اذهب إلى المحتوى
محاورات المصريين

تكاليف البناء حاليا بالقاهرة بعد ارتفاع الاسعار....؟؟؟؟؟


Recommended Posts

اخواني الاعزاء اعضاء المنتدى

السلام عليكم و رحمة الله و بركاته

ارجو منكم النصيحة........عندى قطعة ارض و كنت ارغب في بناء الهيكل الخرساني. اعرف ان الاسعار زادت بشكل كبير مؤخرا. ارجو من اصحاب الخبرة التكرم بالافادة حول الاتي:

1- التكاليف التقديرية للمتر المكعب من الخرسانة المسلحة حاليا.

2- في حالة الاتفاق على نظام المونة و الاجرة .. كم تكون النسبة التى ياخذها المقاول كربح؟

4- المبنى مكون من بدروم و ارضي و دورين و مساحة الدور الواحد حوالى 400 متر .. كم تكون تكلفة البناء التقديرية للهيكل الخرساني؟ (هل هناك طريقة لتقدير التكلفة بمعلومية المساحة و ليس المتر المكعب؟)

اشكركم كثيرا و ادعو الله سبحانه و تعالى لكم جميعا بالسعادة و التوفيق ....

و السلام عليكم

رابط هذا التعليق
شارك

ارجو من الاخوة الاعزاء من المهندسين و المقاولين التكرم بالمساعدة و اللا يبخلوا علينا بهذه المعلومات و جزاكم الله كل خير....

رابط هذا التعليق
شارك

اخى الكريم السلام عليكم

متر مربع الخرسانه يتكون من :-

125 - 150 كيلو حديد مسلح

300 كيلو اسمنت

طن رمل

زبه ظلط

والعماله من 80 - 100 جنيه فى المتر

ده على قد معلوماتى المتواضعه جدا فنامل ان يساعدك بالاجابه الشافيه الاصح من ذلك اهل الخبره من المهندسين والمقاولين

والله الموفق

رابط هذا التعليق
شارك

انا عندي قطعة ارض في التجمع الخامس لكن مساحتها مش كبيره والبناء فيها على 180م مربع فقط

وانا كنت سألت مهندس صاحبي وشغال في المقاولات وهو حسبهالي وممكن انت يعني تضرب الحسبه في اتنين

الحفر 3000ج

خرسانه عاديه(16.5م مكعب) 4200جوهي تحتاج

12م مكعب زلط*100ج

6 رمل*30ج

5 طن اسمنت* 520ج عماله حوالي 200ج يبقى مجمعهم زي ما قلت في الأول 4200

نيجي بقى على الخرسانات المسلحه للأسقف والقواعد والأعمده

ملحوظه : البناء بالنسبه ليا لبدروم وارضي وثلاثة ادوار متكرره

القواعد: 60م مكعب

الأعمده : 35م مكعب

الأسقف : 170م مكعب

=265م مكعب

ودول يحتاجوا الأتي

230م مكعب زلط* 100ج=23000

120م مكعب رمل *30ج=3600

93 طن اسمنت*520ج =48360

31 طن حديد* 6200ج = 192200

والعماله حوالي 12000

المباني( تقفيل طوب)

طوب 75الف*350ج =26250

اسمنت 19 طن * 520ج =9880

رمل 50م *30ج =1500

وعماله حوالي 6000 او اكتر شويه

وبكده يبقى المجموع حوالي 329990 ج تقريبا

وده لبناء مساحة 180م للبدروم والأرضي و195م للأدوار الثلاثه الباقيه

بدون اي تشطيبات داخليه او خارجيه او كهربا او--------------------

يعني مسلح ومتقفل طوب

ويارب اكون افادتك

معلش انا مش عندي معلومات اكتر من كده وان شاء الله نكون جيران

هي ارض حضرتك فين في التجمع؟

رابط هذا التعليق
شارك

الاخوة الاعزاء هشام و فيصل... اشكركم كثيرا على ردودكم و ربنا يكرمكم و يبارك لكم في مشاريعكم ان شاء الله.

اعتقد ان سعر الحديد زاد عن ال 7000 جنيه.. علشان كده لازم الواحد يعمل حساب الزيادة الدائمة في الاسعار و يمكن المبنى يكلف 20 او 30 % زيادة عن ما كنت مخطط له.

احد اصدقائي قال لي ان سعر المتر المكعب خرسانة مسلحة حيكون حوالى 1100 الى 1200 جنيه .. يا ريت حد من الاخوة المهندسين ياكد لنا ده.

اشكركم. و ربنا يكرمنا جميعا ان شاء الله.

رابط هذا التعليق
شارك

لا شكر على واجب ونامل بان يؤكد لك احد الخبراء او المتخصصين فى مجال الانشاء والتعمير صدق معلومتك من مخالفتها للواقع وتحياتى لك والله الموفق

رابط هذا التعليق
شارك

السلام عليكم و رحمة الله و بركاته

انا اشتريت شقة فى شهر سبتمبر 2007 و كنت عايز اعرف تمنها ممكن يكون زاد اد ايه بسبب زيادة الحديد و الاسمنت و باقي مستلزمات البناء.

فأرجو من الاخوة المتابعين لاسعار مواد البناء يفيدونا

يعنى لو شقة مساحتها 100 متر تمنها يزيد اد ايه من شهر سبتمبر الماضى حتى الان؟

و السلام عليكم و رحمة الله و بركاته

رابط هذا التعليق
شارك

==============================================================================

في البداية ربنا يكون في العون

بالنسبة للمتر المكعب كان يترواح مابين 900 إلى 950 جنيه أيام ماكان طن الحديد ب 4000 جنيه

وبالتالي فاعتقد ان المتر دلوقتي ميقلش عن 1400 لأنك مش ممكن تحسب متر المكعب دلوقتي على نسبة زيادة سعر الحديد فقط

دا حتى العمال سعر الوردية زاد مابالك بالأسمنت والرمل ...الخ

تحياتي

:

:

255374574.jpgوَلا تَحْسَبَنَّ اللَّهَ غَافِلا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ[/227576612.jpg

--------------------

رابط هذا التعليق
شارك

السلام عليكم و رحمة الله و بركاته

مازلت فى انتظار الرد من الاخوة ذو الخبرة فى اسعار مواد البناء

و جزاكم الله خيرا

يا أستاذ كيند مان

حضرتك زي اللي بيقول : أنا عندي عربية من 3 سنين ... تفتكروا تسوا كام دلوقت ؟

لإن عشان حد يفيدك لازم يعرف موقع الشقة ومساحتها وتشطيبها ... إلخ

وأتفق مع رأي الإخوة في تكلفة المتر المكعب من البناء لن يقل عن 1400 ج بعد تلك الزيادة الخرافية في أسعار مواد البناء وما يتبعها من أجور العمالة المُنفذة أيضاً ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

السلام عليكم و رحمة الله و بركاته

شكرا جزيلا للاخ doofy على مداخلته.

استاذ السيد: انا زى ماقولت مش عايز اعرف الشقة تساوي كام دلوقتى . انا بس عايز اعرف الزيادة فى تمنها نتيجة زيادة اسعار مواد البناء و ده بيعتمد فقط على مساحتها بغض النظر عن موقع الشقة ومساحتها وتشطيبها.

الاخ الفاضل doofy افادنا ان المتر المكعب من الخرسانة تمنه زاد بحوالى 500 جم

و بناء على الحسابات اللى ذكرها الاخ هشام نقدر نقول ان الشقة اللى مساحتها 100 متر تحتاج حوالى 37 متر مكعب خرسانة (265/180/4)*100 (هل من تعقيب على هذه الحسبة البسيطة؟)

و بالتالى تكون الزيادة فى تمنها حوالى 18.5 الف جم و ده نتيجة الزيادة فى تمن الخرسانة فقط

و بالمثل ممكن نحسب الزيادة نتيجة زيادة اسعار مواد البناء الاخرى مثل الطوب و الرمل و العمالة و ايضا الزيادة فى حفر الاساسات.

فهل ممكن من الاخوة الافاضل اصحاب الخبرة يفيدونا بكلمة نهائية . يعنى الشقة اللى مساحتها 100 متر تمنها يزيد اد ايه بسبب زيادة كل مواد البناء و ليس الخرسانة فقط؟

و مرة تانية, انا مش باسال على تمنها, انا باسال على الزيادة فى تمنها.

شكرا جزيلا و جزاكم الله خيرا

رابط هذا التعليق
شارك

بيقولو أحمد عز نزل أسعاره فى الجرايد وطلع بيبيع ب 5700, بس التجار بيبيعوا بمكسب 2000 جنيه,فى ناس راحو يشترو منه ,مخازن عز رفضت إلا للتجار المعتمدين

Nunca caminaras solo

رابط هذا التعليق
شارك

  • بعد 9 سنة...

انا بانى من شهرين دور فى العائلى فى الشروق مساحته 165 متر   والمهندس له نسبة اشراف 6% من حجم الاعمال المنفذة والسقف فلات سلاب  متكلف عماويد وسقف وطوب كامل حوالى 115 الف جنيه.... وقبل التعويم كنت بانى دور اخر نفس المساحة ونسبة المهندس 6% والسقف فلات سلاب   كان متكلف حوالى 75 الف جنيه

تم تعديل بواسطة ابوزياد المصرى
رابط هذا التعليق
شارك

  • بعد 3 شهور...
  • بعد 9 شهور...
On 10/5/2017 at 2:24 PM, Guest عادل said:

عندي قطعط ارض 200 متر مربع عاوز ابنيها مع عمايل لبشه تفتكروا تتكلف كام.دلوقتى ارجو ا الرد وجزاكم الله خيرا

 

السلام عليكم ماذا فعلت اخى الكريم 

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...