انواع النساء 2

[DARWEEN]

لاحول ولاقوة إلا بالله

بتاعت القطط رجعت تاني

تاني يانورا ... ماهم كلهم كشوا وأنسحبوا زي ماأنتي شايفة وأنتي من الأول وأنتي خايفه من العريس الحمش اللي كلها كام يوم وتبقي تحت حكمه ميري ..

والنبي تعالي أنتي على جنب أحسن الطفشان عمال ينادي على مسرور زالموضوع حيكبر

يالله يابابا لمي القطط وبالسلامة أنتي

وش واحد فرحان قوي من واحدة أنكبست ومتغاظه

[se_ Elsyed]

أنا من ساعة ما أخذت الاربعه الرومي نصيبي وقاعد بيهم فى هاواي وأنا مريح دماغي ومش فاضي أساساً لمزيد من المهاترات من تلكم الفكيهات المنهزمات ... وبعدين أنا أساساً إسمي " سي السيد " يعني بره الموضوع تماماً ومش محتاج حد يضيف لي لقب جديد قبل إسمي ، إلا لو فكيهه عايزه تندهلي بي " سي سي السيد " وذلك للتفخيم مش هايبقى عندي مانع .

وعلى فكره يا طفشان بصفتك المورد الوحيد للفكيهات ، ياريت لو سمحت تبعتلي بالدي أتش أل 4 فكيهات للعمل كشغالات بأجر ( أكل وشرب بس ) علشان الأربعه رومي اللى عندي مش فاضيين يطبخوا ويغسلوا ، واهو أحسن مانبعت الفكيهات بوركينا فاسو ويتبهدلوا هناك ، أحنا أولى بيهم.

وش واحد فى شهر العسل ولابس الروب دي شامبر وعمال يأكل فى تفاح أمريكاني .. عريس جديد يا ناس حرام عليكم

[mnman]

انا مش عارف الفكيهات لسة ليهم نفس يتكلموا...... مش قلنا رحلوهم بوركينافاسو... متنسوش تبعتوا 4 لسي السيد و 4 لية انا كمان..... لزوم الطبخ و الغسيل و التنضيف.......

وكلة بثوابة.......

[se_ Elsyed]

أنا النهاردة توصلت إلى فكره عبقرية تدر عليان عائد مادي لا بائس به

وهو أننا نجيب هؤلاء الفكيهات المتمردات وهما تلاتة بس انا عارفهم بالإسم ( كروساية ونورايه وشعنوناية ) ونحطهم فى قفص حديدي محكم الغلق ونضع هذا القفص فى ميدان التحرير ( قدام مجمع التحرير ) ونكتب عليه " بقية السلالة المنقرضة من الفكيهات المتمردات " ونعمل تذكرة الفرجة بأتنين جنية .. وننظم رحلات مخفضة لطلبة المدراس والجامعات ... ولم ياريس والأشية هاتبقى معدن ... وحبة حبة هاتلاقي بتوع البمب والمراجيح وعربيات الحلابسة جم وقفوا جنب القفص ويعملوا شغل جامد .... والعائد من هذا المشروع يوزع بالتساوي على قوات التحالف المنتصرة التالي أسماءهم :

سيف الدين الطفشان

داروين خان

المعتصم بالله س س

المتوكل عالله مانمان

المنتصر بالله ( مش الممثل ) مودي

ربنا يرجعهلنا بالسلامة فاكت ريسيرشر

قلب الدين لانسلوت

[moody00x]

أنا النهاردة توصلت إلى فكره عبقرية تدر عليان عائد مادي لا بائس به  

وهو أننا نجيب هؤلاء الفكيهات المتمردات وهما تلاتة بس انا عارفهم بالإسم ( كروساية ونورايه وشعنوناية ) ونحطهم فى قفص حديدي محكم الغلق ونضع هذا القفص فى ميدان التحرير ( قدام مجمع التحرير ) ونكتب عليه " بقية السلالة المنقرضة من الفكيهات المتمردات " ونعمل تذكرة الفرجة بأتنين جنية .. وننظم رحلات مخفضة لطلبة المدراس والجامعات ... ولم ياريس والأشية هاتبقى معدن ... وحبة حبة هاتلاقي بتوع البمب والمراجيح وعربيات الحلابسة جم وقفوا جنب القفص ويعملوا شغل جامد .... والعائد من هذا المشروع يوزع بالتساوي على قوات التحالف المنتصرة التالي أسماءهم :  

سيف الدين الطفشان  

داروين خان  

المعتصم بالله س س  

المتوكل عالله مانمان  

المنتصر بالله ( مش الممثل ) مودي  

ربنا يرجعهلنا بالسلامة فاكت ريسيرشر  

قلب الدين لانسلوت

فكرة حلوة ونكتب كمان "عجائب المخلوقات"...على القفص...ورحلات المدارس نخليها مجانآ....

ونعين 2 حرس بالتناوب وكل واحد يقف يقول ياللا يا جدعاااااااان....قبل ما يعقلوا يا جدعاااااان...قرررررررب...وجررررررب

وش واحد واقف فى المولد

[mnman]

او نكتب جنب القفص.....

من عجائب صنع الله.....

نوع معرض للانقراض كان يوجد بكثرة في شمال شرق افريقيا....

[DARWEEN]

وطبعا يكون أفضل لو تم تعليق كام صوره من صور الروميات داخل القفص علشان كل مايشوفوهن يقعدوا يطنططوا والناس تدفع أكتر

وش واحد عمال يعد فلوس كتيييييييييييرررررررررر

[crossfield]

هوه يعنى الواحدة ان مكنتش تربط الواحد فيكم فى رجل الكنبة ترجع تلاقيه عامل لىفيها عنتر و رافع سيفه

الأمر لله

ناولينى يا نورا يا بنتى الحبل التخييييييييييييييييين من عندك حاجة كده تمشى مع كرش سى حبفى"الله يخرب بيت اللى حبفهم علينا"

سيد كتب:

أنا النهاردة توصلت إلى فكره عبقرية تدر عليان عائد مادي لا بائس به 

وهو أننا نجيب هؤلاء الفكيهات المتمردات وهما تلاتة بس انا عارفهم بالإسم ( كروساية ونورايه وشعنوناية ) ونحطهم فى قفص حديدي محكم الغلق ونضع هذا القفص فى ميدان التحرير ( قدام مجمع التحرير ) ونكتب عليه " بقية السلالة المنقرضة من الفكيهات المتمردات " ونعمل تذكرة الفرجة بأتنين جنية .. وننظم رحلات مخفضة لطلبة المدراس والجامعات ... ولم ياريس والأشية هاتبقى معدن ... وحبة حبة هاتلاقي بتوع البمب والمراجيح وعربيات الحلابسة جم وقفوا جنب القفص ويعملوا شغل جامد .... والعائد من هذا المشروع يوزع بالتساوي على قوات التحالف المنتصرة

من أجل ما تقدم قررنا نحن مجلس الثورة الشعننى الجهنمى حذف لقب" سى" اللازق فى اسم المدعو "سيد" …من هنا و رايح يطلق عليه "سيد "بسسس.و على رأى المثل اضرب المربوط يخاف السايب .

أما القفص الذى يتحدثون عنه فهو ليس الا وسيلة للتربح من وراء جمال الفكيهات الفاتنات اللائى شححن فى الأسواق و لكن هيهات أن ندعهم يأكلونها والعة لوحدهم

و لسوف نفطر بهم قبل ما يتغدوا بينا .

سوف نقوم بجرهم ليلاً الى ميناء الأسكندرية حيث ينتظر هناك أحد كبار النخاسين الأوروبيين و الذى أرسل فى طلب مجموعة من المكرشين المصريين من ذوى الصلع أو القرع ممن أصابهم العته و تم التعاقد معه مقابل ثلاثة دراهم على كل رأس . و لقد شديت له مكتوب منذ بضعة أيام بمواصفات هؤلاء الحبفيين فأبدى موافقته . هااااااااانت كلها يوم أو اتنين و من ده بكرة بقرشين.

حنفى حنفى تشترى حنفى.

و مش هيلاقوا حد يشترى طبعاً .و ان كان على الحكم خدوا عندكوا:

حكمة اليوم: خدتك عواز خدتك لواذ خدتك أكيد العوازل كدت أنا نفسى.

شرح المفردات التى وردت بالحكمة:

خدتك :أى وافقت عليك

عواز:من "يعوز "أى يحتاج

خدتك "التانية": أى اتخطبتلك

لواذ: من "يلوذ" بالشئ: أى يحتمى به

خدتك "التالتة":أى اتوكست و اتجوزتك

أكيد العوازل:أى الحما و أهل الزوج

كدت أنا نفسى:وردت هذه العبارة فى المعجم الوجيز لفؤاد المهندس بمعنى" أنا اللى جبت ده كله لنفسى؛أنا اللى جبت ده كله لنفسى."

وش مسخسخ من الضحك .

[se_ Elsyed]

يا سلام يا معشر القادة البواسل لو توافقوني على الأفكار اللى فى دماغي ( يظهر العيشة فى هاواي مع الرومي فجرت الطاقات الكامنة فى أحشاش أحاشيشي )

فكرة أخرى جديدة ومبتكرة : ممكن أثناء ماهما فى القفص ننظم عروض فلكورية تقوم الفكيهات بعملها ، ممكن نلبسهم الجلبيات الكستور والمنديل أبو أويه ويقوموا بعمل عروض تعبر عن الحياة الفكيهية فى الماضي الغابر زي عجين الفلاحة ، تقشير البصل اليدوي وضوع مشابك الغسيل فى بؤهوم وهما بينشروا الغسيل على الحبال اللى فى البلكونة ، غسيل الملابس فى الطشت ، تنظيف السجاد بالمنفضة على بسطة السلام ، رقصة المجنونة يابابا يابا على اللمونة ..... إلخ

وطبعاً مثل هذه العروض ستجتذب السياح الأجانب جداً وممكن يدفعوا بالعملة الصعبة علشان يشوفوا الشو ده .

ممكن كمان أعضاء المنتدى اللى فى أوروبا وأمريكا ودول العالم الأخرى ينظمولنا رحلات ونبعت الفكيهات فى أقفاصهم لتقديم مثل هذه العروض فى الخارج ..........يـــــــــــــاه دى البلية هاتلعب معانا وهانتنغنغ يا رجاله .

ولا تقولي بأه هيئة تنشيط السياحة ولا نبعت أثارنا فى الخارج .... أحنا عندنا الفول كلور كله ، ربنا يخلي الفكيهات لنا دول هايبقوا مصدر مهم من مصادر الدخل القومي في ظل هذه الأوضاع المتردية التى نعيش فيها بمصر .

[الطفشان]

لا حول و لا قوة الا بالله

الفكيهات مخها فوت

الهزيمة الساحقة ضيعت الربع اللي فاضل

يا مسرووووووووووووووووووور

هات حقن المهدئ و الجاكيتة

و تعالى انت و الممرضين!

سي السيد

بجد مش هزار:

عارف ان شريط فيديو زي دة يبقى فعلا تحفة فولكلورية؟

دة بيوري تاريخ و عادات و تقاليد

حتى لو قصة مكتوبة بوصف جيد يبقى كويس قوي

[se_ Elsyed]

شكراً يا طفشان .. أنا عارف أن دايماً أفكاري سابقة عصري

خد عندك الفقرة الغنائية دي اللى هاضمها لفكيهه شو : ممكن كمان نخصص فقرة يقعدوا يقولوا للجمهور الأمثال الفلكلورية بتاعت زمان زي دي

فكيهه كروساية كتبت

" خدتك عواز خدتك لواذ خدتك أكيد العوازل كدت أنا نفسى "

دي أمثال شعبية من البرديات القديمة من اللى بتعجب الجمهور جداً .

وقرب قرب ... قرب وأتفرج يا جدع على المخلوقات العجيبة ، هالو يا مستر تعالى وأتفرج لا تقولي Jurasic Park ولا ديزني لاند ولا أستوديوهات هوليود .... أحنا بتوع فكيهه شــــــــــــــــــــو .

[crossfield]

فكرة أخرى جديدة ومبتكرة : ممكن أثناء ماهما فى القفص ننظم عروض فلكورية تقوم الفكيهات بعملها ، ممكن نلبسهم الجلبيات الكستور والمنديل أبو أويه ويقوموا بعمل عروض تعبر عن الحياة الفكيهية فى الماضي الغابر زي عجين الفلاحة ، تقشير البصل اليدوي وضوع مشابك الغسيل فى بؤهوم وهما بينشروا الغسيل على الحبال اللى فى البلكونة ، غسيل الملابس فى الطشت ، تنظيف السجاد بالمنفضة على بسطة السلام ، رقصة المجنونة يابابا يابا على اللمونة ..... إلخ  

وطبعاً مثل هذه العروض ستجتذب السياح الأجانب جداً وممكن يدفعوا بالعملة الصعبة  علشان يشوفوا الشو ده .

ممكن كمان أعضاء المنتدى اللى فى أوروبا وأمريكا ودول العالم الأخرى  ينظمولنا رحلات ونبعت الفكيهات فى أقفاصهم لتقديم مثل هذه العروض فى الخارج ..........يـــــــــــــاه دى البلية هاتلعب معانا وهانتنغنغ يا رجاله .

فى ظل الأوضاع الفكيهية المتردية الحالية و شماتة آل حنفى و بيعهم و شراهم فينا فانى أدعو الأخوات الشعنونات المفتريات الى عقد مؤتمر شعننى كونفدرالى امبريالى تعسفى فى أسرع وقت ممكن وسوف ندرس سوياً قبل المؤتمر أجندة أعمال المؤتمر و الله ولى التوفيق.يا نساء و بنات المنتدى اتحدواااااااااااااااااااااااااااااااااااااااا.

[mnman]

كروسفيلد كتبت:

فى ظل الأوضاع الفكيهية المتردية الحالية و شماتة آل حنفى و بيعهم و شراهم فينا فانى أدعو الأخوات الشعنونات المفتريات الى عقد مؤتمر شعننى كونفدرالى امبريالى تعسفى فى أسرع وقت ممكن وسوف ندرس سوياً قبل المؤتمر أجندة أعمال المؤتمر و الله ولى التوفيق.يا نساء و بنات المنتدى اتحدواااااااااااااااااااااااااااااااااااااااا.

ودة مؤتمر عاجل لوزراء الخارجية ولا لرؤساء الدول....اوعوا تضربوا و تشتموا بعض .... اقولك خالوة مغلق بلاش فضايح.....

نفهم من كدة ان دة اعتراف صريح من انكم هزمتم شر هزيمة..... ثم الاجتماعات دي زي قلتها ممنهاش فايدة يعني حتي اسألي حبايبنا... المهم الاجتماع في شرم الشيخ ولا طابا و حتطبخوا اية في الاجتماع علي الغدا ماهو كلهم بيجوا علشان يتفسحوا و ياكلوا......(وش واحد ميت من الضحك وجنبة وش واحد منقوط)

[الطفشان]

تغطية وقائع المؤتمر:

جاءت الفكيهة ق الى المؤتمر و هي ترتدي عباء افريقي برتقالي، و طاقية مربعة

و قد اتهمت ق زميلتها س بالخيانة و العمالة للرجال و المية في الغربال

فما كان من س الا ان تطاولت على ق و قالت القبر أمامك

و قد قالت ك لهم محاولة تهدئتم : "أهدأ يا معمر"

و في ناحية اخرى تطايرت الاطباق المعدة للعشاء

و عمار يا فكيهات!!!!!

[بنت شعنونة]

مش زودتوها حبتييييين؟؟!!؟

المهم انهم عمالين يتكلموا وبتاع وافلام ويقولك امثال البرديات وكدا

والمشكلة ان الأمثاااااااال كلها والتريقة كلها من ميييييييت سنة

عليهم!!!!!

شوفي ازاي؟؟؟؟؟؟؟؟

مثلا...

الليل الليل الليل يا ميمووووووون

نوم ال عازب

رجع بخفي حنيييييييين

وغيره وغييييييره

يعني ياربي حتى الامثااااااال والزمن كلها علييييييهم برضه!!!

انا عارفا العالم ذوات الكرووووووووش دووووول بيتكلموا على ايه بس؟!!

وبعدين هارينا ريحة توم وبصل وبتاع؟؟

ما احنا لو ما حطنالهمش الديناميت دا في الأكل

ما يتكيفووووووووش!!!!

ويقولك الأكل مالوش طعم؟؟

قال ايييييييه

اطبخي يا شادية كلف يا سيييييدي!!!!!

ف خفوووووووا ع الرززززز لا يشيييييييييط

واخدييييييين بالكووووا

"غمزة شريرة"

احنا سايبنكم تلعبوا مع بعض يا ولالالالالالالاد ولحد دلوقتي ما اتدخلناااااااش

صح يا بنااااات العم

"ضحكة الساحرة الشريرة"

[الطفشان]

أول مرة اسمع المثل دة كدة:

الصح هو :

اطبخي يا جارية

[se_ Elsyed]

بنت شعنونة كتبت

قال ايييييييه

اطبخي يا شادية  كلف يا سيييييدي

ده مش مثل يا طفشان ، ده برنامج ما يطلبه المستمعون ، لو سمحتي يا أبله شعنونة عندك الأغنية بتاعت سعاد مكاوي اللى غنتها أم كلثوم ........

( وش بيضحك بيبص على وش مهزوم ومنعكش شعره )

[nora]

بصوا باه انا خلاص فاض بيه وشكلي النهرده هفتح راس حد ( وش واحد عربجي)

بصوا باه انا مش هرتاح غير لما اشوف دم انا قرفانه بجد وهجرب اكون جزارة (ضحكه مجنونة)

بصوا باه ابدأ بمين طفشان بلاش خليه شوية دماغه مش فية يعني لحد دلوقتي مبيعرفش يلبس الجزمة ( راجع اكتر موقف محرج)( وش واحد شمتان طحن)

عقلي الداخلي اية ده مالك يا نورة الفاظك سوقية لية كده بس معلش اديهم مترجمهمش اشمعنا هما شغلين علينا لاه لازم نوريهم اننا ممكن نكون عربجية وقت اللزوم

بصوا بأه الامثلة الي فيها سيرة الرجالة

# رضينا بالهم والهم مش راضي بيا

# برة وجوه فرشتلك وانت حالك مايل ومين يعدلك

# يا كاسر نفسي ورميني نفسي في يوم بحاجة ترضيني

# خيبة الناس السبت والحد وانت خيبتك موردتش على حد

بس مش فكرة بجد هعصر دماغي شوية وهقولكم

[الطفشان]

طفشان بلاش خليه شوية دماغه مش فية يعني لحد دلوقتي مبيعرفش يلبس الجزمة ( راجع اكتر موقف محرج)( وش واحد شمتان طحن)

معلش

الهزيمة بتخلي الفكيهات يعملوا اكثر من كدة

اللي لبس جزمة فردة شكل و فردة شكل هو سي السيد مش الطفشان!

غلابة

يمكن بعد الحقن المهدئة و الجاكيت اياه و الغرفة المبطنة اللي بيخبطوا دماغهم في الحيط فيها

يمكن يهدوا شوية

ياللا يا بنتي

ربنا يهديكي

امضي على معاهدة التسليم

ما بتعرفوش تكتبوا؟

طب ابصموا!

(هع هع هع هع هع هع هع - ضحكة و قهقهة من القلب)

[crossfield]

الأولى بسم الله

و التانية بسم الله

و التالتة رقوة محمد ابن عبد الله

نفتتح أعمال المؤتمر السنوى النسوى الشعننى الامبريالى التعسفى بمقر جمعيتنا-جمعية المرأة المتوحشة – و الذى سيجعل شعاره هذا العام "حنفى يخاف و لا يختشيش"

و يعقد المؤتمر برئاسة العضوات المؤسسات للجمعية :شعنونة؛كروسفيلد؛نورا بالنيابة عن كل البنات و السيدات المتوحشات

و ترفرف فى كل انحاء قاعة المؤتمر يافطات معبرة عن فكر و مبادئ الجمعية و محاور النقاش فى جلسات المؤتمر النسائية الكونفدرالية

يافطة كبيرة عليها"وكسة المرأة المصرية فى عالم حنفى …حنفى…حنفى"

أخرى تقول"حنفى؛سوق الحلاوة جبر و ادلعوا الوحشين"

و ثالثة تقول" الآفاق الاستراتيجية لتجربة المرأة المصرية مع حنفى و ريحة التوم و التقلية"

بسم الله؛نبدأ أعمال المؤتمر

"خبطتين بيد الهون و بعدها يعم الصمت و الهدوء أرجاء المكان"

أيها الاخواااااااان

المجتمعين فى هذا الصيواااااااااان

من سالف العصر و الأواااااااان

الانسات و السيدات الفضليات عضوات الجمعية الموقرات …المتوحشات

لقد جئنا هنا اليوم من أجل هدف واحد …من أجل نصرة المرأة المصرية المهضوم حقها فى كرش حنفى

جئنا لنقولها عالية مدوية فى وجه الرجل الشرقى المتحيز المتعجرف…جئنا اليوم لنقول له

لا يا حنفى كان غيرك أشطر

(تصفيق حاد يهز جنبات القاعة)

أيتها الأخوات …ان المرأة المصرية مستهدفة من قبل هذا الحنفى الذى أصابها بكل أمراض العصر و ها هو الان يريد أن يرميها عضم

فهيا بنا نتوحش و نقول لاااااااااااااااااااا

لا لبلطجة الرجال

لا لبهدلة العيال

لا للضرات (جمع ضرة)

و لتسقط الرجالة و لتسقط العيال و لتحيا الستااااااااااااااااات

جبتوا لنا الدوالى

جاتكوا الدواهى .

"تصفيق حاااااااااااااااااااااااااد"

نختتم الجلسة الافتتاحية

على ان يعاود المؤتمر الانعقاد فى ساعة متأخرة من مساء اليوم بعد ما نريحووووووووووووووووووووووه

وش واحدة ناوية على مصيبة .

و فى الخلفية أغنية سعاد مكاوى اللى غنتها أم كلثوم و طلبها سيد:

للصبر حدود

وش مفيهوش غير أسنان بتمصص دراع مجهول غالباً دراع سيد أو الطفشان .