اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

كيف أصبح رجل اعمال معى 1000 جنيه و عمرى 20 سنه


Recommended Posts

نصيحة اخيرة بعد ما قريت مداخلة سامح المصرى

لازم يكون لك صديق جدع زى سامح :) بجد لأن وجود حد يساعدك ويشجعك ويكون مخلص من عوامل النجاح المهمة جدا

تحياتى ليك يا سامح ... ازيك عامل ايه ؟ :roseop: بجد دعواتى ليكم لأنكم بتحسسونى انى باطمن على مستقبل مروان لأن لسه فيه فى مصر شباب جدعان زيكم

رابط المشاركه
شارك
  • الردود 105
  • Created
  • اخر رد

Top Posters In This Topic

Top Posters In This Topic

Popular Posts

جامعة الحياة ... جامعة الخبرة .... جامعة الصبر والمصابرة والعمل ليل نهار .... جامعة الحظ  هي اسهل طريق للوصول لعالم البيزنس انا الألف جنيه فهي الان مجرد مصاريف مواصلات لابني وهو رايح مشوار 

العمل الحر هو بداية الإنطلاق فى مجال الأعمال ، و من الناحية التقليدية سينصحك الجميع بإكمال الدراسة و الإنتظار و أكيد أسهل قرار هو ألا تتخذ قرار و هناك مثل أجنبى معناه إذا أردت تعلم السباحة ...

الحقيقة بقالى فترة بدعبس في موضوع التجارة الاكترونية 1-تدور على كتاب بالعربي موجود ع النت اسمه من القاع للأصقاع هيفيدك جدا 2-تأجر مساحة تعمل عليها موقع في حدود 70جنيه سنويا 3-تأجر دومين نيم فى حدود

السلام عليكم

بجد يا جماعه انا مكنتش متوقع كل الردود دي ومكنتش بفكر اكتب موضوع زي ده لانى كنت عارف الناس اللى هترد هترد بطريقه مش تمام بس بجد انا مكنتش متوقع انى الاقى الاهتمام ده منكم بجد ربنا يكرمكم

اولا انا حابب اشتغل في الكمبيوتر والصيانه فلو يا سامح هتعرف تدخلنى اتعامل مع الشركات دي يبقا عملت معايا خدمه كويسه جدا

انا على فكرة من اسكندرية يا جماعه فلو يا سامح انت مش من اسكندرية يبقا يا ريت اى حد من اسكندرية يعرف حاجه عن ارخص شركات يدلنى

وكمان انا متشكر اوى على ردودكم دي وعلى فكرة انا اكتر حاجه عجبانى في الموضوع انه كبر اوى بحيث ان اى شاب بعد كده عاوز يبدأ مشواره هيخش هنا يستفيد

ثانيا انا برضو حابب الشغل في السياحه انا كنت بدرس في معهد سياحه وفنادق علشان مكنتش جايب مجموع كويس في الثانوية العامه والسبب في كده كان الكمبيوتر برضو وبعد ماخلصت المعهد كنت جايب تقدير عالى فدخلت كلية سياحه وفنادق وبرضو الكمبيوتر كان شاغلنى فانا حابه وكمان حابب اشتغل فيه

ثانيا هدفي الكبير بعد التخرج بعشر سنين يكون عندي اكبر شركتين في السياحه والكمبيوتر في مصر

هما طبعا مالهومش علاقه ببعض بس انا حابب المجالين دول وعندى افكار كتيييييييييييييير اوى في المجاللين بس المشكله راس المال فهو ده اللى انا كتبت الموضوع بسببه بس بجد كله تمام وربنا يكرمكم ومتنسوش حوار التاجر الشاطر اللى قولتلكم عليه لان التاجر الشاطر مش اللى يعرف يكسب مكسب مادى وبس لا ده كمان اللى يعرف يكسب ويزود رصيده من الحسنات لاخرته بمساعدته لاى حد حته ولو بالكلام

انا كده بكسب منكم كلكم انى قلتلكم الفكرة دي طبعا ............ lol

على العموم مستني ردودكم وردود اى حد ولو اعرف اساعد اى حد باللى قريته او ببعض الخبره البسيطه اللى عندي مش هتأخر ان شاء الله

رابط المشاركه
شارك

وصحيح على فكرة انا متشكر اوى يا هبه على الموقع بس على فكره انا دخلته يجي 100 مرة قبل كده وقريت في حجات كتير فيه وكمان هقولكم على حاجه حلوة

بس ياريت متكونش ادارة المنتدى هتمانع

في موقع ديما كنت بستفيد مه اسمه مدونة شبايك

دورو على جوجل هتلاقوه وبلاش اكتب الرابط علشان الادارة متزعلش

رابط المشاركه
شارك

وكمان متشكر اوى لنصايح ام مروان وان شاء الله تشوفي مروان حاجه كبيره بس اهم شئ علميه يعتمد على نفسه ويشيل مسؤليه وكمان مينكسرش ابدا مهما كانت الموجه اللى قدامه عليا

رابط المشاركه
شارك

يا باش مهندس محمد

1000 جنيه لتكون بداية لرجل اعمال ok

ركز معايا:

إشتغل بالجوالات - كمبيوتر - ملابس - قطع غيار عربيات - خضار - فاكهه - إلخ إبحث عن أي بضاعه إشتري وبيع فيها - بس إبحث عن بضاعه السوق محتاجها حتكون يوم تاجر قول يارب

لست أول و لا آخر من يطمح أن يكون رجل أعمال بس تحتاج الصبر - فهل لديك إستعداد للصبر - أظن لا - أقولك ليه - لأنك فكرت بالبورصة البورصة دي زي القمار - حتبدأ بالبورصة وتقولي جنه و حسنات وخير لا لا..

يا عم الحاج إنتبه لتعليمك أولا و بعدين إذهب الغردقه أو شرم و إشتغل بشهادتك لان شهادتك سلاح لو أصبحت مثلا شيخ رجال الأعمال في مصر وفي يوم ما فلوسك أممتها الدولة أو إستولت عليها أو خسرتها أو نصب عليك واحد هتعمل إيه؟؟؟؟

شغل السياح والفنادق كويس جدا وممكن تشتغل بالسياحة البحرية مثلا وإتعلم الغوص بجانب ذلك وممكن تشتغل في مستلزماتها يعني مجالك كويس إبحث عن تجاره فيه ووقتها يمكن الـ 1000 جنيه تصبحت 10,000 جنيه

أخبار الامتحانات إيه شد حيلك

رابط المشاركه
شارك

محمد ،

شركات الكمبيوتر الكبيره كلها في مصر .. و شركات اسكندريه عطشانه لحد يجيب لها من مصر .. لو ركزت على الحته ده ح تعرف تعمل بيزنس كويس ..

انزل معارض الكمبيوار بتاعة مصر و جيب بروشورات الشركات و ابدأ اعمل الداتابيز بتاعتك زى ما قلت لك قبل كده ..

على فكره .. انت ممكن تشتغل في الكمبيوتر + السياحه = E Business

طبعاً ده تكلفته اكثر من ال 1000 جنيه بشويه :)

في مواقع كثيييير جداً بتقوم بتسويق الفنادق و شركات الطيران عبر الانترنت .. و في مصر المجال لسه بِكر .. و ده محتاج مجهود في الاول للتنسيق بين الحجوزات و المستفيدين من العروض على الانترنت .. الموضوع داخل فيه تنظيم رحلات الطيران و بناء رحلات شارتر لتخفيض التكلفه و تسويقها + حجز الفندق على الانترنت ...

الموضوع داخل فيه الخبرات التاليه : تصميم مواقع .. برمجه .. ticketing (حجز التزاكر ) و ده محتاج لترخيص من IATA .. و تنسيق مع الفنادق المصريه ...

طبعاً انا باتكلم على حاجه ممكن تعملها بعد 10 سينين .. لكن لازم تبدأ تحضر من ده الوقت .. بتنمية رأسمالك الفكرى قبل المادى .. يعنى تتعلم و تشتغل و تبدا صغير و انت شايف قدامك الحلم .. الطبيعي ان الاغلبيه ح تقول لك مش ح تنجح .. لكن ح تنجح و توصل للى انت عايز تعمله باذن الله ..

تحياتى..

رابط المشاركه
شارك
وانا على فكرة بشتغل في سيبر فعلا بقالى 3 سنين وعندي خبره كويسه عن الاجهزه سواء سوفت وير او هرد وير وبجمع وبركب اجهزه والالف جنيه دي من المهنه دي

ثانيا انا فعلا لما بكون فاضي بقعد اقرا في البيزنس والتسويق والكلام ده كله وكله تمام الحمد لله

يا استاذ محمد

بلاش موضوع رجل أعمال مرة واحدة

للأسف طموحك أكبر من الواقع اللي انت فيه

و دي مشكلة شباب كتير

و يمكن كنت بتقرا لأبراهيم الفقي

الراجل ده اللي بيقول لازم تصنع النجاح و كلام كبير زي كدة

الراجل ده بياع كلام

اعرف واحد صدقه و دخل في مشروع هوه مش قده و فشل

المشاريع اللي بتنجح في مصر قليلة جدا

اللي شايفاه أنك ممكن تنجح بمجهودك بعقلك يعني في الكمبيوتر مثلا

نمي نفسك في المجال ده

و دور علي وظيفة مناسبة و ربنا يكرمك ان شاء الله

مع ملاحظة ان الوظيفة حتخليك تعيش مستور بس مش أكتر

يعني برضة متقعدش تفكر في موضوع رجل أعمال و فلوس و بيل جيتس

بيل جتس البيئة اللي حواليه خصبة و بتساعده ان هوه ينمي نفسه لكن عندنا الظروف مختلفة

رابط المشاركه
شارك

عزيزي kotb

أكيد عندك قريب أو صديق مقيم في السعودية أو الكويت أو الإمارات أو سلطنة عمان..أو.. إلخ

لو عندك .. يبقى ممكن إن شاء الله تكون رجل أعمال بس محتاج شوية حماس على شوية تفاؤل على شوية صحيان.. والصحيان ده مهم جدا

والخطوات بسيطة..

بص يا سيدي

دون الدخول (في الوقت الحالي) في دراسات أسواق.. لأنها مكلفة

1- تتفق مع صديقك المقيم في السعودية (مثلا) على المشاركة في عمليات تجارية، رأس المال يقسم بينكما

2- تنزل تشتري عبايات أو جلاليب حريمي بمبلغ 300 جنيه وترسلها مع /أو إلى الصديق

3- تحسب سعر البيع للعباية في البلد الذي يقيم فيه صديقك وهو = سعر الشراء من المصنع+سعر الشحن (ممكن تحصل على السعر من أي شركة شحن) + رسوم التصدير (ممكن تعرفها بمجرد زيارة لقرية البضائع)+عمولة مكتب التصدير(ممكن تتفاوض مع أكتر من مكتب تصدير)+ تكلفة النقل الداخلي في مصر + هامش الربح دوووووووون مغالاه

4- دور الصديق هو عمل جولة على محلات بيع العبايات الحريمي وعرض العينات على أصحابها وتجميع الطلبيات التي قد يتوصل إليها-(وحدة الطلبية هي : قطعة x اللون x المقاس)

5- إبدأ بطلبيات صغيرة العدد علشان تقدر على التمويل وأيضا لمصلحة المشتري الذي سيعتبرها كمية تجريبية لقياس الطلب عليها

6- أهم شيئ هو الحرص على الاستمرارية

7- الباقي أنت عارفه

على فكرة ياkotb

لا يشترط العبايات ... ممكن أي سلعة تانية ولكن النهم ألا تحتاج إلى رأسمال كبير أو أن تتعرض إلى تعقيدات في الفحص في مصر وبلد الاستيراد أو صعوبة المناولة والنقل أو أن تكون معرضة للفساد.

ياللا قوم اشتغل يا بطل و Good Luck

رابط المشاركه
شارك

إكس لانس ... إكس لانس

انا لي واحد صاحبي إسمه إكس لانس ..

ممكن تسألة ينفع أعمل معاه مشروع محل ملابس اطفال من اللي سعرها خرافي ورخيص جداً في السعودية وجودتها عاليه ... في حين إنها في مصر ضرب نار ..... والربح يبقى تيفتي ... تفتي ؟ :happy:

رابط المشاركه
شارك

تحياتي للأخ صاحب الموضوع لأن بجد تفكيره عاجبني جداً ة مافيش حاجه في النيا مستحيله أبداً.

أنا ليا واحد مهندس زميلي عمل شركه صغيره مع أتنين تانين من عدة سنوات و كان راس مال الشركه كله أول عن أخر 10 آلاف جنيه ومنهم واحد دافع 1500 جنيه فقط لا غير . و الحمد لله البليه لعبت معاهم و حالياً راس مال الشركة 2 مليون جنيه في عدة سنوات .

و أنا عندي أقتراح ليك و أرجوا الا تأخذ الموضوع بحساسية لأن الشغل مش عيب طالما حلال. والأقتراح ده مش محتاج حتي ال1000 جنيه اللي بتتكلم عنها و الأقتراح هوه العمل في مجال سمسرة العقارات . بجد الشغله دي بتكسب كتير جداً وكل اللي أشتغلوا فيها مرتاحين مادياً دلوقتي و هيه شغله مش محتاجه تفرغ يعني ممكن تشتغل فيها جنب دراستك و لما يبقي ربنا يكرمك و تعمل منها قرشين أبقي أنقل علي تجارة العقارات و ساعتها هتكون بقيت راجل أعمال كبير أن شاء الله .

بالنسبة للأخ أكسلانس يعني 300 جنيه اللي حضرتك بتتكلم عنهم مش هيجيبوا حتي عبايه بأسعار اليومين دول و لا أيه ؟؟؟

رابط المشاركه
شارك
إكس لانس ... إكس لانس

انا لي واحد صاحبي إسمه إكس لانس ..

ممكن تسألة ينفع أعمل معاه مشروع محل ملابس اطفال من اللي سعرها خرافي ورخيص جداً في السعودية وجودتها عاليه ... في حين إنها في مصر ضرب نار ..... والربح يبقى تيفتي ... تفتي ؟ :happy:

باختصار

ممكن جدا

رابط المشاركه
شارك
تحياتي للأخ صاحب الموضوع لأن بجد تفكيره عاجبني جداً ة مافيش حاجه في النيا مستحيله أبداً.

أنا ليا واحد مهندس زميلي عمل شركه صغيره مع أتنين تانين من عدة سنوات و كان راس مال الشركه كله أول عن أخر 10 آلاف جنيه ومنهم واحد دافع 1500 جنيه فقط لا غير . و الحمد لله البليه لعبت معاهم و حالياً راس مال الشركة 2 مليون جنيه في عدة سنوات .

و أنا عندي أقتراح ليك و أرجوا الا تأخذ الموضوع بحساسية لأن الشغل مش عيب طالما حلال. والأقتراح ده مش محتاج حتي ال1000 جنيه اللي بتتكلم عنها و الأقتراح هوه العمل في مجال سمسرة العقارات . بجد الشغله دي بتكسب كتير جداً وكل اللي أشتغلوا فيها مرتاحين مادياً دلوقتي و هيه شغله مش محتاجه تفرغ يعني ممكن تشتغل فيها جنب دراستك و لما يبقي ربنا يكرمك و تعمل منها قرشين أبقي أنقل علي تجارة العقارات و ساعتها هتكون بقيت راجل أعمال كبير أن شاء الله .

بالنسبة للأخ أكسلانس يعني 300 جنيه اللي حضرتك بتتكلم عنهم مش هيجيبوا حتي عبايه بأسعار اليومين دول و لا أيه ؟؟؟

عزيزي مصري أصيل

أولا السعودية والامارات وباقي أسواق الخليج مليانة عبايات فخمة و غالية وموجهة لقطاعات معينة من المستهلكين Segments

والمنافسة عليهم شديدة جدا، وصعب جدا التواجد بينهم والتنافس مع الموردين

ثانيا الميزة التنافسية هنا للعباية المصنوعة من القطن المصري كخامة وسعر وبالتالي تحقق معادلة البعد عن المنافسة وكذلك السعر المنخفض

ثالثا ال300 جنيه إللي كنت باتكلم عنهم هيجيبوا 4 عبايات متوسط سعر الواحدة ب75 جنيه (خللي بالك ده سعر المصنع ..مش من عباس العقاد)والمصانع موجودة للي عايز

أقول لك ...

خليهم 350

تم تعديل بواسطة Excellence
رابط المشاركه
شارك

اخويا حاليا مهندس زراعى 23 سنه .. بدأ من وهو فى ثانوى فى تجارة الهارد ديسك المستعمل وشوية اشتغل سمسار لبيع الكمبيوتر او قطع الغيار وبعدين

اتعلم الصيانة كدا منه لنفسه ومن الممارسة , وبعد شوية اشتغل فى الموبايلات يشترى وبيبع وكان بيطلع له مبلغ كويس على سبيل انه طالب وانه مش مطلوب

منه اى مساهمة فى البيت ...

وانا شايفة ان البداية كويسة وخصوصا مش محتاجة راس مال كبير او تفرغ او جهد كان بيعمل كدا بجانب دراسته ..

عموما ربنا يوفقك ان شاء الله

تم تعديل بواسطة Badria Mekkawy
رابط المشاركه
شارك

يارب يا أخ محمد تفضل بالحماس دة لعشر سنين مستقبلية لأنك اذا فضلت بحماسك دة اكيد باذن الله هتوصل فى يوم من الأيام اذا ربنا رايد لك طبعا ً

كنت عايز أقولك بالألف جنيه دة ممكن تاخد كورس اوراكل برمجة فى مصر

وتذاكر كويس

بعد كدة تقدر تشتغل بالكورس دة فى مصر بحوالى 2000 حـ دا اذا ذاكرت كويس

كان فى مثل بيقول لا تعطينى سمكا ً بل علمنى كيف اصطاد

يبقى لازم يكون معاك تولز تقدر تدخل بيها السوق

الاول خليها دراسة اشتغل بيها بعد كدة سنه تعمل فيها على الأقل 15000 حـ لأنك معلكش اى مسئولية دلوقتى

انا كلامى مفيهوش مبالغة صدقنى

بعد كدة تقدر تدخل البورصة بعد ما تدرس الموضوع دة وانت بعيد عنه فترة وتراقب السوق علشان ما تدخلش تخسر فلوسك

لما يكبر معاك المبلغ حاول تشتغل فى اى حاجة بتستورد بسعر رخيص وتتباع غالية فى مصر وتكون مطلوبة

بس

شكرا

اخوك

تامر السيد

رابط المشاركه
شارك

السلام عليكم

اولا انا عمرى ما قريت ولا سمعت ولا شوفت حاجه لابراهيم الفقي غير حلقه كان بيتكلم عن تحقيق الاهداف وحسيت انه كلامه نظرى اوى

ثانيا حلوة اوى الافكار اللى انتو قولتلو عليها كلكم وكويسه والله وعلى فكره لو حد معاه 10000 جنيه هينفذهم فكره فكره وهينجح جدا قريب جدا

وكمان انا عاوز اشكر كل واحد بيقول كلمتين يحبطو و اللى قالى بتقول حسنات وسيئات وعاوز تضارب في البورصه .... عاوز اسئله هي البورصه حرام ولا ايه مأ ظنش ان حد اجمع على انها حرام وكل تجارة فيها الحرام والحلال وانا ممكن اروح ارمي الفلوس دي في سندوق استثمارى اسلامى وارمي كل فلوس بحوشها فى وبعد خمس سنين من دلوقت هيعملو مبلغ كويس بس انا عارف كويس انهم زى ما هيجيبو شوية فلوس انا ممكن بتفكيري اجيب اضعاف اضعافهم علشان كده قولت البورصه

وبعدين يا جماعه كل واحد ونيته ربنا ادرى بنوايا العباد من اى حد

وبرضو ربنا يكرمنا كلنا

رابط المشاركه
شارك

عزيزى kotb أحييك على طموحك وعقلك ماشاء الله عليك وبالتوفيق ان شاء الله ,والله خلتنى احس ان الشباب لسه بخير ولسه فيهم ناس فى أمل منهم,انا ماقدرش افيدك فى موضوعات المشاريع دى لكن نصيحتى ليك انك تتمسك بعزيمتك واصرارك ولا تستمع لكلام المحبطين لأن عادة الانسان الفاشل بيحاول يثبت (لنفسه) ان كل اللى حوله فاشلين زيه. والالف جنيه دى قيمتها على قد احساسك بيها ورغبتك فى استثمارها وحفاظك عليها وان شاء الله ممكن تعمل المعجزات بطموحك وصبرك, وانا بقولك الكلام ده لانى اعرف واحد قريب منى جدا (اخى الصغير) ,لانه اصغر مننا بسنوات استلم ميراثه من والدتى رحمها الله بعدنا بسنوات واستلمه بالظبط يوم ما كمل 21 سنه وميراثه ده بعد ماباع كل ما يمكن بيعه عمل مبلغ حوالى 125 الف جنيه وأظن ده بقى مبلغ معقول لواحد عاوز يبدأ مشروع خصوصا ان الكلام ده كان من حوالى 3 سنين ,ولكن اقسم بالله ان لم تمر السنه الا والمبلغ (متبعزق) عن آخره وفى تفاهات وسفه غير معقول .اللى عاوزة اوصله لك علشان ماطولش عليك ان ممكن الواحد يبقى معاه كتيير وفرص كبيرة قدامه ولا يحس بقيمتها, فانت ماتستصغرش اى شئ معاك اى حاجه فى الدنيا ممكن يبقى لها قيمة كبيرة اوى لو الواحد عرف يحافظ عليها ويستغلها صح وفهم قيمتها دى وانت لو عاوز تنجح هتبدأ وهتنجح حتى من غير الالف جنيه .تحياتى ليك وتمنياتى بالتوفيق.

رابط المشاركه
شارك

اخي kotb لا تتصور اد ايه انا فرحان بيك لطموحك وطريقة تفكيرك يعني لو واحد غيرك كان ممكن مثلا يفكر انه يشتري موبيل بالمبلغ ده وخصوصا في سنك انما انت ما شاء الله عليك وعلى تفكيرك عموما عندي ليك فكره لكن مش كاملة المعلومات وهي مش بتتكلف مبلغ كبير الفكره هي زراعة عش الغراب في المنزل او حتى فوق سطوح المنزل وانا كنت قرأت مره عن المشروع ده واعرف انه مش بيتكلف كتير وكمان الفائده بتاعته بتظهر بسرعه جدا

حاول تعمل سيرش عن الموضوع ده على النت وربنا يارب يوفقك بس لازم تبقى تقلنا انت عملت ايه؟ علشان الي عاوز يستفيد يبقى يستفيد وكمان علشان الي مكنش مصدق انك تقدر بمبلغ زي ده تعمل حاجه ساعتها يبقى يصدق ويعرف ان صحيح الفلوس ممكن تعمل فلوس لكن الدماغ النضيفه بتعمل فلوس اكتر

ربنا معاك يارب وابقى بلغنا بالتطورات اول بأول

رابط المشاركه
شارك
السلام عليكم

اولا انا عمرى ما قريت ولا سمعت ولا شوفت حاجه لابراهيم الفقي غير حلقه كان بيتكلم عن تحقيق الاهداف وحسيت انه كلامه نظرى اوى

ثانيا حلوة اوى الافكار اللى انتو قولتلو عليها كلكم وكويسه والله وعلى فكره لو حد معاه 10000 جنيه هينفذهم فكره فكره وهينجح جدا قريب جدا

وكمان انا عاوز اشكر كل واحد بيقول كلمتين يحبطو و اللى قالى بتقول حسنات وسيئات وعاوز تضارب في البورصه .... عاوز اسئله هي البورصه حرام ولا ايه مأ ظنش ان حد اجمع على انها حرام وكل تجارة فيها الحرام والحلال وانا ممكن اروح ارمي الفلوس دي في سندوق استثمارى اسلامى وارمي كل فلوس بحوشها فى وبعد خمس سنين من دلوقت هيعملو مبلغ كويس بس انا عارف كويس انهم زى ما هيجيبو شوية فلوس انا ممكن بتفكيري اجيب اضعاف اضعافهم علشان كده قولت البورصه

وبعدين يا جماعه كل واحد ونيته ربنا ادرى بنوايا العباد من اى حد

وبرضو ربنا يكرمنا كلنا

رابط المشاركه
شارك

يا أخونا محمد

كيف أحوالك

أنا عايز أمسح الإحباط إللي سببته لك كما أشار أخونا drTOTAT برسالته الأخيره

أنا لم أحبطك بقدر ما أنا عايزك تذاكر أولا وتنجح (ضع تحتها 1000 خط) ثم تتجهه من خلال مجالك لتصبح رجل أعمال أحسن مليون مرة من إنك تضع فلوسك بالبورصه أو ببنك أو لدى واحد تاني يشغلهالك ويعطي لك فوائد

يمكن المحبط قد خاض التجربة أو التجارب من هذا النوع ويعيطك خلاصة الحكاية

مجال السياحة أكثر من ممتاز بالعصر الحاضر

البوصة مثل القمار وإسأل أهل العلم بذلك أو إستفتي قلبك وإنته تعرف.

البورصة حرام أم حلال هذا بعلم الله لكنها برأيي أنا شخصيا حرام (أنا لست عالم أو مفتي)

أعتقد أن معظم الأخوه بالموقع لم ينصح أي منهم بوضع مبلغ الـ 1000 جنيه بالبورصة

ربنا معاك

رابط المشاركه
شارك

عزيزي kotb

اولا اهلا بيك

طبعا اغلب الاخـوه هنا كانو بيقو لو لك كمل تعليمــك . بكلوريس او ما جستيـر او دكتــوراه وبعدين ابحث عن قاعه رجال الاعمال

الاخرين طرحــوا ا فكـار مشاريع تجاريــه .. البعض الاخــر يشد علي ايدك ويقول لك تعلم صنعــه وابدا من الصفــر . والبعض ارجعها الي امــور تتعدد مسبباتها _ وهكذا تتعدد الاراء _ وكل له رأيــه الخاص تستطيع تكوين رؤويتك من خلال اطروحاتهم .

قال تعالي ((المال والبنون زينــه الحياه الدنيا ))

ساطرح سؤال في اول المشاركه لماذا استاذ الاعمال لا يصبح رجل اعمال . بينما ينجح في عمله كــ( موظف في شركــه بمرتب عال او نسبه ..الخ)

ف هناك اكاديميين وذو مؤهلات علميــه ودراســيه . او ثاقفيه . وهناك نسبه منهم من اكتسب من مهنته كحرفـه ( عياده طبيه _ مكتب هندسي ) وبالتالي هناك فرق بين الاكاديمي وبين التطبيقي. فاغلب اساتذه الجامعه يفشلون في ان يكونو رجال ااعمال تجاريــه .

وايضا كثيرون منا من يحاول الوصول الي ما تصبـو اليــه , والبعض يكتفـي بتحقيق المستوي التعليمي وتغلبيه علي الجانب المادي للحياه .

من يسعـى الى الوصول الي شي يذهب الي مكانــه .. . عليـه ان يذهب الي ســوقــه .

المنتديات ليست مكان للتجار ورجال الاعمال .

حاول ان تعرف علي التجار عن قرب . حاول مخاطتهم . اذهب الى السوق .

تحدث مع الباعــه . ابحث عن الفرص التي تعتقد انك تفهمها . اعمل عند احدهم . باي اجر كان يهمك المعرفــه في بادي الامــر

ابحث عن النشاط الذي تفهم فيــه او ضروفـك مناسبه لك . او تستطيع ان تلم بـه اكثر من غيرك او تتوفر لديك امكانياته لديك اكثر من الغيــر ( في اي نشاط كان )

اشرت في معرض حديثتك عن رغبتك او ميولك الي الالكترونيات فاقول لك .. اذا عليك ان تعمل لدي احدي محلات البيـع باي اجــر كان واستمر معاه فتـره .. حاول اكتشاف السوق . لا تستعجل البقاء بعد سنــه تعال ونكمل الحوار .

رابط المشاركه
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • كيف اصبح رجل اعمال 1000 جنيه 20 سنه (انهرده انا 27 سنه) شكر لكل اللى نصحني

      السلام عليكم   مش عارف ابدأ منين .. انا صاحب الموضوع ده الموضوع ده كتبته فى 2008 وكنت عندي حماسه غير عادية وطموح كبير جدا ... كان نفسي افتح من نفس اليوزر بس مش فاكر الباسورد بتاعه وكمان مش فاكر اصلا الايميل اللى عملت منه اليوزر المهم انا محمد قطب فى 2008 كنت فى سنه اولى كلية وكنت بشتغل فى سيبر باخد فيه 350 جنيه فى الشهر كنت بصرف على مصاريف كليتي ودراستي وكنت فرحان اوى انى جمعت الف جنيه وكان عندي طموح كبييير اوى برغم ان كل ظروفى كانت صاعبها كان والدى مطنشني انا وولدتي واخويا الصغير من وانا فى

      في التعليم و العمل - education & employment issues

    • ياجماعة الخير ارجوكم عرفوني اعمال اية

      بسم الله الرحمن الرحيم يا اخواني ارجاء الافاده انا شاب مصري اعمل سائق تاكس في القاهره ومن طبيعة العمل عرفت ناس قطرين بيدرسو عندنا هنا في القاهره المهم انا اشتغلت معاهم هنا لمدة 3سنوات بس بعد ما هم خلصو قالو لي انهم هيرسلو لي عشان يجبوني هناك في قطر المهم فعلن وحد منهم طلب مني صورة الجواز وقال لي امامك من اسبو لسبوعين عقبال ما التقشيره تخلص انا عايز اعرف ازاي اخلاص الاوراق هنا وهوه ازاي يبعتلي الفيزه او انا اخدها ازاي الرجاء الرد

      في المغتربين المصريين - egyptian expatriates

    • اعمال متعددة للالوميتال

      شركة الحمد لأعمال الألوميتال هي شركة رائدة فى مجال تصنيع و تركيبات الألوميتال فقد تخصصت الشركه في في معظم اعمال الألوميتال مثل الشبابيك و الأبواب و المطابخ بالإضافه الي اعمال الواجهات و أقسام المعارض كما تقوم شركة الحمد بالتعامل في قطاعات الألوميتال المتنوعة مثل (السعد - اليو مصر - العربيه - جامبو - تكنال - تانجو (B.S - S.H و يسرنا من خلال زيارتكم لموقعنا ان نقدم لكم مجموعه متميزة من اعمالنا المختلفة 01222329778ـ01148136366ـ033803314

      في حماية المستهلك - consumer support

    • اتهام وزير الداخليه بتورطه فى اعمال تصفيه جسديه باوامر من سوزان مبارك

      فاكرين الحادثه الى كانت فى التمانينيات الى الشرطه فيها ضربت شقه ضابط فى الشرطه بالاربى جى و موتته هو و ابنوه اللواء و ساعتها قالوا انه كان اتحول لبلطجى و بيفرض اتاوات فى النادى و لامم حوله ناس عامل بيهم تشكيل بلطجه و الى اقتبسوا احداثها فى الجزء الاخير من فيلم تيتو طبعا من اياميها الناس عارفه بالضبط ايه اصل الحكايه و انها مش كدا اساسا و انها اصلها ان الضابط دا كان اتخانق مع اخو سوزان مبارك المفاجاه بقى فى الموضوع ان اللواء الى قاد عمليه التصفيه الجسديه للولدو ابوه هو محمود وجدى وزير الداخلي

      في سياسة داخلية

    • معى 3 جنيه و ربع... كيف أصبح رجل اعمال؟

      السلام عليكم... انا معاية 3 جنيه و ربع.. و أمنية حياتى انى اكون رجل اعمال.. عايز اعرف ابدأ منين؟ مع العلم إن ان شاء الله الشهر الجى هيجيلى 2 جنيه و نص عالاقل... انا مايفرقش معاية انها تكون حاجة مضمونة... يعنى عندى استعداد للمخاطرة.. صحيح انا تعبت قوى علشان اجمع المبلغ ده.. بس انا عشمى فى ربنا كبير.. بعض الافكار المطروحة: عربية كبدة عربية سجق عارفين البتاع اللى زى الدرة بس بيتشرب فى السعودية؟ فكرنا نعمل له عربية هو كمان.. و تبقى فكرة جديدة فى مصر عربية فول.. اللى عنده افكار تانية يا ر

      في دعوة للأبتسام


×
×
  • اضف...