أحصائية توضح انواع المحاورون المواطنين قلة واكثرهم متفرجون !!!!

[badroora]

لو حظ فى الاونة الاخيرة الاتى ......

وبناءا على ذلك تم التصنيف لانواع الاعضاء

اعضاء باب المغتربين وخصوصا كندا وماشبه ذلك ...

فعلا واخدين جانب المغتربين ومش بيشاركوا معانا فى باقي المواضيع منعزلين عننا .

هل يصح نبقي موجودين فى مكان واحد وغرباء ومنعرفش بعض ؟

اللى بيدخل فقط يسال اللى عاوزة يساله وبعد كدا وش الضيف !!

النوع الثانى المواضيع الخفيفة

يا الله !!! مافيش موضوع هايف سورى لاستخدام كلمة هايف دي بس هو دا التعبير اللى فى دماغى تلاقي

كل الناس نزلت بكل قوتها واستجابت للموضوع .........

اهو دا معناه حاجة من الاتنين

يا ناس احبطت وخلاص مبقاش عندها طاقة للمواضيع الجد .....

وبقت بس عاوزة ترفيه ......ومش عاوزي غم .........

الموضوعات الجادة ..

اى موضوع يمس البلد او اى تعديل نرى تكاسل وتباطيء فى المشاركة والمساهمة لوجود حلول

اما لو موضوع فيه بدون ذكر اسماء والامثلة كثيرة نلاقي الناس كانهم مجاهدين والردود حاضرة بكل قوة

ونشاط .

هدي الاسلام

لو موضوع عادي محدش بيشترك ..!

اما لو موضوع فيه خناقات ومشاحنات كل الناس تجري على الجهاد

والمشكلة فى النهاية مش بنطلع براى صحيح لان كل الاراء بتوه وسط الانفعالات والشحونات والناس بتختلف

اكتر ما بتتفق.

انواع الاعضاء

كل واحد على حسب ميوله وهو داخل ليه .......

فى ناس بتشترك فى الحوار للتشتيت .......

وفى ناس للتسقيف ....

وفى ناس تستغل المواضيع لتوصيل رسالة بين السطور وكأن الناس مش فاهمة .....

فى ناس بستعرض .........

وللاسف كل الانواع دي بتسيء للحوار الصحي اللى ممكن نطلع منه براى صحيح .

انواع تانية

تشارك فى الموضوع على حسب كاتبه ...........هو ايه المهم مضمون الموضوع ولا كاتبه ؟

ناس تخشي الكتابه لمحدش يحترم رايها او يتجاهله .............. هنا المسئولية تقع على كاتب الموضوع

المفروض يدير موضوعه وكانه المشرف عليه ......

وهنا المتفرجون اللى عدادهم دائما يزيد عن عدد المشتركون الفعليون.........

اللى دفعنى اكتب الكلام دا هو تعشم استاذ عادل وابو محمد فينا اننا ممكن نغير وممكن يكون لنا دور

ايجابي , ازاى هنقدر نغير واحنا مش متفقين هنا على المحيط الصغير

كل شيء مطلوب فى الحياة

الضحك مطلوب وليه فوائد عظيمة جدا ......

المواضيع الخفيفة مطلوبة اوى للتجديد ..........

الدينية للتهذيب ..........

والجد للتعديل ...........

يعنى جميع المواضيع لا نستطيع الاستغناء عنهم .........

بس مش المفروض نعطى لجزء حق اكبر على حساب باقي الاجزاء .......

لو بنعتبر المكان دا منصة بتدينا مساحة حرية التعبير والكتابة وتوصيل رساله معينه ..... يبقي اللى احنا

بنعملة دا

مش صح وبنوصل رسالة غير مكتملة .........لان فى ناس بتعانى وناس مخنوقة وناس بتنتحر واحنا

هنا اغلبيتنا مشغولة بالضحك وكثرة الضحك تميت القلب ........

هذه دعوة لا اعلم هل انا صاحبة الحق فى الدعوة اما لا ولكنى جوايا طاقة وهى اللى بتدفعنى

بليز تعالوا نعلوا عن مستوى الخلافات الشخصية

تعالوا نهتم بالجد شوية يمكن نقدر نغير شيء ولو مقدرناش ممكن غيرنا يقرا كلمنا ويعمل به

واتمنى فعلا ان نكون مواطنين مواطنين مواطنين وليس متفرجين ابدا ابدا

يلا نضم ادينا فى ايد بعض ونتصدي كل شيء يفرقنا .......

ويمكن نقدر نغير شيء ........

تحياتى

بدرية مكاوى

تم تعديل 21 أبريل 2008 بواسطة Badria Mekkawy

[جويرية]

أنا بسرعة حرد اول واحدة :lol:

السبب في مشاركتي في المنتدي ده عشان احس اني مسافرة أيحاء كدة :lol: يعني زي واحد راكب العربية و هيا واقفة و حاسس ان هوه ماشي

و عشان كمان اخد فكرة عن الدنيا برة مصر عاملة ازاي

بس اللي شايفه ان محدش مرتاح كل مكان فيه عيوبه

[حسام يوسف]

السلام عليكم

كالعادة تصفيق حاد لنوارة المحاورات بدرية المكاوى

انا فكرت فى نفس الموضوع انى اكتبة

لكن انتى سبقتى كالعادة

عمرك أطول من عمرى

ويا ريت نحلل (الملاحيظ) دى :lol:

ونتعلم منها

انا اكتر حاجة مضايقانى

تلاقى موضوع معين قراءتة من 100 واحد

وبيشارك 3

ازاى؟

مش لازم يبقى فية نسبة

حتى لو 25% ترد

تم تعديل 21 أبريل 2008 بواسطة حسام يوسف

[~Heba~]

يا سلام عليكى يا بدرية دايما مشتتانا بين مواضيعك من هنا لهنا

من موسوعة النكت للموضوعات الجادة للموضوعات الشخصية

بس و الله عندك حق فى كل كلمة

بس يا بدرية فيه ناس مستوها الثقافى و سنها لا يسمح لها بأن تشارك فى المواضيع فى المواضيع الهزلية جدا لكن بيشاركوا احيانا فى الموضوعات الخفيفة بالشكل اللى بيناسبهم

اتذكر انى زمان نشرت موضوع خفيف ظريف وشرفنى بالمشاركة فيه استاذنا الكبير الافوكاتو بطريقة ظريفة

اما عن باب المغتربين فإحنا عارفين ان ناس كتير مسجلة فى المنتدى مخصوص عشان يسألوا فيه عن حاجات بخصوص الهجرة وخصوصا لكندا

لو موضوع عادي محدش بيشترك ..!

اما لو موضوع فيه خناقات ومشاحنات كل الناس تجري على الجهاد

طيب هو المفروض الموضوع العادى الناس تشارك تقول فيه ايه؟؟؟ مشكور او جزاك الله خير زى المنتديات التانية

بس احنا المفروض هنا محاورات

ايه تانى؟

آه

وفى ناس للتسقيف ....

دى معناها ايه :lol:

فى ناس بتشترك فى الحوار للتشتيت .......

فعلا فيه نماذج زى كده انا قابلتهم ....

بس يا بدرية انتى شايفانى انا من اى نوع :lol:

بينى و بينك انا بحاول اقول اللى فى قلبى بس احيانا التعبير بيخونى :sad: ...سامحوه مكنش قصده

تم تعديل 21 أبريل 2008 بواسطة ENG.Heba

[badroora]

أنا بسرعة حرد اول واحدة :lol:

السبب في مشاركتي في المنتدي ده عشان احس اني مسافرة أيحاء كدة :sad: يعني زي واحد راكب العربية و هيا واقفة و حاسس ان هوه ماشي

و عشان كمان اخد فكرة عن الدنيا برة مصر عاملة ازاي

بس اللي شايفه ان محدش مرتاح كل مكان فيه عيوبه

لا الغريب مرتاح ولا اللى فى البلد مرتاح لانها نسبة وتناسب .

برة تلاقي المال بدون راحة بال

جوة لا مال ولا راحة بال :lol:

تم تعديل 21 أبريل 2008 بواسطة Badria Mekkawy

[badroora]

اعزائى حسام وهبة

هو طبعا لا اكراه فى المشاركات بمعنى مش شرط اللى يقرا الموضوع ملزم انه يشارك فيه ..

ممكن ناس تحس انها مش هتضيف شيء او مش عاوزة ترد لاسباب تتعلق بالشخص نفسه ..

ومش هنجبر الناس انها تتفاعل معنا او مع المواضيع المطرحة ...

لكل عضو مطلق الحرية فى المشاركة ..

ولكن الغريب هو ميولنا واهتمامتنا اصبحت فى اى اتجاه .

ولما ننادى بالتغير يبقي لازم نبدا بنفسنا .

على فكرة يا هبة

مش شرط السن

عندك مثلا احمد فرحات معرفش تخدى بالك منه ولا لاء دا بقي انا صدمت لما عرفت انه 22 سنه فقط .

اسلوبه ثقافته كلامه تحليله للمواقف انا 30 سنه بتعلم منه فاللى عاوزة اقوله مش شرط السن .

وزى ماقولت يا هبة كله مطلوب شوية جد شوية لعب شوية هزار ... يعنى نوع من انواع الموازنه

موضوع بقي انتى من انهى نوع

انتى الوحيدة اللى تقدرى تحددى انتى ايه .

بخصوص الاسلوب

بالوقت وواحدة واحدة هتلاقي نفسك بتتغيرى

اسالى ابو محمد انا اسلوبي كان مثالى قد ايه اول ماشتركت معاهم .....كنت نسمة هوا طايرة :lol: :sad:

حد يقول غير كدا......... :lol:

تم تعديل 21 أبريل 2008 بواسطة Badria Mekkawy

[Nina Hussien]

كأنك عزيزتي قلت ما يجول في صدري

أول انطباع أخذته هنا في المنتدى انه "منتدى القراءة للجميع " ففيه تجدي عدد القراءات لا يتناسب مطلقا مع عدد المشاركات.

فأنا مثلا أكتب الآن و عدد القراءات في هذا الموضوع 106 و المشاركات 5 !!! و هذا لأنه منتدى جاد ... حتى قاعة الترفيه و المرح موضوعتها تختلف عن المنتدايات الهزلية، لذا تجد نوعية الناس هنا مختلفة قليلا.

فهل هو يأس من الكلام أم تعب من الكلام أم فراغ داخلي من عدم جدوى الحديث ؟ هل هو انعكاس لنا في المجتمع بعد ان تعبنا و انبح صوتنا فوجدنا أن لا فائدة ترجى ؟!

عموما حتى الجدل من أجل الجدل كي يفتح أفق جديدة للحوار و نقاط أكثر للنقاش قد تفيد الغير ... لكن هذا الصمت الشديد لا يجدي شيء

تم تعديل 22 أبريل 2008 بواسطة Nina Hussien

[deemuck]

عدد القراءات لا تحسب فقط من الاعضاء ضعي في الاعتبار ان الزوار قد يكونوا اعضاءا او مارة على الانترنت.

فهل هو يأس من الكلام أم تعب من الكلام أم فراغ داخلي من عدم جدوى الحديث ؟ هل هو انعكاس لنا في المجتمع بعد ان تعبنا و انبح صوتنا فوجدنا أن لا فائدة ترجى ؟!

الواضح لدي ان معظم الاعضاء من المغتربين. اما من يعيشون على ارض الواقع فهم يتكلمون بصفة عامة في عملهم ، في الشارع ، مع اصدقائهم ، ، الخ. لكن يا حسرة على المغترب اللي اكثر شيء يعمله يكلم نفسه ويعرف اخر الاخبار من على الانترنت بدون تفاعل مع ارض الواقع.

[vipwithyou]

مش انا بأقول دايما ً مواضيع بدرية من العيار التقيل

فعلا موضوع كويس تحليل شخصيات المشاركين

انا عن نفسى بأشوف المواضيع ومن العنوان بأدخل الموضوع أو لا

يعنى بأحس اذا كنت هأقدر أضيف أو أستفيد فى الموضوع دة ولا لا من عنوانه

يعنى مثلا باب الشعر والأدب انا ماليش فيه طبعا ً بيعجبنى الشعر لكن سماع فقط يعنى مش هأقدر أضيف فى الباب دة أو ضغوط الحياة مخليانى معنديش وقت أقرأ شعر

لكن لم حضرتك نزلتى خواطر تقريبا ً وكانت فى باب الأدب من غير ما آخد بالى انه فى الأدب دخلت من العنوان وبجد عجبنى ورديت فيه

بالتالى العنوان هو اللى بيشدنى أشارك او لا

مواضيع البلد انا فعلا ما أقدرش أضيف فيها يمكن لان اهتماماتى حاليا ً هى حياتى الشخصية والاقتصادية لكن ربما لما استقر اقدر يبقى ليا دول فى الحياة السياسية مين عارف

فى ناس معينين أول لما بأشوف لهم موضوع بأدخله أيا ً كان موقعة فى الأبواب

اما حكاية السن دى عمرها ما كانت مقياس

وعدد الناس اللى بيشاهدوا المشاركات ونسبة بسيطة منهم اللى بتشارك متهيألى ان اللى بيشاركوا هما بس اللى بيكون عندهم معلومات فى الموضوع او يقدروا يضيفوا او يعقبوا عليه

بس

اجرى انا بقى

[النجم الثاقب]

بس يا بدرية فيه ناس مستوها الثقافى و سنها لا يسمح لها بأن تشارك فى المواضيع فى المواضيع الهزلية جدا لكن بيشاركوا احيانا فى الموضوعات الخفيفة بالشكل اللى بيناسبهم

اما عن باب المغتربين فإحنا عارفين ان ناس كتير مسجلة فى المنتدى مخصوص عشان يسألوا فيه عن حاجات بخصوص الهجرة وخصوصا لكندا

طيب هو المفروض الموضوع العادى الناس تشارك تقول فيه ايه؟؟؟ مشكور او جزاك الله خير زى المنتديات التانية

بس احنا المفروض هنا محاورات

فهل هو يأس من الكلام أم تعب من الكلام أم فراغ داخلي من عدم جدوى الحديث ؟ هل هو انعكاس لنا في المجتمع بعد ان تعبنا و انبح صوتنا فوجدنا أن لا فائدة ترجى ؟!

انا عن نفسى بأشوف المواضيع ومن العنوان بأدخل الموضوع أو لا

يعنى بأحس اذا كنت هأقدر أضيف أو أستفيد فى الموضوع دة ولا لا من عنوانه

بالتالى العنوان هو اللى بيشدنى أشارك او لا

وعدد الناس اللى بيشاهدوا المشاركات ونسبة بسيطة منهم اللى بتشارك متهيألى ان اللى بيشاركوا هما بس اللى بيكون عندهم معلومات فى الموضوع او يقدروا يضيفوا او يعقبوا عليه

أعتقد الاعضاء الكرام قالوا كل اللى كنت عايز اقوله ..... معنديش جديد أضيفه :lol:

[magedghonim]

طبعا زي ما الاخت بدرية عودتنا دايما

مواضيع في الجون

بس انا رأي ان عدم المشاركة له اسبابه

ممكن عدم وجود افادة في المشاركة نفسها

يعني مفيش حاجة مهمة تتقال "فليقل خيرا او ليصمت"

طبعا دة لو موضوع جاد

وممكن كمان ضيق الوقت يعني مش معقول هنقرا ونرد في كل المواضييع

وبتهيالي دة عامل مهم بالذات للناس الي وقتها ضيق ودوامها كبير

بالنسبة للمواضييه الخفيفة والمرحة المشاركة مطلوبة وبتتوقف على خفة الدم

ودة برضه شيء مش ملزم

عموما

القراءة في حد ذاتها مشاركة ومشاركةمهمة لاني الي هيقرا مسيره هيكتب اكيد

يريت يبقى في احصائية تقولنا هل معدل القراءة بيزيد لكل محاور هنا ولا الموضوع ماشي ازاي

وبكدة نقدر نعرف هل المواضيع المطروحة مناسبة وبتشد الناس ولا لأ؟؟؟؟

شكلي طولت .....سلام

[امانى]

موضوعك كالعادة يا بدرية رائع ككل مواضيعك

انا هتكلم عن نفسى

انا بقرا كتير فى مواضيع مختلفة ولكن مشاركاتى قليلة وده يرجع لاسباب كتيرة منها

احيانا اجد ان ردى لن يضيف اكثر ما قيل فى الموضوع من باقى المحاورين والمحاورات فأكتفى بالقراءة

احيانا اخرى اجد نفسى عاجزة عن الرد لأنى لو رديت سأرد بتلقائية شديدة ممكن ينتج عنها رد ميعجبش صاحب الموضوع فبفضل عدم الرد

احيانا اخرى اجد تجاهل صاحب الموضوع لردى اكثر من مرة فأعزف عن الردود فى موضوعاته واكتفى بالقراءة فقط دون المشاركة طالما

يعجبنى مواضيعه

احيانا ظروفى وانشغالى تمنعنى من الدخول للمنتدى ايام وارجع الاقى مواضيع كتيرة مكتوبة ومفيش وقت علشان اقرأها كلها فبكتفى

بمواضيع منها ارد عليها والباقى اقرأه فقط

اما الموضوعات الخفيفة ليه بتشدنا اكتر من أى مواضيع فده راجع لرتم الحياة السريع والجو المتأزم الذى نعيشه الان فى مصر فبنحاول

نخرج شويه من همومنا وبقول لكل المغتربين الغربه اصعب لما تحسها وانت فى بلدك مش فى بلد الاخرين

بدرية انا قلت فعلا اللى بحسه وبعمله ياترى انت شيفانى من أى نوع وبدون مجاملة حتى اتدارك عيوبى وأصلحها؟

امانى

[shawshank]

تلاقى موضوع معين قراءتة من 100 واحد

وبيشارك 3

ازاى؟

مش لازم يبقى فية نسبة

حتى لو 25% ترد

معلش ملحوظة غلسة مني :unsure:

بتعرف ازاي انهم 100 واحد ؟

100 ده عدد القراءات وليس عدد القراء . لا توجد إحصائيات عن عدد القراء .

[badroora]

الاخوة الاعزءا ......... نينا - ديم مق - تامر - امانى - مجدى غنيم - النجم الثاقب .

كل واحد فيكم قال على الاسباب التى قد تكون السبب فى عدم المشاركة فى المواضيع الجادة.

نينا قالت ........ الاحباط .

تامر ......... قال الانشغال وقلة الوقت .

مجدى ........... قال ضيق الوقت .

النجم الثاقب ......... موافقهم فى الراى .

ديم مق ......... قال ان عدد القراء مشترك بين الاعضاء والزوار .

أمانى ......... قالت بتحس ان رايها مش هيضيف شيء .

لاء يا امانى مش صح انت حاولى وقولى وجهة نظرك اى تغير بيبدا بفكرة واحنا هنا مش بنقيم الاراء ومين الصح والمين الغلط .

احنا بنعبر بنطلع الطاقة اللى جوانا وربما ياتى اليوم اللى يمكن يكون لنا دور فعال .وان لم ياتى فكفينا شرف المحاولة ويمكن غيرنا

يا خد كلامنا ويعمل به .

ممكن تكون حكومتنا عندها تاخر فكرى وصعوبة فى التفكير احنا بقي نحط افكارنا وهما ممكن يخدوا بها .

بس المهم اننا نتكلم نتحاور نعبر بدون خجل او التلقيل من راينا .

ثم يعنى ازاى بتحكمى على راى اللى قدامك انه هو الصح ...........

اكتبي يا امانى ومش تتكسفي

دكتور شاوشنك

تبقي مصيبة لو مكنش كمان حد بيقرأ وان واحد بس هو اللى قرا الموضوع 7000 مرة :unsure:

تم تعديل 21 أبريل 2008 بواسطة Badria Mekkawy

[Nina Hussien]

عدد القراءات لا تحسب فقط من الاعضاء ضعي في الاعتبار ان الزوار قد يكونوا اعضاءا او مارة على الانترنت.

فهل هو يأس من الكلام أم تعب من الكلام أم فراغ داخلي من عدم جدوى الحديث ؟ هل هو انعكاس لنا في المجتمع بعد ان تعبنا و انبح صوتنا فوجدنا أن لا فائدة ترجى ؟!

الواضح لدي ان معظم الاعضاء من المغتربين. اما من يعيشون على ارض الواقع فهم يتكلمون بصفة عامة في عملهم ، في الشارع ، مع اصدقائهم ، ، الخ. لكن يا حسرة على المغترب اللي اكثر شيء يعمله يكلم نفسه ويعرف اخر الاخبار من على الانترنت بدون تفاعل مع ارض الواقع.

مش عايزة أقول لك خالي ايدك في الماية لحسن الدنيا هنا مولعة ناااااار

من 10 سنوات كنت حين أحادث من في الغربة أقول لهم عودوا البلد أولى بكم و أنتم أولى بها ...

أما الآن فدائما أقول لمن يفكر في العودة " أوعى ترجع لتندم يا جميل"

كل من أعرفهم يعيشون خارج مصر حتى لو في ليبيا و يرجعون في أجازات يفزعهم ما وصلت إليه الأمور في مصر.

حتى العرب حزنوا و تحسروا على حال بلد أحبوها و بدأوا الانسحاب من قضاء أجازتهم هنا و الاتجاه للبنان و تركيا !!

احنا بس اللي قلبنا ميت و مش خايفين على بلدنا

" أعتذر بدرية لو خرجت من الموضوع الأصلي ... إعتبريه فاصل و نعود :lol: "

[عادل أبوزيد]

موضوع يرجع إلى ثلاث سنوات مضت و هو عن حالة مدى تفاعلنا مع ما نكتب و يكتب هنا فى محاورات المصريين.

ما سبق كان إستهلالا لابد منه

أولا الموضوع كتب قبل ثورة 25 يناير و أميل إلى أن عدد من وجهات النظر ممكن تتغير الآن مثل رأى أحد الفضليات فى الإغتراب فقد لاحظت منذ قيام الثورة سواء على مستوى المشاركة فى محاورات المصريين أو المحاورات الطبيعية فإن عدد ممن أعرفهم تراجعوا عن فكرة الهجرة أو فكرة الخروج خارج مصر.

و ألاحظ هنا زيادة النشاط فى الموضوعات الجادة و السياسية على حساب الموضوعات الخفيفة مثلا بل أن هناك أبواب تكاد تكون توقفت منذ الثورة.

[عادل أبوزيد]

أود أن أضيف أنه أضيفت خاصية تبين أسماء الأعضاء الذين تصفحوا الموضوع و تلك الخاصية لم تكن موجودة من قبل.

[شرف الدين]

أود أن أضيف أنه أضيفت خاصية تبين أسماء الأعضاء الذين تصفحوا الموضوع و تلك الخاصية لم تكن موجودة من قبل.

شكرا استاذ عادل على هذا المنتدى الرائع ...

لماذا لا نراك كثيرا هنا في المحاورات ... فمثلك ممن تسلح بخبرة الزمان .. هو أكثر من نحتاج إليه في هذه الفترة العصيبة التي تمر بها بلادنا

[أمل حياتي]

استاذي عادل أبوزيد .....

أضم ضوتي الى صوت ونداء أخي الفاضل شرف الدين

بأن تطل علينا أكثر وأكثر .....

[نورالعين]

حسب رأي كاتبة الموضوع

فعلا كل شئ تغيربعد الثورة

وطبعا هذا هو التغير الطبيعي بعدم أصبحت السياسة كل حياتنا في هذه الأيام

لكن لى ملاحظة لطاقم الاشراف

أقسام المنتدي كثيرة جدا حتى أنني لا أحاول تصفحها

وأكتفي فقط باخر المواضيع

لو أمكن ضم بعض الاقسام ليكون التصفح أسهل

او اضافة خاصية (جديد اليوم)

والتى لا تكتفي فقط بالمجموعة التى نراها في الصفحة الرئيسية

بل تكون كل مواضيع اليوم جميعها مجمعة بعدة صفحات

تحياتي للجميع