facebook تكنولوجيا مُروعة

[لونا]

لم أستطع التعاطف مع ال facebook

و أنا أيضًا يا أ /عادل لم أتعاطف معه على الإطلاق

و كما كتب أ\ kane

فلو انك قلت لأكبر أجهزة مخابرات في العالم ان المعلومات دي هتكون في أيدكم كانوا اتهموك بالجنان الرسمي

فعلا هذا هو إحساسي بالفيس بوك

و خاصة من فترة .. بعث لي أحد الأقارب رابط لشجرة العائلة على الفيس بوك

و عندما تدخل الرابط .. يطلب منك كتابة علاقة القرابة التي تربطك بالأصدقاء الموجودين على لائحة الأصدقاء لديك

تم تعديل 13 نوفمبر 2010 بواسطة لونا

[shawshank]

... بل تركت أثرا نفسيا سيئا عند الشخص الذى قال ... إزيك يا فاروق.

ربما لأن رد فاروق لم يكن باللياقة الكافية، رغم كونه شخصية عامة. فكان يمكنه مثلاً أن يسأله أسئلة مختلفة عن اسمه وماذا يعمل الآن وهل قابله خلال تلك المدة أم لا ... الخ، بحيث تفيده في التذكر إن كان ناسيًا. وإن تعرّف عليه، فلن يضيره الاعتراف بذلك واسترجاع ذكريات الماضي معه. لكن أغلب ظني أنه كان يتحدث بلسان محافظ البنك المركزي وليس بلسان الإنسان العادي عضو الـ Facebook. لأنه حتى لو مرت خمسون سنة، فاحتمال أن يتذكر شخص ما أحد زملاء دراسته ليس صفرًا. وربما كان القائل "ازيك يا فاروق" من زمرة الزملاء التي لا تنسى. لكني أعتقد أن فاروق تصرف بتلك الطريقة لاعتبارات أخرى، ليس من بينها طول المدة الفارقة.

[akramgroup]

اسمحولى اختلف معكم

فعلا وللأسف الشديد كان الفيس بوك زى ما معظم الناس قالت سداح مداح

وكل حاجه واضحه للناس كلها

ولكن من فترة تغير الموضوع تماما واصبح هناك خصوصيه كبيرة

يعنى حضراتكم ممكن تتحكموا فى اى معلومه ليكم او اى صورة موجوده

مين ممكن يشوفها ومين لا .

ومين يقدر يشوف البروفايل بتاعك ومين لا

يعنى الموضوع بقى دلوقتى مقنن اكتر بكتير من الاول

وكل حاجه طبعا ممكن نستفيد منها فى حاله استخدامها استخدام امثل

تم تعديل 13 نوفمبر 2010 بواسطة akramgroup

[masraweya]

أقول لكم إيه أغلس حاجة فيه بالنسبة لي

ناس انت ما بتعتبرهمش اصحاب و يبعتولك عشان تضيفهم

و ممكن يكونوا زمايلك في الشغل و لو ما اضفتهمش يتضايقوا و تبقى مشكلة من غير داعي

[Dreamwithme]

السلام عليكم ورحمة الله وبركاته

كل واحد هيتكلم أكيد من واقع تجربته وأنا مستخدمة دائمة للفايس بوك ومقدرش بصراحة مدخلش عليه في يوم من الأيام :huh: مش لإدمان لكن هو مهم بالنسبة لي

للتواصل مع أصدقائي الحاليين اللي ممكن تكون الظروف مبتخليش الواحد يقدر يكون علي اتصال دائم بهم ولا أراهم غير في المناسبات وعلي فترات متابعدة :unsure: لكن عن طريق الفايس بوك أنا معهم كل يوم عارفة اليوم إن فلانة كانت تعبانة فكلمتها أو عيد ميلاد مين أومين حد قريبة توفي أو أي أخبار مهمة أوحتي الحاجات الغير مهمة الصغيرة زي الصور والفيديوهات المشتركة بانبسط بيها وبحس أن أنا مع الناس اللي بحبهم كل يوم ha) .

وطبعا الوضع أجمل جدا بالنسبة لأصدقائي المقيميين خارج مصر حاليا سواء للعمل أو للدراسة بصراحة الفيس بوك خلاني أبقي معاهم كل يوم clwn: .

وبالتالي علاقة الصداقة لا تفتر بسبب طول مسافة الابتعاد ...لأن أصلا مكانش في ابتعاد.

طبعا بالنسبة للخصوصية علي الموقع أنا مقتنعة برأي akramgroup أنت تقدر تتحكم فمين هيشوف بياناتك من الناس وتتحكم فمين هتضيفهم كأصدقاء ...

بالنسبة لي لا أضيف أشخاص لا أعرفهم أو معرفتي بهم سطحية.... وكذلك لا يستطيع أحد الاطلاع علي بياناتي إلا من أوافق عليه

لكن بالنسبة إن البيانات تكون معروفة للشركة فأنا مش هقاوح في الموضوع ده ...لكن أي شخص بيستخدم وسائل التكنولوجيا لابد أن يتقبل إن لا يوجد شئ اسمه خصوصية ....يعني بيانات الايميل معروفة بالنسبة للشركة الخاصة بالايميل ty:) ...الأي فون مؤخرا بيقولوا أنه بيتجسس علي مستخدميه. في فيلم أجنبي بطولة دينزل واشنطون اسمه Dejavo الفكرة الأساسية فيه مراقبة بطلة الفيلم بالقمر الصناعي مع تقنية خيالية أخري.... الفيلم ده جاب لوالدتي رعب لما شفته gsp_) ...من معلومة إن القمر الصناعي ممكن يراقب الناس .....

باختصار أنا شايفة أنا إحنا في عصر سهل جدا الحصول علي المعلومات والتجسس علينا فمجتش علي الفيس بوك.

طبعا مع التأكيد إن يجب استخدام الفيس بوك مع الأشخاص المعروفين لك فقط.

[doha]

من زمان وانا ( بكره ) حاجه اسمها فيس بوك وبحس بازعاج شديد لو اضطررت لاستخدامه ..

كنت بعزوا كراهيتي له لعدم تعاملي اليومي معاه والي معناه جهلي بحاجات كتير كان ممكن تبقى مألوفه لي اكتر واستخدامها اكثر سهولة بالنسبة لي لو اني بدخل عليه بكثره .. كنت بخمن كده لما كنت بشوف راي صديقات كتير ومعارف لي مصرين ان احسن حاجه في النت هي الفيس بوك ..

من يومين بس تغيرت فكرتي دي وعرفت ان العيب مش في ولا في الفيس بوك العيب في .. السن ..

وقعت تحت ايدي احصاائية هنا في المحاورات ـ اظن الي وضعها الفاضل ايمن ـ بترصد الفئات العمرية لمستخدمي الفيس بوك ..

لفت نظري ان المستخدمين في فئتي العمرية ( 35 الى 45 او 55) تقريبا 16 في المائة بس من اجمالي مستخدمي الفيس بوك .. الغريب ان الفئة العمرية الاصغر الي بتنتهي عند 34 سنة بينتمي لها اكثر من نصف مستخدميه وده بيفسر ليه كتير من صديقاتي بيعشقوا استخدامه بينما انا العكس .. فرقت معايا سنتين تلاته ..

هي تقريبا مسالة مقاومة سنية للتكنولوجيا خاصة ونسبة المستخدمين في الخمسينات والستينات اقل بكتير جدا ده غير الاطفال كمان ملهمش نصيب كبير في استخدامه ..

يعني لو تم اكتشاف الفيس بوك او بمعنى ادق انتشر اكتر بدري خمس ست سنين اكيد كنت هبقى من اكثر المتعصبين له لكن بما انه ظهر بعد ماخلاص عديت .. وراحت علي .. فاعتقد ان موقفي منه دلوقت .. سليم مية في المية ..

[شريف مان]

عمرى ما استخدمت هذا الفيس بوك

ولا حبيته ولا هحبه ولا هستخدمه

bsh:)