اذهب إلى المحتوى
محاورات المصريين

لو عايز تسافر السعوديه يامصرى لازم تشوف الملف ده


Recommended Posts

[u]

خبر هام لكل راغبى السفر إلى السعوديه

[/u]

أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر

ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى

وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها

ولذلك فكرت فى عمل بحث صغير جدا فى حدود وقت فراغى وأتمنى من كل شخص يقرأ هذا الموضوع أن ينشره لكل صديق أو قريب أو يتم نشر الموضوع فى كافة المنتديات حتى يصل لأكبر قدر من راغبى السفر للسعوديه . أيضا أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه

دعونى أولا أوضح بعض النقاط

1- أقل مبلغ مطلوب شهريا لمستوى معيشى متوسط لفرد واحد

الأكل - فى أضيق الأحوال 20 ريال يوميا (فطار – غداء – عشاء)

المياه - فى أضيق الأحوال 20 ريال شهريا ( 4 قاروره)

سجاير - فى أضيق الأحوال 3 ريال يوميا (العلبه تقريبا 5 ريال)

أخرى - فى أضيق الأحوال 200 ريال شهريا (علاج – موبايل - خروج – ملبس – ألخ......)

أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن

مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر

أيضا هذه المصاريف لشخص عادى مش(أكيل- فييس) يعنى

2- السكن والأنتقالات

لو الشركه موفراهم مفيش مشكله أما أذا كان الأجابه بلا فأليك هذه المعلومات

السكن

لو الشركه هتوفرالسكن و بدون أثاث

أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه )

لو هتشترى عفش جديد هيكون فى حدود 4000- 6000 ريال

أما لو مستعمل هيكون فى حدود 2500- 3500 ريال

كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع

اما لو الشركه مش هتوفرالسكن

فهيكون أيجار سكن عازب غرفه وصاله ومطبخ فى حدود 10000 ريال فى السنه

لو السكن مشترك هيكون فى حدود 500 ريال شهريا

وهذه معلومات فى حالة طلبك بدل سكن مناسب

الأنتقالات

فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه

ولذلك ستركب تاكسى وأقل مبلغ ستدفعه 20 ريال للمشوار الواحد

ولذلك يمكنك حساب ما تحتاج من بدل الإنتقالات

بعد سرد ما سبق وبدون إطاله

أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا

أما أذا كان العكس فسيحتاج الفرد إلى 1800 – 2200 ريال شهريا

ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى

ملحوظه :-

1- كل الرواتب التى سأسردها لحديثى التخرج أو لخبره سنتان على الأكثر

2- الرواتب المذكوره بدون بدل سكن أو إنتقال

3- الرواتب المذكوره بدون تأمين صحى

الرواتب الواقعيه والمفروض أن لا تقل عن ذلك

المهندسين بمختلف مجالاتهم من 5500 – 7000 ريال سعودى

المساحين بمختلف مجالاتهم من 4000 – 5000 ريال سعودى

الصيادله بمختلف مجالاتهم من 4500 – 6000 ريال سعودى

الأطباء بمختلف مجالاتهم من 5500 – 7000 ريال سعودى

المدرسين بمختلف مجالاتهم من 3000 – 4000 ريال سعودى

العماله بمختلف مجالاتهم من 2500 – 4000 ريال سعودى

المحاسبين والسكرتاريه والمناديب بمختلف مجالاتهم من 3000 – 4000 ريال سعودى

رواتب مضحكه من كثرة البكاء عليها وهى حقيقيه والأمثله كثيره

محاسبين على 1200 ريال

مهندسين على 1800 ريال

أطباء على 2500 ريال

مدرسين على 1500 ريال

سائقين على 1100 ريال

عماله على 700 ريال

الأشياء اللازم توفيرها فى أى عقد لأى مهنه

1- لابد أن يحتوى العقد على شهر أجازه كل سنه مدفوع الأجر وشامل تذاكر الطيران ذهاب وإياب

2- لابد من توفير التأمين الصحى لك وللأسره

3- توجدة خدعه أسمها تقسيم قيمة الراتب إلى أساسى صغير جدا وبدلات ثم تفاجئ بخصم البدلات بعد القدوم لأى سبب

4- بعض الشركات تطلب دفع تذكرة القدوم وتوعد بدفع القيمه عند المجئ ولا تدفع بالطبع فيمكنك طلب التذكره وأنت فى مصر وبسهوله يتم إرسالها لك فى حالة جديتهم فى الطلب

5-مرفوض تماما السفر البرى من وإلى المملكه

معلومات للعلم فقط وليس الحصره على المصريين

1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا

2-المحاسبين الأردنين والفليسطينين والهنود لايأتو أقل من 3000 ريال وتوفير كل شىء مشروح سابقا

3-رواتب السورى واللبنانى والهندى والفلسطينى أكبر من المصرى والسبب فى المصرى نفسه لأنه أكثر كفاءه وعلم وتعليم منهم جميعا ولكن ينقصه البحث والحصول على المعلومات قبل إتخاذ القرار

ولذلك أرجوا أن يستفيد كل من يقرأ هذا الملف ويرسله لأكبر عدد ممكن من المصريين فى كل مكان

لا إله إلا الله وحد لا شريك له له الملك وله الحمد يحيى ويميت وهو على كل شىء قدير

رابط هذا التعليق
شارك

  • الردود 88
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

كلام مش مظبوط وعار تماماً من الصحة ....

يمكن يكون إنت نقلته من موقع أو من شخص لديه مشكلة ..

لكن لما تحب تسأل على حاجه يبقى إسأل أصحاب الخبرة واللي موجودين في المكان منذ سنين

على سبيل المثال ..

التقسيمة اللي حضرتك قلتها دي

محاسبين على 1200 ريال

مهندسين على 1800 ريال

أطباء على 2500 ريال

مدرسين على 1500 ريال

سائقين على 1100 ريال

عماله على 700 ريال

هل هي قانون ولا لائحة ولا كلام قهاوي ولا إيه بالظبط ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أشكر سعادتك على التعقيب

ولكن أوضح بعض النقاط

أولا لو حضرتك عايش فى السعوديه كنت عرفت الكلام ده

ثانيا الأرقام ده حقيقيه وموجوده أمام عينى الأن وأصحابها أصدقائى ولو أستطيع أن أحضر صور العقود فسأحضرها حتى تقتنع

ولكن هناك بعض العروض الجيده لا انكر ولكن النسبه العظمى كما ترى الرواتب السابقه

فهذه الأرقام بعد بحث دام حوالى شهر وتم سؤال كل الأصدقاء

وللعلم أنا عملى فى الرياض (العاصمه) والمستوى المعيشى فيها عالى

ومتواجد الأن فيها

ومر على وجودى سنتين

وراتبى الحمد لله جيد جدا وأعلى من الرواتب المذكوره عاليه بمراحل

وانا مهندس مدنى متخصص وسابقة أعمالى كلها والحمد لله مع كبرى الشركات الأجنبيه

وسنى 30 سنه

سبق لى السفر للأمارات والبحرين

مما سبق يتضح

أنى أستطيه أن أحكم جيدا على ما أقول

أنا فى قلب الحدث كما يقولون

أنا بوصل واقع ملموس

للعلم الرياض مفهاش قهاوى

وشكرا على المداخله بس ياريت تبحث قبل ما ترد

لا إله إلا الله وحد لا شريك له له الملك وله الحمد يحيى ويميت وهو على كل شىء قدير

رابط هذا التعليق
شارك

كلام مش مظبوط وعار تماماً من الصحة ....

يمكن يكون إنت نقلته من موقع أو من شخص لديه مشكلة ..

لكن لما تحب تسأل على حاجه يبقى إسأل أصحاب الخبرة واللي موجودين في المكان منذ سنين

على سبيل المثال ..

التقسيمة اللي حضرتك قلتها دي

محاسبين على 1200 ريال

مهندسين على 1800 ريال

أطباء على 2500 ريال

مدرسين على 1500 ريال

سائقين على 1100 ريال

عماله على 700 ريال

هل هي قانون ولا لائحة ولا كلام قهاوي ولا إيه بالظبط ؟

الاخ سيد هون عليك

الرجل لم ياتى بكلام عار من الصحة كما اسلفت ولاكنه نقل تجربته وما عايشة ويعايشة كثير من القادمين الى المملكة وغيرها من بلدان الخليج

وكلامة ليس علية غبار او انه يدعى فهذا واقع .. ورايت بنفسك مداخلات كثير من الاخوة المحاورين حول تدنى الاجور وانت بنفسك كنت تنصح بعدم المجىء على هذة الارقام

فلما تنكر على الرجل مداخلته ولما الحدة فى الرد علية !! لم ياتى الرجل ببدعاً من القول فما اوردة فعلاً حقيقة .. ولم يدعى انه صاحب خبرة ولم يقل ان هذا قانون او لائحة

واشكرة على تفاعله والمجهود الذى بذلة ومحاولته تبصير الاخوة المقدمين على السفر

ولك منى التحية

اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَن

رواه الترمذي

رابط هذا التعليق
شارك

يا أخي الكريم

زميلنا الكريم وضع تسعيرة لكل المصريين اللي بييجوا للمملكة زي ما أنت شفت ... وهذا غير صحيح ..

إذاً لما نيجي نتكلم .. يبقى نقول إن دي حالات خاصة

بالله عليك ... لو إنت في السعودية ... لف ودور كده وإسأل عن طبيب مصري بياخد مرتب 2500 ريال ؟ وضوفهم كام حاله

والدليل على كلامي إن الزميل الفاضل بيقول إن بقى له سنتين هنا فقط

والعبد لله موجود منذ أكثر من عشر سنوات ..

واعمل في مجال الموارد البشرية وبنعين شهرياً الكثير من المصريين وما فيش عندنا الكلام ده

ولكنني لا أنكر إن الرواتب المتدنية دي موجودة .. ولكنها حالات خاصة وقليلة ...

وبعدين لما الأخ هاني يقول

ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى

هل هذا كلام حقيقي ؟

يعني الشركات السعودية كلها إجتمعت في مكان واحد وقرروا تخفيض مرتبات المصريين ؟

يا أخي أقسم بالله العظيم إننا بنبحث عن كفاءات مصرية في مجال الحاسب الألي والبرمجيات والشركة ترصد رواتب في غاية الإحترام تتعدي الـ 15 ألف ريال شهرياً راتب لذوي الخبرة ... وتذهب لجان لعمل إختبارات في مصر .. ويرجعوا قفاهم يقمر عيش لإن الناس بترفض ...لإن خبرته تساوي أكثر

كذلك أعرف الكثيرون في المجال الطبي ويبحثون في مصر عن أطباء ولو 3 سنوات خبرة على الأقل بمرتبات تفوق الـ 5 ألاف ريال .. ولا يجدون ..

حتى عندما قال

العماله بمختلف مجالاتهم من 2500 – 4000 ريال سعودى

ده عامل إيه اللي بياخد 4 ألاف ريال ده ويتساوى مع الصيدلي او المدرس أو المساح اللي بيعتبر مهندس ؟

وبعدين

المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا

بالله عليك ده كلام ؟

ليه إن شاء الله حديث التخرج بس كان في أصله عالم ذرة ؟

هل هذا كلام واقعي .

فيا أخي الكريم ... المغترب يا نقوله معلومة صحيحة موثوق منها .. يا نسكت ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الزملاء الافاضل ...... اسعد الله اوقاتكم جميعا

من المؤكد ان ماقاله الزميل هانى (وبغض النظر عن فروقات الارقام بين زميل واخر) موجود

يبقى السؤال اللى بيطرح نفسه ليه المصريين بالذات ؟

الجنسيات التانية لا

اتمنى اننا نوصل بالحوار للسبب

مع الاحترام

من يهن سهل الهوان عليه .....

رابط هذا التعليق
شارك

أولا لو حضرتك عايش فى السعوديه كنت عرفت الكلام ده

يا عم هاني أنا بقى لي 13 سنة هنا ...

و النماذج التي عندك ليست هي القاعدة

وللعلم أنا عملى فى الرياض (العاصمه) والمستوى المعيشى فيها عالى

ومتواجد الأن فيها

ومر على وجودى سنتين

أنا فى قلب الحدث كما يقولون

أنا بوصل واقع ملموس

ما أنا كمان في الرياض وفي قلب الاحداث

وبأقولك إن الكلام ده ليس صحيحاً وليس هذا هو الواقع

وبالتالي إذا كنا عايزين نوصل المعلومة لمن يريد أن يغترب يبقى ما اقولوش إن مرتبات المصريين هي دي ..

على سبيل المثال وارجو أن تصلك الفكرة

لما حضرتك تقول إن مرتب المدرس هنا 1500 ريال - مش عارف جبتها منين دي ؟ -

وييجي مدرس يقرا الكلام ده ويتعرض عليه 2000 ريال . يبقى كده إنجاز بالنسبة له ... وده إنجاز وهمي لإن المعلومة مش صحيحها

كذلك الطبيب أبو 2500 ريال

وهكذا ...

للعلم الرياض مفهاش قهاوى

لأ فيها ..

روح شارع التحلية هاتلاقي 500 قهوة

أو لو بتشيش روح الثمامة هاتلاقي 500 قهوة بتقدم شيشة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أولا أود شكر كل الأعضاء على التعقيب

وخصوصا الزميل كمبورا والأخ مسلم

وطبعا الأخ سى السيد على تفعيله الموضوع مره أخرى

ولى تعقيب بسيط

أولا

الأراء المكتوبه والمطروحه من الأخوه المذكورين تدل على صدق كلامى

وجائنى رساله خاصه من زميل أخر تؤيد كلامى وللعلم هو على وشك السفر للسعوديه

المهم

طبعا ياريت الأستاذ سيد يكلمنى وأنا أعرفه بالناس المذكوره شخصيا ويمكن نفيدهم من واقع عمله فى التوظيف

أيميلى هو hanyzakarea570@hotmail.com

طبعا انا لن أدخل معه فى مناظره لأثبات صحة كلامى

ولكنى أعقب فقط

أنا سأعطى مثل واحد فقط لك يا أستاذ سيد وأسأل

مكتب الدفع بالروضه لديه محاسبين قدموا من شهر على 1200 ريال

صيدليات الفهيدى الصيادله على 2500 ريال

المكاتب الهندسيه أمام بلدية الروضه

كجومانه وخلافها المهندسين على 1800 موجودين فى بداية عقدهم

ويمكنك أزالة الأسامى ولكن أبحث بنفسك لكى تتأكد

وعلى فكره كلهم صحابى

وكل معلومه واخدها من كل زميل فى مجاله

أذا لما حضرتك تقول

لما حضرتك تقول إن مرتب المدرس هنا 1500 ريال - مش عارف جبتها منين دي ؟ -

وييجي مدرس يقرا الكلام ده ويتعرض عليه 2000 ريال . يبقى كده إنجاز بالنسبة له ... وده إنجاز وهمي لإن المعلومة مش صحيحها

كذلك الطبيب أبو 2500 ريال

وهكذا ...

يبقى حضرتك لم تفهم كلامى

لأنى قلت الرواتب ده مضحكه ومعناها أنها سيئه لا أحد يقبلها

وفى الفقره السابقه لها وضعت المرتبات المقبوله وهى للمدرسين على سبيل المثال من 3000-4000

وليس 1500 فأنا أحذر من الرواتب ده

ثانيا

موضوع القهاوى ده مزحه للرد على كلامك الغير مرغوب فيه منك كمشرف علينا

ثالثا بالنسبه لتقليل الرواتب

لو حضرتك قرأت المقدمه ستجد فيها أن الموضوع حدث بشكل أوتوماتيكى نظرا لتدهور الأوضاع فى مصر والموضوع عرض وطلب

فلا ينفع ان تتهكم على الكلام وتقول أجتمعوا يعنى(على الشركات السعوديه)

طبعا لا كمثال المستوى المعيشى متدنى فى بنجلاديش ولذلك رواتب العماله هنا مناسبه لوضعم الأقتصادى وهكذا فكلما تدهور الوضع فى مصر قلت الرواتب هنا وهناك للمصريين

رابعا بالنسبه للمهندس الهندى

هذا واقع مأخوذ من مكتب فى نفس المبنى الذى أعمل فيه

وكان لديه ثلاث تأشيرات مهندسين مصرين وأخرى لهندى

ووالله والله جاب 3 مهندسين مصرين فى 3 شهور على 3500 اكبر راتب فيهم

وللعلم سافر الهند ثلاثة مرات على مدار سنتين حتى لا تضيع عليه التأشيره ولم يجد بأقل من 6000 ألاف وحتى الأن لم يستطيع الحصول على مهندس هندى

خامسا بالنسبه لرواتب العماله

مكتب أخر كان يريد خباز أفرنجى

ظل سنه يبحث فى سوريا لم يجد أقل من 3500 ريال

وذهب مصر فى شهر أحضر 2 خباز ووالله الواحد على 700 ريال

فى النهاية أرجوا أن لا يتذمر منى أحد لكن حرقة قلبى على ولاد بلدى هيا اللى تدفعنى للكتابه

وعلى فكره إيه اللى يجبرنى للرد عليك يأستاذ سيد وللعلم للأعضاء أنا بعثت برساله أناشد الأداره بفتح الموضوع مره أخرى

وتم فتحه كل هذا لا أريد شىء سوى عدم أهدار كرامة أحد من ولاد بلدى

ووضع المعلومه الصحيحه امام كل واحد حتى يتخذ القرار السليم

أيضا أذا كان كلامى غلط ياريت الناس اللى تقرأه لو شافوا حاجه زى كده ولو غلط أكيد هيتغير ولو جزء بسيط فى فكرهم عند اتخاذ القرار بالموافقه على عقد العمل

شكرا شكرا شكرا

لا إله إلا الله وحد لا شريك له له الملك وله الحمد يحيى ويميت وهو على كل شىء قدير

رابط هذا التعليق
شارك

ركب معايا مرة محاسب مصري لسة جاي راتبه

1500 ريال منها 300 ريال بدل سكن

ضحكت ولكن ضحك كالبكاء

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

بصراحة موضوع اكتر من ممتاز وواقعى جدا لانه فعلادى مصاريف الاقامة بالسعودية وشكرا ا rs: هانىومتزعلش من سى السيد لانه بصراحة اكتر واحد شوفته خبرة بالسعودية ومش قصده يزعلك لاننا كلنا هنا اخوة

ولى تعقيب لو يسمح سى السيد على موضوع الدعاء لغير المسلمين لانه اعترض على تكون اهل الكتاب كفار او مشركين قال الله تعالى (لقد كفر الذين قالوا ان الله ثالث ثلاثة) ومع احترامى للجميع محدش يفتى فى الدين بدون علم لانه من افتى بغير علم مش هكمل تكيد كلنا عارفين عارفين

وشكرا لكل الاعضاء فى هذا المنتدى الرائع وبصراحة اليوم اللى عطل فيه تضايقت جدا وعساه ما شر

رابط هذا التعليق
شارك

السلام عليكم

لانشكك فى كلام احد من الزملاء

س س عندة حق فى مرتبات الحالات اللى عندة

وهانى أكيدصادق فيما عندة

وبالنسبة لية كصيدلى استطيع ان أؤمن على نقطة عقدالصيدلى ب 2500ريال

حسبى الله ونعم الوكيل فيمن اوصلنالهذة الدرجة

تحياتى للزميلين س س وهانى rs:

رابط هذا التعليق
شارك

شكرا لكم جميعا على التعقيب

انا فعلا مبسوط أنى لاقيت ناس عارفه الأرقام اللى قولتها بالذات أنها منتشره بشكل كبير على مستوى المملكه

وأنا مش زعلان من سى السيد قدر أستغرابى من عدم رؤيته اللى انا قولته والوضع السىء للمرتبات المذكوره لدرجة إنى تصورت أنه مش موجود فى السعوديه وتعجبت أكثر عند معرفتى انه مقيم من 13 عام على حد قوله وفى الرياض

وأنا أكرر أنها ليست حاله عامه ولكنها تزيد عن 60 % من العقود حسب رؤيتى ومعايشتى للقادمين الجدد

خلال سنتين كاملين فى الرياض وأصدقائى منهم من مضى 5 سنين وكلنا تعاونا فى الحصول على الملف المطروح فى هذا الموضوع

لا إله إلا الله وحد لا شريك له له الملك وله الحمد يحيى ويميت وهو على كل شىء قدير

رابط هذا التعليق
شارك

السلام عليكم ورحمه الله وبركاته

اولا ياجماعة الإختلاف فى الرأى لايفسد للود قضية

الأخ الفاضل هانى :

عايز اوضح ليك ان الأخ الغالى سى السيد من الناس الى بتكون ردودها ممتازة وكمان ده راجل خبرة فى السعودية ده اولا

الحاجة التانية

اوضح للأخ العزيز سى السيد ان النسبة حوالى 95 % صح زى ما قال هانى ويمكن تكون ال 5% شركتك او شركات تانية

انت عندك حق يا اخ هانى وانا معاك قلبا وقالبا فى كل الكلام الى انت بتقوله عشان انا كنت فى السعودية وتحديدا فى الرياض وكنت بشتغل محاسب فرع فى شركة تعتبر من الشركات الرائده فى مجال الألكترونيات وقطع الغيار ومكانها فى الديرة وليها فرع فى القصيم والدمام

كنت باخد 1500 ريال مع انى يعنى طلعت عين الكفيل بتاعى فى المقابلة بس للأسف كنت طالع على عمايا

معرفش ان الرواتب هنا كدة وكان بيدينى 500 ريال تحت الترابيزة شهر يدينى وشهر ما يدينيش ده غير تذكرة كل سنتين ومافيش تأمين

والله العظيم المهندسين عندنا طالعين على 1000 ريال و 1200 ريال

المندوبين بقة على 1000 ريال وعمولة حوالى 1000 زيهم

يعنى يا اخ سى السيد كلام هانى صح بس انا معاك مش نعمم الكلام ده على كل الشركات

وعاوز اقول حاجة ان موضوع الرواتب ده بيعتمد على عدة عوامل

اولها : ان الى عاوز يسافر اليومين دول السعودية يعزز نفسه على السعودى الى بيعمل معاه مقابلة ويثبت على راتب كبير يكفى احتياجاته هناك

الحاجة التانية درجة تمسك الكفيل بيه وده يترتب عاليه اقتناع الكفيل بالموظف

وبعدين يا اخ سى السيد فاكر لما عرضت عاليك مشكلتى وقولتلى ما تسفرش على 3000 ريال عشان مش هايعملولك حاجة؟

ياباشا الوضع اختلف عن الأول بكتير

الناس الى انت قصدك عاليهم دل جايين من فترة السعودية قدروا يظبطوا نفسهم

على العموم انا بأيد الأخ هانى فى كلامه عشان انا عشت الفترة دى هناك ورجعت بمزاجى فى اجازة من الأجازات عشان لاقيت نفسى الى بحوشه فى سنتين برجع اصرفه فى الأجازة وبيكون يوم اسود عاليا لما برجع صفر اليدين تانى فقررت استقر فى مصر لحد ما الاقى عقد مناسب

رابط هذا التعليق
شارك

انا بشكر الجميع على الردود والمشاركات ومبسوط جدا لعدد قراء الموضوع وذلك يدل على قوة المنتدى

بس ياريت يكون كل واحد قرأه على الأقل بلغ زميل ليه بالموضع أو أرسله بالميل لقائمة أصدقاءه فالفائدة ستكون أكبر وأسرع

المهم أنتشار الموضوع وليس وضعه فقط على المنتدى أنا نفسى نقدر نغير فكر ورأى

وشكرا مره اخرى للجميع

لا إله إلا الله وحد لا شريك له له الملك وله الحمد يحيى ويميت وهو على كل شىء قدير

رابط هذا التعليق
شارك

للأسف .... للأسف المرتبات الكبيرة هي الإستثناء ... والمرتبات الضعيفة هي الغالبية .. للأسف

عندي أمثلة كثيرة بمعلومات موثقة ... أطباء .... مهندسين .... صيادلة ... عمال ... مدرسين

مثال في مجال التعليم .... من واقع عملي وخبرتي فيه .... راتب مدرس الثانوي 1700 ريال والبعض 1800 ريال

وبعضهم خبرته في التعليم من 10 سنوات الي 20 سنة .... لا تستغرب يا عزيزي ... شوف المميزات بقى أيه

الراتب 9 أشهر فقط فقط فقط ....؟؟ لأن الإجازة الصيفية بدون راتب ... مفيش تذاكر طيران ولا حتى بالبر .... بدل السكن

للمتزوج 5000 ريال طبعا مش ممكن تكفي لازم يضيف عليهم 5000 أخرى على الأقل ليسكن في منفوحة مثلا

وللأعزب 3000 بدل سكن وياريت يكفوه في أي سكن ؟؟؟؟ مفيش زيادة سنوية على الراتب

المكافأة السنوية تقدر بـــ 15 يوم فقط ... وتكتب إقرار ومخالصة بإستلامك كل حقوقك :rolleyes:

وأزيدك من الحب جانب ... بيأخذوا ثمن التأشيرة كام ... كام ... حزر فزر .... وصلت من 12 الي 15000 جنيه مصري

ناس كثيير حيسألوا ... طب وليه وافقوا على الشروط القاسية دي .... دي بقى مسألة أخرى لها أسباب كثيرة لا يتسع المجال لذكرها

يارب الحياة تنتعش في مصر علشان الناس تقدر تفكر وتختار ... ولا ينضحك عليهم ولا تطحنهم الظروف :roseop:

أبو أحمد الأسكندراني

رابط هذا التعليق
شارك

  • بعد 2 أسابيع...

ياجماعه نفسى الموضوع ينتشر فى كل مكان

انا مش عارف عدد المشاهدين غير متناسب مع عدد الردود مع أن الموضوع مهم جدا

ربنا يوفق كل مسافر جديد لكل خير

لا إله إلا الله وحد لا شريك له له الملك وله الحمد يحيى ويميت وهو على كل شىء قدير

رابط هذا التعليق
شارك

للامانة انا ارعف مدرسسن خبرة 15 سنة بيقبضو 1200 ريال فقط و9 شهور ومفيش بد ل سكن ياى جماعة المرتب الضعيف فى السعودية العيشة فى مصر تكون احسن

انا لى احد اقاربى بياخد فى مصر 2000 جنيه اتعرض عليه 4500 ريال +4 تذاكر طيران+سيارة +سكن مؤثث+شهر اجازة كل سنة مدفوع الراتب ورفض لانه طلب 6000 ريال وراى ده تفكير صح هو محاسب خبرة 10 سنينن عنده 3 اولاود

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...