اذهب إلى المحتوى
محاورات المصريين

هل اللي بياكل فسيخ يعتبر شخص محترم؟


MZohairy

Recommended Posts

مخبيش عليكم :blink:

انا بحب الفسيخ ...بس مباكلوش اكتر من مره في السنه :blink:

و خصوصا لو معاه عيش فريش و سخن ....ياخرااااشي :)

بس بعد ما باكله بحس بالذنب :sad:

زي ما أكون ارتكبت خطيئه في لحظة طيش و بعد ذهاب السكره جاءت الفكره و الندم :sad:

الفسيخ أكله غير محترمه بالمره :happy:

و أي حته تلمس الفسيخ من جسمك بتفضل ريحتها معاك و ملاصقاك لمدة 22 اسبوع شامل العطلات و الاجازات الصيفيه ..برغم الصابون و المطهرات و البارفانات و أي اختراع يعتبر فاشل في ازالة رائحة هذا الفسيخ

اللي بياكل الفسيخ ده بقى يبقى محترم ولا لحظة طيش و ربنا حليم ستار؟ :sad:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

  • الردود 93
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الصور المنشورة

إيه علاقة الأكل بالإحترام ؟

وبعدين ما تغسل إيدك بصابونة بريحة وكل لبان من ابو نعناع وخلصت المسألة ...

ده أنت غريب غرابة يا زهيري ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

إيه علاقة الأكل بالإحترام ؟

وبعدين ما تغسل إيدك بصابونة بريحة وكل لبان من ابو نعناع وخلصت المسألة ...

ده أنت غريب غرابة يا زهيري ؟

اللي ريحته تروح بصابونة ده لا يُنكن يكون فسيخ :blink:

رابط هذا التعليق
شارك

لا تشعر بالذنب يا زوهيري .. انت محترم و الفسيخ محترم :blink: .. و بما إني من آكلي لحوم الفسيخ إذاً انا شخص محترم زيك يا زوهيري :)

لكن مع اختلافات بسيطة و غير جوهرية في الطقوس، الا و هي إني ماكلش الفسيخ إلا مخلي و غرقان في برطمان زيت و خل و ليمون و كافة شيء .. بعدها بقى أوعى وشك :happy:

هذه الاختلافات الغير جوهرية تقلل كثيراً من الفترة الزمنية اللازمة لفصل الرائحة عن جسم الإنسان من 22 اسبوع كما تفضّلتم إلى 21 أسبوع فقط و هذا في حد ذاته يعتبر إنجاز :blink:

تم تعديل بواسطة Modest

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

السلام عليكم

فسيخ يا زوهيري !! !!

هى دى اخرتها و انا بقول ليه انت مش مقتنع ان الشمس هى اللى بتلف حول الارض ....... كده انا استريحت :)

عموما انا اعتقد ان واكل الفسيخ شخص بالتاكيد محترم و ممكن يكون متفسخ قليلا إذا لم يزيل اثار تلك العمله منكره الرائحه. :blink:

و بعدين عيش فريش إيه اللى انت جاى تقول عليه انت فى كونتاكو لا مؤاخذه ده لو ما كانش عيش بلدى مدعوم ابو مسامير 10 سم مصديه مع اعقاب سجاير من فرن النتن اللى على اول الشارع مع بربع جنيه (اسعار 95 ) بصل اخضر من سوق الخميس اللى فى المطريه و تطلع فوق السطح و تضرب الضربه فى الشمس يبقى ما فسختش .

أظن واقعيه اكتر من كده ما فيش و الله يرحمك يا ابوسيف.

تم تعديل بواسطة abaomar

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك

الفسيخ دا اكله الصفوة من البشر :)

و بما اني من عشاقه يا استاذ زوهيري ..........هو ومن تبعه من العائله السردينيه و الرنجيه .مع شرائح البصل بالخل و الفلفل و الملح..............هذا بالطبع بالاضافه للبصل الاخضر.................انصحك بغسيل يدك بالخل .............مفعوله في الرائحه اكيد و فريد.................تحياتي لكل محبي الفسيخ :blink:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك

نقع اليدين في محلول ماء النار لمدة يومين يعقبهما نقعهما في الصودا الكاويه لمدة يومين و تكرار هذه العمليه بالتناوب لمدة شهرين يؤدي الى نتائج تصل نسبة نجاحها الى 50% لإزالة رائحة الفسيخ :blink:

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

ليه يعني؟؟

فعلا الفسيخ ده أكل الصفوة...وبعدين مش ده منتدي المصريين؟؟ يعني اللي ييجي يقول يع مش بحبه يخليه برة احسن..هو فيه مصري ما اكلش الفسيخ علي الاقل مرة ...طيب تجربه....طيب غلطه....عادي يعني..وبعدين ده ثقافه فراعنه وموروث ثقافي بيئي نوعي فانتزي

معرفتش انقل هذا الموروث المكتسب للأجيال الصاعده ووقعت في تصادم بيئي طبقي غير متوقع... :blink:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

ليه يعني؟؟

فعلا الفسيخ ده أكل الصفوة...وبعدين مش ده منتدي المصريين؟؟ يعني اللي ييجي يقول يع مش بحبه يخليه برة احسن..هو فيه مصري ما اكلش الفسيخ علي الاقل مرة ...طيب تجربه....طيب غلطه....عادي يعني..وبعدين ده ثقافه فراعنه وموروث ثقافي بيئي نوعي فانتزي

معرفتش انقل هذا الموروث المكتسب للأجيال الصاعده ووقعت في تصادم بيئي طبقي غير متوقع... :blink:

عارفه يا أم ياسر إن الفسيخ الموجود هنا في السعودية اللي مغلف ده وبيتباع في السوبر ماركو ؟ .. بأحس لما بأكله كل كام سنة كده إني بأكل شاندوشت هوت دوج بالكاتشب ..

أما الفسيخ بتاعنا اللي جاي من البرميل الخشب وعليه مية دقة من عند فسخاني شمس الأصيل ... هو ده الأصلي اللي بيروي العطشان ...

الولا نسيبي لما بيسافر بالعربية بأستقطعه وأخلية يجيب معاه فسيخ وجزل ( سمك البلطي الكبير المخلل ) بحيث لو غتمسك يبقى أنا في الأمان ويبقى في حد بره يصرف على عياله ..... يـــــــــــــــــــــــــــــــــاه وكتاب الله بيبقى ضرب نار للصباح الباكر .... فاكر يا هاندي كرافت لما أُغم علينا 3 أيام بلياليهم ؟

كنا مره عايشين عزاب في الصيف أنا وهاندي كرافت حبيبي وإتنين من صحابي ونسيبي وكلنا عيالنا كانوا في مصر .... .. وجينا يوم خميس بعد ما خلصنا العمل - نص يوم - ورحنا اكلنا عند نسيبي جزل وفسيخ وبصل أخضر وقفص لمون على طورناطة عيش على جردلين سفن آب والكل بقى كان راكن عربياته تحت البيت على اساس كُل وأجري وإذ بحالة من النُعاس تضربنا جميعاً ولما قمنا ما عرفناش إحنا فين ولا نمنا قد إيه ...

هيييييييييييه أيام بقى

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

عارفه يا أم ياسر إن الفسيخ الموجود هنا في السعودية اللي مغلف ده وبيتباع في السوبر ماركو ؟ .. بأحس لما بأكله كل كام سنة كده إني بأكل شاندوشت هوت دوج بالكاتشب ..

ايون ايون :blink: ...

والواحد ياكله من هنا ويقوم يمارس نشاطه اليومي المعتاد دليل علي انه سكه...ومضروب

هانت وقربت...وهانعيش حياتنا بعيد عن الرقابه الإداريه والكلام اللي بيهبط العزيمه... :)

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

انا من عشاق الفسيخ والحمدلله بناتي التلاته طالعين زيي انما يوسف باشا ابني الوحيد مش بيرضى يقعد في البيت واحنا بناكل فسيخ وبيروح عند الجيران ويفضحنا

المهم ان الفسيخ لما يتخلي من الشوك والجلد ويتحط في زيت ولمون وخل بيكون وقع الريحه خفيف شويه

بس احلى حاجه النوم بعد الفسيخ

رابط هذا التعليق
شارك

طبعاً اللي بياكل فسيخ محترم ونص كمان ...

واللي يقول غير كده يبقى غلطان ..

لكن الفسيخ هو اللي مش محترم ...

أنا شخصياً مش غاوي أكل فسيخ ... ندر ماندر يعني لما أتهور وأقرب ناحيته .. وغالباً بيكون أول يوم العيد الصغير ..

ولازم يكون في مكان مفتوح .. يعني في الآوت دور .. ويكون متحضر بطريقة لولبية بحيث ماتلمسوش ايدي ابداً ..

وبالرغم من انه بيسبب لي شوية متاعب من ارتفاع الضغط ومشاكل في المعده والقولون .. إلا اني من وقت لآخر كل كام سنة كده آكله ..

زوجتي بتحب الفسيخ جداً جداً ..

ولكنه للأسف ممنوع من دخول البيت ..

في مرة من ذات المرات .. اتخانقت مع الفسيخ .. وحلفت ان مش حادخل الفسيخ تاني البيت أبداً أبداً ..

ولا ممكن يدخل ..يومين بعد ما زارنا هذا الفسيخ العفريت ..

وده للأسف بسبب ريحته ..

اللي قعدت مش عايزة تسيب البيت

ولحد دلوقت .. مابيدخلش ..

لكن لو حد حيعزمني عليه .. مفيش مشكلة ..

حاجيب دواء الضغط معايا وآجي ..

شفت بقى ..

منتهى الإحترام

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

يا جماعة انا عمرى ما اكلت فسيخ :sad:

فين الدكتور حسام يقولى هو بيتباع فين فى اسوان :roseop:

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك

عزيزتي الباشمهندسه هبه..............ازيك عامله ايه؟؟ :sad:

.انا مش من اسوان للاسف بس في رحله هناك ايام الكليه كنا بنجيب ملوحه لها نفس طعمه بالفعل من الشارع اللي ورا فندق سته اكتوبر و الشئون الاجتماعيه تقريبا

...........بس طبعا هي مش بوري بس نوع سمك تاني و اعتقد انه كان عنده الفسيخ برضه.............بس بجد حاجه جامده اوي و كمان جهزي نفسك بالبصل الاخضر او شرائح البصل العادي بالملح و الفلفل و الخل و عيش سخن و توكلي علي الله........وبالهنا والشفا :roseop:

املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد

رابط هذا التعليق
شارك

اما انا بقى و اعوذ بالله من كلمه انا

ما بطيقش الفسيخ دو و لا اتخيل اني اشم رحته و ما يحصل لي هبوط

اده يا عالم

ده سمك فاسد بالتلاته

و لو حد اجنبي اكله ممكن يتنقل للمستشفى علشان يعملوا له غسيل معده

بس احنا اللي معدتنا واخده على الهم من بدري

فعلا الفسيخ سمك فاسد بالمعنى العلمي

و غير مصرح به في الدول الاجنبيه

لكن لا علاقة ابدا بمن ياكله بالاحترام

كل واحد ياكل اللي على مزاجه

طب ما الفرنسين بياكلوا رجول الضفادع و دي اغلى الاكلات عندهم

و الكورين يكلوا الكلاب

و الصينين ياكل اي حاجة فيها روح تحت الارض و وفوقها الى السموات العليا

و سلامي لك يا حاج زوهيري :roseop:

backqp2.jpg

الحفاظ على قفاك مسئوليتك الشخصية

رابط هذا التعليق
شارك

هل اللي بياكل فسيخ يعتبر شخص محترم؟

والله الموضوع دا فيه قولان !!! :blink:

انا احب الرنجة والانشوجا دول ممكن اكلهم.

اما الفسيخ دا شوفته فى حياتى مرتين وسمعت عنه كتير

المرة الاولى اصحابي اسروا انهم يكلوا فسيخ ظنهم انه اضمن من طبيخي ودى كانت من 5 سنين تقريبا روحت المحل وانا على بعد مترين من المحل رجعت ومرضتش اشترية ريحته فظيعة ونفاذة وكمان سمعت انه بيجيب تسمم .

المرة التانية من 4 شهور رحت اسوان وقالولى ان اسوان يعنى فسيخ وفسيخ يا عنى اسوان مش معقول تيجي اسوان ومتخديش فسيخ فسيخهم غير اى فسيخ قولنا ماشي .

شيلته على قلبي من اسوان لمصر وجينا بقي للفتح وبردوا هو الفسيخ فسيخ سواء قاهرى ولا اسوانى .

الغريب بقي ان الفسيخ بغض النظر عن ريحته مملح اوى وصعب الاكل ومش عارفة الناس غاوية تعب ليه .

لى صديقة تقولى يا محلا الفسيخاية كدا لما تجبيها وتغسليها من برا وتضربها فى الخلاط وبعدين تضيفي عليها بقي التحابيش طحيبنه زيت خل ..........الخ .

هى جابت سيرة الخلاط وانا جبدي لاع :sad:

سورى طبعا لاكلي الفسيخ .

كل واحد ياكل اللى يحبه وعلى راى المثل

كل اللى يعجبك والبس اللى يعجبك :sad:

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

و لو حد اجنبي اكله ممكن يتنقل للمستشفى علشان يعملوا له غسيل معده

بس احنا اللي معدتنا واخده على الهم من بدري

لا يا غوص عندك بردوا اشاقئنا الهنود عندهم حاجة اقوى وافظع من الفسيخ حاجة تقدر تقول عليها قنبله ذرية موقوته .

بيجففوا السمك وبعدين بيطبخوه تانى وعديك بقي على السمك المجفف الفسيخ جنبة ملاك .

انت تعدي من جنب محل السمك المجفف تشعر وكأن علامات الساعة الصغري قربت .

تتواجد فى مكان فى سمك مجفف مطبوخ دماغك يشعشع وكانك عامل دماغ بمخدر

تتواجد مع حد بياكل او تتكلم معاه بهد ماياكل او تدخل مكان بعد اكل سمك مجفف .

عينك ماتشوف الا النور والله بدون مبالغة .

فاعتقد عن الفسيخ وماشبه ذلك يعتبر ثقافة وكل شعب وليه ثقافته فى اكله وشربه ........الخ

A liberal is a man or a woman or a child who looks forward to a better day, a more tranquil night,and a bright, infinite future

.

رابط هذا التعليق
شارك

كل اللى اعرفه عن الفسيخ انهم يذكرونه مرتبطا بنقل ناس للمستشفيات او للعناية المركزة.

واتذكر انه فى احدى السنوات اسرة كاملة فقدت حياتها فى اكلة فسيخ.

ربنا يكفينا شره

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

يا بدريه زي ما قلت انها ثقافة شعب

كل شعب - اسف في الكلمه - له اكله مقززه يقرف التانين ان يأكلوها

يعني بصي

ايه رايك في شعب ياكل الرز و يحط عليه المكرونه مع بعض

و كمان عدس

و هو ده الكشري - انا بموت فيه بصراحة-

لكن اقرف قوي من اللي ياكل الكشري في رغيف عيش ....... هو حر بس ازاي

اقول طب ما اللي قبل ان ياكل الرز على المكرونه يقبل برضوه رغيف عيش زياده عليهم

مره لقيت زميل لي بياكل الجبنه البيضاء الحادقه مع الحلاوه و ايه.........تمام

بصراحة انا ما استحسنش الموقف

بس قلت و فيها ايه لو جربت

و فعلا

لقيته مش بطال و الله و الطعم مقبول خالص

و يا ما نعيش يا ما نجرب :blink:

backqp2.jpg

الحفاظ على قفاك مسئوليتك الشخصية

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...