اذهب الي المحتوي
~Heba~

انا انتهيت خلاص

Recommended Posts

انا فعلا انتهيت و نفسيتى فى الحضيض و السبب وزارة الاتصالات و الحكومة و كل الدنيا

ياااااارب الفرج من عندك يارب

من اكتر من 3 شهور و بالضبط من يوم 27 سبتمبر لما سجلت فى منحة وزارة الاتصالات تراك السوفتوير قلت خلاص الدنيا ضحكت و حقدر ابقى مبرمجة بحق و حقيق و اشتغل زى الناس لكن يا فرحة ما تمت لان الوزارة ان شاء الله شكلها حتبعت لنا النتيجة على القرافة لان الشباب المساكين المسجلين فى المنحة و منتظرين نتيجتها خلاص جاهم الضغط و السكر و راح شبابهم

اقرأوا بنفسكم كلمات شاب تعيس مثلى مقدم فى المنحة دى

من يوم ما عرفت المنحة وحياتي ما فيهاش فرحة

ونتيجة شايفها بعيييييييييييييييييييييدة

بملامح و ماهيش واضحة

من يوم ما قالولي ترشيح و أنا قلت ها خدها وأطيح

أتاريها بقت تفاريييييييييييييييييييييييح

و عروسة من غير طرحة

****************

منحة دي .. و لا دي محنة بكلام ما لهوش سحنة

عمال بيطــــــوحـــــــــــنا

في سكك ضلمة وكالحة

حاسس جوايا بالقهر و في عز البرد .. بحر

نفسي أرسى في يوم على بر

و اطلع م الميه المالحة

****************

السنة دي .. أنا لو محظوظ اقبل في المنحة .. يجوز

ومصر في غانا تفوز

رغم ظروفها ماهيش سانحة

بأدعي من قلبي الحاير أطلع من شهر يناير

وألقى نفسي في فبراير

بنتيجة.. بس تكون فالحة

****************

قاعدين نبني احتمالات ومقالب و إشتغالات

مش ناقصة كلام حكايات

وتعب أعصاب و مأوحة

نفسنا نرسى على أمارة و كفايا علينا يا وزارة

ضغط وسكر ومرارة

وكمان هاتجيلنا القرحة

****************

قاعد في البيت مستني و مافيش رد يطمني

قلت اكتب شعر واغني

مش كده أحسن ع الصحة ..؟

عينى على الشاب المسكين ده

يا جماعة واسونى و واسوه عسى تنفع المواساه

لا حول و لا قوة الا بالله يااااااارب الفرج من عندك يا رب

شارك هذه المشاركه


رابط المشاركه
شارك

ياااااااااااااااااااااااااااااااااااااااااه ده انا كنت نسيت :roseop:

انا كنت مقدم فى المنحة دى بس مكنتش حاطط امل كبير عليها :roseop:

بس وصلى خبر من اسبوعين ان فيه واحد من زمايلى اتقبل فيها

معنى كدة انى النتيجة ظهرت :roseop:

شارك هذه المشاركه


رابط المشاركه
شارك

لا اله الا الله

ايه يا بنتي ده انتى شاعره واحنا مش عارفين بقى

بس للاسف اول قصيده كانت لوزارة الاتصالات

انا قدمت من كام سنه ولسه منتظر ههههههههههههه محن ايه بس

كلهخ نصيب صدققيني شوفى المحنه اللى بعدها قصدى المنحه سورى

بس مش تخليهم يهزمةا عزيمتك الصبر والدعاء والجلد (مش الجلد كدى صح يمعنى الاصرار)

وان شاء الله تتوفقى

ربنا معاكى انشا الله يا مهندزه هبه وابقى افتكري ابو حورس لما تتقبلى ونسالكم الدعاء

اخوكى مسيو عمرو حورس

شارك هذه المشاركه


رابط المشاركه
شارك
ياااااااااااااااااااااااااااااااااااااااااه ده انا كنت نسيت

انا كنت مقدم فى المنحة دى بس مكنتش حاطط امل كبير عليها

بس وصلى خبر من اسبوعين ان فيه واحد من زمايلى اتقبل فيها

معنى كدة انى النتيجة ظهرت

مظهرتش و الله انا كل يوم بشوفها يمكن تقصد نتيجة الامتحان...انا نجحت فى الامتحان و دخلت المقابلة الشخصية و منتظرة النتيجة النهائية و هى بتطلع على الموقع المخصص

لا اله الا الله

ايه يا بنتي ده انتى شاعره واحنا مش عارفين بقى

بس للاسف اول قصيده كانت لوزارة الاتصالات

انا قدمت من كام سنه ولسه منتظر ههههههههههههه محن ايه بس

كلهخ نصيب صدققيني شوفى المحنه اللى بعدها قصدى المنحه سورى

بس مش تخليهم يهزمةا عزيمتك الصبر والدعاء والجلد (مش الجلد كدى صح يمعنى الاصرار)

وان شاء الله تتوفقى

ربنا معاكى انشا الله يا مهندزه هبه وابقى افتكري ابو حورس لما تتقبلى ونسالكم الدعاء

اخوكى مسيو عمرو حورس

يا سى عمرو بن حورس الشعر الجميل المعبر ده مش من تأليفى انا خلالالالالاص انتهيت و انتهت كل التعبيرات اللى عندى و القصيدة دى كانت آخر نفس فى شاب مسكين مقدم للمنحة زيى

يا جماعة المنحة اللى انا مقدمة لها خاصة فى تكنولوجيا المعلومات يعنى تدريب متخصص و هى بتتفتح كل سنة و المنح كتيرة ربنا يزيد و يبارك :roseop:

اعتقد ان ممكن اي حد يتقبل من عامة الشعب بدون واسطة

انا اخذت المنحة 3 شهور من غير واسطة

ربنا يسهل عليك

دى مش محتاجة واسطة ولا حاجة محتاجة نجاح فى امتحان و مقابلة لكن المشكلة انهم اتأخروا علينا قوى ... يوم الحكومة بسنة

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • نهيتك ما انتهيت ، وديل ال؟؟؟ عمره ما ينعدل

      طبعاً الجرايد ارادت الإحتفال المبكر بانتصار فتح بغض النظر عن مشاكل فتح و تقدم حماس وعلى طريقة الإخوان وحشمت صدر العنوان الرئيسي للمساء ~~~~~~~~~~~~~~~~~~~~~~ فتح تتقدم..في الانتخابات الفلسطيني البيت الأبيض: نتابع النتائج.. وموقفنا من حماس لم يتغير أبو مازن: مقبلون علي مرحلة جديدة.. والدخول في مفاوضات المرحلة النهائية رام الله - واشنطن - وكالات الأنباء: كشفت النتائج الأولية للانتخابات التشريعية الفلسطينية عن تقدم مرشحي حركة فتح للفوز بحوالي 63 مقعداً.. بينما تحصل حركة حماس علي 58 مقعدا

      في مختارات من الصحف

    • نهيتك ما انتهيت و الطبع فيك غالب...!!!!!

      اسمعوا القصة دي وقولولي رايكم.. من كام يوم حكى لي زميل عن لسان اخته عن صديقة لها.. اسمها فلانه فلانة كانت مخطوبة لفلان..... (ولا اعرف بقى عن حب والا مجرد خطوبة الله اعلم..) المهم صاحبتها كانوا عارفين انه بيدخل على النت ب اسم مستعار بعينه.. ف راحوا كلمهو على النت وصدروله واحدا بنت ماية تكلمه بدلع المهم الموضوع خلص على انه ادالها نمرة تلفونه عشان تكلمه وكلمته... :? برضه بمياصة ودلع واللذي منه.. وانتهى الحوار الى اخذ معاد في مكان معين عشان فلان يقابل الهانم المايصة.. كل دا في خلال يوم تقري

      في موضوعات خفيفة

×
×
  • اضف...