اذهب إلى المحتوى
محاورات المصريين

فيه ايه مضايقك؟ فضفض


Katamando

Recommended Posts

ممكن تقول فيه ايه مضايقك بشكل شخصي ؟

ممكن تفضفض عن مشاكلك الشخصية؟

ممكن تطلع كمية الغضب اللي جواك بالكتابة هنا؟

يعني فضفض عن همومك اللي مضايقاك انت بس مش اللي مضايقانا كلنا

قال تعالى في كتابه الحكيم :<span style='font-size:14pt;line-height:100%'> (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً</span>) [النساء : 93] .صدق الله العظيم

__________________________________________________________________

بيض صنائعنا ... سود وقائعنا ... خضرمرابعنا ... حمر مواضينا

_______________________

رأيت هم جميع الناس ماملكو وما ولدو فالحمد لله لا مال ولا ولد

رابط هذا التعليق
شارك

  • الردود 454
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

والله موضوع جميل يا أخ كاتمندو بس عايز روقان في الكتابة علشان الواحد لو فتح في كل اللي مضايقه مش حنخلص !!! ولكن كبداية سأبدأ باللي يضايقني ويشغل بالي ويعكر مزاجي واحيانا ياتي لي أرق وقد تصل الي كوابيس بسببه وهو (( الظلم )) ....ولايشترط أن يكون الظلم واقع عليا بصفة شخصية (ربما كان ارحم...) ولكن عندما يحكي لي شخص اي قصة حدثت بالفعل تعرض فيها انسان لظلم بين ولالايهم وقتها اذا كان هذا المظلوم غني أو فقير...طيب أو شرير ...اشعر فعلآ بأمتعاض شديد ووقتها ممكن فعلأ أضع نفسي في مشكلة بسبب أشخاص لاأعرفهم لمجرد محاولة رفع الظلم ........والذي يقهرني وليس يضايقني وبس هو ظلم (جيش الأحتلال المصري) ...أقصد جهاز الشرطة في مصرنا الغالية وقصصه ونوادره مع الناس والأمعان في الظلم والجبروت علي المواطنين بدون وجه حق :twisted: :devil: :twisted: :devil: :twisted: :devil:

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك

من فضائل المشاركة فى هذا المنتدى أن الإنسان يقوم بتحديث معلوماته .. فضلا عن إكتساب معلومات جديدة .. وإكتشاف رؤى ووجهات نظر مختلفة للموضوع الواحد .. إضافة الى تكوين رؤية أو فكر واضح حول القضية المثارة أو تأكيد رؤيته وفكره .

كثير ما يحتاج المرء الى العودة الى الكتب أو الى مواقع المعلومات على النت حتى يواصل متابعته لموضوع معين ويكون ما يكتبه دقيق وذو مرجعية محترمة .

أعتقد أن كثير من الزملاء الأعضاء والمنسقين يفعلون هذا .. وهو ما ينعكس بالأيجاب على مداخلاتهم التى تأتى كوجبة دسمة بالفكر .. وتضفى إحتراما على أسمائهم حتى أنك تدخل الى الموضوع حين تجدهم مشاركين فيه حتى تقرأ لهم ..

لكن ما يضايقنى فعلا أن البعض يتعامل مع الكتابة على أنها تمضية وقت ويلقى بدلوه فى أى موضوع بلغة الواثق والعليم بينما هو يجهل بديهياته .. ليت هؤلاء قبل أن يفكروا فى المشاركة أن يعودوا الى المراجع ويذاكروا ما هم مقدمين عليه قبل إدخال مشاركتهم حتى يفيدوا ويستفيدوا .. وتحياتى للجميع

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك

لا أعرف عما تتحدث يا أخ مصري وتذكر انك في باب المناقشة العامة يعني مواضيع خفيفة بعيدآ عن السياسة والأقتصاد وخلافه.... وربما نحتاج الي الكتب والمراجع ومواقع المعلومات كما ذكرت اذا كان الموضوع يحتاج فعلآ لهذا وليس هنا علي الأطلاق (راجع في اي باب تكتب الأن )......

أيضا راجع المواضيع السابقة في باب المناقشة العامة وقول لي من اين الكتب والرؤي ومواقع المعلومات (مثل متابعة توقيعات شعنونة أو العيد وأنا وحدي )................................بصراحة لا أعرف عما تتحدث :D :shock: :D :shock: :D :shock: :D :shock: :cry:

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك

:D :D :D

يادي الموضوع اللي جابلنا الكلام دا؟؟ :?

عاجبك كدا يا استاذ طفشان؟؟ :? :? :!: :!: :neutral: :neutral:

وانا من البلد ديييييييييييي

رابط هذا التعليق
شارك

ممكن تقول فيه ايه مضايقك بشكل شخصي ؟

ممكن تفضفض عن مشاكلك الشخصية؟quote]

بشكل شخصي

نحاول ليه لا

1- اخر مرتب قبضه كان :? 12/2001

2-واحد مناعز اصحابي عمل في حركه في منتهي ى ى ى ى ى النداله

3-مباحث تنفيذ الاحكام حاولت تقبض على عشان رفضت دفع20 جنيه فاتوره مش بتاعتى وصدر حكم من غير ما اعرف فيه ايه بالضبط المصيبه ان فيه غيري عليهم وما صدرش حكم :? :?

4-الردايو والتلفزيون والجرايد كلهم غم

5-شنانى بتوجعنى اه ه ه ه :D :D :D :D :cry:

ضاقت فلما استحكمت حلقاتها فرجت وكنت اظنها لا تفرج

قالوا لى انت متشائم بتشوف بس النص الفاضي بص على النص المليان لما شوفته قلت مفيش فايدة

رابط هذا التعليق
شارك

:D  :D  :D 

يادي الموضوع اللي جابلنا الكلام دا؟؟ :? 

عاجبك كدا يا استاذ طفشان؟؟ :?  :?  :!:  :!:  :neutral:  :neutral:

و انا مالي بس يا شعنونة

انا فتحت موضوع عن توقيعك

بس انتي اللي بتتكلمي في السياسة مش انا

و الا ايه؟

:twisted: :twisted: :twisted:

الشعب اراد الحياة و القيد انكسر

رابط هذا التعليق
شارك

عشان خاطر الاخ ياسر بس

حافضفض

جالي اكتئاب من كام يوم

السبب البلا الازرق اللي محيط بامتنا الاسلامية و العربية

امريكا حتضرب العراق

شارون خد فترة تانية

جمال مبارك يتم اعداده لخلافة والده

لقيت الخلق طالعة من استراليا لسان فرانسيسكو بالملايين

و شايلين يفط ضد حكامهم

و صور ساخرة لهم

و تماثيل فيها تجريح

و في مصر قال 1000 واحد بيتظاهروا، و حواليهم 2000 عسكري امن مركزي!

ايه المعانة دي!

كل دة كان ممكن ابلعه، لو شايف امل في شبابنا

لكن الاقي سبابنا ايدك و الارض

اللي بيهرج

و اللي مش هامه

و اللي يقول مش بلدنا

و اللي يقول عزبتهم و يعملوا اللي عايزينه

و اللي يقول بن لادن بطل و مجاهد و يدعي له

اخر احباط و نكد

لو شايف امل، كنت قلت ماشي

اهيه اتقلبت سياسة برضه

عاجبك كدة يا شعنونة؟

كان لازم تنكشيني؟

الشعب اراد الحياة و القيد انكسر

رابط هذا التعليق
شارك

ممكن تقول فيه ايه مضايقك بشكل شخصي ؟

ممكن تفضفض عن مشاكلك الشخصية؟

ممكن تطلع كمية الغضب اللي جواك بالكتابة هنا؟

يعني فضفض عن همومك اللي مضايقاك انت بس مش اللي مضايقانا كلنا

بسم الله الرحمن الرحيم

السلام عليكم ورحمة الله وبركاته

موضوع جديد عما نقرأه في المنتدي ...لكن خليني اسألك سؤال....هل تتوقع فعلا ان تجد عضو في المنتدي يفضفض عما بداخله من مشاكل شخصيه...

من الصعب علي طبيعتنا ان نطرح مشاكلنا الشخصيه علي بعضنا البعض في المنتدي ...و ده ناتج عن طبيعتنا كعرب و مصرين...و لكن ممكن طرح المشاكل الشخصيه في صوره مشاكل عامه مطروحه في بعض الأحيان للمناقشه لمساعده علي حلها...و بالتالي سوف يزداد عدد المشاركات و الأراء و الأستفاده و خصوصا و نحن جميعا مختلفي الأعمار و الخبرات...ده مجرد فكره و اقتراح....

KWA

Egypt is my home , USA is my life.

رابط هذا التعليق
شارك

أصدقائي..

إسمحوا لي أن أفضفض بمشكلة شخصية

القلق

القلق من ألا أستطيع حماية إبني و إبنتي من المفاهيم السائدة التي تقول أن كل من يتكلم عن الجهاد في سبيل الله هو إرهابي و أن كل محجبة هي متخلفة عن التطور و المدنية حتى لو بذلت كل جهدي لتصحيح هذه المفاهيم فكل ما حولهم يؤثر على تكوين فكرهم

القلق من أن أتعرض لإفتراء من أي شخص ببلاغ في أي قسم شرطة حيث الداخل نفقود و الخارج مولود

أولا : لازم تدفع رشوة للموظفين لكي تعرف أي شيئ أو تطلع على أي ورقة أو حتى تعرف ميعاد الجلسة..طبعا كل ما يصل إلى القسم يتحول إلى النيابة و كل ما يصل إلى النيابة يتحول إلى المحكمة و هناك أنت و حظك لأن القاضي بشر و لا يسطيع أن يدرس 400 قضية في جلسة واحدة و بعد البهدلة يكون هناك حكم بالسجن

حدث هذا لأحد معارفي حيث حكم عليه في قضية شيك بدون توقيع

يعني خانة التوقيع فاضية

القلق من أن أحتاج لا قدر الله أنا أو أحد أفراد أسرتي لدخول مستشفى..

المستشفى الإستثماري إستغلال بدون رحمة و سرقة عيني عينك و يا تقدر يا ماتقدرش

المستشفى الحكومي معاملة غير آدمية لا علاج أو دواء و لا إهتمام من أحد لو التلفزيون فيه ماتش كورة أو البيه الدكتور عنده ضيف أو نايم

القلق من قرارت مجلس الأمن و مجلس الشعب و مجلس الجامعة العربية و مجلس الوزراء ..فكلها مصائب تنعكس علينا

أقول كمان؟

كفاية كدة دلوقتي.. أنا قلقان

رابط هذا التعليق
شارك

لا أعرف عما تتحدث يا أخ مصري وتذكر انك في باب المناقشة العامة يعني مواضيع خفيفة بعيدآ عن السياسة والأقتصاد  وخلافه

يا أخ ياسر .. أنا جبت سيرتك بلا مؤاخذة .. دست على طرف لحضرتك

كل الحكاية إن الأخ كتمندو قال فضفضوا .. قلت ماشى أفضفض .. مشكلة ومزعلانى وفضفضت عنها .. سيادتك زعلان ليه لا مؤاخذة يعنى .. إشمعنى أنا يعنى اللى ماليش حق أفضفض .. :mad:

حاجة تجيب إكتئاب بصحيح .. ياساتر .. الواحد بقى محتاج لزيارة أبوحلاوة :mad:

عزيمة فرد واحد يمكن أن تحدث فرقاً .. وتصنع التغيير

رابط هذا التعليق
شارك

أنا عندي مشكلة كبيرة أوي يا إخواني .... و هي إني متفائل جدا جدا و ده موضوع تعبني جدا لأني مش لاقي حد في ربع تفائلي ... أنا شايف المستقبل هيكون جميل جدا لأن إحنا عايزينه يكون حلو ... و إحنا قادرين نخليه كده طالما إحنا عايزينه كده .... لأن المصريين لما يعوزوا حاجة يالله السلامة ... محدش يقدر يوقفهم ... و عندي مثال واحد .... حرب أكتوبر .... لكن مشكلتي إني مش لاقي حد يصدقني و يقولي إنت صح و إن إحنا فعلا قادرين .... لكن أنا قررت أثبت إنكم كلكم غلط و أنا صح ... و أثبت إن إحنا قادرين .....

رحم الله الأفاكاتو وإخناتون وإسكنهم فسيح جناته

__

وجوه في العاصفة - هل تحب عملك - كيف تعمل الأشياء - أزمة الحد الأدني

رابط هذا التعليق
شارك

يا أخ ياسر .. أنا جبت سيرتك بلا مؤاخذة

ياسيدي حقك عليا ..ماتزعلش مني يا أخ مصري .انا كمان كنت بأفضفض زيك بالضبط وادي كمان لنك مفيد لاني بأعمل بنصيحتك بالبحث والتنقيب واللنك لعلاج حالات الاكتئاب والضيق

http://www.ahram.org.eg/Archive/Index.asp?...CurFN=POST1.HTM

عشان خاطر الاخ ياسر بس

والله كلك ذوق ومفهومية ياأستاذ طفشان

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك

لا أعرف عما تتحدث يا أخ مصري وتذكر انك في باب المناقشة العامة يعني مواضيع خفيفة بعيدآ عن السياسة والأقتصاد  وخلافه

يا أخ ياسر .. أنا جبت سيرتك بلا مؤاخذة .. دست على طرف لحضرتك

كل الحكاية إن الأخ كتمندو قال فضفضوا .. قلت ماشى أفضفض .. مشكلة ومزعلانى وفضفضت عنها .. سيادتك زعلان ليه لا مؤاخذة يعنى .. إشمعنى أنا يعنى اللى ماليش حق أفضفض .. :mad:

حاجة تجيب إكتئاب بصحيح .. ياساتر .. الواحد بقى محتاج لزيارة أبوحلاوة :mad:

يا أخ مصرى روق كده :)

أصلى فهمت بالظبط زى ما الأخ ياسر فهم

وظننا أنك تنتقد الموضوع نفسه وخصوصا من هذه النقطة:

لكن ما يضايقنى فعلا أن البعض يتعامل مع الكتابة على أنها تمضية وقت

وظننا انك تريد موضوعات تفيد وتستفيد منها وليس شيئا للفضفضة وأنك تعتبرها تضييع للوقت...ومن هنا جاء النقد لك ...وحقيقة كنت أنا أيضا أريد كتابة مداخلة تنتقد ما قلته فى مداخلتك الأولى حتى قرأت الموضوع اليوم ورايت مداخلتك الثانية...

عموما حصل خير ولم يقصد الأخ ياسر شيئا...وأتمنى أن تقرأ مداخلتك الأولى مرة أخرى وستفهم لماذا حدث سوء الفهم...

يللى بقى حبوا على راس بعض :lol:

ربنا لا تؤاخذنا بما فعل السفهاء منا.

With great power comes great responsibility

وحدة المرء خير ......... من جليس السوء عنده

وجليس الصدق خير ... من جلوس المرء وحده

رابط هذا التعليق
شارك

فنكوش كتب

2

-واحد من اعز اصحابي عمل في حركه في منتهي ى ى ى ى ى  النداله

يا سلام يا فنكوش

والله جت على الجرح

هذا حدث لى أنا أيضا :mad:

أوعى تكون أنت صاحبى ده وبنبص للموضوع من زوايا مختلفة :roll:

بصراحة لو شفته فى الشارع مش عارف أعمل معاه أيه :devil:

ربنا لا تؤاخذنا بما فعل السفهاء منا.

With great power comes great responsibility

وحدة المرء خير ......... من جليس السوء عنده

وجليس الصدق خير ... من جلوس المرء وحده

رابط هذا التعليق
شارك

اللي مضايقني في الفترة الحالية هي أنا.. أنا وبكل ما تحمل هذه الكلمة من معاني هي سبب ضيقي ويمكن اكتئابي.. والسبب ببساطة أني شخصية مسالمة الى أبعد الحدود وأكره كرها شديدا المواجهة. أهرب من المواجهة مشاوير لدرجة التنازل في كثير من الأحيان عن حقي، أعشق في كثير من الأحيان غرس الرأس في الرمل الى أن تمر المشكلة أو العاصفة ثم أخرج لأنظر حولي فأجد أن الهدوء قد عاد، يعني مما يؤلمني أنني احمل الحميل لمن جاملني أو وقف جنبي في وقت شدة حتى ولو كان هذا السند هو كلمة ولكن المبالغة في حمل هذا الجميل تقيدني في أن أحدد موقفي تجاه هذا الشخص لو استدعى الأمر وأساء الى مرة أو مرات وأترك نفسي تتألم من اهانة مثلا أو هجوم أو تطاول بحجة أن هذا الشخص أو هذه الانسانة لها فضل عليا في يوم ما.. اتمنى أن اتخلص من هذه العادة والتي لا تؤذي إلا (أنا) ولكن هيهات أن أتغير أو أن أتعلم.. شفتوا بقى مش باقلكم ان أكبر مشكلة مضيقاني الآن هي أنــأ :( :(

إن خوفت ماتقولشي وإن قولت ما تخافشي
رابط هذا التعليق
شارك

اللي مضايقني في الفترة الحالية هي أنا.. أنا وبكل ما تحمل هذه الكلمة من معاني هي سبب ضيقي ويمكن اكتئابي.. والسبب ببساطة أني شخصية مسالمة الى أبعد الحدود وأكره كرها شديدا المواجهة. أهرب من المواجهة مشاوير لدرجة التنازل في كثير من الأحيان عن حقي، أعشق في كثير من الأحيان غرس الرأس في الرمل الى أن تمر المشكلة أو العاصفة ثم أخرج لأنظر حولي فأجد أن الهدوء قد عاد، يعني مما يؤلمني أنني احمل الحميل لمن جاملني أو وقف جنبي في وقت شدة حتى ولو كان هذا السند هو كلمة ولكن المبالغة في حمل هذا الجميل تقيدني في أن أحدد موقفي تجاه هذا الشخص لو استدعى الأمر وأساء الى مرة أو مرات وأترك نفسي تتألم من اهانة مثلا أو هجوم أو تطاول بحجة أن هذا الشخص أو هذه الانسانة لها فضل عليا في يوم ما.. اتمنى أن اتخلص من هذه العادة والتي لا تؤذي إلا (أنا) ولكن هيهات أن أتغير أو أن أتعلم.. شفتوا بقى مش باقلكم ان أكبر مشكلة مضيقاني الآن هي أنــأ :(  :(

إحنا بالصلاة على النبي كده نطلع على عكاشه يشوف لنا حل ويمكن لما يلاقينا جروب يدينا خصم محترم ، ولحد لما نتجمع ممكن د/ أبو حلاوه يكتبلنا على شوية مسكنات تهدى المسائل شوية.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

احبائى الكبار ...

.صعب جدا ان الواحد يفضفض خصوصا لو كانت مشاكله تختلف عن المشاكل المعتاده ....خايفه من بكرة ....لى 28 عام خارج مصر من75 ..مشكلتى التى لا يشعر بها غيرى .....انى بدات اشعر بالحنين الى بلدى ،،لكن كيف واولادى وولدوا هنا وباقى اقل من شهر وتتزوج ابنتى هنا ،،واحفادى سيولدون هنا ،،

،زرعنا شجرة واستقرينا ،،لم اترك جزء من قلبى فى مصر ،،لانى اخدت كل مصر معايا جوه قلبى ،،رغم ايمانى خايفه ولا اريد ان اموت وادفن فى غير تراب بلدى ،،لااستطيع العيش بعيدا عن زوجى ،،،الود والامان والصحبه الحلوة هو الوحيد اللى بيفهمنى ،،هو لايريد العودة ،،وانا محتارة رغم انى استحاله اقدر اعيش بعيد عن اولادى، بطبعى متفائله جدا ودائما ارى النصف المليان من الكوب ،،،لكن رغم كل الايجابيات مازلت اشعر ومتاكده ان من امضى فترة طويله فى الغربه يفهمنى ... اننا لو كنا وجدنا واحد على عشرة فى بلادنا من احترام لاداميتنا وحسن معامله وتقدير للكفاءات وقليل من حريه الراى ،،(،من ما نجده هنا )،،ما كنا تركناها ،،،حاجه من ضمن الحاجات اللى مضايقانى ،،يوم المظاهرات يوم 15 اولادى كلهم كانوا بيحتجوا مليون وثلاثمائة شخص وانا فى حاله رعب ،،احد اصدقاء ابنى ذهب الى العراق من ضمن الدروع البشريه ،،،اولادى لا يستطيعوا فهم الاوضاع على حقيقتها ،،،يقولوا نحن نعلن رفضنا للقرارات التعسفيه ... يتسائلون لماذا تشعرين بالحزن لانك بعيدة عن بلدك ،،ستصادر ارائك ،، لن يكون باستطاعتك الاحتجاج لو رايت شيئا غير سوي ،،سوف تتالمين عندما تشعرين بالظلم الواقع حتى على الاطفال اللزين اغتالوا طفولتهم ..... خايفه من حاجه مش عارفاها وحاسه اننا اتسرقنا ...على راى المثل زقونا وقعدوا مطرحنا ........

انتم اللى قلتم فضفضوا .............ـ

انا ابكى ـ

سلام.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

أنا بأة اللى قالقني يا دكتور حكاية الرقص على السلالم فى الغربة ، ماتستغربش أنا جايلك فى الكلام ، مش عارف يا دكتارة الواحد يرجع بلده أمتى وأرجع اعمل أيه ويا ترى يا هل ترى هأقدر أتأقلم مع الأوضاع هناك خاصة إني سيبت مصر فى سن مبكر وأنا مابقصدتش الاوضاع المادية لأنها من وجهة نظري أسهل حاجة والواحد مش ممكن فى مصر يموت من الجوع طالما فيه فول وطعمية ولكن أقصد وضعي كبني آدم متعود أنه يبقى محترم وكافى خيره شره ونفسه يعيش فى جو صحي بكرامته.. لو سمحت يا دكتور أكتبلي على أى حاجة غير الحقن علشان بجد باخاف منها.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

اللي مضايقني في الفترة الحالية هي أنا.. أنا وبكل ما تحمل هذه الكلمة من معاني هي سبب ضيقي ويمكن اكتئابي.. والسبب ببساطة أني شخصية مسالمة الى أبعد الحدود وأكره كرها شديدا المواجهة. أهرب من المواجهة مشاوير لدرجة التنازل في كثير من الأحيان عن حقي، أعشق في كثير من الأحيان غرس الرأس في الرمل الى أن تمر المشكلة أو العاصفة ثم أخرج لأنظر حولي فأجد أن الهدوء قد عاد، يعني مما يؤلمني أنني احمل الحميل لمن جاملني أو وقف جنبي في وقت شدة حتى ولو كان هذا السند هو كلمة ولكن المبالغة في حمل هذا الجميل تقيدني في أن أحدد موقفي تجاه هذا الشخص لو استدعى الأمر وأساء الى مرة أو مرات وأترك نفسي تتألم من اهانة مثلا أو هجوم أو تطاول بحجة أن هذا الشخص أو هذه الانسانة لها فضل عليا في يوم ما.. اتمنى أن اتخلص من هذه العادة والتي لا تؤذي إلا (أنا) ولكن هيهات أن أتغير أو أن أتعلم.. شفتوا بقى مش باقلكم ان أكبر مشكلة مضيقاني الآن هي أنــأ :(  :(

إحنا بالصلاة على النبي كده نطلع على عكاشه يشوف لنا حل ويمكن لما يلاقينا جروب يدينا خصم محترم ، ولحد لما نتجمع ممكن د/ أبو حلاوه يكتبلنا على شوية مسكنات تهدى المسائل شوية.

أنا عارفة د حلاوة لكن مين بقى د عكاشة ده؟؟

إن خوفت ماتقولشي وإن قولت ما تخافشي
رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 31
      حضرتك مغترب ........زحضرتك مغتربه يا اهلا يا اهلا برفقاء العجز القسرى عن التصويت فى الاستفتاء غدا :protest: بصراحه كدا مش هقدر اوصف مقدار حزنى للاقصاء الغريب دا الى اتعرضنا ليه اعداد المصريين المغتربين حقيقى مهوله و بالملايين و بيمثلوا نسبه معتبره من سكان مصر الاجماليين و الاستغناء عن اصواتهم بالسهوله دى هتخلى نتيجه الاستفتاء لا تعبر بشكل حقيقى عن الراى المصرى العام بشكل دقيق مش مقتنعه بتبريرات ضيق الوقت و لا بوعود المشاركه فى الاستفتاءات او الانتخابات اللاحقه حاسه ان فى حد حط ايده على
    • 6
      فضفض يا قلبي متستحيش إنك حزين متسيبش وجعك يخنقك منغير أنين دافن فـ رمل الصبر جرحك من سنين عنيك بتضحك و دموعها فيها مخنوقين الجرح جاي فوق جرح و عنيك فرحانين طب خدت إيه لما بقيت مـ الكدابين؟؟ لا الجرح طاب و لا قلب الوجع بيلين ***** فضفض يا قلبي متستحيش كونك حزين إنزع بقى قناع الرضا ... و إطلق آهاتك في
    • 3
      يارى حضرتك سعيد فى حياتك لو الاجابه بنعم يتبعها بعض الاسئله؟ سعيد ليه؟ وايه هو المقياس اللى استندت عليه علشان تقول انك سعيد؟ ايه الحاجات اللى خلتك سعيد؟ وايه اللى ناقصك علشان تكون اكثر سعاده؟ ولو السؤال ان حضرتك غير سعيد ليه مش سعيد؟ ايه المقياس اللى استندت عليه انك غير سعيد؟ ايه الحاجات اللى خلتك مش سعيد؟ ياترى انت شايف كل الناس اسعد منك؟ لو كانت الاجابه بنعم ياترى انت بتحسدهم؟ ياترى انت عارف سبب سعادتهم؟ طيب لو شايف سبب سعادتهم ليه ماتعملشى زيهم؟ تعال فضفض وقول
×
×
  • أضف...