اذهب إلى المحتوى
محاورات المصريين

مدرسة دار السلام الإبتدائية المشتركة


Recommended Posts

السلام عليكم

أخوانى و أخواتى

أنا مواطن مصري مسكين شائت الأقدار غنى أتنقل كتير داخل مصر و خارجها و لذلك فقدت الإتصال بمعظم أصدقائى القدامى

و أنا الآن عندى لهفة شديدة للبحث عنهم و التواصل مرة أخرى

انا كنت فى مدرسة دار السلام الإبتدائية فى كوبرى القبة من سنة 1969 الى سنة 1975 و اسمى محسن الآن انا أعيش فى أمريكا و لكنى حاليا أعمل فى قطر منذ فترة.

أى أحد له إهتمام بالموضوع

رابط هذا التعليق
شارك

أدرك تماما مشاعر الحنين التى تتكلم عنها و أكاد أجزم أنه أنه شعور يشاركك فيه كل من إكتوى بنار الغربة ... و رأيت بنفسى من يقسم بغربته و هو على بعد عشرة كيلومترات من موطنه الأصلى.

ما سبق كان إستهلالا لابد منه

كنت أقيم فى المنزل المواجه لمدرسة دار السلام الإبتدائية المشتركة و المنزل كان 16 شارع دار السلام و البيت كان فى الأصل منزل رئيس الوزراء السابق إسماعيل صدقى و كان مالكه فى أواخر الستينيات الشيخ عبد المنعم اليونسى ، و أخى الصغير - لواء شرطة بالمعاش الآن - لعله قضى بهذه المدرسة آخر ثلاث سنوات من المرحلة الإبتدائية.

أكرر أنى تماما أعرف مشاعرك و لكن مرور السنين تغير - بضم التاء - مذاق الأشياء ...

تنقلت كثيرا فى حياتى - فى رحلة العمر حتى الجامعة مررت بأربعة عشرة مدرسة - و فى مدرسة ملوى الثانوية القديمة للبنين كان لى صداقة مع أحد زملاء فصلى و كان إسمه سامح محمد عبد البديع و كان يجلس على التخته التى خلفى و كان يجلس بجوارى زميل آخر إسمه يوسف عبد الحفيظ و كان إخوانيا ووالده إخوانيا و لم تكن تهمة وقتها - و أنا أتكلم عن سنة 53 أو 54 - و إنتقلت من المدرسة و بعدها تقريبا بأربع سنوات عدت إلى مدينة ملوى زائرا لمدة يوم أو يومين ، و عن لى أن أزور صديقى سامح محمد عبد البديع و كنت أذكر عنوانه و وجدت المكان تغير و إلتقيت بزميلى هذا و لم يعرفنى و أكاد أجزم أنى أيضا لم أعرفه رغم أننا معا تذكرنا أحداث الفصل.

بالنسبة لى كان شعورا مؤلما !!

أقدر كثيرا شعورك بالحنين لأيام الصبا و أيام الزمن الجميل هناك العديد من الأعمال الأدبية الراقية التى تتعامل مع معضلة العبور و التواصل مع مفردات فترات الصبا - أو الشباب - و آخرها رواية شيكاغو للأديب الدكتور علاء الأسوانى.

أمنع نفسى بصعوبة من إرتياد مراتع الصبا و الشباب مفضلا الإحتفاظ بعبق الذكرى جميلا كما هو

أعرف أننى أكاد أمس منطقة قدس الأقداس فى نفسك و لكنها الحياة و مساراتها.

مواطنين لا متفرجين


رابط هذا التعليق
شارك

يا الله على الغربة واللى ممكن تعمله فينا

قد اية انا حاسس بيك فعلا يا استاذ محسن وبمشاعرك اللى اكيد بيحس بيها معظم المغتربيين.

لكن كما قال استاذنا العزيز عادل احذرك من تدمير معنى ورمز جميل طالما حملته فى اعماقك

فكم من مرة حاولت مثلك ان اقبل صديق قديم او ازور مكان كانت لى فيه ايــام جميلة ..ولكنى دائماً ما كنت اصُدم من كم التغيير الذى طراْ على الاماكن وايضا على النفوس.

ولكنى لا استطيع ان الومك لان انا نفسى وبعد كل تجربة اقوم أقنع نفسى بأنى لن اكررها ...لكنى اجد نفسى سرعان ما يغلبنى الشوق والحنين مرة اخرى ......لنا اللـــــــــــــــــــــــــــه

والسلام عليكم

يا غربة يا بـلاد الحنين ....... وخـده قلوب المشتقين

لبلاد بعيـــد عن حبـهم ....... والنهر نهــــــر العاشقين

نهــــر القمــــــــــــــــر ....... عطشـــــــــان سهـــــــر

رابط هذا التعليق
شارك

أستاذ عادل

أستاذ أحمد

أشكركم على الرد الجميل و السريع و أعترف أنى أحسيت اليوم إن التحاور فى الموقع يشعرنى بالتواصل و يشعرنى بالحياة

و عندكم حق فيما ذكرتم من أنه أحيانا يكون الإحتفاظ بصورة الماضى على ما هو عليه يكون أفضل من البحث عنه و مواجهة صدمة أو خيبة الأمل للتغيير

و تصديقا لما ذكرتم فانا هاجرت من مصر لأمريكا سنة 95 و بقيت هناك حتى 2004 و طيلة هذه الفترة كنت أحدث أطفالى عن مصر و جمالها و الناس و الأخلاق و حب الناس لبعضهم و إحساسهم العميق ببعض و مشاركتهم الأفراح و الأحزان و كل الأشياء الحلوة اللى كانت موجودة لحد ما سافرنا أنا و زوجتى

و عندما عدت لمصر كان كل هدفنا أنا و زوجتى اننا نوفر للأولاد الجو الإجتماعى الصحى و التواصل مع العائلة او الأصدقاء و البيئة الدينية السليمة و لكنى للأسف صدمت كما صدم أولادى بما رأينا من إختلاف أنا لم أستطيع تبريره فى المكان و فى الناس و فى العادات و السلوكيات و كل شئ و تمنيت لو أننا أستمرينا فى أمريكا و أحتفظنا بالصورة الجميلة للبلد كما رسمتها لهم بدلا من الخيبة التى رأيتها فى أعينهم بل رأيتها فى نفسى بعدما عشت الإختلاف الكبير فى البلد

و يكفى أنى أقولك أنى لم أتحمل الإقامة فى مصر أكثر من 6 أسابيع و بعدها قبلت أول فرصة فى بلد عربى و ذهبت إلى هناك انا و عائلتى و لست أعتبر أن هذا أفضل و لكنه مجرد بديل للظروف الحالية

و ربنا يبارك فى مصر و يعيدها الى سابق عهدها آمين

محسن

رابط هذا التعليق
شارك

الموقع ده هيبنفعك جدا باذن الله

بتختار الدوله وبتكتب اسم المدرسه او تكتب اسم الشخص اللي بتدور عليه وبيقوم الموقع بالبحث ، الى جانب انك ممكن تسجل بياناتاتك واي حد يعرفك بيزور الموقع وكان من نفس المدرسة هيراسلك بس ابقى طمني عملت ايه

الرابط هو

http://www.graduates.com/Find.aspx

cmp46230e2e20b481.38251498.gif

cmp4623129b2ce4f5.93857836.gif

SGT_TECH_15l.gif

رابط هذا التعليق
شارك

اليكس لوفر .... ازيك

للاسف الموقع دة مغلق (محظور هنا فى الامارات) هنا بيقفلو اى موقع بيكون فية تعارف بين اشخاص او صور ناس بالاضافة طبعا الى المواقع الاباحية ..

شكرا تسلم ايدك هبقى ادخل علية لما انزل مصر (يااااااااااااااااااااااااااااااااااااااااا رب باء تيجى الاجازة بسرعة) :lol:

استاذ mohsensamak

حاسس بيك وكلنا حسين بيك وبنمر بنفس التجربة الى انت حاسسها

الله يصبرنا كلنا كمغتربين .. فاللظروف احكام تجعلك تفقد اصدقائك واهلك وناسك

قاهـــــــــــــــــــــــــــــــــــــــــرى

رابط هذا التعليق
شارك

اختى الفاضلة اليكس

أشكرك جدا على الموقع و على فكرة هو يعمل عندنا فى قطر لكن المشكلة انه لا يحتوى على كل المدارس بالطبع فقد حاولت أدخل باسم المدرسة عربى و إنجليزى لكن لم يتعرف عليها. مافيش مشكلة المهم أشكرك حتى تستغيث.

أنا لازم أعترف إن المنتدى ده ممتاز و يبدو لى من الفترة القصيرة اللى قضيتها معاكم انه الناس هنا اصدقاء فعلا و مرتبطين ببعضهم جدا و ده شئ جميل و مهم فى زماننا ده

صباح الفل أخى قاهرى

مالك مستعجل على الأجازة أوى كده ؟

السؤال هنا هل الناس بتستمتع بالإجازة السنوية فى مصر حقا؟ أنا الحقيقة بأقول انه مرة كل سنتين كفاية و الا إيه رأيكم؟

محسن

رابط هذا التعليق
شارك

لا سنتين كتير قوي

انا جربت سنة وجربت سنتين ولقيت ان سنتين مرهقة جدا ...

على فكرة سؤال هل اسمك ده هو اسمك الحقيقي ؟؟؟ لاني اعرف واحده من الاسكندرية لقب عائلتها (سمك) قلت يمكن تكون تعرفها

cmp46230e2e20b481.38251498.gif

cmp4623129b2ce4f5.93857836.gif

SGT_TECH_15l.gif

رابط هذا التعليق
شارك

أخى ألكس

أنا آسف جدا فى الرد السابق كتبت أختى و لم الاحظها إلا دلوقتى بس أأسف للعطل الفنى

أيوه ده إسمى الحقيقى بس أنا مش من الإسكندرية أنا قبل ما أسيب مصر كنت عايش بين القاهرة و الإسماعيلية و أصل العائلة مش متأكد منين بالضبط لكن فى عرق صعيدى على قاهرى

أنا أعرف إنه فيه لنا قرايب فى الإسكندرية لكنى لا أعرف أحد منهم أخوتى اللى فى مصر يعرفوهم يمكن تكون اللى بتتكلم عنها منهم

أنا خارج مصر من 95 كنت فى أمريكا و الآن فى الخليج من 2004

العيشة فى أمريكا هى اللى عودتنا أنا و مراتى إننا ممكن نصبر على البعد عن مصر بس بينى و بينك لما تبعد و انت فى أمريكا غير لما تبعد و انت فى الخليج ........فرق كبير من نواحى كتير و ابسط شئ اننا ممكن نكلم مصر فى التليفون يوميا و الفاتورة تييجى بحوالى 150 دولار مثلا لكن هنا لو اتكلمت كل يوم يمكن تحتاج تحول راتبك على شركة التليفونات من الآخر.

عمت مساءااً

رابط هذا التعليق
شارك

السلام عليكم ورحمة الله...

الحقيقة حضرتك كنت كاتب فعلا أخى اليكس..وانا من قمت بتصحيح الاسم لان alex lover سيدة وبالتالى فهى اختى ..

باستاذن حضرتك ان تصحح الاسم لو مافيهاش ازعاج...او اقوم انا بتصحيحه ...:lol:

شكرا واهلا بك معنا.... :lol:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

أختتتتتتتى ألكس لوفر

مرة تانية آسف مع تشديد السين و :lol: و الله انا افتكرت ان انا اللى غلطت (واحد مصمم بقى )

على فكرة انا كل الحكاية ان الكس معلق معايا كاسم راجل و امبارح بس أخدت بالى انها من اسكندرية , أعذرينى يبدو ان كان لسه بدري ان الواحد يفهم

على فكرة استكمال موضوع نزول مصر كل أكتر من سنة هوه برضه بيعتمد لحد كبير على الموجودين هناك يعنى وجود الأب و الأم فى رأيى يخليها فرض عين و الأخوة برضه مهمين جدا لكن مع الفارق ان كل واحد بيبقى له حياته و مشغول

سلام،

محسن

رابط هذا التعليق
شارك

الأخت فلانة

أشكرك جدا على انك لحقتينى قبل ما أتمادى فى الخطأ و أنا صححت خلاص و أشكرك على عرضك بالتصحيح

و خلينا أسألك هوه انتى من المشرفين ؟ علشان اذا كنت من المشرفين أرجو انك تتقبلى تحياتى بهذا المجهود المحترم و البناء و شكرا على ترحيبك بى

محسن

رابط هذا التعليق
شارك

ههههههههههههههههههههه ... اخوك اختك مش مشكله المهم اننا مصريين ... :D

شكرا يا فولانه على متابعتك واهتمامك بكل صغيرة وكبيره

استاذ محسن بخصوص المقارنه بين غربتك في امريكا او غربتك في بلد خليجي .. اؤكد لك ان غربتك في بلد اسلامي بتسمع فيها الاذان في كل حته وبتصحى على صوت اذان الفجر وبتسوف مسلمين كتير فاهمين تقاليدك وعاداتك وبيحترموها احسن كتير من الحياة في مكان بين كل مسجد واخر كام ميل .... بلد متقدر ش تسيب ولادك يعيشو حياتهم الا تحت الميكروسكوب علشان خايف يتاثرو بعادات وتقاليد مش بتاعتنا ...وطبعا انت عارف الباقي .. حتى لو كانت فاتورة التليفون غاليه ... غربه بغربه بقى

cmp46230e2e20b481.38251498.gif

cmp4623129b2ce4f5.93857836.gif

SGT_TECH_15l.gif

رابط هذا التعليق
شارك

ألكس لوفر أخبارك إيه؟

على ىفكرة شكلك كده جربت العيشة فى بلاد الخواجات لإن اللى بتتكلمى عنه ده ما يعرفوش غير حد مجربه و هوه صوت الأذان و شكل النساء المحجبات و خلافه من المظاهر الإسلامية

و صدقينى لما أقولك إن ده كان أحد الأسباب اللى رجعتنى من أمريكا و مع إن إحنا كنا بنحاول نتحايل على المظاهر دى و نعملها فى البيت عندنا زى مثلا إذاعة الأذان على الكمبيوتر و تخصيص غرفة فى البيت علشان تبقى مسجد و حاجات من دى لكن المشكلة اننا أول ما نطلع من البيت كأن لم يكن و على طول نلاقى نفسنا بننفصل عن نفسنا

و هذه المشكلة ممكن يكون تأثيرها ضعيف علينا (الكبار) لكن على الأولاد فهى منشأ ما يسمونه culture و زى ما إنت ذكرتى عن الإسكندرية و زكرياتك فيها و المترو و محلات الفول هى دى الحاجات اللى بتبنى فكر الواحد و توجهاته و أكتر من كده إنتماؤه

يعنى أنا مثلا أول رمضان عدى على هناك كان صعب جدا و أصعب حاجة فيه إن ما كنتش بأسمع النقشبندى على الفطار لكن تانى رمضان عملت حسابى و طلبت الشرائط بتاعته و كذلك آذان محمد رفعت و طبعا كنت باشغلهم يوميا ساعة المغرب، الحاجات الصغيرة دى كانت بتدينا إحساس إننا لسه عايشين فى الدنيا الأطفال الصغيرين بقى لازم يعتادوا الحاجات دى من مصدرها علشان تبقى لها نفس التأثير عليهم

أنا لو فتحت فى تجربة الهجرة دى مش ح أخلص على أى حال هيه مكسب و خسارة و لكن خلينى أأكد على اللى إنت ذكرتيه فى ردك إن الغربة غربة مهما كانت طالما انت مش فى أرضك اللى نشأت فيها

على فكرة أرجو أن تقبلينى عضوا فى رابطة محبى الإسكندرية قصدى مصر و خلينى أسألك هوه انت ألكس لوفر و كايرو هيتر ههههههههه

باين من كلامك إنك مرتبطة قوى بإسكندرية و بصراحة هى تستاهل ، انا مش إسكندرانى لكنى بأعشق البلد دى و ميزة الإسكندرية انها تتحب فى كل أوقات اليوم بعكس بلاد تانية مثل إسماعيلية مثلا اللى تتحب عند الغروب فقط و بورسعيد الصبح و دمياط الخميس باليل ( ده مجرد رأى و أرجو إن ماحدش يزعل)

تحياتى و تصبحون على خير

محسن

رابط هذا التعليق
شارك

اخي الفاضل محسن

اولا وقبل اي شئ احب اعرفك انك عضو في رابطة عشاق مصر من دوقتي بس ماتبخلش علينا بذكرياتك وبما انك عندك خلفية عن بورسعيد والاسماعيليه يبقى اكيد ذرتهم ياريت تحكيلنا شويه عن ذكرياتك فيهم

بالنسبة لسؤالك عن اني جربت العيشه في بلاد اجنبيه لا محصليش الشرف .. بس اللي قلته ده شئ متوقع يعني اول ما تفكر انك هتعيش في المكان الفولاني بتقعد تتخيل حياتك هتبقى شكلها ايه هناك بناء على تقاليدهم اللي احنا كلنا عارفينها

بالنسبة لعشقي للاسكندرية فده لاني اسكندرانية ولكن لا يمكن اكون كارهه القاهرة بالطبع لاني زعيمة رابطه عشاق مصر وليست رابطه عشاق الاسكندرية فقط بس الصدفة ان اغلب الاعضاء اسكندرانيين :roseop:

انا باحب مصر كلها شرقها وغربها وشمالها وجنوبها بس اسكندرية هي ذكرياتي كلها

يالله شد حيلك وورينا مساهماتك في الرابطة المصرية :D

تم تعديل بواسطة Alex Lover

cmp46230e2e20b481.38251498.gif

cmp4623129b2ce4f5.93857836.gif

SGT_TECH_15l.gif

رابط هذا التعليق
شارك

  • بعد 7 سنة...

البحث عن الزمن الجميل هل يمكننا العودة إليه ؟ توجد كتابات أدبية مشهورة حول العودة للماضي ..... أعتقد أن نجاح موقع التواصل الإجتماعي فيس بوك يرجع لمخاطبته العودة للزمن الجميل

مواطنين لا متفرجين


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...