للمهندسن المدنيين في كندا

[hosiny]

انا مهندس مدني و لي خبرة حدود 8 سنوات في مجالي لكن او الاستفسار عن التالي:

1- لو حبيت اعمل بمجالي هل لابد من معادلة الشهادة ام ان هناك امل ان اجد عمل بمجالي قبل المعادلة.

2- لي صديق اخبرني انه يمكن العمل بمجالك اذا انضممت للنقابة الخاصة بك هناك و ذلك من خلال دراسة لمدة سنة هناك......فما الفرق بين معادلة الشهادة و بين الانضمام للنقابة دون معادلة الشهادة.

3-ايضا حصلت علي الماجستير و شهادة محترفي ادارة المشاريع فهل يمكنناني ان اعمل بمجال ادارة المشاريع دون اهدار الوقت بين النقاية و معادلة الشهادة ام انه لابد لي ايضا من دراسة اضافيه للعمل هناك.

[walidsm]

انا مهندس مدني و لي خبرة حدود 8 سنوات في مجالي لكن او الاستفسار عن التالي:

1- لو حبيت اعمل بمجالي هل لابد من معادلة الشهادة ام ان هناك امل ان اجد عمل بمجالي قبل المعادلة.

2- لي صديق اخبرني انه يمكن العمل بمجالك اذا انضممت للنقابة الخاصة بك هناك و ذلك من خلال دراسة لمدة سنة هناك......فما الفرق بين معادلة الشهادة و بين الانضمام للنقابة دون معادلة الشهادة.

3-ايضا حصلت علي الماجستير و شهادة محترفي ادارة المشاريع فهل يمكنناني ان اعمل بمجال ادارة المشاريع دون اهدار الوقت بين النقاية و معادلة الشهادة ام انه لابد لي ايضا من دراسة اضافيه للعمل هناك.

بص يا استاذ حسيني اسألتك جميلة وملخصة الموضوع بالنسبة للمهندس المدني بالذات والاجابات كالتالي:

1. ممكن تعمل في المجال بس مش بصفتك كمهندس ولكن هناك مسميات كتيرة اخرى بس زي فني او ما شابه لكن انت بتعمل كل شغل المهندس المدني بس ما تمضيش واللي يمضي مهندس نقابي بس طبعا مرتبك بيمون اقل بكتير.

2. الانضمام للنقابة يديلك الحق كمهندس مدني او اولا تاخد لقب مهندس وانك تعمل كمهندس في سوق العمل لان غير كده ممنوع وانت وانت داخل كندا بيمضوك على ورقة انك حتى ما يحقلكش تقول حتى انك مهندس ولا تشتغل كمهندس الا لما تكون مسجل في النقابة. وفي حالة النقابة فالنقابة هي اللي بتقيمك على اساس شهادتك ومدة خبرتك وبعد كنه بيحددولك الامتحانات المطلوب انك تعملها ولما تنجح بتسجل فب جداول النقابة.

اما بالنسبة للمعادلة فدي وزارة الهجرة هي اللي بتعملها وبتدفع 105 دولار والموضوع بياخد حوالي شهرين وبعد كده بيبعتولك شهادة فحواها ان شهادتك تهادل بكالوريوس هندسة من كندا و حتستغرب لما اقولك ان الورقة مالهاش اي قيمة في سوق العمل الا في حاجة واحدة انها بتكون مطلوبة في حالة وظيفة حكومية ولكن طبعا لو مسجل في النقابة بتغني عنها.

3. بالنسبة لادارة المشاريع ممكن تلاقي شغل في البرتا لو لغتك كويسة لوي لانها كلها اجتماعات زي ما انت عارف بس ظبط البريمافيرا. وبالتوفيق.

[hosiny]

والله العظيم مش عارف اشكرك ازاي علي المعلومات الذهبية دي

انا باعتلك رسالة علي الخاص

لي استفسارات اخري:

-علمت ان النقابة في اونتاريو هي PEO من خلال موقعها علي الانترنت سمعت من احد الاعضاء انه يمكن بدء اجراءت الدراسة و الاعداد لها قبل الوصول لكندا بحيث بمجرد وصولي ادخل الامتحان و ابدأ العمل كمهندس مدني

- ما هو متوسط راتب المهندس هناك بمثل خبرتي (8-10 سنوات مثلا) في حالة انه مهندس نقابي او غير نقابي.

- ما هو متوسط المصاريف الشهرية شاملة السكن و اساسيات الحياة.

- قال لي احد اصحابي انه لتعمل بعمل المهندس هناك حتى لو فني او مشرف ستحتاج الي ال (license) الخاصة بالمهنة لذا لن تجد اي فرصة عمل بمجالك نهائيا حتى تحصل عليها الا في مناطق بعيدة مثل كالجري.

- ياريت تديني معلومات اكثر عن المهنة و العمل بها و الاجواء واي كورسات ممكن احتاجها هناك لتساعدني في الحصول علي عمل بسهولة او تعطيني اولوية و ذلك لاستغل فترة الانتظار لملفي بالهجرة في الدراسة و الاعداد.

وشكرا جدا ثانيا علي مساعدتك لي

[walidsm]

والله العظيم مش عارف اشكرك ازاي علي المعلومات الذهبية دي

انا باعتلك رسالة علي الخاص

لي استفسارات اخري:

-علمت ان النقابة في اونتاريو هي PEO من خلال موقعها علي الانترنت سمعت من احد الاعضاء انه يمكن بدء اجراءت الدراسة و الاعداد لها قبل الوصول لكندا بحيث بمجرد وصولي ادخل الامتحان و ابدأ العمل كمهندس مدني

- ما هو متوسط راتب المهندس هناك بمثل خبرتي (8-10 سنوات مثلا) في حالة انه مهندس نقابي او غير نقابي.

- ما هو متوسط المصاريف الشهرية شاملة السكن و اساسيات الحياة.

- قال لي احد اصحابي انه لتعمل بعمل المهندس هناك حتى لو فني او مشرف ستحتاج الي ال (license) الخاصة بالمهنة لذا لن تجد اي فرصة عمل بمجالك نهائيا حتى تحصل عليها الا في مناطق بعيدة مثل كالجري.

- ياريت تديني معلومات اكثر عن المهنة و العمل بها و الاجواء واي كورسات ممكن احتاجها هناك لتساعدني في الحصول علي عمل بسهولة او تعطيني اولوية و ذلك لاستغل فترة الانتظار لملفي بالهجرة في الدراسة و الاعداد.

وشكرا جدا ثانيا علي مساعدتك لي

- تقابة البرتا اسهل. انا مسجل في كيبيك والبرتا.

- اولا بالنسبة للخبرة خارج كندا فالغالبية مش حيعتبروها وحتى لو اعتبروها فبالطبع اول مرتب مش حيكون عادل. بس انا عايز اقلك انك ما تحسبهاش بطريقة الخليج على الاقل في الاول. بمعنى انا حاخد كام ومصاريفي كام ... لان الموضوع في الاول مش حيمشي كده. كمان هنا الحسابات مختلفة بمعنى انه الضرايب ليها تأثير كبير على الدخل. ودي طبعا انا مقدرش احددها لان ليها متغيرات كتيرة جدا يعني مثلا جسب الحالة الاجتماعية و اجمالي الدخل السنوي و عدد الاولاد وسنهم و طبعا المقاطعة اللي بتشتغل فيها وغيره. بمعنى لو انا وانت بناخد نفس المرتب وليكن مثلا 40000 دولار في السنة ولو انا عاذب ممكن اقبض صافي مثلا ( يعني مش بالظبط ... انا مش خبير ضرايب يعني) 22000 وده بعد خصم الضرايب والمعاشات وبدل البطالة وخلافه اما انت لو متجوز وعندك مثلا (برضه مثلا) طفلين ممكن تقبض صافي 35000 دولار وكمان املوضوع له علاقة اذا كنت بتاخد فلوس للاطفال حسب سنهم و غيره.

- في البرتا ممكن تشتغل فني بدون رخصة. كمان انا مش فاهم يعني ايه كالجاري بعيدة؟ اذا كنت تقصد منطقة نائية فده مش مظبوط لانها مدينة جميلة.

- الكورسات اللي ممكن تحتاجها تتوقف على حسب المجال بس اكتر مجال هو مجال التصميم الانشائي فانصحك تراجع كويس ال Soil Mechanics, Concrete design, Steel structure design وياريت تجيد استخدام ال STAAD Pro 2005.

- على فكرة ياريت تسأل هنا مش على الخاص علشان تعم الفايدة على كل المهندسن المدني بالذات ان حضرتك اسألتك هايلة وبالتوفيق.

[hosiny]

شكرا يا باشا علي رد الاسئلة

واسف اذا كنت ازعجتك علي الخاص

اسئلة كمان لو مش هيضايقك:

تنصحني اول لما انزل كندا انزل علي فين ( علي اونتريو بحيث لو وجدت عمل استقر فيها لانها مدينة جميلة و حيوية كما سمعت - ولا علي البرتا بحيث الاقي شغل بسهولة )؟؟؟

كمان حضرتك بتقول كالجري جميلة ؟؟؟؟ دا انا سمعت عنها كلام صعب؟؟؟؟ هل تنفع للاستقرار و الاقامة مع الاسرة خاصة اني سمعت ان درجات الحرارة بها منخفضة جدا مقارنة بباقي كندا و جليد طوال السنة؟؟؟

ثانيا انا شغال برامج تصميم ثانية مثل SAP هل يكفي ام لابد لي من تعلم ال STAAD

وما اخبار شغل الموقع و فرصة العمل به مقارنة بالتصميم و دخل كل منهما (أيهما أفضل) و ايضا شغل البريمافيرا اسعاره ايه؟؟؟؟؟

في حالة الحصول علي الليسنس للعمل مثلا في كالجري و عند الرغبة للانتقال الي تورونتو هل علي بدأ اجرءات الحصول علي الرخصة من جديد و الدراسة من جديد ام يمكن معادلتها؟؟؟ و ما مدي سهولة ذلك؟؟؟؟؟؟؟؟؟

و ما هل المشاكل او الاشياء المزعجة التي يمكن مواجهتها عند الرغبة في الانتقال من ولاية الي اخري من ناحية العمل او الاوراق و الشهادات و المعادلات او حتي الاجراءات الحكومية؟

و بالنسبة لسؤالي الخاص ببدأ اجراءات الدراسة للحصول علي الليسنس من قبل سفري ووصولي الي كندا و مدي امكانية ذلك؟ ,هل فعلا من شروطها العمل بكندا سنة علي الاقل ؟؟؟؟؟؟؟؟

هل هناك فرق بين متوسط دخل المهندس في تورونتو و بينه في كالجري؟؟؟؟

وبالنسبة لسؤالي في المشاركة السابقة بخصوص الدخل (هل سيكفيني دخل العمل في البداية -بدون ليسنس- لاعاشتي انا و اسرتي ) شاملا السكن و متطلبات المعيشة الرئيسية؟؟؟

وياريت الباب ده يبقي بذرة في المنتدي بحيث ان كل مهنة تفتح بابا يرد علي اسألة العاملين بهذه المهنة بكندا

تم تعديل 16 مارس 2008 بواسطة hosiny

[medopharm]

سؤالى للباشمهندس

احنا بنتكلم عن كندا اكنها تحت ايدينا هو الموضوع سهل كده يعنى ممكن اى حد يهاجر

يعنى انا مثلا مقدم هجره من اكتر من سنتين ولسه ما جاش اى حاجه واخدت وقت 48 شهر

يعنى بعد ال 48 شهر ما يعدو هسافر فعلا للعلم انا صيدلى وعندى خبره اكتر من 6 سنوات ومع ذلك مش عارف ليه حاسس ان الموضوع صعب

ياريت حد يطمنى

[hosiny]

شوف انا هاقولك علي رأيي الشخصي في الموضوع ده

الموضوع لو بصيتله من بعيد كاجمال حتحس انه صعب جدا و ممكن مستحيل و طلباته كتير و انجليزي و فلوس ووجع دماغ و مجهول

بس ادخل انت بس فيه خطوه خطوه هيتحل لوحده و بسهوله و افتكر ان الهرم لتبني حجر حجر و في الاخر بقي الهرم معجزة العالم

[walidsm]

شكرا يا باشا علي رد الاسئلة

واسف اذا كنت ازعجتك علي الخاص

ما ازعجتنيش ولا حاجة وانا تحت امركوا في اي حاجة بس الهدف بس ان الفايدة تعم اما اذا كان في معلومات شخصية عن حضرتك وعايز تسأل عليها فطبعا الاحسن تبعتلي على الخاص

اسئلة كمان لو مش هيضايقك:

ده بالعكس بيسعدني يا حسيني ولو كان بيضايقني مكنتش حرد اصلا... صح؟ :happy:

تنصحني اول لما انزل كندا انزل علي فين ( علي اونتريو بحيث لو وجدت عمل استقر فيها لانها مدينة جميلة و حيوية كما سمعت - ولا علي البرتا بحيث الاقي شغل بسهولة )؟؟؟

كمان حضرتك بتقول كالجري جميلة ؟؟؟؟ دا انا سمعت عنها كلام صعب؟؟؟؟ هل تنفع للاستقرار و الاقامة مع الاسرة خاصة اني سمعت ان درجات الحرارة بها منخفضة جدا مقارنة بباقي كندا و جليد طوال السنة؟؟؟

على فكرة كل كندا شبه بعضها باستثناء شوية كيبيك لانها اقرب للطراز الاوروبي سواء معماريا او معيشيا.

ثانيا اونتاريو مش مدينة اونتاريو دي مقاطعة كبيرة وتورونتو هي اهم مدنها ودي يمكن اللي تقصدها. البرتا مقاطعة و كالجاري وادمنتون هما اهم مدن فيها. وطبعا تصلح للمعيشة فيهم وعلى ارقى مستوى وتعداد السكان فيهم حوالي اتنين مليون ونص.

وانا الحقيقة مش عارف ايه الكلام الصعب اللي حضرتك سمعتو عن كالجاري او حتى ادمنتون؟ ومصدره ايه؟ اذا كان على البرد والجليد فكندا كلها برد وجليد ومش بس كندا ده كمان كل شمال الولايات المتحدة وتقدر تستطلع درجات الحرارة يوميا.

ثانيا انا شغال برامج تصميم ثانية مثل SAP هل يكفي ام لابد لي من تعلم ال STAAD

وما اخبار شغل الموقع و فرصة العمل به مقارنة بالتصميم و دخل كل منهما (أيهما أفضل) و ايضا شغل البريمافيرا اسعاره ايه؟؟؟؟؟

STAAD Pro هو الاكثر استخداما هنا.

شغل الموقع هنا بيقوم بيه الفنيين من اول مدير المشروع وانت نازل ولكن في بعض فرص للمهندسين ولكن في المشاريع الكبيرة فقط وبرضو بتعمل تصميم للتعديلات المطلوبة تبيجة لظروف الموقع علشان يوفروا وقت ارسال المستندات الي مهندس استشاري فيبيجبوا واحد في الموقع. بالنسبة للدخل فمهندس الموقع طبعا اعلى لانه طبعا مصاريفه بتبقى اعلى.

في حالة الحصول علي الليسنس للعمل مثلا في كالجري و عند الرغبة للانتقال الي تورونتو هل علي بدأ اجرءات الحصول علي الرخصة من جديد و الدراسة من جديد ام يمكن معادلتها؟؟؟ و ما مدي سهولة ذلك؟؟؟؟؟؟؟؟؟

اذا اخدت الرخصة كمهندس بروفيشينال من اي مقاطعة تقدر تشتغل في اي مقاطعة تانية في كندا كلها بس كل الحكاية انك بتقدم طلب في المقاطعة اللي انت حتنقل عليها وبتدفع الرسوم والا جراء ده بياخد حوالي شهر من غير اي امتحانات ولا معادلات ولا الكلام ده كله.

و ما هل المشاكل او الاشياء المزعجة التي يمكن مواجهتها عند الرغبة في الانتقال من ولاية الي اخري من ناحية العمل او الاوراق و الشهادات و المعادلات او حتي الاجراءات الحكومية؟

مفيش اي مشاكل غير طبعا انك بتغرم تكلفة نقل حاجتك

و بالنسبة لسؤالي الخاص ببدأ اجراءات الدراسة للحصول علي الليسنس من قبل سفري ووصولي الي كندا و مدي امكانية ذلك؟ ,هل فعلا من شروطها العمل بكندا سنة علي الاقل ؟؟؟؟؟؟؟؟

انا حاقلك على اللي اعرفه و انا اللي اعرفه هو النقابات اللي انا مسجل فيها. بالنسبة لالبرتا ايوة ينفع وده اللينك اللي بيوضح كل خطوات التسجيل.

http://www.apegga.org/Applicants/IEG/toc.html

بالنسبة لكيبيك فهما بالفعل رصدوا الاسبوع اللي فات 660 الف دولار لتعديل الويب سايت حتى يسمح بتسجيل المهاجرين في النقابة قبل وصولهم.

بالنسبة لاونتاريو معنديش اي فكرة بس تقدر تدخل جوجل و كمه تدخل موقعها وتقرأ.

هل هناك فرق بين متوسط دخل المهندس في تورونتو و بينه في كالجري؟؟؟؟

طبعا في البرتا اعلى لان المعيشة اغلى

وبالنسبة لسؤالي في المشاركة السابقة بخصوص الدخل (هل سيكفيني دخل العمل في البداية -بدون ليسنس- لاعاشتي انا و اسرتي ) شاملا السكن و متطلبات المعيشة الرئيسية؟؟؟

طبعا يكفي وتتفسح منه كمان.

وياريت الباب ده يبقي بذرة في المنتدي بحيث ان كل مهنة تفتح بابا يرد علي اسألة العاملين بهذه المهنة بكندا

بالتوفيق للجميع.

[hosiny]

متشكر جدا جدا جدا يا استاذ / وليد

أو لا متشكر جدا علي ذوقك و ردودك السريعة علي الاسئلة و المساعدة و ده دليل علي انك انسان جدير بالاحترام

ثانيا ردودك فعلا طمنتني و وضحتلي حجات كتير و ريحتني و هاخد علي اساسها قرارات كتيره

[Guest استفسارات]

 

السلام عليكم حباب اسأل الأستاذ انا حاليا طالب في تركيا سنه اخيره بالهندسه المدني وحابب اسأل فرص العمل هناك وكيف وضعي رح يبقى لاني خريج جديد ومامعيش خبره وعن الرواتب وبالمناسبه انا مش مصري انا سوري لو لي وضع خاص عن اي حاجه وشكرا

[lordamoor]

1. السلام عليكم و رحمة الله و بركاته 

أولا احب ابدي اعجابي الشديد بالمنتدى و الموضوعات المطروحة به و شكرا لكل من ساهك بمعلومة اكيد فادت ناس كتير.

ثانيا : انا بفكر جديا اهاجر لكندا و كان عندي استفسار عن شهادة ال fe civil انا الحمد لله نجحت فيها عبر نقابة المهندسين المصريين و كمان عملت credential evaluation من ال NCEES و بعتلهم كل الورق من الكلية و ردوا عليه بعدد ساعات ناقصه في مواد المعرفة العامة ( مواد مش هندسية زي مادة الانسانيات ).

فسؤالي هل ممكن شهادة ال FE تفيدني و تسهل عليه اني اشتغل كمهندس رسميا في كندا, و هل التقييم اللي عملته في ال NCEES ممكن استخدمه في طلب الهجرة لكندا.

و شكرا.

[Guest بيري سليمان]

السلام عليكم ورحمة الله وبركاته 

بعد اذن حضرتك هو ممكن لو زوج مطلق ومتزوج من اخري وسافر كندا انه يأخذ زوجته واولاده معه و هل ممكن يأخذ طليقته لرعاية اولادها ولا ده ممنوع هناك 

ولك جزيل الشكر ... فعلا محادثتكم افادتني جدا