مالكش حجه ...دلوقت ممكن تبلغ عن تجاوزات جهاز الشُرطة

[se_ Elsyed 1,727]

هاتقولي بقى وأنا إيش ضمنني إني لو إشتكيت بالفاكس او بالإيميل إنهم ما يجيبونيش ويعلقوني وأروح ورا الشمس ؟

يبقى أنت حر وذنبك على جنبك ... ولو إتعرضت لظلم يبقى خاف وإسكت وإمشي جنب الحيط وربي العيال

أما لو كلنا إتكلمنا وعلينا صوتنا بس على شرط

يكون الصوت ده بيتكلم بحقائق وادلة علشان لا نفتري على حد ولا نظلم حد

بالصدفة إمبارح كانت حلقة تاريخية من برنامج العاشرة مساءً ودارت معظمها حول تجاوزات رجال الشرطة وأستضافت 2 لواءات من الوزارة وانهات عليهم الفاكسات والمكالمات التليفونية والتي عبرت عن حنق وغضب الشارع المصري من تصرفات كثيرً من اعضاء هذا الجهاز

ندخل في الموضوع

أدي موقع وزارة الداخلية واللي عندهم نماذج خاصة لشكاوى المواطنين عن أي تجاوزات ضدهم من قِبل رجال الشرطة وبيتم الرد على الشكوى في خلال 48 ساعة

وده كمان تليفون إدارة المعلومات اللي هي بمثابة مكتب تلقي الشكاوى مباشرةً لعرضها على الوزير

27955005

27953981

ولهم كمان فاكس نسيت أكتبه ولو حد عارفه ياريت يضعه هنا .

[shawshank 144]

يعني حضرتك عايزني أشتكي السيد اللواء/ حبيب العادلي إلى السيد اللواء/ حبيب العادلي wst::

ربما عليك قراءة بعض ما ورد في كتابي "اعترافات ضابط شرطة في مدينة الذئاب" و "تزوير دولة" للعميد السابق/ محمود قطري . أعتقد بعدها ستحذف هذا الموضوع .

[إبن مصر 85]

بالعكس يظل ما كتبته هو وجه للعمله وما يعرضه سى السيد هو الوجه الاخر فلا موضوع احادى ابدا ..

لماذ ننكر انه بمكن ان يكون هناك شرفاء

ما ذكرته انت رأى فرد يحكى... يحكى .. يسرد قصص... تصح او لا تصح.

وهنا موقع وتليفون واشخاص قد تصح وقد لا تصح.

لذا وجب ان نحوى كل وجهات النظر .

ولا تكون الحياه سوداويه الى هذه الدرجه .

وما ضاع حق وراءه مطالب.

ومن اعتاد الناس ان يسلبوه حقه اصبح حقا للناس ان يسلبوه

المهم ان تكون كما قال زميلى سى السيد الشكوى حقيقيه وبأدله .

وليست كيديه.

[الطيار المصرى 4]

علي الرغم اني اتفق مع رأي استاذي سي السيد و احمد محمود.....

لكن هناك سؤال يطرح نفسه....كيف يتم حصر ادلة تدين ضباط الشرطة؟؟؟؟

قد يشتكي الشعب....لكن عند البحث لن يجد ادلة تدين من اشتكوهم؟؟؟؟فما العمل في هذا الموقف؟؟

تحياتي.....

الطيار المصري

[shawshank 144]

بالعكس يظل ما كتبته هو وجه للعمله وما يعرضه سى السيد هو الوجه الاخر فلا موضوع احادى ابدا ..

لماذ ننكر انه بمكن ان يكون هناك شرفاء

ما ذكرته انت رأى فرد يحكى... يحكى .. يسرد قصص... تصح او لا تصح.

وهنا موقع وتليفون واشخاص قد تصح وقد لا تصح.

لذا وجب ان نحوى كل وجهات النظر .

ولا تكون الحياه سوداويه الى هذه الدرجه .

وما ضاع حق وراءه مطالب.

ومن اعتاد الناس ان يسلبوه حقه اصبح حقا للناس ان يسلبوه

المهم ان تكون كما قال زميلى سى السيد الشكوى حقيقيه وبأدله .

وليست كيديه.

الشرفاء موجودون لكنهم ليسوا في السلطة ، أو في أي مواقع قيادية .

كما قلت من قبل ، النظام القمعي الشمولي لن يجري وراء حق مواطن إن كان ضد بقاء هذا النظام . والوظيفة الأساسية لوزارة الداخلية حاليًا حماية النظام الحاكم ، وفي الغالب لن يكون بحث شكوى ضد الداخلية ضمن تلك الوظيفة .

[ambo 0]

لو استطاع المواطن اثبات شكواه

نصيحة اتجه للنيابة العامة وتقدم بشكواك

لانها الي حد ما محايدة وذات سلطة

لكن من غير المنطقي ان تشكو المامور لمن امره

[قديم 0]

عامه الشكوي حق لكل مواطن ...

لكن اسمحولي اعارض لانني دايما احب المعارضــه لانها هي اللي تثري النقاش ..

اتصور اكثر البلاغات ستكون من رجال الشرطــه ضد المدنيين في البلــد .

وبصراحــه شي مستفز.. وخصوصا تلك العباره الي دايما نسمعها . او تنسب اليهم

( انت مش عارف انا ميـن )

عسكري المرور واقف بنظم الســير وفجاه تطلع له عربيــه مخالفه . لكل الانظمه .. العسكري يطلب منه اوراق العربيـه. .. يتباهي ويرد عليه بسخريــه . انت مش عارف انا مين...

وتطلع مين يعني . انا ادي عملي .

عارف انك هجيب هم لي عند باب البيت .؟؟؟

بسحب العسكري رخصــه العربيــه .

يتصل صاحب العربيــه بصديقــه اللواء .. ويخبره بالحادثــه ويضيف اليها ما شاء اللــه من عبارات الفوضي والاتهامات الي ذلك العسكري . المغلوب على امــره ...

يتلقي العسكري التانيب والتوبيخ من مديره . انت كنت هتودينا في داهيــه ازاي تعمل كدا مع الباشا ....

يلا حالا دي الوقت تعيد الرخصــه وتتعذر من البيــه الكبيــر .

يذهب العسكري وقلبه مكسور . ويشتم .. ... ويعيد الرخصــه للباشا الكبير .. مع الاعتذار لسعادتــه ..

يبقي يعمل العسكري ايـــــــــــــــــه. ازاي يفش خلقـــــــــه .. في مين بقاااااااا

ما فيه الا انا ونــــــــــــــــــت ..

[محمد عبدالعزيز 183]

عامه الشكوي حق لكل مواطن ...

لكن اسمحولي اعارض لانني دايما احب المعارضــه لانها هي اللي تثري النقاش ..

اتصور اكثر البلاغات ستكون من رجال الشرطــه ضد المدنيين في البلــد .

وبصراحــه شي مستفز.. وخصوصا تلك العباره الي دايما نسمعها . او تنسب اليهم

( انت مش عارف انا ميـن )

عسكري المرور واقف بنظم الســير وفجاه تطلع له عربيــه مخالفه . لكل الانظمه .. العسكري يطلب منه اوراق العربيـه. .. يتباهي ويرد عليه بسخريــه . انت مش عارف انا مين...

وتطلع مين يعني . انا ادي عملي .

عارف انك هجيب هم لي عند باب البيت .؟؟؟

بسحب العسكري رخصــه العربيــه .

يتصل صاحب العربيــه بصديقــه اللواء .. ويخبره بالحادثــه ويضيف اليها ما شاء اللــه من عبارات الفوضي والاتهامات الي ذلك العسكري . المغلوب على امــره ...

يتلقي العسكري التانيب والتوبيخ من مديره . انت كنت هتودينا في داهيــه ازاي تعمل كدا مع الباشا ....

يلا حالا دي الوقت تعيد الرخصــه وتتعذر من البيــه الكبيــر .

يذهب العسكري وقلبه مكسور . ويشتم .. ... ويعيد الرخصــه للباشا الكبير .. مع الاعتذار لسعادتــه ..

يبقي يعمل العسكري ايـــــــــــــــــه. ازاي يفش خلقـــــــــه .. في مين بقاااااااا

ما فيه الا انا ونــــــــــــــــــت ..

المسؤول عن الخطأ فى مثل هذه الحالات بنسبة كبيرة هو سيادة اللواء الذى يضرب بالقانون عرض الحائط ويستخدم نفوذه لتحقيق مصالح شخصية له ولمعارفه.

بالتأكيد المواطن مسؤول أيضاً ولكن عندنا مثل شعبى حكيم يقول "اللى يلاقى دلع ومايدلعش يبقى حرام عليه".

عموماً أنا أؤمن أننا كشعب ومواطنين نساهم بنسبة كبيرة فيما يحدث من تجاوزات ضدنا, سواءً بالسكوت على الظلم أو انتهاز الفرصة لظلم غيرنا إذا قدرنا على ذلك.

حقيقة نحتاج لجهد كبير لبعث روح الإيجابية فينا من جديد.

[حشيش 4]

مساهمة منى فى إنجاح الحملة التى أطلقها أخى سى السيد بعنوان (وداعاً لورنشة القفا) وفى قول آخر (إرفع رأسك ياأخى لإن إبدى وجعتنى من كتر الضرب) يسعد أخوكم البار حشيش أن يرفق لكم أرقام تليفونات وفاكس وبريد وزارة الداخلية :wub:

مع تحيات (حشيشكو لغد أفضل) :rolleyes:

[shawshank 144]

ده خبر ذو صلة من الدستور ...

[Nonna 0]

تذكرت أغنية كاظم الساهر

أشكيك لمين و الحكم انت و الخصم

أشكيك لمين

احترم تفاؤلك و شجاعتك استاذ سين سين

ولكم من اهل الشرطة نفسهم

احب اقولك انهم لما بيتأذوا من بعض ما بيقدروش يشتكوا

فمابالك احنا بمواطنين

واحد معرفة ضابط شرطة معرفة بيقول ضابط الشرطة الصغير في نظر الاكبر منه

حاجة كدة مالهاش دية

تسمع و تطيع و انت ساكت و ما تشتكيش نهاااااااائي

على كل حال

أفلح ان صدق

في بلد اساسها الديمقراطية

قول زي ما تحب و انت قول زي ما تحب و في الاخر هاعمل ما احب

[حلواني 2]

لو فرضتا جدلا ان كل واحد ماسكتش اذا تعرض لظلم

وكل واحد اشتكي للوزارة او النيابة

وكل ضابط ظلم انسان برئ اتحاسب

ومش بس الضباط اي مسئول او موظف مرتشي

ياه دا حال البلد ييتغير بجد

وااله ممكن تبقي دعوه للناس تحت شعار

(( سكوتك علي الظلم جريمه ))

[بنت الاصول 0]

تخيل ان فى بعائلتى من ناحية بعيدة شوية

ظابط مرور مستبد

بيستغل منصبه مع كل الناس

حتى بياع الخضار

وبيضرب سواقين التاكسى

ويتعدى على سواقين الميكروباص بالهانة والضرب امام الناس

واتقدمت فيه شكاوى كتيررررررررررررر جدا من الناس ومن السواقين

ومع ذلك محدش عمل معاه حاجة ولسة زى ماهو باخلاقه اللى ما يعلم بيها الا ربنا

بس هقول ربنا على المفترى

[عاشق الترحال 2]

مش المفروض يبقى من الاساس مفيش تعديات من الشرطه عالمواطنيين اللي واجبها أنها تحميهم وتمنع الجريمه قبل وقوعها

ولا بنساوم الوقتى على اننا ناخد حقنا ؟؟

طيب المواطن اللي بيروح القسم يتمرمط ويتمسح بكرامة اللي خلفوه الأرض ده وممكن يكون إنسان محترم وماشي في حاله ومش مشاغب مين اللي هيرد له كرامته اللي اتهانت والعقاب اللي بيتوقع على الضابط أو أمين الشرطه بيكون ايه ؟؟

وهل زي مابيحصل من إغتصاب لبعض الأشخاص فى الأقسام عقاب يحس بيه انه اتردت له كرامته ؟

طيب والناس اللي بتتقتل فى أقسام الشرطه ويرموها من عالسطح على اساس انه حاول يهرب أو يرموها فى النيل مثلا بيكون عليهم جريمة قتل عمد فياخد إعدام مثلا ولا ديته كام سنه وخلاص

مش أولى بيهم يحسنوا العلاقه بين الشرطه والمواطنين اللي اصبحت عدائيه لدرجه كبيره وأكيد بنسمع عن مقتل ضباط شرطه بل ولواءات شرطه كثير فى الفتره السابقه ومعظمها من المواطنين والمشاغبين اللي من كرههم للضباط وجهاز الشرطه أصبحوا بيقتلوهم لأنه عارف أنه مش هيرحمه أو بعض المواطنين اللي بينتقموا من الشرطه لأنهم عذبوهم أو أو.

اتفرجوا عالفيديوهات دي

http://www.youtube.com/results?search_quer..._type=&aq=o

اللى بيعرف ياخد حقه من الشرطه يا أما يكون مسنوووود ووراه ظهر أو شكواه وصلت للرأي العام من خلال برنامج أو جريده أو أو

لكن الغلابه هما اللي هيفضلوا ياخدوا على قفاهم علشام مالهمش حد يدافع عنهم ولو تجرأ أحدهم وقدم شكوى فيسأخذوا عائلته بالكامل ويلفقوا لها من التهم مالا يحصى ويجبروهم على التنازل عن الشكوى

وده مش فيلم هو ده الواقع .

بالمناسبه فيه كتاب اسمه علشان متضربش على قفاك كتبه ضابط شرطه علشان تعرف حقك كويس فى حاله تعاملك مع جهاز الشرطه والنتيجه ان الكتاب صادروه والضابط خلع بره مصر علشان المضايقات الأمنيه.

تقدر تبحث في جوجل عن إسم الكتاب وتحمله ( علشان متضربش على قفاك )

بس لو حد غلبان حب يتفلسف مع ضابط شرطه بالكلام اللي في الكتاب هيعمل ايه فيه هيقوله ايه وهياخده على فين ؟.؟

للأسف جهاز الشرطه بيحمى الحراميه والهليبه اللي في البلد ويعطي الغلابه على قفاهم وكمان أي حد ضد النظام يتجرأ يقول لأ

وأكيد كلنا فاكرين اللي حصل لقضاة مصر

[عصام 13]

شوف يا باشمهندس س س

واحد معرفة .. عنده 70 سنة

وابنه يعنى حاله ما يسرش ..

ورغم ان ابنه عمل كتير وقليل .. إلا إنه حر طليق ...

لحد ما فيه مرة جت المباحث خدته .. عشان يرشدهم عن تاجر مخدرات ..

طولت قعدته فى القسم ..؟

بتاع شهرين تلاتة ..

ورغم انه أرشدهم عن اللى هما عاوزينه .. إلا إنهم ما سابوهوش ..

فضل موجود فى القسم بدون تهمة ..

وابوه ذو السبعين عاما .. كل يوم رايح له بالأكل .. وكل يوم يدخل للظابط اللى حاجزه يتحايل عليه ويستفهم .. ولا حياة لمن تنادى ..

أبوه أخيرا قدم فيه شكوى فى المكتب المختص فى وزارة الداخلية.. زى ما انت بتقترح كدا ..

بعدها الواد اختفى من القسم .. ومالوش وجود فى أى سجلات .. والظابط قاله .. مش انت اشتكيت؟

إستحمل بقى ..

والواد بقاله أكتر شهر أهوه ما حدش يعرف عنه حاجة ..

لحد من كام يوم بس .. مخبر من القسم اتصل بيهم وقالهم ان الولد فى "برج العرب" والراجل أهوه هايموت

صباحك زى القشطة .. وتحيا مصر ام الدنيا

[engmido 101]

حسبى الله ونعم الوكيل

الواحد بيزعل ..........لا بيزعل ايه الواحد بيتقهر على نفسه وعلى الناس وعلى حال البلد دى

ادعوا الله من قلبكم ساعة سحر وتجلى ان يرحمنا من العصابة اللى فى البلد

وهناك مقولة تقول الناس على دين ملوكهم

[se_ Elsyed 1,727]

يأستني من حياتي يا عصام يا شوقي وبتفكرني بهاني رمزي في مسرحية وجهة نظر " مافيش فايدة ما فيش فايدة "

طبعاً انا لا شكك في صدق روايتك لأن أنا اللي مربيك وعارف انك صادق

لكن لازم الواحد يعرف خلفية القصة ايه

فهمتني ؟

[عصام 13]

يا س س يا حبيبى ..

أنا راجل شفت من البلد دى اللى ما حدش شافه ..

سواء حصل ليا أنا شخصيا أو لأحد أقاربى أو معارفى ..

إنت بس اللى يمكن مش متصور إن الوضع ممكن يوصل للشكل اللى وصلت له مصر بأى حال ..

أنا ما بحكمش على الأمور "سماعى" ولله الحمد .. أنا باشوف بعينى (دا مش إسقاط والله :sad: )

وكل اللى شفته بيقول كلام عكس اللى انت بتقوله خاااااااااااالص ..

والقصة دى بالتحديد مالهاش أى خلفيات .. غير اللى انا قلته فوق .. ولعلمك

الناس اللى باحكى عنهم دول قريبين منى جدااااااااا

صباحك زى القشطة .. ودى روسية الشعب wst::

[om marawan 52]

طب هو ايه اللى وداه برج العرب ؟؟

مالوش حق برضه يعنى ده وقت فسح ... ماهو اكيد اخدوه يغير جو هناك !!!!!!

لا حول ولاقوة الا بالله ربنا يعين والده واهله لان على كلام حضرتك دى مش اول حاجة يشوفوها منه

بس انا برضه مع الشكوى والمطالبة بالحق حتى ولو كان ضياعه امر اكثر من اكيد لانه التخلى عن الحقوق نوع من التعود

يعنى انا لو اشتكيتى ممكن حقى يرجع او لاء لكن لو ماشتكيتش هيرجع ازاى

[عاشق الترحال 2]

الحكومه بتعمل اللي على مزاجها وإذا كان رب البيت بالدف ضارب ....

طول ما الحرامي أو تاجر المخدرات شغال مع البيه ضابط المباحث ( مرشد ) يعمل اللي هو عاوزه ويبلطج على كيفه ومتقدرش تاخد منه حق ولا باطل وممكن يؤذيك أنت شخصيا ( وشايه ) ويقولهم عن أي أخبار كذب وزور وده يتوقف طبعا على قوة سعادتك وهل انت مغلوب على أمرك كالغالبيه أم أنك من المسنودين .

في أقسام الشرطه لك أن تتخيل أي شئ وأقسم بالله العظيم أني مره رحت لواحد صاحبي ضابط شرطه فى أحد مراكز الشرطه وكان خرج فى مهمه ومش موجود فالأمناء اللي في المركز قالولي اتفضل استناه وجلست لقيتهم جايبين ولدين أخوات واحد فيهم شاب عمره تقريبا 19 سنه والتاني طفل عمره 13 سنه بدون تهمه ومكلبشين الشاب في شباك حديد وقاعد عالأرض والطفل مقعدينه فى البلكونه لأننا كنا فى الدور الثالث المهمه تهمتهم أنهم أخوات أحد المطلوبين وواخدينهم علشان يضغطوا عليه ويسلم نفسه .

الكلام جاب بعضه مع أمناء الشرطه فقال لي أحد الأمناء أن مفيش حد من عائلة النسر هيورد عالجنه فضحكت وقلت له انت عارف يعني :happy: فقام فاتح لى الدرج وطلع منه باكيتة بانجو ومطواه قرن غزال وقالي بما معناه القضايا جاهزه والمحاضر كمان جاهزه واللي بيجي وعاوزينه يمضي بيمضي .

وياما أولاد صغيرين وشباب ورجاله دخلوا القسم على حجة التحري مع أن مفيش حاجه اسمها تحري ممكن طوارئ آه إنما تحري كان زمان وعلشان يخرجوا لازم يمضوا ولو تجرأ أحدهم وفكر يقرأ المحضر اللي بيمضي عليه بيلاقي من قصايد قلة الأدب والسفاله ما يندى له الجبين فيقوم يمضي وأمره لله ليفاجأ المسكين بعد كام شهر أنه محكوم عليه بشهر أو أكتر أو أو وهو وحظه بقى فى المحضر اللي مضى عليه يطلع سلاح يطلع معاكسه وفعل فاضح بختك يا ابو بخيت

يمكن أنت وأنا ولله الحمد ربنا يكفينا شرهم بفضل الله نقدر نعمل زي ما أنت بتقول ونشتكي وندخل ناس مهمه وووو

طيب والغلابه ملهمش حق فى أنهم يعيشوا بكرامتهم بدون إهانه أنا أعرف ناس أمين الشرطه عندهم زي العفريت يشوفوه كأنهم شافوا عفريت بيجروا ويستخبوا من حتة أمين شرطه :blink: فهل يقدروا يشتكوا ضابط شرطه يرضه !! wst::

تقدروا تقولولي بقى أيه الحل ؟؟؟؟؟؟