اذهب إلى المحتوى
محاورات المصريين

سؤال لدكتور الشامي بخصوص الاشعة وتأثيرها على صحتنا !!!


badroora

Recommended Posts

العزيز دكتور الشامي عاوزة أسأل حضرتك بخصوص الاشعة وتاثيرها علينا ...

انا اعرف عن عند عمل اشعة للمريض يجب نبعد مسافة حوالى 2 متر واحيانا بيكون المريض حالته حرجة ولا نستطيع تركه بمفرده .

فهل التعرض للاشعة الكثيرة ممكن بالفعل يؤثر على صحتنا ونصاب بسرطان او عقم .

وهل 2 متر كفاية وايه الشروط .....اقصد لو انا يفصل بينى وبين المريض جدار حائط هل هذا كافي ولا الاشعة تخترق الحائط.

الحاجة المهمة جدا بقي .........بقالى اسبوع باحس بحاجة غريبة اوى عندما استخدام الاب توب بتاعى .

بعد استخدام لاب توب 15 دقيقة ابدا اشعر بحرقان كأن بالظبط فى مادة كاويه ع الجلد فى الاماكن المواجهه للشاشة .

ابدأ اشعر بحرقان فى جلد الصدر والرقبة والذراعين واى منطقة متعرضة لللاب توب

او لو مثلا شيلاه على رجلى الهواء الساخن لو جاء على البطن او الصدر يعمل نفس الحرقان دا فى الجلد .......علما بانى محيطة فى غرفنى بكم لا بأس به

wireless phone and net,mobiles .bluetooth headset

فهل يوجد علاقة بين الاجهزة والاب توب وانا .....واللى بيحصلي دا ناتج عن تاثير الكترونى ولا اشعاعى ....وممكن يعمل فيا ايه

شكرا مقدما واسفة ع الاطاله

اختك المشعة

بدرية :aslam:

تم تعديل بواسطة Badria Mekkawy

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

العزيزة بدرية

أخيرا حد سألنى فى صميم التخصص...أخوكى و لا فخر مدرس الفيزياء الأشعاعية فى الجامعة...و استشارى الأشعة التشخيصية..

شوفى يا ستى التعرض للأشعة شىء خطير وهام جدا ويجب على جميع الناس أن يعلموا ذلك و خصوصا العاملين فى المجال الطبى و بالأخص العاملين فى مجال الأشعة ...

طبعا الأمر هام جدا أيضا بالنسبة للسادة المرافقين للمريض أثناء عمل الفحص..

و يمكن تقسيم الأشعة الى عدة أنواع لأن مش كل أنواع الأشعة خطرة:

1- الموجات الصوتية (Ultrasound)...وهذه لم يثبت لها ضرر و لذلك فهى أمنة للأم و الجنين مثلا أثناء الحمل...

2- الرنين المغناطيسى (MRI) ... وهى مجال مغناطيسى مختلط مع موجات راديو و لم يثبت حتى الأن أى ضرر منها...و لكن ما زالت الأبحاث جارية لمعرفة تأثيرها على الجنين أثناء شهور الحمل الأولى.

3- الأشعة السينية (X-ray ) : و هى اللى عليها الكلام...و هى بالفعل قد ثبتت خطورتها منذ فترة طويلة و أكدت ذلك الأبحاث العلمية بعد أن لاحظ العلماء تغيرات سرطانية أصابت الاماكن المعرضة للأشعة فبدات الأبحاث و تم تحديد الجرعات المسببة لذلك..

بعد شوية أكمل لكم تفاصيل هامة....منها الاحتياطات ... و خطورة أشعة الثدى...و مواضيع أخرى هامة جدا...

شكرا بدرية على أثارة هذا الموضوع الهام.

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

الأخوة و الأخوات الأعزاء

...استكمالا لما سبق ..تم اكتشاف الأشعة السينية فى عام 1895 و فى العام التالى مباشرة لوحظ أصابة بعض العاملين بحروق جلدية وسقوط شعر و تقرحات فى الأماكن التى تعرضت للأشعة...

وتم الربط بين السبب و العرض... و تم ايجاد بعض الحلول منها درع حديد للجسم بالكامل يشبه ملابس رواد الفضاء.

و تطور الأمر بعد سنوات الى الشكل المتعارف عليه و الموجود حاليا فى أقسام الأشعة بالمستشفيات من مرايل الرصاص و واقى الحوض و الرقبة و القفازات...

و ينقسم الناس من حيث تعرضهم للأشعة الى 3 أنواع:

-1 العاملين فى مجال الأشعة من فنيين و أطباء وكذلك حكيمات العمليات (عند استخدام الأشعة خلال العملية الجراحية)

-2 الممرضات و العمال المسئولين عن نقل المريض الى غرفة الأشعة و مساعدته بما فيهم أقارب المريض و أصدقائه المتبرعين بالتواجد داخل غرفة الأشعة وعاملين زحمة من غير أى لازمة.

-3 المريض نفسه.

نبدا بالصنف الأول:

و هو الخاص بالمتعاملين مباشرة فى المجال و هؤلاء هم أكثر الناس عرضة للأصابة اذا لم تتخذ الاحتياطات ومنها: لبس المريلة الخاصة و استبعاد الحوامل نهائيا من التعرض للأشعة.

فى أوروبا و الدول المتقدمة لابد بالقانون أن يرتدى كل من يتعرض للأشعة عداد للأشعة يضعه على صدره لقياس مقدار الأشعة التى يتعرض لها. و تقوم معامل خاصة بقياس هذه الجرعة شهريا و حسب جداول معينة فقد يمنع هذا الشخص من أى تعامل مع الأشعة اذا ثبت انه قد تجاوز او قارب على تجاوز الجرعة المسموحة له سنويا.....عشان البنى أدم عندهم له قيمة.....بعد الشر ده مش موجود فى أماكن كتيرة فى مصر...

وهناك بعض الأمور التى قد تفيد المصاحبين للمريض أثناء تعرض المريض للأشعة و منها:

البعد عن مصدر الأشعة (الجهاز نفسه) لأنه مصدر مباشر (Primary Rsadiation)

البعد عن المريض نفسه لأنه مصدر غير مباشر لما يسمى بالأشعة المتبعثرة (Scattered Radiation)

و كمثال على ذلك اذا ضاعفت مسافة بعدك عن هذين المصدرين قلت نسبة التعرض الى الربع....واذا جعلتى المسافة ثلاثة أضعاف قلت نسبة التعرض الى التسع (9/1). ...وهكذا.

و يجب ملاحظة ان الأشعة تتلاشى فورا بمجرد ان يرفع فنى الأشعة اصبعه من على زر التعرض للأشعة....يعنى ما فيش أشعة بتكون طايرة فى الهواء بعد الفحص...

كمان حاجة مهمة ان الحوائط الأسمنتية و الجدران قد تكون مانع جيد اذا كانت ذات سمك معين...

ابواب غرف الأشعة الخشبية يجب أن تكون مغطاة بطبقة من الرصاص لأمتصاص الأشعة...

بعدين نكمل....رايح أتعرض للأشعة و راجع... :aslam:

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

العزيز دكتور الشامي .......عاجزة عن الشكر على وقتك ومعلوماتك القيمة ........بارك الله فيك ......... :ninja:

اما بعد :blush2: اكيد البؤين دول مش ببلاش يعنى .........نخش ع المصلحة :cry1:

بخصوص الاشعة السينية ...........علل

1- هل الاشعه تنتشر فى الجو اثناء تصوير المريض ؟

من مفهومى وربما اكون خاطئة ان الاشعة بتصل للمريض عامودى يعنى مش لو انا على زاوية جنب المريض مش

عمودية ممكن تؤثر .

وكمان فى حاجة مهمة احيانا بتضطرنا الظروف التواجد مع المريض اثناء عمل قسطرة قلب او الدخول معه اثناء تصوير

اشعه لمدة طويلة ....السؤال البدلة الرصاصية بتحجز الاشعة بنسبة قد ايه ؟

وهل باقي الاجزاء المعرضة مثل الوجه والعينين والراس مش ممكن تتأثر هى كمان !!

سؤال تالت ........ومعلش طول بالك لسه الاسئلة منتهتش ....فرصة بقي :blink:

احيانا باكسل ابعد عن المريض اثناء الاشعة ......فبعمل ايه ...باستخبي ورا فنى الاشعه وهو لابس البلدلة الرصاصية

هل كدا انا فى امان والبدلة بتحميه وتحمنى ولا بردوا المفروض ابعد ؟

وشكرا مقدما .........مصري اصيل والله النيل رواك والخير جواك وهنيالك يا فاعل الخير والثواب :wub:

تم تعديل بواسطة Badria Mekkawy

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

العزيزة بدورة....

لا شكر على واجب يا باشا...أسئلتك كلها ذكاوة ...

بالنسبة للأشعة و انتشارها...الأجابة نعم الأشعة تنزل راسيا بشكل مخروطى من أنبوب الأشعة و تتسع فى المخروط حتى تصل الى المريض...و النطاق بتاعها بيححده الفنى لما تلاقيه أضاء لمبة صغيرة يظهر ضوئها على المكان المراد تصويره و يمكن للفنى التحكم فى حجم هذا النطاق بما يسمى ( Collimator) ...

ثانيا عندما تصطدم الأشعة بجسم المريض تتبعثر فى الهواء فى المكان المحيط بالمريض و تصيب اجسام من يقف حوله....وهذا الأمر وقتى جدا و محدود باللحظة التى تنطلق فيها الأشعة و تزول فورا بتوقف الجهاز عن اصدار الأشعة و لا تبقى فى الهواء بعد ذلك و هى تسمى الأشعة المتبعثرة (SCATTERED RADIATION).

ثالثا ...خليكى حكيمة...(قصدى اكتر ما انتى حكيمة)...ولما تكونى مع المريض فى غرفة الأشعة أثناء الفحص...تبعدى كام خطوة للخلف بعيد عن المريض فقط فى لحظة تشغيل الجهاز أو فتح المونيتور أثاء القثطرة...

رابعا: ما تكسليش لو سمحتى فى هذا الأمر لأنه هام....و فكرة انك تستخبى وراء الفنى أثناء التعرض هى فكرة جيدة جدا و خبيثة لأن ساعتها البدلة تحميه و اللى حيعدى من البدلة و هى نسبة ضئيلة جدا ستمتص بواسطة جسمه و لا يصل لك أى شىء.........أنا شخصيا بأعمل كده....عشان كده الفنيين عندى بيموتوا بمعدلات عالية...مش عارف ليه..؟؟ :cry1:

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

الهى يا رب يكرمك ..........ويعطيك ما يحرمك ......... :cry1:

اما بعد :ninja:

مقولتليش الاجزاء اللى مش بتتغطي ايه تاثير الاشعة عليها ؟

وكمان موضوع الاب توب بتاعى المشع ؟

والاداوات الاسلكية مثل النت وسماعات البلوتوث فى الاذن ايه تاثيرها بردوا ؟

شكرا .......يا بن النيل دا العشم بردوا فى مصر والمصريين يعطيك العافية ...... :blush2:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

الأخت بنت النيل ...الله يعافيكى :ninja:

يعتمد التأثير على الأجزاء الغير مغطاة على مدة و عدد مرات التعرض..... يعنى كل ما زادت عدد مرات و فترة التعرض...كل ما زادت احتمالات الاصابة بالامراض البطالة ربنا يحفظك...

انتى ليه محسسانى انك الوحيدة اللى بتشتغلى فى المستشفى دى....ما فيش حد غيرك ينزل مع المرضى :blush2: ..؟؟ !!

صدق اللى قال عليكى ملاك رحمة... :wub:

بالنسبة لموجات ال DSL و البلوتوث لم يثبت عليها شىء...

بالنسبة للكمبيوتر بتاعك...أنصحك انك تخفى شوية من البحلقة فيه pza: لأنه ثبت ان هناك اشعاعات قد تكون ضارة تنبعث lmo: من بعض أنواع الشاشات التعبانة wst:: .... فنصيحتى لك بما انك بتشتغلى فى الخليج :cry1: انك تشترى لاب توب يكون ماركة معروفة يعنى :blink: ....ما تستخسريش فى نفسك حاجة :lol: ....لا دايم الا وجه الله..

فين بقية الأسئلة من شعب المحاورات ؟؟؟

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

لاب توبي توشيبا ........ :cry1:

وبخصوص الاماكن اللى بتتعرض ما هو يا دوك . كل مرة بيتعمل فيها اشعه سواء انا ولا الفني بلاش انا الفنى نفسه ماهو

مش بيغطى غير جسمة من الرقبة لبعد الركبة بشبرين .

هل في دراسات اتعملت وقالت ان تاثير الاشعة على تحت الركبة بشبرين عند الطوال وشبر عن القصيرين ملهاش ضرر .

علما بان كل مرة جسمة بيتعرض للاشعه ولكن لن يتم حجب الجسم كامل .

اما بخصوص البحلقة فدى عندك حق انا تقريبا كل مذكرتى وامتحاناتى على الكمبيوتر حتى شغلى كمان فلازم من حل

العمر مش بعزئه

شكرا خوى يعطيك العافية :blush2:

تم تعديل بواسطة Badria Mekkawy

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

بعد استخدام لاب توب 15 دقيقة ابدا اشعر بحرقان كأن بالظبط فى مادة كاويه ع الجلد فى الاماكن المواجهه للشاشة .

ابدأ اشعر بحرقان فى جلد الصدر والرقبة والذراعين واى منطقة متعرضة لللاب توب

احم احم...الدكتوره هبه :cry1: وصلت.....استاذة الامراض المشتركة بين الانسان و الحاسوب..جامعه تنزانيا

شوفى يا ست بدارة شاشة اللابتوب مظلومة

لان شاشات اللابتوب من نوع LCD و دى لا ينبعث منها اى اشعاعات ضارة لانها لا تصدر سوى ضوء

لمزيد من المعلومات....دش هنيه

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك

العزيزة بندورة

أعتقد انه توشيبا موديل 1965 من اللى بيشتغل بمنافلة... :blush2: .ما علينا..

من المعلوم ان مش كل أجزاء الجسم تتأثر بنفس القدر اذا تعرضت للأشعة....بمعنى ان هناك أجزاء معينة بتكون حساسة أكثر من أجزاء أخرى....مثلا الثدى...و المبيضين عند المرأة...و الخصيتين عند الرجل....فيجب أن ينصب الاهتمام علي حمايتهم أولا..

ولذلك اذا فيه بنت صغيرة أو أنسة أو طفل حيعمل أشعة فمن الضرورى تغطية هذه الاماكن بواقى من الأشعة لأنه تعرض غير ضرورى.....الا اذا كان الجزء اللى حيتم تصويره هو الحوض مثلا فلا يجب تغطيته حتى لا نحجب علامات المرض ...أو الكسر مثلا..

فالجزء السفلى من الساق مش مهم بنفس أهمية الأجزاء الحساسة الأخرى....و كما قلت لسيادتك 3 مرات قبل كده ان الجرعات التى تصلك و انتى مستخبية خلف الفنى اللى اخترتى انك تضحى بيه حتكون جرعات صغيرة لا اعتبار لها ...فلا داعى للخوف....

الأهم من كده هو أشعة الثدى ...و هو أمر خطير جدا جدا جدا.....يغفل عنه كثير من الانسات و السيدات ....بل كثير من الأطباء أنفسهم...وده ان شاء الله حأتكلم فيه المرة القادمة بشىء من التفصيل لخطورته...

على فكرة ....هو فنى الأشعة اللى فى المستشفى طوله كام شبر ؟؟ :cry1:

تحياتى.

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

من المعلوم ان مش كل أجزاء الجسم تتأثر بنفس القدر اذا تعرضت للأشعة....بمعنى ان هناك أجزاء معينة بتكون حساسة أكثر من أجزاء أخرى....مثلا الثدى...و المبيضين عند المرأة...و الخصيتين عند الرجل....فيجب أن ينصب الاهتمام علي حمايتهم أولا..

فعلا فعلا

و انا سبق و شاهدت برنامج يحذر الرجال من انهم يضعوا اللابتوب على الحجر و هو جالس على الاريكة او الكرسى و الافضل انه يضعه على طاولة امامه.......لكن ده تفسيره كان خطورة الحرارة المنبعثة من المعالج (و ليس الاشعاعات) و التى تسبب العقم

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك

ايه يا دكتور حضرتك فين ؟

وفين بقيت المعلومات ؟

عندي ليك حاجة وعاوزة تفسير

فاكر الاعراض اللى كتبتها فى اول مداخلة اللى بتحصلي بعد ربع ساعة من استخدام لاب توب ..........فى شخص عزيز شار على انى اطفي الwireless

واشغل الاب توب سلك عادي عملت كدا ورجعت شلت لاب توب تانى وكملت والاعراض اللى قولتلك عليها مش رجعت تانى!!!

تفتكر ال wireless ليها تأثير؟

خالى بالك لو طلع دا اكتشاف جديد اوعى تنسانى بحق الاكتشاف ........سجل يا تاريخ :unsure:

وكمان بقي بجملة الاسئلة

يعنى ولو ممكن تكلمنا عن الميكرويف

من حيث

الاضرار

نوعية الاشعة المستخدمة

المدة الغير ضارة لتسخين الطعام

انواع الاوانى التى لا تسبب ضرر اكثر اعرف ان البلاستيك موش زين صح كدا ولا لحضرتك راى تانى ؟

وهل استخدام الميكرويف للشوي فيه ضررجثيم ولا ايشلون ؟

كفاية كدا حاجة على ماقسم كدا لحد مافطر وافكر فى حاجة تانية !!! :blink:

شكرا ان ادفانس واللهى يكرمك ويديك مايحرمك .......والنهاردة الجمعة يعنى دعوة مفترجه ..........سلام :rolleyes:

تم تعديل بواسطة Badria Mekkawy

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

صباح الفل يا بدورة...صباح الفل للجميع

يعنى الواحد ما يعرفش ينام شوية يوم الجمعة...مش كفاية طلبونى فى المستشفى من الساعة 7 الصبح...ما علينا

بالنسبة لل wireless أنا اول مرة اسمع ان له تأثير...لكن واضح ان الغرفة بتاعتك فيها اشعاع زايد...أو انك بتتعاملى مع wireless من النوع المضروب :blink: ... زى اللاب توب بتاعك كده...فنصيحتى لك ماتاكليش سمك و لا بيض و ما تمسكيش أى سلك عريان.... :rolleyes: وتنامى بدرى يا بدرية....

بالنسبة للميكرويف...للأسف ما عنديش معلومات لأنه خارج تخصصى الطبى... ممكن تسألى عليه فى باب المطبخ فى المنتدى..ومع ذلك ممكن أسال لك زوجتى بصفتها بتستعمله كتير و ما زلنا على قيد الحياة......؟؟!!!!...

بعد شوية حأتكلم فى موضوع أشعة الثدى...

تحياتى..

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

اخوانى ...أخواتى...

السلام عليكم و رحمة الله

نيجى للجد و هو الموضوع الذى يهم كثيرا من الأنسات و السيدات اللاتى يشعرن بأى ألام أو كتل أو تضخم أو افرازات من الثدى... ولهم الحق فى القلق من هذا الأمر...و بصفتى أواجه مثل هذه الحالات يوميا فنصيحتى لهم بمراجعة الطبيب المختص فورا بدون تأخير حتى و لو كانت الأمور فى نظرهن هينة...

ولى هنا عدة نصائح فى غاية الأهمية:

- كما ذكر أخونا الدكتور هلال فى أحد مداخلاته فأن الفحص الذاتى للثدى هام جدا و يمكن تطبيقه بالطريقة التى تفضل بذكرها ...وهذه أول خطوة فى اكتشاف أى تغيرات عن المعتاد..... الغرض الأول من هذا الفحص و تكراره بصفة مستمرة أن يصبح عادة و بذلك تتعود أصابعك على الشعور الطبيعى بنسيج الثدى العادى ...ولو فى يوم من الأيام شعرتى بأى تغير هنا يجب استشارة الطبيب....

يعنى المقصود أن تكونى أنت طبيبة نفسك...لأنك مش كل يوم حتروحى للدكتور عشان يكتشف هو اذا كان عندك شىء...و يمكن ظروفك سواء المادية أو الاجتماعية و الأسرية لا تمكنك من زيارة الطبيب بصفة دورية فيكون هذا حل مبدئى ونصيحتى البدء به فورا..

- بعد ذلك...لا قدر الله و ربنا يحفظ الجميع ما الحل اذا لاحظتى أى تغير مما سبق ذكره ؟ التوجه للطبيب...مضبوط...لكن فى أى تخصص ؟... الخطأ الشائع جدا عند الكثيرات ان أمراض الثدى تتبع لطبيب أو طبيبة النساء و الولادة...وهذا غير صحيح بالمرة لأن هذا الطبيب مع احترامى للجميع لا يدرس جراحة الثدى بتفاصيلها...و تكون الاجابة هى التوجه لجراح الثدى و هو أحسن من يعرف كيف يتعامل مع أمراض الثدى المختلفة....و هو من يعرف متى و أى نوع من فحوص الأشعة الذى يتناسب مع نوع المرض الموجود...و ذلك حتى نتجنب كوارث بعض - قليلى العلم - من الأطباء الذين قد تكون نصايحهم بعمل الأشعة مصدر خطر بحسن نية...

وهذا ما سأبينه لاحقا

تحياتى

كن كما قال رسول الله صلى الله عليه وسلم :

ان لله عبادا أختصهم بقضاء حوائج الناس حببهم في الخير وحبب الخير اليهم انهم الامنون من عذاب الله يوم القيامة )

رابط هذا التعليق
شارك

  • بعد 4 سنة...

يا ترى رحت فين يا دكتور شامي؟؟

صحيح موضوع قديم لكن شيق

يا ريت تكمله لنا يا دكتور

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

رابط هذا التعليق
شارك

  • بعد 4 سنة...
  • الزوار

للاسف عملت لابنتى 3 اشاعات عادية على بطنها فى نفس اليوم دون العلم لمخاطر الاشعه لكى لانها للاسف بلعت دبوس وكنت أريد الاطمئنان من اكتر من مصدر انه نزل فماذا أفعل لكى احميها من المخاطر التي قد تحدث لها 

رابط هذا التعليق
شارك

للاسف الموضوع قديم والدكتور الشامي غير متواجد

هل يمكن أن أكتب كلاما مثاليا 

أو أن اصل لمثالية كلامي 

ولا يوجد كلام مثالي 

ولا مثالية لمتكلم

 

رابط هذا التعليق
شارك

السلام عليكم ورحمه الله وبركاته

بما انى اخصائى اشعه استاذنكم فى الرد

اولا تم وضع رقم لكميه الاشعه التنى يتعرض لها العاملين فى الاشعه والتى لايجب ان يتعرضوا اعلى منها فى خلال سنه من الممارسه فى مجال الاشعه

اما المريض فلايوجد حد لما يتعرض لها من اشعه لان ذلك يعتمد على نوع المرض وهل يحتاج اشعه ام لا مع الاخذ فى الاعتبار اختيار فحوصات اخرى غير الاشعه اذا كانت تعطى نفس التشخيص

طبعا وجود دبوس فى البطن الاشعه العاديه هى رقم واحد فى التشخيص وكذلك فى المتابعه

الاشعه التى يتعرض لها المريض تكون لها طاقه عاليه فمعظمها يخترق المريض ولاتمتص

لاتقلقى على ابنتك ولاتشغلى بالك بموضوع الاشعه اطلاقا لانه كان ضرورى و3 افلام مش مشكله خالص

فيه نقطه ان ظهور الاورام من التعرض للاشعه هو نوع من المصادفه ولايعتمد على كميه الاشعه وخاصه فى الاشعه التشخيصيه

مثال: رجل سافر بسيارته مائة كيلو وراجل سافر بسيارته الف كيلو

ما احتماليه ان يحدث حادث تصادم لااتنين

الاجابه: الحادث وارد عند الاتنين

والسؤال: من احتماليه عمل حادث اكتر

اللى مشلى الف كيلو طبعا

هى الاشعه كده ممكن يحدث مضاعفات من الاشعه فى التعرض القليل والتعرض الكثير ولكن كاما زاد التعرض كاما زادت نسبه المضاعفات

ندعو الله العلى القدير ان يحفظنا ويحفظ اولادنا من كل مكروه 

كل عام وحضراتكم بخير

 

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك

  • بعد 7 شهور...
  • الزوار

السلام عليكم

هل لو وجد مختبر به جهاز الرنين المغناطيسي فى نفس العمارة السكنية التى اسكن لها. هل يوجد خطورة على السكان. يعنى لو الجهاز فى الطابق الاول وانا فى الطابق الثالث فوقه هل يوجد مشكلة صحية لى. شكرا لكم

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...