أن تدخل الإمارات لمده 60 يوم ، يا إما تتطلع إقامه يا إما تغادر البلد

التأشيرة المختومه مهمه جدا ، حافظ عليها

شركتك هتبدا إجراءات الإقامه ليك ، لازم تحليل ده علشان الإيدز و لازم يعملوا تأمين صحى و شويه إجراءات و بعدين تحصل على لإقامه 3 سنوات بالإمارات.

أى أسئله إحنا فى الخدمه

بالتوفيق

أبو عاصم

رابط هذا التعليق
شارك

يا جماعه مش عارف اقولكم ايه غير جزاكم الله كل خير وان شاء الله يكون فى ميزان حسناتكم

ان شاء الله هاروح الوزاره واطلع تصريح العمل وامشى فى باقى الاجراءات

الف شكر يا اخ محمد ويا اخ ابو عصام

رابط هذا التعليق
شارك

قبل ما تسافر لازم تعمل حسابك على:

- جواز سفر ساري لمدة لا تقل عن ستة شهور

- تصريح سفر من الجيش او تاخد الختم البيضاوي على الجواز

- تصريح عمل و ده بيطلع من القسم او من الإدارة بالعباسية، لو انت موظف حكومة بتكون إجراءاته معقده شوية و لازم موافقة من جهة عملك و اجازة بدون مرتب، و لو مش شغال في الحكومه روح ادفع و خلاص و كل ما تطلعه مده طويله كل ما يكون احسنلك (سنتين افضل)، خد معاك حوالي 400 جنيه و صور شخصية و صورة الجواز و صورة التأشيرة و إن أمكن صورة العقد و بيطلع تاني يوم.

- لو معاك رخصة مصريه خدها معاك هاتفيدك خاصة لو من اكتر من سنتين (هاتقلل امتحانات الحصول على الرخصة و هاتقلل قيمة التأمين على السيارة لأنه بيكون أغلى للي معاهم رخص جديده)

رابط هذا التعليق
شارك

الف شكر يا اخ محمد على المعلومات ده

انا انهرده رحت وزارة القوى العامله وختمت على التاشيره اللى جتلى على الايميل من الشركه

و انا واخد اعفاء نهائى خلاص

المفروض فيه حاجه قبل ما اروح اعمل تصريح العمل فى العباسيه ولا كده خلاص

و انا معايا فعلا رخصه من اكتر من سنتين

رابط هذا التعليق
شارك

اثبت الاعفا النهائي في جواز السفر (الختم البيضاوي) .. الموضوع بياخدله حوالي ساعتين

توكل على الله و روح تصاريح العمل و ابقا طمننا

رابط هذا التعليق
شارك

سلام عليكم

الله يكرمك يا اخ محمد

انا الحمد لله رحت عملت تصريح العمل انهرده و دفعت الرسوم

بس قالولى تعالى استلمه لما تجيب تذكرة الطيران معاك ونشوفها

بس للاسف فيه مشكله فى موضوع حجز التذكره بسبب الزحمه الجامده

انا مستنى الشركه تلاقى حجز وان شاء الله هاروح استلم التصريح

بالنسبه للختم البيضاوى ماهو مختوم فى الباسبور

يعنى ايه محتاج اثبات

رابط هذا التعليق
شارك

يبقى كده موضوع الجيش خلاص ما تحملش همه

بالنسبة للتذكرة لو ليك قريب في شركة سياحة ممكن يطلعلك تذكرة توريهالهم و ترجعهاله تاني يلغيها

رابط هذا التعليق
شارك

و الحجز في التذكرة مش لازم يكون حقيقي بالاضافه انه ما بيظهرش انه قائمة انتظار و لا عادي و الإلغاء مفيش اسهل منه و لا يكلف خاصة لو في نفس اليوم، انا عملت الحركه دي قبل كده و عادي خالص

رابط هذا التعليق
شارك

سلام عليكم

و الله يا اخ محمد مش عارف اشكرك اد ايه على اهتمامك

ربنا يباركلك ان شاء الله

بس انا اولا معرفش حد فى شركة سياحه

تانى حاجه وده الاهم ان الشركه اللى هاشتغل فيها موفره التذكره

و فرعهم اللى هنا هو اللى متولى عملية الحجز

يعنى انا مجرد مستنيهم بس

اول ان شاء الله لما يلاقو حجز هاروح اخد التذكره واروح استلم التصريح ان شاء الله

هى العطله بس فى الحجز بسبب الضغط الموجود دلوقتى

ادعيلى بس ربنا يسهل ويلاقو تذكره

و الف شكر يا اخ محمد

تم تعديل بواسطة magedo
رابط هذا التعليق
شارك

  • 2 weeks later...
السلام عليكم

الأخى ماجد

ألف مبروك على التأشيرة ، ربنا يجعلها فاتحه خير

شوف يا عزيزى ، طبعاً إنت طالع عمل ، يعنى لازم تروح تطلع تصريح عمل لأن إحتمال ضابط الجوازات بمطار القاهرة يسئلك عليه . ده بيطلع لمده سنه و يجب تجديده كله سنه (سمعت إن ممكن يطلع بسنتين ، لكن غير متأكد)

إحجز تذكرة طيران ، حالياً صعب تلاقى مكان لأن الناس بترجع من مصر إلى الإمارات لأن المدارس قربت

فى مطار أبو ظبى (ده لو هتشرفنا فى أبو ظبى ) ، لابد من تواجد أصل التأشيرة فى المطار ليسمح لك بدخول البلد

لذا رتب مع شركتك ، علشان يسلموا الـاشيرة الأصليه للمطار قبل و صولك

لما توصل بالسلامه ، هتلاقى شبكاك تسليم التأشيرات ، عليه طابور طويل غالبا ، هتاخد منهم أصل التأشيره ، و تروح على الشباك اللى جنبه على اليمبن

هناك بقى بصمة العين ، و هى ضروريه لكل قادم جديد للإقامه

بعدها يا باشا تروح على ضابط الجوازات و ده فى نفس المكان

ضابط الجوازات هيختم التأشيره ختم دخول ، و من حقك الأن أن تدخل الإمارات لمده 60 يوم ، يا إما تتطلع إقامه يا إما تغادر البلد

التأشيرة المختومه مهمه جدا ، حافظ عليها

شركتك هتبدا إجراءات الإقامه ليك ، لازم تحليل ده علشان الإيدز و لازم يعملوا تأمين صحى و شويه إجراءات و بعدين تحصل على لإقامه 3 سنوات بالإمارات.

أى أسئله إحنا فى الخدمه

بالتوفيق

أبو عاصم

اخى الكريم ابو عصام مشكور على هذه المعلومات القيمه , لكن هل من الممكن ان اسافر بدون تصريح العمل ؟؟

لانى لا امتلك الا صوره من الفيزا مطبوعه من الايميل مثل حاله الاخ الكريم صاحب الموضوع ومكتب تصاريح العمل التابع له يرفض استخراج تصريح العمل الا باصل الفيزا او صوره منها موثقه من مستشار العمل والعمال فى الدوله المسافر اليها وبعد ذلك توثق من الاداره العامه للقوى العامله بمدينة نصر , وفى كلتا الحالتين سواء الاصل او الصوره المعتمده فيها تأخير كبير , والشركه ترفض ارسال اصل الفيزا لاعتبارها مستند هام , واذا قاموا بتوثيق الفيزا من مستشار العمل والعمال هناك من الممكن ان تستغرق شهر او اكثر نظراً للاجراءات وانا حجزت طيران على الاسبوع القادم باذن الله.

الف شكر يا اخ محمد على المعلومات ده

انا انهرده رحت وزارة القوى العامله وختمت على التاشيره اللى جتلى على الايميل من الشركه

و انا واخد اعفاء نهائى خلاص

المفروض فيه حاجه قبل ما اروح اعمل تصريح العمل فى العباسيه ولا كده خلاص

و انا معايا فعلا رخصه من اكتر من سنتين

اخى الكريم هل قمت بالختم على الصوره من وزارة القوى العامله فقط ؟ وهل الفيزا كانت موثقه من مستشار العمل والعمال فى الامارات ؟؟ ام فقط فيزا بدون اختام ؟

واين يقع مقر الاداره العامه لوزارة القوى العامله ؟؟ لانى لست من سكان القاهره.

سلام عليكم

الله يكرمك يا اخ محمد

انا الحمد لله رحت عملت تصريح العمل انهرده و دفعت الرسوم

بس قالولى تعالى استلمه لما تجيب تذكرة الطيران معاك ونشوفها

بس للاسف فيه مشكله فى موضوع حجز التذكره بسبب الزحمه الجامده

انا مستنى الشركه تلاقى حجز وان شاء الله هاروح استلم التصريح

بالنسبه للختم البيضاوى ماهو مختوم فى الباسبور

يعنى ايه محتاج اثبات

هل تم قبول الفيزا بختم وزارة القوى العامله فقط ؟؟ وماهى الرسوم التى دفعتها فى مكتب تصاريح العمل ؟؟؟

ارجوكم الاهتمام بالموضوع لانى باذن الله مسافر كمان اسبوع بالظبط من مطار الاسكندريه.

جزاكم الله كل خير

رابط هذا التعليق
شارك

السلام عليكم

يا جماعة انا جيت ابو ظبي من حوالي شهر من غير تصريح عمل ما حدش سالني عليه وانا جاي انا ساكن في مصر الجديدة ممكن حد يقولي اطلعه منين وفين مكان مكتب العباسية ده

تاني حاجة ان شاء الله هنزل في العيد الكبير وانتم عارفين ان الدنيا كلها اجازات في الفترة دي انا هنزل حوالي 6 ايام هيكون في منهم 2 يوم عمل بس

هل ممكن الحق اطلع التصريح

ولو ما لحقتش هل ممكن يمنعوني من السفر

معلش تاني فين مكتب تصاريح العمل مصر الجديدة

وهل في مركز رئيسي

فين مكتب العباسية

يا ريت تدلوني يا جماعة الموضوع ده راعبني اوي

رابط هذا التعليق
شارك

السلام عليكم

يا جماعة انا جيت ابو ظبي من حوالي شهر من غير تصريح عمل ما حدش سالني عليه وانا جاي انا ساكن في مصر الجديدة ممكن حد يقولي اطلعه منين وفين مكان مكتب العباسية ده

تاني حاجة ان شاء الله هنزل في العيد الكبير وانتم عارفين ان الدنيا كلها اجازات في الفترة دي انا هنزل حوالي 6 ايام هيكون في منهم 2 يوم عمل بس

هل ممكن الحق اطلع التصريح

ولو ما لحقتش هل ممكن يمنعوني من السفر

معلش تاني فين مكتب تصاريح العمل مصر الجديدة

وهل في مركز رئيسي

فين مكتب العباسية

يا ريت تدلوني يا جماعة الموضوع ده راعبني اوي

اخى الكريم هل كانت اول سفريه لك بفيزة عمل (تاشيرة عمل ) ام فيزة زياره ؟؟ وسافرت من اى مطار ؟

رابط هذا التعليق
شارك

  • 1 month later...

[يسار][/يسار]السلام عليكم اخوكم عماد انا عضو جديد بالمنتدى وارجو الاستفاده من الاخوه الاعزاء ياجماعه انا مستنى تاشيره من الامارات من موصلتش عايز اعرف بتوصل بعد كام يوم وشكرا ارجو الرد

رابط هذا التعليق
شارك

[يسار][/يسار]السلام عليكم اخوكم عماد انا عضو جديد بالمنتدى وارجو الاستفاده من الاخوه الاعزاء ياجماعه انا مستنى تاشيره من الامارات من موصلتش عايز اعرف بتوصل بعد كام يوم وشكرا ارجو الرد

الموضوع ده متوقف على اللي هايبعتلك التاشيرة

هل هيبعتلك الاصل ام الصورة؟

اذا كان الاصل مرسل عن طريق البريد ام احد الاشخاص في كلا الحالتين هتابع مع الجهة اللي هترسلها

اما لو الصورة فهي ممكن تيجيلك بالفاكس او الايميل و كل اللي عليك انك تحجز و تسافر (وتكون مجهز تصريح العمل معاك ) و ترسل للشركة او الشخص اللي هيبعتلك التاشيرة موعد و بيانات الحجز عشان يودع اصل التاشيرة في مطار الوصول

توصل بالسلامة ان شاء الله

رابط هذا التعليق
شارك

موضوع تصريح العمل مش مشكلة كبيرة و خاصة لو مسافر اول مره يا اما مبيسألش عليه و هو الغالب و لو رخم بيخليك تكتب تعهد انك تعمله المره الجايه .. و على اي حال روح المطار ساعه بدري فيه مكتب في المطار بيطلعها مستعجله علشان لو رخم عليك عالآخر ابقى اعملها هناك، و لما تيجي هنا ابقى اعمله من السفاره المصرية و هما متعاونين بدرجة كبيرة (بس بياخدله حوالي شهرين لحد ما يطلع) و قولهم كده في المطار انك مالحقتش و هاتعمله من السفاره في الإمارات.

على موقع وزارة الداخلية الخاص بتصاريح العمل مذكور ان هناك تعليمات من وزير الداخلية بعدم منع أي مواطن من السفر لعدم استخراج تصريح العمل، و ان كنت سمعت انهم ممكن يرخموا في الإسكندرية لكن في مطار القاهره مبقاش حد يسأل عليه

بالنسبة لمكاتب تصاريح العمل ما اعلمه هو ان هناك مكتب في كل محافظة يتم الاعلان عنه يعمل في الاجازات و كذلك الفرع الرئيسي بالعباسية جنب مرور الدراسة (على حسب وصف صديق لي)

رابط هذا التعليق
شارك

  • 4 months later...

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
  • محاورات مشابهه

    • يا مغتربي الامارات!!!!! افيدونا

      السلام عليكم و كل سنة و انتم طيبين و رمضان كريم علي الامة الاسلامية كان عندي استفسار لي حبايبنا الي في الامارات :ninja: هل 2000 درهم لمحاسب بدون خبرة في الشارقة مرتب كويس؟ مع العلم ان السكن عليهم و كنت عاوز اعرف مرتبات ال E R P تقريبا كام خصوصا الي معاه اوراكل فينانشيال طب لو فرضنا و رحت علي الشغلانة ام 2000 دي و ربنا اراد و لقيت شغل بمرتب احسن في نفس البلد, هل من السهل اغير الوظيفة و الي فيها صعوبة؟ ياريت لو حد عنده معلومه يفيدنا و ميبخلش عشان انا لسه 23 سنه و جالي الضغط من بلدنا دي :rol

      في المغتربين المصريين - egyptian expatriates

    • استفسار عن زيارة عائلية - استاذ خالد شحاته

      السلام عليكم ورحمة الله وبركاته عندي استفسار لأستاذ خالد شحاته جزاه الله خيراً أو لأي حد عنده أي معلومة يقدر يفدني جزاه الله خير زيارة عائلية لزوجتي وابنتي 3 شهور وأردت أجددها وذهبت لجوازات الرياض ولكن صادف انتهائها وقت العيد والدنيا اصبحت زحمة جدا في الجوازات وقتها شاء الله ان الزيارة تنتهي وتتطوف بعد ما مر ال 3 ايام السماح السؤال الآن بعد ما دفعت الغرامة 500 ريال عن كل جواز - هل فيه مده سماح جديدة (شهر مثلا او اسبوع) ؟ ولا لازم اروح اجدد الزيارة علي طول واقدر اروح بعد قد ايه لأن الفترة دي

      في المغتربين المصريين - egyptian expatriates

    • استفسار

      اهلين اخوتي وخواتي المحترمات،انا في حيرة من أمري، موضوعي كالتالي واحساسي أمر بمراحل متتاليه،انا درست طب اسنان في سعوديه وتخرجت بمنحه والحمدلله ،حديث التخرج،المشكله اللي صارت لي لمن اردت الإلتحاق إلى سوق العمل،بحكم اني عشت حياتي كلها في المملكه اتولدت فيها ومعرفش بلدي والدي والدتي متوفين هنا من زمان المشكله كنت على كفالة الوالدة الله يرحمها تابع غير مصرح لي بالعمل ومع وفاة الوالدة رحمها الله اظطريت انقل على كفيل إلى فئة العماله المنزليه أضطريت بسبب دراستي لم أكن متخرج في ذلك الوقت الكفيله انسانه

      في موضوعات شخصية

    • استفسار في الجمارك

      السلام عليكم و رحمة الله و بركاته انا سمعت ان اللاب توب بقوا بياخدوا عليه جمارك في مصر ... ممكن حد يفيدنا في الموضوع ده ...او كان نزل مصر و معاه لاب توب ... و بتتحسب الجمارك ازاي عليه ... معلش اصل انا هنا اول سنة و المصري الوحيد في المكان اللي انا فيه... و ياسلام بقى لو تقوللنا هم بياخدوا الجمارك ازاي لو حد خد معاه مثلا كاميرا ديجتال , ipod , موبالين جداد ...كده يعني حاجات الكترونية صغيرة كلها... شكرا...

      في المغتربين المصريين - egyptian expatriates

    • بعد الامارات .... البحرين تقيم علاقات مع إسرائيل

      تابعت باهتمام بالغ البيان الثلاثي الصادر من الولايات المتحدة الامريكية و البحرين و إسرائيل بشأن التوافق حول اقامة علاقات دبلوماسية بين مملكة البحرين و إسرائيل. و إذ اثمن هذه الخطوة الهامة نحو إرساء الاستقرار و السلام في منطقة الشرق الأوسط وبما يحقق التسوية العادلة و الدائمة للقضية الفلسطينية  أتقدم بالشكر لكل القائمين علي تنفيذ هذه الخطوة التاريخية. عبد الفتاح السيسي  رئيس الجمهورية 

      في سياسة دولية

×
×
  • أضف...