اذهب الي المحتوي
ahmedezzat

ماهو عيوب تاشيرة عامل للسفر بالسعوديه

Recommended Posts

اخوانى اعضاء المنتدى الكرام المقيمين بالسعودية

انا متردد جدا بين قبول و رفض فرصة عمل بالسعوديه و اطلب منكم مساعدتى بابداء الرأى

الوظيفة هى: كبير المهندسين بفندق بينبع بمرتب 10000 ريال اقامة و تذاكر طيران عائليه

المشكلة ان تاشيرة الدخول التى انتظر وصولها سوف تكون فيزه عامل و ليس مهندس اغلب الظن لعدم تواجد فيزة مهندس حسب كلام ادارة الفندق

الأسئلة:

1- ماهى اجراءات تغير المهنه فى البطاقة و جواز السفر المصرى من مهندس الى عامل او طباخ؟

2- هل يجب الاستقالة من نقابة المهندسين لتغير المهنة؟

3- ما هى اجراءات تغير المهنه فى السعوديه؟ و ما هى المده التى يستغرقها التغير؟ و ماهى التكلفة؟

4- عندما يتم تغير التاشيرة من عامل الى مهندس بالسعودية هل يتم تغير المهنه بجواز السفر المصرى؟ و كيف؟

5- بعد تغير المهنه الى مهندس سوف اقوم باستقدام زوجتى و ابنى ماهى تكاليف الاستقدام؟ و كم يستغرق من الوقت؟

6- ماهى تكلفة اعاشة اسرة من ثلاثة افراد بمستوى مرتفع بالسعودية؟

7- ما هو سعر سيارة و لتكن مثلا تويوتا كرولا موديل 2005 او 2006 بحالة جيدة

اسف الى الاطاله و لكنى اجدها ثقيلة على نفسى جدا ان اكتب ببطافتى عامل !!!!!!!!!!! و افكر بالرفض و خاصة ان الرقم ليس مغرى بشكل لا يقاوم و لكن بعض الأصدقاء نصحونى بالسفر لأن معظم الناس اصبحت تسافر السعودية بهذة الطريقة نظرا لساسة السعوده

لذلك ارجو من مر بتجربة مماثلة ان يجيب على اسألتى لكى اتمكن من تقيم الموقف بشكل احسن

اسف للاطالة مرة اخرى

تم تعديل بواسطة ahmedezzat

شارك هذه المشاركه


رابط المشاركه
شارك

السفر للسعودية بمهنة عامل يحرم صاحبه من كثير من الحقول والمزايا .. وأبسطها الإستقدام لأسرته ..

هناك يمكنك تعديل المهنة (بصعوبة) .. يجب أن تصدق شهاداتك الدراسية من مصر من الخارجية المصرية والملحق الثقافي السعودي .. وإن كنت أشك أنه سيصدقها لك وأنت تحمل تأشيرة عامل .. اللهم إلا بعد سفرك للسعودية ترسل شهاداتك مع خطاب من الجهة التي تعمل بها في السعودية موجه للقنصلية لاسعودية في مصر للموافقة على تصديق مؤهلكالدراسي ..

بالطبع ستحتاج إلى تعديل المهنة في الجواز المصري من خلال السفارة السعودية كخطوة أولى قبل عمل أي إجراء بخصوص تعديل المهنة في الإقامة السعودية .. وهذا إجراء سهل وروتيني جداً .. لا يتطلب أكثر من خطاب من الجهة التي تعمل فيها موجه إلى لاسفارة المصرية طالباً تعديل المهنة بجواز سفرك نظراً لحاجة العمل .

تعديل المهنة في الإقامة .. ليست بالأمر الهين في السعودية .. وتحتاج إلى واسطة أو شركة لديها إتصالات جيدة ..

الأمر الأكثر صعوبة في رأيي هو إصدار جواز سفر مصري أساسًا بمهنة عامل ... خصوصاً ونك مهندس.

تكاليف إصدار تأشيرة إستقدام في السعودية .. 2000 ريال رسوم إصدار التأشيرة.

تكلفة الحياة لأسرة في السعودية .. تتراوح من 1000 ريال إلى 20000 (عشرون ألف) ريال أو أكثر حسب المستوى التي تريد العيش فيه ..

ويمكنك الحصول على الكثير من المعلومات بهذا الشأن من باب المغتربين ...

وفي النهاية .. يمكنك الحصول على تأشيرة مهندس بنفس الراتب أو أكثر في السعودية .. بعد البحث قليلاً .. من خلال الإعلانات ووكالات السفر .. خصوصاً وأن الفرص للمهندسين في السعودية حالياً عالية خصوصاً لمهندسي الإنشاءات .. حيث الطفرة العقارية والمشروعات الكبرى الموجودة في السعودية الآن.

شارك هذه المشاركه


رابط المشاركه
شارك

الأمر الأكثر صعوبة هنا هو ليس تغيير المهنة فقط فدي مسألة بسيطة بتتم بتكاليف حوالي 3000 ريال .. لكن الأصعب هو إن مهنتك بعد التغيير في الإقامة هاتبقى مهندس وفي جواز السفر مهندس .. لكن عندما تتقدم لإدارة الإستقدام بوزارة الداخلية ... سيظهر على الجهاز تاريخك الأسود - سوري يعني - وهو إن مهنتك على السيستم مازالت " عامل " عامل عامله ... لإن سيستم الإستقدام منفصل تماماً عن سيستم مكتب العمل والجوازت ... وبالتالي هاتضطر إلى الدفع مرة ثانية من تحت الترابيزة وهاتبقى في حدود مبلغ لن يقل عن 14000 ريال ..

انا اسف إني بأقولك كده لكنها الحقيقة المُره من ناس شغالين في هذا المجال وتسمع منهم الحقيقة ..

الأمر من ذلك بقى إن هناك نظام أُستحدث من أسابيع قليلة وفتح أبواب جهنم على أصحاب تلك المهن وبالذات العامل دي وهو

" الاجنبي اللي مهنته عامل وأستقدم زوجته وجه يجدد إقامته السنوية ... وإدارة الجوازات أكتشفت إن عائلته معه بالسعودية بالرغم من إن مهنته عامل وممنوع يستقدم بتلك المهنة ... فبيتم إستدعاءه للتحقيق الرسمي أمام لجنة مختصة ... كل ده عشان يعرفوا مين اللي اخد منه رشوة عشان يخلص له الإستقدام ... وممكن يرفضوا التجديد له ويترحل هو وعائلته "

شارك هذه المشاركه


رابط المشاركه
شارك

الف شكر لكل من اسد و سى السيد

فى حالة الاتفاق على ان يكون تغير المهنة مسؤليه الفندق من ناحيه تخليص الاجراءات و الدفع تحت الترابيزة و خلافه و يكزن هذا شرط اساسى بماذا تنصحون؟ الرفض ايضا؟

حسب معلوماتى ان تصديق و توثيق شهادة المؤهل يكون من اداره الجامعة ثم الخارجية المصريه و كنت انوى عمل ذلك قبل السفر (اذا وافقت اصلا) و لم اسمع عن الملحق الثقافى السعودى فهل هو ضرورى؟ و هل يشترط ان يطلع على العقد؟

اخيرا: ما هى الجهة السميه بمصر التى يمكن ان استعين بها للتاكد من صحة العقد قبل السفر؟

شارك هذه المشاركه


رابط المشاركه
شارك

عزيزي اسمح لي بالمداخلــه ولو انها مش في محور السؤال الي تسال عنــه ..

انا لو منك تساءلت اكثر عن مصداقيــه التاشيــره والفندق .؟؟؟؟؟؟ تاكد اولا من صحـه كلامهم وهل انت ستعمل فعلا كبيـر مهندســين

كبير مهندسين او مهندس يعني تبع مكتب هندسي او شركه مقاولات ... وهذه الشركات من حقها استخراج تاشيره مهندس .

يجب ان تقتنع اولا من السؤال التالي

ليه ما تكون بتاشيره مهندس .؟؟؟؟؟؟؟؟ ما دمت هتشتغل مهندس.؟؟؟؟

اتمني لك التوفيــق

شارك هذه المشاركه


رابط المشاركه
شارك
الف شكر لكل من اسد و سى السيد

فى حالة الاتفاق على ان يكون تغير المهنة مسؤليه الفندق من ناحيه تخليص الاجراءات و الدفع تحت الترابيزة و خلافه و يكزن هذا شرط اساسى بماذا تنصحون؟ الرفض ايضا؟

حسب معلوماتى ان تصديق و توثيق شهادة المؤهل يكون من اداره الجامعة ثم الخارجية المصريه و كنت انوى عمل ذلك قبل السفر (اذا وافقت اصلا) و لم اسمع عن الملحق الثقافى السعودى فهل هو ضرورى؟ و هل يشترط ان يطلع على العقد؟

اخيرا: ما هى الجهة السميه بمصر التى يمكن ان استعين بها للتاكد من صحة العقد قبل السفر؟

ده لازم ولابد تصديق الملحق الثقافي السعودي عشان يُعترف بها في السعودية

--------

ليه ما تكون بتاشيره مهندس .؟؟؟؟؟؟؟؟ ما دمت هتشتغل مهندس.؟؟؟؟

يا عم قديم مانت عارف التضييق على إستصدار التأشيرات ومهما كانت الشركة مطبقة نسبة السعودية فبرضوا مش من السهل إصدار تأشيرات جديدة ..

فمثل هذا الفندق مثلاً عنده تأشيرة عامل لكنه محتاج مهندس ... فبيفعل ما يُسير له أموره وعمله .. وكذلك تفعل جميع شركات ومؤسسات السعودية ...

شارك هذه المشاركه


رابط المشاركه
شارك

ليست لدى معلومات اكثر مما قالها الأستاذ أسد والأستاذ سي السيد والأخ قديم

لكن تأكيد بسيط

وهو ان تأشيرة المهندس ليس بها صعوبة فى الاستخراج فى السعودية

لذا اطلب من الفندق أن يرسل لك فيزا بمهنه مهندس وهى متوفرة جدا ً هناك

واذا وافقت على تأشيرة العامل سيكون ذلك اول التناذلات التى ستقدمها مع ذلك الفندق وتوقع المزيد

ونتمنى لك التوفيق باذن الله

تم تعديل بواسطة vipwithyou

شارك هذه المشاركه


رابط المشاركه
شارك

المسألة مفيهاش تنازلات ولا حاجة ...

موضوع التأشيرات معروف .. ومعروف مشكلتها وسببها وكيفية التعامل معاهم

السؤال هنا ..

هل ستدفع مبلغ كبير مقابل تلك التأشيرة ؟؟

إذا لم تكن دفعت فلوس كتير ثمن التأشيرة ..

فلا مانع من إنك تجرب تسافر .. خصوصاً إن المرتب مش وحش ..

إذا وجدت الوضع فيه كذب وملاوعة وخداع يمكنك إنك ترجع .. خلال الشهور الثلاث الأولى دون أية إلتزامات عليك اللهم إلا ثمن تذكرة السفر من السعودية لمصر ..

أنا شخصياً فكرت بالشكل ده حينما حضرت للعمل في السعودية منذ 17 سنة ..

ولا تحرق مراكبك في مصر قبل سفرك .. يعني حاول تخلي أواصر الصلة موجودة مع عملك وفي كل العلاقات في مصر ..

للتأكد من صحة التأشيرة .. أعتقد أنه عن طريق السفارة .. ووزارة القوى العاملة المصرية

طبعاً تصديق الملحق الثقافي السعودي مهم .. ولا غنى عنه .. لكنهم لن يصدقوا لك على الشهادة طالما تأشيرتك عامل .. والطريقة المتاحة هي كما أشرت عليك في المداخلة الأولى

مع تمنياتي لك بالتوفيق

شارك هذه المشاركه


رابط المشاركه
شارك

انا لن ادفع اى شئ سواء فى التاشيرة او تغير المهنه فيما بعد و سوف يتكفل بها الفندق

الذى دار بخاطرى انه اذا استطاعت ادارة الفندق الحصول على تاشيرة مهندس فمن المنطقى ان تكون لمدير الادارة الهندسيه (كبير المهندسين) و عموما انا فعلا النهارده طلبت منهم فيزه مهندس و رفضت السفر باى فيزه اخرى

و ادينى هستنا و اشوف هيعملو ايه لأن انا فعلا خايف ان دى تكون اول التنازلات ..................... مش متخيل ان الوظيفة فى البطاقة و جواز السفر و من ثم الاقامة تكون عامل .................. الواحد صعبان عليه نفسو ................زز امال احنا اتعلمنا ليه و مركب البرجل فى دماغى خمس سنين جامعة و 3 سنين ماجستير و سنتين دبلومه فى الجامعة الامريكية

ملعون ابو الفلوس اللى تعملكده فى الواحد

انا متشكر جدا لتفاعلكم جميعا فى الموضوع و فعلا حسيت انى مع اخواتى اللى خايفين عليا

شارك هذه المشاركه


رابط المشاركه
شارك

ياريت تبقى تبلغنا رد الفندق ايه وان شاء الله هيبعتولك الفيزا مهندس او تقولنا ردهم ايه وانت بنفسك هتعرف من ردهم نواياهم

بس انا نسيت اقول لحضرتك حاجة برضوا

بالنسبة للمرتب كان كويس لتغطية المهنه يعنى مش مشكلة لو دفعت مثلا 12000 ريال لاستقدام زوجتك

لكن فكر برضوا كويس واديك خطيت الخطوة خلاص وابقى قولنا نتيجتها ان شاء الله

وباذن الله تأكد انه خير

وشكرا

شارك هذه المشاركه


رابط المشاركه
شارك

عيب تروح على تأشيرة عامل و تهين نفسك قلهم يا تاشيرة مهندس يا بلاش لكن عامل ده حتفضل وصمة عار تلاحقك

يا عم انا اعرف واحد حطولوه في الفيزا بدل مدير مشاريع مهندس ميكانيكي علشان فيزة المهندس اسهل و اسرع وبعيدة عن السعودة الناس ده بتضحك عليك وبتستهزيء بيك بصراحة ولو قبلت بفيزة عامل تستاهل كل الي يجرالك

انا اعرف واحد خبير اعلامي كبير في السعودية في الجوازات علشان كان مكتوب في الباسبور صحفي اذاعي و تأشيرته الاولانية صحفي اذاعي في اول دخول له البلد و الاقامة الاخيرة كتبوا خبير اعلامي فقالولوه معلش استنى ندور في الارشيف عن الامر الملكي الي دخلت بيه السعودية او هاتلنا جواز سفرك الاولاني الي من 30 سنة تقريبا

شارك هذه المشاركه


رابط المشاركه
شارك

السلام عليكم

الاخوه الكرام جزاك الله خيرا

لازم نفصل يا جماعه بين تاشيره الدخول و التى هى فقط وسيله و بين المؤهلات الاساسيه كمهندس انت مهندس و هذا لن يتغير و لا تصعب عليك نفسك و لا حاجه

و الشغل شغل لا يعيب صاحبه و لا تلعن الفلوس اللى هى نعمه من الله نرجو ان يبارك لنا فيها .

كما اسلف الاخوه اعلاه تغيير المهنه بيتعمل و كله بتمنه و حتى الاستقدام و الشئ الطيب انك جاى على مكان معروف و ليس شئ مبهم او كفاله فرديه.

الان لا يوجد مسمى مندوب مبيعات فبنضطر الى اصدار تاشيرات اخصائى تسويق لاحضار اطباء للعمل فى مجال المبيعات الدوائيه و الرجل بكل احترامه يعمل و يتعامل مع القوانين كما هى و لا يحس ان نفسه مكسوره او انه قليل بسبب التاشيره و مسماها.

يا هندسه جمد قلبك و ادخل المعترك بس على نور و ربنا يوفقك ان شاء الله . قل امين

شارك هذه المشاركه


رابط المشاركه
شارك

أنا شخصياً لا أرى أن هناك مشكلة في انك تيجي بتأشيرة عامل

وبعد كده تغير المهنة

ليس فيها أي مشكلة

وكثيرون جداً جداً يفعلون ذلك الآن .. والأمر ليس فيه أية إهانة .. طالما أنت ستعمل مهندس وفي مكان محترم ...

المهم انك زي ما قلت لك تكون مستعد للأمر ..

وستحتاج أن يسألونك عن تأشيرة الدخول الأولى مرة واحدة فقط .. هي عند الإستقدم .. وإذا أنهيتها .. لن يعرف أحد إذا كنت دخلت بتأشيرة عامل أو عالم ..

كله واحد ..

أتمنى لك التوفيق

شارك هذه المشاركه


رابط المشاركه
شارك

مهندس احمــد عزت

اعتقد الان وضحت الامــور وكيفيــه تعديل المهنـه والاجراءات الي ممكن تعملها وتعدل مهنتك والتكاليف الي ستدفعها .

كدا انت لو عايز تنزل بتاشيره عامل اعتقد عندك خلفيــه كبيــره عن الموضــوع ويبقي السؤال

هل نفسك تقبل تنزل بتاشيره عامل وحضرتك مهندس ؟؟؟ هذا السؤال الاجابه عليـه تتوقف علي شخصك الكريم يا باش مهندس

لكن لو انا ف محلك سيكون راي كالتالي

ساسال نفسي السؤال التالي . الان الحياه تحسب بفلوس وعائد مادي .

هل المرتب مغري .. هل سبق عرض علي نفس العرض . هل لو رفضت هذا العرض ساجد عرضا مشابه له او افضل ؟؟؟

هل انا محتاج للسفــر في هذه الفتــره .

لا يعيب الانسان ان تكون بتاشيره عامل ( فالارزاق بيد اللــه . والمكسب الحلال هو المطلب ) ولكن المساله مساله نفسيــه اكثر عند البعض .

زي لو عرض عليك الركوب درجــه سياحــيه ونت حاجز درجه اولي .. يا تستنا الطياره التانيه اوتركب السياحي الان . .

شارك هذه المشاركه


رابط المشاركه
شارك
مهندس احمــد عزت

زي لو عرض عليك الركوب درجــه سياحــيه ونت حاجز درجه اولي .. يا تستنا الطياره التانيه اوتركب السياحي الان . .

مفيش طيارة تانية يا استاذى الفاضيل قديم .......

العمل بالخارج فرصة نادرة الحدوث

اتوكل على الله يا بشمهندس و عندك الاستاذ اسد قالك اهوه انه كتير بيعملوا كده

و ياريت لو تصلى صلاة الاستخارة قبل اتخاذ قرار مهم زى ده و الخيرة فيما اختاره الله

شارك هذه المشاركه


رابط المشاركه
شارك

انا متشكر لكل من شارك بالنصيحة او المعلومة

الموضوع ان دى بالنسبالى ترقية لأنى اعمل بشرم الشيخ مساعد كبير المهندسين باحد الفنادق الكبرى

كمان فندق السعودية من سلسلة فنادق عالمية كبرى و تفكيرى انى احط رجلى فى الخليخ كخطوة اولى و ممكن فى داخل الشركة اوصل للامارات بمرتب مغرى و دى خطتى معاهم حسب الاتفاق

بالاضافة ان ابنى عمره شهر يعنى عندى فتره من 5 الى 10 سنوات اسافر فيهم براحتى و اقدر اوفر مستقبل افضل لاسرتى الصغيرة و انا لسه بصحتى فكان تفكيرى انى لو خفت من السفر الأن فبالتاكيد هارفض بعد 5 او 10 سنوات يعنى هيه دى افضل مرحلة للسفر من حياتى

ده احسن 4 عروض فى منطقة الخليج خلال سنه و قولت اتوكل على الله و اخوض التجربة

النهارده اتصلت ب 3 اصدقائى بالسعوديه برضو مهندسين فى فنادق لنفس الشركة ...............زز كلهم سافرو بنفس الطريقة و غيرو المهنه بالضبط زى ما ذكرتم و عايشين و مستقرين لفترات تتراوح بين 3 الى 5 سنوات

الجو العام فى السعوديه مش غريب قوى عليا لان انا مولود هناك و عشت هناك 13 سنه ............... طبعا الوضع اتغير بس مش 180 درجة

انا اتعشم ان تمسكى بتاشيرة مهندس تكون وسيلة ضغط و يمكن يجيبوها

شارك هذه المشاركه


رابط المشاركه
شارك

شكرا لكل مداخلاتكم و نصائحكم

بس انا شايف تناقط شديد فى الآراء و مش شايف اجماع او اغلبيه مع احد الراين (القبول ام الرفض) بس اصدقائى المقيمين بالسعوديه لما اتصلت بيهم لاقيت عندهم اجماع على الموافقة

بداية كان تفكيرى كالآتى:

دى مرحلة من حياتى مناسبة للسفر لان ابنى صغير (شهر) و قدامى 10 سنين اسافر و اتعب فيهم و احاول اوفر فيهم مستقبل افضل لاسرتى الصغيرة و انا لسة بصحتى انا اصلى مش ناوى على 15 20 سنه او الكلام ده و هو ده تخطيطى

و بعدين دى شركة عالمية عملاقة و دى ترقيه بالنسبة لى لأنى اعمل الآن مساعد كبير المهنسين بفندق بشرم الشيخ و دى ممكن تكون بداية فى الخليج و طريق للامارات مثلا لان الشركة منتشرة جدا بالخليج و ممكن كمان فى مصر اقعد كمان سنتين مستنى الترقية او حتى باسعى لها لان الموضوع هنا لا يقاس بالكفائة و احنا عارفين مصر ام الدنيا ماشية ازاى

جو السعوديه مش مبهم تماما بالنسبة لى لانى مولود هناك و عشت هناك 13 سنه من عمرى

العرض متوسط الاغراء او معتدل يعنى تقريبا ضعف دخلى فى مصر ................ بس ان ببص للموضوع بنظرة مستقبليه يعنى حتى لما احب ارجع مصر اكون راجع بمنصب اعلى و شوية فلوس و ساعتها هيبقى دخلى فى مصر اقل بقليل عن متوسط مرتبات السعوديه بالذات (الامارات اعلى بشكل ملحوظ)

اتامل ان اصرارى على الفيزة يكون وسيلة ضغط لها نتيجة جيده .............. و ادينا هنشوف ايه ردهم

شارك هذه المشاركه


رابط المشاركه
شارك

السلام عليكم و رحمة الله

رغبة مني في تقديم النصيحة ....

انت بتفكر صح من ناحية الضغط دا راي و الله اعلم ... لكن ما دام انت تعرف زملاء ليك في نفس الشركة سافروا بنفس الطريقة فا ان شاء الله ما فيش قلق ....

و زي ما ذكرت المهندسة هبة ... اهم حاجة صلاة الاستخارة

و ربنا يكتبلك اللي فيه الخير ليك ولاسرتك

مديح اللبودي ... عايش ما بين السعودية و الامارات

شارك هذه المشاركه


رابط المشاركه
شارك

كبير مهندسينchief engineer

فى قطاع الفنادق يعنى عامل صيانه ولو سمحتم يا جماعه بلاش نبيع نفسنا رخيص

عارف ان ظرونا الاقتصاديه صعبه بس بلا ش نرمى نفسنا رخيص يعنى اقل علمل لبنانى او سورى او حتى يمنى لا يقبل باقل من 4000 ريال واحنا 500 ريال والمهندس المصرى ماعندوش مانع فى ان يعمل ب 3 الاف

والله عيب

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...