اذهب إلى المحتوى
محاورات المصريين

عايز اتجوز....... عايزه عريس


الباشمهندس ياسر

Recommended Posts

واضح

ياترى يا هل ترى الحديث بقى ممل

ولا 00بيخمنوا شكل الطرف التانى على رأى تانت ليلى مراد؟؟

تعالوا كلوا عاشوره :roseop:

يا "قلب ابيض" الكلام بقي يوجع و يجرح

انا عموما في الموضوع دا بالذات بطلت اخمن و بطلت اتخيل

دا انا زمان لما كنت اروح اشوف عريس كنت ابقي فرحانة و كنت البس على سنجة عشرة و برفان و ميكب خفيف ، و ابقي مجهزة الهدوم الي هروح بيها قبلها باسبوع او كنت اشتري هدوم جديدة.

دلوقتي بقي عاااادي جداا (زي ما يكون الواحد نحس) اي حاجة تقضي الغرض، و بعدين مش لازم اخد اجازة من الشغل علشان اجهز نفسي، علشان ساعات كتير العرسان بتكون جاية و مش بصة حتى في المرايا و منظرهم يسد النفس فحرام اضيع رصيد الاجازات السنوي في واحد مكلفش نفسه يكوي قميصه و يغسل سنانه قبل ما يجي.

عارفة يا قلب ابيض انا نفسي في ايه؟

اقفل الاوضة عليا ، مش عاوزة حد يشوفني و لا اشوف حد.

نفسي مسدودة عن كل شئ

ساعات كتير بنام 12 ساعة متواصل و مش ببقي عاوزة اصحي

عاوزة اخرج من حالة الاكتئاب دي

ومش عارفة اعمل ايه

بفكر اسيب شغل و ادور على شغل يكون في مكان بعيد و شغل صعب و متعب

علشان ابطل افكر و ارجع البيت مهدودة و انام

تم تعديل بواسطة Princesse

Que de routes prend et que de raisons se donne le cœur pour en arriver à ce qu’il veut

أشياء تؤلم : أن تصل يوماً إلى قناعة أن كل من مر بك أخذ جزاءً منك ومضي...أن تجد نفسك مع الوقت قد بدأت تتنازل عن احلامك واحداً تلو الاخر....أن تفتح عينيك يوماً على واقع لا تريده

رابط هذا التعليق
شارك

  • الردود 249
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

وحشتووووووووووووووووني كتير

سامحوني

مشغول شوية ف الشغل و كده يعني :roseop:

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

واضح

ياترى يا هل ترى الحديث بقى ممل

ولا 00بيخمنوا شكل الطرف التانى على رأى تانت ليلى مراد؟؟

تعالوا كلوا عاشوره :FN:

يا "قلب ابيض" الكلام بقي يوجع و يجرح

انا عموما في الموضوع دا بالذات بطلت اخمن و بطلت اتخيل

دا انا زمان لما كنت اروح اشوف عريس كنت ابقي فرحانة و كنت البس على سنجة عشرة و برفان و ميكب خفيف ، و ابقي مجهزة الهدوم الي هروح بيها قبلها باسبوع او كنت اشتري هدوم جديدة.

دلوقتي بقي عاااادي جداا (زي ما يكون الواحد نحس) اي حاجة تقضي الغرض، و بعدين مش لازم اخد اجازة من الشغل علشان اجهز نفسي، علشان ساعات كتير العرسان بتكون جاية و مش بصة حتى في المرايا و منظرهم يسد النفس فحرام اضيع رصيد الاجازات السنوي في واحد مكلفش نفسه يكوي قميصه و يغسل سنانه قبل ما يجي.

عارفة يا قلب ابيض انا نفسي في ايه؟

اقفل الاوضة عليا ، مش عاوزة حد يشوفني و لا اشوف حد.

نفسي مسدودة عن كل شئ

ساعات كتير بنام 12 ساعة متواصل و مش ببقي عاوزة اصحي

عاوزة اخرج من حالة الاكتئاب دي

ومش عارفة اعمل ايه

بفكر اسيب شغل و ادور على شغل يكون في مكان بعيد و شغل صعب و متعب

علشان ابطل افكر و ارجع البيت مهدودة و انام

السلام عليكم و ررحمة الله و بركاته

حبيبتشي برينسس....

حبايبي الحلوين اللي منورين المنطشقة....

ثانيا: اوعي تكتشئبي يا حياة قلبي..... البسي و افرحي و افتحي نوافذ القلب و تنفسي حبا.... حتي لو مافيش جوثة دلوقتي نحبها (شفتوا الرومانسية بقي... :roseop: )

كان فيه مقولة زمان قريتها و بحبها أوي Smile.....you will never know who might fall in your love while you are smiling

يعني خليكي مبتسمة دايما.....(لا مش الضحكة دي بتاعت سيحنال تو و م الودن للودن.....) لأا يعني خلي جواكي احساس عالي بالخير و التفاؤل و حقيقي هتلاقي الدنيا بمنطقها المعاكس جدا جدا جدا

عارفة حد برضه قريتله قالك ايه..... أقوي حب يأتي عندما نبحث عن شيء آخر

خليكي دايما في احلي حالاتك..... مش مظهرا... و لكن روحا....لو تلاقت روحك مع شخص ترتاحين اليه...يبقي هنضرب زغروتة...و لو اتأخر شوية (بس و عهد مين ده... و عهد الله أهه جااااااااي أنا شايفاه في الفنجان :blush2: )....يبقي برضه كسبتي حالة الرضا و التصالح مع نفسك

ممكن بقي تقومي م السرير..... افتحي شباكك.....(انا عارفة ان الجو برد .....بس معلش حبة كده عشان يطردوا اي اشباح شريرة بتتنطط جوانا و بتشدنا مع قانون الجاذبية لتحت)

عيشي و افرحي.....و لما يجي الافندي اللي مكوش القميص.... و لا مغسلش سنانه....شوفي فيه حاجة تانية (يمكن كان ملهوف انه يقابلك لدرجة انه اتدردب علي السلالم عشان يشوفك) يمكن هو كمان تعب من البحث و كيلة شيكولاتة داير بيه ع البيبان... يمكن هو كمان عايز يخش اوضته و يقفل علي نفسه و يخش في سبااااااات شتوي عميق

يمكن و ألف يمكن.... بس اكيد فيه يمكن منهم هتساعدك نشوف الامور اوضح....أو بشكل احلي

أولا بقي:

أنا م ساعة ما دخلت برجلي اليمين الحوتة دي و انا ملاحظة حاجة

بصوا بقي م الاخر كدهوت......هو فيه شباب عترة و زي الورد (ايون كل واحد فشخ بقه دلوقتي)

و فيه بنات جدعان و الاهم بتفكر.....

و الاتنين كل واحد قاعد مكتف نفسه كده ع الشلتة اللي هو قاعد عليها.......(مش عارفة هي الشلتة دي بيوزعوها للمستجدين و لا ايه)

انا ملاحظة برضه ان احنا كتير بنتكلم في موضوعات قد تكون عامة لكن وجهات نظرنا بتقربنا كتير لبعض.....

بصوا هو كان فيه حاجة بيعملوها الامريكان.....(عارفة عارفة هتقولولي خلاص البت م بلاد الفرنجة.... لا و الله انا من حارة كل و اشكر)

هو لما حد بيحس انه محتاج يتعرف علي حد اكتر بيقوله كده في وشه...أنا محتاج اتعرف عليك اكتر و كده و يبدأ يشوف ايه نقاط الالتقاء بينه و بينها

أنا رايي....لو ممكن ده يحصل بس مش ع العلن طبعا.....بس نحط حوتة شرقية برضه ان يكون مثلا متابع معانا حد من الكبار (مقاما طبعا) زي تااااااااانت قلب ابيض.....ماما سلوي..... حبيب قلبي سي السيد......أو الناس اللي عارفة الناس في المنتدي هنا من فترة

الحقيقة انا مش مع فكرة التخيلات خالص... ليه بقي...لأن كل واحد بيقعد يبني تخيلات مع نفسه.....و بيسمع صوت في دماغه مش بيشوف الواقع الحقيقي بتاع الطرف اللي قدامه

مش عارفة ده رأيي.... و طبعا انا متوقعة اني هآآآآآآآآآكل ضرب للصبح.....يالا اهه حبة الوان في وشي برضه متخسرش

يمكن انا صح.... و يمكن انا غلط......بس قولت اللي قدرت عليه

فوتكم بعافية

رابط هذا التعليق
شارك

واضح

ياترى يا هل ترى الحديث بقى ممل

ولا 00بيخمنوا شكل الطرف التانى على رأى تانت ليلى مراد؟؟

تعالوا كلوا عاشوره :FN:

يا "قلب ابيض" الكلام بقي يوجع و يجرح

انا عموما في الموضوع دا بالذات بطلت اخمن و بطلت اتخيل

دا انا زمان لما كنت اروح اشوف عريس كنت ابقي فرحانة و كنت البس على سنجة عشرة و برفان و ميكب خفيف ، و ابقي مجهزة الهدوم الي هروح بيها قبلها باسبوع او كنت اشتري هدوم جديدة.

دلوقتي بقي عاااادي جداا (زي ما يكون الواحد نحس) اي حاجة تقضي الغرض، و بعدين مش لازم اخد اجازة من الشغل علشان اجهز نفسي، علشان ساعات كتير العرسان بتكون جاية و مش بصة حتى في المرايا و منظرهم يسد النفس فحرام اضيع رصيد الاجازات السنوي في واحد مكلفش نفسه يكوي قميصه و يغسل سنانه قبل ما يجي.

عارفة يا قلب ابيض انا نفسي في ايه؟

اقفل الاوضة عليا ، مش عاوزة حد يشوفني و لا اشوف حد.

نفسي مسدودة عن كل شئ

ساعات كتير بنام 12 ساعة متواصل و مش ببقي عاوزة اصحي

عاوزة اخرج من حالة الاكتئاب دي

ومش عارفة اعمل ايه

بفكر اسيب شغل و ادور على شغل يكون في مكان بعيد و شغل صعب و متعب

علشان ابطل افكر و ارجع البيت مهدودة و انام

السلام عليكم و ررحمة الله و بركاته

حبيبتشي برينسس....

حبايبي الحلوين اللي منورين المنطشقة....

ثانيا: اوعي تكتشئبي يا حياة قلبي..... البسي و افرحي و افتحي نوافذ القلب و تنفسي حبا.... حتي لو مافيش جوثة دلوقتي نحبها (شفتوا الرومانسية بقي... :roseop: )

كان فيه مقولة زمان قريتها و بحبها أوي Smile.....you will never know who might fall in your love while you are smiling

يعني خليكي مبتسمة دايما.....(لا مش الضحكة دي بتاعت سيحنال تو و م الودن للودن.....) لأا يعني خلي جواكي احساس عالي بالخير و التفاؤل و حقيقي هتلاقي الدنيا بمنطقها المعاكس جدا جدا جدا

عارفة حد برضه قريتله قالك ايه..... أقوي حب يأتي عندما نبحث عن شيء آخر

خليكي دايما في احلي حالاتك..... مش مظهرا... و لكن روحا....لو تلاقت روحك مع شخص ترتاحين اليه...يبقي هنضرب زغروتة...و لو اتأخر شوية (بس و عهد مين ده... و عهد الله أهه جااااااااي أنا شايفاه في الفنجان :blush2: )....يبقي برضه كسبتي حالة الرضا و التصالح مع نفسك

ممكن بقي تقومي م السرير..... افتحي شباكك.....(انا عارفة ان الجو برد .....بس معلش حبة كده عشان يطردوا اي اشباح شريرة بتتنطط جوانا و بتشدنا مع قانون الجاذبية لتحت)

عيشي و افرحي.....و لما يجي الافندي اللي مكوش القميص.... و لا مغسلش سنانه....شوفي فيه حاجة تانية (يمكن كان ملهوف انه يقابلك لدرجة انه اتدردب علي السلالم عشان يشوفك) يمكن هو كمان تعب من البحث و كيلة شيكولاتة داير بيه ع البيبان... يمكن هو كمان عايز يخش اوضته و يقفل علي نفسه و يخش في سبااااااات شتوي عميق

يمكن و ألف يمكن.... بس اكيد فيه يمكن منهم هتساعدك نشوف الامور اوضح....أو بشكل احلي

أولا بقي:

أنا م ساعة ما دخلت برجلي اليمين الحوتة دي و انا ملاحظة حاجة

بصوا بقي م الاخر كدهوت......هو فيه شباب عترة و زي الورد (ايون كل واحد فشخ بقه دلوقتي)

و فيه بنات جدعان و الاهم بتفكر.....

و الاتنين كل واحد قاعد مكتف نفسه كده ع الشلتة اللي هو قاعد عليها.......(مش عارفة هي الشلتة دي بيوزعوها للمستجدين و لا ايه)

انا ملاحظة برضه ان احنا كتير بنتكلم في موضوعات قد تكون عامة لكن وجهات نظرنا بتقربنا كتير لبعض.....

بصوا هو كان فيه حاجة بيعملوها الامريكان.....(عارفة عارفة هتقولولي خلاص البت م بلاد الفرنجة.... لا و الله انا من حارة كل و اشكر)

هو لما حد بيحس انه محتاج يتعرف علي حد اكتر بيقوله كده في وشه...أنا محتاج اتعرف عليك اكتر و كده و يبدأ يشوف ايه نقاط الالتقاء بينه و بينها

أنا رايي....لو ممكن ده يحصل بس مش ع العلن طبعا.....بس نحط حوتة شرقية برضه ان يكون مثلا متابع معانا حد من الكبار (مقاما طبعا) زي تااااااااانت قلب ابيض.....ماما سلوي..... حبيب قلبي سي السيد......أو الناس اللي عارفة الناس في المنتدي هنا من فترة

الحقيقة انا مش مع فكرة التخيلات خالص... ليه بقي...لأن كل واحد بيقعد يبني تخيلات مع نفسه.....و بيسمع صوت في دماغه مش بيشوف الواقع الحقيقي بتاع الطرف اللي قدامه

مش عارفة ده رأيي.... و طبعا انا متوقعة اني هآآآآآآآآآكل ضرب للصبح.....يالا اهه حبة الوان في وشي برضه متخسرش

يمكن انا صح.... و يمكن انا غلط......بس قولت اللي قدرت عليه

فوتكم بعافية

لا فض فوك يا معلم

وبما ان اسمى مكتوب 00دعونى اتحدث بوضوح اكثر مع مراعاة انى بحبكم كلكم فى الله ويهمنى انكم تكونوا سعداء قريرى العين

يا جماعة الخير بكل صراحه انا اشرت لموضوع زيتنا فى دقيقنا ده من قبل وده لانى لاحظت ان كل الحكايات والمشاكل متشابهه الكل تقريبا متغرب وفرصته فى التلاقى مع نصه التانى بسيطه ويحيطها اشواك 00يا طمع مادى 00يا عدم وجود وقت او فرصه للتفاهم واشياء من هذا القبيل

لم اجد شاب عازف عن الارتباط ولا شابه تضع شروط خياليه 00الكل متفاهم ومطمئن للاخرين من الاخوه المحاورين من نفس ظروفهم

تقريبا الكل متوافق دراسيا 00سلوكيا " وان كان لا يتضح الا بالعشره " الى حد كبير فى وفاق كاصدقاء على الاقل

شباب واعى مدرك للكثير من جوانب الحياه متفهم لظروف الغير ومتمسك بتقاليد وعادات تربى عليها فى بلده برغم غربته00

شىء واحد هو اللى جعلنى متحفظه فى الحديث معكم 00انا ام ولى الولد والبنت وهم بالتالى فى سن الزواج وبالتالى فانا اشعر بمشاعركم من ناحيتين اولا كأم 00تريد ان ترى الفرحه فى عيون ابناءها وتنتظر اليوم اللى تفرح بأحفادها 00

ثانيا كشابه او شاب مثل ابنى وبنتى لهم من الاحتياجات والرغبات النفسيه والعاطفيه وغيرها ممن يشعر بها من فى سنهم ويريدوها حلالا وفى النور وبمباركه الاهل والاحباب

بعد اذن الاداره لو سمحت لى كان بها 00وان لم يكن اتمنى ابلاغى 00مع مراعاه والتأكد من حسن النيه لدى اولا واخيرا

هل من الممكن ان يكون هناك وسيط بين الطرفين بشكل محترم وراقى 00بمعنى "كما اشارت لماضه ومن قبلها اخرين بشكل ودى بينى وبينهم "

توضيح ظروف كل طرف الخاصه والمتاحه للارتباك من الشخصيه الفلانيه وبناء عليه ابلاغ هذه الشخصيه بالطلب من دون ذكر اسماء الا فى حاله الموافقه المبدئيه وفى هذه الحاله ينتهى دورى ويترك الموضوع لاستكماله بشكل شخصى فيما بينهم

وطبعا يتم هذا فى سريه تاااامه جدا جدا والله شاهد علينا من قبل ومن بعد

ارجو منكم حسن التفهم وابداء الرأى فيما لا يجرح ولا يضر

تحياتى للجميع 00

294043709.gif
رابط هذا التعليق
شارك

ربنا يوفقكم كلكم يارب . والله كأننا مستنين نتيجة الثانويه العامه :roseop: .

يارب يجى رأى الأداره بالموافقه وتكون بدايه لخطوه موفقه ان شاء الله .

وياريت نسمع زغروده لما تيجى الموافقه .

بالتوفيق ان شاء الله للجميع :blush2:

وإن بليت بشخص لا خلاق له... فكن كأنك لم تسمع ... ولم يقل

رابط هذا التعليق
شارك

يومين لا حس ولا خبر؟؟

لعل المانع خير؟

طب موافقون

معترضون

مكسوفون

اى اون والسلام

بس الصمت ده يقلق؟؟؟؟

294043709.gif
رابط هذا التعليق
شارك

مكسووووووووووووفة

مكسووووووووووووووووووووووفة منك

طبيعي انهن يبقون مكسوفات والا و الله هــ اظن انهن بشنبات

بصي

انتي توكلي ع الله و كل حاجة هتبقي زي الفل يا وجه الخير

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

انا معلش اتأخرت في الرد بسبب الامتحانات بس انا اؤيد الفكرة ويا ريت الادارة توافق والساعي في الخير كفاعلهِ

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

يلا انا كده المصلحه بتعتى هتبوظ ياجماعه

يعنى انا كنت بلم من الناس علشان نشيل اللعنه كده اللعنه هتمشى طيب انا هاشتغل دلوقتى ايه ؟؟

يلا هشتغل كيميائى مراجيح مولد النبى "" اه فيه شغل كده ""

الموضوع لو اتنفذ بأليه معينه هيبقى تمام وفيه ناس هتكسب ثوووواب كبير قووووى بس انا طبعاً لازم اشارك فى الثواب ده وان شاء الله هحضر جميع الافراح وهجيب العيال صحابى معايا "" يلا بقى عاوزين اجازه سعيده "" بس اوعى حد يعمل حاجه الا بعد العيد الى جاى علشان اكون فى مصر ياجماعه اصل لو عملتوا حاجه ومكنتش موجود

هدعلى عليكم دعوه ...شيتشوفاهنننييه

ربنا يفرج الجميع

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

ممكن بقي تقومي م السرير..... افتحي شباكك.....(انا عارفة ان الجو برد .....بس معلش حبة كده عشان يطردوا اي اشباح شريرة بتتنطط جوانا و بتشدنا مع قانون الجاذبية لتحت)

عيشي و افرحي.....و لما يجي الافندي اللي مكوش القميص.... و لا مغسلش سنانه....شوفي فيه حاجة تانية (يمكن كان ملهوف انه يقابلك لدرجة انه اتدردب علي السلالم عشان يشوفك) يمكن هو كمان تعب من البحث و كيلة شيكولاتة داير بيه ع البيبان... يمكن هو كمان عايز يخش اوضته و يقفل علي نفسه و يخش في سبااااااات شتوي عميق

يمكن و ألف يمكن.... بس اكيد فيه يمكن منهم هتساعدك نشوف الامور اوضح....أو بشكل احلي

مش قادرة اقولك يالماضة المداخلة دى عجبتنى قد ايه

واكيد مش انا لوحدى

بس حسيت انها زى كل مداخلاتك قد ايه من القلب اوى اوى

قد ايه بسيييييطة جدا ومعبرة جداا

بجد احييكى

ولو انى عارفة انك زى عوايدك هتهزرى :lol: بس على فكرة هزارك يميزه انه مش سطحى ومش عارفة تخبى كم القراءات اللى عندك

اعتقد جزء كبير من استرسالك فى الكلام او لماضتك يعنى سببه انك بتقرى بشكل وحش

اما نشوف اما يبقا عندك 3 عيال تحت السن القانونى زى حالاتى هتعرفى تقرى ولا لاء wst::

على فكرة ده حقد ماتفهمنيش غلط يعنى

شمى دى :lol:

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك

جروب جديد ع الفيس بوك

لحد امتي هنحضن المخدة

http://www.facebook.com/group.php?v=wall&a...id=239121594800

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

من يومين قابلت واحد المهم الكلام جاب بعضه فبيحكيلي عن واحد صاحبة خطب 72 مرة وربنا كرمه واتجوز بعد تقريبا تجربة 10 سنين وللعلم اللي حكالي القصة ربنا كرمه وخطب واتجوز في 3 ايام الموضوع دايما نصيب

بس انا لما قعدت افكر لقيتت ان الواحد لما بتفضل تجربة بيكون متشدد اكتر في اللي بعدها وهكذا وساعات بسبب ده ممكن تبقى عقدة او يرضى بأي حل

الخلاصة ربنا كريم

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

  • بعد 1 شهر...

ك عادتنا

ما ان يبدأ احدنا طريقا و يقطع منه اطوالا .. الا و نفرح به و نشد من أزره

فإذا امتنع هذا الرائد لسبب ما .. تقطعت بنا السبل

ادعو اخواني و اخواتي لاعادة استكمال ما يرونه من قضايا تتعلق بتلك المسألة الحاسمة

أظننا مازلنا نملك الكثيير لنقوله و لنفيد بعضنا البعض به

تحياتي

و عقبالكم كلكم

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

السلام عليكم ورحمه الله وبركاته

ايه فينكم وفين الحكايات الحلوه بتاعه الزواج انا حاسه انكم بقيتوا بتتكلموا وتقترحوا ولا جديد وراء الشمس

اين جديدكم

على العموم ساحكى لكم قصه لاحدى صديقاتى وهى تمثل الارتباط عن طريق الانترنت لعل البعض يستفاد

اولا هى مهندسه قسم انتاج وانا قسم كمبيوتر زى مانتم عارفين و واكبر منى بسنتين بس كنا فى الدراسه اد بعض وكانت معاى فى المدينه الجامعيه وعاشرتها وكانت انسانه كويسه جداجدا جدا الى ابعد الحدود بس البنت دى عمرها ما كلمت ولد من وهى صغيره لانها اتربت فى السعوديه وجت على الثانويه العامه فى مصر واتصدمت فى مجموعها جابت معهد فنى صناعى وجابت نسبه عاليه فيه ودخلت كملت الهندسه المهم كانت بتحب تذاكر جدا وكمان هى النت الوحيده لى في البيت لان باقي اخواتها السبعه ولاد المهم دخلت الكليه وهى مستمره على عدم الاختلاط وكانت تعزف عن اى شئ هيضطرها انها تكلم ولد كانوا زميلها البنات بيخلصوا الموضوع ده ويجيبولها اللى كل اللى عايزينه المهم خلصنا الكليه اكتشفت في اخر سنه انها مضطره تكلم اللى معاها فى المشروع والا مش هتتخرج ابدا المهم كان كلامها زى الدبش للاسف

المهم خلصنا الكليه ولانها كانت ايه من الجمال تمشي على الارض واخلاقها ممتازه كان يتقدم لها الكثير من العرسان ولكن عندما تبدأ فى الكلام الدبش بيطلع تخيلوا العريش بيطفش مع انها ممتازه معانا وفعلا بنحبها جدا وحاولنا ننصحها اكتر من مره بتغير اسلوبها مع العرسان حتى مش يطير لو كانت فى المميزات اللى هى شايفاها ولحد ما تقدم لها ابن عمها ووافقت عليه وهو ايضا وبعد خطوبه سنتين اتخنق العريس لانها مش بتتكلم كتير ده غير وجود محرم دائم احد اخواتها الولاد او والدتها او ابوها المهم تعلمت صدقيتى هذه انها لابد ان تتغير حتى يوفقها الله لما يحبه ويرضاه

اقنعتنى ان اسجل لها فى موقع اسلام اون لاين فى خدمه شريك الحياه مع موافقه من والدتها بالطبع (وده اعتقاد منها ان ابنتها لو عدت التلاتين بدون خطوبه حتى فسينتهى امرها الى جوارها امها )ولانى اعرفها جيدا تحدثت عن كل ما اجده فيها وكيف انها انسانه ممتازه وحنونه وطيبه وتحدثت ايضا انها ليست اجتماعيه وتميل الى عدم الاختلاط فى اى شئ ومنذ ذلك الحين تقدم لها عشرات العرسان الى ان تقدم اليها زوجها وكيف انه كان مناسب جدا لها فلقد استطاع باجتماعيته ان يخرج منها الكلام والضحكات وكل ما فى مكنون قلبها وتزوجا بعد اقل من سنه وهم الان فى اسعد لحظات حياتهم واتمنى من الله عز وجل ان يوفنا واياكم لما يحبه ويرضاه

واليكم هذه القصه ايضا وهى للزواج عن طريق الانترنت ولكن تلك سلبيه الانترنت فى هذه القصه

ولكن في وقت لاحق ان شاء الله

}فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * {

136570687.gif

"(الحمد لله الذي تواضع كل شئ لعظمته الحمد لله الذي استسلم كل شئ لقدرته)"

"سبحان الله يا فارج الهم ويا كاشف الغم فرج همى ويسر امرى وارحم ضعفي وقلة حيلتى وارزقني من حيث لا احتسب يارب العالمين"

رابط هذا التعليق
شارك

السلام عليكم ورحمه الله وبركاته

ايه فينكم وفين الحكايات الحلوه بتاعه الزواج انا حاسه انكم بقيتوا بتتكلموا وتقترحوا ولا جديد وراء الشمس

اين جديدكم

على العموم ساحكى لكم قصه لاحدى صديقاتى وهى تمثل الارتباط عن طريق الانترنت لعل البعض يستفاد

اولا هى مهندسه قسم انتاج وانا قسم كمبيوتر زى مانتم عارفين و واكبر منى بسنتين بس كنا فى الدراسه اد بعض وكانت معاى فى المدينه الجامعيه وعاشرتها وكانت انسانه كويسه جداجدا جدا الى ابعد الحدود بس البنت دى عمرها ما كلمت ولد من وهى صغيره لانها اتربت فى السعوديه وجت على الثانويه العامه فى مصر واتصدمت فى مجموعها جابت معهد فنى صناعى وجابت نسبه عاليه فيه ودخلت كملت الهندسه المهم كانت بتحب تذاكر جدا وكمان هى النت الوحيده لى في البيت لان باقي اخواتها السبعه ولاد المهم دخلت الكليه وهى مستمره على عدم الاختلاط وكانت تعزف عن اى شئ هيضطرها انها تكلم ولد كانوا زميلها البنات بيخلصوا الموضوع ده ويجيبولها اللى كل اللى عايزينه المهم خلصنا الكليه اكتشفت في اخر سنه انها مضطره تكلم اللى معاها فى المشروع والا مش هتتخرج ابدا المهم كان كلامها زى الدبش للاسف

المهم خلصنا الكليه ولانها كانت ايه من الجمال تمشي على الارض واخلاقها ممتازه كان يتقدم لها الكثير من العرسان ولكن عندما تبدأ فى الكلام الدبش بيطلع تخيلوا العريش بيطفش مع انها ممتازه معانا وفعلا بنحبها جدا وحاولنا ننصحها اكتر من مره بتغير اسلوبها مع العرسان حتى مش يطير لو كانت فى المميزات اللى هى شايفاها ولحد ما تقدم لها ابن عمها ووافقت عليه وهو ايضا وبعد خطوبه سنتين اتخنق العريس لانها مش بتتكلم كتير ده غير وجود محرم دائم احد اخواتها الولاد او والدتها او ابوها المهم تعلمت صدقيتى هذه انها لابد ان تتغير حتى يوفقها الله لما يحبه ويرضاه

اقنعتنى ان اسجل لها فى موقع اسلام اون لاين فى خدمه شريك الحياه مع موافقه من والدتها بالطبع (وده اعتقاد منها ان ابنتها لو عدت التلاتين بدون خطوبه حتى فسينتهى امرها الى جوارها امها )ولانى اعرفها جيدا تحدثت عن كل ما اجده فيها وكيف انها انسانه ممتازه وحنونه وطيبه وتحدثت ايضا انها ليست اجتماعيه وتميل الى عدم الاختلاط فى اى شئ ومنذ ذلك الحين تقدم لها عشرات العرسان الى ان تقدم اليها زوجها وكيف انه كان مناسب جدا لها فلقد استطاع باجتماعيته ان يخرج منها الكلام والضحكات وكل ما فى مكنون قلبها وتزوجا بعد اقل من سنه وهم الان فى اسعد لحظات حياتهم واتمنى من الله عز وجل ان يوفنا واياكم لما يحبه ويرضاه

واليكم هذه القصه ايضا وهى للزواج عن طريق الانترنت ولكن تلك سلبيه الانترنت فى هذه القصه

ولكن في وقت لاحق ان شاء الله

شدتنى ..قصة صديقتك ..

وبالرغم من انى موش متفقة معاكى فى موضعيين:

1-ان البنت قبل ما تعدى التلاتين لازم تحارب الوقت علشان تلاقى الفارس الهمام

2- الحاجة التانية دى موش قاعدة "وجهة نظر"...ان التعارف عن طريق الانترنت ليه الكتير من السلبيات اللى بتفوق ايجابياته بمراحل

وبالرغم من هذا ...قصة صديقتك ...اعجبتنى ...علشان انا اول ما سمعتها جالى تخيل حلو ...

ما فعله زوج صديقتك هو بمثابة حكة للمصباح السحرى ..والذى اخرج من صديقتك ...كل ما اختفى بفعل العوامل الجوية

18344710.jpg

رابط هذا التعليق
شارك

  • بعد 1 شهر...

لو جالك عريس متقوليش لحد من صحباتك ؛الحاجات دي بتتنظر وأنتي عارفه البنات عينيها وحشة

*لو واحدة من صحباتك جبتلك عريس إوعي تشوفيه أو توافقي عليه ..... لوكان عدل كانت خدته هي

*هتقولي طب لو متجوزة أقولك هتبقي عاوزاكي تاخدي واحد أقل من المنيل جوزها

*متفضحيش الدنيا أما يجيلك عريس أصبري شوية لما تمسكيه كويس هتصيّحي لنفسك ع الفاضي وتتحسب عليكي خطوبة

*في أول مقابله لو لاقيتيه بيبص ف ساعته ..قاعد مش على بعضه.. وشه إتخطف وبان عليه خيبة الأمل إعرفي إنك معجبتيهوش .. إسبقي إنتي وقولي إنك رافضاه؛ متخليش واحد زي ده يقول أنه مش عاوزك

متزعليش عليه ولا على غيره.. الرجالة زي الأتوبيسات واحد عدّى التاني جاي وراه

كمان الرجال زي الدبان هتهشي واحده هييجي عشرة غيره

*عجبتك ؟طب خدي دي: الرجالة زي المطبات كل ما تفتكري خلصت منهم هتقعي في مطب جديد مش عاملة حسابه

*لو معجبتيش أكتر من واحد إوعي تحسي بالإحباط بكرة هيجي اللي أحسن منهم ؛إلا ما كان واحد..فيهم عدل

*مهما كنتي وحشة متقلقيش فيه اللي أوحش منك وإتجوزوا

-بعد الخطوبة

*بصي ..عذبيه.. الراجل يحب يتعذب البنت السهلة يدوبك يفكر فيها يومين ويدور على غيرها

*إوعي تقوليله بحبك أو عينيك عجباني الراجل ميحبش كده أبدا

*إوعي تروحي ميعاده قبله حاولي تتلكعي تروحي بعده بربع ساعه أو نص ساعه الراجل لو إستناكي هيتعلق بيكي أكتر

*لو سألك عرفتي حد قبلي قوليله لا حتى لو كنت مصاحبة رجالة مصر القديمة والجديدة

*لو حاول يوقعك ويقولك بحب الصراحه وكده، برضه خليكي ناصحه أنت عمرك ما عرفتي راجل غير باباكي طبعا

*هيقولك هسامحك وده ماضي متصدقيش برضه الرجاله قلبهم أسود وهيمسكهالك ذله العمر كله

*إحترمي أهلك متغلطيش فيهم قدامه حتى لو كانوا بيئة وربش علشان ميتجرأشي عليكي وعليهم

*هيقول إذا كان أهلها بتعمل معاهم كده هتعمل معايا ايه؟ هيعملك فيها مصلح اجتماعي بروح امه

*بلاش زن ورنات تليفونات ورسايل حب وهيام دول عالم .... مش هيقدر الحاجات دي هيتغّر ويفتكر نفسه أحمد عز وهو زي ما إنتي شايفاه قومي بصي لصورته ع الموبايل

*خليكي زي فوزية إوعي يمسك إيديكي هيطمع فيكي ويفتكرك واحدة من إياهم ،يرضيكي واحد ملوش لازمة زي ده يفتكرك واحده من إياهم

*هيضغط عليكي باسم الحب ياسم العواطف باسم أنكم في حكم المتجوزين إنك تروحي الشقه معاه روحي بس المرة الجاية مش هيبقي لوحده هيجيب معاه أصحابه

سيبيه يرغي براحته وعدي الفشر اللي هيفشره عن البنات اللي دايبين في دباديب سيادته إعملي إنك مصدقاه مع أنك عارفه إنك لولا خايفة لا تبقي عانس مكنتش قبلتي بواحد زيه

*خليكي دايما في أحسن صورة هيقولك بحبك تكوني على طبيعتك بحبك من غير ماكياج متعمليش كده لأنه بيتلاءم عليكي عاوز يعرف أنتي حلوة فعلا وإلا دي بويه ..خليه على عماه

احنا ما صدقنا وقعناه...

منسوبة الي د/ عبد الرءوف السباعى / كيف تصطادين عريساً وتحافظين عليه

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

الله يسامحك يا باشمهندس

طب فين نصايح الرجالة ولا هما مغلوب على امرهم

يتقرطسوا وخلاص

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك

المدااخلة دي من مدونة برايد

بص ..شوف..برايد بتعمل إيه؟..بص..شوف..برايد بتعمل إيه..هييييييييييييييييييييه..هيييه..هييه

دي حضرتي..باطنطط ع السرير ..باشد في شعري و باااااصرخ ..بش بشويييييييييييش..بيني و بيني ..ما يصحش ..فيه ضيوف و عيب يحضروا نوبة الهستريا المازوخية الماركسية الكستنائية دي ..باخرف ..آه باخرف باين ..ثانية واحدة كده

.........آاااااااااااااااااااااااااااااااااه..............

دي برضه أنا رحت في آخر كورنر في الأوضة و انطلقت بأقصى سرعة و رشقت راسي في الجدار ..بتوجعني أهيه يعني مش باحلم..كنت أقرص نفسي أسهل؟..تخيلوا آه..بس كده زيادة توكيد برضه

أنا فرحانة ..فرحانة..فرحانة فرحة أيمن نور و هو خارج م السجن..لأ ..فرحة ممدوح إسماعيل يوم ما أخد براءه..برضه لأ..فرحانة ..فرحانة فرحة أمير عبد الحميد يوم ما صد كورتين ورا بعض..أيوااااه..هي فرحة أمير

اليوم هو اليوم التاريخي المنتظر من مجموعة جميع جموع الشعب المصري جمعاء..فاليوم برايد إتقرت فتحتها ..رغم كل الصعاب و عكس كل التوقعات و بغض النظر عن إن كل أطراف الموضوع في لحظة قراية الفاتحة نسيوها تحت تأثير الصدمة ..لكن ربنا فتح علينا و قريناها ..قريناها 23 مرة ورا بعض عشان نتأكد و مايبقاش فيها شك

و أحب أقولكم إن من النهاردة فيه تاريخ جديد ..مش زي زمان كده أيام و شهور و سنين لأ لأ لأ ..إنسوا بأه الكلام ده ..أرفسوا الأزمنة دي خالص ..من النهاردة سيستم نوفي ..عصر مختلف ..فكر جديد (مع تحيات الحزب الوطني)..دلوقتي لازم تعلموا الأحداث باليوم الفاصل ده..يعني مثلا تقولوا و انتخب أوباما رئيسا لأمريكا قبل شهر واحد من قراية فاتحة برايد..و ورث جيمي حكم .....و الا بلاش ..(حد قاللي البلوج دلوقتي أكيد متراقب..و أنا لسه قارية فاتحة في الصالون مش عايزة أقرا "قل يا أيها الكافرون" في حتة تانية)

هييه ..هييه..

هشششششششش..بلاش فضايح

فتحت باب أوضتي بعد ما مسحت الدم من على وشي (مش لسه فاتحة دماغي قدامكم من شوية؟!) و إتسحبت على أطراف أصابعي العشرين من أمام صالوننا المتواضع حتى باب الشقة و فتحت باب الشقة و خرجت

أبدأ بمين ؟..أبدأ بمين؟..هي فيه غيرها؟..أماني حبيييييبتشي..هي و المزغودة في قلبها بنتها

-يعني إيه؟..يعني إيه إتقرت فتحتك ..مين اللي قراهالك؟

- عكس كل أحلامك يا أماني مش واحد تربي

(بهستريا مصحوبة بالفزع)..

- أمال واحد إيه؟

-واحد صفر..واحد سحلب..واحد راجل يا أماني هيكون إيه؟

-(باستنكار بالغ تتقنه المهفوفة المضروبة المسخوطة)

يعني إنتي يا طنط خلاص مابقتيش "عابس"؟

و إنخرطوا في بكاء مرير و البت هند كانت عايزة ترمي نفسها من فوق السلم و أماني لحقتها على أول السلمة ..قلبي الطيب وزني أمد إيدي و أزقهم لأنه كان حاسس بإشتياق السلم لأي متدألج بعد ما إمتنعنا عن دألجة العرسان بعد تلقي شكاوي مصلحة رصد الزلازل بحلوان..لكن رجعت في كلامي و سيبتهم لربنا اللي ملامح غضبه بدأت تظهر عليهم ..فيه طفل في الدنيا يبقى ألدغ في النون؟..خدلي حققققي مننننهم يا رب

طب كده و خلصنا على أماني ..طب و بقية العمارة ..ياللا بأه منهم لله..أنا هاعمل عقلي بعقلهم ؟..أنا لازم تسودني روح التسامح و التآخي و الغفران..أنا مش هاقولهم حاجة..أنا بس نفسي أعمل طبخة خفيفة كده على العشا و عندي نقص في بعض المقادير ..و الجيران لبعضيها و لقمة هنية على حساب مية و هنيالك يا فاعل الخير و الثواب..أنا مش هاستلف كتير هم بيضتين و شوية سكر و كبشتين قرنفل و حبة سبانخ على نعناع كده هاعمل صينية مسقعة تجنن..بس لسه هانزل دور دور؟..لأ فكك من الحركات الصيبيانية دي ..فيه طريقة أسهل بكتير

مش باقولكم ..فكر جديد؟

و كأي طفل بريء في الثامنة بيحترم نفسه ضربت كل الأجراس و نزلت زحلقة ً على الترابزين و وقفت في بير السلم مستنية خروج جيراني الأعزاء ....ثواني و امتدت الرؤوس و تفنجلت العيون و إشرأبت الأعناق و تشنفت الآذان و شحنت كل قرون الإستشعار.. أخدت نفس عمييييق و في جملة واحدة ..خبطهم خبطة رجل واحد

(أنا اتقرت فاتحتي يا غجججججر)

قلت يا بشر ..بس كان نفسي قوي أديهالهم في الوريد..ياللا في كتب الكتاب بأه و عليكم بخير

أما عن ردود الأفعال المرصودة فبعضهم بقه إتعوج على جنب بادئا رحلة الشلل النصفي و بعضهم دخل في موجة ضحك هستيري فشر علاء صادق على مودرن تي في بينما إنخرط الباقين في بكاء يقطع نياط القلب و خياشيش الفؤاد..نزلت دموعهم بردا و سلاما على قلبي اللي كان صارر و شايل منهم شيء و شويات و انطلقت أدور على ضحايا آخرين ..عم عبدربه البواب و مراته سها (النسخة القناوي من مهند و نور) عم محمد المكوجي و مراته مسعده (النسخة البورسعيدي من براد و أنجلينا) و مسيو مصطفى الكوافيرو مراته مدام سوسووه( النسخة الشبراوي من بكيزة و زغلول)

طنط آمال اللي كانت مرة بتنشر الغسيل و نقط عليا و أنا واقفة أستني التوك..أأ..الليموزين الي بتوصلني الشغل كل يوم و لما إعترضت قالتلي

هدوم العيال بكره تعرفي ..والا مش بكره قوي ..بعد بكره والا حاجة

و قعدت تضحك قوي مش عارفة على إيه

و سواق التاكسي اللي قاللي بحرقه قوي لما فاصلته في الأجرة ..

ربنا يهدكوا ..ربنا يهدكوا بأه ..اللهم عليك بكل تاء تأنيث ..

غالبا كان أصله مدرس عربي بس ربنا تاب عليه

و الشحات اللي ع الناصية اللي كل أما يشوفني يقوللي

ربنا لما يحب يبتلي بني آدم يسلط عليه عقله

كل ده علشان ما بيعرفش ياخد مني غير 3 جنيه و نص كل يوم..

و أم محروس بتاعة اللبن اللي بتبرطم

" ما يقعد ع المداود إلا شر البقر"

..إحم ..هو أنا ليه ماعزلتش من" المنتقة" البيئة دي لغاية دلوقت؟

المهم خلصت الجولة المكوكية و اتأكدت إن الأفراح عمت جميع أنحاء مصر من أول السلوم و حتى معبر غزة و أكيد الإخوة الفلسطينيين عدالهم الخبر من نفق من الأنفاق ووقفت أفكر طب بقية الناس اللي ماشية في الشارع اللي ما وصلهمش الخبر هتعرف إزاي إني مقري فتحتي؟..اللي مخطوبة بتلبس دبلة في اليمين و اللي كاتبة كتاب بتلبسها في الشمال..طب و اللي مقري فاتحتها دي يعرفوها إزاي؟..إيه الظلم ده؟..لازم يبقى فيه دبلة كدليل دامغ ..أممم..أحط دبلة في مناخيري مثلا ..مش على جنب لحسن اللي ع الجنب التاني ما ياخدوش بالهم ..أنا هاحطها في النص ..عشان ماحدش يتجاهلها بأي شكل من الأشكال .. ماشي يا بشر ..من النهاردة ماحدش له عندي حاجة و لا حد يقدر يفتح بقه بنص كلمه ..و لسه بكره لما أروح المستشفى و أفجر في وشهم الخبر ..كابووووم..أكبر قنبلة في العصر الحديث ..خلاص خلاص من النهاردة مافيش يا عيني ..مافيش معلش..مافيش ربنا يفك عقدتك..مافش ربنا يشفي..مافيش مافيش.خلاص يا بشر ..فكر جديد ..بصيت حواليا على الحي اللي إتكبس كبسة وكيل وزراة التعليم يوم ما سقط في امتحان الكادر و شوية الحياء اللي ماما كانت بتعملهوملي و أنا صغيرة سندوتشات هم اللي منعوني أجري و أطلع لساني لكل بأف و بأفه لسنوا عليا من ورا ضهري و إدوني في جنابي كلمتين لكن خلاص كل الضغائن دي رميتها ورايا عشان ربنا يكرمني و لأني بفكر إيه..أييوة ..بفكر جديد

شوية كده و جالي إحساس غريب ..حسيت إني ناسية حاجة ..أو ناسية حد..مين مين؟..مين يا بت يا برايد مين؟

يوه ..العريس..نسيت العريس

جري كنت واخده السلم تلاتات تلاتات و قلبي واقع في صباع رجلي الكبير ..لحسن يكون إتقمص ..مصيبة ليكون زعل..يا خوفي ليكون أخد على خاطره و قال حقي برقبتي و خلع..لكن الحمدلله لقيته لسه قاعد و على وشه نفس التعبير اللي كنت سايباه شايله على وشه الجميل..آه جميل..لأ ما إحنا لاغينا النظام القديم ..بتاع إلهي ينشك في نواضره ..إلهي مايوعى البعيد ..ضربه في قلبه و قلب اللي خلفوه ..كل الكلام ده مسحناه بأستيكه و بدأنا منهج تركي محسن..مش قلتلكم فكر جديد؟

دخلت لقيت ماما و بابا مسليين العريس بفاصل من البكاء الراقي الرقيق ولا شيكابالا في آخر ماتش ..ماما دموعها كان وصل منسوبها لحوالي نص قصبة رجلها و بابا بينشف دموعه بكمه عشان ماما كانت واخدة منديله بتعض عليه بدل ما يعلا صوتها بزغرودة سعيدة و هي التي أقسمت ألا تطرق السعادة باب شقتنا إلا لما تغورني منها على أي داهية

مدام زوزو فضلت تغمز لأخت العريس غمزة ذات مغزى و أخت العريس مطنشة ..لغاية لما فتحت شنطتها و لمحت حاجة بتلمع كده راحت أخت العريس قايمة جري و سحبتها و راحوا خارجين ..ماما قامت هي كمان و سحبت بابا يكملوا عياط بره و كفاية فضايح قدام الناس

و أنا قعدت قدام العريس الجميل..آه جميل ..ما إحنا قلنا ..فكر جديد.. الأستاذ بتاعي..سبعي..جملي..باعتبار ماسيكون

و هو قعد يبصلي بصته اللي أغدقت عليا السعادة من كل الجوانب..عارفين بصة العريس لعروسته المندهشة دي و كأنها أجمل حاجة و أغرب حاجة و أعجب حاجة شافها في حياته؟

البصة دي اللي بتحسس العروسة في كل لحظة و كأن عريسها أول مرة يشوفها في حياته

نظرة إندهاش على إستغراب على تساؤل

و فجأة قرب ناحيتي و فتح بقه عشان يتكلم ..يا سلااااام يا ترى الكلام بعد قراية الفاتحة بيبقى زي الكلام اللي قبلها ؟..طبعا لأ

غمضت عيني متوقعة الجملة الرقيقة اللي هيقولها دلوقت و سمعتها ..و قالها

أأأأأ...إنتي قولتيلي إسمك إيه؟

نعممممممممممممممم

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

الكل مستعجل يعرف حصل إيه بعد كده..طب مش تستنوا لما تعرفوا الحكاية بدأت أساسا إزاي ؟

ستوب ..فلاش باك..صور متتابعة بالأبيض و الأسود..أو الألوان مش هتفرق..المهم..من مده كده بدأت حالة من الهدوء تسود صيدليتنا الكريمة ..الأمور هادية و الأجواء خالية من

بشاير أي عريس جديد لأي حد و بالتالي أعصاب الكل مرتاحة ..آه مافيش بارقة أمل في المستقبل لكن كمان مافيش أي مناورات تخللي حد يغل في نفسه أو ياكل في بعضه

أو يصحى بالليل يصرخ مفزوع "نهى جالها..نهى جالها عريس" ..إحم ..مش نهى بالخصوص يعني ..ده مجرد مثال ..ليه ماعادش فيه مناورات صالونية ..مش عارفة

بالظبط..تقولوا عشان الرجالة اللي يعرفوهم معارفنا خلصوا على كده ..عشان طلعت علينا سمعة هباب من كتر اللي بندألجهم على سلالمنا..عشان كلنا عدينا عتبة

التلاتين و العتبة دي بالذات جزاز و سلمها نايلو في نايلو و محتاج عرسان ذوي مواصفات خاصة عشان يطلعوا عليه . المهم بعد تفكير عميق و مشاورات مستمرة أفتت واحدة

من الموجودين بإننا بما إننا مش بتوع مصاحبة وقلة أدب و واضح كمان إننا مش بتوع زواج و استقرار يبقى أكيد أكيد إحنا نبقى "الديمو" ..وقفنا عند المستوى الأول بتاع

مقابلة الصالون و مافيش أمل نطلع المستوى اللي بعده لأننا مجرد "ديمو"..فكرة نميسة و الله!..إرتحنا للنتيجة العبقرية دي و عيشنا في توافق و محبة و ود في ظل هذا

الهدوء النسبي و الهدنة المعلنة من جميع الأطراف .. لكن للأسف ماكانش عندنا فكرة إن الهدوء ده كله كان يسبق العاصفة

العاصفة بتاعتنا المسماه بمدام زوزو..ماتعرفوهاش؟..لأ تعرفوها تعرفوها..كل واحد أو واحدة فيكم لو فكر شوية هيلاقي فيه في حياته مدام زوزو ..الست المشرقة دي

المبتسمة دايما ماتعرفش ليه اللي دايما بتلبس حاجات فيها ورد كتير كده و ألوانها بتفكرك بالعيال اللي رايحين جنينة الحيوانات يوم العيد الصبح .. دائما و أبدا بتحاول تقنعك

إن الدنيا لسه بخير و كيلو اللحمة هيرجع ب3 جنيه و نص و إن وزير التعليم بيموت في العيال بتوع الثانوية العامة و إن أحمد عز قصده مصلحة البلد بس هو اللي مش باين

عليه و البني آدم لو بس يصفي نيته و يتسامح مع نفسه يقدر يتفرج على كل أفلام نادية الجندي مرة واحدة من غير مايجيله تسمم ولاحاجة ..حل لكل مشكلة و نظرة وردية

للمستقبل تجيب لشخص "متفائل " زيي كمية هلاوس سمعية و بصرية ماحصلتليش من يوم ما رحت أطلع بطاقة إنتخابية من القسم اللي جنبنا

و سبحان الله يا أخي على الرغم من موضوع التفاؤل ده فمدام زوزو كانت كمان بتؤمن بمبدأ الفوضى الخلاقة بتاع مثلها الأعلى الست "كونداليزا رز" ..أي مكان تدخله وتخرج

منه لايمكن يفضل على حاله ..من يوم ما اشتغلت في قسم الحسابات و هي عاملة زي الدبانة الرخمة تفضل تلف و تزن على كل مكتب شوية ..فجأة تلاقي المتخاصمين

إتصالحوا و الأصحاب بقوا زي الإخوان و أعضاء الحزب تحت قبة مجلس الشعب.. اللي مشيه مش تمام بيتعدل و اللي ماشي طول عمره مستقيم يقرر إنه يتوكل على الله و

يبقى مرتشي و تخرج هي من المكتب و على وشها إبتسامة إنتصار إنها قدرت تسيب بصمة في حياة الجميع

لكن كله كوم و اللي عملته في صيدليتنا ده كوم تاني..سيبكوا من إن نهى رفعت على جوزها قضية خلع ..ده حاجة مش غريبة ..كفاية الكام عين اللي خدتهم في الفرح (

منهم لله اللي كانوا السبب)..سيبكوا كمان من إنهم لحقوا مدام سندس على آخر لحظة قبل ما تسقي الباشمهندس شافعي شوب عصير ماية نار ..ده شيء كنا كلنا

متوقعينه و كان منتظر من زمان ..لكن 5 خطوبات في أقل من شهر واحد؟..ورا بعض؟..دي تخرج تتكلم في التليفون و ترجع ..مخطوبة ..دي تخرج تشتري سندوتشين فول و

ترجع مخطوبة..دي تستأذن و تدخل الحمام و ترجع برضه مخطوبه و كل خطوبه تحمل ماركة مدام زوزو المسجلة ..و مش الغريبة موضوع الخطوبات المتلاحقة دي..بجد مش

غريبة..الأغرب إن أنا ما انفجرتش فيهم و في الصيدلية و في المستشفى كلها ..الموضوع تحسوا كده إنه عامل زي البلاستر اللي بتشدوه بسرعة من على الجرح عشان

مايوجعش قوي ..و بعدين هاعمل إيه يعني؟..ماهو مافيش حاجة في إيدي أعملها ..يعني لو كانت واحدة فيهم إتخطبت عشان لفت لفتين في فرح كنت لفيت أنا 22 ..لكن أنا

ما أعرفش دول بيتخطبوا على أي أساس؟..طيب..يمكن على حسب السن؟..أبدا ..أول تلاتة كانوا 32 -28-35 ..يعني مافيش ترتيب ..يمكن حسب اللون؟ ..برضه أبدا داحنا

خرجنا من مرحلة "يا ريتني بيضا بضب ده البياض عند الجواز يتحب" مارين بمرحلة "حتى لوني قمحي لون خيرك يا مصر" لحد ماوصلنا لمرحلة "أسمر أسمر طيب ماله ..و الله

سماره سر جماله" ..خلصت كل الألوان و الست برضه ما هوبتش ناحيتي . حسب المستوى الإجتماعي؟ ..حسب الطول؟ ..حسب نوع الموبايل؟..أجيبها يمين شمال.. مش

فاهمالها نظام خالص.الله يلعن أبو الذل اللي يعمل في الواحد كده..لما حتى مدام زوزو مش شايفة إن فيه فيا أمل ..يبقى فاضل إيه تاني؟...في وسط الجو ده فجأه لقيت

مدام زوزو بدأت تحوم حواليا زي النحلة اليتيمة..بتقدم رجل و تأخر رجل و أنا راسمه البراءه و عاملة إني مش فاهمة هي عايزة إيه بالظبط لكن قلبي بيفرفر جوايا زي الفرخة

الدايخة لغاية ما قربت مني و جابتها على بلاطة

-هو انتي يا دكتورة مش ناوية تتجوزي بأه والا إيه؟

- جواز ؟..جواز إيه يا مدام زوزو اللي بتتكلمي عليه ؟ أنا ما بافكرش في الموضوع ده خالص ..أنا لسه صغيرة

- صغيرة ؟..صغيرة إيه يا دكتورة إسم الله على مقامك

-إحم..مش موضوعنا ده يا مدام زوزو و في النهاية يعني كل شيء نصيب و الحاجات دي مش بإيد حد

- مين قال كده ؟..كل حاجة و ليها حل ..إنتي بس ترمي بياضك و كل شيء هيبان

- أرمي بياضي إزاي يعني؟..الله ..إنتي بتعرفي تشوفي البخت؟

- بخت إيه ..يا دي النيلة..كليات "كمة" إيه اللي بتدخلوها دي بس؟..شوفي يا دكتورة..أنا باخد 2 ..واحد قبل و واحد بعد

- 2 إيه ؟..حقن والا لبوس؟

- يا دكتورة 2 ..ألفين جنيه ..ألف قبل الخطوبة و ألف بعد تلبيس الدبل

- نعمآاااه..دلوقتي فهمت ترتيب خطوبة البنات ..يخرب بيوتهم ..دول بيتخطبوا حسب أدوار الجمعية بتاعة مدام عواطف ..اللي تقبض بالشمال تلبس دبلة في اليمين

- إسم الله عليكي ..هاه..نقول مبروك؟

في بيتنا الهادي الجميل ماما كانت في إحدى حالتها المعتادة من السلام مع النفس ..بتدبدب على الأرض و بتشد في شعرها و بتجز على سنانها عشان ما تتهورش و تاكل

دراعي من كتر الغيظ

- وقلتلها لأ؟

- طبببعا

- ليه يا نايبتي التقيلة ؟

- و أنا أدفع 2000 جنيه ليه؟

- و ماتدفعيش ليه إن شاء الله؟..مافيش فايدة فيكي طالعة جلدة لجدتك ..كتير ال 2000 جنيه ؟..متسخسراهم؟..إحنا مش لسه شاريين تلاجة ب2000 جنيه ..عريسك ده

مش هيبقى زي التلاجة؟

- إحتمال

- و الجزمة اللي سيادتك لسه شارياها ب200 جنيه ؟..يعني العريس ده خسارة فيه 10 جزم؟

- قلبي حاسس إنه هيحتاج أكتر من كده

- يبقى إيه بأه؟

- يا ماما على آخر الزمن هادفع فلوس عشان أتجوز؟..حصلت إني أشتري عريس

- و ماله ..مش ده التطور اللي انتي دايما بتقولي عايزاه ؟..مش بتقولي مش عايزة حد يشتريني بفلوسه ؟..إشتريه انتي ..على الأقل في أي خناقة تبقي انتي اللي كاسره

عينه مش هو اللي كاسرلك عين

- يا ماما بس ..

- بس خلاص ..اجري هاتي ألف جنيه من المخبأ و إبقي ادهوملها بكره الصبح ..إجري ياللا

و تاني يوم الفلوس اللي ماما مخبياها تحت أنبوبة البوتجاز بعد ما بابا إكتشف المخبأ القديم ورا عداد الكهربا كانت في إيد مدام زوزو.. بصتلها بازدراء ورمتها في شنطتها

بإهمال وسط رزم تانية كتير ..مصري على خليجي على يورو على دولار..الست طلعت معروفة على الساحة الدولية..و أنا كنت نايمة على وداني كل ده ؟ .. عموما أما نشوف

أخرتها إيه

ميلت عليا و قالتلي بأسلوب مغري كده

..

-

و بالنسبة للعريس ده بأه ..إنتي محتاجة تشوفيه؟

- نعم ؟..أمال إنتي واخدة 1000 جنيه ليه ؟..هتسمعيني صوته على نجوم إف إم؟

- لا يا دكتورة ماهي كل حاجة بتمنها ..أنا لغاية دلوقتي لا قلتلك إسم و لا وظيفة..ممكن قوي أجيبلك صورة شريف إبن أختي و أقولك هو ده.. آه..خدي بالك إنتي بتشتري

سمك في مايه

- عايزة إيه يعني؟

- مش كتير 750 بس

- حاضر..الله يلعن أبو الذل اللي يعمل في الواحد كده

و دفعت زي الجز..الشاطرة طبعا و طلعتلي صورته ..إستعديت بأه عشان أقول سنانه زي شريط السكة الحديد و مناخيره شبه عمر أفندي و عينيه بتحدف يمين و كل الأشياء

اللطيفة اللي أنا باقولها على عرساني دي بس بصراحة فرملتني الصورة المرة دي

شوفوا هو باختصار شكله إبن حلال مبتسم إبتسامة سهتانة كده شوية و متصور في بوز سخيف قوي و هو حاطط إيده تحت دقنه قال يعني بيفكر في حل لمشكلة أنابيب

البوتجاز بس شكله متربي يعني ..وسيم آه ..بس بشنب ..رغم إني ماباستظرفش الشنبات لكن واضح إنه حاسس إن مناخيره مهمه فالراجل حب يشد تحتها خط عشان

البشرية كلها تاخد بالها منها ..حقه برضه..شعره بني كده شوية و في مرحلة متوسطة بين الموكيت اللي كان مركبه راغب علامه أيام مغرم يا ليل و التنده اللي كان رافعها

كاظم الساهر في سلامتك من الآه ( الحلوين مواليد التسعينات اللي هيقولولي مين دول يا طنط و أغاني إيه دي يا أبله هاشوطهم بره البلوج ..عندك اليوتيوب يا شاطر منك

ليها و بلاش أسئلة مستفزة يا إما كل واحد يروح يلعب قدام بيتهم ..آه) ..و بغض النظر عن إنه ماعداش إختبار الغرز ..لكن قلبي إنشرحله و حسيت إن ربنا هيكرمني المرة دي

..خلاص..الإتناشر تابتة ..ماهي أربع تلاتات بأه..و موضوع الغرز ده نبقى نتصرف فيه بعدين..في إيدنا يعني

- هاه ..تقابليه؟

- طبعا

- طب تدفعي كاااام؟

الست زوزو الله يكرمها دبرتلنا معاد لقاء على أرض محايدة ..لا صالوننا ولا صالونهم ..صالونها هي و كتر خيرها نظرا للأزمة الإقتصادية العالمية ما أخدتش في الموضوع ده غير

750 جنيه ..جه هو و أخته الكبيرة ..ست طيبة و لطيفة و بنت حلال و رخمة و تلمة ..الأفريدج بتاع أهل العرسان يعني ..مالحقناش نقعد و مدام زوزو راحت شاقطة ماما تحت

دراعها اليمين و أخت العريس تحت كوعها الشمال و سابولي ساحة المعركة ..قعدت قدام الباشمهندس عصام كالعادة عرقي مرقي و هو زي وكيل النيابة اللي وقع تحت إيده

حرامي أهبل ناوي يعترف بكل حاجة ..أسئلة.. أسئلة ..أسئلة..أحلامك طموحاتك هواياتك طبخاتك صحباتك إسمك سنك ..مدفع سريع الطلقات ..بس أنا منشكحة جدا

..التدقيق ده معناه إنه بيتوخى الحرص و داخل جد جدا ..مش قاعدة طياري و خلاص..يا سلاااام ..أيوة كده ..وداعا للديمو و أهلا بمستويات المحترفين

خلصت القاعدة و روحنا ..طبعا بعد مادفعنا لمدام زوزو 400 جنيه تانيين و أول ماحطينا رجلينا جوه الشقة رن التليفون

- مبسوط ..مبسوط قوي ..أمال ..بس عايز يشوفها مرة كمان

ماما اللي الضربات اللي ماكسرتهاش قوتها و اللي اتعلمت من جروح معارك القسمة و خدوش حروب النصيب فحبت تعمل واعية

- ما فيش مقابلات تانية ..إحنا هنفضل ندخل و نطلع ؟

- و ندفع ؟

- بس عايز يعرفها أكتر

-و ال7 ساعات اللي قعدهم معاها دول مش كفاية؟

- و الله هو ده نظامنا يا حاجة ..مش عاجبكم يبقى...

- لأ ..عاجبنا عاجبنا..الله يلعن أبو الذل اللي يعمل في الواحد كده

و استمرت المقابلات خلال شهري يناير و فبراير على التوازي ..18 مقابلة في شهرين لغاية ما خلاص ..برايد حفظت عصام و عصام حفظ برايد ..كل أحلامي و طموحاتي و

أحلامه و طموحاته ..و هواياتي و صحباتي و هواياته و صحباته ..كلهم إندمجوا مع بعض و قربنا خلاص نبقى زي بيرت بلاس ..اتنين في واحد..لكن برضه لسه عايز يدرس و

يدقق و لما طلب يقابلني للمرة التسعتاشر ماما كانت خلاص روحها في مناخيرها

..هي كلمة ..لازم يبقى فيه إرتباط ..عايز يشوفها تاني يتفضل في بيتنا ..و يقرا الفاتحة و بعدين يبقوا يتعرفوا على بعض لغاية لما نلبس دبل

- أيوة بس..

- ماتخافيش جمعي كل اللي كنتي هتسلكيه و احنا هندفعهولك جملة مرة واحدة ..بس بعد قراية الفاتحة

- مش تقولي كده م الصبح يا حاجة..لولولولولي..مبروك مقدما إن شاء الله..أنا هاكلمهم و أحدد معاد ..بس باقولك إيه يا حاجة ..أصل أنا رصيدي خلص ..يعني عشان أكلمهم

محتاجاكي تحوليلي 600 جنيه

و جه اليوم الموعود و ماما خلتهم قروا الفاتحة على عتبة باب الشقة قبل ما يحطوا رجلهم جوا الصالون اللي قربنا نتشائم منه خلاص ..و حصلت الموقعة اللي حكتلكم عليها

المرة اللي فاتت دي

قاعدة جنب الحلو الأمور اللي كان عامل نيولوك بمناسبة قراية الفاتحة كان شكله غريب شوية شعره بقى شبه فروة علي حميده أيام لولاكي (إياكوا حد يسأل) و لابس

قميص برتقاني و حاجات دهب كتير كده

- نعمممم ؟..إسمي إيه يعني إيه؟..هو الشريط سف والا إيه؟..ما انت عارف إسمي و عارف كل حاجة عني و عن كل اللي أعرفهم ..دي حتى مقاسات جزم أصحابي انت

حافظهم دلوقتي يا عصام

- إحم..بس أصل..

- أصل إيه؟

- أنا..

- إنت إيه عصام ؟

- أنا مش عصام..أنا حسام

وأنا أصوووت..و مدام زوزو تهديني.

- يا دكتورة ما هي هياها ..دول توأم يعني مافرقتش كتير

و أنا أصوووت و أخته تفهمني

- أصل عصام مهندس له مكانته برضه و بعد تفكير قرر إنه مش هينفع يتجوز واحدة فوق التلاتين لكن حسام دبلوم صنايع يعني نفسه حلوة و ماعندوش مانع يشيل

و أنا أصوووت ..و ماما تحاول تقنعني

- يا بنتي خلصينا بأه ..عصام حسام..كفاية اللي احنا كعيناه ده كله ..طب إتخطبيلك بيهم أسبوعين

و أنا أصووووت و فجأه بابص حواليا لقيت كل جيراننا اتلموا عشان يطقسوا و الشماتة في عينين البت هند هي اللي خلتني كلبشت في إيد عصـ..حسام و طلعتلهم لساني

قد كده

- إيه ؟..بتبصوا على إيه ؟..عمركوا ماشفتوا واحدة مبسوطة ؟

.

.

.

ياللا أسبوعين يفوتوا ولا حد يموت

الله يلعن أبو الذل ..الله يلعن أبو الذل..الله يلعن أبو الذل

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

بفكر احط هنا يوميات عمر و سارة..ايه رايكم؟

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...