اذهب الي المحتوي
MZohairy

حد عنده معلومات عن الحياه في مسقط (سلطنة عمان)

Recommended Posts

اخواني الأعزاء

محتاج مساعدتكم في الحصول على المعلومات المعيشية في مسقط

و خصوصا المعلومات الاقتصاديه و مستوى الأسعار وايجارات السكن و خلافه

وايضا مميزات و عيوب العيشه هناك

اللي عنده المعلومات دي ميبخلش عليا بيها و كل سنه وانتو طيبين :closedeyes:

شارك هذه المشاركه


رابط المشاركه
شارك

الاخ الفاضل زهيرى

كل عام و انت بخير

للاسف لاتوجد لدى معلومات عن عمان و لكن......................

هل ترى ان عمان ظروفها افضل من السعودية؟؟؟

مع خالص تحياتى

تم تعديل بواسطة اسكندرية تانى

شارك هذه المشاركه


رابط المشاركه
شارك
اخواني الأعزاء

محتاج مساعدتكم في الحصول على المعلومات المعيشية في مسقط

و خصوصا المعلومات الاقتصاديه و مستوى الأسعار وايجارات السكن و خلافه

وايضا مميزات و عيوب العيشه هناك

اللي عنده المعلومات دي ميبخلش عليا بيها و كل سنه وانتو طيبين :hearts:

اخي العزيز

بالرغم من انى اعيش ببلدة صحار - تبعد عن مسقط بـ 200 كم تقريبا - الا انى سأحول ان افيد:

الاقتصاد فى سلطنة عمان جيد وينمو بسرعة ولكن بثبات. لاتجد هنا جنون دبي او حتى رخاء السعودية. فقد تأخروا فى البداية كثيرا واعفنى من ذكر الاسباب . المهم انها من ناحية الاسعار فهي تشبه اسعار الامارات كثيرا ان لم تكن ازيد قليلا وذلك مرده الجمارك والرسوم المفروضة .

ايجارات السكن تتراوح من 200 الى 400 ريال عماني وهو مايعادل 1800 الى 3800 درهم اماراتى او اقل حيث ان الريال العماني يساوي 9.45 درهم اماراتي و 14.5 جنيه مصري.

مميزات العيش هنا كثيرة منها الهدوء والاستمتاع بالاجازات والتنزه والحدائق والشواطئ - طبعا لاتقارن بينها وبين مصر ابدا - لكن فى حال وجود تعارف بعائلات مصرية او عربية فيمكن فعلا ان تتمتع بالعيش والعمل هنا بلا ضغوط كثيرة. وتمتاز مسقط وسلطنة عمان عموما بقدرة المغترب على الادخار فيها حيث لايوجد مجال لصرف ماتدخره الا فيما يفيد.

ارحب بالمزيد من اسئلتك وادعو ان يحلفني الحظ ويصبح لي صديق هنا بالسلطنة

شارك هذه المشاركه


رابط المشاركه
شارك

اولا اشكر الأخ اسكندريه تاني و مسألة مين أفضل دي معقده شويه

بس حقولك السؤال بالعكس

لو جالك عرضين زي بعض تماما من الناحيه الماديه واحد في مسقط و التاني في الرياض ....تختار ايه؟

أما الأخ سيييم و بعد شكره طبعا يوجد حاجه بس مفهمتهاش في كلامك

ازاي الأسعار زي دبي و أزيد قليلا و يتمكن المغترب من التحويش؟

اشكركم

شارك هذه المشاركه


رابط المشاركه
شارك
اولا اشكر الأخ اسكندريه تاني و مسألة مين أفضل دي معقده شويه

بس حقولك السؤال بالعكس

لو جالك عرضين زي بعض تماما من الناحيه الماديه واحد في مسقط و التاني في الرياض ....تختار ايه؟

أما الأخ سيييم و بعد شكره طبعا يوجد حاجه بس مفهمتهاش في كلامك

ازاي الأسعار زي دبي و أزيد قليلا و يتمكن المغترب من التحويش؟

اشكركم

بعنى ان اسعار الاحتياجات الاساسية زي الرز والخضار والفاكهة وخلافة بتكون زي دبي او زيادة حبتين.

اما التحويش فده بصراحة بيختلف من فرد لأخر حسب فسحه وخروجه ومزاجه . بس بصورة عامة اغلب المصريين بيقدروا يتكيفوا بسهولة ويحوشوا فى البلد من غير ما ييجوا على نفسهم فى الاحتياجات الاساسيةوعلى انبساطهم.

اما دبي فحدث ولا حرج الاغراء فيها شديد للصرف.

شارك هذه المشاركه


رابط المشاركه
شارك
بعنى ان اسعار الاحتياجات الاساسية زي الرز والخضار والفاكهة وخلافة بتكون زي دبي او زيادة حبتين.

اما التحويش فده بصراحة بيختلف من فرد لأخر حسب فسحه وخروجه ومزاجه . بس بصورة عامة اغلب المصريين بيقدروا يتكيفوا بسهولة ويحوشوا فى البلد من غير ما ييجوا على نفسهم فى الاحتياجات الاساسيةوعلى انبساطهم.

اما دبي فحدث ولا حرج الاغراء فيها شديد للصرف.

اشكرك يا سيم

عموما انا حكون في مسقط يوم الجمعه الجايه ان شاء الله و حبعتلك ميل برقم موبايلي اول ما أوصل

الغريب اعمى ولو كان بصير

كتر خيركم جميعا

شارك هذه المشاركه


رابط المشاركه
شارك
شكراً ليك يا أستاذ سييم

ومعنى كدة إن متوسط الأجور في عمان مرتفع علشان كدة الواحد بيقدر يحوش

بشكل عام الموضوع في الخليج خاضع للعرض و الطلب وتوفيق المولى عز و جل

اعرف محاسبين صغيرين ابتدوا في السعوديه على 1500 ريال

و اعرف محاسبين صغيرين ابتدوا في السعوديه على 7000 ريال

يعني مفيش معيار

بس مفيش شك انك كل ما تكون افضل مهنيا و دراسيا و شكليا بتكون فرصك احسن

شارك هذه المشاركه


رابط المشاركه
شارك

السلام عليكم،...

أود ان ارفع الموضوع مرة أخرى لوجود عرض لى للعمل فى سلطنة عُمان...

عاوز اسأل مرة اخرى و بعد مرور اعوام من سؤال اخويا زوهيرى، ما هو متوسط دخل الفرد فى السلطنة اليوم؟ و ما هى تكاليف معيشة الفرد هناك؟ و هل هناك سلع اساسية للمعيشة مُكلفة للفرد؟

جزاكم الله خيراً....

شارك هذه المشاركه


رابط المشاركه
شارك
السلام عليكم،...

أود ان ارفع الموضوع مرة أخرى لوجود عرض لى للعمل فى سلطنة عُمان...

عاوز اسأل مرة اخرى و بعد مرور اعوام من سؤال اخويا زوهيرى، ما هو متوسط دخل الفرد فى السلطنة اليوم؟ و ما هى تكاليف معيشة الفرد هناك؟ و هل هناك سلع اساسية للمعيشة مُكلفة للفرد؟

جزاكم الله خيراً....

شوف يا وليد

معلوماتي يمكن قديمه شويه و بالتحديد من عام 2008

انما اكيد فيها جانب كبير من الحقيقه

عمان بلد خليجي غير خليجي

يعني تلاقي فيها فقراء عمانيين

ده غير ان الحياه في مسقط غير صلاله غير صحار

مسقط هي المدينه الحضاريه الوحيده هناك

باختصار

لو عايز تسكن كويس في مسقط و في حته كويسه لا اعتقد انها حتكون اقل من 300 ريال عماني شهريا و بمجهود كبير في البحث لقلة العرض عن الطلب

و من 150 الى 200 ريال كمان مصروف شهري شامل

يبقى 500 ريال عماني للحياه المحترمه لفرد

طبعا ممكن تسكن في منطقه بعيده او مش قوي ب 150 ريال و ممكن تصرف 50 ريال في الشهر بس الحياه مش حتكون جميله

انما عموما اصعب شيئ في مسقط هو السكن

و احسن شيئ فيها هو الناس و النضافه و الطبيعه الجميله

فرانكفورت

المانيا من جوار المطار

شارك هذه المشاركه


رابط المشاركه
شارك

سلام عليكم,.,,

شكراً شكراً يا محمد على المعلومات المفيدة دى... و منين كمان؟ من فرانكفورت!! الله يكون فى عونك بسبب ازمة الرحلات... بس ابشر عشان انت وقفت فى عون اخيك، فسيكون الله فى عونك زى قال الرسول (صلى الله عليه و سلم)..

الحقيقة انا كنت بسال عن الحياة بشكل عام فى مدن عُمان... لأن عرض العمل فى مدينة تبعد عن مسقط حالى 140 كيلو ولا اتذكر اسمها دلوقتى، بس السؤال عن اسعار التنقلات عموما و الطعام و الملابس و متوسط الاسعار مقارنة بمصر...

أنت قلت: "يبقى 500 ريال عماني للحياه المحترمه لفرد" ... يا خبر!! يعنى بما يعادل 7150 جنيه فى الشهر!

معنى كده ان سلطنة عُمان بشكل عام بلد غالية مش زى مصر؟؟

انا كده صح و لا ايه؟

شارك هذه المشاركه


رابط المشاركه
شارك

دعواتك يا ول الله يكرمك

طالما خرجت بره مسقط يبقى اسعار السكن حتنزل نزله دراماتيكيه يعني ممكن تلاقي جدا ب 100 ريال في الشهر

و نظرا لعدم وجود امور ترفيهيه زي مسقط يبقى مش حتصرف اكتر من 100 كمان

مسقط اغلى من مصر بالتأكيد في السكن

بكل تأكيد

و قربت جدا من دبي قبل الانهيار في الاسعار الايجاريه

بس مصيبتها ان مفيهاش اماكن كتير للبناء لأن الجبال تحاصرها من جهه و البحر و الخليج من جهه اخرى

عموما انت يمكن رايح صحار و هي بتبعد حوالي 150 كيلو يمكن و بالتالي ممكن تزور مسقط و تستمتع بجمالها مره كل اسبوع

و بالتوفيق ياوليد و ربنا يقسملك الخير حيث كان

ايشتن فاهرر موفن باخت

شارك هذه المشاركه


رابط المشاركه
شارك

جزاك الله خيراً بجد معلومات هامة جدا جدا...

انا عاوز ابعت لحضرتك العرض كاملاً و حضرتك قولى ايه البنود اللى شايف انها تتعدّل عشان اكيد انت فاهم الامور دى اكتر منى لخبرتك فى البلد نفسها و العمل عموماً فى دول الخليج...

تسمحلى ابعتلك العرض على رسالة خاصة؟

شارك هذه المشاركه


رابط المشاركه
شارك
جزاك الله خيراً بجد معلومات هامة جدا جدا...

انا عاوز ابعت لحضرتك العرض كاملاً و حضرتك قولى ايه البنود اللى شايف انها تتعدّل عشان اكيد انت فاهم الامور دى اكتر منى لخبرتك فى البلد نفسها و العمل عموماً فى دول الخليج...

تسمحلى ابعتلك العرض على رسالة خاصة؟

شوف يا أخ وليد أنا مدرب سباحه فى وزارة الشؤون الرياضيه أنا كنت عايش فى صحار لمدة سنه و أربع شهور وبعدين جه مواطن ساكن فى صحار أخد مكانى -علشان مفيش غير حمام سباحه واحد فى صحار- ونقلونى صلاله المهم من كلامك أنت كده رايح صحار أو نزوى لو صحار يبقى تحمد ربنا.... ليه بقى؟ علشان صحار السكن فيها أقل فى السعر من مسقط وبعدين هيه فى الوسط بين مسقط وبي مدينة العين الاماراتيه يعنى ممكن اخر الأسبوع تطلع مسقط أو الامارات-بتدفع تأشيره طبعا- وبعدين صحار فيها كام مول كده تقدر تتمشى فيهم وأسعارهم معقوله و فيه مجمع سينمات و كارفور حيفتح فيها اخر السنه اللى جايه وفيه مدرسه انترناشونال مدرسيين أجانب مصروفها حوالى 150 ريال شهريا و فيها شواطىء و متنزهات و أهم حاجه فيها ان الناس هناك متمدينيين بحكم قربهم من الامارات لأن فيه ناس كتير فييهم بيشتغلوا فى الامارات

لو كنت رايح نزوى يبقى ربنا معاك بلد بين الجبال أهلها تعاملهم قاسى مثل الجبال المحيطه بيهم طبعا السكن فيها أرخص من صحار بس مفيش أى وسائل ترفيه أو حتى هايبر تجيب حاجتك يعنى عليك وعلى السوبر ماركت اللى حتشترى منه بالغالى غصبا عنك علشان مفيش غيره أو تنزل 140 كيلو-المسافه بين نزوى و مسقط- علشان تجيب حاجتك من مسقط

بس برضه للأمانه أنا مارحتش نزوى بس سامع كل الكلام ده من أصدقائى هنا اللى لهم تجارب مع نزوى

أرجو أن أكون ساعدتك فى حاجه لو عندك استفسار أنا حادخل تانى على النت يوم الخميس اللى جاى بالبل و أنا تحت أمرك

شارك هذه المشاركه


رابط المشاركه
شارك

السلام عليكم...

اخويا solimady ...

أحسنت الشرح و بإستفاضة كمان و جزاك الله خيراً ... أنا هتصل بكرة ان شاء الله بصاحب العرض و اعرف منه المدينة و اذا ما كان السكن ضمن العرض ام خارجه... كمان عاوز اعرف من حضرتك حاجة مهمة... هل فى امكانى اثناء اجازة نهاية الاسبوع الذهاب الى دبى مثلا؟ لغرض شراء بعض الاجهزة التى احتاجها فى عملى؟

أنا اللى عرفته ان فى المملكة العربية السعودية لا يحق للموظف مغادرة المملكة دون اذن صاحب العمل لأنه يحتفظ بالباسبور الخاص بالموظف معه... فهل الوضع مختلف فى عُمان؟

جزاكم الله خيراً كثيراً يا استاذ solimady ...

تحياتى

شارك هذه المشاركه


رابط المشاركه
شارك
السلام عليكم...

اخويا solimady ...

أحسنت الشرح و بإستفاضة كمان و جزاك الله خيراً ... أنا هتصل بكرة ان شاء الله بصاحب العرض و اعرف منه المدينة و اذا ما كان السكن ضمن العرض ام خارجه... كمان عاوز اعرف من حضرتك حاجة مهمة... هل فى امكانى اثناء اجازة نهاية الاسبوع الذهاب الى دبى مثلا؟ لغرض شراء بعض الاجهزة التى احتاجها فى عملى؟

أنا اللى عرفته ان فى المملكة العربية السعودية لا يحق للموظف مغادرة المملكة دون اذن صاحب العمل لأنه يحتفظ بالباسبور الخاص بالموظف معه... فهل الوضع مختلف فى عُمان؟

جزاكم الله خيراً كثيراً يا استاذ solimady ...

تحياتى

شوف أنا شغال هنا فى الحكومه يعنى لما أحب أطلب الجواز بأكتب استمارة استرجاع للجواز ومافيش مشكله بس لازم أسلم الجواز تانى بعد الرجوع لكن بالنسبه للعمل الخاص على حسب علاقتك مع الكفيل

بالنسبه لدخول دبى على الحدود بيشوفوا الجواز و بطاقة المقيم -حاجه كدة عامله زى الرقم القومى بتعملها لما تيجى هنا- وبتدفع 21.5 ريال لو داخل من دبى أو 14 ريال لو داخل من العين أو راس الخبمه ده طبعا على الفرد الواحد بس برضه أرجع و أقولك يمكن علشان أنا شغال فى الحكومه الله اعلم الشغل الخاص بيحتاج رساله ولا لأ لو كنت لسه فى صحار كنت سألتلك بس معلش أعذرنى و برضه أنا تحت أمرك

شارك هذه المشاركه


رابط المشاركه
شارك

السلام عليكم و رحمه الله و بركاته

انا عندي عرض عمل في عمان فى شركة صخر للبرمجيات

كنت عاوز اسأل هل حد عندة اي معلومات عنها في عمان؟ هل هي مستقرة ؟ لان صخر في مصر حالتها مش ولابد الايام دي

ثانيا: كم سعر استوديو غرفة نوم و حمام و مطبخ بدون صالة في مسقط و يكون بحالة جيدة اي صالح للمعيشه؟ مفروش و غير مفروش

ثالثا: هل سأحتاج لشراء سيارة ام ان التاكسي متوافر بكثرة؟

رابعا:هل مجال العمل فى البرمجيات متاح في عمان ؟ يعني لو حبيت اتنقل بعد كدة لشركة تانية؟ و هل نقل الكفالة سهل ؟

و جزاكم الله كل خير

شارك هذه المشاركه


رابط المشاركه
شارك

جزاك الله خيراً يا اخى العزيز solimady...

أريد أن اعرف شيئ أخير... ما هو متوسط المرتبات للعاملين فى مجالات البرمجة و الصوتيات و الاذاعة أو الاعلام فى سلطنة عُمان؟

علماً بأن الشركة التى تعرض علىَّ العمل قالوا لى انهم يحسبون المرتب بالجنيه المصرى ثم يتم تحويله الى الريال العُمانى.. و هو شيئ غير منطقى بالمرة طالما أنا سأعيش و اعمل من عُمان و ليس من مصر... فهل من نصيحة؟

جزاكم الله خيراً كثيراً

شارك هذه المشاركه


رابط المشاركه
شارك
جزاك الله خيراً يا اخى العزيز solimady...

أريد أن اعرف شيئ أخير... ما هو متوسط المرتبات للعاملين فى مجالات البرمجة و الصوتيات و الاذاعة أو الاعلام فى سلطنة عُمان؟

علماً بأن الشركة التى تعرض علىَّ العمل قالوا لى انهم يحسبون المرتب بالجنيه المصرى ثم يتم تحويله الى الريال العُمانى.. و هو شيئ غير منطقى بالمرة طالما أنا سأعيش و اعمل من عُمان و ليس من مصر... فهل من نصيحة؟

جزاكم الله خيراً كثيراً

بصراحه أنا معرفش حاجه عن المجالات اللى أنت بتتكلم عليها بس مافيش حد بيحسب المرتب بالمصرى و يحوله عمانى المفروض انه بيكتب فى عقدك الراتب بالعمانى على طول قبل ماتسافر اتفق على كل حاجه الأول

شارك هذه المشاركه


رابط المشاركه
شارك

....................

تم تعديل بواسطة mekkawy

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • استفسار عن سلطنة عمان

      السلام عليكم يا جماعة أنا طبيب أسنان عام دفعة 2005 و زوجتى كمان طبيبة أسنان دفعة 2006 جايلنا عرض فى سلطنة عمان الراتب 450 ريال لكل و احد فينا مع توفير السكن فى منطقة القرم فى مسقط مستشفى اسمها علاج حبيت بس أعرف هل الرواتب دى معقولة ؟ و كمان تكاليف المعيشة هناك لفردين حوالى كام فى الشهر خصوصا ان معندناش أطفال و كمان هل فى مواصلات و سعرها أخباره ايه؟ و لو حد يعرف حاجة عن امتحان مزاولة المهنة هو المكتب بيقولولى مش هحتاج أصدق الشهادات لا من الخارجية و لا السفارة هل الكلام ده مظبوط؟ كمان هما

      في المغتربين المصريين - egyptian expatriates

    • معلومات عن السكن و مدارس اللغات والعمل فى مدينة المجمعة بالسعودية

      سأسافر ان شاء الله مع زوجتى كمرافق لها وهى ستعمل فى وظيفه حكومية فبالتالى الكفاله و الاقامه أعتقد فى هذة الحالة عند الحكومه السعوديه فى مدينة المجمعه بأذن الله تعالى وكنت أرغب طبعا فى العمل فى اى وظيفة مع العلم انى محاسب فكنت أرغب فى معرفة معلومات من السادة ذوى الخبرة فى كيفية تنفيذ ذلك وهل ذلك يتطلب لو لقيت عمل نقل الكفاله او الاقامه على جهه العمل ام يمكن ان اعمل دون المساس بالاقامة او الكفالة ولا مش حاينفع أصلا أشتغل عشان مش جى على جهه عمل من  مصر وشكرا مقدما لاى معلومة ولو أمكن معلومات عن الس

      في المغتربين المصريين - egyptian expatriates

    • فيديوهات قصيره عن الحياه في كندا

      اسمي مايكل، هاجرت كندا من ٥ سنين، فمرت اعمل قناه يوتيوب فيها فيديوهات قصيره عن الحياه في كندا، فيديوهات مهمه عشان تحضر نفسك للسفر او عشان تساعدك تفهم المجتمع الكندي لو انت مهاجر جديد، My name is Michael, I immigrated to Canada 5 years ago, I created a YouTube channel to help people to understand the Canadian society and give them an idea what they might find.  Also, to be prepared and to make reasonable expectations about living in Canada.  Good luck everyone! رابط القناه

      في الحياة و الهجرة إلى كندا life and immigration to Canada

    • معلومات عن الأكاديمية العربية للعلوم والتكنولوجيا والنقل البحري - بمصر

      بداية هذا الموضوع كانت تعقيبا في موضوع السيدة (ناش) ثمّ رأيت أنه مناسب ليطرح كموضوع مستقل خصوصا ونحن في موسم الإقبال على مختلف مؤسسات التعليم العالي بعد انتهاء معركة الثانوية العامة، وحيث إنّي أدرس بها حاليا (هندسة الكترونيات واتصالات-فرع اسكندرية) وعلى وشك التخرج بمشيئة الـله، فأحبّ أن أوضح بعض المعلومات عن الدراسة ونظامها والمصاريف واللغة.. تأسست الأكاديمية البحرية في السبعينيات الميلادية كمنظمة تعليمية لا تهدف للربح تتبع جامعة الدول العربية، وحازت شهرة هائلة في مجال التعليم البحري في المنطقة

      في التعليم و العمل - education & employment issues

    • 8 معلومات لا تعلمها عن الحشرات..

      الكثير من الحقائق الغريبة التي لا يعرفها الكثيرون عن الحشرات، منها: 1. الحشرات تملك ستة أرجل، وتتكون أجسامها من ثلاثة أقسام وهى الدماغ والصدر والبطن. 2. حتى هذه اللحظة تم إكتشاف ما يقارب مليون نوع من الحشرات، إلا أن التقديرات والأبحاث العلمية توميء إلى وجود زيادة عن 10 مليون فصيلة منها. 3. في مواجهة كل فرد على سطح الأرض تبقى 1.4 مليار حشرة؛ ووزن الحشرات المتواجدة على الأرض أضخم 70 مرة من وزن جميع الإنس. 4. حشرة “فرس النبى” أو “السرعوف” هى الحشرة الوحيدة على وجه الأرض التى يمكنها تحريك رأ

      في موضوعات خفيفة

×
×
  • اضف...