وأخيراً : إلغاء التوقيت الصيفي في مصر .... أوووووووووف

[se_ Elsyed]

صوتنا إنبح وبقينا نتكلم بالإشارة ونقول يا ناس يا هوووووووووه ....... حرام عليكو .. النظام الهمايوني الموجود في مصر بتاع التوقيت الصيفي والشتوي والخريفي وقدم الساعة واخر الساعة .. ده نظام عبيط وعفى عليه الزمن .... وعيب قوي يكون هناك تجربة حتى إن كانت إضافة ثاني أكسيد المنجنيز على ثاني كبرتيات البلالينيوم .. وما يكونش عندك معايير لقياس النتائج ..

كذلك تفعلون أنتم أيها الجاهلون اللي شغالين بنظام البلا لا ..

فقولوا لي بالله عليكم ... إيه فايدة تأخير وتقديم الساعة ؟

هايقولك أصل في الصيف الشمس بتطلع بدري .. أخد شنطتي وأجري ... وبالتالي لازم نقدم الساعة عشان نوفر في الطاقة الكهربائية المستخدمة في المنازل والمصانع والمزارع والحبشتكانات ...

وده كلام فارغ لإن إستهلاك الطاقة في مصر يخضع لمعايير اخرى غير التوقيت ..

وهي بلا فخر ..

المعايير العشوائية

ففي كل بلاد العالم المحترمة ... لو مشيت بعد العشاء في الشوارع هاتلاقي الدنيا هس هس وكإنك دخلت المقابر ..

ده كان إنطباعي عن أول زيارة لي خارج البلاد وكانت لدبي وقلت أنا هاروح بقى الاقي الشوارع تعج بالمارة والإضاءات تُزين المحلات والناس ستستقبلني بأكاليل الغار ...

إبقى قابلني

محلات واماكن فقط هي المسموح لها تسهر والأغليبة بيناموا من المغرب لإن عندهم شغل طحن الصبح بدري ..

كذلك في الدول الأوروبية وكل الدول المحترمة

إنما في مصر .. شيء عجيب ... محلات تجارية نايمين لحد الضهر وييجي يفتح لتاني يوم الصبح ... منها على سبيل المثال محلات العصر مثلاً .. ومحلات بيع غكسسوارات الموبيلات وكروت الشحن .. و و و .. طب ليه ؟

وهكذا شويه شويه .. إتحولت مصر والقاهرة بالذات إلى مدينة هلاميه تسمع عنها في الأساطير ... محلات فاتحه ليل نهار على قلة فايدة وعماله تستهلك كهربا .... ناس سهرانه طول الليل وممكن تروح تصلي الفجر تلاقي كمية ناس قاعدة عالقهاوي كإنهم مقاطيع وما عندهمش شغل بعد ساعتين ... كهربا وعواميد نور وانوار محلات وبيوت مولعه من بعد المغرب إلى تاني يوم الصبح ..

وبعد ده كله يقولك توقيت شتوي وتوقيت صيفي وتوفير طاقة ..... شيء لله يا طاقة !!!!!!!!!!!!!!!!

كان المفروض الموضوع يتعمل ويقدموا الساعة 60 دقيقة إعتباراً من الجمعة الأولى لشهر مايو ...

لكن حسب ما جاء في أحد النشرات الأخبارية المصرية من كام يوم ... إتلغى الموضوع وهايرجع التوقيت إلى زى ما خلقه ربنا ...

[النجم الثاقب]

أخييييييييييييييييييييييييراً اتلغى التوقيت الصيفى

الحمدلله . المهم التوقيت ده زى ما حضرتك قولت ملوش أى لازمه معرفش ايه الحكمه من اصرار الحكومه على العمل بيه المده الطويله دى كلها ؟

الف شكر يا استاذ سى السيد على البشرى دى :rolleyes:

[gopy]

لا لسه ده مشروع قانون وافقت عليه لجنة المقترحات بمجلس الشعب لكن الحكومة معترضة عليه ولم يتم الموافقة على الألغاء بعد

يا مسهل

[أسد]

سؤال ...

ماهي سلبيات تغيير الساعة .. وتعديل التوقيت الصيفي والتوقيت الشتوي ..؟؟؟؟

يعني ايه اللي مضايقنا منها ؟؟؟؟

متهيألي إننا مش عارفين إحنا متضايقين ليه ..

لكن الحقيقة اننا متضايقين منها ..

هذا النظام معمول بع في دول عديدة ..

والدول التي تهتم بالسياحة مثل أسبانيا مثلاً .. يغيرون الوقت عندهم .. وهذا العام قد تم التغيير فعلاً في أول أبريل ..

وتختلف الحياة بشكل جذري هناك .. يعني مثلاً غياب الشمس يكون الساعة عشرة ونص أو حداشر مساءً .. في شهر يوليو ..

الفرق كبير هناك بين التوقيت الصيفي والتوقيت الشتوي .. ولو رحت هناك ستشعر بخلل يحدث لك في الساعة البيولوجية الخاصة بك ..

ولكن الناس واخدة الموضوع عادي ..

والسبب انهم يجعلوا النهار أطول .. حتى يستمتع السياح بالنزه والشواطئ أكبر وقت ممكن ..

مش متأكد من حكاية توفير الطاقة الكهربائية دي ..

لأن التكييف في النهار يستهلك طاقة كهربائية أكثر من الإضاءة بكثير ..

لكنالحقيقة التي تشغلني ..

هو ليه الناس بتزعل من التغيير .. وتغيير التوقيت ..

أنا شخصياً باحب هذا التغيير ..

وان يكون هناكتوقيت صيفي .. وتوقيت شتوي ..

أشعر بسعادة عند تغيير الوقت .. وأسعد أكثر في خلال الصيف ..

بسبب أن النهار بيكون أطول بشكل ملحوظ ..

هذا رأيي طبعاً ..

يعني أنا من مؤيدي استمرار تعديل التوقيت في الصيف والشتاء

[gopy]

ماهي سلبيات تغيير الساعة .. وتعديل التوقيت الصيفي والتوقيت الشتوي ..؟؟؟؟

مثال تغيير الساعة بيمثل إرباك لشركات الطيران و التي تحدد مواعيدها قبل شهور من بدء رحلاتها والله بقى لما رمضان بييجى فى الصيف ويتلغى العمل بالتوقيت الصيفى خلال رمضان وبعده يرجع تانى وأحنا أصلا مابنعرفش بداية الشهر الكريم إلا فى اليلة اللى قبلها مع ظهور الهلال مما يتعذر معه إبلاغ هذه الشركات بفترة معقولة

وبعدين فعلا لو فيه حد ممكن يشرح لنا ما هى فائدة العمل بالتوقيت الصيفى فى أيامنا دى وجدواه الأقتصادية ياريت

[ايهاب سالم]

النظام الهمايوني الموجود في مصر بتاع التوقيت الصيفي والشتوي .. ده نظام عبيط وعفى عليه الزمن

التوقيت الصيفي موجود في كندا

مع انها ليست عندها ازمة طاقه

تصدر كهرباء لامريكا

وعندها ثاني اكبر احتياطي بترول في العالم ومحطات نوويه لتوليد الكهرباء

ولم اسمع ان ذلك سبب ارباك لشركات الطيران

هو فعلا نظام مفيد ... يجعل النهار اطول والدنيا مشرقه و جميله

ومحدش بيشتكي منه هنا

تم تعديل 10 أبريل 2008 بواسطة ايهاب سالم

[vipwithyou]

طيب كدة اغنيه هشام عباس .. ليل الشتا طويل هيروح يغنيها فين

بصراحة احنا تعودنا على تغيير الساعة على الاقل الواحد بيعرف انه فى الشتاء ولا فى الصيف

[Sherief AbdelWahab]

مبروك على الحزبوطني إلغاء التوقيت الصيفي ، لقد كان "يجاهد" من أجل هذا الموضوع جهاداً عظيماً هو وعدد من صحفييه الذين وجدوا في هذا الموضوع ما هو أهم من فوضى الإضراب والموت على الأسفلت والفساد..

وعليه أتوقع أن تكون المعركة القادمة لهؤلاء إضافة يوم ثامن من أيام الأسبوع..والبحث طبعاً عن تسمية تناسب "الفكر الجديد"!

ما هو الفرق بين الوضع قبل التوقيت الصيفي وبعده؟ بيه أو من غيره؟ ..أنا مع في آي بي وإيهاب سالم في دي قلباً وقالباً..

الصحفيين اللي قالوا كدة همة اللي طالبوا بحزام الأمان وبإنه يكون إلزامي ، وهمة أول ناس صرخوا منه.. والشيء نفسه ينسحب على التوقيت الصيفي والشتوي..

خلص الكلام

[se_ Elsyed]

وبرضوا مشوا اللي في دماغهم الزبالة

يا إحباطاتك يا سين سين

قدم ساعتك‏60‏ دقيقة الليلة

كل عام وأنتم بخير‏..‏ الليلة يبدأ العمل بالتوقيت الصيفي‏,‏ فعند منتصف الليل يتم تقديم الساعة‏60‏ دقيقة‏

[رمضان]

وبرضوا مشوا اللي في دماغهم الزبالة

يا إحباطاتك يا سين سين

قدم ساعتك‏60‏ دقيقة الليلة

كل عام وأنتم بخير‏..‏ الليلة يبدأ العمل بالتوقيت الصيفي‏,‏ فعند منتصف الليل يتم تقديم الساعة‏60‏ دقيقة‏

انت بصراحة يا سي السيد خليت رقبتي قد السمسمة قدام طوب الارض واللي يسوى واللي ما يسواش

انا مش عارف اودي وشي من الناس فين بعد تقديم الساعة

انا اتفضحت

انا بعد ما انت قلت الغاء التوقيت الصيفي انا ما صدقت ومشيت في الكفر كلاته واقول لغوا التوقيت لغوا التوقيت الصيفي ومنهم واحد قالي الايام بيننا ومفيش حاجة هتتلغي واتراهنا على عشوة في مطعم

على فكرة الفاتورة هحولها عليك في السعودية يا معلم لان انت اللي افتيت

[se_ Elsyed]

إحمد ربنا إنها قد السمسمة ... أهي رقبة والسلام

أومال أنا اعمل إيه

ده أنا هاكل ضرب للصبح

[رمضان]

انت تستخبى اليومين دول وما تظهرش خالص لحد ما ابعت لك الحماية الخاصة

وربنا يستر عليك وعلينا بقى

[سهران]

الأسبوع اللي فات كنت بأدردش مع أخواتي على النت و قلتلهم بكل ثقة أن التوقيت الصيفي أتلغى و ذهب بلا رجعة ........ قالولي مش ممكن و أنا للأسف طولت لساني شوية و زعقت فيهم لثقتي اللا محدودة في كلامك يا سين سين ...... طب أعمل أيه دلوقتي في صورتي اللي أتهزت دي ؟؟؟؟؟؟؟؟؟ أطلع الجبل تاني مع المطاريد لحد ما الأمور تهدى ؟؟؟!!

لا مؤاخزة يا ريس ......... أي حاجة بعد كدة ترفق معاها المصدر و شهادة من سبع موظفين موقعين و باصمين ...... العملية ممش ناقصة تقصير رقبة مرة تانية ..........

تم تعديل 24 أبريل 2008 بواسطة سهران

[se_ Elsyed]

عندك حق يا سهران

وأنا محقوق لكم

بس وكتاب الله مانا اللي نقلت الخبر ... ده الولا كرم اللي قالي

ولا يا كرممممممممممممممممم

لكن حسب ما جاء في أحد النشرات الأخبارية المصرية من كام يوم ... إتلغى الموضوع وهايرجع التوقيت إلى زى ما خلقه ربنا ...

والأن وبعد عشرين سنة عالثورة

أستطيع أن أنكش في مصادر معلوماتي

والله العظيم هاندي كرافت هو اللي قال لي إنه سمعها في النشرة المصرية بودانه اللي هايكلهم الدود

وحذرته وقلت له انا ما بأحبش الإفتكاسات ..

أنا هابلغ أعضاء التنظيم في المحاورات يا هاندي ... متأكد يا هاندي ؟

قال لي عيب .. إتوكل عالله ده انا سمعتها بوداني التلاتة يا راجل

[رمضان]

انا مليش دعوة بالكلام ده ولا اعرف هاندي ولا اعرف كرم انا ما اعرفش غيرك

والفاتورة هتتحول ليك اديني عنوان او ابعت الفيزا او الماستر بتاعتك

[الغريب]

على بركة الله التوقيت هيتغير يوم الأربعاء علشان شهر رمضان ، وكل سنة وأنتم طيبين

ويرجع تاني بعد شهر رمضان على العيد وكل سنة وأنتم طيبين

وبعدها بكام يوم هيرجع تاني علشان التوقيت الشتوي بقى وكل سنة وأنتم طيبين

مش عارف أيه الشغلانة الغريبة دي والله

المشكلة بقى في حجز الطيران ، يعني أنا دلوقتي مبقتش عارف توقيت وصولي لمصر اللي موجود في التذكرة ده على أنه توقيت والدنيا ملخبطة معايا

أينعم أنا عارف المسافة بين الكويت والقاهرة أدي أيه بس فعلا الموضوع بيكون شكله بايخ قوي ، والحياة ملخبطة بالشكل ده

نفسي في مرة يحترموا عقولنا كدة ويسوقلنا منافع تغيير التوقيت ويعملولنا أحصائيات عن الفوائد المترتبة من تغيير التوقيت

تحياتي