فرق السن هل يؤثر علي الحوار ؟؟

[جويرية]

السلام عليكم و رحمة الله و بركاته

في الواقع مش في النت بنلاقي ان غالبا الحوار بيبقي بين ناس في أعمار متقاربة ، يعني حنلاقي دايما الأصدقاء سنهم

متقارب ، حتي زمايل العمل لو مختلفين في السن مش حتجمعهم صداقة حيبقي بينهم زمالة مش أكتر

هل ده دليل علي أن الحوار مع أختلاف السن ده بيبقي مشكلة

طيب نيجي لعالم النت أو المنتديات بالتحديد

لاحظت ان الحوار بين أطراف مختلفة تماما من اقصي اليمين لأقصي اليسار مع تقارب السن بنلاقي في بينهم تفاهم

و أحترام و حتي لو أختلفوا الموضوع مبيقلبش بخناقة

عايزين بقي نطالب بمنتديات متخصصة لكل فئة عمرية ، بدل الوقت و المجهود اللي بنبذله في حوار بين ناس عمرها ما حتسمع بعضها

شكرا لكم

[قديم]

bn جويرية

اسمحي لي بالمداخله

ان الحوار مع الاخرين لا يبني علي السن او المؤهل ولكنه بالعقل والفكر فكم من صغير تفوق على استاذه

ولن أعمم هذاالراي ولكن هناك مرحله نضج عقلي وفكري لكل انسان لا تكون الابعد سن معنيـه.فهناك من المفكرين تنازلو وغيرو بعض من افكارهم بعدمرحله عمريـه. عن الافكار الشبابيـه .التي كانو يؤمنون بهافي وقتها

[فــيــروز]

لو طبّقت المنتديات هذه الفكره لحرمنا من الحوار مع أساتذه أفاضل مثل الراحل "الأفوكاتو" يرحمه الله و الفاضل "إخناتون" متّعه الله بالصحّه و العافيه !!

هناك صداقات كثيره تقوم بين الآباء و أبنائهم بل و بين الأجداد و أحفادهم دون أن يقف السن عائقا لقيام هذه الصداقات و الحوارات التى تثرى الطرفين !! بالعكس شخصيا أعتبر حوارات المتقاربين فى السن أكثر مدعاة للملل .. فالسن ليس هو سبب التقارب و التباعد بل هى الأمزجه و الأهواء التى قد تتّفق فيتقارب الناس على اختلاف أعمارهم و قد تختلف فينفروا من بعض حتى لو كانوا من عمر واحد ..

[~Heba~]

الغرض من الحوار هو تقريب وجهات النظر و تبادل المعرفة و الخبرات

اذا كان الحوار بين افراد متقاربين فى العمر فاى شئ سوف نتبادله حينها؟؟؟!!

بالنسبة لى الحوار مع الكبار فى السن يجعلنى انهل من معرفتهم و خبرتهم...يقولوا فى المثل اكبر منك بيوم يعرف عنك بسنة

[somayasaleh]

انا مع هبة وفيروز :lol:

طبعا لازم الحوار يكون مع كل الاشخاص باختلاف اعمارهم ... وثقافتهم ,,,وجنسياتهم

نحن الان في عالم التكنولوجيا والمعلومات......كيف استفيد اذا تحاورت مع من هم في مثل سني وخبرتي فقط ؟؟؟

وكما قالت الاخت فيروز... نحن جميعا استفدنا بخبرات العمالقة هنا في هذا المنتدي الراقي مثل الاستاذ محمود(الله يرحمه ويحسن اليه)

وباقي الاعضاء الكرام علي اختلاف افكارهم ومذاهبهم واعمارهم وثقافتهم

المحاورات معناها الاستفادة من كل ما تقرأه سواء كتبه صغير او كبير حتي لو اختلف معك في الرأي

لان اختلاف الرأي يفيد احيانا وهو ليس مضيعة للوقت( في رأي الشخصي) بل هو أثراء للمعرفة بوجهة نظر الاطراف الاخري

[مصرى لم يندثر أثره]

السلام عليكم و رحمة الله و بركاته

[size="2"]وعليكم السلام ورحمة الله وبركاته

في الواقع مش في النت بنلاقي ان غالبا الحوار بيبقي بين ناس في أعمار متقاربة ، يعني حنلاقي دايما الأصدقاء سنهم

متقارب ، حتي زمايل العمل لو مختلفين في السن مش حتجمعهم صداقة حيبقي بينهم زمالة مش أكتر

هل ده دليل علي أن الحوار مع أختلاف السن ده بيبقي مشكلة

ليس هذا دليل اختى الفاضله

اختلاف السن لايمثل اى عقبه فى الحوار

ان العقبه الحقيقيه فى التحاور التى تختلف من شخص لشخص

هو عدم تقبل الرأى الاخر

والمحاوله لفرض الرأى على من يخالف منهجى وفكرى

والجثوم على عاتق المحاور الاخر بفرضياتى وادلتى دون عرض ادلته على عقلى وتحليلها بدون انحيازيه

ولك فى صفوة الخلق افضل الامثال

الرسول صلى الله عليه وسلم كان يزيد على ابو بكر الصديق رضى الله عنه بسنتين

وكذلك عمرو بن الخطاب

وهاهم ضربوا اروع الامثال للبرية كلها فى الصدق والصداقه هذا الرسول واصدقاءه فمن دونهم

طيب نيجي لعالم النت أو المنتديات بالتحديد

لاحظت ان الحوار بين أطراف مختلفة تماما من اقصي اليمين لأقصي اليسار مع تقارب السن بنلاقي في بينهم تفاهم

و أحترام و حتي لو أختلفوا الموضوع مبيقلبش بخناقة

معنى ذلك ان حضرتك تناظرى فى التحاور بالسن دون النظر الى فكر المحاور والتبحر فى كلماته والاطلاع على مدلولاته

منذ متى كانت المرحله العمريه هى التى يحكم على الشخص من خلالها

انظرى الى بعض من غيرو تاريخ الامم

مثل خالد بن الوليد كم كان عمره حين وفاته ؟؟؟؟؟؟؟؟؟؟؟؟؟؟

شيخ الاسلام بن تيميه كم كان عمره حين وفاته ؟؟؟؟؟؟؟؟؟؟؟ مع القياس بمصنفات

وغيرهم وغيرهم ممن لايحضرنى الان ذكرهم

جيل الصحابه اغلبهم كان من الشباب ولم يقل لهم صلى الله عليه وسلم انتم دون المسئوليه

سيدتى الفاضله

الحوار الحق متى وجد لن نقول كم عمر من نطق به ؟؟؟؟؟؟

عايزين بقي نطالب بمنتديات متخصصة لكل فئة عمرية ، بدل الوقت و المجهود اللي بنبذله في حوار بين ناس عمرها ما حتسمع بعضها

فكره ليست صائبه على الاطلاق

وبالجمله نطالب ايضا بمنتديات خاصه بكل وجهة نظر

ومنتديات رجاليه فقط دون النساء

ومن هنا لن تجدى اى تحاور ولا يضاف اليك اى جديد

مامعنى ان اطرح رأى ثم اجد كل المتواجدين يومؤون برؤوسهم مؤيدين؟؟؟؟؟

لابد من النقد البناء اختى الفاضله حتى يتسنى لنا معرفة الحق من الباطل والصح من الخطأ

هذه سنة الله فى ارضه

سنة الدفع لماذا اذا لم يكن كل من على البسيطه موحدون؟؟؟

لابد ان يكون هناك انا وغيرى رأيى والرأى الاخر

الحق والباطل

الخير والشر

العذب والمر

الجنه والنار

كل المتضادات

تفضلى قبول فائق احترامى

مصرى لم يندثر أثره

شكرا لكم

تم تعديل 2 أغسطس 2008 بواسطة مصرى لم يندثر أثره

[لولا]

الألفاظ هي الثياب التي ترتديها أفكارنا

فيجب الا تظهر أفكارنا في ثياب رثة بالية.

[محب مصر]

الأخت جويريه

انا شايف انه لما يكون فى حوار بين اتنين واحد فيهم عنده رؤيه واضحه للأمور

والتانى الرؤيه عنده مشوشه والموضوع الواحد عنده يحتمل 5 اراء مش حتى رأين

ساعتها اكيد يبقى فى خلل يؤثر فى الحوار وبالتالى لا داعى لإكماله :rolleyes:

[جويرية]

الأستاذ / قديم

ان الحوار مع الاخرين لا يبني علي السن او المؤهل ولكنه بالعقل والفكر فكم من صغير تفوق على استاذه

ولن أعمم هذاالراي ولكن هناك مرحله نضج عقلي وفكري لكل انسان لا تكون الابعد سن معنيـه.فهناك من المفكرين تنازلو وغيرو بعض من افكارهم بعدمرحله عمريـه. عن الافكار الشبابيـه .التي كانو يؤمنون بهافي وقتها

فعلا أنا أستفدت مرة من طفل عنده 5 سنين كنت بحفظه قرآن و الطفل طبعا عامل زي جهاز التسجيل بينطق زيي بالظبط ، فلما لقيت أن طريقة نطقه فيها غلطة عرفت أن فيه غلط في طريقة نطقي

[جويرية]

أختي فيروز

لو طبّقت المنتديات هذه الفكره لحرمنا من الحوار مع أساتذه أفاضل مثل الراحل "الأفوكاتو" يرحمه الله و الفاضل "إخناتون" متّعه الله بالصحّه و العافيه !!

هناك صداقات كثيره تقوم بين الآباء و أبنائهم بل و بين الأجداد و أحفادهم دون أن يقف السن عائقا لقيام هذه الصداقات و الحوارات التى تثرى الطرفين !! بالعكس شخصيا أعتبر حوارات المتقاربين فى السن أكثر مدعاة للملل .. فالسن ليس هو سبب التقارب و التباعد بل هى الأمزجه و الأهواء التى قد تتّفق فيتقارب الناس على اختلاف أعمارهم و قد تختلف فينفروا من بعض حتى لو كانوا من عمر واحد ..

فعلا الواحد دايما بيستفيد من اللي اكبر منه ، أنا برده بحب اقعد مع جدتي و بستفيد كتير من كلامها

تم تعديل 7 أغسطس 2008 بواسطة جويرية

[جويرية]

أختي هبة

اذا كان الحوار بين افراد متقاربين فى العمر فاى شئ سوف نتبادله حينها؟؟؟!!

فعلا تلاقي في بعض الأولاد بيبعدوا عن أهلهم و مش عايزين ياخدوا رأيهم في أي حاجة ، المهم أن هما بيعتمدوا علي أصحابهم بينصحوا بعض و يستشيروا بعض ، و النتيجة طبعا غلط لأن مفيش خبرة

[النيل حبيبي]

الصراحه الشاب أو الفتاة لما يعتمد و اعلي نفسهم من هم وصغيرين

ينشأوا عاليين التفكير وأحسن بكتير من اللي يعتمد علي الأسرة حتي يخلص دراسته

الحوار ممكن يكون مع الاشخاص الناضجين مفيد وممكن فرق السن يكون كبير

[capitshino]

اعتقد ان الموضوع ده بيرجع لدماغ الواحد او الواحدة

فى ناس كتير عقلهم سابق سنهم .. وفى ناس كتير كبيرة فى السن بس لاموغزة هيافة الدنيا فيها

[جويرية]

انا مع هبة وفيروز

طبعا لازم الحوار يكون مع كل الاشخاص باختلاف اعمارهم ... وثقافتهم ,,,وجنسياتهم

نحن الان في عالم التكنولوجيا والمعلومات......كيف استفيد اذا تحاورت مع من هم في مثل سني وخبرتي فقط ؟؟؟

وكما قالت الاخت فيروز... نحن جميعا استفدنا بخبرات العمالقة هنا في هذا المنتدي الراقي مثل الاستاذ محمود(الله يرحمه ويحسن اليه)

وباقي الاعضاء الكرام علي اختلاف افكارهم ومذاهبهم واعمارهم وثقافتهم

المحاورات معناها الاستفادة من كل ما تقرأه سواء كتبه صغير او كبير حتي لو اختلف معك في الرأي

لان اختلاف الرأي يفيد احيانا وهو ليس مضيعة للوقت( في رأي الشخصي) بل هو أثراء للمعرفة بوجهة نظر الاطراف الاخري

فعلا بنستفيد من اللي اكبر مننا

بس فيه ناس أصغر سنا مننا و معندهمش فكرة حتي أزاي يتحاوروا مع الناس

يعني بيتعلموا فينا