اذهب الي المحتوي
الباشمهندس ياسر

عايز اتجوز....... عايزه عريس

Recommended Posts

اهلا بالباشمهندس ياسر

شكلك كده حاطط حاجة معينه فى دماغك وبتدور عليها

طيب شاور لنا على اول السطر علشان نبتدى

ربنا يكرمك ببنت الحلال ان شاء الله ال تكون مناسبة ليك

بالتوفيق :roseop::roseop:

شارك هذه المشاركه


رابط المشاركه
شارك

قصتى انت عارفها كويس

وحكيناها كتير اوى

ارتبطت بزوجى واحنا فالجامعة

ولانى طبيبة

كان الاهل منتظرين عريس يكون طبيب

اتقدم زوجى يجى عشرومية مرة

وفى النهاية الحمد لله يأسو مننا واضطرو للموافقة

والحمد لله اتجوزنا

وخلفنا عيال صغننه

ومطلعين عنينا وعين ال جابونا

وكل يوم اصرخ منهم واقولهم

انا كنت فين ووابوكم فين

انتو طلعتولى منين :roseop::roseop:

واثبت لاهلى انه اختيارى كان فى محله

وان السعاده مش بالمهن ولا بالشهادات

ودمتم

شارك هذه المشاركه


رابط المشاركه
شارك

السلام عليكم ورحمة الله وبركاته

اهلا لمضمض وحشاني

:roseop:

فكرتوني

واحدة صحبتي قوي كل لما اتصل بيها باباها يرد عليا واول حاجة بيسألني عليها بعد السلام والتحية يقولي

(ها يارضوي يابنتي اخبار العرسان ايه؟) اضحك واقوله ربنا يبعت..........................

بس هو بيتكلم بجد

انا وصحبتي دي وكمان صحبتين كمان ممكن نعمل مسرحية كاملة عن موضوع العرسان دة

دة بجد مش هزار

ممكن ابدأ بصحبتي الاول علشان الموقف دة بيضحكني كل لما افتكرها وهي بتحكي

حسمي صحبتي دي (ن) وهي امورة المهم كان فيه عريس جاي لاي واحدة من بنات الاستاذ فلاني ( ابوها ) وهم خمسة علي فكرة هي اصغرهم والحمد لله كان عارف ان اختها الكبيرة اتجوزت خلاص

المهم ...مامته كانت بتكلم طنط في التليفون و ( ن) كانت سامعة و مامته تكلمها علي رقم 2 تقولها دي متجوزة دلوقتي ومعاها ولدين تقولها طيب 3 تقولها ربنا يقومها بالسلامة دي في الشهر الثامن تقولها طيب 4 طنط - دي مسافرة مع جوزها في شهر العسل ويظهر ان مامة نسيت او زهقت فقالتلها خلاص بقي مافيش نصيب ونسيت ان فيه رقم 5 وصاحبتنا (ن ) قاعدة مترقبة الموقف جنب التليفون وطنط مش واخدة بالها وقبل لما مامت العريس تقفل الخط وهي بتقول طب مع السلامة راحت (ن) مزعقة وقالت ( ماما انا هنا ) راحت طنط قالتلها اه صحيح والله الخير كتير والحمد لله لسة عندنا (ن)

وححدو معاد جه العريس الموعود ومامته فعمو سأله امال الوالد فين قاله -نايم في البيت

ومجاش معاكو ليه

-لا هو مالوش في المواضيع دي

-نعم يعني مين الي ليه

- ماما الكلمة الاولي والاخيرة ليها طبعا

في الوقت دة دخلت (ن) راح قايم ووقع كوب المياه باباها قال خيييييييييير

ودخلت مامته قالتلها تعالي هنا ياحبيبتي جنبي يا سلاااااااااام دة انتي زي القمر

وقعدت ترغي لوك لوك

باباها اخد باله قال للعريس اطلع يابني اقعد مع عروستك شوية في البلكونة

العريس راح باصص لمامتة هزت راسها راح طالع

وقعد برة ساكت مابينطقش

بدأت تتكلم وكل لما تسأله سؤال يقولها مش عارف لما اسأل ماما

ماما الي تقول

الرأي رأي ماما

وهكذا

لحد لما زهقت وخلاااااااااااااااص مش طيقاه بكل بساطة نادت مامته بصوت عالي وقالتلها

ياطنط انتي جبتي الببرونة معاكي ولا لأ احسن نانوس عين مامتة جعان

واضافت امشي ياواد روح مش عايزة اشوف خلقتك .....

النهاية

اه نسيت اقولكم العريس بيشتغل ايه .............. تخيلوا

ظابط ............

دة اول موقف لصاحبتنا (ن) لسة المواقف كتييييييييييير جدا وكلها كوميديا ساخرة

لو عجبككم قولولي اكمل

سلام

شارك هذه المشاركه


رابط المشاركه
شارك

الموضوع ده ازاى عدى منى قبل كده ومش شاركت فيه

الموضوع فى غايه الاهميه وبصراحه عاجبنى جدا

طب انا هدخل هنا واحكيلكم حكاياتى الشخصيه وتجاربي هههههههههههههههههههه ومش عايزه تريقه انا بقول اهه هههههههههههههه ومحدش يضحك غيري انا بقول اهه

لي عوده بعد قليل ان شاء الله

شارك هذه المشاركه


رابط المشاركه
شارك

باك

انا بقي سبحان الله كان كل ما يجي يتقدملى حد كان يجلي اتنين فى نفس الوقت واحدبيشتغل في القاهره والتانى بيشتغل ف اى دوله من دول الخليج

هحكلكم المقابله بينى وبين واحد فيهم وهو كان دكتور مسالك بوليه المهم الراجل ده وصل لحد محطه الاتوبيس واخويا راح جابه لانه يقصر عليه المسافه المهم من ساعه ما ركب معاه العربيه وهو مبهور بالعربيه بتاعه اخويا ودى وديل كام وسرعتها عامله ازاى طب ممكن اسوقها انت بس دلنى على الطريق المهم كان اللقاء عند اخى فى منزله وكان منزله بسم الله ماشاء الله عليه مساحه كبيره ومتوضب حلو جدا دا غير الزخارف والحركات دى المهم دخل تحس انه مش شاف الحاجات دى قبل كده مبهور ازاى مهندس لسه متخرج من كام سنه عامل كل ده يا خراشي ايه الراجل اللى جاى يحسدنا ده المهم كان اخويا مسافر القاهره بعدها زياره لنسايبه المهم اخويا علشان يقصر بقي قال ايه طب نسيبكم تقعدوا مع بعض شويه تحبوا تقعدوا هنا ولا فى البلكونه المهم اخونا اختارلنا بلكونه بتطل على الاشجار والهواء الجميل والنسمه العليله المهم كان الحوار كالاتى والله لسه فاكراه هههههههههههههه اصله كان مضحك بالنسبه لي بعض الشئ

العريس : ازيك يا بوسي

انا : الحمد لله بخير

العريس : مش عايزه تسألينى على حاجه

أنا : (طبعا مش عارفه عايزه اسئله عن ايه ) يعنى كلمنى عن نفسك شويه

العريس : انا اختى كذا والتانيه كذا والتالته والوالد كذا وامى كذا واختى الصغيره كذا وانا دكتور مسالك بوليه وبعمل مش عار ف ايه في ايه وبحضر ايه وان شاء الله بعد ايه هيكون معايا ايه على فكره انا عندى شقه فى الهرم وهى فى الدور السادس بس للاسف من غير أسانسير وعندى عربيه زلموكه كده بتعرج بيها لحد ما ربما يسهل

أنا : (انا في سري والله هو شكله اتم ورخم وغلس وبتكلم من مناخيره بس امكانيته كويسه بلاش احكم عليه دلوقتى ) بسم الله ماشاء الله (عيله تشرف ) ربنا يخليكم لبعض ويحفظكم ان شاء الله

العريس : وانتى بقي

أنا : انا ايه كلمينى عن نفسك ابدا انا كذا وعائلتى كذا وبمجرد انى جيت عند اخويا اللى انا عنده لقيت محور الحديث عن اخويا بيشتغل فين بيكسب كام وبيعمل ايه وياه راح السزيد والنرويج ليه هو عنده كام سنه لا والله هو اخوكى كمان حج امممممممممم ممتاز بس ازاى هى دى اول عربيه يجبها ولا دى عربيته ولا ايه هو متجوز من امتى طب هو معاه كام طب هو الشقه دى مشتريها تمليك يعنى ولا ايجار طب بيدفع فيها كام لا والله طب مساحتها اد ايه طب وانتم شقتكوا زيها طب بابا عنده عربيه طب .................... و حسيت انى كنت فى امتحان عن اخويا الله يحميه ويحرسه من العين يارب

توقف قليلا للحظات وانا كنت خلاص نفسي اتقفلت منه وعماله اقول امتى هيمشي امتى هيمشي

وبعدين بعد فتره صمت قالى على فكره انا أمام وخطيب جامع

أنا : بجد اه الحمد لله اصل الوالد كان مش عارف ايه وانا اخدت الموضوع ده منه والحمد لله

العريس : انتى عيد ميلادك ايه

أنا : كذا

العريس : يعنى انتى برج السرطان تعرفي انه متلائم مع برج ابصر شو يعنى انتى شخصيتك مش عارف ايه ويتحبي ايه بس انا عايزه اقولك انى انا الراجل ومحبش الست المتسلطه

أنا : انا اساسا مش بؤمن بالخرافات دى ماشي في علم الفلك مش معترضه بس مفيش حاجه تقول انتى مولوده فى شهر كذا يبقي انتى سماتك كذا ومعظمها حاجات مكتسبه

العريس لالالالالالا مين قال كده وانا في سري بقول (امام جامع ازاى ده ) بتحبي تسمعى اغانى

أنا : انا بطلت اسمعها من ساعه ما كنت فى الكليه والحمد لله ربنا هدانى

العريس : ازاى انا بموت فى عمر دياب وبحب اشغله وانا بشتغل اسلوبه هادى وصوته عذب و .......... (وقعد يشعر في عمر دياب )

أنا : فى سري (لالالالالا الراجل ده وصل حده معايا بصراحه هو اخره كده والحمد لله وكان عندى احساس انه كل ما بيتكلم وانا ازداد قوه على كلمه لالالالا والف لالالالالالالالالالالالالالالالالالالالالالالالالالالا)

واخيرا وليس اخرا اخويا جه وانقذنى وقال طب احنا اتاخرنا والليل ليل يادوبك علشان الطريق وطبعا هنوصلك فى طريقنا ان شاء الل تخيل يقله ايه انا اللى هسوق واخويا يقله اوك ربنا يسهل تفتكر ايه اللى حصل مرات اخويا لحد ما وصلت مصر وهى بتقول الشهادتين لانه كان ماشي بسرعه فظيعه لان سيارته مكنتش بتجيب السرعات دى والحمد لله ان ربنا سترها ووصلوا بالسلامه

وسبحان الله اخويا بيسألنى رأى قلتله لا والف لا وماما تقلي دكتور وانا اقولها لا والف لا وبعدين العريس الهمام اتصل علشان يقول نفس الحكايه انا بصراحه بقي اللى اتغظت منه غيظه وكمان مش عاجباه طب روح يا شيخ إلاهى يجيب ويحط عليك والله ضيعت وقتى بخزعبلاتك دى

والحمد لله على كل شئ

والحكايه الجايه هى حكايه ضاضا العضاضه وووالدته هههههههههههه ودى حكايه تانيه خالص وفيها من الكوميديا ما يجعلك يجيلك سورى فى اللفظ اسهال ضحكى ههههههههههههههههههههههههههههههههههههههههههههههههههههههههههههههههههه

شارك هذه المشاركه


رابط المشاركه
شارك

اولاً السلام عليكم ورحمة الله وبركاته

موضوع جاااااااااااااااامد يابااااااااااااش مهندس

الاخت رضوى والاخت بوووووووسى ام عمرو وحمى لماضه مصؤيه جداً كملوا حكايات خلينا نضحك وعلى رأى المثل ذيع ياستاذ ابراهيم خلى الناس تضحك

انا هقولكم على حكايه

انا ليا واحد قريبتى من عيله كويسه جداً ومادياً مرتحين جداًجداً وهى طبعاً جميله بجد ومعها كليه بس طبعاً طول فترة الكليه كانت تقول على ده لاء علشان شعره جايبه على جنب

وده بيحرك عينه وهو بيتكلم يعنى حاجات من دى لحد لما خلصت كليه واقعدت كمان بعد الكليه لحد لما سنها وصل 30 سنه وطبعاً نفستها ادمرت خالص ليه لانى تقريباً كل البنات الى فى العيله بتعتنا الى اصغر منها بكتير اتزوجوا وخلفوا كمان وهى قاعده طبعاً بما انى معروف بالحكمه وده اعتقاد كل الناس الا ابويا الله يرحمه هههههههههههههههه

ونظراً للقرابه كانت بتيجى عندنا وتقعد مع والدتى وانا كنت اخد عليها جداً لانها اساساً تقريباً فى مقام خالتى

على العموم فى يوم من ذات الايام صاحى من النوم ولقيتها عندنا بتكلم والدتى ان فيه عريس متقدم ليها وهى خلا هتوافق طبعاً انا اقعدت يمكن نص ساعه لحد لما قدرت اميز مين الى بيتكلم ومين الى بيستمع

وبعدين سألتها مين قالت فلان وهم ناس مش زيننا بس هاخده علشان ملتزم ومربى دقنه وخريج كلية ازهريه " اصول دين " وشغال معرفش باين كهربائى

طبعاً انا سمعت الاسم استغربت جداً اقولتها انتى عرفاه كويس قالت لا انا شفته وهوافق وخلاص

والله العظيم صعبت عليا قوى اينعم هى ياما اتدلعت بس ميبقاش ده ليه ؟؟

قولت لها بصى اولاً الولد ده لا ملتزم ولا احزنوا وصايع وبيشرب كذا وكذا اما عن موضوع مربى دقنه هو اساساً بيكسل يحلقها مش اكتر طبعاً سمعت الكلام ده انبهرت

قالت ازاى اقولتها هو كده وانا اعرفه كويس جداً ويامان اشتغل معايا

طيب وايه الحل قولتها لا تقعدى من غير زواج احسن لما تتجوزى زواجه اى كلام وتبقى مشاكل وتتعبى قالت طيب على رأيك

ومشيت تانى يوم كان عندى واحد صاحبى وشغال كويس ودخله كويس وكان تقريباً فى سنها

وكان بيسألنى على عروسه قولت له ياعمى انا عندى عروستك وحلوه وبنت ناس وكذا وكذا

طبعاً قلى طيب وتمت الزواجه فى خلال شهرين بالكتير ومعاهم عيل دلوقتى تعب جداً جداً ربنا يخليه ليهم ياااااااااااارب

على العموم المفروض الواحد لو تقدم ليها واحد وشايفه انه مناسب تتوكل على الله اما نظرية نستنا شويه يمكن يجى احسن مبيجيش

طالما الراجل مناسب فى كل حاجه يبقى نتمم على خير

انا عندة قصص واقعيه لبنات كانوا قمة فى الادب والعلم والاخلاق بس كانوا عندهم موضوع نستنى لما يجى احسن وفى الاخر اخدوا واحد اقل بكتير قوووووووووى من الى تقدم فى الاول

اينعم نصيب بس بيقبوا اغلب الوقت تعبانين وكل لما تقعد معها تبقى ناقصه تقولك ان فلان ده الى اتزوجها بيطير فى الجو واساساً الواحد بيقول ربنا يعنى سعيد بسيعده

يلا مستنى حكاوى كتير يمكن الناس تستفاد

طبعاً انا ليا واحد صاحبى تانى ده يمكن انا اتكلمت عنه فى موضوع قبل كده بس هقول على حكايته تانيه

كان رايح يخطب واحده فطبعاً ابوها بيقول احنا بنشترى راجل واهم حاجه الاخلاق طبعاً صاحبى ده قعد يسمع عادى خالص ولما جه وقت الاتفاق

صاحبى ده قال انا هجيب شبكه ب كذا ............

ابوها قال طيب ينفع ده بنت عمها ابصر جايلها شبكه بكذا ومعرفش بنت خالتها جايلها شبكه بكذا

فطبعاً صاحبى بعد موضوع احنا بنشترى راجل ومعرفش ايه جاب اخر

وقام قله مهو بنتك مش حلوه زى بنت عمها ولا بنت خالتها

سلاااااااااااااااااااااااااام

شارك هذه المشاركه


رابط المشاركه
شارك

هههههههههههههههههههههه اخر سطرين ضحكونى جدا وعلشان مداخلتك دى يا عنبي هحكيلك حكايه ضاضا العضاضه هههههههههههههههههه

يا سيدى وفى يوم من الايام وكنا عند اخويا علشان بيحتفل بعيد جوازهم مش فاكره الكام وفجأة لقينا واحد بيخبط على الباب الحاج موجود ابو المهندسه ايوه موجود طب انا عايزه فى كلمتين طبعا الحفل توقف والناس بتسأل مين الراجل اللى لابس عمه ولفيفها على دماغه بشكل فظيع جدا وجاى بلبس الشغل وتكت الشركه على البدله المهم دخل بابا واخويا الكبير أوضه المكتب لان الناس كلها كانوا مجتمعين فى الريسبشن واوضه المعيشه المهم

طلع الراجل كان عايز يخطب ابنه المهندس الكيميائي رضا لبنته اللى لسه متخرجه من الكليه الباشمهندسه بوسي هههههههههههه اللى هي انا يعنى

طبعا الموقف كان صعب جدا وبابا كان مضايق واخويا كان مضايق جدا لانه مش ميعاده طب كان يتصل قبل ما يجي وحاجات كده المهم طلع الراجل راح عندنا البيت فقلوله ده عند ابنه راح اخد العنوان ووراح عند اخويا وطبعا اكل الجاتوه وشرب الساقع وكوبايه الشاي اللى طلبها تكون حبر لانه صعيدى المهم خرج الراجل من هنا وبيقول الله يسمحك يا شيخ

وطبعا بابا نبه عليه وقاله خد ده رقم تليفونا ولما تحب تشرفنا ابقي اتصل قبليها علشان نعمل حسابنا المهم الراجل اتصل بابا وحدد معاه معاد علشان يجي هو والاسره الكريمه

المهم الجماعه جم ومعاهم مانجه وعنب وانا فاكره المانجه لانها الحاجه الوحيده اللى كانت حلوه فى اليوم ده هههههههههههههههههههه

المهم احنا عادى عندنا الموضوع يعنى مش متأزم واعتقدنا ان الجيش اللى جه هيدخل بس على الصاله ويقعدوا على الانتريه وده اللى عملين حسابنا عليه فجأة وبدون سابق انذارات لقينا الرجاله دخلوا على الصاله والسيدات زقوا ماما ودخلوا على جوه فى اى حته وماما راحت مدخلاهم فى الا وضه البحري علشان الهوا يعنى وانا لقيت عيال صغيره عندى فى اوضه النوم جايين منين الله اعلم

المهم وبعد فتره من الترحيب والتهليل وماما بقت على اعصابها من كلام امه قالت هى العروسه مش هتيجي ولا ايه عايزين نشوفها تخيلوا ادخل وتروح الست اللى كانت بتبص من تحت لتحت ههههههههههههه تبحلق في ولما اجي اسلم عليها تمسك ايدي وتضغط عليها عليها بصباعها الابهام والسبابه فكرتنى ساعتها بفيلم مارى منيب ولبنى عبدالعزيز المهم بعد كده اخواته البنات بصراحه واحده فيهم جامعيه اللى هى الصغيره وكانت الوحيده اللى الواحد يعرف يتكلم معاه وطول ما نا قاعده وبتكلم مع البنت دى والست مش شايله نظرها من على يجي بقي اخويا ويقلي تعالى اقعدى معانا شويه تروح الست تقف بسرعه وتجرى قدامى علشان تلحق مكان المهم قعدت انا مع العريس وامه كل ده مش عليها الا كلمتين طويله يارضا رفيعه يارضا انا كان نفسي اضربها واقولها ياستى ابنك هو اللى قصير انا طولى 165 يعنى فى النورمال والسيف سايد ابنك انتى اللى ملكلك فى بعضه بس بصراحه الراجل كان لسه فى مقتبل العمر وكان بيشتغل الصبح ب300 جنيه ومثبت وكان بيشتغل بالليل ب600 جنيه فى شركه معروف عنها فى السويس انها بتعين الواحد من دول سنه سنتين وتجيب واحد تانى يعنى معروف انه مش ثابت وكانت امكانياته كالاتى شقه في بيت العائله وكنت هبقي فوق حماتى اللذيذه والحاجات التانيه والده هو اللى هيعملها ويتكفل بيها وهو بس يصرف على بيته المهم الولد كان متدين جدا ومش عايزنى اشتغل ودى كانت اول طامه والتانيه انى مخرجش من البيت ابدا ابدا الا وهو معاى ودا شرط من الشروط وانى لو هو مش موجود مليش غير بيت امه وبيتى وبس المهم مشيوا واحنا فى البيت ما بين معارض ومؤيد وتقريبا كلهم بيتناقشوا ونسيوا ياخدوا رأي ههههههههههههههههه المهم

اتصل العريس تانى يوم وعايز يكلمنى وعايز يحدد ميعاد يجى فيه تانى لانه مش قعد معاى ههههههههههههههههههههه

وطبعا انا كنت فى الحمام ساعتها على رأى عادل امام هههههههههههههههه

رد مين اخي الفاضل وتحدث معه كثيرا بالتليفون ودى كانت اخر مره نسمع فيه عن ضاضا العضاضاه وده كان اسمه الشهير وكل ما نفتكر امه والهجمه اللى دخلوا من غير احم ولا دستور و بصاتها الفظيعه الحارقه وسهام نظرتها اهه نسيت قالتلى ما تقلعي الطرحه الجو حلو امى راحت قلتلها متقليس يا حاجه ههههههههههههههههههههه فهمتوا طبعا ههههههههههههههههه والله انه كان يوم مضحك جدا بس انتهى على ان الكل كان معارض بشده

وانا كنت مقتنعه جدا بأرائهم بصراحه

يعنى مثلا اانا مش معترضه انى البس النقاب بالعكس دا شئ كويس جدا

بس معترضه انه يحجر على بعدم الشغل ودى كلمه بابا قالها هو انا كنت بعلمها علشان تقعد في البيت لا تشتغل وتفيد بيتها وعيالها بكل جديد لان قعده البيت بتجيب تبلد تفكيري (وده اللى انا اصبحت فيه الان ) واسهال فى الافكار الوحشه هههههههههه(سورى على اللفظ ) وحاله من البلل غير الطبيعي (أقصد الملل طبعا )

وموضوع تأيد حركتى طب افرض امى تعبانه لا قدر الله اختى ولدت أو اى حاجه حصلت اتصرف ازاى وانت حاكم على مخرجش ابدا الا وانت معاى

وبصراحه سبب اعتراضي الشديد مكنش على العريس كان على السيده الوالد ه امه والله كانت فظيعه جدا الله يرحمها ويرحمنا برحمته ومتحكمش فينا بشر ابدا وانى هعيش في بيت عائله رغم انى مش مرتاحه للام لذا فرفضت من قبل ما يتاخد رأيئ في شئ ههههههههههههههه

اسيبكم بقي والتقي بكم مع اللى بعده ههههههههههههههههههههههه

تم تعديل بواسطة pocy

شارك هذه المشاركه


رابط المشاركه
شارك
السلام عليكم و رحمة الله و بركاته

طب تصدق بايه.... طب و النعمة دي (أنا مسكة ساندوتش شاورمة ع فكرة).... انا افتكرت ده اعلان.... و طبعا بمزيد من العبط دخلت عشان اشوف بقي هتكتبوا اريدها ممشوقة القوام...بيضاء.... صلعاء... خرساء و م الحاجات بتاعتكو دي اللي دمها لطيف و برضه اشوف الحاجات بتاعتنا زي يقدس الحياة الزوجية...كريم...و الليلة دي

مبدئيا كده ... عاوز قطمة

و الله قطمة واحدة بس... و الا و رب النعمة اللى ف ايدك... هصرخ و الم علينا الناس و اقول بتعاكسنى

ياااااه ... بقالى كتير ما اكلتش شاورمة ... ربنا يسامح الطباخين الهنود و اكلاتهم الغريبة

ثوووووووووف يا ابني

انا معظم المواقف اللي حصلت لي دايما بتلاقي الضحية بيتأزم اول ما ابتدي اساله اي حاجة و كانه كان متوقع اني هبص عي ال 10 ساغ في الارض و هرد و خلاص

قعد الضحية .....آن أن آن............ تش..... و بعدين جت الفرصة نتكلم مع بعض...... لقيته يا حرام قعد حوالي 15 ساعة ساكت..... و انا كده بوقي واجعني....المهم قولت معلش يا بت يا لمضمض ابتدي انتي.... المهم كلمة من هنا و كلمة من هناك....اخينا ابتدي يلاقي رابطة الجأش اللي كانت واقعة منه ع السلم.... و بعدين رحت قولتله بصوت انثوي سااااااااااااااااحر...... حضرتك بتقضي الاجازة ازاي.... يعني بتعمل ايه

تخيل بقي قالي ايه.....بصلي في عينيا انا قولت بقي بس خلاص هينطق و يقول هقضيه معاكي طول العمر..... لقيته بيقول انتي رخمة اوي

تخيلوا يا مؤمنين..... انا بقي عندي وش زي الشبشب البلاستيك ابو سبعة جنيه و نص في الحتت الشعبية.... رحت صدرته الواد طبعا وشه راح الوان

بصى يا لمضة

الولا كان بيعملك الاختبار الدولى المشهوررررررر اوى بتاع اول لقاء

كان عاوز يشوف رد فعلك شكله ايه لما ياخدك على حين غرة ... حلوة غرة دى

و طبعا انتى زى التلميذه الشاطرة جدا ... نجحت بامتياز ف الاختبار و صدرت للراجل الوش الخشب الل هيفاجأ بيه ف اى مشكلة هتحصل بينكم

و بمناسبة الاختبار الدولى ده

كان ليا مدير ف الشغل و حكالى انه راح يشوف عروسة و اتفقوا انهم يتقابلوا ف نادى و بعد ما قعدوا و اتعرفوا و ابتدى الكلام يجيب بعضه راح قاطع كلامها مرة واحدة

قالها :: هو ليه الدكاترة بيعتمدوا ع الحفظ اكتر من التفكير ... بحس كده انهم مش بيشغلوا دماغهم من اساسه

تخيلى رد الفعل كان ايه ..

تخيلى

طب تخيلى كمان مرة

بالظبط كده

شتمته و قامت مشيت

الضحية التانية

هي الزيارة كانت ماشية كويس بس كده كانت كتير أوي يعني... هو مش معني انه دخل علينا بتورتة يبقي هيشترينا بقي

الزيارة ابتديت الساعة 9 و فضل الزبون قاعد لغاية الساعة 12 و نص آه و الله

والحوار يا ريته معايا كان بينه و بين اخويا عارف بقي تحليل الكورة اللي بيبقي بعد الماتش..... طب انا لا شفت الماتش و مش عايزة اعمل تحليل؟؟؟

و انا قاعدة يا خويا زي النجفة في النص.... شوية اضحك.... و طبعا هو مش واخد باله ان فيه عرق هبل و شوية اروح اخش في الكلام باي حاجة

و شوية اقوم اعدل الخدديات

تصدقى انا زهقتلك

بس طالما اقعد و طول يبقى كان مبسوط

يالا ... خيرها ف غيرها

و لا زال النيل يجري....رش يا عم عايزين حبة طراوة

و عندك اكبر عربية رش ف تاريخ الجمهورية

شارك هذه المشاركه


رابط المشاركه
شارك
اهلا بالباشمهندس ياسر

شكلك كده حاطط حاجة معينه فى دماغك وبتدور عليها

طيب شاور لنا على اول السطر علشان نبتدى

ربنا يكرمك ببنت الحلال ان شاء الله ال تكون مناسبة ليك

بالتوفيق :old: :roseop:

ناخدها من وجهك الكريم يا اختى

و شكرا على دعائك الطيب

بس و الله هى مش قلة بنات ولا كتر بحث و تدقيق ... هو النصيب اللى لسه ماجاش

مش اكتر

وكل يوم اصرخ منهم واقولهم

انا كنت فين ووابوكم فين

انتو طلعتولى منين :roseop::roseop:

ربنا يخليهم ليكى و تفرحى بيهم و هما منورين الدنيا عليكى

لحد لما زهقت وخلاااااااااااااااص مش طيقاه بكل بساطة نادت مامته بصوت عالي وقالتلها

ياطنط انتي جبتي الببرونة معاكي ولا لأ احسن نانوس عين مامتة جعان

واضافت امشي ياواد روح مش عايزة اشوف خلقتك .....

النهاية

اه نسيت اقولكم العريس بيشتغل ايه .............. تخيلوا

ظابط ............

دة اول موقف لصاحبتنا (ن) لسة المواقف كتييييييييييير جدا وكلها كوميديا ساخرة

لو عجبككم قولولي اكمل

سلام

و ربنا المعبود صاحبتك دى كده :roseop:

امانة عليك بلغيها من السلام

::

انت سكت و مكملتيش ليه؟

السلام عليكم

تسجيل متابعه للموضوع اللذيذ ده

منور يا دوك

شارك هذه المشاركه


رابط المشاركه
شارك
الموضوع ده ازاى عدى منى قبل كده ومش شاركت فيه

الموضوع فى غايه الاهميه وبصراحه عاجبنى جدا

طب انا هدخل هنا واحكيلكم حكاياتى الشخصيه وتجاربي هههههههههههههههههههه ومش عايزه تريقه انا بقول اهه هههههههههههههه ومحدش يضحك غيري انا بقول اهه

لي عوده بعد قليل ان شاء الله

يعنى لازم تشترطى علينا يا بوسى

طب ايه رايك بقى

خلاص .. خلاص

هتنزل المرادى و مش هتريق ابتا ابتا

وسبحان الله اخويا بيسألنى رأى قلتله لا والف لا وماما تقلي دكتور وانا اقولها لا والف لا وبعدين العريس الهمام اتصل علشان يقول نفس الحكايه انا بصراحه بقي اللى اتغظت منه غيظه وكمان مش عاجباه طب روح يا شيخ إلاهى يجيب ويحط عليك والله ضيعت وقتى بخزعبلاتك دى

والحمد لله على كل شئ

لا مش انت الل مش عاجباه

عربية اخوكى هى اللى مش عاجباه هههههههههههه

بصراحة

ربنا يسترها علينا جميعا م الحسد

قبل ما اسافر المرادى ... اصطادنى واحد م الجماعه اياهم و قعد يقررنى

طب انت بتسافر كل شهر طيران

ايوه بفضل الله اومال هسافر راكب الناقة

طب و بتدفع تمن التذاكر دى

لا بستلفها من الناس

و تخيلى بقية الحوار لغاية ما استفزنى و غلطت فيه ف الاخر و هزئته كمان

المهم

انا لسه واصل مفيش 3 ايام و الحمد لله رب العالمين الشركة بتعمل التريمناشن ليست بتاعتها و دى تالت مرة

يعنى خلاااااااص يا ولدى

وقام قله مهو بنتك مش حلوه زى بنت عمها ولا بنت خالتها

سلاااااااااااااااااااااااااام

عنبو حبيبى

نفسى اعرف رد فعل الراجل ابو البنت ع الكلام بتاع صاحبك

شارك هذه المشاركه


رابط المشاركه
شارك

السلام عليكم و رحمة الله و بركاته

يا مسا شاورمة الفراخ بالثومية و عليها حبة مخلل

هو الرياسة ساكن في تاج محل و لا ايه.....يوه مش انت اللي قولت الهنود و لا انا غلطانة

مش عارفين نشكر سموك ازاي علي الفصل التحليلي بتاع "اختبارات الغباء......لأول لقاء" بتاع سيد كوز اللي كتبه و هو بياكل ساندوتش كبده من محل كل و اشكر

بص هو بعد تصدير الوش البلاستيكي...... الواحد بيروووووووق جدا بس هي كانت الكلمة من الوزن التقيل لان عمر ما حد قالهالي.....؟؟؟

نسيت اقولك....

تعمل ايه بقي في نفس الضحية بتاع "اختبارات الغباء" لو قعد نص ساعة يحكيلي علي خطيبته الاولانية اللي سابها آديله 3 سنين....

و الله يا مواطن...انا قولت في الاول الهندزة برضه بيعمل اختبار.... و قولت يا بت يا لمضمض معلش الصراحة حلوة برضه....لكن يفضل يحكيلي في قصص و قالت ايه و امها بقي رديت عليه بإيه؟؟؟

انا مش عارفة ايه اللي كان ف دماغه كنت مثلا هقوله قوم يا بني نروح بيتهم نرن الجرس و نجري....عشان ننتقم و لا ايه

و اللي يغيظ يا مواطن....اني كل ما الم الموضوع يفتحه.....و برضه فضلت قاعدة ساكتة خالص....و قولت معلش اخونا في جزمة...قصدي في أزمة :old: و لازم نقف جنبه؟؟

المهم حسيت اني مينفعش اقف جنبه اكتر من كده....عشان هو شفط كل الهوا اللي في القعدة

عجبك كده فكرتني بالذي مضي

هضطر انزل اشتري شاندوشتين شاورمة تاااااااااااااااااااااني..... لا تالت

فوتكم بعافية

لا راجعلكم تاني.....ده واضح ان كل شيجين انكشفن و باااااااااان

و انا عايشة مع حكايتكم .... و الله صحيح شر البلية ما يضحك....هع هع هع

شارك هذه المشاركه


رابط المشاركه
شارك
وبصراحه سبب اعتراضي الشديد مكنش على العريس كان على السيده الوالد ه امه والله كانت فظيعه جدا الله يرحمها ويرحمنا برحمته ومتحكمش فينا بشر ابدا وانى هعيش في بيت عائله رغم انى مش مرتاحه للام لذا فرفضت من قبل ما يتاخد رأيئ في شئ ههههههههههههههه

بص انا ناوى ارجع للمداخلة دى تانى

بس مش دلوقتى

انما كلمة واحدة و م الاخر

لما بنرتبط

احنا مش بنرتبط بشخص واحد

احنا بنرتبط بالشخص و اسرته و العائلة كمان

السلام عليكم و رحمة الله و بركاته

يا مسا شاورمة الفراخ بالثومية و عليها حبة مخلل

هو الرياسة ساكن في تاج محل و لا ايه.....يوه مش انت اللي قولت الهنود و لا انا غلطانة

تصدقى ناوى انى ازور تاج محل لما ابتدى اعمل رحلات لما تفرج ان شاء الله

مش عارفين نشكر سموك ازاي علي الفصل التحليلي بتاع "اختبارات الغباء......لأول لقاء" بتاع سيد كوز اللي كتبه و هو بياكل ساندوتش كبده من محل كل و اشكر

بص هو بعد تصدير الوش البلاستيكي...... الواحد بيروووووووق جدا بس هي كانت الكلمة من الوزن التقيل لان عمر ما حد قالهالي.....؟؟؟

نسيت اقولك....

تعمل ايه بقي في نفس الضحية بتاع "اختبارات الغباء" لو قعد نص ساعة يحكيلي علي خطيبته الاولانية اللي سابها آديله 3 سنين....

و الله يا مواطن...انا قولت في الاول الهندزة برضه بيعمل اختبار.... و قولت يا بت يا لمضمض معلش الصراحة حلوة برضه....لكن يفضل يحكيلي في قصص و قالت ايه و امها بقي رديت عليه بإيه؟؟؟

انا مش عارفة ايه اللي كان ف دماغه كنت مثلا هقوله قوم يا بني نروح بيتهم نرن الجرس و نجري....عشان ننتقم و لا ايه

و اللي يغيظ يا مواطن....اني كل ما الم الموضوع يفتحه.....و برضه فضلت قاعدة ساكتة خالص....و قولت معلش اخونا في جزمة...قصدي في أزمة :old: و لازم نقف جنبه؟؟

المهم حسيت اني مينفعش اقف جنبه اكتر من كده....عشان هو شفط كل الهوا اللي في القعدة

سموى حفظنى الله

متعود يعمل كده مع اخوانه و اخواته الصغيرين و ده دور طبيعى بتفرضه علينا طبيعة المرحلة خصوصا بعد نجاح الخطة الخمسية اللى جاية

و اى خدمة و لو فهمتى حاجة ابقى فهميهانى ينوبك ثواب

طب بجد بقى

يا لمضمض انتى كنت مبالغة ف رد الفعل بتاعك و الراجل قلق منك

مينفعش لما تضايقى تعملى كده ابدا ... و ده ميمنعش ان الولد مكنش واد لعيب

معرفش يشوط الكورة ازاى و لا عرف يبعتها صح حتى

النصيب غلاب و ادينا بنتعلم من تجاربنا

بالنسبة للتانى اللى قعد يحكيلك عن خطيبته القديمة فحسب ما وصل ظنى

الولد كان متعلق بالبنت لعدة احتمالات منها ان معملش اى علاقة بعدها او كانت بيحبها من قلبه اوى او شخصية ضعيف فحب يفهمك ان معندوش ذنب و انه ملوش دعوه

و رغم كل اللى فات ده ... ف الولد غطاااااااااان من هنا لغاية تاج مح :roseop: و ربنا يعوض عليكى ف الوقت اللى ضاع منك

عجبك كده فكرتني بالذي مضي

هضطر انزل اشتري شاندوشتين شاورمة تاااااااااااااااااااااني..... لا تالت

فوتكم بعافية

لا راجعلكم تاني.....ده واضح ان كل شيجين انكشفن و باااااااااان

و انا عايشة مع حكايتكم .... و الله صحيح شر البلية ما يضحك....هع هع هع

خير يا بنتى

حسستينى انك هتقوم تضربى ازاتين مش هتاكل سندوتشين

بالمناسبة

مفكرتيش انك تكتبى ؟

شارك هذه المشاركه


رابط المشاركه
شارك

السلام عليكم ورحمة الله وبركاته

اخزاني واخواتي الاعزاء..............وحشتوني

كنت النهاردة بتكلم مع صحبتي (ن) فاكرينها........ايون

طبعا ع الفون للاسف من بعد لما اتخرجنا ما بنشوفش بعض الافي المناسبات وايام الاجازات القليلة جدا........

ولما فكرتها بالعريس اياه قعدت تضحك ........... وافتكرنا باقي مواقفنا انا وهي وباقي الشلة -شلة المتفوقين- او الدحيحة كما كان يطلق علينا البعض .

النهاردة ححكيلكم علي صحبتي التانية (م) والاسم الحركي ليها في الشلة (م نضارة ) لانها كانت بتهتم جدا بنضارة بشرتها بشكل غير عادي ....... واهم ما كان يميزها انها كانت تتحدث -في اغلب الاحيان - بالعربية الفصحي وكان عندنا في الكلية مدرس مساعد كان محل اعجاب كل البنات وكان بيدرس لنا في السيكشن وعرف صحبتنا لانها كانت مميزة باللغة العربية وثقافتها ومن اهم ما كان يميزه ان مستحيل حد يدخل بعده المحاضرة ....وفي يوم كنا متأخرين -انا والشلة- بسبب المواصلات والطريق ووصلنا بعد لما بدأ المحاضرة راحت صحبتنا بكل شهامة دخلت وقالت له ( بص يادكتور لو سمحت ...احنا طبعا بنحترم حضرتك جدا وعمرنا ما اتخرنا عن اي محاضرة بس النهاردة فعلا لظروف قهرية اتأخرنا ودة كان بدون قصد وكفاية ان احنا اتعذبنا في الطريق فمن غير العادل ان حضرتك تعذبنا بعدم حضور المحاضرة كمان انا بطلب الاستثناء اليوم وذللك لسبب خارج عن ارادتنا ) وكان رد فعله الغير متوقع انه قالها _اتفضلي ادخلي احضري المحاضرة- ردت وقالت له كلا البته نحضر المحاضرة انا واصحابي انا لا اتحدث عن قضية فردية ولكن عن قضية جماعية ....... كنا متوقعين انه ممكن يقولها اطلعي برة او شئ من هذا القبيل ....بس هو قالها : اتفضلي انتي واصحابك ؟!!

بعد كدة طلب مننا بحث ودخلنا المكتبة نعمله ولكن (م) اصطدمت بأمين المكتبة بسسب انه رفض يساعدها في الحصول علي المراجع وقالها بأسلوب مش كويس متاخديش اكتر من مرجع فما كان من صحبتنا الا انها راحت للدكتور وقالت له : علي فكرة يادكتور لقد تم معاملتي باسلوب غير لائق من قبل امين المكتبة وانا اقوم اولا بتسجيل اعتراضي علي هذا الاسلوب ثم سوف الجأ الي الجهات المسئولة لتسجيل هذا الاعتراض ...... رد الدكتور وقالها : طيب براحة قوليلي ايه الي حصل ..قالت له : يا دكتور لقد تحدث معي امين المكتبة باسلوب غير لائق علي الاطلاق مستخدما في ذلك بعض الالفاظ البذيئة ....

رد الدكتور باندهاش البذيئة

قالت (م) نعم البذيئة ....... وكانت دي اول مرة في حياتي اسمع الكلمة دي

المهم الدكتور اخد لها حقها

وفي الصيف طلعنا معسكر تبع الجامعة وكان الدكتور مشرف معانا وكنت انا قائد المعسكر بالانتخاب ولاني الاولي علي الدفعة كنت محل اهتمام كل اساتذتي بما فيهم طبعا الدكتور بتاعنا ....... المهم كل لما اكون مع (م) بكون مش في قائمة الدكتور اصلا كانت هي واكلة الجو ع الاخر لدرجة واحنا بنستلم الغدا في مرة كنت انا وراها ولقيت الدكتور بيقولها ايه اخبار الاكل يا(م) يالتري عجبك وطبعا كالعادة ردت بكل اتزان : الحمد لله جيد ..قالها كويس الحمد لله .... وانا واقفة عاااااااااااادي هوا فراغ رحت رديت : ازي حضرتك يادكتور ايه الاخبار ...بصلي وقالي : اه ازيك ياااااااا: قلتله رضوي يادكتور رضوي قالي : اه رضوي ........ قلتلها عجبك كدة

المهم بعد لما رجعنا وروحنا قعدنا فترة وبعدين كانت النتيجة ظهرت فنزلت انا والشلة نشوفها وطبعا قابلنا الدكتور واول حاجة قال ل(م) الف مبروك جيد جدا هايل قالتله بارك الله في حضرتك .... بصيت له وقلتله ايه يادكتور وانا قالي انتي عملتي ايه؟ قلتله الحمد لله التيرم دة امتياز وترتيبي السنة دي التانية علي الدفعة قالي والله الف مبروك وكنت عايزة الفت نظره انه ما هتمش انه يعرف نتيجتة حد غير (م) بس صحبتنا (ن) فاكرينها منعتني ......المهم بعد كدة لقيناه بيطلب من (م ) انه يكلمها طبعا زقيناها بالعافية لانها علي الرغم من جرئتها الا انها خجولة جدا تعرفوا ايه الي حصل بعد كدة

عبر لها عن اعجابه الشديد بها وطلب منها العنوان علشان يقابل باباها

هي اتلخبطت جدا لدرجة انها نسيت العنوان وراحت فتحة الشنطة وقعدت ساعة تدور علي البطاقة علشان تيدله العنوان

بصلها بمنتي الاستغراب والدهشة وانفجر من الضحك لدرجة لفتت نظرنا طبعا هي احرجت جدا ووشها بقي لون التفاحة الامريكاني ........

المهم بعد لما اخد العنوان ورقم الموبايل

عارفين كان ايه شرطه الوحيد

كان بيشطرت انها تكتفي بهذا القدر من التعليم ( كنا في سنة ثالثة وراحيين رابعة) يعني كان باقي سنة واحدة بس وناخد البكالوريوس.......سنة واحدة يعني ممكن تكون فترة خطوبة بس هي طلبت معاه كدة وخلاص علي الرغم انه كان مدرس مساعد وكان بيحضر في الدكتوراه بس عايزها بالثانوية العامة ........طبعا صحبتنا تنحت وماعرفتش ترد عليه من الصدمة واتصلت بية علي طول قلتلها هو علي حد معرفتي انسان كويس ومتدين ومحترم بس هو كدة بيطلب منك انك تضيعي مستقبلك لو ماقدرتيش تقنعيه يبقي اكيد فيه حاجة غلط احنا مش فاهمنها لان طلبه غير منطقي بالمرة ونصيحتي كملي دراستك هي الاولي من انك تضحي بيها

وبالفعل رفضت الموضوع بس كان مفاجأة صادمة بالنسبة للشلة كلها وحتي الآن لم نعرف السبب وراء هذا الشرط العجيب.

و للحديث بقية ........................................ يتبع

سلام

شارك هذه المشاركه


رابط المشاركه
شارك

بوووووووسى انتى بتتكلمى جد ؟؟؟ هى كانت بتقوله رفيعة وطويلة وانتى قاعدة قدامها ؟؟

والله ياستى غلطانين اللى بيجيبوا الكلام ده فى الافلام ده الواقع اكتر بكتيييير

فكرتينى بعريس جالى برضه كانت مامته اللى بتتكلم طول القعدة تخيلى عن ايه ؟؟؟؟

بتسألنى عن مرتبى وشغلى من يوم ماتخرجت لحد النهارده ولو فيه زيادة فى المرتب قدام هتكون كام :blink:

انا مش عارفة ايه اللي كان ف دماغه كنت مثلا هقوله قوم يا بني نروح بيتهم نرن الجرس و نجري....عشان ننتقم و لا ايه

و اللي يغيظ يا مواطن....اني كل ما الم الموضوع يفتحه.....و برضه فضلت قاعدة ساكتة خالص....و قولت معلش اخونا في جزمة...قصدي في أزمة :blink: و لازم نقف جنبه؟؟

المهم حسيت اني مينفعش اقف جنبه اكتر من كده....عشان هو شفط كل الهوا اللي في القعدة

:happy: wst:: :lol:

عاجبك كده يالمضمض عمالة أضحك لوحدى قدام الكمبيوتر و العيال هتقلق على صوتى

عارفين كان ايه شرطه الوحيد

كان بيشطرت انها تكتفي بهذا القدر من التعليم ( كنا في سنة ثالثة وراحيين رابعة) يعني كان باقي سنة واحدة بس وناخد البكالوريوس.......سنة واحدة يعني ممكن تكون فترة خطوبة بس هي طلبت معاه كدة وخلاص علي الرغم انه كان مدرس مساعد وكان بيحضر في الدكتوراه بس عايزها بالثانوية العامة ........طبعا صحبتنا تنحت وماعرفتش ترد عليه من الصدمة واتصلت بية علي طول قلتلها هو علي حد معرفتي انسان كويس ومتدين ومحترم بس هو كدة بيطلب منك انك تضيعي مستقبلك لو ماقدرتيش تقنعيه يبقي اكيد فيه حاجة غلط احنا مش فاهمنها لان طلبه غير منطقي بالمرة ونصيحتي كملي دراستك هي الاولي من انك تضحي بيها

وبالفعل رفضت الموضوع بس كان مفاجأة صادمة بالنسبة للشلة كلها وحتي الآن لم نعرف السبب وراء هذا الشرط العجيب.

و للحديث بقية ........................................ يتبع

سلام

صح يارضوى برافو عليكى انك نصحتيها اكيد فعلا الاخ فيه حاجة غلط .. ليه تضيع مستقبلها وليه شخص المفروض انه متعلم يستهين بتعب والدها وتعبها طول السنين وتفوقها ويقولها بلاها تعليم

أعتقد انه السبب الوحيد انه بسبب تفوقها مش عاوزها فى يوم تكون مكانه او معاه ومتخيل انه الميزة الوحيدة اللى عاوز يتفوق عليها بيها هو العلم اللى هيحرمها منه

مش قادرة أفهم الناس دى أبدااا

الا صحيح ياباشمهندس ايه موضوع الاختبارات ده ؟؟؟ لا وواضح انه منتشر

انا كنت فاكرة الكلام ده فى الانترفيو وبس

وهو الاخ العبقرى اللى اخترع الاختبار ده مش فاهم ان فيه فرق انى أقبل كلمة من زوجى او كلمة من واحد اول مرة أشوف وشه وأكيد اخر مرة

وبعدين هو حضرته لما يختبرنى ويشوفنى باتضايق ازاى مين قاله انى ممكن اوافق بيه بعد مايقل ذوقه كده

هو انا اكيد مش هاشتمه

بس أكيد برضه ان دى هتكون نهاية النقاش :ninja:

هى الناس بتنسى نفسها ليه وتنسى ان فيه أصول للمقابلة وللبيوت اللى بيدخلوها

عاجبكم كده أدينى زعقت والعيال هتصحا تانى برضه :D

شارك هذه المشاركه


رابط المشاركه
شارك
السلام عليكم ورحمة الله وبركاته

اخزاني واخواتي الاعزاء..............وحشتوني

كنت النهاردة بتكلم مع صحبتي (ن) فاكرينها........ايون

كان بيشطرت انها تكتفي بهذا القدر من التعليم ( كنا في سنة ثالثة وراحيين رابعة) يعني كان باقي سنة واحدة بس وناخد البكالوريوس.......سنة واحدة يعني ممكن تكون فترة خطوبة بس هي طلبت معاه كدة وخلاص علي الرغم انه كان مدرس مساعد وكان بيحضر في الدكتوراه بس عايزها بالثانوية العامة ........طبعا صحبتنا تنحت وماعرفتش ترد عليه من الصدمة واتصلت بية علي طول قلتلها هو علي حد معرفتي انسان كويس ومتدين ومحترم بس هو كدة بيطلب منك انك تضيعي مستقبلك لو ماقدرتيش تقنعيه يبقي اكيد فيه حاجة غلط احنا مش فاهمنها لان طلبه غير منطقي بالمرة ونصيحتي كملي دراستك هي الاولي من انك تضحي بيها

وبالفعل رفضت الموضوع بس كان مفاجأة صادمة بالنسبة للشلة كلها وحتي الآن لم نعرف السبب وراء هذا الشرط العجيب.

و للحديث بقية ........................................ يتبع

سلام

و انا اقول المعيدين خابوا ليه و مبقوش بيركزوا زى زمااااااااااااان :blink:

طبعا صاحبتك معاها حق تماما فى رفضها للراجل ده

انا نفسى حاولت الاقى تفسير منطقى يخليه يمنعها تكمل تعليمها و ف الاخر ملاقيتش

حتى لو عاوزها تقعد م الشغل .... يخليها تكمل و تاخد شهادتها و تكمل دراسات عليا كمان لو عاوزة

و يقولها ان رافض مبدأ الشغل لاسباب منها كذا او كذا

ربنا يكرمها بحد يكون بيفهم و يستاهلها

الا صحيح ياباشمهندس ايه موضوع الاختبارات ده ؟؟؟ لا وواضح انه منتشر

انا كنت فاكرة الكلام ده فى الانترفيو وبس

وهو الاخ العبقرى اللى اخترع الاختبار ده مش فاهم ان فيه فرق انى أقبل كلمة من زوجى او كلمة من واحد اول مرة أشوف وشه وأكيد اخر مرة

وبعدين هو حضرته لما يختبرنى ويشوفنى باتضايق ازاى مين قاله انى ممكن اوافق بيه بعد مايقل ذوقه كده

هو انا اكيد مش هاشتمه

بس أكيد برضه ان دى هتكون نهاية النقاش :roseop:

هى الناس بتنسى نفسها ليه وتنسى ان فيه أصول للمقابلة وللبيوت اللى بيدخلوها

عاجبكم كده أدينى زعقت والعيال هتصحا تانى برضه :roseop:

الموضوع منتشر جدا و من زماااااااااان اوى كمان

الفكرة ان البنات زمان كانوا طيبييييين و مكنوش بياخدوا بالهم

دلوقتى اتنصحوا اوى و بقوا شريييييييرات ... زى الساحرة الشريرة كده ... فكان لزاما على الولاد انهم ياخدوا حذرهم و يحذروا التغيرات الديدة ... الجديدة بالمصرى

و بعدين ايه علاقة الموضوع بالبيوت و المقابلات .. المسألة مش اكتر من قياس مستوى رد الفعل ...مش اكتر

طب احكيلك موقف زي كده

هو راح يشوف عروسة و قعد معاها و قام مبسوط و مشهيص

هي فرحت بيه و طارت م الفرحة

اتفقوا يتقابلوا تانى مع الاسرتين عشان يبقى تعارف عوائلى

راحو و اتقابلوا ف النادى و بعدين استاذن و اخدها على جنب

و اثناء النقاش ما هو شغال و البنت مندمجة و بتحكى عن طبيعة شغلها و الشركة و الكلام الكبير ده كله ...راح ناطط فاجأة و قالها

هو ..فلانة ..

هي .. هاتى بوسة

تخيلوا رد فعل البنت كان شكله اييييييييييييييييييه

:happy:

و الله الجماعة اشباب لمهندسيين دول لاسعييييييييييييين اخر حاجة

شارك هذه المشاركه


رابط المشاركه
شارك

السلام عليكم ورحمة الله وبركاته

ربنا يكرمها بحد يكون بيفهم و يستاهلها

الحمد لله هي دلوقتي اتجوزت انسان علي قدر عالي من الاخلاق والذوق والثقافة والعلم وبرضه بيحب يتكلم باللغة العربية

وعلي فكرة موضوع المعيدين دة بقي عااااااااااااادي جدا انا بلاحظ كتيير انهم بيحبوا يرتبطوا بمن هن اقل منهم في العلم

بس للاسف الشديد انا معرفش السبب ؟؟؟؟؟!!!!!!

أعتقد انه السبب الوحيد انه بسبب تفوقها مش عاوزها فى يوم تكون مكانه او معاه ومتخيل انه الميزة الوحيدة اللى عاوز يتفوق عليها بيها هو العلم اللى هيحرمها منه

ممكن يكون دة تفسير منطقي او بمعني ادق هو دة التفسير المنطقي الوحيد

بس ما هي برضه لو حصلت علي البكالويوس برضه حتبقي اقل منه لانه معاه دكتوراه اما سبب رفضه انها تكمل اصلا فده خلانا ساعتها نحط خطوط حمراء كتيرة جدا .......

طيب ايه رأيكم لو حكيت لكم علي موقف علي النقيض تماما حصل معايا انا المرة دي

صلوا ع النبي

اول ما اتعينت كان فيه شاب بيشتغل معايا وكنت بلاحظ انه مهتم بيه يعني مترقب حركاتي او مركز معايا حبتين

بس هو عمره ما حاول يكلمني ...وانا كنت مكبره الجمجمة كالعادة

المهم راح قابل أخويا وكلمه

وخلي اخوه يكلم اخويا

وبعت لي اخته تكلمني

انا ساعتها استغربت جدا كان كفاية تصرف واحد من الي فاته يعني كان كفاية قوي انه يكلم أخويا ...خلصت

بعد كدة اخته كل شوية تحاول تاخد معاد مني ونتقابل في النادي (انا واخويا وهو واخته ) بس انا كنت بقول اني معنديش وقت

بصراحة كنت مستغربة الموقف حبتين لأن أخويا قالهم نحدد معاد مع بابا واتفضلوا في البيت بس هما كانوا عايزين يتعرفوا علينا الأول قبل مايجوا البيت أو بمعني اصح زي ما اخوه قال لأخويا انه عايز يضمن موافقتي الاول قبل ما يقابل بابا

بعد كدة أخته بدأت تقعد معايا المهم بدأت اعرف ظروفه واحدة واحدة ....يعني امكانياته سنه ...الخ وجت اهم نقطة والي فسرت بعد كدة ليه ماكانش عايز ييجي البيت

وهي المؤهل ...كان مؤهل متوسط.... بس انا قلت لاخته اني بحضر ماجستير وماعنديش استعداد اني ماكملش دراستي بس هو ماكانش عنده مانع خاااااااااااالص ولو عايزة تكملي دكتوراه مافيش مشكلة اصلا

-ايوة ياجماعة بس ماينفعش ارتبط بحد انا شايفة انه اقل مني في المستوي العلمي

-ايه يعني المستوي العلمي طيب ماهو كويس وظروفه المادية كويسة جدا وحيقدر يكفي كل طلباتك ....

-مش هي دي النقطة بس علي الرغم من اخلاقه الا انه برضه مؤهل متوسط

-خلاص لو تفرق معاكي قوي هو ممكن يكمل في الجامعة عن طريق التعليم المفتوح ويبقي مؤهل عالي عادي يعني

بصراحة انا ماتقبلتش الفكرة اصلا ماقدرتش استوعبها

وكمان بابا وماما رفضوها علي الاطلاق

وانا حاسه اني اخترت الاختيار السليم لابد التكافؤ والتكافل بين الطرفين ................

شارك هذه المشاركه


رابط المشاركه
شارك
الباشمهندس ياسر مشاركة بتاريخ Nov 12 2009, 06:26 PM

عنبو حبيبى

نفسى اعرف رد فعل الراجل ابو البنت ع الكلام بتاع صاحبك

ملحقش يقول حاجه لانه قااااااااام ومشى يعنى على باااااال لما فاق كان الراجل وصل بيتهم

انت عارف انا بحب الناس الى بتبقى صريحه يعنى ايه ؟؟

يعنى لما تقول احنا بنشترى راجل واحنا ملناش بركه الا انت وفجأه الاقيك بتفاصل معايا فى كل شىء

لا خليك صريح من الاول وقول والله يابنى احنا عاوزين كذا وكذا وكذا وانا هكون صريح معاك برده وهقولك والله انا امكانياتى كذا وكذا ولو عاوز ماشى مش عاوز يبقى خلاص ويدار مدخلك شر

لكن فيه ناس تقعد تقول احنا والله اخدنا علشان هو متدين ومطلبناش منه اى حاجه وقولنا له الى تجيبه وتفاجأ انهم مطلعين عينه

انا بحكم انى كنت شغال فى موضوع الموبيليا والتشطيبات وكنت باخد شغل لحسابى فكانت كل حاجه بتبقى قدامى بجد وياما ناس فركشوا الزواجه كلها علشان فرق الفين جنيه فى العفش ولا التشطيب

انا شخصياً مبدأ هتجيب ونجيب ده مش موجود فى قاموسى لازم يبقى فيه قبول وخلاص وبعد كده الى يجيبوه والى اجيبه لكن انا لو حد اشترط عليا هقوله مع السلامه حتى لو قال فى المعقول بس المبدأ نفسه مرفوض دى زواجه مش بيعه وشروه

رضوي مشاركة بتاريخ أمس, 07:53 PM

بصراحة انا ماتقبلتش الفكرة اصلا ماقدرتش استوعبها

وكمان بابا وماما رفضوها علي الاطلاق

وانا حاسه اني اخترت الاختيار السليم لابد التكافؤ والتكافل بين الطرفين ................

اختيار موفق لازم يكون فيه توافق علمى بين الاتنين

يعنى ايه واحد مؤهل متوسط ياخد واحده بتحضر دكتوراه مينفعش خاااااااااااالص حتى لو كان شووووووووووووال فلووووووس

انا واحد قريبى بسم الله ما شاء الله معاه تلات بنات وولد

الولد دكتور فى كملية طب والبنات واتنين معيدين فى صيدله وواحده مأمورة ضرائب

وكلهم ولله الحمد جُمال لما جه يتزوجوا كان بيتقدم ليهم ضباط شرطه وكان بيرفضهم وكانوا بيستغربوا

وكان رده يابنى لازم يكون فيه توافق علمى بينك وبين بنتى انت كنت جايب فى الثانويه العامه 50% وابوك دفع ليك فلوس ودخلت شرطه وبعدين انت ميولك واتجاهاتك غير بنتى تماماً انت بتفكر هتلبس ايه وهتسهر فين وهى بتفكر فى العلم لازم تتزوج واحد يكون زيها او ميولهم واحده انت مش هتبقى سعيد مع بنتى ولا هى هتبقى سعيده معاك

وبجد كان بيجيلهم ناس تقيله بس الراجل وبناتهم دماغهم كده وفعلاً كل واد اتزوجت دكتور فى الجامعه

يوم الفرح بتاعهم كنت ماسك مناديل معقمه واى واحد يدخل الفرح اديله منديل وكان كل الى بيسألنى ليه اقوله يابنى احنا فى قاعة عمليات مش افراح طبعاً كان نوع من الضحك

ولما جم علشان يرقصوا سلووو ولا خلاص اصل كده الموضوه هيقلب كوميديا وياسر ممكن يزعل ويطخنى بالنااااااااااااااااار

برده انا كان شغال معايا صنايعيه وكلهم كانوا اصحابى وبجد عيال فاهمناه وعيال نظيفه بجد وكلهم مؤهلات متوسطه لما جم يتزوجوا كل واحد فيهم اخد واحده مؤهل عالى بس انا مكنتش موافق بس لما عرفت دماغ البنات الى اخدوهم مستغربتش يعنى لقيت الاولاد اعلى بكتير اقوى منهم فى الثقافه علشان كده عايشين مرتاحين

لازم يكون الواحد اعلى من زوجته فى الثقافه علشان يقدر يحتويها

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • طلب معلومات حول الفيزا السياحية :مصري عايش في بلجيكا عاوز اتجوز جزائرية عايشة حاليا في الجزائر

      السلام عليكم انا مصري عايش في بلجيكا و اتعرفت علي بنت جزائرية عايشة دلوقتي في الجزائر. الاجراءات الروتينية طويلة ومملة. بداية من لما اروح الجزائر اقدم طلب واستني 3 شهور عشان يردو بالموافقة بعد التحري عني و بعد كده نبدأ الجواز الموثق في الحكومة الجزائرية و بعد كده ابتدي انا من بلجيكا اجهز اوراق كتير وابعتلها كل الاوراق دي وهي تقدم علي فيزا لم الشمل في السفارة البلجيكية في الجزائر. الموضوع هيعدي السنة وزيادة وانا بصراحة تعبت من البهدلة في الاوراق والترجمة ووجع الدماغ ده كله بقالي كام سنة من يوم

      في المغتربين المصريين - egyptian expatriates

    • عايزه اشترى ديب فريزر ................

      عايزه اشتري ديب فريزر بس مش عارفه اشتريه من هنا (الكويت) ولا اشتريه من مصر ...... فلو امكن حد من الاخوه والاخوات فى مصر يقلي ايه الاسعار الموجوده هناك .....................؟؟؟؟؟؟والماركات النضيفه مع توضيح عدد الادراج يبقي ياريت ..............جدا وامكانيه الشحن من هنا والجمرك بتاعه هيكون أد ايه ................؟؟؟؟؟ وايه مساؤي شحنه من هنا ياريت ..........تفيدونى فى الموضوع ده ............. منتظراكم ..............

      في موضوعات شخصية

    • عايزه رايكم ضروري

      جايلي عقد في مستوصف الجزيره بحي النسيم في الرياض ممارس عام ب 6 و لسه معرفش تفاصيل العقد ردوا عليا ضروري سمعه المستوصف ده ايه و حي النسيم ده كويس و لا لا

      في المغتربين المصريين - egyptian expatriates

    • عد من 1 إلى 5 و كهرب العضو اللي انت عايزه *_*

      اللعبة جميلة جدا و مش من تأليفي طبعا انا لقيتها على أحد المنتديات و عجبتني اوي فقلت خللينا نفك شوية في اللعبة دي و اهو منها برضه نكهرب الأعضاء اللي غايظينا ههههههههههه طبعا ممنوع كهربة المشرفين :closedeyes: هههههههههههههه يللا نبتدي كل واحد يدخل يكتب الرقم اللي بعد اللي كتبه العضو اللي قبله و العضو اللي حيكون دوره يكتب 5 هو اللي يكهرب واحد من الأعضاء و ممكن يكتب تعليق لو عايز 1 1 1 1 1 1

      في دعوة للأبتسام

    • مش عاوزة اتجوز

      دعوة نضحك شوية طبعا كلنا شفنا حلقات المسلسل حنقدم اجزاء منها كل مااتفرج عليه مش بامسك نفسى من الضحك خصوصا حلقات معينة المسلسل بيعرض بعض النماذج الغريبة والمستفزة لاشخاص موجودة فى المجتمع فهل قدمها بصورة طبيعية ام بالغ فى نقدها لدرجة جعلت العروسة من اول مقابلة للعريس ترفع شعار مش عاوزة اتجوز حلقة ضابط الشرطة http://www.youtube.com/watch?v=2-wxz-puYqA&feature=related

      في دعوة للأبتسام

×
×
  • اضف...