اذهب الي المحتوي
ArabHosters
Cleo

تجاوزات جهاز الشرطة

Recommended Posts

خلاااااااص..... ضحكنا كتييييير...... وهزرنا و لعبنا بما فيه الكفاية.... هناخد السنة كلها ضحك ولا إيه....!!!! :mad: ( :D )

يرجع مرجوعنا لموضوعنا....

صديقة لى ذهبت لاستخراج فيش و تشبيه من قسم أول مدينة نصر... ركنت العربية قدام القسم و نزلت... طلعلها أمين الشرطة :

- ممنوع الركنة هنا يا مدام... شيلى العربية وإلا هاديكى مخالفة 200 جنيه... ( :wink: :wink: )

- بس أن مش قافلة على حد ولا راكنة صف تانى.... بعدين دول خمس دقايق بس أستلم الفيش و أمشى....

- يا مدام بقوللك مخالفة 200 جنيه....

- يعى انت عايز إيه؟؟

- يعنى لازم أقولهالك بالصريح يعنى... يعنى عايز حاجة....

قامت طلعت من جيبها ورقة بخمسة جنيه و اشترت المخالفة اللى كتبهالها....

:!: :!: :!: :!: :!:

شارك هذه المشاركه


رابط المشاركه
شارك

يعنى سؤال بس محيرنى بعد كل اللى قرأته هنا عن فساد الشرطه فى مصر

بيقدروا يناموا ازاى بالليل ضميرهم ما بيتعبهمش و لا ضميرهم مات اساسا؟

حسبى الله و نعمه الوكيل فيهم

شارك هذه المشاركه


رابط المشاركه
شارك

مرة كنت خارجة مع أصحابى و اكتشفت إن معيش فلوس... فوقفت أمام مونى ماشين أسحب مبلغ... الماكينة كانت بجوار بنك و طبعا جنب البنك قاعد واحد شاويش "للحراسة" ....

المهم الراجل كان شكله طيب جدا و غلبان و ملامحه تحسسك إنه على وشك البكاء...

بعد ما شافنى سحبت الفلوس من الماكينة و دخلت عربيتى لقيته ساب الكرسى و ساب البنك وواقفلى... أيوة يا مدام (مظماظييييل يا بغلاااااا :D :D ) هاتى يمين.. هاتى شمال.. تعالى.. تعالى.... قمت طلعت من جيبى جنيه و إديتهوله......!!!!!

ساعتها صديقتى انفجرت فى الصريخ..... "ياااااا رب..... يرضى ميييييين ده........ واحد شاويش و راجل فى السن ده بيتسول....!!!!!!!! أى شرع و أى قانون يقول إننا نهمش الناس بالشكل ده......!!!!!! و يرجعوا يقولوا سرقة و فساااااااد...... حسبى الله و نعم الوكيل......"

فعلا.....

حسبى الله و نعم الوكيل..... :? :(

شارك هذه المشاركه


رابط المشاركه
شارك

كليو

معلش سامحيني

الساعا 7 ونص الصبح والبيت لسا نايم

بس معاش بقى مضطرة اقولك

ههههههههههههههههههههههههههههههههههههههه

ههههههههههههههههههههههههههههههههههههههه

ههههههههههههههههههههههههههههههههههههه

ههههههههههههههههههههههههههههههههههههه

هههههههههههههههههههههههههههههههههههههههههههه

انا متتتتتتت ضحك على مظوموظيل يا بغلا

هههههههههههههههههههه :lol: :lol: :lol:

وتقريبا البيت صحي على صوتي :roll: :lol:

بس احمدي ربنا انه ما قالكيش يا حــــــــجــــــــة

زي واحدا صاحبتنا :( :(

شارك هذه المشاركه


رابط المشاركه
شارك

الاخت كليو

قلبت على المواجع وتذكرت قصه مشابهه لصول فى الشرطه كان يمشى فى احد الشوارع المتفرعه من ش الهرم متجها لشارع الهرم وحاله اخر غلب ومنظره بالضبط كما قلتى يكاد يبكى واشار لسياره ملاكى(بتاعت واحد اعرفه وهو صاحب الروايه التى رواها وهو يكاد يبكى هو الاخر) فتوقف له قائد السياره فاستاذنه الصول فى الركوب معه الى ش الهرم لانه مسافر لاولاده فى الفيوم يوم الخميس والجمعه (كان الوقت الخميس الساعه 5 مساء) وركب بجوار صاحب السياره وفى خلال الدقائق الثلاثه التى استغرقها المشوار حكى الرجل وبدون مقدمات انه يتشحطط من الفيوم (مقر اقامته واسرته)لمرور الجيزه حيث عمله وانه اليوم الخميس مسافرا لاسرته فى العطله الاسبوعيه وليس فى جيبه ما يكفى حتى للمواصلات وقد طلب من الضابط اعارته 10جنهيات ليسافر لاولاده الا ان الباشا الضابط انصرف وتركه دون حتى ان يرد او يلتفت اليه وكادت الدموع تطفر من عين الرجل وهو يقول ربنا يفرجها من عنده ربنا كبير.....

ويكمل الرجل ماساته فى انه يود النقل للفيوم مقر سكنه ولكن لابد من وجود بديل ياتى محله فى الجيزه ....بخلاف بعض التحابيش الماساويه انه يعول بالاضافه لاسرته اسرة اخيه التوفى من 5 شهور

وفى النهايه فمثل هذا النموذج البائس من البشر هو المطلوب منه الحفاظ على الامن والنظام وخدمة الجمهور بوجه بشوش....

طب ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شارك هذه المشاركه


رابط المشاركه
شارك

بـريــد الأهــرام

42430 ‏السنة 126-العدد 2003 فبراير 6 ‏5 من ذى الحجة 1423 هـ الخميس

تصرفات الأصاغر‏!‏

أوقف نجلي سيف الدين الخولي الطالب بكلية الهندسة واثنان من زملائه الساعة‏2‏ عصر يوم‏2003/1/29‏ للتفتيش خلال عودتهم من رحلة في سيناء وذلك عند مدخل نفق الشهيد أحمد حمدي‏,‏ وفي غيبة المسئول عن هذه النقطة في مهمة في رأس سدر‏,‏ قام أحد الانفار بالقبض علي الشبان الثلاثة واحتجازهم بحجة أنهم متهربون من الخدمة العسكرية‏,‏ كما صادر متعلقاتهم الشخصية وتليفوناتهم المحمولة لمنعهم من الاتصال بذويهم‏,‏ ثم قام بترحيلهم مكبلين بالأصفاد الحديدية الي نقطة تفتيش السويس‏,‏ حيث تصادف أيضا عدم وجود المسئول‏,‏ وعليه فقد تم الزج بالشبان الثلاثة في الحجز لمدة ثلاث ساعات مع توجيه الإهانات والسباب لهم الي ان حضر الرائد خالد مشكورا وأفرج عنهم‏.‏

وأنا أعرف انه عندما تحدث مثل هذه الأمور فإن الرد عليها سيكون بالاعتذار عن جهل مجند‏,‏ ثم تطبيب الخاطر بكلمة معهلش‏,‏ ولكنني من باب بريد الأهرام أهيب بالمسئولين

في الحدود الا يتركوا سلطة الضبطية القضائية في يد من لايحق له قانونا إعمالها أو تطبيقها والا يكون غياب المسئولين عن نقاط التفتيش فرصة لبعض الأصاغر للتعسف مع مواطنيهم وامتنان كرامتهم بلا مبرر وتوجيه اقذع ألفاظ السباب اليهم‏,‏ وان يتفضل هؤلاء المسئولون بإجابة تساؤلي وهو كيف تسهم مثل هذه التصرفات في تعميق انتماء ابنائنا للوطن واستعدادهم للتضحية في سبيله؟

سفير السيد الخولي

شارك هذه المشاركه


رابط المشاركه
شارك

أنا برضوا تخيلتة منظر شعنونة وهي فى الزنزانة ومــــــــــــــوت من الضحك على المنظر اللهم لا شماته لكن شر البلية ما يضحك.

- موقف آخر لفساد الشُربة ، واحد زميلى كان شغال تبع شركات الكير سيرفس بتاعت الأمن على أحدى المحلات بميدان روكسي فكانت ورديته بالليل فبيسهر مع ظباط الشرطة اللى بيبقوا حرس هناك فى الميدان ، المهم واحد من الظباط شاف بنت نايمه بالليل فى الجنينة فراح باعت عسكري وقاله بالحرف الواحد روح يالا هاتلينا البت اللى هناك دى ، دى باين عليها هاتبقلى ليلة حلوه النهاردة ، وطول ما العسكري جاى فى الطريق هو والبنت الظابط الجبان عمال يتكلم مع زمايلوا اللى واقفين ومعاهم صاحبي وبيمني نفسه بقضاء سهره حمراء ، المهم البنت قربت منه فلقى عندها عاهة فى وجهها ( وشها محروق ) طبعاً صاحبنا أتنرفز وراح ملطش لها وهاتك يا شتيمه متنقية وراح طاردها .... حسبي الله ونعم الوكيل.

شارك هذه المشاركه


رابط المشاركه
شارك

وبعد كدة بتسألوا الارهابيين بييجوا منين !!!!!!

اقسم بالله ان لو حصل معايا موقف من التعذيب او الاهانة دة معايا او مع حد من اخواتي مش بعيد تلاقوني تاني يوم صورتي في الجرايد بعنوان

""استشهادي في فلسطين يخطيئ طريقة ويفجر قسم شرطة مصري""

شارك هذه المشاركه


رابط المشاركه
شارك

مصيبة اخري من مصايب (( جيش الأحتلال المصري ))....

قام ضابط الأمن بجامعة الزقازيق بجمهورية مصر العربيه

يوم السبت الموافق 12/10/2002 بالتعدى بالضرب على طالبه

محجبة من كلية الحقوق وذلك داخل الحرم الجامعى

وعندما اعترض مجموعه من الطلاب على هذا الأسلوب من قبل

هذا الضابط قام الشرطه بضبط واحضارعدد 8 من الطلاب من

بيوتهم ليلا ومنهم هذه الطالبه وترويع اولياء امورهم فى

منتصف الليل ،

وحتى الآن لم يتم الإفراج عن الطالبة والطلاب

واسم الطالبة/ يمنى عقل

التي تعرضت للصفع من أحد ضباط الأمن بجامعة الزقازيق ثم

تعرضت للتعذيب في مقر مباحث أمن الدولة بالزقازيق قبل

صدور قرار اعتقالها . :twisted: :twisted: :twisted:

شارك هذه المشاركه


رابط المشاركه
شارك

اخواني وأحبائي ليس كافي فقط ان نفضح مصايب الشرطة علي صفحات الانترنت (فضايحهم معروفة للكبير والصغير والجاهل والمتعلم)....لذلك أخواني وأخواتي فقد رأيت انه يجب أخذ خطوات اكثر ايجابية من الكتابة ولقد حصلت علي بعض أرقام تليفونات وارقام فاكسات من احد المنتدايات للجهات المسئولة مثل ديوان عام وزارة الداخلية وفاكس ديوان وزير الداخلية ...فأرجو الأحتفاظ بها واستخدامها في أي حالة فساد لجيش الأحتلال المصري الكاتم علي صدور العباد مع التاكد من وجود الادلة والشهود في حالة الأبلاغ والله لمستعان......

......

ارقام الهواتف المباشرة لديوان عام وزارة الداخلية:

7921487

7921490

7921491

رقم فاكس ديوان وزير الداخلية اللواء حبيب العادلي:

7928181

.........

....وعن مداخلتي السابقة بخصوص الطالبة يمني عقل فقد ارسلت بالفعل فاكس بالقصة الي ديوان وزير الداخلية ...والباقي علي ربنا...

شارك هذه المشاركه


رابط المشاركه
شارك

أنا بفكر فعلا أنقل للمنتدى هنا بعض الصفحات التى تعمدت تجاهلها من تاريخ الجبرتى و كانت كلها تتناول أفعال جنود الداخلية... أقصد جنود الإنكشارية...

حسبنا الله و نعم الوكيل... حاميها حراميها

شارك هذه المشاركه


رابط المشاركه
شارك
بيقدروا يناموا ازاى بالليل ضميرهم ما بيتعبهمش و لا ضميرهم مات اساسا؟  

دة بيسموه روتين و قرف الشغل........صدقينى بيناموا احلاها نومة و على قلوبهم مراوح كمان

كليو ...كويس ان الشاويش ذمته مش واسعة قوى و لقحلك كلمة بايخة عشان اديتيله جنيه واحد بس......غيروا كان يبصلك من فوق لتحت و يفرك الجنيه فى ايده و يتطاير الشرر من عنيه و بعدين لاحظى انه مش لاقى ياكل و قاعد طول الوقت قدام مكنة كل شغلتها تطلع فلوس :D

انا اى مشوار للقسم عشان اطلع ورق او خلافه لازم اخد معايا فكة لزوم الشاى بتاع البهوات وفعلا زى ماقال الاخ تايجر الناس دى عايشة على الكفاف و بالكاد مرتبهم يكفى شرب الماء طول الشهر و مطلوب منهم الشرف و الامانة و خدمة الشعب

مرة وقفتنى لجنة فى نص الليل و العسكرى طلب البطاقة و انا مكنش معايا غير كارنيه الكلية .....الغلبان مسك الكارنيه بالمقلوب و فضل يبحلق فيه و لما انتبه للصورة عدله بسرعة :D :D

و كمان حكاية فيه كبابجى كنت متعود اشترى منه دايما مرة رحت اجيب عشا من عنده فى وقت متأخر و بينما انا واقف مستنى الطلب يخلص لقيت صاحب المحل و المحاسب بدوا يستغفروا ربنا و يلعنوا ام الدنيا ...سألتهم فى ايه يا جدعان ...قالوا شايف اللجنة اللى جت و اتنصبت هناك دى اصبر شوية و شوف اللى حيحصل....شوية و 2 عساكر جايين يجروا و ادوا للمحاسب 10 جنيه و قاللوا حضرة الضابط بيقولك عايز 10 سندوتشات كفتة و 4 اربعة كبدة و 3 بيبسى فى لفة و 2 كيلو مشكل بالسلطات و العيش فى لفة تانية و بسرعة ...الراجل اخد الطلبات و هو بيبرطم و صاحب الحل قاللى اهو كل يومين بالمنظر دة :D

شارك هذه المشاركه


رابط المشاركه
شارك

طيب بعد كل الآسي دي ..ما هي الحلول و المقترحات ؟؟

يعني كما قال البعض ..مرتب ضابط الشرطة يكفيه يشرب مية حاف .. و مطلوب في نفس الوقت الشرف و الأمانة و الحفاظ على نظام و انضباط المجتمع !!

طيب ..هم يعملوا ايه ؟؟

أنا بتكلم عن بتوع المرور و العالم الغلابة ..

بس بتوع أمن الدولة .. موضوع تاني خالص .

شارك هذه المشاركه


رابط المشاركه
شارك

صورة أخرى لفساد أجهزة الشرطة فى الخارج - يعني مش فى مصر فقط - :cool:

- أحدى أقربائي من الدرجة الأولى مقيم فى دولة أوروبية فكان فى زيارة لواحد صاحبه مصري عنده سوبر ماركت فبالصدفة لقاه راكن عربيتة وضهرها للمحل وبينزل بضاعة منها فجاء واحد ظابط شرطة بيكلمه علشان راكن سيارته غلط فقاله أنا بس بأنزل البضاعة ومش هاخد غير دقيقتين فأحتد عليه الظابط وأعطى له مخالفة فما كان من اخونا المصري إلا أنه ضرب الظابط وقطع بدلته وحطة فى شنطت عربيته وذهب مع قريبي الى قسم الشرطة وهو جارر الظابط من قفاه ودخل بيه القسم وحكى للظابط أنه أتكلم معاه بشكل غير لائق - جرح أحساسه يا عيني - واعطه له مخالفة كمان وفي هذه الأثناء تبعهم واحد من سكان البد الأصليين وشهد ان الظابط علا صوته على الاخ المصري فما كان من الظابط اللى فى القسم إلا أنه عنف الظابط المضروب ولغى المخالفة لكنه وجه اللوم للمصري على أنه أعتدى على ظابط وكمان قطع بدلته وصالحهم على بعض وأنتهت القصة.

- ووالله العظيم لولا ثقتي فى قريبي وأنه أنسان صادق كنت قولت دى من حكايات الف ليلة وليلة وتخيلت لو ربع ده حصل عندنا كان الراجل ده قطع أرباً أرباً وفرق جسده على أنحاء المحروسة من جنوب الوادي حتى منطقة السلوم ليكون عبره لأى مواطن يجادل ظابط شرطه أو حتى يكون شايل حاجة فى نفسه منه .... وعجبي

شارك هذه المشاركه


رابط المشاركه
شارك
إلا أنه ضرب الظابط وقطع بدلته وحطة فى شنطت عربيته وذهب مع قريبي الى قسم الشرطة وهو جارر الظابط من قفاه ودخل بيه القسم

متأكد

انه كان ضابط شرطة مش ضابط إيقاع

شارك هذه المشاركه


رابط المشاركه
شارك

من كااااااااام سنة اتذكر قراتي لحادثتين

احدهما انه ضابط شررطة ورجل في الحاجا واربعين من عمره وقفوا عكس بعض بالعربيات

وطلع الظابط قعد يهزق في الراجل مع انه الطريق للراجل

واحتد الكلام

راح الظابط مطلع مسدس بيهوش بيه الراجل "ارهاب" الراجل فجاة طب مات

طلع ان الراجل مريض بالقلب ولم يتحمل الجدل او المسدس؟

وحسبت الوفاة قضاء وقدر؟ :? :mad:

طالبة في كلية برضه الطريق ليها و العكس ظابط وبرضه نزله واتخانقوا وزعقوا وانتهوا انه ضربها بالقلم قدام الناس

فما كان منها الا ان اخذت تلفونات كل من كان حولها من الناس

وذهبت الى امن الدولة وبعد محاولات مضنية

ادوا للراجل ككلمتين في جنابه واظن والله اعلم انه اتنقل لمكان تاني غير مكان عمله

الفتاه كانت مشروع صحفية!! :wink: :? :?

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...