اذهب إلى المحتوى
محاورات المصريين

كانوا في طفولتهم ... اولادنا المحاوراتيين والمحاورتيات


se_ Elsyed

Recommended Posts

ده موضوع خفيف طريف قدرت فيه كفرد من أفراد الإدارة إني اتسلل إلى الملفات الشخصية للأعضاء وألتقط لهم صور طريفة وهما صغيرين من غير ما يخدوا بالهم او يضعوا مكياج

ومن غير زعل اللي مش عجباه صوته يقول وأنا أحذفها له

نبدأ بسم الله

دي صورة للاخ سين سين ألتقطت له أثناء تسلله لمطبخ المحاورات في محاوله منه لسرقة ساندوتش بسله من اللي كانت طبخاها أبله فُلانه ... ولإن الجريمة لا تفيد .. ولإن حسب نظرية لامبروزو اللي قال إن ما فيش بيرفكت كرايم .. فكان جزاء هذا المعتدي الاثم إن رجله إتكعبلت في الحلل ووقعت فوق دمافة حلة مكرونة بالدمعة وأُمة لا إله إلا الله شافته متلبس بالجُرم المشهود وكمان وهو لابس سلطانية المكرونه

35e62a5f4a.jpg

-------------------------

دي صورة للاخ الجنرال موديست وتحديداً بعد أن تلقى الرسالة التالية من احد أصدقاء المحاورات

" عزيزي موديست ... أنا إسمي قمر الدين .. وانا عضو جديد معاكو في المحاورات .. وعندي 18 سنة .. وحبيت المحاورات شان خاطرك يا أونكل لما سمعت أصحابي الأناتيم بيتكلموا عنك في المدرسة الإعدادي .. ولو سمحت أنا عندي مشكلة وهي إني باكون ماسك الماوس بإيدي اليمين .. وعافق في الكيبورد بإيدي الشمال .. فساعات دبان غلس بييجي يقف على قفايا ويقرصني .. فعايز سوفتوير انزله تروح في إيد تالته طالعه من الشاشة تهرش لي في قفايا ويكون من فضلك البرنامج مع الكراكات بتاعته يعني مش تريال فيرجن ولا شير وير عشان بعيد عن السامعين ما تطلع ليش إيد بتلات صوابع مثلاً "

وفعلاً موديست كعادته جاب اللاب توب بتاعه وفضل يدعبس ويبحر في بحور النت المبحوره لكي يُلبي طبق قصدي طلب قمر الدين ..

شكراً موديست

67591247cb.jpg

---------------------------

كلنا عارفين الثانوية وغلاستها ... والكيميا وتلامتها

فدي صورة ألتقطت خلسه لميرامار بعد نهاية أحد دروس الكيميا وقد أعياها التعب

91a270d4f9.jpg

---------------------------

ميس فلانه من صغرها وهي بتحب المطبخ .. لدرجة إنها ما كانتش بتطلب تشتري فساتين جديدة في العيد ولا فيونكات زي بقيت الأطفال وكانت بتحب قوي تشتري مرايل مطبخ وقفازات ملاكمه .. قصدي قفازات بتاعت مسك الصواني ... لكن خير اللهم اجعله خير لقت واحده صاحبتها عامله ساندوتش غريب فتحفظت عليه وفضلت تلف وتدور حواليه عشان تعرف تركيبته السرية

84e044f567.jpg

------------------

حبيب قلبي كوكو يئس من الزمالك واللي عملوا الزمالك ... وقعد ورا الجون يكلم نفسه ويقول : كوره وإشترينا... لبس وأستلفت من إبن خالتي فالنه وشورت وجزمه بتنور ... طب الحظ معاندنا ليه وما بقاش الزمالك يكسب من 4 سنين ... ناقص إيه تاني يا ناس ؟ "

ونسي أساساً إن الكورة دي بتاعت باسكت عشان كده الزمالك مش مكتوب له يكسب يا ولداه

1ce04c8004.jpg

---------------------------

النسر المصري باعت شكوى للإدارة مدعمه بالصور بيقول فيها : اعزائي فريق الإشراف .. أنا بأشتكي العضو " عبدو مجانص " اللي جاي باكلمه بهدؤء وأقوله اللي إنت بتعمله ده عيب يا مجنص وبطل تتكلم بصوت عالي وتفرد عضلاتك علينا .. وإذ به يرد عليه بشلوت في مراخيري وساب كل الحتت السليمة وجاي على الوجيعه وهو عارف ومتاكد إني مركب مراخير صناعي مؤقتاً لحد ما توصلني الطلبية اللي مقدم عليها من تايون ... فهل ده يرضيكو ؟

وكان رد الإدارة : الاخ نسر .. بصرحة آه يرضينا ... ولازم تتعلم تاخد حقك بدراعك .. وزي ما ضربك بالشلوت في مراخيرك إنت ممكن ترد عليه وتضربه 100 قفا على سهوه من غير ما ياخد باله ... اخوك سي السيد "

b5705137d6.jpg

--------------------------

دي صورة نادرة للدكتور حُسام وكانت في أول الشهر بعد ما راح يقبض مرتبه من كفيله .. فكانت النتيجة لفلفته بالشاش والقطن والشكل اللي إنتو شايفينه ده وكان اللي عمال يقوله " إنت القوي على كل قوي يارب .... إنت القوي على كل قوي يارب "

75d4ea55be.jpg

------------------------------------------------------------------

لو عجبكو الموضوع نكمل تاني عشان عندي تعليقات للصبح لباقي الزملاء

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • الردود 63
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

كعادة مواضيع حضرتك..........موضوع ظريف جدا :lol:

لو عجبكو الموضوع نكمل تاني عشان عندي تعليقات للصبح لباقي الزملاء

كمل كمل.......

ورانا ايه يعني :angry2: ....النهارده اجازة وبكرة اجازة :lol: وبعده رخامه :mellow:

رابط هذا التعليق
شارك

نكمل وندخل عالتقيل

الصورتين اللي جايين دول كانوا مثار جدل واسع بين أعضاء فريق الإشراف

حيث أنه في يوم ما طلعتلوش شمس إتصل سين سين على داروين الساعة 11 الصبح وكان لسه نايم فقام مفزوع وقاله :

داورين : يا صباح الإزعاج عالصبح .. نعم يا عم الحلو ؟

س س : ليه الوش الأبلكاش ده عالصبح .. صبح صبح يا عم الحاج ؟

داروين : يعني بتتصل بيه عالريق عشان تديني درس في انواع الخشب .. ما تخلص انا متعكنن ولسه ما عملتش الأصطباحه وعفاريت الدنيا بترقص سامبا قدام وشي ... عايز إيه يا مُزعج ؟

س س : أنا أتصلت بيك يابو الدراوين عشان أقولك إن في 5 أعضاء عاملين شغب ومظاهرات وبيقولوا إنه لهم مطالب يكفلها لهم الدستور وعايزين حد كبير في السن يتكلموا معاه .. ومش عارف اتصرف إزاي !!

داورين : مظاهرات .. مطالب .. دستور ؟ العيال دول أكيد شيوعين ... طب هاتهم لي على أوضه الفيران أما نشوف مطالبهم إيه .. وخليهم يودعوا أهاليهم

ودي صورة لداروين وهو لسه صاحي

4d04355531.jpg

ودي صورة للذكرى للمرحومين في بداية تواجدهم في أوضة الفيران

8c8bfa887a.jpg

خلو بالكو الولا الاولاني من ناحية الشمال ده كان لامح داروين وهو جاي من ناحيته وشايل الشومه فالواد يا عيني بيبص بمنتهى الرُعب أما الباقي فما كانوش مديين خوانه لإن سين سين واقف بالكاميرا بتاعته وعمال يقول لهم بص هان يا كميل ... يالله اللي بيحب عمو سن سين يضحك للكاميرا

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

---------------------------

كلنا عارفين الثانوية وغلاستها ... والكيميا وتلامتها

فدي صورة ألتقطت خلسه لميرامار بعد نهاية أحد دروس الكيميا وقد أعياها التعب

91a270d4f9.jpg

ياختي كميلة انا احلى واحدة فيهم :lol:

كمل يا عمو سين باشا :lol:

ممكن برضه اشارك معاك؟؟؟

دي صورة لأحد الاعضاء المهندسين الكتيرين قوي في المحاورات

232677_310744h.JPG

ودي صورة للأخ قديم

1152389710.jpg

احمد باشا فرحات

u2u3-sor1_19.jpg

مرمر :angry2:

تم تعديل بواسطة miramar

عندما نتكلم بصدق.....

ونستمع بهدوء....

وننقد بإخلاص......

نحصل على حوار هادف.....

لست مجبرة أن يفهم الآخرين من أنا؟ فمن يمتلك القلب والروح أنا له كتاب مفتوح

اللهم اغفر للمؤمنين والمؤمنات والمسلمين والمسلمات الاحياء منهم والاموات

رابط هذا التعليق
شارك

ليس معنى أن الموضوع في باب الإبتسامات أن نخرج عن حدود الأدب واللياقة والأحترام

الفاضل النسر المصري أرى أن تجاوزاتك قد تعدت كل الحدود المسموح بها ويعتبر هذا تحذير أخير لك

حذفت المداخلة بمعرفتي

الإدارة

داروين

يارب الرحمه..!!

رابط هذا التعليق
شارك

ايه العبقريه دى يا سين سين والله ابدعت

كمل انا متابعه ومتشوقه لباقى الاعضاء :lol:

تم تعديل بواسطة بنت النيل

وبحبك وحشتينى ... بحبك وأنتى نور عينى

ولو أنتى مطلعه ... عينى بحبك موووت

مــــــــــصــــــــــــــر

رابط هذا التعليق
شارك

مرمر مش دي بنت اللي خلتيها صورتي

عموما الأطفال في السن ده بيبقوا شبه بعض

بس انا كنت قمر في طفولتي

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

باهزر والله يا ارسي :)

بعدين بنت ولا ولد المهم ماسك كتاب :sad:

مرمر

عندما نتكلم بصدق.....

ونستمع بهدوء....

وننقد بإخلاص......

نحصل على حوار هادف.....

لست مجبرة أن يفهم الآخرين من أنا؟ فمن يمتلك القلب والروح أنا له كتاب مفتوح

اللهم اغفر للمؤمنين والمؤمنات والمسلمين والمسلمات الاحياء منهم والاموات

رابط هذا التعليق
شارك

ماهو كمان مش طبيعي أنك تصحيني من النوم الفجر علشان شوية عيال عاملين دوشه

حد يصحي حد الساعه 11 الصبح علشان خمسه .. طيب استنى لما يبقوا دسته

:) :sad:

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك

واللة موضوع جد جميل ... طبعآ شوفوياناس الأهلوية ياسلام خفة دم ولباقة صحيح أهلاوى :) :sad:

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك

باهزر والله يا ارسي :)

بعدين بنت ولا ولد المهم ماسك كتاب :sad:

مرمر

طيب ماشي يا ستي

يعني هيا العقدة في الكتاب

بس أكيد فيه بنات كتيييييييييييييير تلزمهم الصورة دي

ولا ايه

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

سى السيد

فين صورتى انا ومادا افندى

انا مثتنية اهوه

فين

فين

تكونش تحت

فين بقى

wst:: :blink: :ninja:

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك

دي صورة للاخ الجنرال موديست وتحديداً بعد أن تلقى الرسالة التالية من احد أصدقاء المحاورات

" عزيزي موديست ... أنا إسمي قمر الدين .. وانا عضو جديد معاكو في المحاورات .. وعندي 18 سنة .. وحبيت المحاورات شان خاطرك يا أونكل لما سمعت أصحابي الأناتيم بيتكلموا عنك في المدرسة الإعدادي .. ولو سمحت أنا عندي مشكلة وهي إني باكون ماسك الماوس بإيدي اليمين .. وعافق في الكيبورد بإيدي الشمال .. فساعات دبان غلس بييجي يقف على قفايا ويقرصني .. فعايز سوفتوير انزله تروح في إيد تالته طالعه من الشاشة تهرش لي في قفايا ويكون من فضلك البرنامج مع الكراكات بتاعته يعني مش تريال فيرجن ولا شير وير عشان بعيد عن السامعين ما تطلع ليش إيد بتلات صوابع مثلاً "

وفعلاً موديست كعادته جاب اللاب توب بتاعه وفضل يدعبس ويبحر في بحور النت المبحوره لكي يُلبي طبق قصدي طلب قمر الدين ..

شكراً موديست

67591247cb.jpg

أنا اعترض على التعدي على خصوصيات السادة الأعضاء :blink:

لما انت ناوي تصوّرني مش كنت تقول لي علشان على الأقل ألبس بنطلون طويل بدل الإغراء اللي انت حاطُّه ده :ninja:

أعمل ايه دلوقتي لما الصورة تتنقل بالبلوتوث و فضيحتي تبقى بجلاجل wst::

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

طب الحمد لله إن المجموعة دي عجبتكو ...

بس بصراحة أستفزني وجرح شعوري تعليقالجنرال الرفيق موديست ...

يا أخ موديست أنا فنان سوروالي .... وما بأعرفش إمتى هالقط الصورة .. دي مش صور بطاقة 6 * 9 حضرتك ... وإحمد ربنا إني لقطت لك الصورة وإنت لابس البامبرز .. أزر وايز الفضيحة كانت هاتبقى بجلاجل فعلاً ... وبعدين الصور الشابونيز دي تدل على إنك شخص معطاء ... مقدام ... مزواج .. قصدي يعني إنك تلبي طلبات زملاءك حتى من غير ما تكمل لبس هدومك ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

طب والله العظيم انا حاسس إن بنت مصرية تسللت للموقع بتاع الصورة ده ونزلت صورة مادا وهو لسه بيتعلم المشي لإ الصورة دي قريبة من شكله جداً

إوعى من قدام البلدوزر وهو بيمشي

a83ad16ef8.jpg

------------------

دي صورة الأستاذ زهيري أفندي اللي مضيع فلوسه على الكلاب والقطط .. وراح المطبخ سرق قسط اللبن من ورا مامته وقاعد يغذي الكلاب وإحنا مش لاقيين لحسة لبن رايب حتى نشربها ... ونسي إن الرفق بالإنسان مُقدم على الرفق بالحيوان

f8bd040484.jpg

---------------------

دي بقى صُحبة فُل على ياسمين

حبيب قلبي دبدوب الشهير بدياب سن الفيل

9732fdffc4.jpg

--------------------

ما فيش مانع نضع صور جماعية برضيكي

دي صورة لميرا مار وسمسمه وهما خارجين رايحين الجونينية يتفسحوا شويه بعد معجنة إمتحانات الترم الأولاني ...

وزي ماحنا سامعين في الصورة ميرا بتقول لسمسمه : تفتكري يا سم سم لو حطينا ثاني سلفتات البوتاسيوم على رابع أكسيد المنجنيز مش الكوكتيل ده ممكن يدينا خامس أكسيدات البلالينيوم ؟

سم سمه : أرحمي أهلي يا ميرا .... بلاش كده ... أرحمي نفسك ... الكيميا لحست دماغك لدرجة إن شكلك بقى عامل زي القارورة بتاعت المعمل ... يا ماما في حاجات تاني في الدنيا أهم من الكيميا

ميرا : انا مش شايفه حاجه في الدنيا غير الكيميا .. إحنا نفسنا مجرد تفاعلات كيميائية ... حتى علاقة الصداقة اللي بيننا هي علاقة فلزية بحته .. قوليلي على حاجه اهم من الكيميا وأنا اناقشك فيها ؟

سمسمه : عندك المربه مثلاً ... انا عندي مربة اللارنج اهم في حياتي من الكيميا

ميرا : حتى دي كمان .. عبارة عن معادلة كيميائية .. فهي مزيج من اللارنج والسُكر وملح الليمون .. كله ده مضروب في الخلاط تحت درجة حرارة معينه وفي الأخر بيدينا مربة لارنج

سمسمه : حرامممممممممممممم وكتير قووووووي ... ميرا ... ممكن علاقتنا تنتهي لحد كده بدل ما هاتقري بكره في مجلة سوبر ميكي الخبر ده " فتاة في العقد الأول من عمرها تخنق زميلتها بالفيونكة في ظروف غامضة "

72234931fb.jpg

--------------

طفطش حبيب قلبي

الجدع ده ما بيبطلش طفشان .. ودايماً شايل الكرة الأرضية في إيده وكل يوم يقعد يدورها والبلد اللي ييجي علسها الدور يقم شايل شنطة العدة بتاعته وفريره عليها وبلاد عماله تشيله وبلاد تحطه ومش راسي له على بر ..

b3b7d06218.jpg

------------

الصورة اللي جايه دي لها ذكريات خاصة عندي لإني اخدت عليها جايزة البوسكار في مهرجان كان يا ما كان للتصوير السنيمائي ... وهي للفنان السولوليست أحمد فرحات وهو ينتظر دوره في أحدى حفلات أضواء المدينة وقد غلبه النعاس لإنه كان لسه جاي من حفلة عيد ميلاد القائد سين سين وكان سهران للصبح .. عشان كده راحت عليه نومه وهو ماسك الكمانجه بتاعته

1df1ba529d.jpg

ودي صورة نادرة ليه وهو بيتدرب في البيت على البيانو أمام جمهوره العريض

d13adcb841.jpg

-------------

بنتنا نجفه دخلت الموضوع ده 15 مره وفي كل مرة تمني نفسها إنها هاتشوف صورتها منورة الشاشة وكل مره يطلع نقبها على شونه .. عشان كده قد تملك الغيظ من الأسد وقالت : والله لو ما لقيت صورتي محطوطة على يوم السبت لأطربقها علي دماغ الكل كليلة

ceb65177d7.jpg

---------------------

العلاقة بين ياسو وإبنه عمر علاقة أبوية حميمة والواد عمر لله في الله أبوه بيحبو دوناً عن إخواته لدرجة إن ياسو كتب له كل ثروته وأختصه هو لوحده بتسديد الكمبيالات والشيكات اللي بدون رصيد اللي عليه بعد ما ياسو يفيص بعد عمرٍ طويل ..... مش بأقولكو علاقة حميمة

دي صورة لياسو وهو بيهشك عمر وبيعلمه الطيران ... ولحد دلوقت موقع 4 طيارات وخمسة صواريخ سكود

ecfd171f8c.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

------------

الصورة اللي جايه دي لها ذكريات خاصة عندي لإني اخدت عليها جايزة البوسكار في مهرجان كان يا ما كان للتصوير السنيمائي ... وهي للفنان السولوليست أحمد فرحات وهو ينتظر دوره في أحدى حفلات أضواء المدينة وقد غلبه النعاس لإنه كان لسه جاي من حفلة عيد ميلاد القائد سين سين وكان سهران للصبح .. عشان كده راحت عليه نومه وهو ماسك الكمانجه بتاعته

1df1ba529d.jpg

ودي صورة نادرة ليه وهو بيتدرب في البيت على البيانو أمام جمهوره العريض

d13adcb841.jpg

-------------

أولا دي مش كمانجة

دي آلة القانون

وبعدين حلوه قوي جمهوره العريض دي

يعني بس 4 متفرجين

متبحبح إيدك شوية يا حاج

105724557.jpg

ألام على هواك وليس عدلا ................ إذا أحببت مثلك أن ألاما

رابط هذا التعليق
شارك

تم حذف المداخلة وإيقاف عضوية النسر المصري لإستخدامة أساليب وألفاظ سوقية ولهجة تهكمية غير مقبولة ولا تنناسب ورقي محاورات المصريين رغم سبق تحذيره

بمعرفتي

الإدارة

داروين

يارب الرحمه..!!

رابط هذا التعليق
شارك

أولا اسف للآخ النسر المصرى

بس موضوع تحفة يا ريس س س

حاجة متوقعه منك مواضيعك المميزة

بس حلوة اوي بتاعت سمسمة وميرامار

سناكس يا ريس على الحاجات الجميلة دي

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      تستطيع الصحافة وحدها أن تفخر - دون سائر المهن - بأن أغلبية العظماء والقادة كانوا يوما من أبنائها.. وكلهم مسحعرض المقال كاملاً
    • 0
      قال تعالى في سورة الكهف {وَقُلِ ٱلۡحَقُّ مِن رَّبِّكُمۡۖ فَمَن شَاۤءَ فَلۡیُؤۡمِن وَمَن شَاۤءَ فَلۡیَكۡفُرۡۚ إِنَّاۤ أَعۡتَدۡنَا لِلظَّـٰلِمِینَ نَارًا أَحَاطَ بِهِمۡ سُرَادِقُهَاۚ وَإِن یَسۡتَغِیثُوا۟ یُغَاثُوا۟ بِمَاۤءࣲ كَٱلۡمُهۡلِ یَشۡوِی ٱلۡوُجُوهَۚ بِئۡسَ ٱلشَّرَابُ وَسَاۤءَتۡ مُرۡتَفَقًا}قال ابن كثير رحمه الله "قَالَ ابْنُ جُرَيْجٍ: قَالَ ابْنُ عَبَّاسٍ: ﴿أَحَاطَ بِهِمْ سُرَادِقُهَا﴾ قَالَ: حَائِطٌ مِنْ نَارٍ" انتهى. قلت: جزاهم الله بخلاف ما كانوا عليه في الدينا؛ فأحاطت بهم أسوار جهنم لما
    • 0
      لم تأت جملة مصر بلد الأمن والأمان من فراغ ولكن لم يكن ذلك الأمان والسلام من دون ثمن فكان شهدا عرض المقال كاملاً
    • 32
      اقدم لكم الحقيقه الغائبه عنكم وهى ان فرعون وقومه كانوا هكسوس من فلسطين وبادية الشام وليسوا مصريين كما يشاع خطا , وهذه الحقيقه راسخه وواضحه بدلائل من القران الكريم ودلائل اخرى عديده, الهكسوس هم شعب خليط سكن فلسطين وشمال الجزيره العربيه واحتل شمال مصر لمدة 400 سنه تقريبا ويطلق عليهم شعوب الملوك الرعاه, وهم بدو. وكانوا يبنون ابنيتهم وصروحهم من الطين وليس الحجاره(ولكن الله دمر ما كانوا يعرشون), كما ان هؤلاء الهكسوس ال فرعون ومن قبلهم ممن عايش يوسف عليه السلام لم يبنوا حجرا واحدا من الحضاره المصريه
    • 5
      أثارت احدى الأخوات نقطة مهمة وأعتقد أنها كانت الأخت كليو أن غالبية العلماء القدامى المسلمين ليسوا عربا مثل ابن سينا وابن رشد وغيره هل هذا الكلام صحيحا
×
×
  • أضف...