اذهب الي المحتوي
Sherief AbdelWahab

لينوكس.. ضرورة أم رفاهية؟

قيم هذا الموضوع:

لينوكس..هل هو ضرورة أم رفاهية؟  

8 اصوات

  1. 1. أرى نظام لينوكس...

    • ضرورة صرفة
      2
    • يستحسن الإلمام به و/أو اقتناؤه
      5
    • ترف صرف
      1


Recommended Posts

حملات كثيرة في دول الخليج وفي مصر للدعاية لنظام لينوكس للتشغيل.. رغم توافر الويندوز بطريقة أو بأخرى..ورغم اعتياد الناس على الويندوز ورغم مخاطبة اللينوكس لشريحة مادية أو تقنية معينة..

هل ترون "لينوكس" ضرورة حياة أم ترف طبقي وتقني؟

خلص الكلام

شارك هذه المشاركه


رابط المشاركه
شارك

بالنسبة لى شخصياً ضرورة.

عندما بدأت أفكر فى العمل الخاص, فكرت أنه لا يجوز لى أن أستخدم نسخة ويندوز مضروبة فى العمل, من الناحية الشرعية فأنا أتحرج من مثل هذا الوضع ومن الناحية التقنية هناك مشاكل كثيرة لأنظمة الويندوز أهمها العدد الوهمى من الفيروسات وبالتالى الحاجة المتكررة لإعادة التنصيب إذا لزم الأمر.

وطبعاً بما أننى أريد استخدام نظام تشغيل فى العمل قررت الاتجاه للأقل تكلفة و الأكثر أماناً واستقراراً ووفرة فى الاختيارات -أى لنظام لينوكس- كانت لدى خلفية بسيطة عنه من الدراسة الجامعية وأكملت التعلم بنفسى والحمد لله الآن أعتمد عليه بنسبة 99.9%.

أعتقد أن لينوكس لا يمكن أن يكون ترف بأى حال من الأحوال ولكنه قد يكون ضرورة, لأنه ليس بالنظام السهل تعلمه خصوصا لمستخدمى الويندوز الذين لا يعلمون إمكانية وجود أنظمة تشغيل أخرى فى العالم تماماً كما تعلمنا النظام الثنائى ولم نكن نعرف بوجود أنظمة اخرى غير النظام العشرى.

شارك هذه المشاركه


رابط المشاركه
شارك

استاذي الكبير شريف

كان نفسي افيدك بجد بس الي اعرفة الويندوز العادي

وسيستم الماكينتوش

بس لما عرفت سيستم MAC OS X

بقيت بشمأز من الويندوز العادي والاجهزة العادية كمان (IBM)

بس الحمد لله استاذ محمد فادك

والسلام ختام

شارك هذه المشاركه


رابط المشاركه
شارك

أنا اعرف قيمة اللينكس بس السؤال الموجه للاستاذ محمد عبد العزيز هل استعماله في البرامج التطبيقيه عملى زي الورد والاكسل و والتصميمات

شارك هذه المشاركه


رابط المشاركه
شارك
أنا اعرف قيمة اللينكس بس السؤال الموجه للاستاذ محمد عبد العزيز هل استعماله في البرامج التطبيقيه عملى زي الورد والاكسل و والتصميمات

هناك حزمة برامج مشابهة لحد كبير لحزمة برامج الأوفيس المشهورة تسمى OpenOffice, هناك بعض الاختلافات طبعاً ولكن ما أعانى منه حقيقة هو التعامل مع اللغة العربية من حيث اختلاف الخطوط أو عدم وجودها فى بعض الأحيان.

أما بالنسبة للتصميمات فأنا ليست عندى دراية كافية بها, ولكن على حد علمى يكاد يكون هناك برنامج يعمل على لينكس مشابه للبرامج المشهورة المستخدمة مع الويندوز مثل برنامج The Gimp الذى يشبه لحد كبير برنامج Photoshop من حيث الإمكانيات ولكن طريقة الاستخدام تختلف وهناك برامج أخرى أيضاً تعطيك نفس إمكانيات برنامج الأوتوكاد, أو مثلاً قد تجد نسخة من البرنامج مخصصة للعمل على نظام لينكس مثل Acrobat Reader, وفوق كل ذلك يمكنك تشغيل العديد والعديد من برامج الويندوز عن طريق نظام محاكاة يسمى Wine وهو عبارة عن برنامج يجعلك وكأنك تعمل على نظام الويندوز من داخل اللينكس.

الاختلاف الوحيد الذى وجدته ظاهراً واضحاً جلياً هو فى مجال الألعاب, فى هذا المجال يتفوق الويندوز بمراحل على اللينكس, ولكن أعتقد أن السبب ليس فى النظام نفسه وإنما فى اهتمام المبرمجين.

شارك هذه المشاركه


رابط المشاركه
شارك

مع كل الاحترام لكل الآراء السابقة.. أنا أرى أن لينوكس الآن هو ترف طبقي تقني صرف..

أرى أن النظام بنسخه المختلفة يمثل نوع من الوجاهة الطبقية والتقنية في آن واحد.. والدعاية له تغفل حقائق صارخة بالنسبة لواقع مستخدمي الكمبيوتر في مصر..

فلا أغلب مستخدمي الكمبيوتر في مصر يتمتعون بمقدرة مالية لشراء أي نوع من أنواع البرمجيات ، ولا للوصول لمراكزها المعتمدة التي تتمركز كلها في العاصمة ، وبالتالي فإن الكلام عن البرمجيات الحرة في ظل ما يشهده سوق الكمبيوتر في مصر "فوق" و "تحت" هو نوع من أنواع الترف لا محل له من الإعراب، ولا أغلب مستخدمي الكمبيوتر في مصر ولا في العالم مستخدمين محترفين قد يصلوا إلى مرتبة الـ Goru (وهم أعلى درجات الهاكرز والمبرمجين والذين يستطيعون قلب النظام وفرده وثنيه كما لو كان "شراب" دون أدنى مبالغة).. معظمنا علاقته بالجهاز هي تصفح الإنترنت والبرامج المكتبية..ودة بصراحة مش عيب..

حتقول لي أوبن أوفيس وستار أوفيس..

ستار أوفيس حلو وجربته لما كان متوزع في نسخة مجانية مع العدد العربي من مجلة Internet Shoper.. لكن برضه كانت ليه مشاكل.. من ضمنها اللغة العربية والشغل على برنامج قاعدة البيانات فيه.. يمكن يكونوا تداركوها دلوقت لكن برضه -في إحساسي- مش بالقوة المطلوبة..

جهود التعريب والدعم الفني قائمة على الفهلوة الصرفة .. تيجي تلف على أي معلومة عن لينكس ع النت باللغة العربية حتتعقد في عيشتك.. نزل البتاعة الفلانية .. مشكوووووور يا خووووووي... :lol:

لينوكس مع الوقت بدأ يفقد واحدة من أهم ميزاته وهي صغر حجمه على الهارد ديسك.. في البداية من كذا سنة كان حجمه على الهارد نص جيجا ، دلوقت احنا بنتكلم في عشرة جيجا فاضية على الهارد على الأقل ..

الميزة الوحيدة للينكس إنه بيطول في عمر الأجهزة المتوسطة شوية .. عندك جهاز متوسط وخايف يبقى demodé وتبطل موضته وتيجي تبيع مكوناته تحصل على مبلغ هايل يكفي لوجبة في مطعم صيني قاهري أنصح بيه.. بس تكون مستخدم محترف وعارف إنت بتعمل إيه..

العالم التالت برة حسابات صناع التكنولوجيا .. ومسير لينوكس ينتشر بفضل الطبقية والفهلوة وحنبوظه وحنفسده أكثر من اللي حصل مع الويندوز.. ودقي يا مزيكا..

خلص الكلام

شارك هذه المشاركه


رابط المشاركه
شارك

اسمح لى أقول لك يا أستاذ شريف إن معلوماتك عن اللينكس بعيدة جداً عن الصحة.

1- اللينكس نظام تشغيل مجانى يمكنك تنزيله من مواقع كثيرة على الانترنت, أعتقد أن الذى يأخذ مقابل يكون ذلك مقابل لمجهوده فى تجهيز التوزيعة distribution وتسجيلها على اسطوانة وثمن الاسطوانة, وربما التدريب يكون بمقابل مادى أما نظام التشغيل نفسه فليس له مقابل مادى.

2- كما قلت فى مداخلتى السابقة نظام لينكس ليس فى حد ذاته صعب, ولكن تعود جمهور المستخدمين على نظام الويندوز مع عدم تصور وجود نظام تشغيل آخر بسبب نقص المعلومات فى هذا المجال يجعل من الصعب التحويل إلى اللينكس ولكنه ليس مستحيلاً.

3- بالنسبة لمشاكل اللغة العربية أنا اعترفت إن فى مشاكل فعلاً ولكنها لا تعوق العمل.

4- جهود التعريب ليست قائمة على الفهلوة, إنما هى قائمة على العمل التطوعى, أنا أرى أن الموضوع منظم لدرجة كبيرة بقدر الإمكان والقائمين على هذه الجهود يقدمون خدمات مشكورة لكل المستخدمين العرب, شوفت الموقع ده: www.arabeyes.org ؟

6- متفق معاك إن الدعم الفنى باللغة العربية ليس على المستوى المطلوب, ولكن لا تنسى أيضاً أنه عمل تطوعى, أعتقد أن هذا المنتدى مفيد فى الدعم الفنى: www.linux-egypt.org

7- حجم نظام التشغيل لينكس ليس كما تقول, بل هو يكاد يكون نصف جيجا كما هو, اما العشرة جيجا دى إضافات وبرامج كثيرة وفيها تكرار كمان, يمكنك أن تختار منها ماتشاء ولن تحتاج لها جميعاً, العيب فينا احنا عشان مش عارفين فبنضطر ننزل كل حاجة على أمل إننا نعرف فى المستقبل ونختار, بس ده مش بيحصل غالباً. أضيف لك أيضاً أنا هناك نسخ من اللينكس صغيرة الحجم يطلق عليها Live , حاجة كده خفيفة ولذيذة لا يتعدى حجمها نصف جيجا وأحيانا 256 ميجا فقط ويمكنك تشغيلها من أسطوانة أو فلاش ميمورى بدون الحاجة لهارد ديسك من أصله, أنا شخصياً جربت نسخة اسمها Slax وهى النسخة الخفيفة من Slackware بصراحة جميلة جداً وقريبة كمان من الويندوز عشان سهولة الاستخدام.

أنا بصراحة يا أستاذ شريف اندهشت جداً من مداخلتك الأخير وأشك إنك بتتكلم عن نظام تشغيل تانى غير اللينكس يا إما أنا اللى باشتغل على نظام تانى وأنا مش عارف.

شارك هذه المشاركه


رابط المشاركه
شارك

انا جربت نسخ كثيرة من لينوكس ...فيدوا - اوبنتو - sun solaris- free BSD - suse مع لينوكس تخيل حاجه عاوزها تلاقيها

مع لينكس انت بتتحول لمحترف شوية بشوية ...اما مع الوندوز فبتتحول الى مستخدم محترف

لا انكر انى اتعقدت كثير من لينوكس وخصوصا لما فكرت فى موضوع الأفلام والفيديو وازاى اكتب عربى وتعريف الكروت

معظم الحاجات دى بتتحل شوية شوية ..غير النسخة اللى بتستخدمها ..حدث النظام

بس كل حاجه لها حلها حتى العربى ..امس وصلتنى نسخة من اوبنتو ( اسطوانة واحدة مجانية من الشركة نفسها ...عاوز اكثر من كده ) الإسطوانة ممكن تشغلها live وممكن تركب منها اللينكس ...قلت اجرب تركيب النشخة العربى ...برغم انى لا استعملها ...حاجه مش معقولة ...

اولا نزل فى اقل من 20 دقيقة ( خلى بالك انا بستخدم vmare يعنى مش تركيب حقيقى ..المفروض يأخد وقت أطول بس العكس هو اللى حصل )

نزل النظام و بدأت افتح فى البرامج ...الأوفيس موجود انترنت موجودة gmip موجود ...عاوز ايه تانى ...

كفاية موضوع الفيروسات الله ينتقم منها ...

اسطوانة واحدة عليها نظام تشغيل وبرامج ..عاوز اكثر من كده

فيه نسخة اسمها linux DSL دى حجمها ممكن 50 ميجا ...بها معظم ادوات الصيانة وغيره

عن نفسى بأتمنى انى اتعلم لينكس اكثر واكثر

شارك هذه المشاركه


رابط المشاركه
شارك

السلام عليكم

أنا شخصيا جربت اللينوكس من أيام زمان وطبعا هناك تطورات ملحوظة و كبيرة مع كل وقت, بس هو مشكلته ان كل جزء صغير فيه بتعمله شركات مختلفة, لو واحد عرف كل التقسيمات دول هيبقي الموضوع سهل بعد كده

في الأصدارات الجديدة من linux Suse , Fedora Core اصبح تقريبا كالويندوز , أي شئ تريد إضافته ممكن من الCD اللي جاية معاهم بما فيه الOpenOffice, كما أن تعديل أي شئ بقي من الGui يعني ممكن تعمله من غير ما تكتب حاجة

اما بالنسبة لموضوع العربي فأنا خبير فيه, ولو حد نفسه يعرف إزاي تشغل عربي داخل اللينوكس ممكن أكتب موضوع عنه

شارك هذه المشاركه


رابط المشاركه
شارك

لينوكس ضرورة صرفة وليست ترفاً أو حتى خياراً

البرمجيات "الحرة" ضرورة صرفة

بل لا اخفي سرا انها أمن قومي

---

سأتحدث في هذا المضوع بتفصيل

شارك هذه المشاركه


رابط المشاركه
شارك

×
×
  • اضف...