اذهب الي المحتوي
ArabHosters
aouad

مستشارك القانونى ..... س و ج

Recommended Posts

السلام عليكم و رحمة الله و بركاته

انا اريد شراء شقة فى عمارة يتم بناءها حاليا و لكن بالحديث مع صاحب العقار ذكر لى انه ليس لديه ترخيص بناء و سوف يعمل مصالحة و يدفع غرامة بعد البناء للحصول على مرافق المياه و الكهرباء.

هل حد عنده خبره بالحكاية ديه؟ و هل هى امنه ام فيها مشاكل؟

و البعض نصحنى ان اعمل قضية بعد ان نمضى العقد لاثبات صحة التوقيع. هل هذه افضل ام ان انتظر بعد سداد كل الاقساط لتسجيل العقد فى الشهر العقارى؟

و جزاكم الله خيرا

ادفع جزء من تمن الشقة و متكملش الا بعد الاستلام.... من باب انك تحافظ بس مش اكتر

انما الموضوع ده عادى جدا و تقدر تقول هو ده الطبيعى ف مصر

الموضوع كله بيتوقف على سمعة الراجل و امانته .. يعنى هيسلمك ف موعدك ولا هيماطل

انما قانونا .... متقلقش ... المرافق هتدخل والامور هتبقى زى الفل

شارك هذه المشاركه


رابط المشاركه
شارك
السلام عليكم

قبل 25 سنة اتفق عادل وسامح على شراء ارض والبناء عليها شقق سكنية مناصفة , تم شراء الارض بمبلغ 1000دينار (500 لكل منهما) دون تحديد الجزء الخاص بكل منهما وجاء وقت البناء فقال عادل لا املك المال للبناء , ابدأ يا سامح بالبناء ونتحاسب في نهايته , فبنا سامح 10 شقق (5 في كل جزء), بعد الانتهاء من البناء كان عادل يملك ثمن شقتين فقط فتم تسجيلهما باسمه كما تم تسجيل 8 شقق باسم سامح وبالتراضي . سكن كل منهما في شقة وتم تأجير الشقق الاخرى.

الان وبعد مرور 25 سنة عادل يطلب من سامح تعويض او ايجار لاستغلاله الارض والانتفاع من تأجير الشقق وسامح يرفض دفع اي مبلغ بحجة ان هذا يعتبر زيادة في راس المال ولكل منهما على قدر راس ماله.

ما الحل

وفي حالة ان اتفقا على بيع العقار بالكامل فما حصة كل منهما علما ان سطح المبنى قابل للبناء

شكرا

اهلا اهلا

ممكن استاذنك انى احاول معاكم فيها شوية

رغم انى مش قانونى خااااااااالص

شارك هذه المشاركه


رابط المشاركه
شارك
السلام عليكم

قبل 25 سنة اتفق عادل وسامح على شراء ارض والبناء عليها شقق سكنية مناصفة , تم شراء الارض بمبلغ 1000دينار (500 لكل منهما) دون تحديد الجزء الخاص بكل منهما وجاء وقت البناء فقال عادل لا املك المال للبناء , ابدأ يا سامح بالبناء ونتحاسب في نهايته , فبنا سامح 10 شقق (5 في كل جزء), بعد الانتهاء من البناء كان عادل يملك ثمن شقتين فقط فتم تسجيلهما باسمه كما تم تسجيل 8 شقق باسم سامح وبالتراضي . سكن كل منهما في شقة وتم تأجير الشقق الاخرى.

الان وبعد مرور 25 سنة عادل يطلب من سامح تعويض او ايجار لاستغلاله الارض والانتفاع من تأجير الشقق وسامح يرفض دفع اي مبلغ بحجة ان هذا يعتبر زيادة في راس المال ولكل منهما على قدر راس ماله.

ما الحل

وفي حالة ان اتفقا على بيع العقار بالكامل فما حصة كل منهما علما ان سطح المبنى قابل للبناء

شكرا

انا مش قانونيه ولكن لو تسمح لي افتي لك كطرف خارجي لا علاقه له بطرفي النزاع .. يعني راي محايد تماما ..

دلوقت الارض ملك عادل وسامح والي بنى هو سامح وهو نفسه الي له اكبر عدد من الشقق والنزاع حول ان عادل عاوز تعويض عن استغلال سامح لشقق بناها بفلوسه على ارض عادل ..

الحل السليم في رأيي ان عادل ملوش حاجه عن الفترة السابقة لان لو سامح مبناش مكانتش الشقق بقى لها وجود يعني سامح معطلش مصلحه على عادل ببناءه للشقق دي بل على العكس هو الى حد ما افاده لما بنى له الشقتين لحين توافر سيوله معاه .. ده غير الحقيقه ان المسلمون على شروطهم وهم اتفقوا من البدايه ومطلبش عادل من سامح اي فلوس زمان فمش من حقه يطلب دلوقت .. ده مش ورث مسكوت عنه عشان نطالب بيه باثر رجعي .. ده كان اتفاق وواحد بنى على ارض بموافقة صاحبها وبدون مايطلب منه شيء فجزئية انه ياخذ منه ايجار عن الفترة السابقة دي ملوش حق فيها اكيد ..

بس من جهة ثانيه فالشقق الحاليه من حق عادل تماما بس يدفع فيها نفس المبلغ الي دفعه سامح من 25 سنه .. هيجي سامح او واحد من حبايبه يقول بس دي اندفع فيها ملاليم ودلوقت تساوي اكتر هقول هو ده بيت القصيد مهو عشان كده قلنا في الاول ان سامح مش هيدفع ايجار باثر رجعي وليعتبر ان فرق السعر بين دلوقت وزمان هو ده حقه الي اخذه ويسلم الشقق فورا لعادل وياخذ بس الي دفعه فيها ..

اذا الحل ان سامح يبيع الشقق الثلاثه الزياده لعادل بسعر تكلفته فيها فقط وميدفعش اي شيء زياده ..

ممكن يكون ده الحل الي اقترحه سامح من البدايه وتكون المشكلة في عادل الي عاوز ياخذ الشقق ( ببلاش ) مقابل فترة انتفاع سامح بيها .. في الحاله دي فحكمي هو ان ده مينفعش الشقق دي اندفع فيها فلوس وانتم متفقتوش من البدايه على انه ينتفع بيها فترة مقابل الفلوس دي . . ان كان عادل عاوز الشقق الآن ولايملك ثمنها فممكن ببساطه يبيع شقة واحده منهم لاي حد ولو سامح نفسه وبثمن الشقة دي اكيد يقدر يشتري الشقتين التانيين وزياده لان اسعار دلوقت غير تماما عن اسعار زمان ..

اذا ممكن الحل الوسط ان سامح ينقل ملكية شقتين لعادل مقابل احتفاظه بالشقة الثالثه او شيء قريب من كده ( طبعا الي يحدد هو سعر الشقق دلوقت وحالتها لاني معرفش المبنى وضعه ايه وهل بحاجه لاصلاحات او ماشابه .. )

واكيد طبعا مفيهاش حاجه لو كل واحد منهم ساب للتاني حاجه او تنازل عن جزء من حقوقه لان واضح ان العلاقه بينهم كانت كويسه اوي فاحتراما للعلاقه دي ياريت يكون في شيء من التساهل بينهم ..

شارك هذه المشاركه


رابط المشاركه
شارك

مشكلة لصديقة لى

بيت عائلة كل اخ لة شقتين وهما ولدان و البنت لها شقة واحدة الوالدن ساكنين فى الشقة و مستفدين بيها

البنت لا تسكن فيها اردات ان تستثمر الشقة فى انها تاجرها ايجار جديد حتى يدر عليها عائد شهرى تستفيد منة وتفيد اولادها خاصة انها لا تستفيد بالشقة باى شكل و الشقة مغلقة و تدفع لها كهربا و مياة و غاز و تليفون

و ليست فى نتيها ان تبيعها و لا ان تسكن فيها

عندما عرضت الامر على الاشقاء ثارورا ثورة كبيرة جدا و قالوا انة بيت عيلة لا يصح ان يدخلها حد غريب

ردت عليهم انها شقتها و وورثها الشرعى و هى لها شقة واحدة و انتم شقتين و مستفدين بيها لانة سكنكم لكن هى غير مستفيدة بالمرة و من حقها ان تستفيد بيها بالشكل اللى تراة نافع لمصلحتها

ليس من حق احد التدخل فى املاك غيرة

رفضوا رفضا قاطعا و ردوا عليها ان مصلحتك اوكية لكن لما تيحى لحد مصلحتنا لا دة بيت عيلة محدش غريب يدخل فية بالرغم ان كل شقة مقفول عليها بابها وواحد فى الخارج

ادى هذا الى قطيعة تامة بين الاخوات نتيجة التعنت بالراى و الاختلاف فى وجهات النظر و حال البنت واقف لا عارفة تاجر شقتها حتى لا تزيد العدواة و شهور ورا شهور تمر بدون اى استفادة

والاخوات الرجالة رافضين تماما و بيتحكموا فى حق البنت وفى شقتها كانها ملك لهم هما بيقولوا لها تعالى اقعدى فيها او لاولادك بعد موتك

هل هذا عدل ان يتحكم الاولاد فى مصير اخوتهم بمجرد انها بنت

حسبى الله و نعم الوكيل

شارك هذه المشاركه


رابط المشاركه
شارك
مشكلة لصديقة لى

بيت عائلة كل اخ لة شقتين وهما ولدان و البنت لها شقة واحدة الوالدن ساكنين فى الشقة و مستفدين بيها

البنت لا تسكن فيها اردات ان تستثمر الشقة فى انها تاجرها ايجار جديد حتى يدر عليها عائد شهرى تستفيد منة وتفيد اولادها خاصة انها لا تستفيد بالشقة باى شكل و الشقة مغلقة و تدفع لها كهربا و مياة و غاز و تليفون

و ليست فى نتيها ان تبيعها و لا ان تسكن فيها

عندما عرضت الامر على الاشقاء ثارورا ثورة كبيرة جدا و قالوا انة بيت عيلة لا يصح ان يدخلها حد غريب

ردت عليهم انها شقتها و وورثها الشرعى و هى لها شقة واحدة و انتم شقتين و مستفدين بيها لانة سكنكم لكن هى غير مستفيدة بالمرة و من حقها ان تستفيد بيها بالشكل اللى تراة نافع لمصلحتها

ليس من حق احد التدخل فى املاك غيرة

رفضوا رفضا قاطعا و ردوا عليها ان مصلحتك اوكية لكن لما تيحى لحد مصلحتنا لا دة بيت عيلة محدش غريب يدخل فية بالرغم ان كل شقة مقفول عليها بابها وواحد فى الخارج

ادى هذا الى قطيعة تامة بين الاخوات نتيجة التعنت بالراى و الاختلاف فى وجهات النظر و حال البنت واقف لا عارفة تاجر شقتها حتى لا تزيد العدواة و شهور ورا شهور تمر بدون اى استفادة

والاخوات الرجالة رافضين تماما و بيتحكموا فى حق البنت وفى شقتها كانها ملك لهم هما بيقولوا لها تعالى اقعدى فيها او لاولادك بعد موتك

هل هذا عدل ان يتحكم الاولاد فى مصير اخوتهم بمجرد انها بنت

حسبى الله و نعم الوكيل

لاحول ولا قوة الا بالله .. وضعها محزن فعلا يعني بدال مايكون الاخوة سند لها يكونوا بالشكل ده. .

كان لي راي في الموضوع بس قلت يمكن يكون راي عن غير علم فخليني اخذ راي زوجي قد يكون افهم مني في الموضوع ده واشوف منطقه ايه ( طول عمري ساكنه في شقة في عماره مش بتاعتنا العماره بينما زوجي طول عمره ساكن في بيت عائلة ويبدوا ان الحكاية دي تفرق ) .. لما عرضت عليه المشكلة فوجئت بانه الى حد كبير مؤيد لموقف اخواتها بان من حقهم ميدخلوش غريب بينهم .يبدوا فعلا ان الناس الي ساكنه في بيت بينقفل عليهم في آخر اليوم بيقدروا الحكايه دي اوي ومش مستعدين يستغنا عنها حتى لو تصادموا فيها مع الشرع ..

المهم زوجي رايه ان تقول لهم بما انكم مش راضيين اني اجيب مستاجر خلاص هاتوا انتم من طرفكم مستأجر تكونوا راضيين عنه وراضيين انه يعيش في وسطكم ..

وعسى يكون عندهم المستأجر ده اي حد من طرف زوجاتهم مثلا او وحده ارمله وبنتها مثلا اي حد ميكونش هيسبب ازعاج للسكان الاصليين ..

رايي انا الشخصي كان انها تحاول مرة تانيه مع اخواتها وان لو في امكانيه مثلا تأجر الشقة دي طالبات جامعه ( لو موقع الشقة يسمح ) وهيكونوا بنات لا بيهشوا ولا بينشوا ومش هيؤذوا اصحاب البيت وهيجيبوا لها اعلى من الايجار لو اجرتها عادي ..

طيب اذا منفعش تاجر لا كده ولا كده .. رايي انها تفوض امرها لله وتصالح اخواتها باي طريقة ومين عارف يمكن ربنا يفتح عليها من جهة تانيه ويغنيها عن الشقة دي خالص مقابل انها اشترت بيها صلة الرحم ..

شارك هذه المشاركه


رابط المشاركه
شارك

انتى مش شايفة يا ضحى ان دة ظلم كبير على البنت انها تملك شقة ومش عارفة تستفيد بيها لمجرد ان اخواتها قاعدين فى البيت

اعتقد ان موضوع بيت العيلة ممكن يكون مقبول فى الارياف و برضة بتكون البنت قاعدة معاهم ومستفيدة لكن احنا مش فى الارياف احنا فى مدينة دى حاجة

حاجة تانية لية البنت هى اللى تفكر فى مصلحة اخواتها الصبيان و تشترى رضاهم و هما لا

احنا هنفضل لحد امتى بنعمل حساب الولد مع انة واخد اكتر منها الضعف دة شرع ربنا مقلقناش حاجة تقوم هى برضة اللى تتنازل علشان هما يراحتوا يعنى هما يرتاحوا على حسابها لية مفكروش فيها

وفى حاجة تانية اعتقد ان كل واحد حر فى ممتلكاتة وكل باب مقفول علية هى ما ادخلت فى حياتهم و قالت اعمل و متعملش يبقى من حقها انها تعمل فى نصيبها اللى هى عايزها شرعا و دينا

و ياريت نبطل بقى ظلم للبنت فى مجتمع متحكم فية الذكور و كمان بيدوا نفسهم حق مش حقهم و المفروض ان البنت ترضى و ترضخ لا ام يبقى خصام بالذمة دةةةةةةةةةةةةةةة عدل

امتى بقى هنتخلص من ظلم البنات حراممممممممممم دة ربنا مقلش كدة ودة ظلم بين وواضح

يا سلام بقى لو الاية اتغيرت وجة واحد من الرجالة قال ااجر شقتى لانى محتاج تفتكرى يا ضحى ساعاتها بقى حد فيهم هيفتح بقة و يتكلم و لا هيكونوا كلهم معاة

ولا علشان هى بنت متكلمتش وة ما تفتح بقها اسمحيلى اقول لجوز حضرتك ان نظرتة زى اخواتها ما تفرق كتير و لو هو بقى فى نفس الموقف و حب يأجر شقتة لانة مش مستفيد منها طبعا هيكون حلال و شىء عادى و حقة صح

شارك هذه المشاركه


رابط المشاركه
شارك

طبعا معاك ان ده ظلم ونص ولنفس السبب اخذت راي زوجي لاني خفت يكون ردي عليك مبني على تعاطفي معاك ( كوحده ست ) ولهذا قلت آخذ راي العقل والمنطق ..

بصي لو حسبناها على الظلم الي في مجتمعنا مش نخلص بس تعرفي ان احيانا الواحد بيكون مضطر يظلم نفسه بنفسه لان مفيش حل تاني ..

مثلا بالنسبة لي قبل مااتزوج كنت في قمه مجدي الكروي .. يعني كنت بدرس وبشتغل وكل شيء ممكن سيده اعمال ناجحة او حتى رجل اعمال ناجح يعمله كنت بعمله .. طبعا قبل ماتزوج بكام شهر كنت مخلصة الدبلومه بتاعتي وكنت قافله مشروعي وتركت الدنيا كلها ورائي وقعدت واتستت في البيت ونويت ابقى زوجه وام وبس لقناعتي وقتها بان صاحب بالين كذاب ..

النهرده وبعد كام سنه انا فين من كل ماسبق؟

لا شيء .. خلاص .. اعتزلت الملاعب بكل اضوائها وقعدت في البيت ولا في امل لتحسن الوضع مستقبلا ببساطه لاني حاجه من الاثنين اما اشتغل واطلع ونسى فكرة انجاب اطفال تانيين خلاص او افضل داده على راي نانسي عجرم اشطف ورضع .. وطبعا انسى الملاعب وصدى الملاعب ولاجل غير مسمى ..

تخيلي كده لو وحده فينا فكرت انها تكمل وتاخذ ماجستير مثلا او دكتوراه وهي ست وام ينفع؟ وتخيلي بقى لو واحد فينا فكر يكمل دراسات عليا وهو زوج واب في مشكلة ؟

للاسف هتلاقي الحياه متاحه للرجاله بطريقة عجيبه .. يلله الهم لاحسد ربنا يزيدهم ويبارك لهم .. لكن تيجي لنا احنا للاسف لازم يكون في تضحية اما بالبيت والاولاد او بالمستقبل المهني أو العلمي ..

طبعا انا مش بتكلم عن الناس الي بتشتغل في وظيفه ساعتين تلاته كل يوم وتروح الظهر عادي مرتاحه .. انا بتكلم عن الناس الي عاوزه تبدع او تبقى ( حاجه ) الناس الي عاوزه تشتغل او تتعلم بجد .. للاسف صعب جدا انك تكوني حاجه ومتزوجه في نفس الوقت خاصه لو مفيش ام مثلا تشيل عنك بعض المسؤولية بينما الراجل عادي جدا ( لو اراد ) انه يكون كل شيء زوج واب ورجل اعمال وكل ماتشتهيه الانفس ..

هل نقول ان ده ظلم ؟ ذلك فضل الله يؤتيه من يشاء ولا نملك الا اننا نرضخ لمشيئته ..

هل نقول يبقى انا مستسلمش للوضع ده واطالب بحقي في ان يكون لي وظيفة او اكمل دراسات او ماشابه ؟ للاسف هنبقى بنضحك على نفسنا لان التضحية هنا هتكون غاليه وهي بالابناء .. هل اقول ان ده ظلم ؟ قد يكون كذلك لكن ماباليد حيلة وهذا هو بيت القصيد في موضوع الاخوة الذكور الي بياكلوا احيانا ميراث البنات سواء بشكل مباشر او ضمني ..

نرجع لموضوع اخوات صاحبتك ..

اولا الرسول عليه الصلاة والسلام قال : من اخذ شبرا من الارض قيضه الله في رقبته سبعين ارضين ..

يعني الي بياخذ شبر مش من حقه بيتربط بيه في رقبته يوم القيامه وبعمق سبعين ارض .. تخيلي . . الشبر مش شقة ولا قيراط ولا فدان ..

يعني حقها محفوظ سواء اخذته الآن في الدنيا او تركته للآخره ..

بس نيجي لجزئية انها مقاطعه اخواتها بسبب الحكايه دي .. للاسف هي اول الخسرانين من المقاطعه وابسط مافيها ان ده هيأثر على علاقتها بزوجها لان الزوج لما بيلاقي زوجته ( ملهاش اهل ) او اهلها طمعانين فيها وبيعرف ده .. مهما كان الزوج طيب او ابن حلال او او .. لازم الوضع ده هينقص من قدرها امامه وممكن يكون دافع ليه لاساءة معاملتها او هضم حقوقها على اعتبار ان ملهاش حد او زي مابيقول المثل الي يقولوا لها اهلها ياعوره يلعب بيها جوزها الكوره ( مع الاعتذار للمثل الاصلي ) ..

اذا تغصب على نفسها وتراضي اخواتها باي طريقة تقديما لمصلحتها هي اولا في ان لازم يكون لها اهل وعزوة وتكون علاقتها باهلها دي كويسه ولو ظاهريا وامام زوجها على الاخص ..

وبرضه تحاول معاهم تاني وبهدوء انهم يأجروا الشقة دي لاي حد من طرفهم يكونوا راضيين يعيش معاهم وزي ماوضحت لك قبل كده ان حته حد يعيش في بيت عائلة دي صعبه شويه على العائلة وعلى فكره المنطق ده انا استشفيته من اكتر من اسرة وكلهم عايشين في مدن صحيح مش في القاهرة ولكن مش في ارياف زي ماقد يكون تبادر الى ذهنك ..

وربنا معاها باذن الله يحل لها معضلتها دي ..

شارك هذه المشاركه


رابط المشاركه
شارك
السلام عليكم

قبل 25 سنة اتفق عادل وسامح على شراء ارض والبناء عليها شقق سكنية مناصفة , تم شراء الارض بمبلغ 1000دينار (500 لكل منهما) دون تحديد الجزء الخاص بكل منهما وجاء وقت البناء فقال عادل لا املك المال للبناء , ابدأ يا سامح بالبناء ونتحاسب في نهايته , فبنا سامح 10 شقق (5 في كل جزء), بعد الانتهاء من البناء كان عادل يملك ثمن شقتين فقط فتم تسجيلهما باسمه كما تم تسجيل 8 شقق باسم سامح وبالتراضي . سكن كل منهما في شقة وتم تأجير الشقق الاخرى.

الان وبعد مرور 25 سنة عادل يطلب من سامح تعويض او ايجار لاستغلاله الارض والانتفاع من تأجير الشقق وسامح يرفض دفع اي مبلغ بحجة ان هذا يعتبر زيادة في راس المال ولكل منهما على قدر راس ماله.

ما الحل

وفي حالة ان اتفقا على بيع العقار بالكامل فما حصة كل منهما علما ان سطح المبنى قابل للبناء

شكرا

اهلا اهلا

ممكن استاذنك انى احاول معاكم فيها شوية

رغم انى مش قانونى خااااااااالص

م الاخر

عادل غلط انه سمح لشريكه يبنى من غير ما يحطو شروط حق الانتفاع لوجود نسبة له ف الارض

و عليه يبقى مش من حقه يطالب بحاجة من اللى فات خااااالص

انما دلوقتى ... هما عايزين يبيعوا البيت .. و كل واحد ياخد حقه

اللى يحصل كالتالى :

الارض تتقدر زى سعر السوق .. و هنقول مثلا ان الارض تمنها (س) جنيه

الانشاءات بقى تتقدر و هنقول ان العمارة فيها 10 شقق و ايجار قديم مثلا .. يعنى تمنها ((ص )) جنيه

المشترى هيدفع ((ع)) = س + ص

نصيب سامح = 0.5 س + 0.8 ص

نصيب عادل = 0.5 س + 0.2 ص

ده اللى هيحكموا بيه التجار ف السوق ... و كمان احنا راعينا ان فلوس عادل مكنتش تخليه يعرف يسكن اصلا .. لانها غير كافيه لبناء اساسات بس

انما الاصول بقى بتقول ايه فى الحدوته اللى زى دى

بعد ما اشترى عادل و سامح الارض مناصفة

و امتلك احدهم المال اللازم للبناء

يتم حساب النسب طبقا لقانون المشاركة مش لحاجة تانية

و دوموا بود

شارك هذه المشاركه


رابط المشاركه
شارك

هل ممكن ان تاجر شقة سكنية

تاجر مكتب او عيادة

هل هذا مخالف للقانون ؟؟؟

وهل ممكن تتعمل مصنع ضغير او ورشة ملابس طيب لو مخالف فية اجراءات بتتعمل للموضوع دة

و لو اتعملت الاجراءات دى و حبيت احولها سكنى تانى تنفع و لالا و ياترى هتاخدوقت

شارك هذه المشاركه


رابط المشاركه
شارك
هل ممكن ان تاجر شقة سكنية

تاجر مكتب او عيادة

هل هذا مخالف للقانون ؟؟؟

وهل ممكن تتعمل مصنع ضغير او ورشة ملابس طيب لو مخالف فية اجراءات بتتعمل للموضوع دة

و لو اتعملت الاجراءات دى و حبيت احولها سكنى تانى تنفع و لالا و ياترى هتاخدوقت

بغض النظر عن النشاط الي هتتأجر عليه سواء سكني او تجاري فايا كان النشاط ولو بقية السكان في العقار مش موافقين على مبدا التأجير يبقى هيفضلوا وراء المؤجر لغايه ( مايطفش ) من نفسه ..

في الف طريقة ( لتطفيش ) الناس من مساكنهم طالما ان الي حواليهم مش راضيين بوجودهم..

نحل الاول مشكلة عدم الموافقة ثم نبحث ان كان هينفع نقلبها تجاري او لاه لان ( قلبها ) مش هيحل المشكلة بينما حل المشكلة هو الوحيد الي يتيح لك هذا ( القلب )

شارك هذه المشاركه


رابط المشاركه
شارك

السلام عليكم ورحمة الله وبركاته اخواتي في الله اود ان اضيف اليكم بعض المعلومات عن تسجيل الملكية العقارية والفكرية في الشهر العقاري

يغفل الكثير من ملاك العقارات عن تسجيل ملكياتهم بالشهر العقارى بالرغم من أن الملكية القانونية للعقارات لا تنتقل قانوناً إلا بالتسجيل طبقا لنص المادة التاسعة من قانون الشهر العقارى والتى تنص على أنه "لا تنتقل الملكية قانونا إلا بالتسجيل "

لذا فإن التسجيل هو الذى يجعل المالك فى أمان من مخاطر إعادة تصرف الغير فى العقار مرة أخرى أو ممارسة أى تعاملات أخرى عليه مثل "البيع أو الرهن أو القرض " فضلا عما يحققه التسجيل من مميزات كثيرة منها أنه يزيد من قيمة العقار السوقية كما يجعله قابلاً لاستخدامه كضمان إئتمانى .

مميزات التسجيل العقاري:

- توفير أعلى درجات الحماية للعقار .

- قيمة العقارات المسجلة ترتفع عن قيمة العقارات الغير مسجلة .

- يتم بيع العقارات المسجلة بدرجة أسرع لعدم وجود شك في وضع ملكيتها .

- التسجيل يساعدك مستقبلاً على نقل الملكية إلى أولادك .

- التسجيل يصف وحدتك العقارية بدقة ويضمن حقوق ملكيتك .

- التسجيل يحميك من إعادة التصرف في عقارك مرة أخرى أواستيلاء الغيرعليها .

- التسجيل خطوة أساسية نحو التأهيل للحصول على تمويل عقاري .

لمزيد من المعلومات زوروا موقعنا على الانترنت

www.aman4u.net

aman4u.net@gmail.com

او الاتصال على الارقام الاتية 24195662\ 0168831531

شارك هذه المشاركه


رابط المشاركه
شارك

السلام عليكم ورحمة الله وبركاتة

اولا احب ان ابدي اعجابي الشديد بالمواضيع التي تتناولوها واحب ان اوضح لكم ان هذه المواضيع قد افادت العديد من الناس

ولي عندكم سؤال خاص بالنظام الانجليزي وسؤالي هو:

ماهو نظام المحاكم والقضاء في انجلترا ومقارنتة بالنظام المصري بس ياريت باستفاضه وياريت مع اخذ مثال توضيحي لاحد المحاكم هنا وهناك مع توضيح؟

ولو ممكن استاذن سيادتكم في شرح مفصل بنظام المحلفين رغم ان ما كتبتموة في هذا المجال قيم ولكني احب ان استعين بخبرتكم في هذا المجال وذلك لانك عارف اكيد ان هذا المجال لايوجد مراجع كتير بتكتب فية فلو ممكن يعني بالتفصيل عشان انت عارف الامتحانات علي الابواب

وفي النهاية احب ان اقدم خالص تحياتي

والسلام عليكم ورحمة الله وبركاته

ملحوظة اتمني ان ترد علي رسالتي في اقرب وقت ممكن

شارك هذه المشاركه


رابط المشاركه
شارك
هل يمكن لحفيدة أن تقوم بطلب عمل قيد عائلي لجدها من الام لاثبات فيه كل أولادة وبناته ومن ضمنهم أمها من السجل المدني ؟وان كان ممكن ماهي الاوراق المطلوبة لذلك ؟

ومع جزيل الشكر

يمكن لك ذلك بطلب ورق القيد من السجل ومعك شهادات ميلادهم

شارك هذه المشاركه


رابط المشاركه
شارك
كنت قد اخذت إيصال أمانه من شخص استلم منى مبلغ لإستخراج تأشيرة

أخبرنى احد الأصدقاء ان هذا الايصال لا قيمة له

كان الايصال ينص على ان هذا الشخص استلم منى مبلغ كذا وذلك لإستخراج تاشيرة محاسب على الجواز رقم كذا

قال صديقى ان للسبب اللى باللون الاحمر لا يصح الايصال

لذا نرجوا من السادة رجال القانون افادتى عن تلك القضية بذاتها

وافادتنا جميعا ً عن الصيغة القانونيه لإيصال الأمانه التى تسمح للقانون برد قيمة المبلغ من الشخص المؤخذ عليه الإيصال

وشكرا

أخوكم

تامر السيد

عزيزي تامر

ده مش ايصال أمانة حضرتك

بس ينفع ايصال استلام نقدية

ممكن ترجع عليه بيه جنحة نصب طبقا للمادة 336 من قانون العقوبات

حيث انه اوهمك بمشروع وهمي كاذب ادي الي الاستيلاء علي اموالك :)

اعملها جنحة مباشرة في دائرة سكنه في النيابة

شارك هذه المشاركه


رابط المشاركه
شارك

اشتريت قطعة ارض من أخى فى التجمع وقمت بالبناء عليها بد استخراج ترخيص بأسمة والان اريد حفظحقى بنقل ملكيتها و لكن الجهاز يشترط اكمال الواجهة و ادخال الكهرباء اولا - هل يمكن عمل عقد بيع ابتدائى لحين انهاء اجراءات الجهاز و ماهى صيغتة او ما هو الحل و شكرا

شارك هذه المشاركه


رابط المشاركه
شارك

السلام عليكم

انا اشتريت شقة تمليك المهم بعد كتابة العقد اكتشفت ان العقد لم يذكر فيه ان لى فى المناور والسلم والمدخل والسطح ....وهكذا بس مكتوب ان شامل نصيبه من الارض المقام عليها العقار وفى بند اخر وتبلغ مساحة الشقة موضوع البيع 105 متر مربع تقريبا تحت العجز والزيادة وبناء تمثل 14و1 قيراط من 24 قيراط مشاعة فى كامل ارض وبناء العقار فما مدى خطورة ان العقد مش مذكور فيه انى ماليش فى المدخل والسلالم والمناور والسطح ولكم جزيل الشكر ..

شارك هذه المشاركه


رابط المشاركه
شارك

سلام لكل المستشارين في القوانين

عندي استفسار مهم وياريت حد يرد علي ..

الوالد الله يرحمه من مواليد مصر وعاش فيها كتير ولكن لم يحمل جواز سفر مصري بس كان عنده بطاقة مدنية ...وامه اللي هي جدتي مصرية اصلا بس عمرها ما طلعت جواز سفر لانها توفت وبابا صغير وما كانش ايامها الجوازات مهمة ...المهم ..احنا حاولنا نسأل من كذا سنة نسأل عن امكانية استخراج جواز سفر لينا احنا الاولاد وايامها استشرنا محامي من مصر وطلب اتعابه 100 الف جنيه ...بصراحة المبلغ كتير علينا فنسينا الموضوع ....لكن الان سمعنا ان الابناء اللي امهم مصرية ممكن يحصلوا على جواز مصري ...ياترى اللي زي حالتنا ممكن برضو ..ولا لازم تكون الام عايشة ؟؟؟؟؟؟

تم تعديل بواسطة ام محمد

شارك هذه المشاركه


رابط المشاركه
شارك

سلام لكل المستشارين في القوانين

عندي استفسار مهم وياريت حد يرد علي ..

الوالد الله يرحمه من مواليد مصر وعاش فيها كتير ولكن لم يحمل جواز سفر مصري بس كان عنده بطاقة مدنية ...وامه اللي هي جدتي مصرية اصلا بس عمرها ما طلعت جواز سفر لانها توفت وبابا صغير وما كانش ايامها الجوازات مهمة ...المهم ..احنا حاولنا نسأل من كذا سنة نسأل عن امكانية استخراج جواز سفر لينا احنا الاولاد وايامها استشرنا محامي من مصر وطلب اتعابه 100 الف جنيه ...بصراحة المبلغ كتير علينا فنسينا الموضوع ....لكن الان سمعنا ان الابناء اللي امهم مصرية ممكن يحصلوا على جواز مصري ...ياترى اللي زي حالتنا ممكن برضو ..ولا لازم تكون الام عايشة ؟؟؟؟؟؟

معقوووووووووووووول ولا اي رد ...اين الناس؟؟؟؟؟؟؟؟؟؟؟؟؟

شارك هذه المشاركه


رابط المشاركه
شارك

أرجوا من من لديه خبره قانونيه في شركات التضامن ياريت نصيحتكم

الموضوع وما فيه عاوز أعمل شركة ( مقاولات عامه أو عموميه ) مع واحد معرفه عن طريق واحد صاحبي

هوعنده شركة دلوقتي بس شركة (تشطيبات فقط) كنت عاوز أعمل مع شركة جديده معاه بس هو إقترح عليا أنه بدل منعمل شركة جديده هو ممكن يغير نشاط شركته إلى شركة (مقاولات عامه أو عموميه ) مش عارف إيه الصح (مقاولات عامه ولا عموميه) علشان نستفاد من سابقة أعماله يعني بدل مناخد شغل صغير ناخد شغل كبير على حسب كلامه

السؤال هو:

إيه نصائحكم في :

-إجراءات عمل شركة التضامن والتسجيل وإستخراج الرخصة التجاريه والقيد في جمعية المقاولين ؟

- هل يوجد إختلاف بين الإسمين (مقاولات عامه و مقاولات عموميه)؟

- وهل كلما زاد النشاط زادت الضرائب؟

- إزاي أتأكد إن مفيش على الشركة القديمه ضرائب ؟

وياريت لوفيه أي نصائح تانيه

وما رأيكم ما هو الأفضل موضوع (( شراء أو عمل تنازل لي عن رخصةالشركه أم عمل شركة تضامن)) ؟

وماهي الإجراءات يجب أخذها في الإعتبار سواء في شركة تضامن أو التنازل لي عن رخصة للمقاولات العامه ؟

وآسف جدا على الإطاله

جزاكم الله خير

تم تعديل بواسطة masrymasry

شارك هذه المشاركه


رابط المشاركه
شارك

أ

الموضوع وما فيه عاوز أعمل شركة ( مقاولات عامه أو عموميه ) مع واحد معرفه عن طريق واحد صاحبي

انت تعرف ايه عن المقاولات

روخ اتعلم بمجهودك او بوقتك

بس متتعلمش بفلوسك

الحالة ناشفة ع الاخر دلوقني و نفسي اقولك شارك و خب اخوك و الكلام الحلو ده كله

بس مصادفتش خالة شراكة ناحجة ختي الان

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...