هل تتمنى هزيمة مصر في البطولة الإفريقية.. مثلي؟

[nash]

أصحاب أولادي أجتمعوا الأن..والبيت مزأطط...حتي والد صديق ابني قفل المؤسسه بتاعته النهارده علشان الموظفين يتفرجوا علي الماتش...

حاله إستنفار كبري....والدنيا فرحانه ..وهيصه جميله.....

وأنا.....

داخله المطبخ أعمل عشا...بكرههم :closedeyes:

[إيزيس]

باعترف يا جماعة

رجعت في كلامي يااااااااااارب مصر تفوز وهتفوز إن شاء الله إمبارح عملنا زفة هنا تحفة والنهاردة كل شيء تمام التمام الأعلام و السيارات والأولاد خلصوا مذاكرة أو ما خلصوش سماح النهاردة وجاهزين للفرح الكبير

الفرحة حلوة يا رجالة واللعيبة كلهم روح حلوة ولعب عشرة على عشرة

ويااااااااااااااااارب نكسب

[إيزيس]

مبرووووووووووووووووووووووووووووووووووووووووووووووووووووووووووووووووووووووووووووو

وووووووووووووووووووووك

[أبو محمد]

ألف مبروك لكل المصريين .. من تمنوا لفريقنا الفوز ومن تمنى له الهزيمة

ليتنا نتوقف عن خلط الأمور .. فهذا من أهم أسباب تخلفنا .. أفقر بلاد العالم تفرح لمكسب بطولة .. وأغنى بلاد العالم تبكى عندما تصاب بكارثة ... لم أر العكس أبدا .. فهذا مخالف لطبيعة الأشياء

بالأمس شاهدت فقرة تليفزيونية كان الضيف فيها أحد قادة المعارضة .. معارض للحكومة .. كانت وجهة نظره فى منتهى العقلانية والمنطقية عندما سأله المذيع عن رأيه فى فريق الكرة ... أجاب أنه لا يستطيع الكلام عن الكرة لأنه لا يملك المؤهلات ... ولكنه يرى أن أى فريق يحصل على بطولة هو مثال للديموقراطية ... إندهشت ... ولكنه استطرد ..

1) لا يمكن لأى لاعب أن ينضم إلى فريق بطولة عن طريق الكوسة إذ لابد أن يكون كفؤا

2) كل لاعب مناسب فى مركزه المناسب .. وأنه أفضل الجيدين لهذا المركز

3) فريق البطولة لا يؤدى عمله فى الخفاء ..

4) عمله تحت أعين الجميع

5) إذا أجاد .. الكل يشيد به وإذا أخطأ الجميع ينقده لأنه يريده أن ينجح

أهدى وجهة النظر هذه لمن يستخسرون فينا حتى الفرحة العابرة ويخلطون الحابل بالنابل

[Scorpion]

الأستاذ الفاضل واثق الخطوة ...

أسمح لي أن أهديك هذه الوردة :hearts:

فلقد كنت وش السعد علي المنتخب القومي المصري و فاز ببطولة افريقيا بالرغم من مشاعرك (التي اتفهمها تمامآ و ان كنت لا أوافق عليها )

اذن لننظر الي الجانب الأيجابي لهذا الموضوع .... و لتسمح لي أن أطلب منك

أن تتمني ان يظل الرئيس مبارك رئيسآ لجموهورية مصر الي آخر لحظة في حياته ....

أن تتمني أن يورثه في الحكم أبنه السيد جمال مبارك ...

أن تتمني أن يظل نظام التعليم في مصر بدون أي تغيير ...

أن تتمني أن يظل الفساد و الرشوة و الفهلوة هو نمط حياتنا السائد...

أن تتمني ان نظل دائمآ منقسمين علي أنفسنا ....

تكفي تلك الأمنيات حتي الآن .. و أدعو ربي أن يعاملها مثلما عامل أمنيتك تجاه البطولة الأفريقية .....

[vipwithyou]

بلدنا آمانة فى إيدينا نعليها مادام عايشين

نعيش فيها سنين و سنين و إحنا مطمين

ما شربتش من نيلها؟ طب جربت تغنيلها؟؟

جربت فى عز ما تحزن تمشى فى شوارعها و تشكيلها

ما مشيتش فى ضواحيها؟ طيب ما كبرتش فيها؟؟

ولا ليك صورة ع الرمل دامت ع الشط بمعانيها؟؟

دور جواك تلقاها هى الصحبة و هى الأهل

عشرة بلدى بتبقى نسيانها ع البال مش سهل

يمكن ناسى لإنك فيها

مش واحشاك و لا غيبت عليها

بس اللى مجرب و فارقها قال فى الدنيا ما فيش بعديها

إن غبت بحنلها و أنسى الدنيا و أجيلها

و إن جيت أنسى تفكرنا بمليون ذكرى القلب شايلها

غالية بلدنا علينا و ها تفضل فى عنينا

و مدام بنحب بلدنا تبقى ها تتغير بإيدنا

إحنا اللى نعليها بإيدينا نخليها

أجمل لينا و لولادنا مهما العمر يعدى عليها

[إيزيس]

آه والله دي فكرة تمام التمام جدا

وكلنا في الحالة دي إيد واحدة

ممكن تضيف كمان أن يظل الفقر مستوطنا في مصر

أن يظل أحمد نظيف في منصبه

أن تستمر أزمة المرور في مصر

وياللا فكروا معانا دي فرصة لن تتكرر

[amrhoras]

مـــــــــــــبروك لمصر بجد

حقيقى اول مه اشوف كوره

واول مره احس باننا فرحه واحده

حقيقى مش لازم نصر ف حاجه وحده

اى قطاع النصر والفرحه واحده

مره تانيه مبرررروك لمصر

[احمد هادي]

للحديث بقيه ؟؟؟؟؟؟؟؟؟؟؟؟؟؟؟؟

حضرتك كفيت ووفيت لسه هتقول أيه تاني أنا من أول ما الموضع نزل و أنا كل يوم بأدخل عليه و للأسف مش قادر أكتب تعليق لأن حاسس أني ممكن أزعل ناس مني وأنا مش عايز كده بس بصراحه لما قريت ردك ما قدرتش ما أدخلش أبعتلك تحيه علي هذا الرد الجميل

عزيزي مصري

شكرا لك علي تحيتك ........

ومهما كان ....ومهما سيكون .....نتمني لبلدنا الرفعة...في كل مجال .. ......خاصة تلك التي هي اهم بكثير من كرة القدم

تحياتي لك ولك من مسته كلماتي

تم تعديل 10 فبراير 2008 بواسطة احمد هادي

[مصري أصيل]

أيوه كده يا عمرو كنت زعلان منك بس يعني مش قوي

والله لو شفت الأحتفاليه اللي عملها المصريين في الكويت أزاي . حاجه بجد عمري ما شفتها قبل كده . عمري ما شفت فرحه زي كده أن كنت هنا لما فزنا بالبطوله اللي فاتت في 2006 وكمان كنت موجود في 98 لكن عمري ما شفت المصريين فرحانين ومحتفلين بالشكل ده . الف الف مبروك لمصر ومعلش هارد لك لكاتب الموضوع و أتمني أمنيه شخصيه أنه يكون فرح لفوز مصر لأني لا أتصور أن يوجد مصري علي وجه الأرض حزن لفرح الملايين من المصريين سواء داخل أو خارج مصر.

[amrhoras]

احتفالية مين بس

مش اكتر من اللى عملناها هنا

كنت تعالى شوف التفحيط امبارح بقي ع اصوله والله انا فحطت كمان ههههههه مع انى محبهاش انما عملتها

بس قلبت بغم ف الاخر الدنيا امتلأت مرور وعربية اتقلبت وكل واحد لم نفسه بسرعه وانا عشان مفيش رخصه مشيت جنب الحيط

ليه يا مصرى يا أصيل زعلان بقى؟؟؟

بالنسبة لوجهة نظرى ف الموضوع ساعات بيكون ف شذوذ :hearts:

بس اكتر حاجه مش عجبتني بقى الكوره ف دريم كل حاجه الاب الروحى وحبة نفاق بقى عالمى خلتنى كنت متغاظ والله

ده مجهود فردى يقولوا مبروك ع سيادة الريس ايه ياعم مين ده :hearts:

بس برده مبسوط وفرحان والله وعملوها الرجاله

نرجع بقى لوجهة النظر بعد الفرحه دى الاستثنائيه

وكمان متزعلش منى وانا ع وش سففففررررررر

[واثق الخطوة]

ارجو نقل المشاركات في موضوع فوز منتخب مصر ( ولا أقول فوز مصر ) بالكأس إلى

http://www.egyptiantalks.org/invb/index.ph...iew=getlastpost

لنناقش معا قضية أمة اجتمعت على الكرة وخرجت في مظاهرات من أجل الكرة ولم تخرج في مظاهرة بسبب سب رسولها صلى الله عليه وسلم ...

[Diab]

الرياضة كدة

مش كدة

خد شم دي

:hearts:

[واثق الخطوة]

عزيزي دياب

يا ابن النوبة الأصيل

تكلمنا في هذا الموضوع عشرات المداخلات .. ولخصته أنت بحسك الفطري في صورتين ..

أرفع لك القبعة ( بس انا مش لابس قبعة )

خلاص أرفع كل الطاقية (ثواني اجيبها البسها )

وفعلا اوجزت وأوفيت ..

كل تحياتي