اذهب إلى المحتوى
محاورات المصريين

ترميم جدار الوحدة الوطنية


se_ Elsyed

Recommended Posts

أنا حزينة جدا جدا

لأننا بنضحك على نفسنا و بنفسد كل شيء حلو

طول ما بنكرر كلام من عينة

النسيج الواحد

و لا توجد فتنة

و المسيحي شريك في المواطنة

نتأكد إن بالفعل فيه مشكلة بس بتعمل زي اللي بيقول أنا مش قصير أزعة أنا طويل و أهبل و الحقيقة هو أزعة جدا جدا

كلام و بس

و ساعة الجد ننهش في بعض

نفسي نعيش و ننسى و نبطل نحاكم بعض و نحكم على بعض

أنا فعلا حزينة كل شيء في البلد بيتدهور مش عارفين نراهن على أي حاجة من أول الأخلاق لحد الإقتصار

ربنا يرحمنا برحمته

الاقتصاد

غلطة مطبعية

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

  • الردود 256
  • البداية
  • اخر رد

أكثر المشاركين في هذا الموضوع

لو كل طرف من الطرفين حاول البحث عن اخطاءه اولا و حاول اصلاحها لتغير الحال تماما

لكن طالما كل طرف يبحث فقط و يرى فقط اخطاء غيره فلن نرى مستقبلا الا كل ما هو اسوء

في أسوأ من اللي وصلنا له

ده كل واحد متحفز للتاني بشكل مخجل

قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا

رابط هذا التعليق
شارك

قمت الآن بحذف مداخلة للفاضل abaomar يكرر فيها للمرة المليون إتهاماته للبابا شنودة دون كلل أو ملل.

ما سبق كان إستهلا لابد منه

الفاضل abaomar ليتك تنسى البابا شنودة على الأقل فى محاورات المصريين و تأكد أنك ستجد موضوعات كثيرة تستحق أن تشارك فيها بموضوعية بل لعلك تفيد الآخرين ، و مثال على ذلك موضوع الكشف الجديد الذى بنجاح تجارب علاج الكبد الدهنى fatty liver بإستخدام vitamin E ، أنى أعرف أنك صيدلى - أو كنت صيدليا - و أعرف أيضا أنك كنت فى فترة مهتما بأمراض الكبد.

السلام عليكم

الاخ الكريم أ. عادل

حقيقى انا مصدوم ..

انا كنت احتمى فى ليبراليتك التى تدعو اليها و تدافع عنها و انا اكتب ..

افهم ان تحذف مداخلتى لانى تجاوزت حدود الادب مثلا و تطاولت على الرجل

او طعنت فى دينه او فى اتباعه و فى هذه الحاله لا و لن اعترض ..

اما ان تكون المعامله بطريقه امناء الشرطه فى الاقسام بكتم الانفاس و السحل

و هنا فى منتدانا الذى نجده متنفسا لحريه الرأى بدون تجاوز فهذا غير مقبول

و مستغرب و الاكثر استغرابا بالنسبه لى ان تحدد لى ..او قل تحصرنى ..

فى مجالات معينه تريدنى ان اكتب فيها دون غيرها ..

إتهامك لى استاذ عادل بعدم الموضوعيه بخصوص الانبا شنوده هو الذى يحتاج الى دليل

و كنت اتمنى منك ان تفند كلامى عن الرجل كما تعودنا منك مع الابتداء ب ( كان هذا استهلالا لابد منه :unsure: )

و ان ترد على او اى احد من الزملاء الكرام على طريقه ..لا يا اباعمر انت مخطئ فى ذلك الاتهام

لان .... و .... و .... . بكل موضوعيه و موده التى ارجو ان لا يفسدها الخلاف فى الرأى و الامر هنا ليس رايا

انه احكام موثقه و حوادث عشناها و تؤثر علينا جميعا ....اما التعامل على طريقه ( دراع مرسى )

فاتعجب من وجوده بين هذه الكوكبه المميزه من المثقفين ..عادل ابو زيد و ابومحمد و محمدزهيرى و سكوربيون و باقى الزملاء .. مع كامل الاحترام و التقدير و حفظ الالقاب للجميع .

أ. عادل أذكرك و اذكر الجميع ان الانبا شنوده الثالث مواطن مصرى مثلى و مثلك و يخضع للقانون

المصرى مثله مثل جميع المصريين و على حد علمى فليست له اى حصانه خاصه او يعتبر خط احمر يجب الوقوف عنده

بدليل انه يتم رفع قضايا و من مواطنين مسيبحيين ضده امام المحاكم و يحكم فيها كأى شأن اخر ..

اما مكانته الدينيه بين اتباعه لها كل الاحترام و التقدير و ليست بحال مجال للمناقشه هنا .

.

لكل كل التقدير و الاحترام

تم تعديل بواسطة abaomar

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك

لا اظن ان المصريين العاديين او المطحونيين الغلابة يهمه ترميم هذا الجدار الوهمي الناس عايزة تعيش زي اي شعب وزي اي ناس الناس زهقت وملت وكلت عايزة تشوف النور

سواء كانوا مسيحين او مسلميين و لأنهم مطحونين و مغلوب على امرهم و لأنهم غلابة قوي فهم على استعداد لأن يمارسوا الغوغائية الطائفية كل تحت رايته ايا كان حامل هذه الراية سواء مدعي او نصاب او منافق او متعصب ودول كلهم موجودين سواء مسلميين او مسيحيين سواء قيادات او زعماء او مهيجيين

لا شنودة رأس الكنيسة و لا شيخ الازهر يهمهم هؤلاء المساكين وكل منهم يرى فيهم وقودا للمعركة الدينية ويعطيهم وعودا بان النمساكين يدخلون الجنة كل منهم يبني مصالحه مع النظام الحاكم و اصحاب النفوذ الاقتصادي ليحظى بمكاسب سياسية على حساب الجموع و الافراد

رابط هذا التعليق
شارك

  • بعد 2 شهور...

ما هذا العبث وحالة الجنون والفوضى وتغييب العقول التي نعيشها ؟؟؟

وإيه التربص ده من كل طرف ... وبصراحة الطرف المسيحي هو اللي أصبح في منتهى الحساسية وبقى أي حد مسيحي تتنشل محفظته في أتوبيس .. تبقى بس فتنة طائفية وأضطهاد وسنة سوداعلى دماغ المسلمين ...

- إيه .. واحده ست طفشت وسابت بيتها لأي سبب ... فيها إيه دي ؟ ما بيحصل كل يوم الاف الحالات اللي كده .. لكن عشان مسيحية .. وزوجة كاهن ... يبقى في أقل من دقائق .. تشتعل النيران .... وتُستنفر كل قوى الشر ... وتخرج المظاهرات العارمة في أرجاء الكنائس المصرية كلها ... ووأنت مغمض .. توجه أسهم الإتهام للمسلمين اللي خطفوها عشان يخلوها تدخل في الإسلام ..........

وألغينا عقولنا .. او نظرية الإحتمالات اللي بتفترض ولو 1 في المليون إنها سابت بيتها لأي سبب ... لأ إزاي ؟؟؟؟ .. هما المسلمين اللي عملوها

وجوزها طبعاً عاوز يتشهر ويظهر في الصورة ... ويعيش في دور الشهيد ... وظل ينفخ في نار الحقد والفتنة من أول ثانية ...

والشرطة في مصر كلها تُكرس مجهودها لهذا الغرض والبحث عن الزوجة المخطوفة من المسلمين ...

والبابا بيتعالج دلوقت في أمريكا ربنا يشفيه ... في ثانية تصدر البيانات من الكنيسة أن المحيطين به بيُُطلعوه على أخر التطورات وإنه مهتم جداً ... وسكرتيره يرجع من أمريكا جري لمتابعة الموضوع

والدنيا تولع وبرامج ومش عارف إيه ..

وفين وفين بعد عدة أيام ..

تطلع الست متخانقه مع جوزها... وهي شغالة مُدرسة ... وكانت مبيته النيه ... راحت أخدت اجازة أسبوعين .. وسحبت 35 الف ج من حسابها .... وقالت له أنا رايحه عند والدي أزوره وراجعه ... والدها على بُعد 100 متر من بيتهم ... وهووب راحت رايحه قاعده عند قرايبها الفترة اللي أختفت فيهم

وكإنها كانت في جزيرة في المريخ ومش داريه باللي بيحصل ولا بتشوف تليفزيون وتقرا جرايد

ولما ظهرت ... عادي ولا أعتذار على الحريقة اللي حصلت وعلى سوء النيه والغل اللي جوه القلوب

وأقرأ رأي لواحد مسيحي النهاردة يقول " الكنيسة فضلت أن تُضحي بأبناءها ونفسها من أجل عدم إشعال نار الفتنة .... وفعلاً الست كانت مخطوفة .. والكنيسة هي اللي قالت إنها كانت متخانقة مع جوزها وطفشت " ..... احلى أفلام هندي وتضحية حتى النهاية ...

لكن بصراحة كان في رأي مهديء وقاطع للمحامي نجيب خبرائيل اللي رفع طلب للبابا بعدم السماح لزوجات الرهبان بالعمل ....

حقيقي حل جميل وممكن نضيف عليه إننا نخبيهم في قمقم عشان المسلمين الوحشين ما يخطفهمش

- برضوا من أسبوعين ... دير في حلوان منظم رحلة نيلية ... لمجموعة من البنات ... وطلعوا معاهم 3 مشرفات والمجموع كان 19 .. بينما المركب صغيرة وحمولتها 15 فقط ... المركب غرقت وتوفي 9 من البنات وتم أنقاذ الباقيين ...

حلوان أنضربت وجمعوا غواصين البلد كلها يبحثوا عن الجثث ... وتم تحديد موعد محاكمة عاجلة للمجرم الأثيم صاحب المركب واخوه شريكه يوم 31/7 ونتوقع حكم تاريخي طبعاً لأن الضحايا مسيحيين ....

عيب .. عيب

كلنا مصريين واي روح بتُزهق نتيجة جريمة أو إهمال لابد ان يُعامل الجاني بشكل قانوني وسريع بغض النظر عن ديانة أو جنسية المتوفي

لان ده يا سادة بيُُزود روح الكراهية والضغينة من الطرف الأخر .. لما نتعامل مع القضايا من المنظور ده

وأظن كلنا كمصريين تألمنا .. بل بكينا دماً من منظر وعدد ضحايا العبارة السلام اللي راح ضحيتها 1030 بني أدم في لمح البصر وكل المسئولين تواطئوا عشان يطلعوا الراجل براءه ويطلعوا القتلى هما اللي غلطانين عشان مش بيعرفوا يعوموا ودمهم راح هدر ...

زي ما كنت بادافع عن كثير من مظاهر الأضطهاد لشركاء الوطن المسحيين ..

برضوا لما أشوف حاجه غلط .. لازم أقول عليها .. والموقف ده بيُمثل كل انواع الأبتزاز .... وغير مقبول بالمرة ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ما هذا العبث وحالة الجنون والفوضى وتغييب العقول التي نعيشها ؟؟؟

وإيه التربص ده من كل طرف ... وبصراحة الطرف المسيحي هو اللي أصبح في منتهى الحساسية وبقى أي حد مسيحي تتنشل محفظته في أتوبيس .. تبقى بس فتنة طائفية وأضطهاد وسنة سوداعلى دماغ المسلمين ...

- إيه .. واحده ست طفشت وسابت بيتها لأي سبب ... فيها إيه دي ؟ ما بيحصل كل يوم الاف الحالات اللي كده .. لكن عشان مسيحية .. وزوجة كاهن ... يبقى في أقل من دقائق .. تشتعل النيران .... وتُستنفر كل قوى الشر ... وتخرج المظاهرات العارمة في أرجاء الكنائس المصرية كلها ... ووأنت مغمض .. توجه أسهم الإتهام للمسلمين اللي خطفوها عشان يخلوها تدخل في الإسلام ..........

وألغينا عقولنا .. او نظرية الإحتمالات اللي بتفترض ولو 1 في المليون إنها سابت بيتها لأي سبب ... لأ إزاي ؟؟؟؟ .. هما المسلمين اللي عملوها

وجوزها طبعاً عاوز يتشهر ويظهر في الصورة ... ويعيش في دور الشهيد ... وظل ينفخ في نار الحقد والفتنة من أول ثانية ...

والشرطة في مصر كلها تُكرس مجهودها لهذا الغرض والبحث عن الزوجة المخطوفة من المسلمين ...

والبابا بيتعالج دلوقت في أمريكا ربنا يشفيه ... في ثانية تصدر البيانات من الكنيسة أن المحيطين به بيُُطلعوه على أخر التطورات وإنه مهتم جداً ... وسكرتيره يرجع من أمريكا جري لمتابعة الموضوع

والدنيا تولع وبرامج ومش عارف إيه ..

وفين وفين بعد عدة أيام ..

تطلع الست متخانقه مع جوزها... وهي شغالة مُدرسة ... وكانت مبيته النيه ... راحت أخدت اجازة أسبوعين .. وسحبت 35 الف ج من حسابها .... وقالت له أنا رايحه عند والدي أزوره وراجعه ... والدها على بُعد 100 متر من بيتهم ... وهووب راحت رايحه قاعده عند قرايبها الفترة اللي أختفت فيهم

وكإنها كانت في جزيرة في المريخ ومش داريه باللي بيحصل ولا بتشوف تليفزيون وتقرا جرايد

ولما ظهرت ... عادي ولا أعتذار على الحريقة اللي حصلت وعلى سوء النيه والغل اللي جوه القلوب

وأقرأ رأي لواحد مسيحي النهاردة يقول " الكنسية فضلت أن تُضحي بأبناءها ونفسها من أجل عدم إشعال نار الفتنة .... وفعلاً الست كانت مخطوفة .. والكنسية هي اللي قالت إنها كانت متخانقة مع جوزها وطفشت " ..... احلى أفلام هندي وتضحية حتى النهاية ...

لكن بصراحة كان في رأي مهديء وقاطع للمحامي نجيب خبرائيل اللي رفع طلب للبابا بعدم السماح لزوجات الرهبان بالعمل ....

حقيقي حل جميل وممكن نضيف عليه إننا نخبيهم في قمقم عشان المسلمين الوحشين ما يخطفهمش

- برضوا من أسبوعين ... دير في حلوان منظم رحلة نيلية ... لمجموعة من البنات ... وطلعوا معاهم 3 مشرفات والمجموع كان 19 .. بينما المركب صغيرة وحمولتها 15 فقط ... المركب غرقت وتوفي 9 من البنات وتم أنقاذ الباقيين ...

حلوان أنضربت وجمعوا غواصين البلد كلها يبحثوا عن الجثث ... وتم تحديد موعد محاكمة عاجلة للمجرم الأثيم صاحب المركب واخوه شريكه يوم 31/7 ونتوقع حكم تاريخي طبعاً لأن الضحايا مسيحيين ....

عيب .. عيب

كلنا مصريين واي روح بتُزهق نتيجة جريمة أو إهمال لابد ان يُعامل الجاني بشكل قانوني وسريع بغض النظر عن ديانة أو جنسية المتوفي

لان ده يا سادة بيُُزود روح الكراهية والضغينة من الطرف الأخر .. لما نتعامل مع القضايا من المنظور ده

وأظن كلنا كمصريين تألمنا .. بل بكينا دماً من منظر وعدد ضحايا العبارة السلام اللي راح ضحيتها 1030 بني أدم في لمح البصر وكل المسئولين تواطئوا عشان يطلعوا الراجل براءه ويطلعوا القتلى هما اللي غلطانين عشان مش بيعرفوا يعوموا ودمهم راح هدر ...

زي ما كنت بادافع عن كثير من مظاهر الأضطهاد لشركاء الوطن المسحيين ..

برضوا لما أشوف حاجه غلط .. لازم أقول عليها .. والموقف ده بيُمثل كل انواع الأبتزاز .... وغير مقبول بالمرة ..

صح لسانك يا أبو عمر ... بصراحة الموضوع زاد أوي عن حده والمفروض أن تتدخل القيادات المسيحية بصورة مسئولة لإيقاف هذا التهريج الذي يصدر عن بعض أتباعها ... والمفروض كذلك أن تضرب الدولة بيد من حديد على من يسعى لإشعال الفتنة الطائفية مهما كان مركزه

أتمنى أن تتم محاكمة هذا الكاهن بصورة عاجلة لقيامه بإلقاء اتهامات جزافية أدت الى زيادة حالة الاحتقان في أوساط المسيحيين وهددت الوحدة الوطنية ... مش ابراهيم عيسى حاكموه بتهمة نشر أخبار كاذبة تضر بالأمن القومي ... طيب ما التهمة دي تنطبق بشكل أكبر على ما قام به الكاهن ومن وقف معه

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

البابا شنودة سافر للعلاج تقريباً من أسبوعين أو 20 يوم

وضحكت جداً لما أصدر أمر قبل سفره بإعادة أحياء إفطار الوحدة الوطنية التي تعقده الكنسية في رمضان ويحضره ممثلين عن المسلمين يتصدرهم شيخ الأزهر وتقربياً بقى له فترة متوقف لأسباب تخص الكنيسة اللي حسه بالأضطهاد ...

ضحكت لإننا اختذلنا الرباط المقدس اللي بيجمعنا كلنا كأبناء وطن واحد وأرض واحده بل وقبل كل ذلك رب واحد ... أختذلنا ده كله في كوباية خشاف وشوية كنافة وقطايف ...

بصراحة أكتر موقف ومشهد عبر عن ده هو مشهد في فيلم حسن ومرقص ...

مؤتمر وحده وطنية .. يحضره الرموز الدينية من الطرفين ..

منظر إتنين قساوسة داخلين المؤتمر وماسكين إيد بعض وعمال يتودودوا " هأ هأ .. بيقول لك وحده وطنية !!! بأمارة إيه ؟ بأمارة إن مافيش ظابط كبير في الجيش مسيحي ؟ بامارة إن تلاقي وزير واحد بس مسيحي ؟ بامارة إن مافيش ولا واحد مُحافظ مسيحي ؟ "

المنظر التاني ... ماشي وراهم إتنين شيوخ مسلمين .. برضوا لوك لوك لوك " وحدة إيه وهما بالعين البلد ؟!!! ... وأغنا ناس المسيحيين .... والدولة بتطبطب عالمسيحين "

المنظر التالت : يقوم القسيس يقول بؤين محفوظين .. ووراه الشيخ نفس البؤين .. وإحنا سمنه على عسل وكله تمام .... تلاقي المنظر في القاعه نفس اللي كانوا شغالين ودوده يقوموا مسلمين ومسيحيين يرفعوا إيد بعض ويهتفوا " عاش الهلال مع الصليب .. عاش الهلال مع الصليب "

واللي في القلب في القلب

وماحدش كلف نفسه سواء مسلم أو مسيحي وبحث في أسباب تلك النيران المشتعله تحت الرماد وواجهنا بالحقيقة المُرة ...

تلك النيران التي نظنها مطفئه وخامده ما بتصدق بس تشم شويه هوا عشان تظهر فوق الأرض لتأكل الأخضر واليابس ..

والكل مسلم كان او مسيحي بيدفن رأسه في الرمال عشان ما يقولش إن السبب في هذا الأحتقان هو النظام السياسي الفاسد الذي نعيش فيه منذ أكثر من 50 عاماً...

وإن من ساعة ما قامت الثورة اللامباركة .. وهي حرمت المصريين من الحرية ومن الكلام ومن كافة حقوقهم السياسية ... وأصبحت هناك حاله من الكبت والغضب الداخلي ...

طب الغضب الداخلي ده يطلع إزاي ؟

يطلع في اللي جنبك ...

يطلع على جارك

على مراتك في البيت

على المدرس مع تلامذته

على الظابط مع العساكر اللي تحته

على المسلم مع المسيحي والعكس

لكن لو كلنا في هذا الوطن سواسيه وحقوقنا واحده وعايشين بنقول رأينا بحرية .

مستحيل كنا نقول ده مسلم وده مسيحي .. وإنت يتضطهدني عشان ديني وما إلى ذلك من المصايب اللي عايشينها

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ما هذا العبث وحالة الجنون والفوضى وتغييب العقول التي نعيشها ؟؟؟

وإيه التربص ده من كل طرف ... وبصراحة الطرف المسيحي هو اللي أصبح في منتهى الحساسية وبقى أي حد مسيحي تتنشل محفظته في أتوبيس .. تبقى بس فتنة طائفية وأضطهاد وسنة سوداعلى دماغ المسلمين ...

- إيه .. واحده ست طفشت وسابت بيتها لأي سبب ... فيها إيه دي ؟ ما بيحصل كل يوم الاف الحالات اللي كده .. لكن عشان مسيحية .. وزوجة كاهن ... يبقى في أقل من دقائق .. تشتعل النيران .... وتُستنفر كل قوى الشر ... وتخرج المظاهرات العارمة في أرجاء الكنائس المصرية كلها ... ووأنت مغمض .. توجه أسهم الإتهام للمسلمين اللي خطفوها عشان يخلوها تدخل في الإسلام ..........

وألغينا عقولنا .. او نظرية الإحتمالات اللي بتفترض ولو 1 في المليون إنها سابت بيتها لأي سبب ... لأ إزاي ؟؟؟؟ .. هما المسلمين اللي عملوها

وجوزها طبعاً عاوز يتشهر ويظهر في الصورة ... ويعيش في دور الشهيد ... وظل ينفخ في نار الحقد والفتنة من أول ثانية ...

والشرطة في مصر كلها تُكرس مجهودها لهذا الغرض والبحث عن الزوجة المخطوفة من المسلمين ...

والبابا بيتعالج دلوقت في أمريكا ربنا يشفيه ... في ثانية تصدر البيانات من الكنيسة أن المحيطين به بيُُطلعوه على أخر التطورات وإنه مهتم جداً ... وسكرتيره يرجع من أمريكا جري لمتابعة الموضوع

والدنيا تولع وبرامج ومش عارف إيه ..

وفين وفين بعد عدة أيام ..

تطلع الست متخانقه مع جوزها... وهي شغالة مُدرسة ... وكانت مبيته النيه ... راحت أخدت اجازة أسبوعين .. وسحبت 35 الف ج من حسابها .... وقالت له أنا رايحه عند والدي أزوره وراجعه ... والدها على بُعد 100 متر من بيتهم ... وهووب راحت رايحه قاعده عند قرايبها الفترة اللي أختفت فيهم

وكإنها كانت في جزيرة في المريخ ومش داريه باللي بيحصل ولا بتشوف تليفزيون وتقرا جرايد

ولما ظهرت ... عادي ولا أعتذار على الحريقة اللي حصلت وعلى سوء النيه والغل اللي جوه القلوب

وأقرأ رأي لواحد مسيحي النهاردة يقول " الكنيسة فضلت أن تُضحي بأبناءها ونفسها من أجل عدم إشعال نار الفتنة .... وفعلاً الست كانت مخطوفة .. والكنيسة هي اللي قالت إنها كانت متخانقة مع جوزها وطفشت " ..... احلى أفلام هندي وتضحية حتى النهاية ...

لكن بصراحة كان في رأي مهديء وقاطع للمحامي نجيب خبرائيل اللي رفع طلب للبابا بعدم السماح لزوجات الرهبان بالعمل ....

حقيقي حل جميل وممكن نضيف عليه إننا نخبيهم في قمقم عشان المسلمين الوحشين ما يخطفهمش

- برضوا من أسبوعين ... دير في حلوان منظم رحلة نيلية ... لمجموعة من البنات ... وطلعوا معاهم 3 مشرفات والمجموع كان 19 .. بينما المركب صغيرة وحمولتها 15 فقط ... المركب غرقت وتوفي 9 من البنات وتم أنقاذ الباقيين ...

حلوان أنضربت وجمعوا غواصين البلد كلها يبحثوا عن الجثث ... وتم تحديد موعد محاكمة عاجلة للمجرم الأثيم صاحب المركب واخوه شريكه يوم 31/7 ونتوقع حكم تاريخي طبعاً لأن الضحايا مسيحيين ....

عيب .. عيب

كلنا مصريين واي روح بتُزهق نتيجة جريمة أو إهمال لابد ان يُعامل الجاني بشكل قانوني وسريع بغض النظر عن ديانة أو جنسية المتوفي

لان ده يا سادة بيُُزود روح الكراهية والضغينة من الطرف الأخر .. لما نتعامل مع القضايا من المنظور ده

وأظن كلنا كمصريين تألمنا .. بل بكينا دماً من منظر وعدد ضحايا العبارة السلام اللي راح ضحيتها 1030 بني أدم في لمح البصر وكل المسئولين تواطئوا عشان يطلعوا الراجل براءه ويطلعوا القتلى هما اللي غلطانين عشان مش بيعرفوا يعوموا ودمهم راح هدر ...

زي ما كنت بادافع عن كثير من مظاهر الأضطهاد لشركاء الوطن المسحيين ..

برضوا لما أشوف حاجه غلط .. لازم أقول عليها .. والموقف ده بيُمثل كل انواع الأبتزاز .... وغير مقبول بالمرة ..

والله حضرتك عندك حق لكن مين اللى السبب فى الابتزاز ده مش سلبية الحكومة وخوفها المستمر من سكينة اقباط المهجر

الموضوعة فوق رقبتها وخوف على مناصب وكراسى وخوف من تدخل امريكا ومنظمات حقوق الانسان وادعاء حرية الاديان

الناس دى هى اللى اججت نار الفتن وهى اللى دايما تحاول تمزيق نسيج وطنى واحد

طول عمرنا ولحد دلوقت بنتعامل مع مسحيين سواء فى مجال الدراسة او العمل او البيع والشراء وايضا صداقات وقبل ده كله

جيرة ولم يحدث مشاحنات بيننا والعلاقة كانت ومازالت طيبة الا مانسمعه عبر وسائل الاعلام والقليل مما يصادفنا

فى بعض التعاملات ولكنها تقف عند حد نظرات استهجان من طرف لاخر ولكن لابد ان نعترف جميعا ان المجتمع كله اصابه الخلل

حتى العلاقات فى الاسرة الواحدة سواء مسلمة او مسيحية الاخلاق اتغيرت عند الطرفين ولكن اخدت شكل الفتن بين المسلم

والمسيحى وحساسية مفرطة من الاخوة المسحيين لان هناك من يدعم نظرية انهم الفئة الاقل وان المسلمين اصحاب المناصب

وانهم واخدين حقهم رغم ان هناك مسحيين يعتلون اعلى المناصب فى الدولة ولم تكن هذه المناصب حكر على المسلمين وحدهم

واكبر دليل بطرس غالى اللى خرب بيوت كل المصريين دون استثناء فى جبايات ضريبة الدخل والمبيعات والجمارك والعقارات

ومش عارفين فى ايه تانى لكن عشان التعصب سمة الكثير من المصريين مسلمين ومسحيين مش بنفكر ايه الهدف من زعزعة الامن

وزرع الفتن وخلق ازمات بيننا مع ان المواطن المصرى عامة دلوقت طالع عينه من الطرفين من غلاء وفساد وضرائب وتعليم سئ

لو كل مصرى عايش هنا سواء مسلم اومسيحى وخاصة المسحيين المندفعين وراء ادعاءات اقباط المهجر(الغير مضرورين لان املاكهم

برة مش فى مصر)عرف انه اول واحد خسران ومضرور فى ممتلكاته وامانه الشخصى لبيته واولاده فى ناس بتتمنى الفوضى تعم البلد

عشان السرقة تزيد والتدمير لممتلكات الغير ولا فرق بين سيارة مسيحى او مسلم ولامحل مسيحى ولامسلم النهب بيبقى عام

والتدمير يبقى عام لايخص فئة بعينها لازم ننتبه نحن المصريين لحجم الخراب والدمار اللى ممكن يحصل من صغائر ممكن

التجاوز عنها ويكون للحكومة دور فى ارساء مبدأ المساواة فى المعاملة بين الطرفين ولاتحابى مواطن على اخر خوف من

اقباط مهجر ولا تدخل امريكا ولانيلة لازم الدولة تفوق الاول وتبطل خوف عشان كل واحد يقف عند حده

رابط هذا التعليق
شارك

أحلى حاجه بقى إنك تستمتع بمشاهدة الصيادين في تلك المواقف ... وتشوف كل واحد وهو بيظهر على حقيقته ويدخل يهدي النفوس

قرات أراء لأقباط بيقولوا إيه بقى " أهو شوفتوا .. يعني لو الكنسية أقرت الطلاق والزواج الثاني ... ما كانش ده حصل وما كانتش العلاقات الزوجية تتفاقم كده وتفضل مكبوته والبيوت تولع "

يا سلام على تهدئة النفوس

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أولا : بقيت مستاء جدا من لغة التهديد ولهجة المسنود التي صارت تلازم شركاء الوطن ..

ثانيا : لا أحب تمييع الأمور الظاهر في تناول مثل هذا القضية الحساسة وأرجو أن نعود إلى ماكنا عليه من قبل من الأحترام المتبادل دون محاولة من البعض لخلط الأوراق ومسح فارق أصيل بين الطرفين .. برجاء كونوا واقعيين .

ثالثا : الإسلام هو الحل في إصلاح هذا الوضع المختل (وعلى فكرة أنا مش أخواني wst:: )

تحياتي :roseop:

ehm448.gif

رابط هذا التعليق
شارك

أنا بشكل شخصي مش هانعت المسيحيين بشركاء الوطن وإنما بأبناء الوطن عشان أنا بصراحة كمصري - وبشكل شخصي أيضا - مش هاستصيغ إن حد يقول عليَّ إني من شركاء الوطن ..

ماظنش إن ما بدر من عدد غير قليل من أبناء الوطن المسيحيين بخصوص موضوع زوجة الكاهن بدر منهم عشان هم مسيحيين وغيرهم لأ ..

وماظنش برضه إن ما بدر منهم بخصوص هذا الموضوع بدر منهم عشان النظام السياسي الحالي حارم المصريين من الحرية ومن الكلام ومخليهم عايشين في حالة من الكبت والغضب الداخلي .. لأني مش شايف - بشكل شخصي - أي حرمانية لأي حد لا من الكلام ولا من التعبير عن الغضب .. وأبسط دليل على ظني هو إني شايف - بشكل شخصي - إن إسلوب الترهيب اللي بينتهجه هذا العدد الغير قليل من أبناء الوطن المسيحيين بيستخدموه لإرهاب النظام السياسي قبل إرهاب أي فرد آخر ..

أنا بصراحة شايف - وبشكل شخصي - إن ما بدر من عدد غير قليل من أبناء الوطن المسيحيين بخصوص موضوع زوجة الكاهن هو سلوك منطقي جدا لأي فئة في مجتمع فقد أغلب أبناؤه النزاهة .. بغض النظر الفئة دي في مجتمع من النوع ده هم من أتباع الدين سين أم من أتباع الدين صاد ..

ليس لأحد أن ينتظر خير من أغلب الفئات في أي مجتمع أصاب داء انعدام النزاهة أغلب أبناؤه ..

بس ..

رابط هذا التعليق
شارك

حضراتكم لو فهمتوا الموضوع بشكل سليم و عرفتوا ان الكراهيه اصبحت هي الشعور الغالب بين الكثير من اعضاء الفريقين للفريق الآخر ممكن وقتها توصلوا للحل

كثير من المسلمين المصريين اصبح يكره (او لا يحب) المسيحيين المصريين

و الكثير من المسيحيين المصريين اصبح يكره (او لا يحب) المسلمين المصريين

لازم تفهموا النقطه دي اولا و تشوفوا ايه اسبابها من الطرفين عشان تقدروا تحلوا المشكله

اذا كنتم معتقدين اساسا بوجود مشكله

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

حضراتكم لو فهمتوا الموضوع بشكل سليم و عرفتوا ان الكراهيه اصبحت هي الشعور الغالب بين الكثير من اعضاء الفريقين للفريق الآخر ممكن وقتها توصلوا للحل

كثير من المسلمين المصريين اصبح يكره (او لا يحب) المسيحيين المصريين

و الكثير من المسيحيين المصريين اصبح يكره (او لا يحب) المسلمين المصريين

لازم تفهموا النقطه دي اولا و تشوفوا ايه اسبابها من الطرفين عشان تقدروا تحلوا المشكله

اذا كنتم معتقدين اساسا بوجود مشكله

ده على اساس إنك طرف غير مصري .. فجاي تلبس عباءة النصح والأرشاد وتُصلح ذات البين ؟

ما تتكلم زي المصريين يا جدع إنت ولا نسيت إنك مننا ؟

وقول لنا رأيك الشخصي بدون لف ولا دوران ...

وسايق عليك النبي يا شيخ تبعد عن مبدأ خالف تُعرف ... وأدخل في الموضوع على طول كما هو كده

هل نعتقد إن في مشكلة ؟

أيوه أعتقاد يصل إلى حد اليقين

هل هي مشكلة دينيه ؟

أبداً عُمرها ولم تكن كذلك .. ولكن طريقة التعبير عنها هي من تُوحي بذلك ...

ومن اسباب تلك المشكلة بالتأكيد التغير الإجتماعي اللي حدث في سلوك المصريين .... ومثلما يحدث بين مسلم ومسلم او مسيحي ومسيحي ..

يحدث أيضاً بين المسلم والمسيحي ... لكن كما قلت ... عشان إختلاف الديانة .. فأول حاجه بتتجه لها العين هي السبب ده ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

مانا لو عارف ايه اصل المشكله كنت قولته على طول يا سين سين

انا عن نفسي مابكرهش حد

لكن فعلا شايف ظاهرة انتشار الكراهيه و توسعها

و مش عايز اكون ظالم لطرف دون الآخر عشان احمله الجانب الأكبر في المشكله

كل اللي انا شايفه ان الهوه تتسع و تتضخم بين الجانبين

و الحكومه تتابع هذا بسعاده على ما اعتقد

لأن كلما اتسعت الهوه ابتعد فكر الناس عن السياسه و فساد المسئولين

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك

السلام عليكم

الاخوه الكرام جزاكم الله خيرا

اهلا بكم بعد فتره سفر قصيره الى مصر فى إجازه .

موقف بسيط حدث معى اود ذكره اولا قبل الدخول فى الموضوع ..

.

خالتى ام هانى

بينما انا عند الحاجه والدتى لاطمأن عليها دق الباب و دخلت احدى جاراتنا القدامى

و دار بيننا الحوار التالى

..إزيك يا دكتور ..حمدالله على السلامه و ازى اولادك

إزيك يا خالتى ام هانى عامله ايه و ازى عم صليب ..صحته عامله ايه

اسكت يا دكتور ..السكر مبهدله..ربنا يشفيه...

...

ثم تطرقنا الى الحديث عن احوال اولادها الذين اعرفهم جيدا بالفه عاديه موجوده

بيننا منذ زمن و ليست مفتعله او تمثيليه تذكرت و ان اتحدث معها

مجموعه المرتزقه الافاقين من ادعياء الفرقه و اقباط المهجر الذين يثيرون بين الحين و الاخر

الحديث عن فتنه و تطرف بين شركاء الوطن و كل منهم له مصالحه الخبيثه

نسيت ان اقول ان ..خالتى ام هانى .. كما تعودت ان اناديها حيث لم اتعود

ان انادى من هى فى سن امى باسمها ..ام هانى ..مجردا

كانت عندنا لتدفع لامى نصيبها الشهرى من الجمعيه التى تعودت هى و ام الاشتراك فيها

لسنوات طوال منذ ان وعيت و كانت امى مصدر ثقه كبير لهؤلاء الجيران و حتى الان ..

تلك الالفه و الاحترام و الامانه مفردات وجب علي اتباعها لان دينى الاسلام يأمرنى بها

اكرر الاسلام هو الذى فرض على ذلك و ليست المواطنه المزعومه و لا القانون .

.

ثانيا

انا متعجب جدا من الاراء المذكوره اعلاه لاحبائى فى المنتدى عن السبب و اصل المشكله

رغم ان خلفنا خمسه عشر صفحه من المشاركات التى جف حلقى فيها شارحا لذلك و لاقيت

من ذلك السخريه احيانا و التهديد احيانا و حذف مشاركات رغم اننى كنت اتمنى مقارعه الحجه بالحجه و الدليل

بالدليل خصوصا ان كثير منا عاش تلك المرحله و رأى الكثير بعينه و منها و ليس اخرها

تلك الحادثه الفضيحه التى اظهرت اكثر ما اظهرت ضعف الدوله و الانكى من ذلك استقواء الكنيسه

التى حركت مظاهرات لاختفاء امرأه اى كان شأنها هى فى الاخر مواطنه مصريه يحدث يوميا مئات الحالات

المشابهه و لا تتحرك شعره فى رأس وزاره الداخليه فضلا عن الاجهزه السياديه التى استنفرت

طاقاتها للملمه الموضوع بالاضافه الى الانكشاف المخزى الفاضح لادعياء حقوق الانسان

من (اللى بالى بالك ) الذين لم نسمع لهم همسا كالعاده عن تقييد حريه تلك المرأه ثم

تسليمها للكنيسه على طريقه تبادل الاسرى بين الدول ..نرجع لكم تلك المرأه مقابل خدمه اخرى او مصلحه متبادله بين

دوله مبارك و دوله الكنيسه هذا و الامر كما يشاع ان الموضوع ليس له علاقه باسلام تلك المرأه

رغم انى ..و هذا اعتقادى الشخصى .. اميل الى انها اسلمت مكرره حادثه وفاء قسطنطين رحمها الله

لان الملابسات المذكوره رسميا يمكن تأويلها باكثر من شكل و البركه فى فبركه و كذب الاخرين ..

ما علينا

..حتى نهايه فتره حكم عبد الناصر ثم موت البابا كيرلس و مجئ السادات ثم البابا شنوده

العضو القديم فى جماعه الامه القبطيه صاحبه النزعه الانفصاليه و التى قامت بخطف البابا فى الخمسينات ثم اعادته حكومه الثوره

كانت العلاقه بين شركاء الوطن ممتازه و طبيعيه و الدوله قامت ببناء كنيسه العباسيه

و لم يكن هناك احتقان و كانت دوله ناصر تحكم الجميع ..اكرر ..الجميع ..بقبضه حديديه

..

و بظهور نظير جيد المعروف بعد ذلك بالبابا شنوده و علوه كرسى البابويه

بدأت مرحله جديده فى العلاقه بين مسلمى و مسيحيي مصر دشنتها احداث الخانكه 1972 كأول صدام مباشر بين دوله الكنيسه بزعامه البابا شنوده

و دوله مصر بزعامه السادات مرورا باحداث الزاويه و المظاهرات ضد مصر و السادات فى امريكا و التى حركتها الكنيسه

و ظهر فيها تأثير اقباط المهجر و إداره البابا شنوده لذلك ..

ثم الصدام مع السادات الذى عزل البابا و نفاه و تأكد ذلك بالحكم القضائى الشهير عام 82

كل ما ذكرته اخوتى الاحباء ليس جمجمه و لا تخيلا هو تاريخ موثق فى احكام قضائيه

ووثائق تكلم عنها من هم فى مستوى الشيخ الغزالى رحمه الله و د. محمد عماره

و كل ذلك موجود لمن اراد الحق .....الحق ....و ليس المجامله .

فالامر الان اخطر مما نتخيل و ليس احد معصوما او بعيد عن الخطر ...و القادم اسواء

.

رجاء لمن عنده اعتراض مناقشه الحجج و الادله و بالمثل دون تعدى او إيذاء .

تم تعديل بواسطة abaomar

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك

حمد الله عالسلامه يا وحش

يا ريتني كنت رفعت الموضوع ده ن زمان عشان ترجع wst::

بس الله يخليك يا شيخ ... يارب باباك يحج

هو أنت ما ينفعش تكتب في موضوع يا أبو عمر من غير الحتتين دول ؟

مجموعه المرتزقه الافاقين من العلمانيين و اقباط المهجر الذين يثيرون بين الحين و الاخر

الحديث عن فتنه و تطرف بين شركاء الوطن و كل منهم له مصالحه الخبيثه

بالاضافه الى الانكشاف المخزى الفاضح لادعياء حقوق الانسان

من العلمانيين و الليبراليين

ليه كده ؟؟؟؟؟؟؟

ما هو ممكن يدخل حد علماني ومرتاح بما يؤمن به ... ويقول لك

السلفيين الأوغاد

أو المتاسليمن الأندال

ونقلبها مشتمه وجدل جانبي وتعدي باللفظ والأيدي كمان مما يفقد الحوار قيمته واحترامه لأن هناك طرف يُصر على إيذاء الطرف الأخر في كل مداخله حتى لو كنا بنتكلم عن الفول والطعمية ... فبنسمع منك برضوا يا أبو عمر ... العلمانيين البلابيص والليبراليين المنحطين الذين يعتدون على قوت الشعب الغلابة ويأكلون فولهم وفلافلهم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الفاضل سي السيد

لا يخفى عليك أننا نعيش في مصر منذ ثورة يوليو في الحقبة الليبرالية (مكتوبة كدة بالنص في كتاب التاريخ للثانوية العامة)

وأي تقييم لأي قضية إجتماعية خطيرة داخل البلد يستحيل فيها أن لا نلقي اللوم على هذا المنهج وأتباعه الذين أظهروا فشلا في معالجة قضايا البلد

ehm448.gif

رابط هذا التعليق
شارك

الفاضل سي السيد

لا يخفى عليك أننا نعيش في مصر منذ ثورة يوليو في الحقبة الليبرالية (مكتوبة كدة بالنص في كتاب التاريخ للثانوية العامة)

وأي تقييم لأي قضية إجتماعية خطيرة داخل البلد يستحيل فيها أن لا نلقي اللوم على هذا المنهج وأتباعه الذين أظهروا فشلا في معالجة قضايا البلد

عاوز تفهمني يا غريب إن ما يحدث في الشارع من إحتقان وكبت السبب فيه الليبراليين .. وإن اللي مكبوتين وبيولعوا في بعض دول ليبراليين ؟

مستحيل طبعاً ... ولو كان ده هو تفكيرنا يبقى كده إختذلنا الموضوع وحولناه إلى صراع بين كتلتين

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

السلام عليكم

اخى و حبيبى سين سين

علشان خاطرك هاتنزل المره دى انما اعمل حسابك المره الجايه لاممكن تنزل ابدا.

يعنى يا ابو عمر هو ده بس ..الكومنت.. اللى لفت نظرك ..افهم من كده انك موافقنى فى باقى المداخله ؟؟؟.

بالمناسبه القضيه ليست فى حب الشتيمه و التجاوز و انما للتنبيه المستمر

لهذا التيار الهادم الموجود بيننا و يحارب الدين بشكل واضح و محدد و انا بصراحه

لست من النوع المجامل و خصوصا على حساب الدين

خصوصا انهم لا يتورعون عن الطعن فى الدين تلميحا و تصريحا لذلك العين بالعين .

. ثم اننى لا افترى على احد

و يمكننى تفنيد كل كلمه و بالحق و المنطق حتى ...الشتيمه ..عموما مش دى مشكلتنا و لا موضوعنا .

تم تعديل بواسطة abaomar

<strong class='bbc'><strong class='bbc'>وَلَا تَحْسَبَنَّ اللَّهَ غَافِلاً عَمَّا</strong></strong><br /><br /><strong class='bbc'><span style='font-family: arial'>يَعْمَلُ </span></strong><br /><br /><strong class='bbc'><span style='font-family: arial'><strong class='bbc'>الظَّالِمُونَ</strong></span></strong><br /><br /><strong class='bbc'><span style='font-family: arial'>إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ</span></strong><br /><br /><br /><br /><br /><br /><p class='bbc_center'><span style='font-size: 18px;'><strong class='bbc'>(24) إبراهيم </strong></span></p>

رابط هذا التعليق
شارك

الأخ أباعمر ... عودا حميدا

كلامك ليس عليه غبار فيما يتعلق بدور بعض منسوبي الكنيسة القبطية في إشعال الفتنة الطائفية وتحدي سلطة الدولة.

لكن اللي مش فاهمه ايه علاقة العلمانيين بالموضوع؟؟؟ ولماذا إقحامهم في هذه القضية؟

هل العلمانيين هم من ساهموا في تأجيج الفتنة الطائفية وانخرطوا في أعمال الإرهاب خلال العقود الأربعة الماضية وهاجموا محلات وكتائس الأقباط في الصعيد وأصدروا الفتاوي باستحلال أموالهم ودمائهم؟

وهل العلمانيين هم من حرض العوام من المسيحيين على التظاهر في المشكلة الأخيرة دون انتظار لظهور الحقائق؟

إذا كنت تقصد بالعلمانيين النظام الحاكم فرجاء أن تكون أكثر تحديدا ودقة ... النظام الحالي ليس علمانيا ولا يمثل العلمانية ولا الديموقراطية وليس له علاقة بحقوق الإنسان. وموقف الدولة في هذه القضية وخضوعها لضغط الكنيسة يخالف أبسط بديهيات العلمانية وهي عدم الاعتراف بالسلطة الدينية وفصل الدين عن السياسة.

أما الليبراليون والعلمانيون الشرفاء فقد رأينا جميعا موقفهم هنا في المنتدى وغيره وفي الصحف ومواقع الانترنت منذ اشتعال الأزمة . موقفهم المبنى على مبادئ وقواعد ثابتة تنطبق على الجميع دون استثناء نابعة من قيم المواطنة وحرية العقيدة وحقوق الإنسان وتجنب الاستغلال السياسي للدين وليس عن انتهازية ومعايير مزدوجة كما هو حال البعض.

أفهم أن بينك وبين العلمانية والليبرالية وأنصار الدولة المدنية وحقوق الإنسان مشاكل نابعة من انتماءك الأيديولوجي وتكّن لهم كراهية شديدة ... ولكن كنت أتمنى ألا تؤثر تلك الكراهية في موضوعية أحكامك وعدالتها.

تم تعديل بواسطة أحمد سيف

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...