badroora 7 تقديم بلاغ كُتب في June 20, 2008 (معدل) الاخوة والاخوات العُزاب نحن فى نعمة نحمد الرب عليها نعمة العُزوبية والحرية والراحة.يعنى لا اطبخي يا جارية حاضر يا سيدي ولا دياولوا انتى ايتها الشابة حرة نفسك .وأحب ان اجعل شعارى هو شعار كل العُزاب وخصوصا البنات .(مطبُخش فى ساعة عشان أكل فى 10 دقايق )انا كتباها عندى فى المطبخ لانها بتحمسي وتخلينى اعمل اى حاجة ااقل من 20 دقيقة ممكن تنطبخ وتتاكل .اليوم بقي هاقولك على طريقة مدةتها فقط 1 دقيقة و30 ثانية .البيض .المقاديرعدد 1 او 2 بيضة على حسب اكلتك.طبق قابل للتسخين فى الميكرويف.ميكرويف ماركة نضيفة عشان الاضرار الصحيةملعقة طعامملح وفلفل حسب الرغبة زبدة مكعبات عشان متخديش وقت مجرد انك تفتحى المكعب وترميه فى الطبق وخلاص الطريقة نجيب الطبق المناسب للميكرويف ضعى معكب الزيدة فى الطبق وندخله الميكرويف 30 ثانية ونخرجه نكسر البيض ونقلبه جيدا فى الطبق حتى يختلط بالسمن رشة ملح وفلفل حسب الرغبة ندخله الميكرويف تانى لمدة دقيقة وبالهنا والشفا.مميزات هذه الطريقة اقتصادية فى الوقت والجهد يعنى دقيقة ونص كنتي طبختى اكله .الغسيل طبق واحد ومعلقة وبكدا تبقي حافظتى على بشرتك من جفاف الصابون .الى اللقاء فى طبق جديد الشيف نجفة تم تعديل June 20, 2008 بواسطة Advisor تصليح كلمة عذاب إلى عزاب اقتباس أعلى شارك هذه المشاركه رابط المشاركه شارك
deemuck 2 تقديم بلاغ كُتب في June 20, 2008 (معدل) حلو مطبخ العزاب دة...... طيب طبختي المفضلة قبل ما اتزوج ( 10-15 دقيقة )باستخدام حلة الضغط:1- حضر عدد واحد فرخة أو صدور أو رجول أو تشكيلة كما تريد2- ضع الكشة (بصل + فلفل اخضر) مع الدجاج أو قطعه بدون زيت أو سمن وملعقة مياه فقط . قلب القطع لفترة وجيزة على الجهتين. اقفل الحلة وانتظر لفترة من 7-10 دقيقة3- ارفع الغطاء وفك كيس الخضار المشكل ثم اغلق مرة اخرى واتركه لفترة 5 دقائق .وبالهنا والشفا تم تعديل June 20, 2008 بواسطة Advisor اقتباس أعلى شارك هذه المشاركه رابط المشاركه شارك
badroora 7 تقديم بلاغ كُتب في June 20, 2008 (معدل) تسلم ايدك يا ديم يق بس ايه حكاية رجل الفرخة والكشة دي ؟ كشة دى اى لغة .!! حلوة هابقي اجربها بس من غير فراخ .!!! اكتر شيء عجبنى فى طريقتك وشجعنى انى انفذها 1- عدد الغسيل واحد حلة ومش فى يومها كمان يعنى ممكن تاكل منها وترجعها التلاجة تانى 2- 20 دقيقة بس يعنى فى التارجت برافوا :wub: تم تعديل June 20, 2008 بواسطة Badria Mekkawy اقتباس أعلى شارك هذه المشاركه رابط المشاركه شارك
deemuck 2 تقديم بلاغ كُتب في June 20, 2008 الاكلة حلوتها وهي بالفراخ ،،، سيبك من اللحمة وغيرهاالفرخة مع التسخين هتنزل دهون وزيوت مركزة..وياه لما كيس الخضار المشكل يتخلط بالفراخ في طبخه واحدة وكله يخش على بعض ...انتي ممكن تنزعي الجلد بس انا بسيبوه عشان يركزها اكتر.والاحسن انك تأكليها ممم بالخبز الشامي عشان خفيف والطعم يبان. اقتباس أعلى شارك هذه المشاركه رابط المشاركه شارك
deemuck 2 تقديم بلاغ كُتب في June 20, 2008 طرقتي لعمل الرز قبل ما اروح الشغل ... اكني بعمل شايباستخدام المايكروويف كنتاحضر طبق البايركس ، اضع كوب رز ، كوب أو كوب ونصف ماء ، ملعقة زيت ، ثلاث ارباع ملعقة ملح.اضع الطبق في المايكروويف.. وأدوس على الزرار.. وبعدين اروح الشغل الزرار فيه ايه؟فيه برنامج لمدة 30 دقيقية.. أول 10 دقائق طاقة 100 للغليان – ال 20 المتبقية طاقة 20 للتسوية.. وبس خلاصممكن تحط البهاريز بس الاحسن تخليها مدفونة في الرز. اقتباس أعلى شارك هذه المشاركه رابط المشاركه شارك
badroora 7 تقديم بلاغ كُتب في June 20, 2008 (معدل) عزيزتى الشابة عزيزى الشاب ..............اكلة اليوم اكلة سهلة جدا ومفيدة للغاية .مدة الطبخ .....10 - 15 دقيقة فقط....اهم حاجة عندنا الوقت ومتنسوش الشعار اياه .!!!الاكلة اسمها .........بطاطس عُذابي ........المقادير .........عدد واحدة بطاطسة مقشرة ومقطعة مكعبات صغيرة جدا .طاسة تيفال ..........عشان تتغسل بسهولة ماية ساخنة على رشة بريل وانتهى الموضوع ..مدة الغسل 30 ثانية.معلقة ........خشبية مكعب زيدة ملح فلفل حسب الرغبة 40 سم لبن الطريقة بعد غسيل البطاطس جيدا .........توضع فى الطاسة مع قليل من الماء.توضع على النار حتى تتم عملية النضج التام .بعد النضج ........نضيف معكب الزيدة + 40 سم لبن +ملح فلفل = هرس بالمعلقة ..وممكن تحطيها تانى ع النار تسخن بتاع دقيقة كمان .تقدم بمفردها لانها تعتبر واجبة متكاملة ولو حبيتى تعملى سلطة جنبها وكسلتى ممكن تقطعى خيار او تاكلى السلطة مصحصحة وهى هتبقي سلطة فى المعدة.والى هنا ايها السيدات والسادة انتهت طبخة اليوم مميزات هذه الطريقة واجبة متكاملة فى وقت قياسي اقتصادية فى الوقت والجهد.الغسيل .........الطاسة فقط والمعلقة يعنى مافيش داعى تغرفى فى طبق ومعلقة جديدة بلاش مظاهر فرغة.الاكل مباشرة من الطاسة له مذاقة الخاص والملعقة الخشبية مش هتلسعنا اثناء الاكل .كانت معكم الشيف نجفة ............فتوكم بعافية تم تعديل June 20, 2008 بواسطة Badria Mekkawy اقتباس أعلى شارك هذه المشاركه رابط المشاركه شارك
se_ Elsyed 1,725 تقديم بلاغ كُتب في June 20, 2008 ايه العذاب ده ؟آيوووووووووووووووووه افتكرت تقصدوا العُزاب من العزوبية طب ربنا معاكو يا رجاله بدون اي عذاب او تعذيب اقتباس أعلى شارك هذه المشاركه رابط المشاركه شارك
~Heba~ 5 تقديم بلاغ كُتب في June 20, 2008 ايه العذاب ده ؟آيوووووووووووووووووه افتكرت تقصدوا العُزاب من العزوبية طب ربنا معاكو يا رجاله بدون اي عذاب او تعذيب طب معندكش حاجة قبل ما تاخد ام عمر و تنقذك من العذاب اقتباس أعلى شارك هذه المشاركه رابط المشاركه شارك
se_ Elsyed 1,725 تقديم بلاغ كُتب في June 20, 2008 بعون الله اخوكي س س اللي واقف قدامك ده كان لهلوبه له ايه ؟لوبه وكنت لما ادخل المعمل ... اوعي من قدامي .. احلي اكل بسيط وسريع .. وكنت لا اجلس في المطبخ اكثر من 15 دقيقة ... بس العبرة بالنتايج والى الان عندي اكلات مُسجلة باسمي ومنها1- ياما كلو ياما ماتو ( من المطبخ الياباني ) 2- مكرونيدز توناتيديز ( يوناني ) 3- شوفوتو ( سوداني ) 4- اقرو الفاتحة لابو العباس ( باين طبعاً انها صعيدي ) كل ده كان زمان قبل ما اعتزل الملاعب لكن الظاهر هاتشجعوني ارجع الملاعب تاني ... خصوصاً ان ام عمر نازله اجازة وهاقعد اغني ظلموه اقتباس أعلى شارك هذه المشاركه رابط المشاركه شارك
badroora 7 تقديم بلاغ كُتب في June 20, 2008 والله يا س س اول مرة اعرف ان عزاب بالراء وعليها نقطة مش الدال وعليها نقطة والغريبة ان محدش علق على العنوان خالص غير ناش لمحت وانا مفهمتش تقريبا محبتش توضح عشان متجرحش شعورى اللهى يسترك يا س س يا رب وانا صلحت العنوان ............يعطيك العافية خوى ..... :wub: وعموما عشان الجميل دا هنقبلك معانا هنا عزوبي استثنائي وبما انك موافق على مبدأ ال 15 دقيقة يبقي عاوزين نستفيد من خبراتك المايك معاك يا س س ........عيش :wub: اقتباس أعلى شارك هذه المشاركه رابط المشاركه شارك
badroora 7 تقديم بلاغ كُتب في June 20, 2008 الفتة بالدقة والتوم ......... المقادير عدد 2 توست محمص 50 سم دقة من اى محل كشري او ممكن تشحتيها من الجيران . مكعب دجاج ماجى 250 ملى ماء مقطر . طبق بيركس كازرولا ميكرويف معلقة كاتيل مكعب زبدة الطريقة نكسر التوست لمربعات صغيرة تقريبا كل مربع 2x2 ونراعى جدا التقسيم لو اختلف المقاس هتفشل الطبخة نأخذ 250 سم ماء مغلي من الكاتيل فى الكازرولا ونضيف عليهم مكعب ماجى وملح وفلفل حسب الرغبة ويتم تسخينهم فى الميكرويف لمدة دقيقة . نرجع لطبق التوست نضيف مكعب الزبدة + 250 شوربة (ماهو الماية بعد اضافة الماجي تغيرت طبيعتها من المائية الى الشوربية) نضيف الدقة اللى شاحتنها من الجيران .ونقلبهم جيدا ونحطها فى الميكرويف لمدة 4 دقيقة . وتقدم بنفس الطبق جنب اى حاجة فى التلاجة مطبوخة قديمة . وبالهنا والشفا مدة الطبخ لا تتعدى ال10 دقايق . الغسيل ........المعلقة والطبق والكازرولا . وطبعا اقتصادية فى الوقت والجهد . بالهنا والشفا .........نجفة من امام مطبخ مستشفي ام المصريين اقتباس أعلى شارك هذه المشاركه رابط المشاركه شارك
moheltohamy 25 تقديم بلاغ كُتب في June 20, 2008 عزيزتي بدرية:هوه أنا مكسوف وانا جاي أشارك بالمجهود ف المطبخ العزابي ده!لأني مش بتاع الــ 10 دئايئ دي خالص!الأكلة اللي م الآخر اللي باعزها مووووت (صدور الرومي بالمارينيه) ، ودي علقة بجد (من منطلق الوجبات أم ربع ساعة ، وغسيل حلة ومعلقة خشب!)دي فيها تحضير لتاني يوم ، وفيها سكينتين و3 معالق ، وجوانتي ، ومصفاه ، وطاسة ، و3 - 4 أطباق ، وبتاع نص ساعة ع النار بس!أتكلم؟ ولا أحترم نفسي وامشي؟ وما حدش فاضي للحركات دي ، ولا حد عنده وقت لكده؟ اقتباس أعلى شارك هذه المشاركه رابط المشاركه شارك
أسد 569 تقديم بلاغ كُتب في June 20, 2008 (مطبُخش فى ساعة عشان أكل فى 10 دقايق )انا كتباها عندى فى المطبخ لانها بتحمسي وتخلينى اعمل اى حاجة ااقل من 20 دقيقة ممكن تنطبخ وتتاكل .عشرين دقيقة كتير برضه ...كتير قوي ..أنا باعيش أعزب شهرين إلى 3 شهور في السنة ..حالياً .. بقى لي 10 أيام أعزب .. في مطلع رحلة عزوبية قدرها شهرين ...عندي طريقة هائلة جداً .. في الأكل خلال تلك الفترة ..ربنا ما يحرمناش من المطاعم ....أنا حالياً زبون معتبر في مطاعم الرياض ...غذاء وعشاء ...ومفيش أحسن من الراحة .. اقتباس أعلى شارك هذه المشاركه رابط المشاركه شارك
قائد المدفعيه الهولنديه 0 تقديم بلاغ كُتب في June 20, 2008 (معدل) ********* ده رقم كيمو ..... اتصل اطلب الاكل اللى انت عايزه و لا تدخل مطبخ ولا توجع دماغك من اساسه......... انا حاسس ان كيمو من كتر ما بكلمه انه مقيم معايا فى البيت مميزات الطريقه: 1- مفيش غسيل مواعين. 2- مفيش دخول مطبخ اساسا 3- التكليف تقتصر على مكالمه تليفون و سعر الوجبه ( مفاجئه .... التوصيل مجانى) 4- ممكن تطلب مع الاكل واحد يفتح نفسك لو ملكش نفس تاكل تم تعديل June 21, 2008 بواسطة أسد حذف رقم هاتف اقتباس أعلى شارك هذه المشاركه رابط المشاركه شارك
galaxy 0 تقديم بلاغ كُتب في June 20, 2008 اختي بدور.. .....توبيك مغذي والله.. :wub: .......بس انا عندي طبخه كدا بس مش عزابي اوي يعني بس بحبها ولذيذه.......ممكن تاخد وقت بس الطعم يستاهل والله....أدوس ولا امشي................. اقتباس أعلى شارك هذه المشاركه رابط المشاركه شارك
moheltohamy 25 تقديم بلاغ كُتب في June 20, 2008 اختي بدور.. .....توبيك مغذي والله.. et:( .......بس انا عندي طبخه كدا بس مش عزابي اوي يعني بس بحبها ولذيذه.......ممكن تاخد وقت بس الطعم يستاهل والله....أدوس ولا امشي................. :wub: تعرفي يا جالاكسي... هوه ده اللي إسمه صاصبينس! طيب حتى قولي إيه هيه الطبخة! وانا أتمنى أعرفها ، لو من الممكن تحضيرها بسهولة. بعد إذنك طبعاً يا بدارة ، أنا عارف إن المنطئة بتاعتك ، بس احنا ضيوفك ، وإكرام الضيف واجب. وطبعاً جالاكسي دي ليها معزّة (بتشديد الدال) ، من منطلق إنها أول واحدة ترد على أول توبيك أعمله. ومنتظر ابتكارات الإمارات هالحين. wst:: اقتباس أعلى شارك هذه المشاركه رابط المشاركه شارك
galaxy 0 تقديم بلاغ كُتب في June 20, 2008 (معدل) انا مقدرش اتأخر بجد..........الاكل لاي حد ليه معزة خاصه.............. :wub: الموضوع يتعلق بالمكرونه...هنعمل مكرونه بالحركات........يعني لو بتحبوها بجد هتلاقوها حلوة وبسيطه بجد.......... الفكرة كلها في مكرونه مسلوقه عادي جدا...........وبعدها بقي تحضير الصلصه كالاتي فص ثوم صغير......اي حاجه بقي متقطعه صغير......فلفل رومي اخضر واي لون تاني عشان منظر الاكله يعني......مشروم(بييجي متقطع يا بدريه.......ماشي).....ممكن بقي قطع فراخ او هوت دوج او سوسيس زي ما تحبوا.......اي حاجه موجوده تنفع.... الطريقه بقي.........طبعا يا جماعه الاول مكعب الزبده المقدس ....وعليه الثوم لما يصفر نضيف كل الحاجات المتقطعه.....وعليها التوابل اللي بنحبها.......فلفل ..شطه..بهارات....نخلي الملح الاخر.عشان السوي مش يغيب يعني.......ونقلب وبعدين نضيف الصلصه وتتسبك معاهم....لما بقي تتسبك نضيف المكرونه....ونقلب بقي......ممكن بقي بعد ما ننقلها في الطبق عشانناكلها......نرش موتزاريلا او جينه رومي مبشورة.(اختياري).......طبعا الملح يضاف مع الصلصله حسب الطعم اللي نحبه.......الميزة بقي انكوا هتلموا اي حاجه باقيه للاكل ودا هيوفر......وكمان كل حاجه فيها يعني خضار ولحوم وحركات :wub: ... مش عارفه شكلكو اتصدمتوا من الاكله et:( وكنتوا فاكرينها يا ما هنا يا ما هناك wst:: .مش عارفه كدا شكلها طولت وهنطرد من التوبيك بسبب كدا wst:: ........بدريه شروطها قاسيه اوي بجد :sad: ....الاكل يا اما بمزاج يا اما لأ.....بس اعمل ايه مقدرش ازعل منها :wub: .......(حبه تملق بقي). تم تعديل June 20, 2008 بواسطة galaxy اقتباس أعلى شارك هذه المشاركه رابط المشاركه شارك
galaxy 0 تقديم بلاغ كُتب في June 20, 2008 اضافه بس صغيرة.....معلش يا بدور...........ساعات بعمل جنبها صوص زي الباشاميل بس اخف شويه وعلي الوش بجد بيكون حكايه.......امشي بقي بدل ما انضرب اقتباس أعلى شارك هذه المشاركه رابط المشاركه شارك
badroora 7 تقديم بلاغ كُتب في June 20, 2008 أتكلم؟ ولا أحترم نفسي وامشي؟ وما حدش فاضي للحركات دي ، ولا حد عنده وقت لكده؟ يا خبر حضرتك بتستأذنى ......... الموضوع موضوعك طبعا اتفضل قول وبسرعه يا جماعة الكل ممكن يشارك ان شالله باكلة تستهلك 6 اطباق وتتعمل فى ساعة ونص كل اللى عاوز يطبخ يدخل المطبخ بدون استأذان .........بالعكس دا انتم هتنوروا المبطخ .......... يلا يا استاذ توهامي بسرعة فرجنا هتأكلنا ايه ......... .......... اقتباس أعلى شارك هذه المشاركه رابط المشاركه شارك
badroora 7 تقديم بلاغ كُتب في June 21, 2008 الاعزاء استاذ اسد ..........والقائي مقام قائد القوات المدفعية الهولاندية . اكل المطاعم حلو وسهل وبيوفر الوقت والجهد .....بس في مشكلة احيانا بتبقي مش عارف المكونات ايه وبيستخدموا اى نوع سواء زيت او سمن او لحم او فراخ او المطعمنجى دا صحي مش عنده اى مرض ولا لاء وبيعقم كل شيء ولا لاء ......... ممكن تاكل مرة اتنين من المطعم لكن الافضل انك تعمل اكل فى البيت حتى لو بسيط وادينيى مش مقصرة معاكم اهو جيبالكم اكلات لا تتعدي عمايلها فى دقائق وكمان س س وعدنا هيشاركنا بافكاره يعنى هستفيدوا باكل صحي وعارفين مصدره. واهلا وسهلا بكم فى المطبخ المتواضع .................. اقتباس أعلى شارك هذه المشاركه رابط المشاركه شارك
