elbana بتاريخ: 14 أبريل 2003 تقديم بلاغ مشاركة بتاريخ: 14 أبريل 2003 كل يوم الصبح وأنا نازل ، نفس الجار عمال بيسخن عربيته ويبص لي وهو زهقان . كل يوم أدور العربية وآجي أطلع من الباركنج ألاقي بتاع الجرايد معدي من ورا العربية بالعجلة بتاعته زي ما يكون عامل لي كمين ونفسه إني أدوسه علشان ياخد تعويض أضطر افرمل لحد ما يعدي من ورايا لأن ما معاييش فلوس التعويض . كل يوم عند الحوداية اللي قبل الشغل نفس الراجل ألاقيه بيعدي الشارع في لحظة وصولي للحوداية زي ما يكون منتظرني أوصل بعربيتي علشان يعدي الشارع . كل يوم عند المطب الصناعي ، وبالظبط قبله بمترين ألاقي يمامتين بيتمخطروا أضطر أهدي لحد ما بسلامتهم يطيروا أو يبعدوا من قدامي. كل يوم وأنا راجع من الشغل بعد العصر نفس البنتين الآسيويين بيعدوا من نفس عبور المشاة اللي جنب بيتي وشايلين الشمسيات في إيديهم . كل يوم وأنا راجع العصر نفس الممرضة الهندية واقفة تحت الشجرة على الرصيف مستنية باص المستشفى . كل يوم أفتح التلفزيون ألاقي صور دبابات وطيارات وحاملات طائرات ، نفس الدبابات والطيارات والحاملات وعليهم نفس العَلَم . لا الراجل اللي بيدور عربيته بيتغير ، ولا الناس اللي بيعدوا الشارع بيتغيروا ، ولا اليمام بيتغير ، ولا الممرضة اللي مستنية الأتوبيس بتتغير ، ولا حتى الدبابات والطيارات بيتغيروا ، يعني نفسي أشوف مثلاً دبابات أو طيارات بتوع دولة عربية ، على سبيل التغيير ، أبداً ، كله على نفس النمط ، زي ما يكون كل الأشياء من حوالين الواحد متفقة إنها تطبق عليه الخناق لحد ما يموت من الزهق . رابط هذا التعليق شارك المزيد من خيارات المشاركة
goold بتاريخ: 14 أبريل 2003 تقديم بلاغ مشاركة بتاريخ: 14 أبريل 2003 كل يوم الصبح وأنا نازل ، نفس الجار عمال بيسخن عربيته ويبص لي وهو زهقان . :cry: الاول أزى حضرتك .. فكرتنى لما كنت صغيرة كنت بروح المدرسه مع بابا وكان فى عربية بطاطا مشوية فى طرقنا وناخد منها بطاطا وبابا يدردش مع الراجل تعرف لحد ما خلصت مراحل التعليم كلها وهو مكانه تحت الشجرة نفسها :D سافرت انا وبابا مات وعازلنا منطقة تانية واول ما نزلت مصر جريت على الحى القديم ازور الجيران وادور على العم بتاع البطاطا وزعلت اوى ملقتوش :? بكرة يااستاذ البنا هتزعل لو ملقتش اليمام والجار وبتاع الجرايد .. وامريكا مش همها حاجة عشان عارفة ان العرب هيتعودوا على المناظر ده .. وهتعمل ال هى عايزاه فى بلاد العرب .. مع الوقت الكلام ومظاهرات العرب ال كلها زعيق هتخلص .. اه ياستاذى ربنا يستر على الاجيال القادمة اذ كان الاباء مش عرفين يقفوا فى وش امريكا يبق الابناء هيقفوا ده هيقولوا وجدنا آبائنا على هذا .. :twisted: اللهم أكفنى بحلالك عن حرامك واغننى بفضلك عن سواك] رابط هذا التعليق شارك المزيد من خيارات المشاركة
elbana بتاريخ: 14 أبريل 2003 كاتب الموضوع تقديم بلاغ مشاركة بتاريخ: 14 أبريل 2003 إنتي كنتي بتشوفي بتاع البطاطا في مصر الحبيبة ، لكن أنا باشوف المناظر دي كل يوم في الغربة الموحشة ، والفرق كبير ، في حالتي تعتبر دي أمور تشبه الأمرو اللي اتعود عليها السجين كل يوم في سجنه . وفي نفس السياق ييجي التعود على رؤية سلاح الأجنبي بيتجول في بلادنا ويعربد فيها دون أدنى مساءلة . أما عن الأجيال القادمة ، فهو ده مربط الفرس ، لازم نعلم أولادنا الاعتراض والشجاعة ، لازم نعلمهم يناقشوا ويتكلموا ويعرفوا إن كلام مدرسينهم ورؤساؤهم مش منزل من السماء ، علشان ما يطلعوش خانعين وخاضعين زينا ، المشكلة مش في حكامنا بس المشكلة الأكبر فينا إحنا . رابط هذا التعليق شارك المزيد من خيارات المشاركة
mnman بتاريخ: 14 أبريل 2003 تقديم بلاغ مشاركة بتاريخ: 14 أبريل 2003 الاستاذ البنا كتب: يعني نفسي أشوف مثلاً دبابات أو طيارات بتوع دولة عربية ، على سبيل التغيير عليك و علي بانوراما أكتوبر في صلاح سالم... حتشوف دبابات و طيارات كمان... يالة ياعم ابسط و هيص... :D :cry: :cry: إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
elbana بتاريخ: 14 أبريل 2003 كاتب الموضوع تقديم بلاغ مشاركة بتاريخ: 14 أبريل 2003 هيييييييه وح أتصور ع الدبابة بقى وح تبقى رحلة جميلة :D :cry: :cry: رابط هذا التعليق شارك المزيد من خيارات المشاركة
ابو يوسف بتاريخ: 14 أبريل 2003 تقديم بلاغ مشاركة بتاريخ: 14 أبريل 2003 ايه الملل و الكآبة اللى احنا فيها دى ؟؟؟؟؟ :( :( :( اتكلمت عن موضوع مماثل فى موضوع الفضفضة ... و قلت انا لوحدى اللى زهقان و باقول امبارح زى النهاردة زى بكرة .. :? :? :? لقيت موضوع منفصل بعنوان الويك اند و الزملا بيعانوا من نفس المشكلة .... :mad: :mad: :mad: قلت اغير و افتح عنوان كل يوم ... لقيت الملل و الزهق ورايا وريا ... عاوز رأيى .... :cool: قول لجارك الزهقان على طول ... طظ فيك ... بمنتهى الادب .. دوس بتاع الجرايد ... لان الجرايد مالهاش لازمة ... و بعدين مش ح يطلب تعويض لانك ح تخدمه و ح يشتغل شحات و ح يكسب اكتر ... غيظ الراجل بتاع الحوداية و امشى من حتة تانية ... و خليه واقف مستنيك طول اليوم ... اصطاد اليمامتين و احشيهم فريك ... غير الطريق علشان ما تشوفش البنات الاسيوية .... و الهنود ... اما موضوع الطيارات و الدبابات ف ماعنديش حل ... لانهم ح يضربوا سوريا قريب و ح تفضل تشوف و تمتع نظرك بيهم .... :roll: :roll: أحاول إحراقَ كلِ النصوصِ التي أرتديها. فبعضُ القصائدِ قبْرٌ، وبعضُ اللغاتِ كَفَنْ. وواعدتُ آخِرَ أنْثى... ولكنني جئتُ بعد مرورِ الزمنْ... ... ! ! من قصيدة " متى يعلنون وفاة العرب؟؟" لنزار قبانى رابط هذا التعليق شارك المزيد من خيارات المشاركة
elbana بتاريخ: 14 أبريل 2003 كاتب الموضوع تقديم بلاغ مشاركة بتاريخ: 14 أبريل 2003 حلو قوي ، أفادكم الله يا أستاذ أبويوسف ، واضح إن حضرتك عايش جو مشابه للجو الممل المحبط نفسه اللي أنا عايشه ، وواضح إن كتير من الناس عايشاه ، عموماً ح أحاول أعمل بنصايحك وابقى تابع صفحة الحوادث :D :cry: :cry: رابط هذا التعليق شارك المزيد من خيارات المشاركة
1_Nadim بتاريخ: 14 أبريل 2003 تقديم بلاغ مشاركة بتاريخ: 14 أبريل 2003 قول لجارك الزهقان على طول ... طظ فيك ... بمنتهى الادب ..دوس بتاع الجرايد ... لان الجرايد مالهاش لازمة ... و بعدين مش ح يطلب تعويض لانك ح تخدمه و ح يشتغل شحات و ح يكسب اكتر ... غيظ الراجل بتاع الحوداية و امشى من حتة تانية ... و خليه واقف مستنيك طول اليوم ... اصطاد اليمامتين و احشيهم فريك ... غير الطريق علشان ما تشوفش البنات الاسيوية .... و الهنود ... اما موضوع الطيارات و الدبابات ف ماعنديش حل ... لانهم ح يضربوا سوريا قريب و ح تفضل تشوف و تمتع نظرك بيهم .... :roll: :roll: والله يااستاذ ابو يوسف حلول جميله :D :cry: لكن لاننا شعوب غاويا نكد بعد ماضحكت علي حلولك الجميله سألت نفسي ياتري لو اخذنا عكس الحلول دي ممكن ده يؤدي الي ان نجد حل لحكاية الطيارات والدبابات اللي ح نفضل نشوفها يعني لو الاستاذ البنا قال لجاره صباح الفل ايه رايك نتعرف علي بعض قبل الامريكان ما يموتونا احنا الاتنين وسأل بتاع الجرايد هو ليه ماعندوش مكان ثابت وعاكس الممرضه الهنديه بكلمتين حلوين يعمقوا الصداقه العربية الهندية خصوصا ان الهند عندها سلاح نووي تفتكر مش دي ممكن تكون خطوه علي طريق لمواجهة ماهو ات مع خالص تحياتي رابط هذا التعليق شارك المزيد من خيارات المشاركة
elbana بتاريخ: 14 أبريل 2003 كاتب الموضوع تقديم بلاغ مشاركة بتاريخ: 14 أبريل 2003 فكرة حلوة فعلاً يا أخي نديم بالذات ما يتعلق منها بتعميق الصداقة العربية الهندية ، وعلى فكرة مادام عندك أفكار حلوة كده أحب أقول لك إن (فرنسا) برضه عندها سلاح نووي ، إشمعنى يعني عايزين تدبسوني في الهند ، ولا يعني البلد تحل مشاكلها التسليحية وأنا اللي أتدبس :D . أما عن جاري فالمشكلة إن أنا فكرت أصبح عليه بس نظرته العدائية الغير مبررة بتخلي نفسي تنسد وأقول ياد خليك في حالك ليكسفك ، الراجل مش بيعرف يضحك يا جماعة ، أما الراجل بتاع الحوداية ، آهو ده أنا متأكد إنه بيكرهني ، لأنه شكله كده شاعر بنفس القرف والرتابة اللي عندي لأنه برضه بيشوفني كل يوم في نفس الحتة ، بس الفرق إنه بيقابلني ماشي على رجليه وأنا راكب العربية ، يعني هو عنده أسباب إضافية تخليه يكرهني . رابط هذا التعليق شارك المزيد من خيارات المشاركة
بنت شعنونة بتاريخ: 14 أبريل 2003 تقديم بلاغ مشاركة بتاريخ: 14 أبريل 2003 انا بحوش عشان اشتري قطة عشان اكسر الملل اقله القطة عندها كل يووووووووم حاجا جديدة تعملها معايا :oops: :oops: والنبي انا ما عارفا ها احوش عشان ايييييه والا اييييه والا ايييييه عشان اجيب العربية الجيب والا عشان اجيب القطة والا عشان اجيب نضارة الشمس والا عشان اصلح العربية ...:(حدش عنده قططططططة سلللللف :D :D وانا من البلد ديييييييييييي رابط هذا التعليق شارك المزيد من خيارات المشاركة
etreby بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 انا بحوش عشان اشتري قطة عشان اكسر الملل اقله القطة عندها كل يووووووووم حاجا جديدة تعملها معايا هوا سعر القطة كام فى السوق دلوقتى يا شعنونة؟ :oops: رابط هذا التعليق شارك المزيد من خيارات المشاركة
بنت شعنونة بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 تصور ي استاذ اتربي القطة الرووووووميي المعفنة اللي موجودة في كل الشووووووااااارع دي ب 150ج والقطة الشيرازي الامورة المنفوشة دي تعملها من 500ج وطالع :shock: :shock: نياااااااااوووووووو نييييياااااااووووو :? :? :? وانا من البلد ديييييييييييي رابط هذا التعليق شارك المزيد من خيارات المشاركة
etreby بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 الله يرحم أيام ما كنت بشتري القطة السيامى بعشرين جنيه فقط لا غير. أنا لو كنت فى مصر كنت اديتك قطة سيامى لو عاوزة. حكم احنا فى البيت عندنا معمل تفريخ قطط و كتير كنا بنحتاس نوديهم فين. :wink: رابط هذا التعليق شارك المزيد من خيارات المشاركة
ابو حلاوه بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 فكرة حلوة فعلاً يا أخي نديم بالذات ما يتعلق منها بتعميق الصداقة العربية الهندية ، وعلى فكرة مادام عندك أفكار حلوة كده أحب أقول لك إن (فرنسا) برضه عندها سلاح نووي ، إشمعنى يعني عايزين تدبسوني في الهند ، ولا يعني البلد تحل مشاكلها التسليحية وأنا اللي أتدبس :oops: .أما عن جاري فالمشكلة إن أنا فكرت أصبح عليه بس نظرته العدائية الغير مبررة بتخلي نفسي تنسد وأقول ياد خليك في حالك ليكسفك ، الراجل مش بيعرف يضحك يا جماعة ، أما الراجل بتاع الحوداية ، آهو ده أنا متأكد إنه بيكرهني ، لأنه شكله كده شاعر بنفس القرف والرتابة اللي عندي لأنه برضه بيشوفني كل يوم في نفس الحتة ، بس الفرق إنه بيقابلني ماشي على رجليه وأنا راكب العربية ، يعني هو عنده أسباب إضافية تخليه يكرهني . عزيزي البنا .. ماذا سيحدث لو...... لو قلت صباح الخير لجارك ؟؟ لو ابتسمت ابتسامة ودوده للراجل بتاع الحوداية؟؟؟ نحن في انتظار النتيجة الرئيس مسئول عن كل ما تعاني منه مصر الأن لا رابط هذا التعليق شارك المزيد من خيارات المشاركة
crossfield بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 يكونش عندنا اللى بيقولوا عليه اكتئاب قومى؟؟؟؟؟ :? أنا كنت شىء وصبحت شىء ثم شىء شوف ربنا .. قادر على كل شىء هز الشجر شواشيه ووشوشنى قال : لابد ما يموت شىء عشان يحيا شىء عجبى !! رابط هذا التعليق شارك المزيد من خيارات المشاركة
abofasad بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 بمناسبة الققط يا أخت شعنونة.. انا عندي قطة PERSA ANGORA من اللي انتي مسمياها منفوشة ، ولونها ابيض زي القشطة لدرجة اني مسميها NATA يعني قشطة.. المشكلة الوحيدة انها موجودة عندي من 17 سنة يعني بحسبة صغيرة سنها النهاردة 119 سنة (القطة بسبع ارواح) ويدوبك تمشي لأنها عجوزة جدا ، انما مسلياني جدا وطول النها ماشية ورايا في كل الشقة.. هي فقط تحتاج للحنان ايه رأيك يا شعنونة ابعتهالك؟؟ رابط هذا التعليق شارك المزيد من خيارات المشاركة
بنت شعنونة بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 قطة بيضة ومنفوشة؟؟؟؟؟؟ظ ياااااااااااااابخخخخخخخخخختتتتتتتتتتتتتكككككككككك احسدك حبة بقى :shock: :shock: :D :D وبعدين اللي يهادي برضه يهادي بقطة يادوبك تمشي؟؟؟؟ دا انا عاوزها تكسر الملل بتاعي تقوم تبعتلي واحدة تجيبلي سكتة قلبيه برضه؟ :? :) :lol: انا عاوزا واحدا صغنونة تجري ورايا :D وانا اعضها :twisted: :twisted: :lol: :lol: :lol: وانا من البلد ديييييييييييي رابط هذا التعليق شارك المزيد من خيارات المشاركة
1_Nadim بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 وانا اعضها :twisted: :twisted: :) :lol: :lol: انا راي تبعتلها كيلو لحمه طبعا انا باهزر ياانستي المبجله رابط هذا التعليق شارك المزيد من خيارات المشاركة
الطفشان بتاريخ: 15 أبريل 2003 تقديم بلاغ مشاركة بتاريخ: 15 أبريل 2003 الحلول المصرية فعلا ممتعة: قول لجارك الزهقان على طول ... طظ فيك ... بمنتهى الادب .. دوس بتاع الجرايد ... لان الجرايد مالهاش لازمة ... و بعدين مش ح يطلب تعويض لانك ح تخدمه و ح يشتغل شحات و ح يكسب اكتر ... غيظ الراجل بتاع الحوداية و امشى من حتة تانية ... و خليه واقف مستنيك طول اليوم ... اصطاد اليمامتين و احشيهم فريك ... ماذا سيحدث لو...... لو قلت صباح الخير لجارك ؟؟ لو ابتسمت ابتسامة ودوده للراجل بتاع الحوداية؟؟؟ وعاكس الممرضه الهنديه بكلمتين حلوين يعمقوا الصداقه العربية الهندية خصوصا ان الهند عندها سلاح نووي يعني لو الاستاذ البنا قال لجاره صباح الفل ايه رايك نتعرف علي بعض قبل الامريكان ما يموتونا احنا الاتنين وسأل بتاع الجرايد هو ليه ماعندوش مكان ثابت احنا شعب عنده طاقة خلاقة، بس مش متوظفة صح يا أخ بنا ابقى ابعت لي يمامة بالفريك و خلي الممرضة الهندية عندك! :) :lol: :lol: الشعب اراد الحياة و القيد انكسر رابط هذا التعليق شارك المزيد من خيارات المشاركة
elbana بتاريخ: 15 أبريل 2003 كاتب الموضوع تقديم بلاغ مشاركة بتاريخ: 15 أبريل 2003 يا اخواننا يا بتوع القطط خليكوا معانا شوية الله لا يسيئكم ، بقى إحنا بنفكر ندوس راجل بتاع جرايد ونقول للجار طظ فيك ، وانتوا بتبيعوا لبعض قطط ، طب لعلمكم بقى أنا بأكره القطط جداً ، ولو واحدة مرت من جنبي وأنا عند حد من زملائي في بيته ألاقي جسمي كله إقشعر وأبقى عايز أشوطها بوش رجلي الخارجي علشان تخبط في الحيطة وترجع لي آخدها على صدري وبعدين بالكعب وآجي قالبها دبل كيك . أبو حلاوة ابتسامة ودودة ازاي ، يعني أبتسم له وأمسك في إيدي دودة ، آآآآآآآه قصدك ابتسامة ود يعني :) :lol: :lol: ، ما أنا قلت لك منظره يخوف وكشر وشكله بتاع مشاكل ، وبعدين إفرض إن أنا صبحت عليه ، هو رد عليّ الصباح ، وبعدين ، ما هي ح تبقى عادة يومية تضاف إلى ما ذكرت من أشياء مملة ، أنا مش مضايقني تكشيرته ، أنا مضايقني إني أشوفه كل يوم بانتظام شديد ، يعني فيها إيه لو يغيب عن الشغل يوم ، يعيا مثلاً أو يرقد طريح الفراش ، هو .... مش أنا :wink: . يا كروسفيلد أراهنك إن عندنا إكتئاب قومي وأنا متأكد إن ح يعملوا وزارة للاكتئاب وأجو ترشيح من ترونه مناسباً لشغل منصب ، أو لحمل حقيبة ، هذه الوزارة . يا أخ طفشان أنا كمان معجب بالحلول اللي قالوها ، ومن عينيا يا سيدي ، ح أبعت لك ممرضة هندية بالفريك وأخلي اليمامة عندي . على فكرة النهارده عملت تغيير رهيب ومفاجئ أنا نفسي اتفاجئت بيه (مش عارف إزاي) ، إيه هو بقى ، ركنت العربية ورا العمارة مش قدام بابها على طول زي ما بأعمل كل يوم ، والحكاية دي خلقت قدر كبير من الإثارة والمتعة والتحدي والمفاجأة في حياتي الصباحية لأني وقفت متنح شوية أول ما طلعت من باب العمارة ، وراودتني هواجس عن إن عربيتي اتسرقت ، وإن أخيراً حصلت حاجة مفاجأة وغير متوقعة ، وبعدين قعدت أفكر شوية وافتكرت إني راكن ورا ، فرحت لافف وراكب العربية ، بس انبسطت وحصل لي نوع من البرومينتيشن (ما حدش يسأل) . فاكرين فيلم لجان بول بالبندق (بلموندو) كان طالع فيه حاسس بالملل لدرجة إنه أجر ناس يحاولوا يقتلوه وفضلوا طول الفيلم يطاردوه وهو يهرب منهم وهم يجروا وراه وكانوا ح يقتلوه بجد لو حصلوه ، إيه رأيكم أأجر إتنين يقتلوا جاري :lol: :lol: :D :D :D :lol: :lol: :lol: . رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان