والله العظيم حرام ... الثانوية العامية تاني

[se_ Elsyed]

ظهر الحق وزهق الباطل

إحنا كده .. شعوب ما بتعرفش تتحكم ... وبتشتكي عمال على بطال ..

الإمتحان اهو وزي الفُل ونسبة النجاح في عينة التفاضل العشوائية - عشوائية فعلاً ... لأ صحيح عشوائية - طلعت 93 % وأسلمي يا مصر .. وليخسأ الخاسئون .. مجموعة طلبة موتورون ومأجرون عشان يبوظوا مزاج الصفو العام بتاع التعليم

إديها يا معلم

مفاجأة امتحانات الثانوية العامة

93% نتيجة العينة العشوائية في التفاضل!!

أهالي المنيا يشكون من بيع أوراق الأسئلة أمام اللجان.. والوزير ينفي بشدة

كتب - أحمد عمر:

جاءت نتيجة العينة العشوائية لامتحان التفاضل وحساب المثلثات للمرحلة الثانية من الثانوية العامة مفاجأة غير متوقعة حيث بلغت 93% ولم يحصل أحد علي الدرجة النهائية..وكان الطلاب قد اشتكوا من صعوبة الأسئلة ليقرر رضا أبو سريع مساعد أول وزير التربية والتعليم رئيس عام امتحانات الثانوية العامة استدعاء عدد من مصححي الرياضيات لتقدير درجات 300 طالب تم اختيار أوراق اجاباتهم عشوائياً.

جاء امتحان التفاضل وحساب المثلثات أيضاً بمثابة الصدمة الكبري لطلاب المرحلة الأولي فالأسئلة غير مباشرة وبعضها من خارج المنهج الدراسي.

من ناحية أخري.. تلقت "المساء" فاكسا من بعض أولياء الأمور في المنيا يشكون فيها من بيع أوراق أسئلة امتحان التفاضل وحساب المثلثات للمرحلة الأولي بالثانوية العامة أمام اللجان قبل بدء الامتحان بساعة وبسعر 500 جنيه للورقة الواحدة.. وان ذلك لم يكن المرة الاولي.. بل حدث منذ أول يوم امتحان.

نفي د. يسري الجمل وزير التربية والتعليم بشدة ما يتردد حول تسريب الامتحان بالمنيا مؤكداً أن شكوي أهالي المنيا لا اساس لها من الصحة.

قال في تصريحات خاصة ل "المساء" - الليلة الماضية - إن البعض أبلغ الصحف عن تسرب الامتحانات ووعد بأن يرسل صورة منه لكن ذلك لم يحدث مما يؤكد أنها مجرد شائعة.

[جويرية]

مانتو لو عندكو قناة أوربت وبتتفرجوا على برنامج القاهرة اليوم ... كان فكركم اتغير

حضرتك يا فندم في اسئلة محطوطة غلط بشهادة مدرسين متخصصين ... يعني خطأ في تركيبة السؤال ...

ما هوه لازم ييجي غلط في تركيبة السؤال لسبب بسيط

هوه ان كل سنة لازم يجيبوا سؤال لافف صعب شوية عشان يقلل المجاميع عشان دفعة الثانوية العامة كلها عايزين يدخلوا حوالي 6 او 7 كليات مفيش غيرهم

المهم دكاترة الدروس الخصوصية بقوا حافظين الأسئلة الصعبة و بيجمعوها مثلا في خلال عشر سنين و يعملوا بيها مذكرات للطلبة ده غير ان العيل صامم المنهج زي اسمه فبالتالي ممكن ألاف الطلبة يجيبوا الدرجات النهائية

فأيه الحل بقي عشان الناس تلاقي كرسي تقعد عليه في الكلية

الحل هوه سؤال فيه غلطة و حتي لو اعدوا توزيع الدرجات كدة الطالب أرتبك و غالبا مش حيعرف يحل في بقية الأسئلة يبقي كدة الدرجات حتقل شوية

و بعدين مش ممكن سؤال فيه غلطة يعدي عليهم اكيد الموضوع مقصود

[ايهاب سالم]

بالمناسبة ده حصل في شخصياً في دفعة الثانوية العامة سنة 99

حضرتك مواليد 72 و كنت طالب في ثانويه عامه سنة 99

[se_ Elsyed]

بالمناسبة ده حصل في شخصياً في دفعة الثانوية العامة سنة 99

حضرتك مواليد 72 و كنت طالب في ثانويه عامه سنة 99

ايوه يا ريس 98-99

بالمناسبة انا داخل المدرسة صغير سنة

[se_ Elsyed]

بالمناسبة ده حصل في شخصياً في دفعة الثانوية العامة سنة 99

حضرتك مواليد 72 و كنت طالب في ثانويه عامه سنة 99

ايوه يا ريس 98-99

بالمناسبة انا داخل المدرسة صغير سنة

يا عم انت هاتلخبطنا ليه

99 ده اول امبارح

قصدي 88-89

[se_ Elsyed]

ما يحدث في هذه البلد مهزلة بكل المقاييس .. ولكن للأسف لا يوجد من يُحاسب المفسدين ... لإن من يحاسبون هم أنفسهم فاسدون ...

سبق وأن تكلمنا من البداية عن تسريب أسئلة إمتحانات الثانوية العامة في محافظتي المنيا وأسيوط ، والمنيا بالذات يومياً وقبل الإمتحان بيوم ....

خرج محافظ المنيا سيادة اللواء أحمد ضياء الدين ... بالمناسبة شبهت على إسمه لإني سمعته قبل كده .. فأتضح إنه كان المتحدث الرسمي بإسم وزارة الداخلية ولما حصلت هوجة الإعتداءات الغاشمة من ضباط الشرطة والتعذيب والإنتهاكات ضد المواطنين الأبرياء اللي وصلت للقتل في بعض الأحيان .. كان هو نجم تليفزيوني بيظهر ليدافع عن وزارة الداخلية الحلوه ... فتمت مكافآته وتعيينه محافظ في أحدى الأبعاديات المملوكة للسيد الرئيس

المهم خرج السيد المحافظ بنفسه الأسبوع الماضي ليؤكد إنه لا صحة لتسريب الإمتحانات في محافظته وإنه تم إلقاء القبض على العديد من أصحاب مكاتب التصوير اللي كانوا بيبيعوا ورقة الأسئلة بـ 200 و بـ 500 ج على إنها ورقة إمتحان بكره ... وبمقارنتها بالورقة الحقيقية إتضح إنها تختلف تماماً ...

إمبارح هو هو نفس المحافظ ظهر في التليفزيون ليؤكد إن الإمتحانات فعلت بتتسرب وإنه شخصياً مش عارف يعمل إيه وليس في يده إنه يلغي الإمتحانات لإنها موحده على مستوى الجمهورية .... وسلم لي عالبطاطس ...

واليوم مصيبة اخرى وكارثة بكل المقاييس في المنيا برضوا

اكتشاف‏ 8‏ لجان مخصصة لأبناء المسئولين

في امتحان الثانوية بمستشفي مغاغة‏!‏

نيابة المنيا توجه للمتهمين تهم الاختلاس

وتسهيل الاستيلاء علي أوراق أسئلة الامتحان

المنيا ـ من حجاج الحسيني ـ القاهرة ـ من نيفين شحاتة‏:‏

فيما يعد استمرارا لحالات التسيب والغش‏,‏ التي شهدتها امتحانات الثانوية العامة في محافظة المنيا‏,‏ اكتشف وكيل وزارة التربية والتعليم بالمحافظة وجود ثماني لجان خاصة تم تشكيلها لأداء الامتحان بمستشفي مغاغة‏,‏ وتبين أن كل الطلاب الذين يؤدون الامتحان بها من أبناء المسئولين بوزارات الداخلية والعدل والصحة في المحافظة‏.‏ ( زغرطي يا إنعام )

وقرر المحاسب أحمد بهاء الدين وكيل الوزارة إلغاء هذه اللجان الخاصة‏,‏ وعودة الطلاب المقيدين بها إلي اللجان العامة لاستكمال امتحاناتهم بها‏,‏ كما قام بتشكيل لجنة لمراجعة أوراق الإجابة الخاصة‏,‏ بهم في المواد السابقة التي أدوا امتحاناتهم فيها باللجان الخاصة‏.‏

وفي سياق متصل بالمحافظة نفسها‏,‏ شهدت لجنة مدرسة الحديثة للبنات حالتي غش عن طريق التليفون المحمول لطالب وطالبة‏,‏ وقرر رئيس اللجنة إلغاء امتحان اللغة الإنجليزية لكل منهما‏.‏

وكان كامل عناني وكيل وزارة التربية والتعليم بالشرقية قد أحال المسئولين عن لجنة مدرسة أبوكبير الثانوية للبنين أيضا للتحقيق بعد أن ثبت وجود أجهزة تليفون محمول مع عدد من الطلاب داخل اللجنة‏.‏

وفي التحقيقات التي يباشرها عمرو ممدوح مدير نيابة المنيا تحت إشراف المستشار عبدالرحمن مرزوق المحامي العام الأول لنيابات جنوب المنيا‏,‏ في واقعة تسرب أسئلة التفاضل وحساب المثلثات‏,‏ استدعت النيابة عددا من المسئولين عن تسلم وتوزيع أسئلة الثانوية العامة‏,‏ ووجهت تهمة الاختلاس وتسهيل الاستيلاء علي أوراق أسئلة الامتحان‏,‏ والإفصاح عن معلومات سرية للمتهم مدحت عبدالعزيز‏38‏ سنة بإدارة المنيا التعليمية‏,‏ كما وجهت النيابة الاتهام نفسه ـ عدا الاختلاس ـ إلي صاحب المكتبة وزوجته‏.‏

ومن جانبه‏,‏ اعترف الدكتور أحمد ضياء الدين محافظ المنيا بوجود قصور وثغرات في امتحانات الثانوية بالمحافظة‏,‏ مما لا يصح معه القول بأن الأمور علي ما يرام في اعتذار ضمني عما قاله من قبل عن أن كل شيء تمام في المنيا‏!‏

وفي استجابة من وزارة التربية والتعليم للشكاوي المتعددة من صعوبة أسئلة التفاضل والتكامل للمرحلة الثانية من الثانوية العامة‏,‏ قررت الوزارة إعادة توزيع درجات أسئلة هذه المادة‏,‏ وذلك في ضوء تصحيح العينة العشوائية التي شملت‏1678‏ ورقة إجابة‏,‏ حصل‏1476‏ طالبا علي نسبة‏88%,‏ بينما حصل علي‏90%‏ فأكثر‏88‏ طالبا بنسبة‏6%‏ فقط من العينة‏.‏

ونفي الدكتور يسري الجمل وزير التربية والتعليم تحديد موعد لإعلان نتيجة الثانوية العامة حتي الآن‏,‏ مؤكدا أن التصحيح سوف يأخذ الوقت الكافي‏,‏ كما ستأخذ عملية المراجعة حقها الكامل من الوقت لمصلحة الطالب‏,‏ ولن تعلن النتيجة إلا بعد استيفاء جميع عمليات التقدير والتصحيح والرصد والمراجعة بكل دقة‏.‏

وقد تابع الوزير سير امتحان اللغة الأجنبية الأولي للصف الثاني الثانوي أمس من خلال غرفة العمليات المركزية‏,‏ وتأكد من عدم وجود أي شكاوي من صعوبة الامتحان‏,‏ ووجود أخطاء به أو عدم ملاءمة الزمن المقرر للإجابة‏.‏

أما بخصوص الشكوى من إمتحان الفتاضل والتكامل فكانت النتيجة العشوايئة للتصحيح هي

إعادة توزيع درجات «التفاضل».. و٨٨% فقط حصلوا علي ٥٠%

يعني نسبة النجاح مش 95 % زي ما قالوا

والموضوع هايعدي والطلبة هما اللي هايدفعوا الثمن والمسئول هايتوه ومش هانعرف هو مين ..

بالمناسبة جابوا إمبارح واحد من مشاهير مدرسي الرياضيات في مصر وقالوا له حضرتك حليت إمتحان لاتفاضل في قد إيه ؟

قال بصراحة .. أخد مني ساعة ونصف من صعوبته ..

والإمتحان المفروض الطالب بتاع ثانوي يحله في ساعتين ..

وتحيا جمهورية مصر العالمية

[se_ Elsyed]

كنت بأتناقش أنا وصديقي هاندي كرافت في الموضوع ده .. وبأقوله إن الحل الوحيد للقضاء على ظاهرة تسريب الإمتحانات ده يتمثل في الحكمة الشهيرة اللي قالها اللمبي للقضاء على ظاهرة العيال اللي بتشم كُله تحت كوبري الملك الصالح وهي " إنهم يا يوفروا الكُله للعيال دي ... يا يشيلوا كوبري الملك الصالح وبالتالي العيال مش هاتلاقي كوبري يشموا تحتيه "

وقس على ذلك موضوع تسريب الإمتحانات ... فيا يسربوا الإمتحانات للـ 200 ألف طالب اللي بيمتحنوا اليومين دول وطالع عينهم وعين اهاليهم وبكده نحقق مبدأ تكافؤ الفرص والكل يبقى عنده الأسئلة بإجابتها .... يا يشوفوا لهم حل في موضوع التسريب المتسرسب ده ..

العيال كده هاتشحتف نفسها من العياط وتبص للسما وتقول " لو لم اكن منياوياً .. لوددت ان اكون منياوياً "

او يطلبوا حق اللجؤ السياسي لمحافظة المنيا الإشتراكية العُظمى من السنة الجاية .. وبكده لا حد يذاكر يابا ولا دروس خصوصية بألوفات ولا الاهالي تقطع من لحمها وتدي العيال دي ... ويادوب كوباية شاي وسجارة بلمونت مع ورقتين قبل الإمتحان فيهم بهاريز الأسئلة والاجوبة ... ويضمن الطالب من دول دخول كلية الطب البيطري بجدارة وأستحقاق تخلي جميع الحيوانات تحسده عليها ...

وبرضوا باقي التخصصات التانية كذلك .. واللي عايز كباب يأكل واللي عايز كفته ياكل .. واللي برضوا عايز مشكل ( كباب على كفته ولا مانع من الطرب ) مع بابا غنوج برضوا ياكل ..

صباحكوووو عنب

[se_ Elsyed]

الظاهر إن مافيش حد هنا عنده أبناء في الثانوية العامة ...

ولا أنا بالمناسبة .... لكنه مستقبل أبناء مصر اللي لازم يهمنا جميعاً ..

الحرامية لما يقعوا في بعض .. لازم يفرشوا الملايات ...

ويبقوا بالمنظر ده

لجان الثانوية العامة بالمنيا..خارج السيطرة

تسريب امتحان الإنجليزي مرحلة أولي مع الإجابة النموذجية

مواطن قام بتسليم "الأسئلة والإجابة" لمكتب النائب العام.. قبل مرور نصف الوقت

مدير المديرية بعد تجميد نشاطه: التسريب يحدث بكل المحافظات.. فلماذا نحن كبش الفداء؟

كتب أحمد عمر:

فشلت لجان المتابعة والشئون القانونية بوزارة التربية والتعليم في السيطرة علي لجان امتحانات الثانوية العامة بمحافظة المنيا التي أصبحت خارج السيطرة وتردد أنه تم تسريب ورقة امتحان اللغة الانجليزية لطلاب المرحلة الأولي ومعها الإجابات النموذجية أيضاً.

علمت "المساء" أن أحد المواطنين قام بتسليم الورقة إلي مكتب النائب العام قبل مرور نصف الوقت المخصص للامتحان وتم إثبات ذلك في بلاغ رسمي.

الغريب أن أحمد بهاء الدين مدير مديرية التربية والتعليم بالمنيا قال إن تسريب أوراق الأسئلة يحدث بجميع المحافظات وتساءل: لماذا تكون المنيا هي كبش الفداء؟!

وعلي خلفية تسريب ورقة أسئلة التفاضل والتكامل في المنيا قرر د.يسري الجمل وزير التربية والتعليم تجميد نشاط أحمد بهاء الدين مدير المديرية لحين انتهاء التحقيقات.

قال الوزير في تصريحات ل"المساء": إنه كلف حسن الشيخ المشرف علي مكتب الوزير للمتابعة بمتابعة كل أعمال الامتحانات بداية من استلام مظاريف الأسئلة وحتي توزيعها علي الطلاب. إضافة إلي متابعة رؤساء اللجان والمراقب الأول بجميع لجان المنيا وعددها 44 لجنة. مؤكداً أنه تم تغيير جميع رؤساء مراكز توزيع الأسئلة.

[Sherief AbdelWahab]

كرسي × الكلوب

فين وجهة نظر الناس التانيين-واضعي الأسئلة؟

الميديا عندنا بتبقى بتاعة الرأي والرأي الآخر لما بتجيب اللي بيدافعوا عن الفساد والإهمال والنقابيين بتوع إكليشيهات مجاذيب الحسين اللي بيعملوا بيها تلوث صوتي وعقلي.. ليه تحول واضعي الأسئلة إلى مجرمين ومعقدين نفسيين وأصدرنا عليهم الحكم دون سماع وجهة نظرهم ولو من باب العلم بالشيء..

من كام سنة اتحط سؤال غريب في امتجان لمدرسة لغات عن الطريقة اللي ممكن تسرق بيها بيت ، وطلعت اللي حاطة السؤال ودافعت عن نفسها بصراحة حتى ولو كان دفاعها عقيم ووجهة نظرها ضعيفة ، بس أهي مؤمنة باللي بتعمله حتى ولو كان غلط..

صحيح إن في سنة 89 السؤال إياه في الفرنساوي واللي يعرفه حبيب الملايين سين سين كان واضع الامتحان على درجة عالية جداً من الغرور وسوء الفهم اللي صور له إن الحصيلة اللغوية لطالب درس الفرنساوي 3 سنين بس ممكن توصل لمدى يقدر يكتب فيه قصة حياته لو تخيل نفسه كرسي ، لكن هل دة يعني إن كلهم جميعاً والحمد لله شوية سايكوهات و"موجرمييييييييين" وخونة؟

ومين السايكوهات بالضبط؟ السايكوهات اللي حطوا الأسئلة الصعبة ولا السايكوهات اللي كتبوا أسئلة في ملحق الجمهورية وأخواتها وجت الأسئلة في الامتحانات وكدة والحمد لله يبقى خرج من فئة السايكوهات؟

أتمنى قبل ما نبص على الامتحانات ، وعلى موجة السهوكة والنفاق اللي طلعت فيها صحف الحزبوطني اللي زايدت على الطلاب والوزارة والكل كليلة في محاولة لتسول مصداقية الشارع خلونا نبص على اللي حصل على مدى سنة قبل الامتحان.. وبعدها أكيد حكمنا حيتغير..

خلص الكلام

[somayasaleh]

يعني لا في مخابرات ولا ديوان رئيس الجمهورية ولا وزير تعليم يقول له سيادتك خلي الزيارة بعد الضهر او في أي يوم تاني غير أيام الإمتحان هي الشقق هاتحمض ولا العيال ساكنة في الشارع ومزنوقين قوي في الـ 14 شقة ظ

لكن نقول إيه ؟

انا بنتي كان امتحانها نفس هذا اليوم المبارك

كان الساعه 3 الظهر في الدقي.... ونحن ساكنين في 6 اكتوبر وطبعا جاءنا الخبر (الساعة الثامنة صباحا ) ان الريس مشرفنا في اكتوبر

و ان المدينة مغلقة بشكل صعب لا دخول ولا خروج ولذلك نزلنا الساعة التاسعة علشان نلحق الامتحان

وعمار يا مصر :) :) :blink:

[سكر]

فى العاشرة مساء تقول المذيعه

اتصل بها احد الاشخاص واقسم لها باغلظ الايمان انه اشترى امتحانات الثانوية العامة لابنته العام الماضى كامله

اية الى ممكن يحصل تانى بعد التهريج دة

وذكرت ان الواقعة حدثت فى الستينات وقامت اسرائيل باذاعة الاسئلة فى الراديو

[الطيار المصرى]

يا سلام....فكرتونا بأيام الثانوية العامة....اللي كانت السنة اللي فاتت بالمناسبة لاني لسة مخلص السنة الاعدادية بطب اسنان...

المهم....بالنسبة للحفظ و الفهم و الكلام ده....في المرحلة الاولي لللثانوية العامة و انا كنت في مدرسة لغات....باخد فرنساوي من اولي اعدادي....

ففرنساوي ثانية ثانوي الي حد ما كان سهل.....المهم للأسف بقولها و انا مكسوف لأني كنت عامل نفسي سبع رجالة و قلت اني عمري ما هاخد دروس في حياتي و خاصة في الثانوية العامة....و قدرت احقق الجزء الاولاني لكن اتصدمت بالحقيقة المرة و تصاعدت موسيقي موتسارات تان تان تان تااااااان....ووجدت المدروسون المنفضون و المتهالكون و المتكالبون علي الدروس الخصوصية و من لحم اولياء الامور ينهشون....اضطريت اخد درس عند مدرس فرنساوي مشهور جدا جدا في القاهرة....و كان متمكن جدا بصراحة....في المراجعة النهائية ادانا ملزمة 50 صفحة و قال الامتحان جاي من هنا....و افاجأ تاني يوم والله العظيم الاقي فعلا اني داخل الامتحان و فيه 35 درجة في جيبي....و ال15 الباقيين كانوا تبع الوثيقة اللي المدرس برده كان ادانا واحدة شبهها بالظبط و جاءت النتيجة و جبت 50....طيب ده كلام؟؟؟توقع الامتحان بالمسطرة.....

لكن برده مايجيش امتحان غريب الشكل كامتحاني التفاضل للمرحلتين الاولي و الثانية ملئ بالافكار المعقدة التي السيد الخوارزمي لحلها.....

لكن مساكين الشعبة العلمية قسم رياضة و اللي عقله دله علي كلية هندسة سوف يري ايضا ما لذ و طاب من مذهب التعقيديزم الذي يبتكره الاساتذة هناك......احد اصدقائي حكي لي علي امتحان الميكانيكا السؤال التاني فيه بيقول....انا اللاعب محمد زيدان استطاع استخلاص الكرة من الدفاع الكاميروني و مررها ارضية زاحفة بخط مستقيم ZA الي اللاعب ابو تريكة الذي وضع قدمه بزاوية مش عارف كام و عجلة سرعة مش عارف كام....يعني اسئلة الرياضة دائما ما تخلق المشاكل مدرسيا و جامعيا.....عشان كده انا حولت اتصالات...قصدي دخلت علمي علوم...

[se_ Elsyed]

بيقولك بقى يا سيدي إن 4 إتعكشوا لحد دلوقت ..

وإن المتهم الرئيسي والمجرم الأثم الغاشم طلع موظف كحيان لكن شكله سوبر مان في شركة سُكر أبو قرقاص ... وإن هو اللي ورا البلاوي دي كلها ..

خدوا بقى المفاجآة دي

الرجل بقى له 3 سنين مظبط محافظة المنيا وهو اللي بيسرب إمتحانات الثانوية العامة طازة بطازة ....

المفاجآة

كل ده بيتم بالتعاون مع شريكة عضو مجلس الشعب الحالي بالمنيا ... اللي بنته بتمحتن ثانوية هذا العام

وإن الأخ ده هربان في الإسكندرية حيث إنه عضو في فريق الشركة الرياضي وكان عندهم دورة رياضية في الإسكندرية ...

السؤال هنا بقى ... هو إزاي كانت الإمتحانات بتوصل له قبل موعدها ؟

وزغرطي يا إنعام ...

[se_ Elsyed]

جبر الخواطر عالله

تجددت أمس شكاوي طلاب الثانوية العامة في مختلف المحافظات‏.‏ وشهدت لجان الامتحانات حالات عديدة من البكاء والصراخ‏,‏ وترك ورقة الإجابة دون إجابة‏,‏ وتمزيق بعضها‏,‏ وذلك بسبب صعوبة أسئلة مادة الجبر والهندسة الفراغية للمرحلة الثانية‏.‏

وأكد الطلبة أن الامتحان يحتاج إلي وقت إضافي آخر‏,‏ نظرا لطول الأسئلة وصعوبة بعضها بشكل تعجيزي‏,‏ وحدث في بعض المحافظات صراخ وعويل من عدد كبير من الطلبة‏.‏

وقال أولياء الأمور‏:‏ إن الهدف من هذه الأسئلة هو الحد من دخول أبنائنا كليات القمة‏.‏

وعلي جانب آخر‏,‏ فجر رئيس لجنة تأليف الكتاب المدرسي في مادة الفيزياء للثانوية العامة‏,‏ الدكتور مصطفي كمال يوسف الأستاذ بكلية العلوم جامعة المنصورة‏,‏ مفاجأة مذهلة‏,‏ حيث أكد أنه حذر أحد واضعي أسئلة الامتحان قبل طباعته من صعوبة ورقة الامتحان لأن بها أجزاء جاءت من خارج الكتاب المدرسي‏,‏ وتعتمد علي المعلومات الإثرائية‏,‏ وأنه نبه إلي أن هذا الامتحان‏,‏ سوف يفتح باب الشكاوي لدي الطلاب‏.‏

وقال الدكتور طارق سلامة ـ أحد أعضاء لجنة تأليف كتاب الوزارة في الفيزياء ـ إن ما بين‏10%‏ و‏20%‏ فقط من الأسئلة جاء من الكتاب المدرسي‏,‏ ودليل التقويم‏,‏ وهما المصدران الشرعيان للاستذكار‏!‏

وفجر الدكتور سلامة مفاجأة أخري‏,‏ مشيرا إلي وجود أخطاء في دليل التقويم منذ‏12‏ عاما‏,‏ ويعاد طبعها كل عام بالأخطاء نفسها دون تصحيح‏!!‏

ومن ناحية أخري‏,‏ واصلت نيابة المنيا تحقيقاتها في قضية تسريب أسئلة الامتحانات وبيعها‏.‏

وأكد مصدر أمني أن أحد المستشارين بمحكمة النقض عقد لجنة خاصة لابنته في الثانوية العامة بمستشفي مغاغة‏,‏ وتم إلغاء اللجنة بعد نشر الأهرام الواقعة‏.‏

وقال المصدر‏:‏ إنه ليس صحيحا أن أبناء الضباط فقط هم أصحاب الحظوة‏,‏ بل هناك كثيرون مثلهم‏!

[se_ Elsyed]

جبر الخواطر عالله

تجددت أمس شكاوي طلاب الثانوية العامة في مختلف المحافظات‏.‏ وشهدت لجان الامتحانات حالات عديدة من البكاء والصراخ‏,‏ وترك ورقة الإجابة دون إجابة‏,‏ وتمزيق بعضها‏,‏ وذلك بسبب صعوبة أسئلة مادة الجبر والهندسة الفراغية للمرحلة الثانية‏.‏

وأكد الطلبة أن الامتحان يحتاج إلي وقت إضافي آخر‏,‏ نظرا لطول الأسئلة وصعوبة بعضها بشكل تعجيزي‏,‏ وحدث في بعض المحافظات صراخ وعويل من عدد كبير من الطلبة‏.‏

وقال أولياء الأمور‏:‏ إن الهدف من هذه الأسئلة هو الحد من دخول أبنائنا كليات القمة‏.‏

وعلي جانب آخر‏,‏ فجر رئيس لجنة تأليف الكتاب المدرسي في مادة الفيزياء للثانوية العامة‏,‏ الدكتور مصطفي كمال يوسف الأستاذ بكلية العلوم جامعة المنصورة‏,‏ مفاجأة مذهلة‏,‏ حيث أكد أنه حذر أحد واضعي أسئلة الامتحان قبل طباعته من صعوبة ورقة الامتحان لأن بها أجزاء جاءت من خارج الكتاب المدرسي‏,‏ وتعتمد علي المعلومات الإثرائية‏,‏ وأنه نبه إلي أن هذا الامتحان‏,‏ سوف يفتح باب الشكاوي لدي الطلاب‏.‏

وقال الدكتور طارق سلامة ـ أحد أعضاء لجنة تأليف كتاب الوزارة في الفيزياء ـ إن ما بين‏10%‏ و‏20%‏ فقط من الأسئلة جاء من الكتاب المدرسي‏,‏ ودليل التقويم‏,‏ وهما المصدران الشرعيان للاستذكار‏!‏

وفجر الدكتور سلامة مفاجأة أخري‏,‏ مشيرا إلي وجود أخطاء في دليل التقويم منذ‏12‏ عاما‏,‏ ويعاد طبعها كل عام بالأخطاء نفسها دون تصحيح‏!!‏

ومن ناحية أخري‏,‏ واصلت نيابة المنيا تحقيقاتها في قضية تسريب أسئلة الامتحانات وبيعها‏.‏

وأكد مصدر أمني أن أحد المستشارين بمحكمة النقض عقد لجنة خاصة لابنته في الثانوية العامة بمستشفي مغاغة‏,‏ وتم إلغاء اللجنة بعد نشر الأهرام الواقعة‏.‏

وقال المصدر‏:‏ إنه ليس صحيحا أن أبناء الضباط فقط هم أصحاب الحظوة‏,‏ بل هناك كثيرون مثلهم‏!

[جويرية]

هوه نظام الثانوية ده بالكلمل عايز يتغير

هوه عامل زي لعبة الكراسي الموسيقية ، الكل بيجري عشان يلحق مكان

طيب ما هيا الأماكن مفروض انها موجودة ومش محتاجة للجري

و المفروض يبقي طلب العلم للعلم مش عشان الشهادة

فليا ثلاث أقتراحات ممكن يحلوا المشكلة

1- ألغاء مجانية التعليم المفروض تتلغي المجانية في جميع المراحل

بس ممكن نبدأ بالغاء المجانية في الجامعات

ده كدة حيخلينا نخفف نصف الناس - علي الأقل - اللي داخلين مارثون الثانوية العامة

2- نييجي للنص التاني

يبقي كل كلية طاقتها الأستيعابية مثلا 1000 طالب - يبقي تعمل أمتحان و ينجح فيه أكبر 1000 مجموع

3- بقية الطلبة مفروض يروحوا تعليم فني بس يكون التعليم ده مرتبط بالعمل - يعني مش حفظ و خلاص

- يعني مثلا مصنع غزل و نسيج يبقي فيه طلبة بتدرس غزل و نسيج لمدة 3 سنين و بتشتغل في نفس الوقت في المصنع

وكمان يبقي فيه احترام للعمل اليدوي و منظهرش الصورة دايما انهم اقل من المؤهلات العليا

لأن طالب التعليم الفني ده بيقعد يدرس 12 سنة او 14 سنة في حياته و ده كم مش قليل برده - بس المهم نديهم حاجات مفيدة -

- مشكلة فظيعة أن داكترة جامعة و أساتذو مربين يضطروا يحطوا أمتحانات بالشكل التعسفي ده - عشان يضطروا يقللوا نسبة المجاميع ، و لا في اعتبار للطلبة المساكين

الأولاد بيصابوا بأمراض نفسية فظيعة

ظلم ..........

[se_ Elsyed]

الله يكرمك يا جويرية ما تتكلميش عن التغيير احسن حد يسمعك ...

دول كانوا بيناقشوا إنهم يغيروا نظام دخول الجامعات عشان يبيقى

بالمجموعة + إختبار هيئة لدخول الجامعة

وما أدراك ما أختبارات دخول الجامعة

يعني احلى صواني .... وبالباشمل كمان ... والل عنده ضهر يدخل أجدعها جامعة ... وولاد الغسالة - مع الإعتذار لصاحب المصطلح .. أخويا حشيش - دول ندخلهم بقى إقتصاد منزلي او الجامعة العمالية ... وخلي بقى الكليات تبقى كلاس ونضيفة وريحتها حلوه .

بالنسبة لإلغاء مجانية التعليم ....

ممكن نفتح موضوع تاني بهذا الخصوص

[جويرية]

أمبارح فريت خبر أن طالبة في الثانوية العامة اسمها ميرهان تقريبا انتحرت رمت نفسها من الدور السادس

مش حرام عليهم اللي بيعملوه في الناس ده

لغاية أمتي حنفضل كدة ؟؟؟؟؟؟؟؟؟؟