النجم الساحلي يسحق الأهلي

[م.سامح المصرى]

ولقد علمت من مصادر مشكوك فيها إن هناك مسيرية مليونية ستتوجه من ميت عقبة بالجيزة سيراً على الأقدام إلى قصر العروبة بمصر الجديدة لمطالبة السيد الرئيس بحضور مباراة الاهلي وبتروجيت والتي ستقام وم 26/11 والتي ستحدد بشكل واضح الفريق الذي سيعتلي قمة الدوري ..... وسيشاركهم في تلك المسيرة جميع بائعي الأنابيب والبوتاجاز واعضاء نقابة التنقيب عن البترول طبعاً مدعومين من جماهير نادي الزمالك ....

ميت عقبة يا نهار

علي فكرة بجد ميت عقبة كانت زمان زملكاوية انما دلوقتي حاجة تانية

يعني انا ازكر ان احنا وناس تانية ساكنة جنبينا الي كنا اهلوية في الشارع بتاعنا

وكنا اية بقي علمين حمر متعلقين في الشارع بس وانتا عارف بقي الزملكاوية

وكل الشارع اعلام بيضا وكبيرة

متش ورا متش من ساعت ٦/١ لقي الاعلام بتتشال دا بجد حقيقي

والي شال علم الزمالك وحط علم الاهلي

وكان بقي في واحد جنبينا اية بيستنا متش الاهلي علشان يخسر من اي فريق ويعد يهيص

اجي اكلمة عن الزمالك وبطولاته واقولة هوا انتوا عارفين تاخدو بطولة عدلة يقولي سيبك سيبك

بس ما تقلقش يا سي السيد انا هاكون في وسط المسيرة دي وهاعمل عملين استشهادية

(هافرقع صاروخ من ابو بريزة دا ) هاتلاقي الزملكاوية اية

كل واحد في حته

[أبو محمد]

سي السيد كتب :

ما تحضرنا يا إكسلنس ولا أنت بتدخل تتسحب وتقرأ وتضحك في الخباثة وسايب أخوك موديست طايح فينا وعاملي أهلاوي ومعلق صورة أبو تريكة في أوضتك وتقولي ساحات شعبية ومباريات خماسية ؟

هو الإكسلانس يبقى أبومحمد :lol:

أهو كدة الشغل ياعم الجنرال واللا بلاش اللي مايجيش من الأهلوية بالترغيب نجيبه بالترهيب :yahoo:

ياأبو محمد ياأمير - محمود محمود راح الاتصالات من زمان- أما بشير فبيمثل حاليا خط الهجوم الأول لأي عدو بيلاعب الزمالك :110:

لا ياسيادة اللوا .. مش أنا الإكسلانس .. أنا عارف س. س بيقصد مين .. وأكيد انت برضه عارفه .. أومال .. مش لوا ؟ وزعيم الفيلق الأبيض ؟ أكيد عارف كل حاجة :wub:

ياأبو محمد ياأمير - محمود محمود راح الاتصالات من زمان- أما بشير فبيمثل حاليا خط الهجوم الأول لأي عدو بيلاعب الزمالك :blink:

طبعا يا زعيم عارف إن حودة حودة فى الاتصالات دلوقت .. حتى بالنهار لعيب كورة وبالليل برج .. بيعلقوا عليه أطباق الميكروويف :wub:

أنا باتكلم على وقت زرع رأفت الهجان .. يوووووه ... قصدى زرع مرتضى منصور :P

[Modest]

وإذ بي أُفجأ برسالة تهديد قصيرة تصلني على الموبيل ومن مين ؟

من أقرب الناس لي .. ومن صاحبي وحبيبي اللي اكلنا مع بعضينا عيش وملح وياما سهرنا سوا في الفنادق والمطاعم والإستراحات وكنت باعامله زي إبن من ابنائي ..

وهو الفاضل موديست

ويقول في رسالته

" بالنيابة عن نفسي وبالأصالة عن جميع الزملكاوية أناشد السيد الرئيس القائد بحضور جميع مباريات الأهلي " ................. إنتهى

طيب احضرنا يا أبو محمد علشان الراجل ده هايجنني خلاص :D

فيها إيه لما فكرت أطلّع (قصدي أرفع) روحه المعنوية و اسانده في محنتُه

فيها إيه لما أتمنى حضور راعي الرياضة و الرياضيين كل مباريات النادي الأهلي الحبيب .. ده انا نفسي إنه لا يكتفي بحضور مباريات الأهلي .. يا حبّذا لو كمان حضر التدريبات علشان نجيب من الآخر :wub:

خلاص يا عم هابقى أدعي في سرّي و مش هأقول لك عمّا يجول بخاطري مرة تانية :wub:

ما تحضرنا يا إكسلنس ولا أنت بتدخل تتسحب وتقرأ وتضحك في الخباثة وسايب أخوك موديست طايح فينا وعاملي أهلاوي ومعلق صورة أبو تريكة في أوضتك وتقولي ساحات شعبية ومباريات خماسية ؟

خلي الإكسلانس في حالُه و كفاية اللي جرى له مني dtcv:

أيوه يا ياسى السيد .. هو بعينه مفيش غيره .. هو بوشه السِمِح ونظراته الذكية (وش رياض القصبجى فى اسماعيل يس فى الأسطول) ...

ذكرتنا بموقف من أحلى المواقف و أحلى الأفلام في تاريخ السينما

:cry: :D

تم تعديل 14 نوفمبر 2007 بواسطة Modest

[أبو محمد]

طيب احضرنا يا أبو محمد علشان الراجل ده هايجنني خلاص :lol:

فيها إيه لما فكرت أطلّع (قصدي أرفع) روحه المعنوية و اسانده في محنتُه :lol:

فيها إيه لما أتمنى حضور راعي الرياضة و الرياضيين كل مباريات النادي الأهلي الحبيب :wub: .. ده انا نفسي إنه لا يكتفي بحضور مباريات الأهلي .. يا حبّذا لو كمان حضر التدريبات علشان نجيب من الآخر :P

خلاص يا عم هابقى أدعي في سرّي و مش هأقول لك عمّا يجول بخاطري مرة تانية :cry:

شوفت يا جنرال :lol:

أخوك News Bot جابلك خبر زى الفُل يثلج صدر كل أهلاوى .. ويخليهم يقدَّروا شعورك الطيب من ناحيتهم وتمنياتك لهم أن يتدرب فريقهم فى جو من البهجة بدون إصابات رباط صليبى أو وفاة لاعيب من عندهم :blush2:

بيقول لك CNN : "لعنة الفراعنة" تلاحق النجم التونسي بعد فوزه بكأس أفريقيا

قال "الفراعنة" قال ...... هو مفيش غيره :blush2: ... كانت عينه حتطلع والعيال بتوع النجم الساحلى بيستلموا الكاس من تحت ضرسه .... قال على رأى المثل .. "العين فلقت الكاس نُصِّين" :lol:

[kokowawa1979]

صباح الفل على حبيبنا الغالي أبو محمد - أنا مش عارف الأهلوية من غيرك كان هايبقى حالهم إزاى في المحاورات - مع إنك اتحاداوي :blush2:

أنا قرأت الخبر في الصحف المصرية وكانوا عاملين منه كوبي من نفس موقع سي إن إن - لكن اللي مش مالي دماغي في الخبر ده - هو الكاس ده مصنوع من زجاج كسر - يعنى الزجاج المعاد تدويره - طيب ده حتى الكوباية تمسكها وترزعها في الأرض ماتتكسرش :blush2:

أكيد ده ملعوب من ملاعيب مصطفى باشا فهمي ممثل الأهلي في الاتحاد الأفريقي - كان واخد معاه كاسين - واحد للأهلى لو فاز وهو الأصلي بالطبع - وواحد تايواني إذا حد نفخ فيه ينكسر :lol: وده بالتأكيد اللي تم تسليمه لكابتن النجم - مع إننا كلنا لاحظنا لما أحد فتوات جماهير الأهلي جذب كابتن النجم وهو ماسك الكاس والكاس وقع وماحصلوش أي حاجة !!!

لأ بجد فكرة كسر الكاس دي صعبة التقبل شوية - وإلا فين صورة الكاس المكسور !!!!!!!

الظاهر إن الأهلي سره باتع لإن حتى السي إن إن مش مصدقة إن مرسي الزناتي اتهزم لحد دلوقت !!!!

[se_ Elsyed]

مما لا شك فيه إن جمهور الزمالك يتميز بإنه وللامانة زي ما بيدوروا على عيوب الاهلي وفضايحه فعشان يعدلوا الميزان فهما كمان بينتقدوا فريقهم ويعترفوا لو في تحيز تحكيمي له وبيبقوا مستاءين وما بيجلهمش نوم بالليل .. وكمان إستخراع خطف اللعيبة من سرايرهم اللي أشتخرعوه8 واتهموا به الأهلي .. فهما يستنكرون أيضاً ما يفعله الزمالك ...

حتى شوفتوا كوكو وجميع عموم جماهير الزمالك ماليين الدنيا إنتقادات وهتافات ضد فريقهم لإنه بيفاوض بل عمل كشف طبي على لعيبة بيلعبوا لسه لأنديتهم ولسه إحنا في نص الموسم ... ومع ذلك قارب على الإنتهاء من ضمهم .. العجيب بقى إنه لم يفتح أي سيرة مع انديتهم ... واعني هنا احمد سمير لاعب الزمالك السابق واللي كان ضمه أعتقد من البلدية وحطه ف يالتلاجه عنده ولما سرحوا بدون مقابل الولد تألق في حرس الحدود فبيلف ويدور الزمالك دلوقت وعايز يشتريه تاني من ورا ناديه .... واللاعب الأخر محسن هندواي اللي المواقع الزملكاوية أكدت إنه حضر إلى الزمالك وأجرى الكشف الطبي بالرغم من إن اللاعب لا يزال مقيد ونجم في نادي المحلة .........

مش قلت لكم ... ميزان عدالة ياخواننا ...

إوزن لي يا كوكو وحياة ولدك تُمن جبنة رومي وإتوصى :blush2:

[kokowawa1979]

آدي أخرة الدخول على النت من غير فطار ياعم سي السيد

إحنا عماين نزعق ونقول الكاس انكسر وشوفوا للنجم الساحلي حل - وانت جاي تقول الزملكاوية ماسكين ميزان سنية العامشة وبيلعبوا بالكلام :happy:

على الرغم من كدة هارد عليك واقول لك :

إرجع للموقع إياه اللي بتحب تسرح فيه كتير هاتلاقي إن أحمد سمير نفى توقيعه للزمالك بكل أدب واحترام - وطبعا مش هاجيب الوصلة لإن أنا عارف ناس كتير بتكره الموقع ده ومع ذلك كل يوم يزوروه B) ماسوخية بقى يا سي السيد B)

أما بالنسبة لهنداوي - هو الرجل هرب من معسكر المنتخب المغلق وراح عمل كشف طبي علشان وقع للزمالك !!!! جديدة دي بجد يا س.س B)

ياعم سي السيد ماتجريش ورا أبو لمعة بتاع الجمهورية وركز شوية - أحسن انت من يوم أكلة العكاوي مش مركز خالص لدرجة إن الهارد ديسك ضرب ( بتاع الكمبيوتر لاحسن تفهمني غلط B) )

على فكرة إحنا هنا في سوق العبور مانبيعش قطاعي - كله جمله - يعني أقل كميه جبنة رومي عندنا 10 أقراص على الأقل - قلت إيه ؟ B)

ولك تحياتي يازعيم

[ابو محمود]

[quote name='se_ Elsyed' date='Nov 18 2007, 08:09 AM' post='312157']

مما لا شك فيه إن جمهور الزمالك يتميز بإنه وللامانة زي ما بيدوروا على عيوب الاهلي وفضايحه فعشان يعدلوا الميزان فهما كمان بينتقدوا فريقهم ويعترفوا لو في تحيز تحكيمي له وبيبقوا مستاءين وما بيجلهمش نوم بالليل .. وكمان إستخراع خطف اللعيبة من سرايرهم اللي أشتخرعوه8 واتهموا به الأهلي .. فهما يستنكرون أيضاً ما يفعله الزمالك ...

حتى شوفتوا كوكو وجميع عموم جماهير الزمالك ماليين الدنيا إنتقادات وهتافات ضد فريقهم لإنه بيفاوض بل عمل كشف طبي على لعيبة بيلعبوا لسه لأنديتهم ولسه إحنا في نص الموسم ... ومع ذلك قارب على الإنتهاء من ضمهم .. العجيب بقى إنه لم يفتح أي سيرة مع انديتهم ... واعني هنا احمد سمير لاعب الزمالك السابق واللي كان ضمه أعتقد من البلدية وحطه ف يالتلاجه عنده ولما سرحوا بدون مقابل الولد تألق في حرس الحدود فبيلف ويدور الزمالك دلوقت وعايز يشتريه تاني من ورا ناديه .... واللاعب الأخر محسن هندواي اللي المواقع الزملكاوية أكدت إنه حضر إلى الزمالك وأجرى الكشف الطبي بالرغم من إن اللاعب لا يزال مقيد ونجم في نادي المحلة .........

تسلم اأيدك ياسى السيد جووووووووووووووووووول جووووووووووووووووووووووول

ياريت بقى نسمع هيردو أزاى على الحقائق ويخالو بالهم الميزان أهو هنوزن الكلام بالملى مش بالجرام

مش قلت لكم ... ميزان عدالة ياخواننا ...

إوزن لي يا كوكو وحياة ولدك تُمن جبنة رومي وإتوصى

[/q

[Modest]

*************************************************************

*************************************************************

العضو الفاضل سي السيد

لا حظنا خروجك مِراراً عن المسار الأساسي لهذا الموضوع، ألا و هو "فضيحة النادي الأهلي اللي بجلاجل" و محاولة التشويش بإدخال أطراف أخرى في الموضوع.

رجاءاً الالتزام بالموضوع الأصلي و إلا ستعرض نفسك لقائمة الجزاءات المنصوص عليها.

الإدارة

[Sameha]

بالرغم من إنى زملكوية ولكنى حزنت لهزيمة الأهلى المذلة وحزنت أكتر لشماتة جماهير مصر فى الأهلى لأنه لا شماتة فى الموت أبدا .... وما فعله النجم بالأهلى هو تهزئ أفضى إلى موت ....

وياريت نفتكر إن أهلينا (الأهلى بتاعنا) فوق الجميع وأصبحت تنسب إليه صفات لا طاقة لبشر فى إدراكها مثل العبارة الآتية التى تعبر عن حال كل أهلاوى: " يولد الإنسان أهلاويا ولو غير ديانته و أصبح زملكاويا تبقى الديانة الرسمية الأهلى." دى كتبها صحفى أهلاوى .....

[kokowawa1979]

إيه ياأستاذ محمود ماحنا ردينا على زعيمكم على النقطة دي واللا إنت ماأخدتش بالك !!!!

الزعيم الروحي والحقيقي للزملكاوية المشير موديست ( ماهو مش معقول تفضل جنرال على طول ) كتب:

العضو الفاضل سي السيد

لا حظنا خروجك مِراراً عن المسار الأساسي لهذا الموضوع، ألا و هو "فضيحة النادي الأهلي اللي بجلاجل" و محاولة التشويش بإدخال أطراف أخرى في الموضوع.

رجاءاً الالتزام بالموضوع الأصلي و إلا ستعرض نفسك لقائمة الجزاءات المنصوص عليها.

الإدارة

طول عمرك عسل يامشير :lol:

[Modest]

حبيبي كوكو :D .. بلاها ألقاب الله يكرمك و خلينا زمالكاوية غلابة بنرضى بقليلنا wst::

و أرحّب بالأخت الفاضلة Sameha :lol: ماشاء الله بداية قوية و مُبَشِّرة

تم تعديل 19 نوفمبر 2007 بواسطة Modest

[se_ Elsyed]

إزيك يا سميحه .. طالما رضيتي تبقى في مُعسكر الإعداء ..

إذن فسلطنة بورنجا تُعلن الحرب على محلات الكُشري .... هججججججججججججججوم

بس خدي بقى غيري ريقك بالخبر الطازة ده وفاصل ونواصل

زكي يتهم منصور بسبه وضربه .. والزمالك يحقق مع اللاعب

الأحد، 18 نوٍِفمبر 2007 - 16:17

بقلم: خالد طلعت

قال عمرو زكي لاعب الزمالك إن أيمن منصور المدرب العام للفريق اعتدى عليه بالضرب والسب عقب تمرين الأحد، فيما حول النادي مهاجمه الدولي للتحقيق بتهمة محاولة التهجم على منصور.

وأضاف زكي لـFilGoal.com "تعمد منصور القسوة علي في التدريبات حتى شعرت بالإرهاق وقررت الحصول على بعض الراحة في غرفة خلع الملابس وعندها لحق بي منصور ووجه لي ألفاظا خارجة واعتدى علي باللكلمات".

وحاول FilGoal.com الحصول على تعليق من منصور ولكن الأخير أغلق هاتفه المحمول.

وأكد زكي أن معتمد جمال المدرب المساعد وقائد الفريق حازم إمام وعبد الواحد السيد ومحمد أبو العلا شهود على الواقعة.

ومن جانبه، أعلن الزمالك تحويل زكي للتحقيق "نظرا لما بدر منه صباح الأحد خلال مران الفريق حيث وجه ألفاظا غير مقبولة وحاول التهجم على مدير الكرة والمدرب العام أيمن منصور".

وقال النادي في بيان نشره عبر موقعه الرسمي إن لجنة التحقيق تضم أحمد توفيق حافظ عضو مجلس الإدارة واللواء علاء مقلد مدير عام النادي وطه بصري عضو لجنة الكرة ومعتمد جمال إضافة إلى مسؤول من الشؤون القانونية.

وأضاف البيان دأب زكي على عدم الالتزام بتعليمات الجهاز الفني وعدم التدريب بشكل جدي الى جانب عدم الانتظام في المران".

وسمعني يا سيدي أغنية " خالتي يا أم زكي .. زكي بيعيط "

المصدر : جميع الوسائل الإعلامية المقروئة والمسموعة

بالعند فيك يا موديست هاغير الموضوع وهاكون إنسان جديد ... وفي بطولة افريقيا اللي جايه خلاص هاشيل حديد ... وهيييييييييييييييه

[amrhoras]

صباح الخير يا سين سين

انا زعلان منك جدا جدا جدا لدرجه لا تتخيلها

عاوز تجيب خبر كويس ميكونش بالمنظر ده ده خبر اصغر مايكون :ph34r:

تقولى ليه ياعمرو ياخويا !!!!!

اقولك نفسي اصطبح كدى على خناقه زى بتوع زمان سكاكين وسنج mc: وضرب وتطحين بقى واسعافات وبوليس ونيابه وواحد يقول اه ياعيني هو ده اللى فقعلى عيني prt:

ايه الخناقات اللارج دى حتى po:: الخناقات بقت تواكب عصر العولمه سب وكدمات(تلاقيه قله امشي يا قليل الادب حضربك وراح لطخه ع كتفه)

وعمى الحاج عمرو ايوه الله على اسمي عمرو شوف جمال الاسم ع م ر و الله ياخونا عمرو نغمه مش كدى والله :rolleyes:

احم احم نرجع للموضوع

هو اللى انتوا بتتكلموا عليها رياضه دى ولا قوطه؟ مدرب من المدبح ولعيبه نص كوم :blink:

يله احنا عملنا اللى علينا جاى اهدى النفوس بس

بس الصراحه الاخوه الاهلويه غلطوا فى الاخوره الزمالكويه

كان معكم مراسل الرياضه د/حورس من امام قسم الازبكيه

تم تعديل 19 نوفمبر 2007 بواسطة amrhoras

[kokowawa1979]

شفت يا مشير موديست - أهو الزعيم دخل في عناد زي صاحبنا مابيعاند الشعب

ياعم سي السيد أخبارك دي بايتة قوي - لو دخلت على الموقع حبيبك هاتلاقي إن عمرو زكي شكلوا له لجنة ثلاثية للتحقيق في هذا الموضوع - وده بيديلك مثال إيه الفارق بين الزمالك واللي بالي بالك :rolleyes:

إحنا عندنا شفافية - والتانيين يضربوا المدرب بالجزم والكراسي في المدرجات - والآخر يعملوا زفة بلدي ويروحوا يستقبلوه في مطار القاهر بمناسبة عودته من العاصمة البرتقاية قصدي البرتغالية بالسلامة !!!

ماقولتش إنت عايز كام قرص جبنة رومي ياحاج

الأستاذة سميحة : إوعي تخافي من تهويش الأهلوية طول ما المشير موديست موجود

حبيبنا الغالي الدكتور النوبتجي عمور :

ماتخليك بعيد عن القسم لاحسن تلبس قضية :ph34r:

تحياتي للجميع

[amrhoras]

حبيبنا الغالي الدكتور النوبتجي عمور :

ماتخليك بعيد عن القسم لاحسن تلبس قضية

تحياتي للجميع

الله قضيه ياترى شكلها ايه بس عاوزها مظبوطه عليا يا أ/كوكواوا :rolleyes:

ياباشا انت اعطيت الاهلى كلمتين فى العضم وكرسي فى الكلوب بحكاية الشفافيه دى ولجنه ثلاثيه

بس بحب اناغشكم بيقولوا القط ميحبش الا .....

تحياتى للجميع بس كلامكم شكله حلو كدى ياريت نبعد عن العصبيه بس :ph34r:

تحياتى للزماهلويه عمرو

[عرباوى]

شكــــــــــــــرا لكل الاهلــــــــــــــــوية

[عرباوى]

بنالتى أبو تريكة وبنالتى أحمد شديد

ليه مش عارف احمـل الصور اللي في المرفقـــــات

ياتيني رسالة خطــــأ في استخدامك للمنتدي

[حسام يوسف]

انا زملكاوى

ولكن لو ثبت ان ما قاله س س صحيح من تفاوض نادى الزمالك مع لاعبين أثناء الموسم

فنحن كزملكاوية سنتخذ اجرائين:

1)ادانة هذا التصرف لأن المبادئ لا تتجزأ

2)ارسال برقية تهنئة للنجم الساحلى على فوزه على الأهلى على صندوق بريد3-1

[Sameha]

وسمعني يا سيدي أغنية " خالتي يا أم زكي .. زكي بيعيط "

المصدر : جميع الوسائل الإعلامية المقروئة والمسموعة

بالعند فيك يا موديست هاغير الموضوع وهاكون إنسان جديد ... وفي بطولة افريقيا اللي جايه خلاص هاشيل حديد ... وهيييييييييييييييه

الأخ سى السيد ..... :blush2:

.... ولو إنى مش عارفة إيه علاقة عمرو زكى و أفاعيله الصبيانية بهزيمة الأهلى المذلة أمام فريق النجم الساحلى وبهدلة الأهلى وجماهيره الغراء أمام فريق من المكافحين ... بس فكرتنى بصالح سليم صنم الأهلى الأكبر و وثن الجزيرة الأحمر و صاحب مقولة "الأهلى فوق الجميع" لما لطش ميمى عبد الحميد بالقلم ثم بالقفا وشلوت وطرده بره الملعب دون أى تحقيق من إدارة نادى الأهلى الموقرة .....

فكرتنى برضه بالسباب الجماعى لجماهير المبادئ للواد شيكابالا من قلة لا تتعدى التمانين ألف - حوادث فردية طبعا دول يا دوبك تمانين ألف- وعنصرية جماهير الأهلى الوطنية وهى تسب فتى أسمر وتعايره بلون بشرته ونوبيته ونعتت أمه بالزنا ....

فى موضوع عمرو زكى ... دور على المرأة ... قصدى على الأهلى ... الولد خد عظة و درس من اللى جرى له و لغيره و من تصيد إتحاد الشفايف لإخطاءه و بهدلته إعلاميا من بلاء كاذب و شوبير و المجرى و شاف إن اللعب للزمالك يشبه مقاومة الإحتلال الإسرائيلى بالحجارة .... تحكيم يوك و إعلام يوك و شتائم أهلاوية جماهيرية -قلة يعنى يادوبك عشرات الألوف- فى حماية الحكومة و وكالة الأهرام بينما لاعبى الأهلى الكسر من أمثال شادى محمد و احمد السيد يقولوا اللى هم عايزينه علنا وبدون مسائلة ومستواهم وحش و يتم ضمهم للمنتخب .... شاف إينو يهرب بتخاذله على مدار سنتين وتفرد له صفحات للدفاع عنه ويختمها بإنضمامه للمنتخب و هو لم يلمس كرة لشهور طويلة ..... شاف فلوس وكالة الأهرام و عقود إعلاناتهم نازلة زى السيل على لاعبي الأهلى و شاف جرائم الأهلى المتكررة من تزوير فاضح وتهليب و سرقة أموال عامة وجرائم إغتصاب داخل جدران الأهلى وخناقات بالسنج والمطاوى- بس طبعا كلها مبادئ و بالدااااستور على المرحوم السادات - يتم التعتيم عليها بينما اى خناقة بين عامل الكافتريا و نادل بنادى الزمالك يخرج علينا إبراهيم باشا حجازى و باقى شلة الفساد بعناوين ومنشيتات من عينة" إنهيار الزمالك" و"الزمالك...إلى متى" و " الزمالك واليهود" وباقى المنشيتات اللى بتداعب جماهير الأهلى - قلة منهم طبعا لا تتعدى العشرة مليون - وتكرس الجهل .........

عموما... من الحكمة التروى فى تناول قضايا الزمالك ولاعبيه من قبل الأهلاوية وحتى و هم بيمروا بمرحلة إنعدام التوازن بعد فضيحة النجم و صدمة الكابوس الساحلى .... لأن كل دول الأهلى بيسرقهم بعد كده زى صديق والسعيد وبيتحولوا إلى أولياء :unsure: .... عشان بس متلحسوش كلامكم كالعادة ....

على فكرة .... بيقولوا الأهلى حيشترى فريق النجم عشان يضمن عدم بهدلته مستقبلا و إتحاد الكرة حيرفع عدد المقيدين بالقائمة إلى 60 لاعب دون التقيد بعدد أجانب زى ما إتحاد عصام عبدالمنعم عمل ....