دورة الرجل الشهرية.. دخان بلا نار !!!

[badroora]

لم يبقي إلا زرع رحم للرجال حتى يحملوا ! على أساس أن الحمل متعب جدا وشاق ويجب أن يقوم به الرجال !!(أقول هذا الكلام لزوجتى دائما ) !!!!

سبحان الله

سلام عليكم

هناك دارسة بالفعل تمت ولا داعى لزرع رحم للرجال فتجويف البطن عند الرجل ممكن يغنى عن الرحم .

ودا طبعا شيء كويس بدل ما تتعرض الانثي لعملية للتبرع بالرحم :blink:

مع خالص مودتى..

[badroora]

الموضوع حقيقة فعلاً وهو يختلف من رجل إلى آخر

وقرأت فيما سبق بحثاً عن شخص قام يتدوين حالته النفسية والعصبية خلال مراحل عمره المختلفة وخلص في النهاية بأنها تتكرر وفقاً لحسابات معينة كل مدة معينة على صورة دورة شبه شهرية

وقد تكررت هذه الأبحاث بصورة موسعة على فئات مختلفة من الرجال خلصت بأن للرجال دورات (نفسية) شهرية وسنوية يختلف فيها المنحنى النفسي تصاعداً وهبوطاً حتى وإن ثبتت المتغيرات

وبالتالي تختلف ردة فعل الرجل تبعاً لحالته النفسية لذات الموقف من وقت لآخر

وهو مادفع ببعض الأبحاث للإستفاضة في دراسة الحالة النفسية للموظفين خاصة الذين يعملون في أعمال خطرة ممكن أن تعرض حالتهم النفسية المنخفضة فيها لكوارث قد ت}دي بحياتهم وحياة الأخرين

وهو ما تطبقه بعض شركات الطيران بالذات حيث تقوم بدراسة الحالة النفسية لطياريها وإعطائهم أجازة عندما يكون المنحنى النفسي منخفضاً عن حد معين. وهو ما كان نتيجة لعلم حديث يسمى بالـ 6 sigma ...

وهذا مقال مهم يوضح ان الأبحاث الحالية تتجه لتبرير الحالة المزاجية للمرأة في وقت الدورة الشهرية سببه نفسي وليس عضوي كما كان معروفاً من قبل نتيجة لثبات نفس الحالة المزاجية للرجل بدون سبب عضوي واضح

اولا احب اقولك ازيك يا سييم وحمدالله عالسلامة بقالى كتير مش باشوفك زى الاول .

حمدالله ع السلامة :blink:

شوف هو الموضوع اعتقد ان معظم الاخوة مش متقبلينه من الناحية النفسية او ممكن يكون المسمي نفسه محدش قادر يستوعبة .

بس هى دراسات اتعملت وسواء شئنا او ابينا .

ميرسي جدا عالمقال اللى اضفته

ومتبقاش تغيب تانى

تحياتى

[mizo]

انا اعتقد ان الجنس اللطيف اللى معنا فى المنتدى اجر او اعطى رشوه او جند بدريه مكاوى لشن هذه الحمله على الرجال العظام المحترمين الاشاوس الاحرار اعضاء المنتدى لغرض ما سوف نعرفه لاحقا على مااعتقد

برجاء اخذ الحذر فى الردود

ميزو الرجل من غير اى اعراض شهريه او سنويه :blink:

[badroora]

انا اعتقد ان الجنس اللطيف اللى معنا فى المنتدى اجر او اعطى رشوه او جند بدريه مكاوى لشن هذه الحمله على الرجال العظام المحترمين الاشاوس الاحرار اعضاء المنتدى لغرض ما سوف نعرفه لاحقا على مااعتقد

برجاء اخذ الحذر فى الردود

ميزو الرجل من غير اى اعراض شهريه او سنويه :P :)

انا ..معقولة ...ومين فى اخواتى ...لا والف لااااااااااااا !!!

لست انا اتساذ ميزو اللى ابيع ضميري ولو ب 500 جنية

عموما الحالة اللى حضرتك فيها دى طبيعية جدا وتسمى ال denial فالدينايل ميكانيزم دا شائع جدا فى مثل هذه الحالات .

مع خالص مودتى

المخلصة

بدرية :blink:

[رمضان]

لا حول ولا قوة الا بالله

والله ما الاقي كلام اقوله يا بدرية

بس مش كل ما حد يـألف حاجة نمشي وراه

لو كان فيه حاجة زي كده كان القرآن اتكلم عليها والسنة كمان

[اسكندرية تانى]

الاخوة و الاخوات

لى تعليق متواضع على هذا الخبر تحديدا فهذا الرجل طبيا مريض بورم متضخم فى الغدة النخامية Pitutary Macroadenoma يؤدى الى افراز هرمون البرولاكتين prolactin بكثرة

لذا فهذا النموذج مريض و لا يجب القياس عليه.

عموما الموضوع لطيف و ظريف و فيه جانب كبيرمن الصحة فيما يخص الدورة النفسية الشهرية للرجال

تم تعديل 22 مارس 2008 بواسطة اسكندرية تانى

[جويرية]

هو كدة مفروض يكون العنوان ( دورة الأنسان القمرية )

يعني علي اساس ان الموضوع ده مرتبط بالقمر و ده طبعا خاص بالجنسين

عشان كدة سنة عن الرسول صلي الله عليه و سلم ان احنا نصوم 3 ايام في منتصف كل شهر عربي

عشان في حاجة مرتبطة بالمد و الجزر و نسبة المياه في الجسم

العنوان فيه بروباجندا شوية

بصراحة بفضل موقع زي ( الشبكة الأسلامية ) عن ( اسلام اون لاين )

و بعدين في ناس نفسها تساوي بين الجنسين تماما او ميبقاش في فرق بينهم بالمرة

و كل يوم بيطلعوا بحاجة جديدة

و الهدف هو ( تغيير خلق الله )

يعني نوصل ان ميبقاش في البطاقة الشخصية خانة اسمها النوع

[هشام الكندي ان شاء الله]

يا جماعه ممكن استفسار من بدريه فاتحه الموضوع

اذا كنتي قولتيلنا عن دورة الرجل النفسيه الشهريه و دورة المرأه الشهريه و ان كل دا عادي و طبيعي, طيب هل الهرمافرودايتس بيبقوا عاديين و لا دي حالات مرضيه؟ و لو هما حالات مرضيه فايه علاجهم؟

[badroora]

لا حول ولا قوة الا بالله

والله ما الاقي كلام اقوله يا بدرية

بس مش كل ما حد يـألف حاجة نمشي وراه

لو كان فيه حاجة زي كده كان القرآن اتكلم عليها والسنة كمان

متقولش حاجة يا رمضان انا حسه بيك ومقدرة

ثم احنا ممشيناش مع حد دى راسة وتمت ليش منفهمش وناقش شيء انعمل خلاص .

ثم صاحب الرسالة رجل مش سيدة .

والعلم والبحث دا شيء مستمر لتطوير حياتنا للافضل طبعا.

اخى عزيز لا تاخذ الموضوع بحساسية تاك ات ازى مستر رمضان

[badroora]

.

عموما الموضوع لطيف و ظريف و فيه جانب كبيرمن الصحة فيما يخص الدورة النفسية الشهرية للرجال

ماليش تعليق غير على صورة توقيعك لوحت رئبتى وعمللتلى زغغلة بالعين ودوران بالراس

[badroora]

العزيزة جويرية اتمنى ان اكون كتبت اسمك صحيح ومعذرة لو كتبته غلط .

اهلا وسهلا بك مرة تانية .

و بعدين في ناس نفسها تساوي بين الجنسين تماما او ميبقاش في فرق بينهم بالمرة

و كل يوم بيطلعوا بحاجة جديدة

مين قال كدا , يا صديقتى العزيزة لو اقرانا الموضوع بسطحية هنسنتنج انها طريقة لافتعال دورة للرجل كدورة المراءة

ولكن الدراسة واضحة جدا . انها تتكلم عن عوامل نفسية للرجل ولا تنص على ان الرجل مثل المراءة والكلام بيقول دورة الرجل لا جسدية لا مادية يعنى هناك فرق شاسع .

و الهدف هو ( تغيير خلق الله )

لا اله الا الله مش عرفه حضرتك استنتجتى الهدف دا منين !!

يعني نوصل ان ميبقاش في البطاقة الشخصية خانة اسمها النوع

مين قال كدا يا عزيزتى دراسة علمية لنفسية الرجل يعنى لا تقلل من رجولته ولا تنادي بان الرجل عنده دورة شهرية كالمراءة

بليزاقرى الموضوع تانى واتمنى ان تراجعى نفسك فى استنتاجاتك .

[badroora]

يا جماعه ممكن استفسار من بدريه فاتحه الموضوع

اذا كنتي قولتيلنا عن دورة الرجل النفسيه الشهريه و دورة المرأه الشهريه و ان كل دا عادي و طبيعي, طيب هل الهرمافرودايتس بيبقوا عاديين و لا دي حالات مرضيه؟ و لو هما حالات مرضيه فايه علاجهم؟

شوف يا هشام باختصار شديد دون الخوض فى تفاصيل .

الجنس التالت دى بيكون الشخص عنده اعضاء انثوية وذكورة ايضا .

وعلى حسب انهى المكتمل فيهم يعنى لو شخص عنده الاعضاء الانثوية مكتملة ومعدل الهرمونات الانثوية اعلى فهنا على حسب رغبة الشخص فيتم استصال الاعضاء الاخرى وتظل انثي والعكس .

وممكن لو انثي متكاملة مع اعضاء ذكورة مشتركة ففى الحالى دى بتكون انثي وكل التغيات الفسيولوجية الشهرية بتكون زيها زي اى انثي .

العكس للرجل طبعا.

الفرق هنا اننا نتحدث عن دورة نفسية للرجل العادي .

يعنى مش دورة مادية جسدية كدورة الانثي .

دورة نفسية للرجل الطبيعيى العادى كامل الرجولة .

اى استفسار تانى

[جويرية]

ومن هنا انطلق خيال مناصري "دورة الرجل" إلى محاولات الربط الفلكي بين الدورة القمرية وظاهرة المد والجزر من جهة، وبين دورة الرجل الشهرية وتغير نسبة السوائل بجسمه واستقراره النفسي والعاطفي وطبيعة سلوكياته من جهة أخرى.

قريت الموضوع تاني يا اخت بدرية

وده اقتباس من موضوعك

ان المقصود هو دورة القمر و الكلام ده للرجال و للنساء

نقلت ليكي الكلام ده

نحن (أقصد البشر) والقمر والصيام

هل يا تري فيه علاقة بين هؤلاء الثلاثة

اكتشاف علمي يؤكد عظمة ديننا الحنيف وصدق رسالة نبينا الكريم ..

-------------------------------------------------------------------------------

من الطريف أن اذكر تلك المحاولة التى قام بها احد الأطباء في مدينة

ميامي بامريكا حيث اوضح ان هناك ارتباطاً قويا ًبين اكتما ل دورة

القمر وأعمال العنف لدى البشر حيث اتضح له من التحليلات

والاحصائيات البيانية التى قام بها والتى تحصل عليها من سجلات

الحوادث في المستشفيات ومراكز الشرطة بعد ربط تواريخها بالأيام

القمرية _اتضح له ان معدلات الجرائم وحالات الإنتحار وحوادث

السيارات لمهلكة مرتبط باكتمال دورة القمر ، كما ان الأفراد الذين

يعانون من عدم الإستقرار النفسي واَلاضطرابات النفسية ومرضى

ازدواج الشخصية والمُسنون اكثر عرضة للتأثر بضوء القمر، كما

اشارت الدراسات الى ان اكبر نسبة للطلاق والمخاصمات العنيفة في

عدة مدن تكون في منتصف الشهر عند اكتمال القمر.

اخذالدكتور يفكر عن سبب معقول لهذه الظاهرة وتفسير علمى معقول

ومقبول لنتائجه فقال إن مياه المحيطات والبحار تتأثر تأثراً ملحوظاً

بجاذبية القمر ( في عملية المد والجزر ) وعليـــه فإن جسم الإنسان

تشكل المياه فيه نسبة تزيد على 80% من مكوناته ممثلة فى سوائل

الأنسجة والخلاياوالدم ....ولا يستبعد اذاً ان يتأثر بجاذبية القمر.

ومن هنا نلتمس العلاج النبوى لحل مثل هذه الظاهرة المتمثل في؟؟؟؟؟

تعرفون ماذا؟؟؟؟

(صيام الأيام البيض من كل شهر قمري (15،14،13)فلعل من الحكمة

فى هذا ان

الصيام بما فيه من امتناع عن تناول الماء يعمل على خفض نسبة

الماء في الجسم خلال هذه الفترة التى يبلغ تأثير القمر فيها على

الإنسان مداه، فيكتسب الإنسان من وراء ذلك الصفاء النفسي

والإستقرار ، ويتفادى تأثيرالجاذبيه، وفي ذلك من الإعجاز العلمى

للسنة ما فيه.

فسبحان الله إن الصوم وسيلة للسيطرة على قوى النفس حتى لا يقع

في معصية ، فيتقرب إلى الله به ، ويسيطر على قوى جسده ونزعاتها.

وتحصل له بذلك الراحة والصحة النفسية التى يتمناها كل إنسان

فسبحان الله. ما اعظم صنعه وتدبيره.

لا اله الا انت ربي سبحانك اني كنت من الظالمين.

بتسأليني من استنتجت موضوع تغيير خلق الله

زي ما أنتي شايفة في محاولات مستمرة للتقريب بين الجنسين في كل حاجة في الملابس علي الأقل و دي واضحة جدا

حيث ورد في القرآن الكريم على لسان الشيطان في تهديدة بإغواء البشر ( في آخر الآية الكريمة،(( لأمرنهم ولغيرن خلق الله وليبتكن آذان الانعام ))

[اسكندرية تانى]

انا اؤيد الاخت بدرية فى ان هناك دورة شهرية للرجل

و على فكرة بحث هذا الموضوع بدأ من زمان قوى و تحديدا فى القرن 17 من عالم ايطالى اسمه سانكتوريوس اللى لقى ان وزن الرجل

بيختلف بالزيادة و النقصان من رطل الى

رطلين فى ايام معينة فى الشهر. و بعده جاء رجل عالم دنماركى فىالسبعينيات من القرن الماضى و قاس كمية الهرمونات الموجودة فى البول ووجد انها بتزيد و بتقل فى ايام معينة فى الشهر ايضا ووجد كمان ان

معدل نمو اللحية و الشعر فى الرجال ايضا بيزيد فى نفس هذة الايام

ووجد ان اسرع معدل نمو للذقن يكون فى يوم الاحد و ابطىء معدل نمو يكون يوم الاربعاء. كما ان عدد الحيوانات المنوية لدى الرجل ترتفع و تهبط مع هذه التغيرات فى سرعة نمو الذقن يعنى بتزيد يوم الاحد و بتقل يوم الاربعاء من كل اسبوع. مع مراعاة ان الدراسة

تمت فى اوربا حيث الان اجازة الويك اند تكون يوم الاحد ووجد ايضا ان دورة الرجل النفسية تأخذ من شهر الى ستة اسابيع و فى فترة الهبوط تكون عند الرجل حاله من اللا مبالاة و الكمون نحو المرأة و يتجه الرجل الى تضخيم اى مشكلة

صغيرة مع المرأة اما خلال فترة الذروة للرجل يكون عند الرجل الاحساس بالقوة و يزداد وزنه و تقل ساعات نومه.

[حسام يوسف]

السلام عليكم

يا بدرية بتعجبنى مشاركاتك

بس المشاركة دى لا تستند لعلم أو منطق

وعنوان يشد وبس

يخلو من أى فايدة

والموضوع مابقاش ظريف

حاجة كدة شبة الجرايد الصفرا

ماتزعليش منى

دى وجهة نظرى

وربنا يعلم ان بقدرك قد ايه

[~Heba~]

يا ابو محمد هدى نفسك امال متكبرش الموضوع بدرية قصدها دورة تحدث فيه تغيرات نفسية ليس اكثر ولا اقل

و بعدين متشغلش بالك بالحاجات دى خلى بالك انت بس من ام محمد انت مسمعتش عن اكتئاب ما بعد الولاده متعرفش سببه ايه

طبعا انشغال ابو الطفل بأمور بسيطة زى ديه :blink:

ماشى مش عايزين نشوفك فى المحاورات تانى :lol: :lol:

[badroora]

الاخ العزيز حسام كتبت:

بس المشاركة دى لا تستند لعلم أو منطق

هل لديك دراسة اخرى تستند اليها ؟

لو لديك ممكن لحضرتك عرضها حتى يتثنى لنا فهم الموضوع من وجهة نظر اخرى .!

ماتزعليش منى

لا مافيش زعل ولا حاجة . انا لست من قام بالدراسة , ولكنى من نقلتها للناقشها فمن الطبيعي ان تختلف الاراء حول موضوع شائك كهذا واكيد فى النهاية هنخرج كلنا بمعلومة جديدة سواء بالاثبات او النفي .

دى وجهة نظرى

وانا احترمها . :sad:

وربنا يعلم ان بقدرك قد ايه

وانا ايضا

مع خالص مودتى :sad:

تم تعديل 26 مارس 2008 بواسطة Badria Mekkawy

[حسام يوسف]

السلام عليكم

يا أخت بدرية الموضوع اللى حضرتك بتقولى عليه من الاصل علميا مالوش أى سند

أو حتى حاجة تأكدة

يبقى المفروض منى أنا أدور على دليل أثبت بيه كلامى؟

المنطق ده غريب

قال الرسول صلى الله علية وسلم:

البينة على من أدعى

صدق رسول الله

[badroora]

السلام عليكم

يا أخت بدرية الموضوع اللى حضرتك بتقولى عليه من الاصل علميا مالوش أى سند

أو حتى حاجة تأكدة

يبقى المفروض منى أنا أدور على دليل أثبت بيه كلامى؟

المنطق ده غريب

قال الرسول صلى الله علية وسلم:

البينة على من أدعى

صدق رسول الله

عليه الصلاة وافضل السلام .

طبعا ادعى دى مش انا المقصود بها .

عموما يا اخ حسام مش هنخسر بعض عشان دراسة لا انا ولا انت اللى درسنها.

دى معلومة ومطروحة انى لى مطلق الحرية فى نقلها ومناقشتها.

ولحضرتك مطلق الحرية فى تكذيبها او عدم تصديقها .

وفى النهاية احنا اخوات .

اذن يبقي الحال كما هو عليه

تحياتى

:blush2:

[حسام يوسف]

السلام عليكم أختى العزيزة بدرية:

يعلم الله انى بشوف فيك نموذج للبنت المصرية المثقفة

وعمرى ما أكون عايز اننا نخسر بعض لا سمح الله

وكلمة ادعى هنا ليست معناها اساءة الله لا يقدر

لكن مقصود بها ما يتبناه شخص من اراء

تحياتى وتقديرى