Jump to content
Scorpion

هواية التصوير

Recommended Posts

من اكثر الهوايات التي تشدني هواية التصوير ... بشقيه .. الفوتوغرافي و أفلام الفيديو ...

قديمآ كان التصوير الفوتوغرافي به حلقة ناقصة و هي الحلقة الأخيرة .. فلم يكن بأستطاعتي ن اقوم بتحميض الصور او طبعها عندما كانت تنتهي فوق شريط نيجاتيف .. و لكن مع التطور العلمي المدهش في هذا المجال و التحول الي الديجيتال .. فيكفي جهاز كومبيوتر و برينتر ابن ناس لتكمل بنفسك تلك الهواية من الألف للياء .. و ان كنت مؤخرآ قد لجأت الي افراغ جميع لصور فوق قرص سي دي مما وفر عليا كثيرآ ... ماديآ ...احممم .. فخارطوشة البرينتر هنا بتكلف شيء و شويات .. و سواء في المساحة ..ففي قرص واحد استطيع بدون مبالغة وضع مئات الصور ... و يكفي برنامج مناسب .. لترتيبها او اضافة موسيقي عليها او حتي تعليقاتك .. لتشاهدها متي أردت علي شاشة التليفزيون

الجانب السلبي الوحيد في هذا الأمر هو فقدان رومانسية زمان لما كنت تمسك صورة الحبايب في ايدك .... او تحطها في برواز جنب السرير ... و ان كانت الأخيرة اتحلت برضه بأختراع البرواز ابو شاشة مزود بميموري كارت تحط عليه الصورة او الصور اللي انت عايزها ...

الجزء التاني و هو تصوير الفيديو ...

في البداية كانت العملية مرهقة و كان لازم تنزل الفيلم علي شريط كاسيت و عملية المونتاج فيه محدودة جدآ ... لكن نفس عصر الديجيتال عمل ثورة رهيبة في تلك الهواية و بامكان الجميع الآن ان يتحولوا الي بروفيشيونال فعلآ سواء في التصوير او في انتاج نفس الفيلم اللي عملوه و تفريغه علي اسطوانة دي في دي بصورة اكثر من رائعة ...

مش حتحتاج كتر من كاميرة فيديو عادية ديجيتال ... اللي معايا كانون قديمة من اوائل الديجيتال و بصراحة ما عنديش نية اغيرها .

ايد ثابتة في التصوير يعني ما تهزهاش كتير او تستخدم الزووم بصورة مبالغ فيها ...و لو ممكن استخدم الحامل ( مش المدام... دي حاجة كده ب 3 ارجل تثبت عليها الكاميرا )

كومبيوتر فيه شوية مساحة فاضية ... و لو بتقرا الكلام ده يبقي اولريدي الكومبيوتر موجود

برنامج تحويل الفيلم اللي انت سجلته من الشريط الي ذاكرة الكومبيوتر و من الكومبيوتر الي شريط الدي في دي

و اعتقد ان ده موجود عند معظمنا Nero Burning

انا بصراحة علشان الهواية دي عجباني قوي فأنا اشتريت برنامج اسمه pinnacle studio 10 و بصراحة بعمل بيه شغل جامد جدآ ... من اول المونتاج .. لأضافة الموسيقي لتخفيض الأصوات او حذفها .. لربط المناظر ببعضها .. لأضافة مؤثرات صوتية أو مؤثرات فيديو ... لوضع عنواين او حتي شريط ترجمة ... حاجات كتيرة بصراحة تخللي اللي يشوف الفيلم يفتكر ان فيه شركة سينمائية كاملة وراه .. مش حتة كومبيوتر و صبر حضرتك و حسك الفني ...البرنامج ده عيبه الوحيد انه بيلهف مساحة كبيرة من الكومبيوتر

رسالتي دلوقتي لمن له نفس الهواية .. ان يضع كل واحد منا انطباعاته ... تجاربه .. ابتكاراته ... و لو فيه برامج مثيرة للأهتمام فعلآ تساعد علي تنمية الهواية دي ..

Share this post


Link to post
Share on other sites

و مثلك أنا تشدني بأنواعها سوى فيديو أو فوتوغرافي, أهتم فيه كثيرًا.

في السابق كان التصوير فقط لـ التخليد, و الاحتفاظ باللحظة , و الآن بعد أن أطلعت أكثر على عالم التصوير أحاول مجارات كبار الفوتوغرافيين و أن أخرج منها بفن .و تكون صور الذكرى تمتلك كل مكامن الجمال, اللحظة و الزاوية في آن واحد.

لا أدري هل أنا على حق, أو أنني أمتلك نظرة سوداوية .

أعتقد بأننا في مجتمعنا العربي لازلنا نجهل الكثير في التصوير , مجتمع لا يؤمن فيه كجمال, كأيمانه أنه تخليد للذكرى أو صورة على جواز عبور فقط .

الكاميرا التي بحوزتي هي canon EOS 400D

كاميرا احترافية و لازلت أحبو فيها , بعد تجربة طويلة و حافلة مع Canon Digital IXUS 50 .

الاختلاف الذي بينهن أن الأولى Manual, و الأخيرة Auto . مما جعلني في متخبطات ضبط الإعدادات .

بالنسبة للبرامج قليلة هي خبرتي فيهن , أشتغل بالصور على برنامج الفوتو شوب و neat-image . فقط .و قرأت كثيرًا عن برنامج Adobe Lightroom 1.0 للمصورين و المحترفين, لكنني لم أقتنيه لعدم تفرغي في الحقيقة.

و هذه آخر تجاربي . :happy:

Amaniii.jpg

Share this post


Link to post
Share on other sites

أخي العزيز سكوب

والله ديما موضيعك بتعجبني وانتا من أكتر الناس المخلصة للمحاورات والي بيبذلوا مجوهد جميل فيها

انا كمان بحب التصوير بس الفوتوغرافي فقط والديجتال سهل حاجات كتير وانا صورت بكميرات كمباكت وشبه احترافية SLR Style - أوليمبس و فوجي و لومكس وكانون

وحاليا طالب كميرا احترافية (كانون 40D ) وعدستين وفلاش بس لسة موصلتش

ومتهيألي التصوير فن جميل لما تحاول تعمل تكوين كويس أو تصور لند سكيب أو بورتريه بشكل مبتكر

بس كمان فيه كم رهيب من المعلومات لازم الواحد يكون عرفها ودي بأت متوفره جدا على النت

وانا استفدت جدا من موقع youtube.com في الحكاية دي

يكفي ان الواحد يبحث فيه عن photography وهيلاقي حجات كويسه أوي

الأخت أرملة الحاج

الصورة الي انتي حطاها رائعة فعلا

والكميرا الي معاكي كويسة أوي 400D

وهتلاقيلها tutorials كتير على youtube

ودي نمازج من تصويري مع ملاحظة اني لسة بتعلم

http://tasmem.net/photos

Share this post


Link to post
Share on other sites

الاخ العزيز سكوب

موضوع التصوير الفوتوغرافى تحديدا من ارقى الموضوعات الممكن مناقشتها فى عالم الهوايات فالى جانب انها تعيد الينا ذكرياتنا الجميلة وتفاصيل وجوه ربما نسيناها عبر الايام فهى ايضا من اجمل طرق ابراز مواهب الحس الفنى الجميل والذكاء التقنى وايام دراستنا فى كلية الفنون الجميلة كنا نتمنى وجود قسم متخصص للتصوير الفوتوغرافى اسوة بكليات الفنون التطبيقية لكن للاسف لم يسعدنا الحظ بهذا القسم وكنا مجرد هواة نحاول تصوير بعض اللقطات المميزة لاعادة رسمها بدرجات ظل لا تتوفر الا فى ساعات معينة من النهار والتى لا تطول بل تتغير بوضعية الشمس على المبنى او المسجد او الكنيسة حيث نختار لنقوم برسم مادة المناظر وقد ساعدنى التصوير الفوتوغرافى كثيرا فى معالجة هذه المشكلة وكان والدى رحمة الله عليه هاويا ولديه هذه الكاميرا الجميلة Yachica وبعض عدسات الزووم والتى استغرقت وقتا طويلا فى محاولة تعلم استخدامها ونجحت وانا اناهز الثلاثين فى تحقيق بعض النتائج الجيدة بها وعلمت منه ان هناك جمعية خاصة بالمصورين وتقدم دروسا فى التقنيات الخاصة بالتصوير وكنت استخدم اجهزة الكمبيوتر لمعالجة الصور باستخدام برنامج الفوتوشوب ووصلت لنتائج جيدة فى هذا المجال باستخدام ادوات الاضاءة والضبط اللونى ثم دخلنا الى عصر الديجيتال فاقتنيت اولى كاميراتى سونى سايبر شوت والتى سجلت بها اجمل اللحظات قوة العدسة 6 ميجابيكسل وتمكنت من خلال الضبط من رفع دقة الصورة بزيادة حجم البايت الخاص بالصورة وبمساعدة برنامجى المفضل الفوتوشوب وفلاتره الخاصة بالصور الفوتوغرافية حصلت على نتائج دقيقة ورائعة رغم وجود كاميرات اعلى تقنية واحدث طبعا ولان هوايتى الرئيسية تصوير الاستاذ مادا فاصبح نجم اعلانات صغير يقف ويبتسم ويتحرك بحرية امام الكاميرا اوشكت قريبة على ان افتتح معرضا خاصا بصوره وشجعنى احد الاصدقاء وهو مصور محترف وقدمت له ولاصدقائه بعض التقنيات الخاصة بضبط صور الميكرو فوتوغرافى والتى تهتم بتفاصيل الكائنات الحية ويستخدم فيها العدسات الشديدة الدقة والوضوح لرصد التفاصيل اللونية الدقيقة بمنتهى الوضوح والجمال ووصلنا سويا لنتائج جدا موفقة

هذه تجربتى فى الموضوع حتى الآن ولا زلنا جميعا نتعلم وكل يوم يأتينا بجديد واقترح عليكم كهواة مثلى مراجعة برنامج الفوتوشوب 10 او نسخته السابقة 9 وهى تحتوى على الكثير من الادوات الخاصة بضبط الصور ودقتها وعالجتها لونيا وضبط اضاءاتها الدقيق وستحصلون على نتائج رائعة باذن الله واى مساعدة انا تحت امركم

Share this post


Link to post
Share on other sites

السلام عليكم ورحمة الله وبركاته

استاذى سكوب

موضوع حضرتك عن التصوير جميل جدا

انا بحب التصوير العادي جدا جدا والتصوير الفيديو

بس الحمد لله مش معايا ولا كاميرا:closedeyes:

المهم على ما اعتقد ان التصوير اساسا يعتمد اعتماد كبير على الكاميرا

من حيث هيا كام ميجا بيكسل وسمعت ان في كاميرات بتعمل زي فوكس علي شئ معين وتعمل حوالية زى تأثير كدا

تأثير سرعة زغللة حاجات زى كدة

انا بجيب شوية صور واعمل بيهم فيديو وافكتات على برنامج اسمة برو شو جميل (بس دا ما اشترتهوش :blush2:)

والفيديو ببرنامج بينزل مع الويندوز

لو تعرفة...... بس بتبقي حاجات كويسة

سلامى لكم

Share this post


Link to post
Share on other sites

صباح الفل عليكم كلكم و كل سنة و انتو طيبين مين بس اللى قلب علينا المواجع فى موضوع التصوير ده انا ناقص اخده حقن صراحة :) كل اللى ناقصنى حتة nikon بنت حلال d40 ولا d80 حتة :blink: المهم الموضوع جامد جدا اخر حاجه و بجد احنا لسه فعلا قدامنا كتير جدا عقبال اما يجى حد يبص لصورة يقول اه ده فعلا معبره او بتقول كذا كذا بس بجد التصوير ده حاجة جميلة جدا جدا انا عامل حاليرى صغنون كده بتاعى على ويب سايت مشهورة قوى بتاعت تصوير و مجتمع فن عمتا بس عايز اللى يبص مايبصش و يجرى :sad: ينفعنا يشترى له صورتين تلاته كده لو اقله يجيى يقولى رأيه هنا و عايزين نشوف بقى شغل الناس اللى بتصور و كده يلا اسيبكم مع السايت انا رغاى قوى كده ليه على فكرة موضوع الميجا بيكسل مش هوا الحاجة الوحيدة اللى تميز الكاميرا الديجتال الميجا بيكسل دى قصة تانية و فكرة تانية خالص و اهم معنى ليها يعنى انك على كام متر الصورة تعمل معاك بلور blur فى الطباعة بس اهم حاجة فى الكامير الديجتال الأوبتكال زوم مش الديجتال طول مانتا شغال اوبتكل يبقى فل و انا بصراحة مش من مؤيدى ان الفوتو شوب هوا الفن الفن فعلا انك تتعلم ازاى تطلع صورة كويسة من غير فوتوشوب او اى حاجة اصلى بيتهيألى كفاية تطور و تسهيل كده فى التصوير كمان نقعد ننعدل و نعمل فى الصور يبقى كده راحت فعلا زهوتها و زهوتها و حلاوتها مش فى الأفكت حلاوتها بجد انك تبقى مطلع تحفه لوحدك من غير اى افكت من اى برنامج و دى وجهة نظرى و مش عارف ازا كانت صح و لا غلط بس انا بصراحة بحب كده و يلا بقى اسيبكم معا السايت http://ramy-salem.deviantart.com/gallery/

Edited by Senior

Share this post


Link to post
Share on other sites

عاوزه أصوّر صوره زى دى

أحيان الواحد بيكون فى مكان محدود الإضاءه و بيكون عاوز ياخد صوره تنقل هذا الإحساس

طبعا من غير فلاش ولكن ما هى التأثيرات الأخرى التى يجب إضافتها

مثلا الصور دى ..

tut_metering_creative1.jpg

tut_metering_creative2.jpg

بيقولوا فى ال tutorial هنا أن العامل الأساسى هو ال light metering و اختياره صح .. طيب إيه الفرق بين استخدام light metering معيّن و بين مثلا استخدام shtter speed أقل عشان يبقى فيه ضوء أكتر داخل للصوره؟ ولاّ مفروض نستخدم الاتنين مع بعض؟

يا ريت اللىّ عنده فكره عن التصوير فى إضاءه منخفضه يفيدنا أحسن موضوع الإضاءه عامل لى تربنه فى نفوخى :sad:

Share this post


Link to post
Share on other sites

post-638-1224430726_thumb.jpg

انا صفر على عشرة في التصوير ولكني بعد ان جاء حفيدي عادل حبيت اسجل كل خطواته وهو صغير

Edited by Mohammad Abouzied

Share this post


Link to post
Share on other sites
post-638-1224430726_thumb.jpg

انا صفر على عشرة في التصوير ولكني بعد ان جاء حفيدي عادل حبيت اسجل كل خطواته وهو صغير

ما شاء الله يا أستاذ "محمد" :)

ربنا يبارك فيه و يحفظه

فعلا الأطفال لهم لحظات كتيره جدّا تستحق تتسجّل

و نصيحتى تلحق تصوّره كتير على أد ما تقدر قبل ما يدرك ماهية الكاميرا و إنّه بيتصوّر و يبقى مصرّ يبص على نفسه خلال التصوير على طريقة "يا إبنى أنا طالع عندك wst:: "؟ إزّاى ... ماعرفش :unsure:

Share this post


Link to post
Share on other sites
عاوزه أصوّر صوره زى دى

أحيان الواحد بيكون فى مكان محدود الإضاءه و بيكون عاوز ياخد صوره تنقل هذا الإحساس

طبعا من غير فلاش ولكن ما هى التأثيرات الأخرى التى يجب إضافتها

مثلا الصور دى ..

tut_metering_creative1.jpg

tut_metering_creative2.jpg

بيقولوا فى ال tutorial هنا أن العامل الأساسى هو ال light metering و اختياره صح .. طيب إيه الفرق بين استخدام light metering معيّن و بين مثلا استخدام shtter speed أقل عشان يبقى فيه ضوء أكتر داخل للصوره؟ ولاّ مفروض نستخدم الاتنين مع بعض؟

يا ريت اللىّ عنده فكره عن التصوير فى إضاءه منخفضه يفيدنا أحسن موضوع الإضاءه عامل لى تربنه فى نفوخى :blush2:

فيه تكنيك اسمه iso ده موجود فى الكاميرات الديجتال الجديدة بس طبعا مش التكنيك ده بس و فيه حاجة كمان بيعتمد عليها موضوع الأضاءه ده اسمها shutter speed اللى هيا سرعة غلق و فتح العدسة و فيه انواع كتير جدا للعدسات و مقاسات كتير مختلفه جدا و زى مابيقولوا لكل مقام مقال كل حاجة و ليها استخدامها و الموضوع يطول شرحه شويتين بس فى الغالب هوا الشاتر و الأيزو هما المتحكمين فى موضوع الأضاءه اللى داخله للعدسة

Share this post


Link to post
Share on other sites
صباح الفل عليكم كلكم و كل سنة و انتو طيبين مين بس اللى قلب علينا المواجع فى موضوع التصوير ده انا ناقص اخده حقن صراحة :roseop: كل اللى ناقصنى حتة nikon بنت حلال d40 ولا d80 حتة :lol: المهم الموضوع جامد جدا اخر حاجه و بجد احنا لسه فعلا قدامنا كتير جدا عقبال اما يجى حد يبص لصورة يقول اه ده فعلا معبره او بتقول كذا كذا بس بجد التصوير ده حاجة جميلة جدا جدا انا عامل حاليرى صغنون كده بتاعى على ويب سايت مشهورة قوى بتاعت تصوير و مجتمع فن عمتا بس عايز اللى يبص مايبصش و يجرى :wub: ينفعنا يشترى له صورتين تلاته كده لو اقله يجيى يقولى رأيه هنا و عايزين نشوف بقى شغل الناس اللى بتصور و كده يلا اسيبكم مع السايت انا رغاى قوى كده ليه على فكرة موضوع الميجا بيكسل مش هوا الحاجة الوحيدة اللى تميز الكاميرا الديجتال الميجا بيكسل دى قصة تانية و فكرة تانية خالص و اهم معنى ليها يعنى انك على كام متر الصورة تعمل معاك بلور blur فى الطباعة بس اهم حاجة فى الكامير الديجتال الأوبتكال زوم مش الديجتال طول مانتا شغال اوبتكل يبقى فل و انا بصراحة مش من مؤيدى ان الفوتو شوب هوا الفن الفن فعلا انك تتعلم ازاى تطلع صورة كويسة من غير فوتوشوب او اى حاجة اصلى بيتهيألى كفاية تطور و تسهيل كده فى التصوير كمان نقعد ننعدل و نعمل فى الصور يبقى كده راحت فعلا زهوتها و زهوتها و حلاوتها مش فى الأفكت حلاوتها بجد انك تبقى مطلع تحفه لوحدك من غير اى افكت من اى برنامج و دى وجهة نظرى و مش عارف ازا كانت صح و لا غلط بس انا بصراحة بحب كده و يلا بقى اسيبكم معا السايت http://ramy-salem.deviantart.com/gallery/

و الحمد لله جبنا الدى 60 نيكون و ده الجاليرى الجديد بقى من شغل النيكون لو حد عايز يتفرج و يقول ايه رأيه

http://www.pbase.com/ramy_salem

Share this post


Link to post
Share on other sites

أعزائى :

أشكركم كثيرا على هذه المعلومات هذه أول مشاركة لى فى هذا المنتدى الرائع .

أود أن أعرف رأيكم فى الكاميرا

Canon s5is

من ناحية مميزاتها وعيوبها فأنا أنوى شرائها قريبا إن شاء الله فهل هى جيدة ام لا ؟

فى انتظار ردكم ،،،

وشكرا لكم ،،،

Share this post


Link to post
Share on other sites
أعزائى :

أشكركم كثيرا على هذه المعلومات هذه أول مشاركة لى فى هذا المنتدى الرائع .

أود أن أعرف رأيكم فى الكاميرا

Canon s5is

من ناحية مميزاتها وعيوبها فأنا أنوى شرائها قريبا إن شاء الله فهل هى جيدة ام لا ؟

فى انتظار ردكم ،،،

وشكرا لكم ،،،

كاميرا كويسة مش وحشة بس موضوع الكاميرا حلوة او وحشة ده برضه بيعتمد على ميزانيتك انتا للكاميرا و مدى استخدامك ليها هيا كاميرا شبه احترافية بس كويسة و ده لينك هايفيدك فيه كل حاجة عنها http://www.dpreview.com/news/0705/07050703...s5is.asp#images

Share this post


Link to post
Share on other sites
بسم الله الرحمن الرحيم

حياكم الله وبياكم

عندي مجموعة كبيرة من الكتب حول هذا الموضوع يا اخوة

هل تودون أن أرفعها لكم ؟

المداخلة من يجى سنه :lol:

ارجو من حضرتك تتكرم و ترفع الكتب :blush2:

Share this post


Link to post
Share on other sites

هدية لأعزائنا هواة التصوير

المناهج الخاصة بالكلية التقنية - قسم التصوير الفوتوغرافى

أساسيات التصوير الفوتوغرافي http://www.waraqat.net/2009/08/photographic-book1.pdf

التصوير الأبيض والأسود http://www.waraqat.net/2009/08/photographic-book2.pdf

التصوير الرقمي داخل الأستوديو http://www.waraqat.net/2009/08/photographic-book3.pdf

التصوير الرقمي http://www.waraqat.net/2009/08/photographic-book4.pdf

التصوير الفوتوغرافى http://www.waraqat.net/2009/08/photographic-book5.pdf

معمل الألوان http://www.waraqat.net/2009/08/photographic-book6.pdf

معالجة الصور بالحاسب http://www.waraqat.net/2009/08/photographic-book7.pdf

التصوير الفوتوغرافي الملون http://www.waraqat.net/2009/08/photographic-book8.pdf

التصوير التجاري للهواة http://www.waraqat.net/2009/08/photographic-magazine1.pdf

خطوة أولى إتجاه الضوء http://www.waraqat.net/2009/08/photographic-magazine3.pdf

المصدر : http://jyab.jeeran.com/archive/2009/9/944657.html

Share this post


Link to post
Share on other sites

انا لسه شايفه الموضوع دلوقتي. بصراحه انا عمري ما جيت جنب التصوير خالص بس بعد ما قريت التعليقات اتشوقت اوي. ان شاء الله بعد ما اخلص امتحناتي ( ١١/١١) هجربها و اشوف الدوشه دي كلاها على ايه :roseop:

موضوع جامد يا سكوب :roseop: برافو

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Similar Topics

    • هواية صيد السمك في مصر و العالم

      واضح من نقاش سابق ان هناك العديد من الاخوة الاعضاء الذين يحبوا صيد السمك كهواية محببة الى نفوسهم و خاصة ابو حلاوة و مكسوف و سكوربيون و بالتالي اردت فتح هذا الموضوع لنتكلم فيه عن هواية صيد الاسماك - انواع الاسماك التي تصاد - هل هي في مية حلوة ام مية مالحة - ما هي الطرق المختلفة (نوع العدة، الطعم، الخ) - سواء في مصر او في غيرها مين يبتدي؟

      in هوايات - Hobbies

    • هواية التصوير في عصرين

      ورثت هواية التصوير من أبي رحمه الله ، أذكر له فرحته الشديدة  بصورة إلتقطها لإحدى قريباتنا و الصورة كانت واضحة و كان يقول إنه إلتقطها على نصف ثانية ووقتها إلتقاط صورة غير مهتزة على نصف ثانية  بتقنية أيامها كان إنجازا. أذكر في الأيام الخوالي  كنت أحلم بكاميرا 35 مللي و تكون ريفلكس    .....   يعني إيه ريفلكس  يعني كاميرا  تنقل ما تراه فعليا إلى سطح الفيلم الحساس و هذا لا يتحقق في كاميرات الviewfinder حيث هناك إختلاف بين ما تراه عين المصور و بين ما يتم نقله إلى سطح الفيلم الحساس. و تحصلت ف

      in هوايات - Hobbies

    • هواية تربية القطط....

      مش عارفة انا ابتديت حبي للقطط من امتى...يمكن من يوم ما ابتديت افهم يعني ايه قطة...؟ بس الاكيد اني ورثتها من جدتي لامي رحمة الله عليهم..ومن بابا لانه كان بيحبهم كمان.... من صغري عندي قطط....وكانت قطط دايما غريبة....في الحرب ناس كتير طفشت وسابت قططها وكانت القطط دي جميلة ومميزة...وسبحان الله كانت بتوصل عندي بقدرة قادر... وكمان كان بابا ليه صديق مقرب....ابنه كان قبطان....وبيسافر وبيجيب لاختته الصغيرة الي من سني قطط غريبه دايما.....وكانت برضو بقدرة قادر بتجيلي في الاخر ...لان امها بتكره القطط ول

      in هوايات - Hobbies

    • هواية تربية السلاحف ... تعلم الصبر والهدوء

      من افضل هواياتي التي كنت احرص عليها منذ صغري .. تربية الزلاحف ولمحبي هذه الهواية مثلي .. انقل لكم بعض اهم المعلومات والنصائح لمن يحب تربية هذا المخلوق الرائع ================================ مقدمة : السلحفاة الأرضية إحدى الزواحف الأليفة الجذابة يمكن تربيتها و الاستمتاع بمراقبتها و إقامة علاقة ود بينك و بينها ! و السلحفاة ليست حيوانا أبله كما يعتقد البعض ، و قد يساهم في هذا الاعتقاد بطؤها الشديد في حركتها ، لكن السلحفاة تستطيع تمييز صاحبها عن الآخرين و قد تستجيب لبعض أوامره إذا استطاع تدر

      in هوايات - Hobbies

    • عندك هواية؟؟

      بيتهيئلي احسن حاجة في الدنيا ان الانسان يكون عنده هواية وخاصة لو الهواية دي بتبقى حاجة في الفن لان الفن من وجهة نظري هو اللي بيرقى بالروح والاحساس زي الرسم مثلا او الموسيقى او عمل مشغولات او تصوير او تصميم جرافيك او حتى الطبخ ( رجالة ) طبعا الستات عمر ما كان الطبخ هواية يا ترى مين اللي عنده هواية من النوعية دي او اي هواية تانية يا ريت اللي عنده هواية يكلمنا عنها وازاي فادته في حياته سواء العملية او الشخصية ......... وأنا هبدأ بنفسي انا بهوى الرسم واستفدت من الرسم كتير جدا جدا سواء في ح

      in هوايات - Hobbies

×
×
  • Create New...