نداء لادارة المحاورات رجاء منع المواضيع التى تطعن فى السنة النبوية الشريفة

[iloveegypt]

ياريت كل واحد يتكلم عن صحيح البخارى او مسلم بانكار احاديثه يا ريت تمنع هذه المواضيع

لان بصراحة ما ينفعش نخلى نا س تنكر السنة اوجزء منه ويروجو لافكار تهدم الدين كالقرأنين وغيرهم بدعوى حرية الرأى لان هذا المنتدى مش من اهدافه هذه المواضبع التى تثير الفتن ويارريت الادارة تاخذ موقف حاسم من هذه المواضيع وشكرا

[مصرى لم يندثر أثره]

اضم صوتى الى صوتك بشده

فلا بد ان يكون هناك حد لمن يتكلم فى الدين

[حسام يوسف]

يعنى اية لابد ان يكون هناك حد لمن يتكلم فى الدين؟

[Excellence]

اضم صوتى الى صوتك بشده

فلا بد ان يكون هناك حد لمن يتكلم فى الدين

..بعد إذنك يا 'مصرى لم يندثر أثره'

يعني لكل مقام مقال

[رمضان]

هؤلاء اصبحوا كالوباء المنتشر

ولكن ابشركم هؤلاء القرآنيين سرعان ما سيندثروا ويختفوا بعون فهم ليس لهم قاعدة او اساس ولا يتبعهم الا اصحاب الشهوات لا اكثر

اناشد الادارة بايقاف عضويتهم ومنعهم من الكتابة نهائي اذا تطرقوا لهذه المواضيع التي تضرب الوحدة الوطنية في مقتل

[se_ Elsyed]

واضح من إسم المنتدى إنه لكل المصريين ... مسلمين ومسيحيين ..

وبالنسبة لموضوعات باب هدي الإسلام ... فمن اليوم الأول للمنتدى ونحن نتبنى الفكر الوسطي السُني المعتدل ... الذي بيتبعه أكثر من 90 % من مسلمي مصر والذي أنتشر في مصر من اليوم الأول للفتح الإسلامي لمصر ولم يتأثر على مر السنين حتى مع الإحتلال الفاطمي للبلاد ودوامع عشرات السنين وحاولوا جاهدين أن ينشروا الفكر الشيعي بيننا ولم يفلحوا ...

ولم ولن نكون منبراً لأصحاب الفكر المتطرف أو دعاة العنف .... ولم ولن نكون منبراً للملحدين ومُنكري السُنة أو من يسمون أنفسهم بالقرآنيين أو ما شابه .

ومرحباً بكل فكر معتدل مستنير ...

[مصري أصيل]

واضح من إسم المنتدى إنه لكل المصريين ... مسلمين ومسيحيين ..

وبالنسبة لموضوعات باب هدي الإسلام ... فمن اليوم الأول للمنتدى ونحن نتبنى الفكر الوسطي السُني المعتدل ... الذي بيتبعه أكثر من 90 % من مسلمي مصر والذي أنتشر في مصر من اليوم الأول للفتح الإسلامي لمصر ولم يتأثر على مر السنين حتى مع الإحتلال الفاطمي للبلاد ودوامع عشرات السنين وحاولوا جاهدين أن ينشروا الفكر الشيعي بيننا ولم يفلحوا ...

ولم ولن نكون منبراً لأصحاب الفكر المتطرف أو دعاة العنف .... ولم ولن نكون منبراً للملحدين ومُنكري السُنة أو من يسمون أنفسهم بالقرآنيين أو ما شابه .

ومرحباً بكل فكر معتدل مستنير ...

طيب الكلام ده جميل جداً و كنا فعلاً منتظرينه ........... بس فين الفعل ؟؟؟؟؟؟؟؟؟؟؟؟؟؟

[Diab]

يظن بعضهم أنه بتغير جلده snake skin shedding أنه أصبح غير معروف وأن يعبث بأفكار الناس كما يريد يطعن يشكك

مهما يغير جلده برضه مكشوف:D

تم تعديل 7 يوليو 2008 بواسطة Diab

[ايهاب سالم]

غير موافق على الإقتراح

إتركوا الناس تقرأ و تقتنع بما تشاء

في وجود الإنترنت لم يعد من الممكن العوده لثقافة الرقابه و الحجب

[Advisor]

محاورات المصريين منذ أكثر من ثمان سنوات تحكمها قواعد معينة معلنة و مكتوبة و لا تحتمل اللبس ، و عنوان هذا الموضوع يطلب إلغاء موضوعات "الطعن" فى السنة النبوية و بالتأكيد لا توجد و لم توجد أبدا فى محاورات المصريين موضوعات أو كتابات تطعن فى السنة النبوية.

ما سبق كان إستهلالا لابد منه

توجد كتابات - فى محاورات المصريين - تطالب أو تنادى أو تناقش إمكانية المراجعة الفقهية لبعض الأحاديث الموجودة فى بعض "كتب الأحاديث" و هذا ليس إختراعا بدأ فى محاورات المصريين و لكنه يمثل آراء فقهية نوقشت و تناقش على الملأ منذ سنوات طويلة ، بل كلنا نعرف تصحيحات الألبانى و إعادة تقييمه لكثير من الأحاديث النبوية.

[مصري أصيل]

محاورات المصريين منذ أكثر من ثمان سنوات تحكمها قواعد معينة معلنة و مكتوبة و لا تحتمل اللبس ، و عنوان هذا الموضوع يطلب إلغاء موضوعات "الطعن" فى السنة النبوية و بالتأكيد لا توجد و لم توجد أبدا فى محاورات المصريين موضوعات أو كتابات تطعن فى السنة النبوية.

ما سبق كان إستهلالا لابد منه

توجد كتابات - فى محاورات المصريين - تطالب أو تنادى أو تناقش إمكانية المراجعة الفقهية لبعض الأحاديث الموجودة فى بعض "كتب الأحاديث" و هذا ليس إختراعا بدأ فى محاورات المصريين و لكنه يمثل آراء فقهية نوقشت و تناقش على الملأ منذ سنوات طويلة ، بل كلنا نعرف تصحيحات الألبانى و إعادة تقييمه لكثير من الأحاديث النبوية.

حضرتك راجع موضوع الزوجة الملكة في باب الأسرة و الطفل الصفحات الثلاث الأخيرة من أول المشاركة رقم 243 هتعرف حضرتك صاحب الموضوع ده منزلة ليه.

و لك مني أجمل تحية

تم تعديل 7 يوليو 2008 بواسطة مصري أصيل

[ايهاب سالم]

بل كلنا نعرف تصحيحات الألبانى و إعادة تقييمه لكثير من الأحاديث النبوية.

هل سيأتي ألباني أخر بعد مئات السنوات يصحح و يضعف ما أعتبره المسلمون سابقا أحاديث موثوق بها أو ضعيفه

و ما موقف من عاش و مات يعمل بحديث ضعفه الألباني أو صححه بعد ذلك

[iloveegypt]

محاورات المصريين منذ أكثر من ثمان سنوات تحكمها قواعد معينة معلنة و مكتوبة و لا تحتمل اللبس ، و عنوان هذا الموضوع يطلب إلغاء موضوعات "الطعن" فى السنة النبوية و بالتأكيد لا توجد و لم توجد أبدا فى محاورات المصريين موضوعات أو كتابات تطعن فى السنة النبوية.

ما سبق كان إستهلالا لابد منه

توجد كتابات - فى محاورات المصريين - تطالب أو تنادى أو تناقش إمكانية المراجعة الفقهية لبعض الأحاديث الموجودة فى بعض "كتب الأحاديث" و هذا ليس إختراعا بدأ فى محاورات المصريين و لكنه يمثل آراء فقهية نوقشت و تناقش على الملأ منذ سنوات طويلة ، بل كلنا نعرف تصحيحات الألبانى و إعادة تقييمه لكثير من الأحاديث النبوية.

بص حضرتك

اولا انكار الحجاب ليس اجتها لانه معلوم من الدين بالضرورة

2-ناس بتشكك فى احاديث البخارى اللى كل علماء اهل السنة قالو عنه اصح كتاب بعد حديث رسول الله

3-احد الاخوة المعروف بارئه المهاجمة للسنة افتى بحل الخمر

4-بعض الاراء تدعو الى الغاء اى حديث لا يتفق مع العقل حتى لوكانت فى البخارىده كلام محصلش من ايام الصحابة

5-احدهم انكر حادثة الاسراء والمعراج بالبدن

6-بينكركل معجزات النبى صلى الله عليه وسلم حتى انشقاق القمر بينكرها رغم ورودها فى القران

7-احدهم قال بالنص انا لا اتبع البخارى ولا البدوى وكلام من هذا القبيل

8-حضرتك يا ريت تحجبو اهذه الارء الشاذة التى تفتن المسلمين

9-ما فى حد يجروء ان يتكلم عن المسيحية فى هذا المنتدى بالطعن مع احترامى لكل الاديان

تم تعديل 7 يوليو 2008 بواسطة iloveegypt

[shawshank]

بل كلنا نعرف تصحيحات الألبانى و إعادة تقييمه لكثير من الأحاديث النبوية.

هل سيأتي ألباني أخر بعد مئات السنوات يصحح و يضعف ما أعتبره المسلمون سابقا أحاديث موثوق بها أو ضعيفه

و ما موقف من عاش و مات يعمل بحديث ضعفه الألباني أو صححه بعد ذلك

والله اللي أنا شايفه إن الألباني راجل عادي جدا ذي بقية الناس ، تعلم علم الحديث وذهبت معظم سنوات عمره في طلب هذا العلم . والله لو أنا راجل مسلم عادي برضه لكني لم يكن لديّ ما كان لديه - ولدى غيره من العلماء - من العلم ، وحسبتهم صالحين ، واتبعت تصحيحهم وتضعيفهم ، يبقى ربنا يحاسبني على حسب نيتي . أما الألباني وغيره من علماء الحديث فنحسبهم اجتهدوا . فإن كانوا أخطأوا فلهم أجر ، وإن كانوا أصابوا فلهم أجران .

أما إعادة تقييم أسانيد الأحاديث الشريفة ، فمفيش عندي عليه أي اعتراض . بس المنطقي إن اللي يراجع تصحيح وتضعيف الألباني مثلاً يكون عنده : أولاً- إخلاص النية ، ثانيًا- نفس علم الألباني في الحديث ، أو أكثر . وهذا العلم مش قاصر على ناس بعينها وممنوع على بقية الناس ، لا أبدًا . المعرفة والعلم متاحين جدًا لكل الناس ، وذي ما قلت الألباني راجل عادي جدًا ذي بقية الناس لكنه يفرق عنهم بالعلم . أما الاجتهاد بغير علم فهو عين الخطأ .

ووالله هاكون سعيد جدًا لو خرج من بيننا هنا في المنتدى ناس مخلصة النية لله وعايزين يدرسوا علم الحديث - وربما غيره من العلوم الشرعية - ويقوموا بالنظر فيما كتبه الألباني أو غيره . ثم يناقشون بقية علماء الحديث فيما وصلوا إليه . يا ريت .

لكن إن واحد - أي واحد مش قصدي أي حد هنا - ييجي يقول لي مثلا الحديث الفلاني ده في صحيح البخاري وهو مش صحيح ده ضعيف ، أو مش معقول يكون قاله الرسول صلى الله عليه وسلم . طيب يا سيدي انت جاي تقول لي أنا ليه ؟ أولاً أنا مش عالم حديث ولا عالم فقه ولا عالم إسلامي من أساسه . ثانيًا بافتراض إن حضرتك ممن لديهم العلم ولديهم إخلاص النية ، ووصلت لشئ جديد بعد دراسة وبحث ، يبقى حضرتك تروح تتناقش مع علماء الإسلام فيما توصلت إليه . واللي تخرجوا بيه يا سيدي أبقى أشوفه . أنا إنسان من العوام ولست عالمًا .

تم تعديل 7 يوليو 2008 بواسطة shawshank

[ziad]

هو فعلا مواضيع الطعن فى السنه والأستخفاف بعلماء الأمه الثقات كتير حبتين اليومين دول بس الناس معذوره,المسلمين فى إزدياد كل يومين فى محجبات ومنقبات أكتر,شباب زى الورد متدين وملتحى وناجحين فى كل المجالات لا يعوقهم تدينهم عن النجاح والتعامل الصحيح مع خلق ربنا,معظم المصريين إبتدوا يفهموا الصوفيين وتخاريفهم وطبعا الحريه المتوفره على النت,أى عيل أو شاب شايف نفسه فاهم يتكلم براحته هو حد هيمسكه,لكن فى الحقيقه ديه علامه صحيه وتؤكد أهميه سنة الدفع فى حياتنا

قال الله تعالى : ( وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى العَالَمِينَ ) (البقرة: من الآية251 )

وقال تعالى : ( وَلَوْلا دَفْعُ اللهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ * الَّذِينَ إِنْ مَكَّنَّاهُمْ فِي الْأَرْضِ أَقَامُوا الصَّلاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنْكَرِ وَلِلَّهِ عَاقِبَةُ الْأُمُورِ) (الحج:40-41)

و الحاجات ديه كانت بتأذينى جدا لكن الحمدلله ربنا هدانى,فأنا بنصح أى أخ هنا خايف على دينه أنه لا يجادل الناس ديه

• قال صلى الله عليه وسلم ( أنا زعيم ببيت في ربض الجنة لمن ترك المراء وإن كان محقا .....) (د-ت-جه) قال الألباني ( حسن ) صحيح الترغيب والترهيب [3 / 6 ]

[مصري أصيل]

هو فعلا مواضيع الطعن فى السنه والأستخفاف بعلماء الأمه الثقات كتير حبتين اليومين دول بس الناس معذوره,المسلمين فى إزدياد كل يومين فى محجبات ومنقبات أكتر,شباب زى الورد متدين وملتحى وناجحين فى كل المجالات لا يعوقهم تدينهم عن النجاح والتعامل الصحيح مع خلق ربنا,معظم المصريين إبتدوا يفهموا الصوفيين وتخاريفهم وطبعا الحريه المتوفره على النت,أى عيل أو شاب شايف نفسه فاهم يتكلم براحته هو حد هيمسكه,لكن فى الحقيقه ديه علامه صحيه وتؤكد أهميه سنة الدفع فى حياتنا

الأستاذ زياد .

المشكلة أن الناس دي بتفتي في الحلال و الحرام و ده شيء مش سهل . مش سهل أن واحد لا يملك المؤهلات لذلك و نسيبة يفتي و يا ريته بيفتي صح أو بيرجع للكتاب و السنة زي العلماء . لأ ده بيفتي من وجهة نظرة الشخصية . و أذا حبيت تجيبلة حديث ينفي الفتوي بتاعة مثلاً . يقولك أصل الحديث ده أنا مش مقتنع بيه . و يجيبلك هوه الحديث اللي علي مزاجه.

يعني لو الشخص بيخلي قناعته الشخصية دي لنفسه و خلاص ما كانتش بقت مشكلة . المشكلة أنه بيفتي في الحلال و الحرام بدون علم . و المشكلة الأكبر أنه أحياناً يعرض خدماته. بمعني أنه يقول للناس اللي عنده سؤال في الدين يسأله و أنا هاجاوبه لأني عارف كل حاجه في الدين. ولو قلتله أن الأمام الفلاني قال أو الشيخ الفلاني عاد يرد عليك و يقولك أنا ما باخدش علمي من المراحيم . يعني هوه بس اللي عالم و عارف بأمور الدين لوحده و الباقي سواء علماء السلف أو العلماء الحاليين كلهم مش بيفهموا حاجه .

بس فعلاً أفضل حاجه أقتنعت بيها أخيراً أننا ما نجادلش معاهم و نسيبهم يقولوا اللي هما عايزينه لأن الجدال معاهم يموتك من القهر و مش هتوصل معاهم برضه لنتيجه . فأحسن شيء أنك تقاطع ردودهم و مواضيعهم تماماً و ده اللي ناوي أعمله الفتره الجايه.

تقبل تحياتي أخي زياد

[Alshiekh]

العقل والتفكير هما الفرق بين الانسان والحيوان

انا لا أنزعج عندما ارى شابا يتناقش فى الدين ، لانه اكيد بيفكر واكيد بيستخدم عقله ، وكل مازاد استخدام العقل والتفكير كلما ازدادت خبرة الشباب ، الاستسلام لرأى الفهاء وبابا وماما والاكبر سنا ليس صحيا ،

واعتقد انه لن يعفى احدنا من الحساب لانه اتبع فكرا خاطئا املاه عليه شيخ او اماما لاننا لسنا مجبرين على طاعتهم ، واذا اطعناهم يجب ان نكون برأيهم وبفكرهم وبفتاواهم.

أما ان يكون المنع فقط لانه لايتوافق مع مانراه نحن صحيحا ، فانا لا أوافق عليه.

[مصري أصيل]

العقل والتفكير هما الفرق بين الانسان والحيوان

انا لا أنزعج عندما ارى شابا يتناقش فى الدين ، لانه اكيد بيفكر واكيد بيستخدم عقله ، وكل مازاد استخدام العقل والتفكير كلما ازدادت خبرة الشباب ، الاستسلام لرأى الفهاء وبابا وماما والاكبر سنا ليس صحيا ،

واعتقد انه لن يعفى احدنا من الحساب لانه اتبع فكرا خاطئا املاه عليه شيخ او اماما لاننا لسنا مجبرين على طاعتهم ، واذا اطعناهم يجب ان نكون برأيهم وبفكرهم وبفتاواهم.

.

يعني المهم أن الواحد يطلع يقول رأيه عشان ما يبقاش حيوان ؟ يعني رأيه ده صح أو غلط مش مهم ... فتواه دي مبنيه علي علم ولا علي بتنجان مش مشكله المهم أنه يقول رأيه من وجهة نظرة الشخصية و بما أملاه عليه عقله المريض في أحيان كثيرة . مش بما تعلم من علم و بما قرء من كتب . المهم أن عقله يشتغل و يفكر و يفكر و يفكر كتير و بعدين يدينا الفتوي المحترمه.

و يحلل حرام و يحرم حلال مش مشكله المهم أن عقله يشتغل و ما يبقاش حيوان و ما يبقاش مستسلم لرأي الفقهاء و بابا و ماما. يفتي مثلاً أن شرب الخمر حلال و يطلع شاب قرء الفتوي دي علي أي خماره و يطرقعله أزازة خمره و يطلع بعد ما سكر يعمل حادثه بالعربية يموت رب أسره مسكين مالهوش أي ذنب غير أن واحد أفتي بأن الخمرة حلال و أربطها في رقبة عالم و أطلع سالم .

و لا بنت بعد ما ربوها أهلها و طفحوا الدم في تربيتها . يفتي أن الزواج العرفي حلال و من حق البنت أنها تتجوز بدون ما يكون لها ولي و تروح تتجوز عرفي في شقه مفروشه أو تحت بير سلم أو في سياره في المقطم و بعد ما بطنها تكبر يرميها اللي أتجوزها عرفي و ترجع لأهلها تجر أزيال العار و يا أما أبوها أو أخوها يموتها و يدخلوا السجن أو هيه تموت نفسها و الأسرة تتدمر و كل ده ليه ؟ عشان واحد شغل مخه شويه و ما بقاش حيوان و أفتي بأن زواج البنت العرفي من ورا أهلها حلال زلال .

و بالفعل لن يعفي أحدنا من الحساب لأنه أتبع فكراً خاطئاً و لكن أيضاً لن يعفي أحدنا من الحساب والحساب العسير إذا أفتي فتوي بغير علم . مش كده و لا أنا غلطان ؟؟؟؟؟؟؟؟

أما ان يكون المنع فقط لانه لايتوافق مع مانراه نحن صحيحا ، فانا لا أوافق عليه

و هل تري حضرتك أن منع شخص بيفتي بأن الخمر حلال صحيحاً و معانا حق في المنع و لا بنعترض لمجرد أنه لا يتوافق مع ما نراه صحيحاً ؟؟

وسؤال تاني معلش أتحملني ... لو بنت حضرتك قرأت فتوي زي دي و لا قدر الله دخلت عليك و قالتلك يا بابا أنا متجوزه عرفي من سنه . هتفرح بيها و تقولها طيب يا بنتي أيه يعني ما الزواج العرفي حلال و أنتي ما عملتيش حاجه غلط و لا هتعترض و تقوم الدنيا زي ما أنا ممكن أعمل لا قدر الله لو ده حصل معايا . بس في الحالة دي يا تري هنروح نجيب الشخص اللي أفتي الفتوي دي عشان يحللنا المشكلة و لا هتكون المصيبة مصيبتنا لوحدنا و أحنا اللي هنشيلها فوق راسنا طول عمرنا .

الأمثلة اللي أنا أديتها دي يا سادة مثل أباحة شرب الخمر وتحليل الزواج العرفي بدون أذن الولي موجوده علي المنتدي مش من وحي خيالي و لا حاجه

************************************************

[مصرى لم يندثر أثره]

جزاك الله خيرا اخى ( المصرى الاصيل ) معك قلبا وقالبا

ولكن هل تعرف اول من أنس ببديهة العقل من

اولهم ابليس (لعنه الله) فإنه رأى تفضيل النار على الطين فاعترض

قال الامام العلامه (أبى الفرج عبد الرحمن بن الجوزى)

سألنى سائل : قد قال بعض الحكماء / من لم يحترز بعقله هلك بعقله فما معنى هذا ؟

يقول فبقيت مدة لاينكشف لى المعنى ثم اتضح

وذلك إذا طلبت معرفة الخالق سبحانه من العقل فزع الى الحس فوقع التشبيه

فالاحتراز من العقل بالعقل هو : أن ينظر فليعلم أنه لايجوز أن يكون جسما ولا شبها لشىء

وإذا نظر العاقل إلى افعال البارى سبحانه رأى أشياء لايقتضيها العقل

مثل

الالام الذبح للحيوان وتسليط الاعداء على الاولياء مع القدرة على المنع والابتلاء بالمجاعة للصالحين والمعاقبة على الذنب بعد البعد بزلة وأشياء كثيرة من هذا الجنس

يعرضها العقل على العادات فى تدبيره فيرى انه لا حكمة تظهر له فيها

فالاحتراز من العقل به انه يقال : أليس قد ثبت عندى أنه مالك وأنه حكيم وأنه لايفعل شيئا عبثا ؟

قيقول بلى فيقال منحن نحترز من تدبيرك الثانى بماثيت عندك فى الاول فلم يبق إلا انه خفى عليك وجه الحكمة فى فعله

قيجب التسليم له لعلمنا انه حكيم حينئذ يذعن ويقول قد سلمت

وكثير من الخلق نظرو لمقتضى واقع العقل الاول فاعترضوا

حتى ان العامى يقول كيف قضى على سوء عاقبتى ولم ضيق رزقى وماوجه الحكمة فى ابتلائى بفنون البلاء ؟

ولو أنه تلمح أنه حكيم لم يبق إلا التسليم لما خفى

ورأينا خلقا ممن نسب الى العلم قد زالو فى هذا واعترضوا

ورأوا كثيرا من الافعال لاحكمة تحتها

والسبب ماذكرنا

وهو الانس بنظر العقل فى البديهة والعادات والقياس على افعال لاحكمة تحتها واالقياس على افعال المخلوقين

ولو استخرجوا على العقل الباطن

واعتبر بحال الخضر وموسى عليهما السلام

لما فعل الخضر أشياء تخرج عن العادات أنكر موسى ونسى إعلامه له بأنى أنظر فيما لاتعلمه من العواقب

فإذا خفيت مصلحة العواقب على موسى عليه السلام مع مخلوق

فأولى أن يخفى علينا كثير من حكمة الحكيم

وهذا اصل إن لم يثبت عند الانسان أخرجه الى الاعتراض والكفر وان ثبت استراح عند نزول كل آفه

[مصري أصيل]

الأستاذ مهيب

أنا لما أقول أن الموضوع اللي أحنا بنتكلم فيه أيه سببه أو صاحب الموضوع منزله ليه حضرتك تدخل و تلغي بقية المشاركة و تقولي أنت بتشخصن الحوار . طيب و ليه ما لغيتش الموضوع نفسه. ولا هنفضل نتكلم في الموضوع سنتين وما حدش عايز يقول سبب المشكله جايه منين عشان ما حدش يتهمه بنفس التهمه اللي حضرتك أتهمتهالي دي.

طيب لما الأستاذ ال Advisor والأخ سي السيد يدخلوا و يقولوا أحنا ماعندناش الحاجات دي و ماعندناش أساءة للسنة النبوية من يوم ما المحاورات فتحت يبقي لما ندلهم علي مين اللي بيطعن في السنه النبوية نبقي بنشخصن الحوار . و لا هنعمل زي الحكومة نفضل نقول الأمن مستتب الأمن مستتب وما فيش عندنا أي مشاكل و المشاكل حوالينا من كل ناحية.

طيب ليه لما المحاورات ما بتسمحش بالأساءة للسنة النبوية ما شفتش واحد من الأشراف زي حضرتك ما لغيت بقية المشاركة دخلت و قلتله أحنا مش بنسمح بالكلام ده عندنا و كفاية أفتاء بغير علم و كفاية تشريح في السنة النبوية.

طيب أحنا بقي عايزين نعرف المحاورات بتسمح و لا ما بتسمحش بعد أذنك عشان علي هذا الأساس ممكن نبني حاجات كتير جداً بعد كده. لو ما بتسمحش يبقي ورونا الكلام ده علي أرض الواقع . لو بتسمح يبقي كل واحد و أختياره . ممكن واحد يختار أنه ما يدخلش عشان ما يكونش في مكان فيه أساءة للسنة النبوية. و ممكن واحد يدخل و يعمل ودن من طين و ودن من عجين زي كتير جداً . و ممكن واحد يدخل يتسمم بدنه كل يوم من الكلام اللي بيتكتب و للأسف مش قادر يعمل حاجه . عايزين نعرف أحنا هنمشي علي أي خط بعد أزنك.

أنا أسف علي اللهجه بس بجد أنا حزين علي الحال اللي وصلت ليه المحاورات بجد حزين .