ساهم برأيك في حل مشاكل المصريين

[tarek hassan]

دعوة لكل من عنده رأي أو اقتراح يساهم به في حل مشاكل الناس

- فمثلا في مشكلة البطالة :

- أنا أرى في أوجه عديدة للكسب منها مثلا

- إنشاء مشروع لتربية الأرانب وهذا المشروع تكاليفه بسيطة ويتوقع له أن يدر دخلا عظيما نظرا لكثرة التناسل في الأرانب ومطلوب وله سوق

- أو التنقل للعمل بالمحافظات النائية التي ما زالت تطلب أيدي عاملة ويعلن محافظوها عن ذلك أو ممكن تاخد جولة فيها لأن ممكن تكون ناقصه الكثير من الخدمات مثل عمل طباعة وكتابة كمبيوتر أو عمل سيبر وإعطاء دورات كمبيوتر أو إدخال النت الهوائي وغيره

- ممكن لو كنت مدرسا أو تستطيع التدريس تقوم بإعطاء دروس خصوصية ولو هتبدأ بعدد فليل من الطلاب وتجتهد تلاقي ما شاء الله مع مرور الوقت يمشي الحال

- وممكن تتعلم من النت صيانة المحمول أو تركيب الدش وفك الشفرات وتحديث الريسفرات وتعمل في هذا المجال

لو عندك أفكار ممكن تزودنا بيها

[katkota]

انا رايي ان حل مشاكل مصر يجي من الشعب نفسه بمعنى انه يقدر يحل كل المشاكل ويتغلب عليها كمان ويرفع من نفسه

[حسام يوسف]

هناك علم اسمه التسويق الاجتماعى

يبحث فى الترويج لتغييرات مجتمعية وسلوكية

اعتقد ان هذا الموضوع سيسهم فى حل جذرى للمشاكل

[number]

بجد لو الشعب بقى ايد واحدة وقلب واحد وبيخاف على مصالح الاخرين هتبقا كويسين

بس احنا فينا مشاكل كتير بين بعضنا علشان كدة سلط علينا من لا يرحم من حكومة عميلة وفاسدة

علشان الحرمية الكتير والنصابين اللى خدوا فلوسنا

ولو اتحدنا يد واحدة والله العظيم نعمل حاجة كويسه جدا

[حسام يوسف]

السلام عليكم

فى رأيى الحل هو ال-------------------------------------------------

وصلت؟!!!

[م.سامح المصرى]

والله يا استاذ tarek hassan

كتر الف خيرك انا كنت هاعمل موضوع اسمة بجدية لابد من التغيير

بس حضرتك فتحت الموضوع دا يعتبر هوا هوا

هوا انا ليا اقتراح الي هوا اية

كان فى بلد عربية باين الامارات ولا مين

عملت مسابقة للى يقدر يذكر طريقة توفر بيها المياه وكانت جايزتها عالية جدا

طب احنا ما نعملش كدة لية

احنا لو عملنا مسابقة بين شباب مصر لى ان كل واحد يطلع فكرة ممكن بيها يساعد على البطالة او يرفع من اقتصاد مصر

او تعدل مجال معين مهم فى مصر مثلا مجال الالكترونيات واحد يدرس مشروح تصنيع الشرائح الالكترونية

وهكذا بجد لو اتعملت المسابقة دى شوفوا يا جماعة افكار الشباب

والله هاتلاقو افكار ترفع من مكانه مصر وترفع من اقتصادها

يا ريت يا جماعه لو كدة الكل يشارك

انا ممكن اصمم بروشور بالفكرة دى واحنا كدا ننشرة على مواقع الانترنت

والجروبات والحكايات دى نخلى كل الناس تشوف الفكرة دى وتحاول تفكر فى مشاريع زى كدة

اية رأيكم ...... لازم خطوة إيجابية يا جماعة

علشان احنا فتحنا مواضيع زى دى كتيرة اوى نحاول مع بعض كدة ناخد خطوة ايجابية لعل وعسى

ممكن دلوقتى نبتدى بفكرة مشروع صغير يضم ١٠

بعدين يكبر ويضم ١٠٠٠٠

يلة حد يشجعنا

[abdooovet]

طيب هنحل مشاكل المصريين واحد واحد

يعنى كل ما نخلص مصرى نخش نخلص عالمصرى اللى بعده

ولا هنخلص مشاكل المصريين كلها مره واحده

من وجهة نظرى اللى لا تتعدى حدود ضلوعى ان مشكلة المصريين الحاليين هى ان الجيل اللى قبلهم معرفش يربيهم

واسف انى بقول كده بس بجد هى ده الحقيقه

احنا شعب نستاهل كل اللى يجرالنا

وحسبنا الله ونعم الوكيل

عبدالهادى

[ام مازن]

والله يا استاذ tarek hassan

كتر الف خيرك انا كنت هاعمل موضوع اسمة بجدية لابد من التغيير

بس حضرتك فتحت الموضوع دا يعتبر هوا هوا

هوا انا ليا اقتراح الي هوا اية

كان فى بلد عربية باين الامارات ولا مين

عملت مسابقة للى يقدر يذكر طريقة توفر بيها المياه وكانت جايزتها عالية جدا

طب احنا ما نعملش كدة لية

احنا لو عملنا مسابقة بين شباب مصر لى ان كل واحد يطلع فكرة ممكن بيها يساعد على البطالة او يرفع من اقتصاد مصر

او تعدل مجال معين مهم فى مصر مثلا مجال الالكترونيات واحد يدرس مشروح تصنيع الشرائح الالكترونية

وهكذا بجد لو اتعملت المسابقة دى شوفوا يا جماعة افكار الشباب

والله هاتلاقو افكار ترفع من مكانه مصر وترفع من اقتصادها

يا ريت يا جماعه لو كدة الكل يشارك

مع احترامي الشديد لرأي حضرتك , ماعتقدش ان مصر فيها نقص افكار , في افكار جيدة جدا في رسائل الماجستير و الدكتوراة مالية ادراج الجامعات

اللي احنا ناقصنا قيادة قلبها على البلد وللاسف دي مشاريع كبيرة و محتاجة دعم حكومي (ماديا و عنويا )