اذهب إلى المحتوى
محاورات المصريين

ذكريات إذاعية


elbana

Recommended Posts

لطالما شكل الراديو وبرامجه الجميلة خلفية التي صاحبت مراحل حياتنا المختلفة نحن أبناء الجيل الأخير من عهد الأحلام ، أو قل العهد الجميل الذي أخذ في الاندثار .

ففي الصباح الباكر كنا نصحو على صوت القرآن الكريم للشيخ مصطفى اسماعيل والجو بكور ، والبرد الجميل يحاصرنا ويحذرنا من الخروج من تحت اللحاف القطني الذي أشرفت الوالدة بنفسها على عملية تنجيده حتى خرج في تلك الصورة الرائعة ، ثم بعد ذلك يبدأ برنامج تمارين الصباح التي كانت تؤدى على صوت نغمات البيانو والمذيع يقوم بالعد (واحد اتنين تلاتة أربعة) ، ثم يأتي البرنامج الجميل (كلمتين وبس) لفؤاد المهندس ، وهو بالمناسبة برنامج رائع كان كثيراً ما يعين البسطاء على قضاء حوائجهم ورأيت بنفسي حالات تم رفع الظلم فيها بمعونة من ذلك البرنامج ، ثم برنامج (همسة عتاب) بموسيقاه الرقيقة ، وصوت الممثل الشهير الذي أظن أن اسمه كان (أحمد رأفت) وهو يقول (فوت علينا بكره ياسيد) ، ثم يأتي برنامج أخبار خفيفة بموسيقاه المرحة وأخباره التي كانت بالفعل خفيفة جميلة ، يليه برنامج (إلى ربات البيوت) ، وصوت صفية المهندس يتدفق عذباً رقيقاً جاداً ويتخلل البرنامج اسكتشات اجتماعية سريعة متقنة ، ثم برنامج (أبلة فضيلة) وصوت الأطفال يشدو في مرح وحماس :

يا ولاد ياولاد

تعالوا تعالوا

علشان نسمع أبلة فضيلة

ح تغني لنا حكاية جميلة

وتسلينا

وتهنينا

وتسمعنا كما أسامينا

آاااابلة

أبلة فضيلة

:lol: :lol: :lol:

والله كانت أيام عسل ، وكان الواحد ولا هو هنا ، آخر روقان ، ومديها الأمان ، وكل دماغه في اللعب والتسالي والأصحاب ، وازاي ح نضرب عصابة سحلول ، وازاي ح أفلت من العيال اللي بيترصدوا لي في الشارع اللي ورا دكان الحلاق لأني ضربت صاحبهم امبارح وأكيد مش ح يسيبوني ، ولا كنت تسمع رنة موبايل ، ولا صوت أتاري ، ولا عمرو دياب ولا مصطفى قمر .

طب ماذا عن برامج فترة المساء ، حد فاكرها؟

رابط هذا التعليق
شارك

أنا فاكرة برنامج خالتى بمبة بتاع ملك الجمل.... كانت تطلع تعمل كل مصيبة من دول طول الحلقة... و فى الأخر جوزها يمسكها يبستفها... تقوم تصعب عليها نفسها و تقول "عيييييينى علييييييييييييييا" .... :lol:

و كان فيه مسلسل عائلة مروزق.... و برنامج من الجانى "إذا عرفت الحل اتصل بنا على 747120 إذاعة" :lol: :lol: :D

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

عتاب) بموسيقاه الرقيقة ، وصوت الممثل الشهير الذي أظن أن اسمه كان (أحمد رأفت) وهو يقول (فوت علينا بكره ياسيد) ، ثم يأتي برنامج أخبار خفيفة بموسيقاه

كان إسمه رافت فهيم فعلا كان برنامج نقدي ممتاز عن الروتين !!! والبرنامج إسمه همسة عتاب

فاكرة برنامج خالتى بمبة بتاع ملك الجمل.... كانت تطلع تعمل كل مصيبة من دول طول الحلقة... و فى الأخر جوزها يمسكها يبستفها... تقوم تصعب عليها نفسها و تقول "عيييييينى علييييييييييييييا"

كانت بتيجى في برنامج إلى ربات البيوت للسيدة صفية المهندس

وفين عواد باع أرضه

والسلطانية وفلكلور السمسمية لسيد الملاح

والأغنية الخفيفة بعد حديث الصباح للثلاثي النغم

ومسلسل شنطة حمزة لأمين الهنيدي وصفاء أبو السعود ده ييجي من 35 سنه يعني صفاء أبو السعود عندها ييجي 70 سنه على فكرة ودي حقيقة !!!!

وفين المسلسلات الجميلة زي الأم اللي كان يغني أغنية المقدمة محمد حمام بصوت أكثر من رائع !!!

فين أغنية عبده السروجي غريب الدار علي جار زماني قاسي وظلمني مش أغنية كوز المحبة إتخرم إديله بنطة لحام !!!!

والنبي ماتنكدوش علي وتفكروني بالزمن الجميل اللي للأسف مش هايرجع تاني !!!

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

دة

انتو بقى عواجيز أكيد

ماعدا الأخت كليو

كانت والدتى رحمها الله تستمع لبرنامج ربات البيوت للمذيعة السيدة الفاضلة صفية المهندس التاسعة صباحا بعد خروج والدى رحمه الله عليه للعمل وكان برنامجا دسما يقدم خبرات ربات البيوت والطبيخ وكان يشمل مسلسل عائلى لا أتذكر اسمه الآن

وكان عمرى وقتها حوالى عشر سنوات وأتابعه فى يوم الأجازة مع والدتى

وكانت مصر تنتظر بعد صلاة الجمعة برنامج ساعة لقلبك لحسين الفار وعبد المنعم مدبولى وخيرية أحمد والخواجة بيجو وأبو لمعة وخاصة عندما يقول أنه نزل من القطار فى طنطا لقضاء بعض المشاوير ثم رجع ولحق القطار الذى قبله

كانت أيام

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك

لا أتذكر اسمه الآن

المسلسل إسمه عيلة مرزوق أفندي_ يادكتور رجب

أنا مش عارف فين برنامج نصف ساعة مع ذكريات الإذاعة ولاأدري لماذا توقف .

الإذاعة زمان كانت احلى من التليفزيون بكتير ولو إن التليفزيون كان فيه حاجات كتيرة كويسه زي مسلسل هارب من الأيام للفنان الراحل عبدالله غيث وكان معه كوكبة من نجوم الزمن الجميل : مديحة سالم وإحسان القلعاوي - محمود عزمي - محمد الدفراوي - والفنان الكبير قوي قوي أحمد أباظة والذي كان يقوم بدور سليمان انتن في هذا المسلسل الكبير البوليسي الذي تحول فيما بعد لفيلم بطولة فريد شوقي إلا أنه لم يلق نجاح المسلسل .

وكذلك كان هناك ثلاثية المرحوم ثروت أباظة : الضحية- الرحيل -الساقية !!!!!

إيه ياجدعان فين أيام الأبيض والأسود :lol: :lol: :lol: :lol:

انتو بقى عواجيز أكيد

:lol: :lol: :lol: :lol: :lol: :lol:

الشباب شباب القلب يادكتور رجب وبعدين تقريبا عمرنا متقارب مانا مواليد 1979 :lol: :lol: :lol: :lol:

علشان كدة أنا فاكر أحداث الستينات زي مايكون بتحصل قدامي دلوقت يعني برضه لسة ماعجزناش قوي :lol: :lol:

واللا ممكن تقول إن الذكريات الجميله صعب نسيانه :) :) :) ا

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

المسلسل إسمه عيلة مرزوق أفندي

إحم .... إحم ...

مين بيجيب سيرة عيلتنا؟؟؟؟؟؟؟؟

طيب فاكرين الأوبريتات الجميلة اللي كانت بتيجي يوم الجمعة مساء زي ... ( السوق ) وجميلة آااوي القلل القناوي .... قربت حدانا خدلك قلتين ..

والدندرمة .... هو الحلال عندك حرام .. إنت اللي يامعلم رجب مايعجبكش صيام رجب ولا يعجبك حتى العجب

وعوف الأصيل ...... جالوا راح للشرطة جلت ياويلي راح للشرطة ..

ولا حكاية جدي الأكبر ( مرزوق العتقي ) وياترى إنت فين يا مرزوووووووووق ؟؟ شهرين وماحدش سمع عنك حاجة ... لاحس ولا خبر ... الله ... بصوا ياولاد كده ... الراجل اللي جاي من بعيد ده شبه أبوكوا مرزوق ... الله دا بايننه هوا .... مرزووق ... أم شوق مراتي حبيبتي ....

ولا برنامج 46120 إذاعة .. 46120 ... إذا كنت تعرف الحل إتصل بالبرنامج .... آلو ... 46120 ... أيوة ... ممكن أقول الحل ؟ إتفضل ... القاتل هو أبو دومة لأن الزرار اللي لقاه الظابط كان واقع من الشراب بتاعه لما كان بيربط الجرافته ...

وبالليل .... بقا ... من وراء القضبان ... برنامج واقعي يروي قصة الجريمة .... قصة الصراع بين الخير والشر ... لكي ينتصر الخير في النهاية ..... يقدم البرنامج أمين فكري

وللا برنامج لغتنا الجميلة .... أنا البحر في أحشائه الدر كامن ... فهل ساءلوا الغواص عن صدفاتي ؟؟

أما ألف ليلة وليلة فدي عالم تاني خالص .... تأليف طاهر أبو فاشا ... إخراج محمد محمود شعبان ...

وبرنامج الغلط .... فين .... مع على فايق زغلول .... غلطة تانية تاخد خمسة وسبعين قرش ..

ومسلسل الحوت .... إرجع ياحوووت .... البحر غدار يا حوووووت .... والجنية شرسة ...

وشنبو في المصيدة .... شنبو يا شنبو والله ووقعت ياشنبو ..... آااااااه يابابايا ...

وللا تمثيلية..... مبروك ومقبولة ... ومحمد الدفراوي قايم بدور إبراهيم .... البت عيانة يابراهيم ...

وأوائل الطلبة .....

وايه كمان ؟؟؟؟؟؟ ياااااااه رجعتوني لزمان وهاين عليا أعيط دلوقتي ... وأنا بافتكر الأغاني الوطنية الحماسية لأم كلثوم زي أغنية علي باب مصر وأنا مستني الغدا لما يخلص .... وريحة الملوخية مالية الشقة .... وأنا الشعب أنا الشعب ... لا أعرف المستحيلا ... ولا أرتضي بالخلود بديلا ... ( إلا قوللي ياخويا .... هو الشعب ده راح فين دلوقتي ؟؟؟؟؟ )

ومحمد رشدي لما يغني بهية .... وعيون بهية .... لي بنت عمة إسمها بهية وعيونها ولا زبيدة ظروت ( أنا دايما أقول عليها كده !!!) في زمانها ... كنا نغني لها الأغنية دي ...

وكله كوم وأغنية بالسلامة ياحبيبي بالسلامة .... بالسلامة تروح وترجع بالسلامة ..... تيجي فرحان تيجي مليان بإبتسامة .... بالسلامة ... ياحبيبي ....

كنت باسمعها كل يوم وانا رايح المدرسة .... وكنت كل يوم آجي واقع من الجوع .... وقرفان ... ( آل تيجي فرحان قال !!!) .

عموما هو ده اللي قدرت أفتكره النهاردة .... تعالوا بكرة في نفس الميعاد وأنا أحكيلكم حكاية جديدة .... عن ذكريات ..

بمناسبة ذكريات .... كان فيه برنامج إسمه ذكريات ( مقدمته كالتالي )

أغنية أم كلثوم .. ذكريات ... ذكريات عبرت .. عمق خيالي .. إفتح ياسمسم .... سمارة ..روح دور على أرضك فين وأقعد فيهه ...

حد فاكر الحاجات دي ؟؟؟؟؟؟؟؟

ممنوع الرجوع للوراء

رابط هذا التعليق
شارك

انتو بقى عواجيز أكيد  

     

الشباب شباب القلب يادكتور رجب وبعدين تقريبا عمرنا متقارب مانا مواليد 1979      

علشان كدة أنا فاكر أحداث الستينات زي مايكون بتحصل قدامي دلوقت يعني برضه لسة ماعجزناش قوي    

واللا ممكن تقول إن الذكريات الجميله صعب نسيانه    ا

معلش

يا عم كوكوواوا

أعذرنى

الأخوات الحريم لها اتيكيت خاص بالنسبة للسن

وأنتم مواليد 79 بعد الميلاد ولكنى 79 قبل الميلاد

لا أتذكر اسمه الآن  

المسلسل إسمه عيلة مرزوق أفندي

فعلا المسلسل كان عيلة مرزوق أفندى وصار الاسم محبب لينا عشان كدة احنا بنحب زميلنا سيد مرزوق لأنه أصبح تراث من حياتنا

وزى ما أخونا الحاج سيد قال .. عوف الأصيل وأغانى فريد الأطرش يازهرة فى خيالى ومأقدرش أقول آه وعنى بتبكى وقلبى بيضحك والربيع وكنت أفضل النغمة الحزينة وقتها

طبعا ما ننساش عمنا الموسيقار الكبير عبد الوهاب فى أغنيته الجميلة ماكنش ع. البال تشغل بالى ياعينى وتسهرنى ليالى والنهر الخالد وموسيقى عزيزة التى تنتهى بكلمة ياولة فى كل وصلة وأغنية فاكراك ومش هانساك لشهرزاد وطبعا كوكب الشرق وخاصة ساعة الصبحية أما تغنى لنا .. ياصباح الخير ياللى معانا .. كانت أغنية جميلة وتجدد نشاطنا وتمنحنا التفاؤل لبداية اليوم والعمل

وطبعا الحاجة اللى ماتوعوش عليها هى أبريت بكير بياع الفطير وكان عن الملك فاروق فى أواخر أيامه على أساس أن الملك بيعطف على بكير الغلبان

طبعا هاتقولوا على عجوز مش مشكلة الكبر قيمة ولكنى أتذكر هذا البرنامج عندما كان عمرى وقتها حوالى ثمان أو تسع سنوات قبل الثورة المباركة ووقت قيام الثورة لم أستوعب وقتها ماذا يحدث فى مصر وبدأ وعيى السياسى ينشط من أول تنحية محمد نجيب وخلافات الثورة وكتابة هذه العناوين بالبنط العريض فى الجرايد

طبعا فاكر جريدة المصرى وفاكر القاء القبض على الاخوان المسلمين لوجود مقر من مقارهم بجوار منزل العائلة فى تلك الوقت وأتذكر حين أرادوا القبض على أخوانى فى شارعنا ولم يستسلم لهم وتبادلوا معه اطلاق النار حتى استشهد على حسب بيان الاخوان واستشهد معه جنديين من الشرطة حسب بيان الحكومة

الله أعلم

وهذه بعض من ذكرياتى فى الزمن الجميل

تحياتى

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك

لماذا أشعر أن الإذاعة في الثمانينيات كانت أفضل؟

كنت "عيلا" صغيرا وقت أن قررت أن أقاطع التليفزيون و أستعيض عنه بالراديو...وبالفعل كان كل شيء جميلا...

كان مسلسل الخامسة و الربع هو من أهم أحداث اليوم بالنسبة لي...هو و مسلسل صوت العرب التي كانت تذيعه صباحا...و "لترويش" الجو كان علي إدارة المؤشر نحو الشرق الأوسط التي كانت وقتئذ في أوج جمالها...حتى تغلق...قبلها أعرج على إذاعة القرآن الكريم بأمسياتها الدينية...

كنت في ذلك الوقت قبل الخامسة مساء أبادل المؤشر بين البرنامج العام و صوت العرب...لمعرفة برامج كل على حدة...واختيار شكل السهرة المفضلة...

و لا يفوتني الموعد اليومي في الثانية و الثلث لأستمع إلى تلاوة القارئ الفذ الشيخ الحصري التي كانت صوت العرب تختتم بها إرسالها...

الآن...كل الإذاعات 24 ساعة...و البركة في معظمها قلت للأسف...وعدت للتليفزيون و الفضائيات متفرجا بدرجة جيد مع كنبة الشرف المفتخرة!

رحم الله الثمانينيات و أيامها و موسيقاها و ناسها...ورحمنا جميعا...

خلص الكلام

Sherief El Ghandour<br /><br />a furious Egyptian

رابط هذا التعليق
شارك

التلفزيون:

القاهرة و الناس - عقيلة راتب "الحقيني با ملحقة انجديني يا منجدة!"

فو مان شو (Fu Manchu) على القناة الثالثة (قبل ان تلغى من الاسكندرية)

مسلسل دكتور ريتشارد كيمبل (The Fugitive) و الذي عمل فيلما من كام سنة

الراديو:

خالتي بمبة

السلطانية

ألف ليلة و ليلة و شهرزاد

ورقة و قلم و مراية

هييييييييييييه

أيام!

الشعب اراد الحياة و القيد انكسر

رابط هذا التعليق
شارك

مييين يا عادينا هاها فى أراضينا هاها .... على بابا والأربعين حرامي .

سماره ... إنتي فين يا سماغه ... نشأت فى جو أسود كئيب مشبع بالجريمه ... والمعلم سيد

فتح عينيك وأمشي بخفه ودلع .. الدنيا هي الشابه وأنت الجدع .. تشوف رشاقت خطوتك تعبدك .. لكن أنت لو بصيت لرجليك تقع وعجبي ..... إيناس جوهر ..

- يا صباح الخير ياللى معانا الكروان غنى وصحانا ... ياه يا ست.

مسرح المنوعات مع علي فايق زغلول ( كنت راسم له برضوا صوره جميله فى خيالي ولما جه الجامعه عندنا يقدم البرنامج كرهت البرنامج ... شخص مدخن بشراهه عاليه جداً زى شكمان العربية ... ومبهدل فى نفسه ولا أكنه شغال فى إذاعة شبرا النملة )

ياللا حالاً بالاً بالاً هنوا أبو الفصاد ......

براعم الأيمان ... مع هاجر سعد الدين الست دى لما كنت بأسمع صوتها فى إذاعة القرآن الكريم كنت بأحس أني بأستمع لصوت ملاك من السما .

أغرب القضايا .. والموسيقى بتاعته اللى تخلي جسم الواحد يقشعر .

إعترافات ليلية برنامج بثينه كامل العبيط ... ألو لو سمحتي يا مدام بثينه انا عايز اعترف إن عندي أيدز وما حدش يعرف وبحب بنت عمي وأنا من الصعيد وأهلي غاصبين عليه أتجوزها .. اعمل أيه ... وبعد أسبوعين أتصل تاني علشان يقول أنه اتجوزها ... شوفتوا عبط أكتر من كده.

- الدين المعاملة .... مش فاكر مين اللى كان بيقدمه .

ومع إن من خلال إستخدامنا لأجهزة الأستقبال الرقمية فى خارج مصر يمكننا إلتقاط كل إذاعات مصر لكن بصراحة التليفزيون سحب البساط من تحت أقدام الراديو بالإضافة إلى إيقاع الحياه السريع مايخليش الواحد عنده وقت يسمع الراديو .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

برنامج اغانى و عجبانى وكمان كان فيه برنامج كوميدى كنت دايما باسمعه متاخر بالليل اسمه حاجة تجنن كان فيه عبد الرحمن ابو ظهرة و المرحوم محمد رضا حد فاكر البرنامج ده خصوصا الحلقة اللى موت على نفسى من الضحك لما كان محمد رضا اسمه ابو الهدد

ياه كانت والله ايام حلوة

و اذاعة ام كلثوم الساعة 5 كنت اسمع من ام كلثوم لغاية نجاة

رابط هذا التعليق
شارك

تصدقوا انكم قلبتو عليا المواجع

أصل أنا راديوجي قديم :D وكنت بأسمع كل ده وفي منها برامج لسه شغّالة لحد دلوقت.... زي على الناصية بتاع آمال فهمي كل يوم جمعة بعد الصلاة وزيارة لمكتبة فلان تقديم نادية صالح و قال الفيلسوف اللي بأقوال الحكماء شغوف....و كمان كنت بأسمع عمو حسن (حسن شمس) في أذاعة الشرق الأوسط وكان فيه برنامج جميل مش عارف لسه موجود ولا لأ أسمه سمّار اليالي كان بيجي الساعة 3 صباحاً

وفكرتوني لما كنت صغير وأعرف الساعة من مواعيد برامج الإذاعة يعني لما ألاقي الست الوالدة بتسمع مع ربات البيوت تبقى الساعة 9و10 ولما أسمع عيلة مرزوق أفندي تبقى 9:20 تقريباً وكمان الساعة 8:45 أسمع أخبار خفيفة

والله الواحد أفتكر أيام جميلة بأحاول أسمع حاليا للراديو بس للأسف لم يعد هناك العدد الجميل اللى كان موجود من المذيعين المتميزين ... يعني هو في دلوقتي شويه برضه بس مش كتير

بس اللى مجنني ليه الأصرار القاتل على برنامج ما يطلبه المستمعون بتاع الأهدائات المملة من بابا وماما لمحمد وحسنية ومحمدين وأبن الخال والخالة وجميع الأقارب والجيران وجيران الجيران بمناسبة الزواج

كان في برنامج زمان أسمه مالا يطلبه المستمعون كان برنامج غلس بشكل حد فاكره

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك

ياااااه ....كانت أيام حلوة

كان برنامج إلى ربات البيوت مثل وجبة متكاملة العناصر

نصائح للزوجات.. ضحك.. أغاني ..حلول للمشاكل ...كل حاجة

و كان الرجال يشكلون نسبة كبيرة من المستمعين لهذا البرنامج

... يمكن من باب إعرف عدوك

.

رابط هذا التعليق
شارك

مفيش حد بيفهم من بتوع الإذاعة يقرا كل اللي كتبوه جميع الإخوة المخضرمين ويفكر في عمل برنامج جديد على غرار برنامج ذكريات الإذاعة في نصف ساعة ويخللي إسمه : ( أيام الإذاعة ماكانت إذاعة ) :D :D :D

حقيقة ياخوانا انتم أسعدتم الواحد بكل البرامج اللي ذكرتوها وعلى فكرة كانت إذاعة الشرق الأوسط كانت بتقدم مسلسل شهري عن المشاهير منهم الدكتور أنور المفتي الذي أود سماعه مرات ومرات لأنه يغرس الفضيله وإنكار الذات والبعد عن الجشع !!!

ياريت حد من إذاعة الشرق الأوسط يكون بيقرا الكلام ده دلوقت !!!

هيييييييييييييييه كانت أيام

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

فين ايام

برنامج لغتنا الجميله طريق السلامه-

صبرى سلامه -صالح مهران- حسن عبد الوهاب- على فايق زغلول- فهمى عمر

وقرآن الساعه 8 مساء قبل نشره الاخبار

التمثليات سماره - عايده وبديعه - ناعسه- ادهم الشرقاوى جده جاسمه بتاعه النوبه - الشمندوره

والله مانا فاكر العواجيز اللى مثلى يحاولوا يفكرونى

رابط هذا التعليق
شارك

الله ، أجمل مداخلات الواحد قرأها ، يمكن علشان بتتكلم كلها عن ذكريات رائعة ، الحكاية بالنسبة لنا كلنا (العالم العواجيز يعني) ، مش مجرد شوية برامج كانت بتتذاع ، الحكاية مرتبطة دايماً بذكريات شخصية وعائلية كانت بتحصل مع كل برنامج من دول ، فتلاقي دي أغنية مقدمة برنامج بيتذاع دايماً واحنا رايحين المدارس ، ودي أغنية برنامج كنا بنسمعه بالليل قوي والدنيا صيف والشباك مفتوح والاحد قاعد مع نفسه بيفكر في الجو بتاعه ، وده برنامج أو مسلسل العصرية والواحد بيشرب كباية الشاي في البلكونة مع والدته .

فالحكاي عبارة عن ذكريات وأشخاص منهم اللي عاش ومنهم اللي مات ، لكن كل ده بيصحى قدامك فجأة ساعة ما تمر على ذهنك موسيقى البرامج دي ، تلاقي نفسك انتبهت فجأة وشعورك صحي ، وقفزت إلى ذهنك معاني وذكريات كتير جميلة ، ناهيك عن جودة هذه البرامج اللي كانت بالفعل معظمها أكتر من رائعة ، وبالفعل أنا مش عارف ليه الإذاعة مش بتعمل زي ما قال كوكو واوا وتحاول تذيع المواد اللي أصبحت للأسف الشديد تراثية مع إنها كان المفروض معظمها يتحول إلى ثوابت.

رابط هذا التعليق
شارك

تصدق بالله

انا باحكي حكاية مرزوق و السلطانية للناس الامريكان كثير

و حكاية علي بابا و الاربعين حرامي كانت جميلة

"يرحمكم الله يا ابو سريع! مش انا يا ريس!"

و كمان في شهرزاد و عندما اشرق الصباح و سكتت عن الكلام المباح

الراديو دة كان مزاج

الزمن الجميل بالنسبة للعواجيز اللي زينا، مش جيل الانترنت

الشعب اراد الحياة و القيد انكسر

رابط هذا التعليق
شارك

نسيتو اغنية "لجل النبى .. تقبل صلاتى على النبى" للكحلاوى الله يرحمة كل يوم جمعة

بسم الله الرحمن الرحيم .. إن المنافقين فى الدرك الأسفل من النار ولن تجد لهم نصيرا .. صدق الله العظيم ( النساء – 145 )
رابط هذا التعليق
شارك

أنا لما بأحكي قصة مرزوق ولا غيرها من القصص الجميلة دي لبعض أبناء العائلة من سن 17 سنة و20 سنة بألاقيهم مش عارفين عنها أي حاجة وبيبصوا لي زي ما أكون جاي من القمر .

أنا بأحب الأغنية دي قوي يا فري ، وكانت دائماً الوالدة اللي يصبحها بالخير تبكي لما تسعمها كل جمعة .

وكله كوم وبرامج رمضان كوم ، فوازير آمال فهمي ، والشيخ النقشبندي ساعة الفطار ..

رابط هذا التعليق
شارك

  • بعد 3 سنة...

للرفع

مش مجرد شوية برامج كانت بتتذاع ، الحكاية مرتبطة دايماً بذكريات شخصية وعائلية كانت بتحصل مع كل برنامج من دول ، فتلاقي دي أغنية مقدمة برنامج بيتذاع دايماً واحنا رايحين المدارس ، ودي أغنية برنامج كنا بنسمعه بالليل قوي والدنيا صيف والشباك مفتوح والاحد قاعد مع نفسه بيفكر في الجو بتاعه ، وده برنامج أو مسلسل العصرية والواحد بيشرب كباية الشاي في البلكونة مع والدته .

فعلا البرامج الأذاعية اليومية لما الواحد بيفتكرها بيفتكر أيام الطفولة يعني القرآن من 6 صباحا وبعدين برنامج التمارين الرياضية دايما قبل ما نروح المدرسة.

وفي الصيف كان البروجرام كامل من كلمتين وبس فؤاد المهندس طريق السلامة لهمسة عتاب لأخبار خفيفة وربات البيوت وعيلة مرزوق وغنوة وحدوتة بأغانيها الجميلة (يا عصفور طفي النور علشان منشوفش المغرور - عدولة دخل سنة أولى - تليفوني أخضر زيتوني - أغنية جدو يا شاطر يا شطارة بتاعة حسين رياض)

وبرامج الليل للي غاويين سهر أنا كنت بحب أسمع الموسيقى الهادية من 12 مساء ل3 صباحا على الأف أم.

وكنت بسمع راديو مونت كارلو حكمت وهبي أميجو وجابي لطيف وسلمى الشماع حد كان بيسمع مونت كارلو؟؟؟؟

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...