اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

كيف أصبح رجل اعمال معى 1000 جنيه و عمرى 20 سنه


Recommended Posts

الأخ العزيز محمد

أنا قرأت موضوعك والردود عليه ...وعاوز أقولك كلمه ....أنت رأسمالك مش 1000 جنيه أنت معاك طموح وعزيمه ورغبه في النجاح تساوي ملايين ......بس المهم أنك تنقل الحاجات دي {الطموح والرغبه في النجاح} إلي حيز التنفيذ يعني تحطها في الفعل علي رأي د أبراهيم الفقي ..اللي حيجي الكلام عليه بعدين ....لازم

بقي تعرف وتحدد أنت عاوز أيه بدقه

وتحدد فتره زمنيه للوصول الي الهدف ده

وتعرف أزاي حتقدر توصل

وعلشان مايكونش كلامنا نظري مثلا خلال 3سنوات اللي هي سنوات الدراسه الهدف حيكون أخلي ال 1000 جنيه 10000 مثلا

يبقي عندي كده الهدف والمده الزمنيه

يبقي الطريق أزاي وهو ده اللي عليه الكلام ............ حتشوف أنت بتفهم في أيه ...وزي ماشفت وقرأت ....أعتقد الكومبيوتر ....يبقي أنت اللي تقول حتقدر تمشي الطريق أزاي ....مش ولا واحد فينا حيقدر يقولك ....ببساطه لو حد عرف ماكانش ده حالنا ....قاعدين نكتب نصائح .وبس...يبقي أنت ثم أنت ثم أنت اللي تقرر.... ممكن تسمع أفكار ....بس لازم تقف عند لحظه معينه ... وتقول لازم أبدء.....وانت قلت بيل جينس عمل أيه ....شاف هو بيفهم في أيه وعمله ولم يضيع الوقت بسؤال الناس أعمل أيه .....أنا فرحان بك جدا وواثق أنك حتوصل للي أنت عاوزه وأبقي أفتكر....بس أعرف أنت عاوز أيه ...وأعتمد علي الله وعلي معرفتك وقدراتك و

أنت عندك أكبر مولد للطاقه وهو الأيمان وبعدين الرغبه الصادقه للنجاح ...

عاوزك تقرأ توقيعك مرة تانيه .....حتعرف أنك حتوصل للي أنت عاوزه....ربنا يوفقك ....وتبدأ أصعب خطوه .....في طريق المليون ...وهي أول خطوه......ربنا معاك ويوفقك

موضوع د.أبراهيم الفقي .....ده عاوز موضوع لوحده ....أعتقد لو كنت أنا سمعته من مده كانت حياتي أتغيرت..... لآني فعلا لما سمعته وبدأت أطبق الكلام وأحاول أنفذه حياتي أتغيرت .... هو عامل زي واحد بيعلمك السواقه .....لو قلت أسمعه ولما أشتري عربيه حأعرف أسوق .....عمرك ما حتسوق....لازم تطبق اللي بيقوله خطوه خطوه ...واحده وبعدها التانيه ...والتالته ...وهكذا ...كده ممكن تستفيد منه ....

....

رابط المشاركه
شارك
  • الردود 105
  • Created
  • اخر رد

Top Posters In This Topic

Top Posters In This Topic

Popular Posts

جامعة الحياة ... جامعة الخبرة .... جامعة الصبر والمصابرة والعمل ليل نهار .... جامعة الحظ  هي اسهل طريق للوصول لعالم البيزنس انا الألف جنيه فهي الان مجرد مصاريف مواصلات لابني وهو رايح مشوار 

العمل الحر هو بداية الإنطلاق فى مجال الأعمال ، و من الناحية التقليدية سينصحك الجميع بإكمال الدراسة و الإنتظار و أكيد أسهل قرار هو ألا تتخذ قرار و هناك مثل أجنبى معناه إذا أردت تعلم السباحة ...

الحقيقة بقالى فترة بدعبس في موضوع التجارة الاكترونية 1-تدور على كتاب بالعربي موجود ع النت اسمه من القاع للأصقاع هيفيدك جدا 2-تأجر مساحة تعمل عليها موقع في حدود 70جنيه سنويا 3-تأجر دومين نيم فى حدود

والله بجد ربنا يكرمكم على ردودكم اللى بجد فادتني جدا دي

وعلى فكرة يا مصري انا مش قصدي حاجه على ابراهيم الفقي بس انا اقصد انى قريت نفس الكلام اللى بيقوله وسمعته من كتب ومؤلفين اجانب بيتهيئلي هو نفسه بيحضر منهم

بس انا بقول انه نظرى علشان بيشرح كأنه بيشرح في مدرسه لطلاب مقرر عليهم فعمال يحكي ورا بعض من غير توضيح عملى

بس انا مبقولش انه وحش بالعكس الراجل على الاقل بيترجم وبينقل فكرة ناجح للمجتمع

وعلى العموم انا بجد استافدت منكم اوى وانا خلاص شبه عرفت انا هروح فين بالظبط

وربنا يكرمنا كلنا والله

رابط المشاركه
شارك

السلام عليكم ورحمه الله وبركاتة

ازيك يا اخ قطب :Laie:

ان شاء الله تكون بخير

بص يا سيدى الشركة فى القاهرة للأسف وانا مقيم فى القاهرة بس حاليا لا

انا أسف جدا بجد كان نفسى افيدك اكتر بس ان شاء الله ربنا يكرمك وتنجح بمشروعك ويبقي كبير

ويبقى عندك شركة سياحة وشركة اجهزة كمبيوتر :roseop:

ان شاء الله

بس معلش جدا

بص انتا ممكن تنزل تسأل فى شركات الاستيراد للأجهزة الاكترونية وتتعاقد معاهم وكدة

انتا ممكن تاخد سعر كويس منهم ان شاء الله

وطمنا على مشروعك يا ابو حميد :closedeyes: :rolleyes:

---------------------------

نصيحة اخيرة بعد ما قريت مداخلة سامح المصرى

لازم يكون لك صديق جدع زى سامح :happy: بجد لأن وجود حد يساعدك ويشجعك ويكون مخلص من عوامل النجاح المهمة جدا

تحياتى ليك يا سامح ... ازيك عامل ايه ؟ :happy: بجد دعواتى ليكم لأنكم بتحسسونى انى باطمن على مستقبل مروان لأن لسه فيه فى مصر شباب جدعان زيكم

ربنا يخلى حضرتك ..... بس حضرتك اديتينى اكتر من حقى فعلا

انا الحمد لله يا استاذتى العزيزة

حضرتك اية اخبارك واخبار مروان ان شاء الله تكونو بخير

رابط المشاركه
شارك

أحيك يا أخي الكريم قطب على تفكيرك هذا , بصراحة أنا لما قريت موضوعك وردودك أبدا لم أتصور أني بقرأ لشاب عمره 20 سنة ما شاء الله عليك أنت تفكيرك اكبر من عمرك بكتير . إذا تريد نصيحتي كأخت اكبر منك خليك على طموحك لكن لا تستعجل خطوة خطوة يعني مثلا طول ما أنت حاليا طالب بالكلية لاتهمل دراستك وبنفس الوقت حاول أن تتعرف على السوق بشكل عملي مش بس نظري روح للبورصة وشوف الأسهم ليه بتصعد وليه بتنزل وشوف أي التجارات أو الصناعات بتكون الأكثر ربحانة واكيد هذه الصناعات حتتماشى مع احتياجات الناس , طبعا أنا ما عندي أي فكرة عن الأسهم والتجارة لكن من سنة وأنا فكرت أني استثمر فلوسي لكن للأسف أحنا عايشين بمنطقة مقطوعة عن العالم , المهم أنت فكر كويس قبل ما تخطى أي خطوة وعندي ليك نصايح لما تبتدي مشروعك إن شاء الله

أولا تحرى الحلال دايما في البيع والشراء فربنا يبارك بالحلال ولا يغرك الحرام مهما كثر وتذكر الآخرى فبالآخرى حتتمنى لو كانت فلوسك حلال حتى لو قليلة .

ثانيا لما إن شاء الله تصير غني ورجل أعمال لا تتكبر على الفقراء ( وسامحني على الكلمة هاي) وتذكر دايما أنت كيف بديت وحاول تساعد قد ما تقدر يمكن دعواتهم ليك تخليك اكتر غني وتذكر قول الله سبحانه وتعالى ( لئن شكرتم لأزيدنكم ) .

ثالثا في حكمة بتقول ( لا تضع البيض كله في سلة واحدة ) عارف معنى الحكمة هذي معناها إذا سقطت السلة البيض كله حيروح , اي انه لا تضع فلوسك كلها في تجارة واحدة حاول تنوع فلا قدر الله إذا خسرت التجارة ما راح تخسر فلوسك كلها .

على فكرة هو ال 1000 جنيه يطلع كم دولار , اعذرني فأنا لا اعرف العملة المصرية كم قيمتها .

رابط المشاركه
شارك

اة نسيت اقولك حاجة مهمة يا أخ kotb

مهما كان ربحك قليل لازم تتصدق منه ولو بقليل

الاخ الى بحكيلك عنه الى ابتدى بياع احزمة سريح وحاليا صاحب محلات ملابس جاهزة

دا مشارك فى جمعية رسالة لكفالة الطفل اليتيم

علشان كدة ربنا كرمة ........ ما تبخلش انك تطلع صدقة من مشروعك

سلامى لك

رابط المشاركه
شارك

اخى محمد لن ازيد عن ما قال الاخوه الافاضل ممن سبقونى و ان كنت احييك و بشده على تفكيرك و ارادتك و لكن هناك همسه صغيره فى اذنك اخى الكريم الحياة عمرها ما كانت رحله ممتعه بالتاكيد ستواجهه الكثير من المشكلات و العقبات فيجب الا يصيبك هذا بالاحباط و يجب ان تكون ارادتك من حديد و فقك الله و حقق لك كل ما تتمنى

رابط المشاركه
شارك

بجد متشكر جدا جدا جدا على ردودكم كلكم بجد الحمد لله انا راضي جدا عن اللى ربنا قاسمهولى في الفترة دي وبحاول وان شاء الله هفضل احاول لغاية ما اوصل وربنا يكرمنا كلنا ولو حد عنده حاجه تانية عاوز يقولها انا عاوز اسمعه

رابط المشاركه
شارك

بالنسبه للاخت مهاجرة ...... انا متشكر اوى اوى على نصيحك بجد كويسه اوى وفادتني على فكرة ووضحتلى شوية حاجات

بالنسبه للجنية المصري والدولار فالدولار بيساوى حوالى مابين 5 و 6 جنيه مصري يعني 200 دولار ..... وان شاء الله في الخطة الالفيه اللى جاية بنفكر في تطوير اقتصادنا بحيس اننا نخلى الدولار ب 4.5 او 4 وياسلام لو وصل 3.75 يبقا احنا بقينا احسن دوله في العالم

انا بهزر طبعا بس بجد الدولار يعمل حوالى 6 جنيه

رابط المشاركه
شارك

يا محمد برافو....................انا بنت وعمري 20 سنة وبدرس في ادارة اعمال في السعودية انا بنت مصرية وتفكيري زي تفكيرك وفعلا بداءت في سوق الاسهم ب5000 الاف ريال سعودي طبعا حصلت على محفظة من بابا يعني متكلفتش فيها حاجة وال5000 دي تحويشت العمر وفعلا بفكر زي تفكيرك وانا في اول سنة لسة وبتديت كمان بتجميع مصريفي واشتري بيها دهب وممكن اديك موقع اجنبي هيفيدك كتير في اختيار قرارك في البرصة انا معرفش اذا كان انتا عايز تتخل برصة عالمية او اية النظام بس خذ فكرة مش هيضرك الموقع دا خاص بالتوصيات لوقت الدخول والخروج والانتظار وممكن يصيب وممكن العكس يعني هو بيبني تقديراتة على حساب نقاط الدعم والمقومة والسيولة الداخلة والخارجة يعني على اساس مدروس وبيديك التوصيات دي لحظة بالحظة

دا الموقع الي انا بستخدمة في الاسهم السعودية http://www.middleeastbulls.com/

طبعا دا بالنسبة للبرصة اما بالنسبة للمشريع فان قريت كتير في الموضوع دا وخذت فكرة بس تكتيكي وتفكيري فمشريع كلها بتحمل افكار جديدة بمسك ورقة وقلم وبكتب وبخطط وبطلع الناتج ومش كدا وبس بصلي وبستخير اي موضوع افضل عشان انا باخد وقت وجهد في جمع المعلومات والحساب والتخطيط واكيد ان الموضوع دا انتا مريت بية لانك بتفكر بنفس طريقة تفكيري ولو تحب نتناقش في الامور دي والمشريع انا معنديش مانع وهو ناخد فكرة وخبرة ومعلومة

رابط المشاركه
شارك
  • 3 weeks later...

اذيك يا محمد أنا أسمي أحمد و الحقيقة أنا أعجبت بموضوعك أوي لأني بفكر نفس التفكير بتاعك...أنا من كتر ما بحثت في جوجل عن كتب في التجارة و ازاي ابقي رجل أعمال لقيت موضوعك لأني الحقيقة ما كنتش أعرف المنتدي دا..أنا عندي 18 سنة (أدعيلي أنجح في امتحان السواقة عشان أطلع الرخصة بقي لأني زهقت من المخالفات) واللي خلاني أفكر في موضوع التجارة و كدة (مع العلم اني عمري ما فكرت في الموضوع دا) اني دخلت كلية مش حاببها خالص....فياريت نقدر نتواصل مع بعض و نتشارك الأفكار و شكرااااااا

رابط المشاركه
شارك

ربنا يكرمك يابو حميد والله ....... اهم حاجه حقولهالك ديما خلى عندك اراده ..... بالاراده هتوصل للي انت عاوزه حتي ولو بعد مليون سنه .... وتانى حاجه انك تقعد مع نفسك وتعرف انت رايح فين بالظبط او عاوز تكون رجل اعمال ليه

انا كنت بقعد اعمل الكلام ده كله مع نفسي ...... والباقي سيبك منه هيجي بعدين الفلوس والكلام ده كله سهل

انا عندي شوية كتب في الاقتصاد والتجارة والكلام ده كله بس حلوين اوى لو عاوزهم ابعتلى رساله على الخاص

رابط المشاركه
شارك

بسم الله ما شاء الله

الواحد غاب غاب و رجع لقي الشباب الواعد, و الله مصر لسه بخير يا رجاله

بصوا يا شباب

انا سني صغير زيكم و عندي 23 سنه و زي ما شفتم كنت عايز اهاجر بكل احاسيسي و مشاعري لكن فعلا مصر بلد الاستثمار السليم

مش ممكن تلاقي عبوديه في سوق العمل زي مصر, تلاقي فين واحد تديله 500 جنيه مصري في الشهر يعني اقل من 100 دولار ( ان لم يكن اقل) و تشغله اكتر من 10 ساعات.

نصيحتي ليك و لكل الناس, يا اما تكون عبد يا اما تستعبد الناس بطريقه شبه اداميه. مبقلكش خليك وحش, لكن مش هتلاقي نظام استعبادي في سوق العمل زي مصر صدقني.

دي الحقيقه اللي محدش عايز يقولها.

انتا عندك راس مال كبير جدا و الله الا و هو طموحك في تحرير نفسك من العبوديه المسماه بالوظيفه و الالف جنيه اللي انتا حوشتهم في سن مبكر جدا. انا احيك انك بدات تحويش في السن دا, غيرك عدا ال30 و محوش مليم.

شوف مشروع ارانب, عيش غراب, الحاجات دي بتبدأ بالفين او 3 الاف جنيه, نصيحتي ليك البعد عن البورصه لانها حظ اكتر منها شطارة. التجارة المحسوبه هيا المستقبل و الضمان لحياه مستقرة عكس البورصه

روح الصندوق الاجتماعي للتنميه, روح جهاز دعم المشروعات الصغيرة و اسال بنفسك و اسمع هيقولولك ايه.

اياك تتكسف و تقول عيب اشتغل شغلانه زي دي, انا اعرف واحد صاحبي خريج كليه لغات و واقف علي عربيه كبده و بسم الله ما شاء الله بيكسب احسن مننا كلنا.

انا نفسي كنت بفكر اعمل قرض و اشتري تاكسي و اشتغل عليه في اوقات الفراغ مع واحد صاحبي.

انا ايام الكليه كان معايا الف جنيه برضه و كنت هعمل عربيه كبده او كشك حاجه ساقعه و اقف فيه مع واحد صاحبي بس معرفتش اطلع التراخيص.

متسمعش الكلام اللي بيحبط و يجيب ورا بتاع انتا لسه صغير و خلص جيشك و تعليمك و انتا ممعاكش الا كام مليم. مساله انتا لسه صغير دي مردود عليها بان الغيب بيدي الله, يمكن تموت بكرا الصبح. يبقي اعمل لدنياك كانك تعيش ابدا و اعمل لاخرتك كانك تموت غدا.

ان شاء الله مش هتروح الجيش, و لو رحت يبقي قدر الله و ما شاء فعل.

مساله التعليم فانتا اول واحد عارف انه مجرد حبر علي ورق, مساله انك تخلصه هيا مساله وقت. كم واحد خلص تعليمه بامتياز و قاعد علي الرصيف.

مساله انك معاك الف جنيه بس فدا انجاز في حد زاته انك حوشت المبلغ دا في السن دا.

اسمع كلامي و روح الصندوق الاجتماعي للتنميه او جهاز دعم المشروعات الصغيره و ان شاء الله هتسمع كلام مفيد و هيعجبك جدا.

بالتوفيق ليك و لكل الاخوة الكرام في المنتدي الغالي

هشام الكندي ان شاء الله

تم تعديل بواسطة هشام الكندي ان شاء الله
رابط المشاركه
شارك
  • 4 weeks later...

كلا على نيته.. أنا كتبت موضوع..

الشخص المعني هو الذي يتكلم عن نفسه وفخور بهذا الشيء..

عبر الصحف مع صوره وصور بنته..

ولم أتي بشيء من عندي..

أو مخالف لا إرادة الشخص المشار إليه..!!

بل بالعكس تصرف هذا الشخص يدل على الذكاء.. والنظرة المستقبلية البعيدة..

وخصوصا انه لم يخالف شرعا..

بل الدين رغب بنكاح المرأة لمالها..

صراحه خوفتوني من منتداكم..

من أول مشاركه يتم حذف موضوعي..

رابط المشاركه
شارك
  • 1 month later...

الف شكر على الموضوع الحلو

ايه يا اخ قطب عملت ايه؟

بص انا رايي متشتغلش دلوقتي اتعلم خد كورسات واقرى اكتر متقلش انا قريت وهرصلكو التنمية البشرية كلها ..فكك من الكلام ده لان ده كلام واحد متعلمش ..اللي بيتعلم فعلا بيعرف انه جاهل ولسه قدامه كتير علشان يتعلم ولو فعلا انتا كنت قريت كويس في التنمية البشرية مكنتش هتسال بالعكس كنت انتا اللي مفروض تجاوب ... بص من الاخر خد كورسات ولو عاوز تشتغل برضه اشتغل عشان تاخد كورسات وتتعلم يعني تسال عن انستراكتور كويس في الحاجة اللي انتا عاوز تتعلمها وتروح تتفق معاه وتسوق بين صحابك ومعارفك ان الحاجة اللي انتا عاوز تتعلمها دي مهمة جدا وانهم محتاجنها ولازم يا خدوها وتتفق مع الانستراكتور كورس برايفيت وتاخد انتا الكورس ببلاش ....

من الاخر اتعلم علشان لو دخلت في دوامة الشغل مش هيبقى عندك وقت كفاية لده .. والدكتور ابراهيم الفقي مثال لده هتلقيه بيقول نفس الكلام كل مره ده لان الكلام ده هو اللي اتعلمه في مرحلة طلب العلم وبعد كده دخل في الماحضرات والتليفزيون ومبقاش في وقت لطلب علم تاني ..

انا عندي 21 سنة ولسه فضلي سنتين في كلية تجارة .. طمنا عليك

رابط المشاركه
شارك
  • 1 year later...

الحقيقة بقالى فترة بدعبس في موضوع التجارة الاكترونية

1-تدور على كتاب بالعربي موجود ع النت اسمه من القاع للأصقاع هيفيدك جدا

2-تأجر مساحة تعمل عليها موقع في حدود 70جنيه سنويا

3-تأجر دومين نيم فى حدود 60جنيه سنويا

4-تتعلم ورد بريس وتعمل موقع تجارى ليك من موقع عرب ورد بريس

5-تراسل كوميشن جنكشن وكليك بانك وغيرهم من المواقع التسويقية

6-تعمل اعلان عن موقعك باستخدام جوجل أدوردز هيكلفك فى الشهر300جنيه

ممكن نعمل شهرين اتنين بس

7-الفكرة ببساطة فى موقعك انك هتاخد بانرات اعلانية من الشركتين اللى قلت اساميهم

وتحطهم في موقعك

ولما حد يشترى من موقعك

هتاخد عمولات على السلع دي من 35-75%

الامضاء

واحد بيتعلم تجارة الكترونية :waf:

تم تعديل بواسطة حسام يوسف
رابط المشاركه
شارك
الحقيقة بقالى فترة بدعبس في موضوع التجارة الاكترونية

1-تدور على كتاب بالعربي موجود ع النت اسمه من القاع للأصقاع هيفيدك جدا

2-تأجر مساحة تعمل عليها موقع في حدود 70جنيه سنويا

3-تأجر دومين نيم فى حدود 60جنيه سنويا

4-تتعلم ورد بريس وتعمل موقع تجارى ليك من موقع عرب ورد بريس

5-تراسل كوميشن جنكشن وكليك بانك وغيرهم من المواقع التسويقية

6-تعمل اعلان عن موقعك باستخدام جوجل أدوردز هيكلفك فى الشهر300جنيه

ممكن نعمل شهرين اتنين بس

7-الفكرة ببساطة فى موقعك انك هتاخد بانرات اعلانية من الشركتين اللى قلت اساميهم

وتحطهم في موقعك

ولما حد يشترى من موقعك

هتاخد عمولات على السلع دي من 35-75%

الامضاء

واحد بيتعلم تجارة الكترونية :waf:

الموضوع قديم زمان صاحبه خلاص قرب يقفل الاستكين مرتاح .

بصراحه اعجبني جدا طموح صاحب الموضوع وماشاءا لله تبارك الله الي قدر ( يجمع ) الف وميعثرش عليهم بالساهل هيقدر باذن الله يجمع مليون واثنين ..

رايي لصاحب الموضوع انه يحوش على قدر مايقدر اي مبلغ يتحصل عليه مهما كان تافه او بسيط ويفضل ( لابد في الدرة ) مستني الفرصة يدرس الاسواق ويسال كتير ويراقب من قريب .. اول مايلاقي صفقة بيع وشراء لاي حاجه بالجملة ويرجع يبيعها قطاعي يدخل فيها .. شويه شويه لغايه ماباذن الله هيبقى محترف ويعرف يدير بزنس بحجم اكبر .. طبعا مش اول صفقة تيجي قدامه يدخل فيها وانما يبقى في وضع الانتظار والمراقبة لغايه مايلاقي الصفقة المناسبة .. ده بالنسبة لصاحب الموضوع ..

بالنسبة لحضرتك شخصيا دكتور حسام فابعد عن التجارة الالكترونيه .. مفيش في مصر لغايه الآن شيء اسمه تجارة الكترونيه خاصه مع ضعف انتشار الكريديت كارد .. ده من جهة .. ومن جهة ثانيه كان في اتجاه من فترة طويلة لالغاء البانرات الدعائية بعد مااثبتت فشلها كمصدر دخل يعتد بيه .. مش عارفه ان كان الاتجاه ده مازال موجود ولا لاه بعد سيطرة جوجل على الدعاية في المواقع عن طريق داتابيز منظمه ولا الحكاية تغيرت ..

اجمالا مواقع الانترنت بتكلف كتير جدا ( المواقع المحترمه الي بتقدم خدمه بجد ) وعشان يستمر الموقع لازم تدفع وتتعب عليه مش زي ماانت متصور انها فلوس سهلة بتيجي باقل مجهود ..

خذها قاعده يادكتور حسام ..

على قدر تعبك مابيكون قليل على قدر العائد ماهيكون اقل ..

no pain .. no gain

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • كيف اصبح رجل اعمال 1000 جنيه 20 سنه (انهرده انا 27 سنه) شكر لكل اللى نصحني

      السلام عليكم   مش عارف ابدأ منين .. انا صاحب الموضوع ده الموضوع ده كتبته فى 2008 وكنت عندي حماسه غير عادية وطموح كبير جدا ... كان نفسي افتح من نفس اليوزر بس مش فاكر الباسورد بتاعه وكمان مش فاكر اصلا الايميل اللى عملت منه اليوزر المهم انا محمد قطب فى 2008 كنت فى سنه اولى كلية وكنت بشتغل فى سيبر باخد فيه 350 جنيه فى الشهر كنت بصرف على مصاريف كليتي ودراستي وكنت فرحان اوى انى جمعت الف جنيه وكان عندي طموح كبييير اوى برغم ان كل ظروفى كانت صاعبها كان والدى مطنشني انا وولدتي واخويا الصغير من وانا فى

      في التعليم و العمل - education & employment issues

    • ياجماعة الخير ارجوكم عرفوني اعمال اية

      بسم الله الرحمن الرحيم يا اخواني ارجاء الافاده انا شاب مصري اعمل سائق تاكس في القاهره ومن طبيعة العمل عرفت ناس قطرين بيدرسو عندنا هنا في القاهره المهم انا اشتغلت معاهم هنا لمدة 3سنوات بس بعد ما هم خلصو قالو لي انهم هيرسلو لي عشان يجبوني هناك في قطر المهم فعلن وحد منهم طلب مني صورة الجواز وقال لي امامك من اسبو لسبوعين عقبال ما التقشيره تخلص انا عايز اعرف ازاي اخلاص الاوراق هنا وهوه ازاي يبعتلي الفيزه او انا اخدها ازاي الرجاء الرد

      في المغتربين المصريين - egyptian expatriates

    • اعمال متعددة للالوميتال

      شركة الحمد لأعمال الألوميتال هي شركة رائدة فى مجال تصنيع و تركيبات الألوميتال فقد تخصصت الشركه في في معظم اعمال الألوميتال مثل الشبابيك و الأبواب و المطابخ بالإضافه الي اعمال الواجهات و أقسام المعارض كما تقوم شركة الحمد بالتعامل في قطاعات الألوميتال المتنوعة مثل (السعد - اليو مصر - العربيه - جامبو - تكنال - تانجو (B.S - S.H و يسرنا من خلال زيارتكم لموقعنا ان نقدم لكم مجموعه متميزة من اعمالنا المختلفة 01222329778ـ01148136366ـ033803314

      في حماية المستهلك - consumer support

    • اتهام وزير الداخليه بتورطه فى اعمال تصفيه جسديه باوامر من سوزان مبارك

      فاكرين الحادثه الى كانت فى التمانينيات الى الشرطه فيها ضربت شقه ضابط فى الشرطه بالاربى جى و موتته هو و ابنوه اللواء و ساعتها قالوا انه كان اتحول لبلطجى و بيفرض اتاوات فى النادى و لامم حوله ناس عامل بيهم تشكيل بلطجه و الى اقتبسوا احداثها فى الجزء الاخير من فيلم تيتو طبعا من اياميها الناس عارفه بالضبط ايه اصل الحكايه و انها مش كدا اساسا و انها اصلها ان الضابط دا كان اتخانق مع اخو سوزان مبارك المفاجاه بقى فى الموضوع ان اللواء الى قاد عمليه التصفيه الجسديه للولدو ابوه هو محمود وجدى وزير الداخلي

      في سياسة داخلية

    • معى 3 جنيه و ربع... كيف أصبح رجل اعمال؟

      السلام عليكم... انا معاية 3 جنيه و ربع.. و أمنية حياتى انى اكون رجل اعمال.. عايز اعرف ابدأ منين؟ مع العلم إن ان شاء الله الشهر الجى هيجيلى 2 جنيه و نص عالاقل... انا مايفرقش معاية انها تكون حاجة مضمونة... يعنى عندى استعداد للمخاطرة.. صحيح انا تعبت قوى علشان اجمع المبلغ ده.. بس انا عشمى فى ربنا كبير.. بعض الافكار المطروحة: عربية كبدة عربية سجق عارفين البتاع اللى زى الدرة بس بيتشرب فى السعودية؟ فكرنا نعمل له عربية هو كمان.. و تبقى فكرة جديدة فى مصر عربية فول.. اللى عنده افكار تانية يا ر

      في دعوة للأبتسام


×
×
  • اضف...