اذهب إلى المحتوى
محاورات المصريين

الطب فى أستراليا


Recommended Posts

أنا طبيب مصر فى أستراليا ومستعد لتقديم أى نصيحه لو في أى طبيب عايز يعرف حاجه عن العمل هنا,الأمتحانات فرص التدريب وطبعا لو فيه غير الأطباء وعايزين أى نصيحه أنا تحت أمركم,بالنسبه للمعادله والطريق ده,هكتب كل تفاصيله فى حال كان فى أطباء مهتمين,لكن لو مفيش يبقى بلاش أوجع راسكم

Nunca caminaras solo

رابط هذا التعليق
شارك

أنا طبيب مصر فى أستراليا ومستعد لتقديم أى نصيحه لو في أى طبيب عايز يعرف حاجه عن العمل هنا,الأمتحانات فرص التدريب وطبعا لو فيه غير الأطباء وعايزين أى نصيحه أنا تحت أمركم,بالنسبه للمعادله والطريق ده,هكتب كل تفاصيله فى حال كان فى أطباء مهتمين,لكن لو مفيش يبقى بلاش أوجع راسكم

أهلا بيك يا دكتور زياد

والله كنت عاوز أعرف فرص الصيادله فى استراليا

زى الرواتب مثلا وهل هى من الوظايف المطلوبه هناك

وكنت سمعت ان المعادله بتتعمل فى مصر

هل ده صحيح

وشكراااا جزيلا

medopharm

رابط هذا التعليق
شارك

http://www.apec.asn.au/

ده عنوان مجلس الصيادله الأسترالى العام,على ما أعتقد لازم تنجح فى إمتحانته قبل متبدأ فى التقديم للترخيص فى أى ولايه

Nunca caminaras solo

رابط هذا التعليق
شارك

اهلا دكتور زياد

انا كنت عاوز اسأل عن التخصصات المتاحه

في كندا انا عارف ان معظمها طب اسرة وطب اطفال فهل الحال هوا الحال في استراليا؟؟؟؟؟؟؟؟؟

ثانيا هل يكون العمل في المدن الكبيرة ك سيدني ام ان الفرص متاحة فقط في المناطق الريفيه كما قرأت وبحثت؟؟؟؟؟؟؟؟؟

(إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)

رابط هذا التعليق
شارك

كل التخصصات متاحه لو عنك شروطهم بلا أستثناء بس فى حاجات سهله وحاجات صعبه وحاجات صعبه جدا,معظم الكليات الملكيه بتشطرط إقامه دائمه ورخصه عامه ودول بتاخدهم مع نجاحك فى أمتحانات المعادله ماعدا الكليه الملكيهلكل من لباطنه بتخصصاتها والأطفال والطب العام والحوادث

وأطمن يا سيدى,الفرص متاحه فى المدن الكبيره وأكتر فى البعيده عنها

Nunca caminaras solo

رابط هذا التعليق
شارك

لالالالا بالراحه عليا

اشكرك على ردك السريع

انا في امتياز حاليا

انا عاوز حضرتك تبدأ معايا من اول خالص

بدايه هل ينفع موضوع هجرة الي استراليا زي الهجره الى كندا؟؟؟؟؟؟؟؟؟؟؟؟

وما هيا الاجراءات؟؟؟؟

ثانيا موضوع المعادله الاسترالي ديه انا مش عارف عنها حاجه.........مفيش موقع بيتكلم عنها

معظم المواقع بتتكلم عن كندي وامريكي لكن استرالي مفيش

وكيفية الحصول على نيابة في استراليا

فياريت نبدا مع بعض خطوه خطوة

(إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)

رابط هذا التعليق
شارك

شكرااا د زياد على الرد

طيب والله سؤال تانى

هل المعادله الكنديه معترف بيها فى استراليا للصيدله ولو ماعندكش معلومات عن الصيدله فى الجزئيه دى

طيب بالنسبه لمعادله الطب فى كندا معترف بيها فى استراليا

وشكراااااااااااا

رابط هذا التعليق
شارك

ربنا يوفقك لما فيه الخير والصلاح

معلش لو هتقل عليك شوية

اية اخبار المعماريين في استراليا وهل المجال ده مطلوب ,,, وفين

يعني لو ليك معرفة بمهندس معماري تعرف منه ايه متطلبات المجال من معادلات وخلافه

وشكرا

رابط هذا التعليق
شارك

لا الهجره لأستراليا مش زى كندا,نجاحك فى الأمتحانات هو أول خطوه عشان تقدم هجره

الأمتحان أسمه

AMC

http://amc.org.au/

وده الوب سايت وبيتعمل فى المحروسه

Nunca caminaras solo

رابط هذا التعليق
شارك

ربنا يوفقك لما فيه الخير والصلاح

معلش لو هتقل عليك شوية

اية اخبار المعماريين في استراليا وهل المجال ده مطلوب ,,, وفين

يعني لو ليك معرفة بمهندس معماري تعرف منه ايه متطلبات المجال من معادلات وخلافه

وشكرا

للأسف معنديش معلومات خالص

Nunca caminaras solo

رابط هذا التعليق
شارك

عزيزى دكتور زياد

اولا احييك على روح التعاون لديك لافادة اخوانك المصريين.

ثانيا انا اخصائى تخدير بالخليج هل يوجد فرص عمل للتخدير ام للممارس العام؟

ما هى متطلبات العمل و كيفية التقديم؟

لقد سمعت من بعض الزملاء الهنود ان فرص العمل متوفرة فى المناطق الريفية باستراليا و لكن لا اعرف كيفية الوصول الى هذه الفرص

و اولا و اخيرا اقدم لك كل التقدير على موقفك المتعاون و شكرا

canada.gif

رابط هذا التعليق
شارك

عزيزى دكتور زياد

اولا احييك على روح التعاون لديك لافادة اخوانك المصريين.

ثانيا انا اخصائى تخدير بالخليج هل يوجد فرص عمل للتخدير ام للممارس العام؟

ما هى متطلبات العمل و كيفية التقديم؟

لقد سمعت من بعض الزملاء الهنود ان فرص العمل متوفرة فى المناطق الريفية باستراليا و لكن لا اعرف كيفية الوصول الى هذه الفرص

و اولا و اخيرا اقدم لك كل التقدير على موقفك المتعاون و شكرا

فى فرص فى التخدير و ليها طريقتين

الأولى وهى الأفضل لكن الأصعب وهى أن حضرتك تدور على فرص شغل فى كل الولايات تحت برنامج (area of need) وده برنامج بيحدد وظائف طبيه معينه مطلوبه بيسمحوا فيها للأطباء غير الاستراليين بالعمل بترخيص سنوى يجدد,معظم الوظائف ديه بيكون فى أماكن بعيده لكن مش كلها,ولازم تكون معاك لغه,فى إمتحانين (IELTS أو OET),الصعوبه زمان كانت إيجاد الوظيفه ثم إقناعهم بمؤهلاتك وخبراتك أنك تستحقها لكن حاليا ديه مبقتش الصعوبه الوحيده لأن من أول يوليو كل الولايات أتفقو أن كل الأطباء الى عايزين ترخيص محدود لازم ينجحو أول خطوه فى أمتحانات المجلس الطبى الأسترالى ( amc.org.au)

الطريقه التانيه هى الأصعب بس فى خلال شهرين حتكون الوحيده,هو إنك تعمل إمتحانات المعادله وتقدم على الهجره لما تنجح,ولما تخلص ده كمل تخدير زى ما أنت عايز

Nunca caminaras solo

رابط هذا التعليق
شارك

طيب د /زياد ممكن حضرتك تحكيلنا عن تجربتك الشخصية وازاي بدأ ت الموضوع ده لحد دلوقتي وازاي هاجرت و و و و و ؟؟؟؟؟؟؟

(إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)

رابط هذا التعليق
شارك

يا ريت يا باشا تشرح لنا خطوات الهجرة لاستراليا لان فى نقص شديد فى المعلومات عنها

واهمها الرصيد المطلوب ( للهجرة ) مش للدراسة لان الدراسة بتطلب رصيد 100 الف جنيه

الف شكر ليك مقدما

رابط هذا التعليق
شارك

طيب د /زياد ممكن حضرتك تحكيلنا عن تجربتك الشخصية وازاي بدأ ت الموضوع ده لحد دلوقتي وازاي هاجرت و و و و و ؟؟؟؟؟؟؟

أنا قصتى صعب تكرارها لانها فيها أشياء شخصيه,يعنى أنا خطبت أستراليه من أصل مصرى,عرضت عليها تجى معايا إنجلترا كنت نجحت plab وأنا فى إمتياز,أهلها قالولى تعالى شوف الظروف ولو معجبتكش نشوف,جيت هنا والحمدلله متجوزتهاش,وبعدين ظهرت فرصة شغل كملت والحمدلله بخطط عشان أرجع مصر فى خلال خمس سنين

Nunca caminaras solo

رابط هذا التعليق
شارك

يا ريت يا باشا تشرح لنا خطوات الهجرة لاستراليا لان فى نقص شديد فى المعلومات عنها

واهمها الرصيد المطلوب ( للهجرة ) مش للدراسة لان الدراسة بتطلب رصيد 100 الف جنيه

الف شكر ليك مقدما

بصراحه معلوماتى عن الهجره لغير الأطباء عامة مش كتير بس أنا أعرف كذا شاب مصرى جايين هنا عن طريق الدراسه وشغاليين وفى كذا واحد أستخدمو مكتب واحد بنجاح,لكن التفاصيل الدقيقه مش عندى

Nunca caminaras solo

رابط هذا التعليق
شارك

اولا انا احب اشكرك جدا دكتور زياد على وقتك اللي انت بتديه للناس واسأل المولى عزوجل ان يجعله في ميزان حسناتك

طيب يعني اول خطوة المفروض اعملها اني احضر المعادله؟؟؟؟؟؟؟؟

طيب ممكن اعرف هيا بتتعمل فين في مصر وايه الكتب اللي اذاكر منها

ثانيا بعد تحضير االمعادله ما هي الخطوات الواجب اتباعها ( دكتور زياد ياريت شرح بالتفصيل)

(إن الحلال بين وإن الحـرام بين وبينهما أمور مشتبهات لا يعـلمهن كثير من الناس فمن اتقى الشبهات فـقـد استبرأ لديـنه وعـرضه ومن وقع في الشبهات وقـع في الحرام كـالراعي يـرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجـسد مضغة إذا صلحـت صلح الجسد كله وإذا فـسـدت فـسـد الجسـد كـلـه ألا وهي الـقـلب)

رابط هذا التعليق
شارك

السلام عليكم

اولا ما أعجبنى فى دكتور زياد

انه هو الذى سعى ليساعد الاخرين

ثانيا يا دكتور لو حضرتك تساعدنا احنا معشر الصيادلة ولوانى عارف انه ده أصعب عليك

نكون شاكرين

ونحن فى انتظار معلومات

ربنا يكرمك فى الغربة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...