اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

هل اللي بياكل فسيخ يعتبر شخص محترم؟


Recommended Posts

ال بياكل الفسيخ ناس محتررررررررررررررررررررررررررررررررررررررررررررمة اوى اوى

والله اكلة لا يعلى عليها

وال يقول غير كده

ميدخلشى ويتكلم عندنا

مقولوكوش بقى يا بتوع السعودية

الفسيخ اليومين دول ايه بقى عند الفسخانية

الا انتو هتشمو النسيم فين ؟؟؟؟ :blush2: :roseop:

انشالله يارب تيجى هنا قبل شم النسيم عشان تشميه معانا

على فكرة مالوش ريحة خالص فى السعودية :sad:

رابط المشاركه
شارك
  • الردود 93
  • Created
  • اخر رد

Top Posters In This Topic

Top Posters In This Topic

Popular Posts

مخبيش عليكم :blink: انا بحب الفسيخ ...بس مباكلوش اكتر من مره في السنه :blink: و خصوصا لو معاه عيش فريش و سخن ....ياخرااااشي :) بس بعد ما باكله بحس بالذنب :sad: زي ما أكون ارتكبت خطيئه في

عارفه يا أم ياسر إن الفسيخ الموجود هنا في السعودية اللي مغلف ده وبيتباع في السوبر ماركو ؟ .. بأحس لما بأكله كل كام سنة كده إني بأكل شاندوشت هوت دوج بالكاتشب .. أما الفسيخ بتاعنا اللي جاي من البرميل ا

الله يسامحك ما انا عابر سبيل برضوه وغلبانة ومن ساعة ما سبت مصر ما اتهنتش باكلة ملوحة ولا فسيخة الكويت مفهاش ملوحة - وبنستنا اى حد من اخواتنا اللى جايين من مصر يحملوهالنا فى النعش بتاعها واحنا بننت

Posted Images

صباح الخير يا جاسمين

انتى بتقولى

و انا سائلت سؤال فى موضوع تانى عن الفسيخ و بجد نفسى حد يجاوبنى لانى عمرى ما شفت الفسيخ وجها لوجه

وبالتالى عمرك ماهتعرفى تفرقى اذا كان فاسد ولا لأ غير لما يحصل بينكم الفة وعشرة

وبعدين والله لو حصل بينكم مواجهة فيس تو فيس يعنى صدقينى هيحصل تعايش سلمى وهتبقوا صحاب

انا عمرى ماشفت الفسيح ريحته وحشة بصراحة..........تصدقى بقى ان فيه ناس تستنضف الرنجة عنه انما انا عمرى مالقيت انضف منه وسط اخواته اللى هما .....السردين والملوحة والرنجة

طبعا هو مضر لمرضى الضغط لشدة الملح فيه...بس النفس غلابة يا بنتى

وكفاية انه الواحد لو شم ريحته مايقدرش يقاومها

رابط المشاركه
شارك
صباح الخير يا جاسمين

انتى بتقولى

و انا سائلت سؤال فى موضوع تانى عن الفسيخ و بجد نفسى حد يجاوبنى لانى عمرى ما شفت الفسيخ وجها لوجه

وبالتالى عمرك ماهتعرفى تفرقى اذا كان فاسد ولا لأ غير لما يحصل بينكم الفة وعشرة

وبعدين والله لو حصل بينكم مواجهة فيس تو فيس يعنى صدقينى هيحصل تعايش سلمى وهتبقوا صحاب

انا عمرى ماشفت الفسيح ريحته وحشة بصراحة..........تصدقى بقى ان فيه ناس تستنضف الرنجة عنه انما انا عمرى مالقيت انضف منه وسط اخواته اللى هما .....السردين والملوحة والرنجة

طبعا هو مضر لمرضى الضغط لشدة الملح فيه...بس النفس غلابة يا بنتى

وكفاية انه الواحد لو شم ريحته مايقدرش يقاومها

صباح الخير يا قمر

بصى يا فتفوتى انا شخصيا امى مسميانى كلب صيد عشان انفى الجهنميه الى موديانى فى داهيه و عشان كده بتنفس من بقى نص الوقت

احب اقولك ان ريحة الذبده السايحه بتقلبلى معدتى يا بنتى فما بالك بالفسيخ و عليه ممنوع دخول الفسيخ العماره الى انا ساكنه فيها مش بيتنا و هبلغ عن ايتها بنديئادم يفكر يهوب بالفسيخ ناحيتى

بالهنا و الشفا بس ياريت لو واكله فسيخ ماشوفكيش فى نون النسوه و الا هبلغ عنك لحيازتك قنابل بيولوجيه

رابط المشاركه
شارك
والله ماهتندم يا ياسر ابداااااااا

بس ابقى هاتلى معاك بالله عليك

بص هقول حاجة وانت واقف هناك كده......نصيحة ماتبصش على البراميل اللى محطوط فيها الفسيخ....ماشى

اما تروح البيت بقى تنظف وتاكل براحتك........زبدة والله زبدة

وابقى ادعيلى......اسمه شاهين اشهر من النار على العلم فى بولاق عند وكالة البلح كده من شارع السلطان ابو العلاواهو بالمرة تجيبلك(مش بنطلونين) منطلونين وقميصين من عالستاندات اللى فى الشارع دى........مش كده ولا ايه؟؟ :blush2: :roseop:

تصحيح معلومه الى من يهمه الامر 000

فسخانى ابو العلا كان يطلق عليه اسم معروف جدا ولكن حذف للاساءه وبعدين سمى نفسه الفسخانى المشهور " لان كل الناس عارفه اسمه الاولانى 00بس محدش يقدر يقوله "

اما شاهين حسب معلوماتى انه فى ميدان القلكى ويطلق عليه ملك الكافيار 00

لذا وجب التنويه 0000

على هامش المؤتمر 0000ياسر سيبك بقى من الكلام بتاع فتفوته هانم ده وخد دى 00

انت تطلع من بيتكم كده طواااالى لحد ميدان العباسيه وتكمل لميدان الجيش عتد شارع السكاكينى اسال عن الحاج محمود" الله يرحمه " ده نار على علم 0000اجزاخانه

ياباشا ملوحه بقى سردين فسيخ وممكن على فكره تقوله انك من طرفى وانت عارف بقى تقوله مين 0000

والجدير با لذكر ان الكيلو حتى الشهر الماضى وصل 62 جنيه " يعنى اغلى من اللحمه"

انما ةعلى شم النسيم هايبقى فى كلام تانى خالص000هاتحتاج كارت توصيه 000وبجد والله بالحجز مش هزار

تم تعديل بواسطة قلب ابيض
رابط المشاركه
شارك

السلام عليكم و رحمة الله و بركاته

طب تصدقوا بالله....

من ساعة ما التوبيك نزل ع البانر و انا خايفة اخش....مجرد اسم "الفسيخ"...مش عايزة اقولكم بيعملي ايه...عشان محدش يضرب؟؟؟

بس انا فعلا مستغربة اوي من رابطة محبي الفسيخ....و الرنجة و الرشال....و كده...و دي مش في المنتدي بس....دي في الشعب المصري بحاله

طب انا عندي في البيت....بتبقي قعدة بقي اكلة الاسلحة الفتاكة دي....

ايه الاستمتاع ده....ايه المزاج العالي ده.....و لما الناس تبقي بتفح بصل..... :blush2:

مع اني بحب الاكل جدا..الحمد لله....بس ده الحاجة الوحيدة (لا فيه شوية حاجات تانية من نوعية الكوراع و الكرشة....و كده)...بس حاسة ان في حياتي مش هتجيلي الجرأة و اقرب منهم

انتو التوبيك ده حسسني اني عندي عقدة م الطفولة

طب فكركم هتعالج......طمنوني عليا؟؟ احسن ابتديت احسن اني كائن فضائي غريب

صبااااااااااااااحكم سندوتش تونة....مالها ما هي حلوة اهه....و روشة.... :roseop:

رابط المشاركه
شارك
السلام عليكم و رحمة الله و بركاته

طب تصدقوا بالله....

من ساعة ما التوبيك نزل ع البانر و انا خايفة اخش....مجرد اسم "الفسيخ"...مش عايزة اقولكم بيعملي ايه...عشان محدش يضرب؟؟؟

بس انا فعلا مستغربة اوي من رابطة محبي الفسيخ....و الرنجة و الرشال....و كده...و دي مش في المنتدي بس....دي في الشعب المصري بحاله

طب انا عندي في البيت....بتبقي قعدة بقي اكلة الاسلحة الفتاكة دي....

ايه الاستمتاع ده....ايه المزاج العالي ده.....و لما الناس تبقي بتفح بصل..... :roseop:

مع اني بحب الاكل جدا..الحمد لله....بس ده الحاجة الوحيدة (لا فيه شوية حاجات تانية من نوعية الكوراع و الكرشة....و كده)...بس حاسة ان في حياتي مش هتجيلي الجرأة و اقرب منهم

انتو التوبيك ده حسسني اني عندي عقدة م الطفولة

طب فكركم هتعالج......طمنوني عليا؟؟ احسن ابتديت احسن اني كائن فضائي غريب

صبااااااااااااااحكم سندوتش تونة....مالها ما هي حلوة اهه....و روشة.... :blink:

لا يا ست لماضة مصرية جدا

تتعالجى من اية انت بكامل قواكى العقلية

الناس التانية هما اللى مفروض يتعالجو

مرة نزلت مصر وحظى الاسود كان مصادف شم الفسيخ وكان معيا المدام

فرنسيا ومش واخدة على الاسلحة الفتاكة mc:

وجة وقت الاكل المهم راسها والف سيف تاكل

قلتلها دا انت بتكلى الملوخيا فى شندوتش اى واللة العظيم :sofa:

وانت كبيرك قرواسو

قلتلها يا بنت الناس دى الاكلة الوحيد اللى بتتشهدى قبل الاكل

بعد كدة اول ما شافت الفسيخ قالت لى اية دة موميا

طلبت منها تشم وفى اللحظة دى غيرت رايها wst::

حمد ربنا

عرفا دى لو ضربت فى دمغة و كلت كانت ممكن تروح منى mfb:

تم تعديل بواسطة nizza la bella
رابط المشاركه
شارك

الله يسامحك ما انا عابر سبيل برضوه وغلبانة ومن ساعة ما سبت مصر ما اتهنتش باكلة ملوحة ولا فسيخة

الكويت مفهاش ملوحة - وبنستنا اى حد من اخواتنا اللى جايين من مصر

يحملوهالنا فى النعش بتاعها واحنا بننتظرها فى المطار بحزم البصل الاخضر الورور رررر ررررر رررررر ررررررر والهتاف والصياح والعناق والخناق

وبيبقي الواحد جايب مثلا سمكة واحدة وبتبص تلاقي الخبر انتشر والريحة وصلت وخبط على بابك ناس كتيرررررررر ليك سنين ما شفتهومش فى الكويت

والحجج موجودة كتير بس المرة دي يخبطو على بابك وفى ايديهم علبة طحينة ولمونيتين دبلانين ويقولك وحشتونا اوى - حد يصدق اننا فى الكويت ولينا اكتر من سنة ما شفناش بعض - احنا جالنا خبر ان جاتلكم ملوحة من مصر ممكن نعمل قاعدة وتبص تلاقى اللى شايلك الملوحة من مصر للكويت هو هو نفسه الشخص المجهول اللى نشر الخبر بين الكل علشان حالف ما تتهنى بيها لوحدك - وبعدين نتجمع حوالين سمكة كبيرة واحنا 4 / 5 عائلات كبيرة برضوه - والدموع تنزل من عيونا اهىء اهىء ونقول - يا قوم - يا قوم - الملوحة بتجمع القلوب مرة تانية بعد طول غياب - وفى نهاية اليوم الجميل اللى فى الجونينة طبعا وبعد ما تلم قطط الكويت كلها حوالينا والفرحة بتعم الجميع نتعانق ونودع بعض بالدموع على امل لقاء جديد للموحة العام القادم اهىء اهىء

رابط المشاركه
شارك

بقى ده كلام برضه؟؟ ده اللي بياكل فسيخ وملوحه ورنجه ومشتقاتهم هو ابو الاحترام

ياسلام على الفسيخ مع الطحينه والزيت والبصل والعيش السخن أحلى أكل والجدع يقاوم wst:: :)

رابط المشاركه
شارك

يا أستاذ زوهيرى

يا سى السيد

حرام عليكووووووووووووووو

بجد فكرتونى بالفسيخ

ما أنا كنت عايش وساكت

وبعيدن شم النسيم على الابواب

طبعا انتو بتكلمو واحد بيموت فى حاجة اسمها فسيخ وللعلم عشان الناس المهتمه بالفسيخ احسن مدينة تقدر تجيب منها فسيخ فى مصر اسمها ( ادكو ) طبعا فسيخ ادكو دة حاجة محترمة قوى يا استاذ زوهيرى مش محتاج 24 اسبوع

لا محتاج مش اقل من 3 سنين عشان الريحة تروح

موضوع الجبنة القديمة دة موضوع تانى يا سى السيد

وانا فى الاجازة

وأنا فى البلد الناس محتفلين بيا واشى لحوم واشى بط واشى حمام والحاجات اللى انتو فاهمنها دى

لقيت نفسى فى يوم كدة لواحدى طالع فوق السطوح وجايب حتتين جبنة قديمة (بتتقال كدة ) من الزلعة وش والله والزلعة زى ما تفضلت يا سين سين مفرد (زلع ) وعشت بقى يا باشا

حماتى ربنا يبارك لها دخلت عليا فهمت ان اخوك له فى الحاجات دى (عاشق ولهان يعنى)

والله وانا مسافر من مصر لقتها مظبطالى برطمان صغير كدة فية شوية جبنة قديمة مع مش بس من غير دود الشهادة لله

وكمان جبتلى شويتين ملوخية ناشفة بصراحة بتنفع الواحد اما يكون مكسل وعاوز ياكل والسلام

تسلق اللحمة وتعمل الملوخية ورضا قوى سريع سريع تاكل يا باشا

ها

فكرتونى تقريبا باقى حتتين فى البرطمان نروح نظبطهم النهاردة

رابط المشاركه
شارك
  • 3 weeks later...
لا حول و لا قوة الا بالله

يا جماعه المنتدى بقى فيه اكتر من 4 مواضيع عن الفسيخ

طب دكتور يدخل يقولنا رايه

يعنى هو الفسيخ ده اكله صحى فعلا ؟ ز هل مسمح لمرضى الضغط انهم ياكلوه

و انا سائلت سؤال فى موضوع تانى عن الفسيخ و بجد نفسى حد يجاوبنى لانى عمرى ما شفت الفسيخ وجها لوجه

يعنى الريحه الى بشمها لما اكون نزله على السلم ديه لو حد من الجيران واكل فسيخ اذاى ممكن تعد قدمها و تاكلها

طب بلاش ديه اذا كان ريحته الطبيعيه صعبه كده هل ممكن ان لو فاسد تعرف فعلا يعنى لو خضار او فاكهه فاسده احنا بنعرف من الريحه طيب الفسيخ بيتعرف انو فاسد اذاى

أهو ده الأكلة الوحييييييييييييييييدة إللى فيها الميزة دى ولا يمكن تلاقى الميزة دى فى أكلة آدمية تانية فى الكرة الأرضية.

الفسييييييخ لو باظ وعفن حتى فمش ها يفرق خالص عن حالته وهو سليم.

رفعنا الموضوع مخصوص عشان شم النسيم

الى مالوش طعم من غير الفسيخ :flr1:

انا اعترض على موضوع لو باظ مش هيبان ده

لأ طبعا بيبان جدا

والناس الهواة واللى مالهمش فى الاحتراف يقولوا عدس

الفسيخة الطازة ياجماعة ماتفرقش عن السمكة الطازة حاجة بوتاتا فى الشكل لكن الموضوع يفرق كتييييييييير

دوكهيت نية ومالهاش معنى ولا طعم ولا تتاكل اصلا

ودوكهمت ياسلاااااااااام

زبدة قول تفاح قول حاجة كده غييييير غيييييييير

موضوع ريحة الفسيخ بقا طب ماهو الانشوجة اللى يعنى لها معجبين دى ريحتها اكتر من الفسيخ

وبعدين ننضف بجوانتى وشوية زيت ولمون وكله يبقا فى التمام

طب ايه رأيكم انا مرة عملته ساندويتشات فينو وكانت حاجة جو تانى برضه

:blush2: :blink: :sofa:

الورد ده بقا لمحبى الفسيخ بس و ااادى الربيع عاد من تانى

رابط المشاركه
شارك
  • 7 years later...
  • 1 year later...

محاورات المصريين هي فعلا جزء من ديوان الحياة في مصر ... موضوع عن الفسيخ مكتوب من ٩ سنوات.

رابط المشاركه
شارك

ههههههههههههههههههههه

الله يرحم الايام ويرحم الناس اللي ماتت ولسه عايشه

ويرحمنا من الناس اللي عايشه وكأنها ماتت

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • كيف نحل المعادله التاليه ...ضابط محترم و له هيبه...و مواطن محترم لا يهان؟

      المشكله انك لما بتعلي من شأن المواطن و تحقر من شأن الشرطه يحصل تسيب و فراغ امني يودي البلد في ستين داهيه و لو رفعت شأن الشرطه و مجدتها يقوم يحصل فراغ انساني ينتج عنه مواطن مهان و بيتلزق على قفاه ازاي نوصل للمعادله السليمه في رأيكم؟

      في سياسة داخلية

    • يحيي الاحمدي ... راجل محترم جدا

      افتح هذا الموضوع لالفت اننتباه اخواننا و اخواتنا الي هذا الرجل لم اتابع الرجل فترة كافية و لكن مثله لا يحتاج الي الكثير من المتابعة حتي تخرج عنه بفكر جميلة و اقدم الان نبذة مختصرة عنه الدكتور يحيي الاحمدخبير واستشاري العلاقات الزوجية بمصر والدول العربية استشاري التنمية البشرية والعلاقات الانسانية بمركز تدريب شركة بوك سيتي للاستشارات التدريبية - القاهرة - مصر استاذ محاضر في جامعات مصر المختلفة ضيف دائم ببرنامج ( الدين والحياة ) على قناة الحياة مقدم برنامج( استشارات نفسية) قناة بداية مقدم

      في الأسرة و الطفل

    • هل يعتبر ذلك تزوير فى الانتخابات؟

      السلام عليكم.. طبعا كلنا عارفين ان الاخوان نازلين على قايمة حزب الحرية و العدالة.. و ده واضح و صريح و مفيهوش اى مشكلة.. لكن الكارثة اللى لسه مكتشفة حالا بمراجعة بعض الاسماء فى دايرتى الانتخابية, اكتشفت المصيبة اللى الاخوان عاملينها, و اللى بتفكرنى بالحزب الواطى و تصرفاته.. الاخوان منزلين الناس الكسر - النص نص - على الفردى.. و فيه منهم ليهم شعبية كويسة.. طبعا دول اخوان و معروف انهم اخوان و بعضهم كان فى مجلس الشعب بتاع 2005.. بس ازاى اصلا يتم هذا التزوير العلنى و اللى هو اخطر من التزوير فى الا

      في أخبار ثورة 25 يناير و توابعها

    • سؤال : هو الفار بياكل الصابونة ليه ؟ .... جواب : أذيــــَّة والسلام !!!

      فى موضوع "9\9\2011 ,, جُمعة تصحيح المسار !" تبلورت الاتهامات بالنسبة لاقتحام السفارة الاسرائيلية ، والهجوم على مديرية أمن الجيزة والسفارة السعودية حول أن المدبرين والمنفذين هم الفلول والبلطجية وأن الثوار أبرياء من هذه الأفعال غير المسؤولة براءة الذئب من دم ابن يعقوب وكانت آخر مدخلة فى الموضوع حوارا بين الفاضلة pink rose ، والفاضل Radws كالآتى : واليوم قرأت خبرا عن النية لتنظيم مليونية .. لأ لأ .. مليونيتين .. يوم 6 أكتوبر .. واحدة بدعوة من التيار السياسى "المتدين" بعنوان "مليونية الأقص

      في سياسة داخلية

    • قرار المحكم الإدارية العليا بفتح الشوارع حول سفارتي أمريكا وبريطانيا أعتبره قرار ثوري محترم

      فبعد غزو العراق سنة 2003 قررت وزارة الداخلية منفردة غلق الشوارع المحيطة بسفارتي أمريكا وبريطانيا ووضع حواجز إلكترونية وخرسانية بشكل غير مسبوق في مصر .. مع التحري عن جميع سكان تلك الشوارع المغلقة ... وبالتالي فليذهب أصحاب المحال التجارية هناك غلى الجحيم .. أم حاجه تأمين أمريكا وبريطانيا في حين إن البيت الأبيض في واشنطن .. اللي في أمريكا اللي الدنيا كلها بتكرهها ممكن تقرب منه وتكون على بعد أمتار قليلة من السور الخاص به ... وكذلك في بريطانيا لكن إحنا بنحب الإذلال شويه وبنستمتع بكده لكن خلاص

      في أخبار ثورة 25 يناير و توابعها


×
×
  • اضف...