محتاج نصيحه مرتب 14 الف درهم ف ابوظبي يعيشوا كويس؟

[enerky]

السلام عليكم يا شباب

انا عضو جديد وكنت محتاج نصايحكم

انا مسافر ابوظبي كمان شهر والعقد بتاعي ب 14 الف درهم شامل كل حاجه

كنت عاوز اعرف ايه المصاريف اخبارها ايه وخصوصا طبعا المشكله الازليه بتاعه الايجارات مع مراعاه اني مش متجوز

وشكرا جدا علي مجهودكم

[محمد عيسى]

السلام عليكم يا شباب

انا عضو جديد وكنت محتاج نصايحكم

انا مسافر ابوظبي كمان شهر والعقد بتاعي ب 14 الف درهم شامل كل حاجه

كنت عاوز اعرف ايه المصاريف اخبارها ايه وخصوصا طبعا المشكله الازليه بتاعه الايجارات مع مراعاه اني مش متجوز

وشكرا جدا علي مجهودكم

المرتب كويس جدا لو كنت مش متجوز و هاتحوش منه كويس

بالنسبة للسكن طبعا هيكون مشترك و لو عايز تسكن لوحدك فمتوسط سعر الغرفة 3000 درهم و الماستر (غرفه بحمام) 5000 درهم شهريا

اعمل حسابك ان مصروفات الإقامة و التأمين الطبي على جهة العمل بحكم القانون و ارفض تحميلها لك

ربنا يوفقك

[مغتربة]

كما تفضل الاخ محمد عيسى الراتب جيد جدا لو انت اعزب او مسافر بدون اسرتك وطبعا هتكون فى سكن مشترك

اما لو انت مسافر مع عيلتك لا لان الايجارات فى ابو ظبى بذات غاليه جدا

كل التوفيق لك فى عملك الجديد باذن الله تعالى

[enerky]

شكرا يا جماعه علي ردودكم السريعه

بالنسبه لموضوع التامين الصحي فالحمد لله هو عليهم ومتغطي بشكل كويس وكمان ليا بدل انتقالات كويس عشان ممكن اتنقل بين كذا اماره

ربنا يكرم بس ويكون السكن سهل ان شاء الله

شكرا تاني كتيييييييييييير وربنا يكرمنا كلنا

[jemy]

شكرا يا جماعه علي ردودكم السريعه

بالنسبه لموضوع التامين الصحي فالحمد لله هو عليهم ومتغطي بشكل كويس وكمان ليا بدل انتقالات كويس عشان ممكن اتنقل بين كذا اماره

ربنا يكرم بس ويكون السكن سهل ان شاء الله

شكرا تاني كتيييييييييييير وربنا يكرمنا كلنا

فيه ناس بتاخد 5000 ومبسوطه

[سلاااام]

السلام عليكم يا شباب

انا عضو جديد وكنت محتاج نصايحكم

انا مسافر ابوظبي كمان شهر والعقد بتاعي ب 14 الف درهم شامل كل حاجه

كنت عاوز اعرف ايه المصاريف اخبارها ايه وخصوصا طبعا المشكله الازليه بتاعه الايجارات مع مراعاه اني مش متجوز

وشكرا جدا علي مجهودكم

ههههههههههههههههههههههههههههههههههههههه

سؤال عجيب ّّّّ!!!!!

لو مش عاوز الشغلانه ديه انا عاوزها !!!

طبعا تعيش كويس وتحوش وتسكن احسن سكن وتتجوز وتيجى بالعروسه وتخلف سته عيال وبردوا تصرف كويس !!!!!!!!11

انا كنت عايشه فى الامارات وعارفه الحال هناك

[red sea]

ههههههههههههههههههههههههههههههههههههههه

سؤال عجيب ّّّّ!!!!!

لو مش عاوز الشغلانه ديه انا عاوزها !!!

طبعا تعيش كويس وتحوش وتسكن احسن سكن وتتجوز وتيجى بالعروسه وتخلف سته عيال وبردوا تصرف كويس !!!!!!!!11

انا كنت عايشه فى الامارات وعارفه الحال هناك

عفوا ..

حضرتك كنت في الامارات أخر مره امتى

[red sea]

السلام عليكم يا شباب

انا عضو جديد وكنت محتاج نصايحكم

انا مسافر ابوظبي كمان شهر والعقد بتاعي ب 14 الف درهم شامل كل حاجه

كنت عاوز اعرف ايه المصاريف اخبارها ايه وخصوصا طبعا المشكله الازليه بتاعه الايجارات مع مراعاه اني مش متجوز

وشكرا جدا علي مجهودكم

طبعا يا بشمهندس الراتب كويس و تقدر تعيش و تحوش منه..

و زي ما قال الفاضل / Jemy

فيه ناس بتاخد 5000 ومبسوطه

لكن هذا لا يمنع ان تكون عند حضرتك بعض المعلومات عن الاوضاع في الامارات

ما فهمته أنك مهندس و انك غير متزوج و بالتالي فقد يكون عدد سنوات الخبره قليل

عموما راتب الفورمان ( رئيس عمال) في المشروعات الكبيره في دبي - اذا كان ذو خبره جيده - قد يصل 15000 درهم شامل كل شيء

و قد يكون 6000 اذا كان حديث الخبره ، مع توفير الشركه لسكن غير لائق و مواصلات عباره عن باص أسوء من المواصلات العامه في مصر لنقل العمال

و سترى ذلك بنفسك عند حضورك

أما مرتب مهندس خبره في مثل هذا النوع من المشاريع فقد يصل إلى 25000 درهم وهناك من يتقاضون أعلى من ذلك

مدراء المشاريع قد يتقاضون ضعف هذا المبلغ

المصروفات هنا - خاصة في مجال المقاولات -

سوف تحتاج سياره و يفضل أن تكون جديده - لأسباب عديده - و متوسط القسط الشهري 1500 درهم

اختار سياره من النوع الموفر في استهلاك الوقود

البترول مع سالك - رسوم تدفع عند المرور في بعض طرقات دبي - قد تصل الى 1500 درهم هي الاخري

السكن:

اذا كان السكن شيرنج - مثلا 2 في غرفة في شقه بها عدد من الغرف كلها على هذا الحال - في المتوسط 2000 درهم شهريا

و هناك بالتأكيد الارخص من ذلك ، و لكن في حالة مهندس في شركة متوسطه الحجم ربما يكون الارخص من ذلك غير مناسب - لانك لن ترتاح في سكن أرخص من ذلك - على الأقل هذا رأي

إذا قررت السكن مستقل - في استديوا مثلا - سوف تكون محظوظا إذا وجت استديو ب 4500 درهم شهريا،و هناك أسعار مثل 6000 درهم لاستديو - 8000 لشقه غرفه وصاله-و الايجار يدفع سنويا أو على قسطين أو ثلاثه ، لان في حاله الدفع بالشهر الايجار سوف يكون أعلى، و ربنا يوفقك تلاقي حاجه أرخص من كده ان شاء الله.

بالطبع بعض الاخوه سوف يقولون ن هذه الاسعار مبالغ فيها ، وأقول ان من لديه سكنه أو يستخدم سيارته استخدام محدود داخل مدينه واحده لن يشعر بذلك

مثل من لديه شقه ايجار قديم في أحد شوارع القاهره و جاء شخص ليؤجر شقه ايجار جديد في نفس الشارع ، كم يدفع هذا و كم يدفع الاخر.

في النهايه العرض جيد ، وسوغ تجد من زملائك ومن لهم نفس خبرتك من راتبه أقل من راتبك و سعيد و راضي و ستجد أيضا من راتبه قد يصل الى ضعف راتبك ، وهذا ما يمكن أن تحصله ان شاء الله بعد عامين من الخبره داخل الامارات ، ربما في شركه أخرى

تحياتي و تمنياتي بالتوفيق.

ملحوظه:

بيقولوا ما تسالش حد متغرب ، ما حدش بيشكر :lol:

[محمد عيسى]

طيب انا اعرف واحد دلوقتي بياخد 18 الف في ابوظبي و مش عارف يجيب مراته و لا لاقي سكن

من عشر سنين كان اللي بياخد 3000 بيزأطط .. انما دلوقتي ما يجوش ايجار اوضه في سكن مشترك

[enerky]

سلااام وجيمي شامم ريحه حسد mfb:

الاخ محمد عيسي انا متشكر جدا لكل المعلومات القيمه اللي ذكرتها رغم اني مش مهندس

انا مراجع حسابات والمهنه طبعا محتاجه تنطيط كتير خصوصا ان مجالي مش مراجعه ميزانيات بس احنا بنقدم خدمات تقييم للانظمه الداخليه للشركات وقياس مستوي الخطر وحاجات كده مكلكعه حبتين

انا حبيت اسالكم مش لاني شايف المرتب قليل بس لاني شايف ان ابوظبي يوم عن يوم بتزيد واسعارها بتولع

وزي ماقال احد زمايلنا انت ممكن تكون ساكن ايجار قديم وف نفس الشارع يجي واحد ساكن جديد يدفع اضعاف اللي انت بتدفعه

انا ببساطه عاوز اسكن لوحدي ف مكان اياكش يكون صغير جدا بس نضيف ومحترم وخايف يكون المرتب ده بعد كام شهر يبقي ضعيف ف ابو ظبي

[Guest يا محترم]

الراتب كويس جدا ماشاء الله وتقدر تحصل سكن ب2000 حد ادني و3000 حد اقصي درهم خاص فيك وكمان اعتبر لو مدخن هتصرف مع الاكل اغلي نوع سجاير وانضف اكل 3000 درهم تاني و1000 درهم جوكر للزيادات اللي هتحتاجها يعني توفر 7000 درهم وانت عايش ملك الكلام دا عن تجربه سيبك بقي من اي كلام تاني وملحوظه بس انا حاطط 1000 درهم واريد ممكن متصرفهمش لو انت مش بتاع خروجات وسهر اتوكل علي الله و متقلقش ربنا هيكرمك انشالله