اذهب إلى المحتوى
محاورات المصريين

يا خسارة يا ابن مصر..


بنت شعنونة

Recommended Posts

اتذكر اول موضوع لي هنا في المنتدى كان يا خسارة يا بنات مصر وكان يتناول سلبيات الفتيات في المجتمع

هذه المرة ساحكي لكم عن ظاهرة عجيبة منتشرة اليومين دول؟؟؟؟ :D

من فترة كنت في بيت اولا اعمامي وتصادف وجود اصحابهم عندهم فجلسوا مع بعض الشباب في البلكونة

بينما كنت انا اصلي في غرفة بلكونتها فوق البلكونه اللي هما قاعدين فيها..

المهم وانا بصلي سمعتهم عمالين يتكلموا عن بنت بشكل غريب وكان صوتهم عالي قوي

وعمالة اسمع كلالالالالام غريييييب

زي

البنت دي هبلة؟

بتعمل ايه دي

الله الله دي با ينها ^%&^%%$%

:D

فضولي دفعني افتخ البلكونة وابص في ايه

لقيتهم عمالين يبصوا على اتجاه معين.. بصيت لقيت بنت قاعدا في غرفتها

واكرر غرفتها لكن لسوء حظها في بلكونة في الغرفة تقريبا في وسط الغرفة

والبنت فاتحا التلفزيون على اغنية ما وعمالة تقلد البنات اللي بيرقصوا في الأغنية في رقصاتهم..

طبعا هيا مش واخدا بالها انه في جييييييش في البلكونة بيتفرج عليها

مع العلم ان العمارة بعيدة نوعا ما ومش في وش العمارة

طبعا هزاتهم وبهدلتهم ونزلتهم من البيت ومسكت ولاد عمي وهاتك يا ببهدلة

فوجئت برد غريب

....

ما هيا لو بنت محترمة ما كانتش رقصت ادام الناس؟؟

- نعم قدام الناس اييييييييه؟؟؟؟؟؟ظ دي في غرفتها

- بس فاتحا البلكونة

- الله ودا يعني يديك الحق انك تتفرج عليها كدا وهيا مش واخدا بالها؟؟؟؟؟؟؟

:twisted:

وانتهى الحوار كدا وانا مذهولة

امبارح بقى كان في لقاء مع داليا البحيري الفنانة او المذيعة ايا ما كان

هما قدموها من هنا

ولقيت الأولاد في نفس واحد

دي واحدا ^%$^$%$#$#

اتعصبت تاني وقلت يا جماعا حرااااااام

دا خوض في اعراض الناس

مش معنى انها لابسا ابصر ايه انها كذا!!

:neutral:

ولا تقذفوا المحصنات

افحموني بكلمة واحدا

مش لما يبقوا محصنات اصلا!!!! :?

مين فينا الغلط؟؟ ومين فينا الصح؟

ومعقولة نمضغ لحم بعض بالشكل دا؟؟؟؟؟

:roll:

وانا من البلد ديييييييييييي

رابط هذا التعليق
شارك

أختى شعنونة...

أما عن البنت اللى كانت فى بيتها و بترقص..... فالمفروض أن المسلم يغض بصره أولا و لا يتتبع عورات الناس.....

يعنى هى ماكانتش بترقص فى الشارع مثلا ... صحيح كان لازم عليها تتحرى أن محدش شايفها و تقفل عليها باب البلكونة... لكن هم تتبعوا العورات فو فتشوا حتى يشوفوا حاجة... و لما شافوها ثبتوا نظرهم فيها... فهم :

1) تتبعوا العورات

2) لم يغضوا البصر

3) الأولى لك و الثانية عليك (ما بال العاشرة)

4) لو كان أول واحد شاف المنظر ده صهين و عمل على أن أخوانه مايشوفوش المنظر ده كان أخد ثواب فى البنت (الله ستار حليم)... و أخد ثواب فى كل واحد من زملائه منعه من أنه ينظر إليها و يشيل ذنب (يأمرون بالمعروف و ينهون عن المنكر).... إنما أول أول واحد شال ذنبه و ذنب كل من دعاهم للنظر

والله و رسوله أعلم

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

والله يا بنتي قلتلهم الكلام دا

كان الرد كلمتين

البنت عاملة زي الحشرة اللي بتفرز رائحة تجتذب الذكر

واللي عملته كان زي كدا

احنا ذنبنا ايه؟؟؟؟

:? :twisted:

وانا من البلد ديييييييييييي

رابط هذا التعليق
شارك

عزيزتى شعنونة....

المرأة حشرة؟؟؟؟

طب فين برهانهم من القرآن و السنة أن المرأة حشرة؟؟؟؟

الى يقول إن المرأة حشرة تبقى أمه حشره و أخته حشره و مراته حشرة و بنته حشرة..... ولا إيه؟؟؟

احنا ذنبنا ايه؟؟؟؟

أمال مش ربناأمر بغض البصر و عدم تتبع العورات؟؟؟ هو أيه من اللى عملوه مش ذنب؟؟؟!!!!!!!!!!

تانى حاجة دى حاجة ترجع لنية البنت... لو هى فاتحة الشباك بهدف أنها تتشاف.. فهى تتحمل ذنبها و ذنب كل من نظر إليها (دون أن تنقص من ذنوبهم شيئا)

أما لو كانت فعلا مش واخدة بالها يبقى (ربنا لا تؤاخذنا إن نسينا أو أخطأنا) ...

و بما أن الموضوع كله راجع للنية فالحكم على البنت دى إن كانت كويسة ولا لأ دى حاجة بتاعت ربنا....

حتى لو كانت واقفة ترقص فى الشارع كان عليهم أن يغضوا بصرهم...

تانى حاجة إن اليهود هم الدين الوحيد اللى اضطهد المرأة و حقرها.... يا ترى بقى الشباب اللى عملوا كدة واحنا فى رمضان ملتهم أيه؟؟؟ (أنا اللى مجننى أنهم محسوش بأى ذنب ولا حتى بعد ما لمتيهم..!!!!!!!!!!!!!!) :mad: :mad: :mad:

استغفرى ربنا لينا و ليهم لعله يغفر لنا جميعا

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

مش القصد يا كليو

قصدهم انه عمايل البنت هيا اللي تخلي الولد يتكلم عنها او لا... :?

زي لبسها وطريقة كلامها وكدا...

بس المشكلة

انه على رايك الموضوع موضوع نية

والله اعلم بيها

لكن موضوع البنت دي %$#$#$

مش دا حرام برضه؟

والله ما جابنا ورا الا كدا

يشوفوا البنت واقفا مع زمايلها مثلا في الكلية

هب

يقولك دي كدا وكذا وبتاع

ويطلعوا على البنت سمعه من مفيش

ولما تقوليلهم ولا ترموا المحصنات يقولولك مش لما يكونوا محصنات اصلا!!!!

:mad: :mad: :mad: :twisted:

وانا من البلد ديييييييييييي

رابط هذا التعليق
شارك

الاخت شعنونة و كليو

لو كان الامر كما ذكرتيه، فلا عذر لهؤلاء المراهقين فيما فعلوه

كلامهم عن الحشرة اظن انهم يقصدون ما هو معروف في عالم الحيوان من ان الانتى تفرز رائحة او مواد كيميائية في موسم التزاوج للاعلان عن الاستعداد

البنت اللي بترقص كان عليها انها تتحرى اكثر ان الشباك مقفول، بس هي كما قالت كليو في بيتها، و ليس لاحد الحق ان يطلع عليها، حتى لو الشباك مفتوح شوية

هؤلاء شباب زايدة عندهم الهرمونات شوية و لا يتقون الله و لا وخز الضمير، و يلقون بالمشكلة على الطرف الاخر تبريرا لما فعلوه

هذا مثل ما ناقشناه في موضوع اخر و بعض الاراء التي قد تفهم على ان لبس البنات ذريعة للشاب ان يخطئ، و كانه سقط عنه التكليف بمجرد ان الطرف الاخر اخطأ

يعني الشاب، حتى المتدين، لو شاف واحدة لابسة خليع، يجب عليه ان يقع في الحرام؟ اي منطق هذا

و لا حول و لا قوة الا بالله

نقطة اخرى، واخداهم العزة بالاثم و يجادلونك لتبرير ما انساقوا اليه، لعدم اعترافهم بانهم مخطئون، خاصة انك واحدة ست و هم مجموعة صبيان

نقطة ثالثة، لو كانوا واحد لوحده لما فعل ذلك و لكن تأثير الشللية واضح، حيث يجرؤ الفرد على اشياء عند وجوده في مجموعة تشجع ما يفعل، بيتقووا ببعض يعني

او تحت تاثير ضغط الاقران Peer Pressure بيتشجعون على ما لا يمكن ان يفعلوه في وجود الكبار

الشعب اراد الحياة و القيد انكسر

رابط هذا التعليق
شارك

كلامك صحيح فعلا يا اخ طفشان

لكن في الأخر نقول شباب وطايش

المصيييييييبة بقى

في الرجالة الكبار؟؟؟؟؟ :D :shock:

انا مرة كنت في ماركت ولابسا عبااااااية قدددددددد كدا

لقيت راجل كبير بيعاكس؟؟؟؟؟؟؟؟

دا بالله تقوله اييييييييييه بس؟؟؟؟؟؟؟

:mad: :twisted:

وانا من البلد ديييييييييييي

رابط هذا التعليق
شارك

أولاً : لا شك أن هؤلاء الشباب مخطئ ... و لا يستطيع أحد أن يبرر فعلتهم ... إلا من يقومون بمثل هذا العمل ....

ثانياً : و آه من ثانياً التى ستفتح على النار من جديد ... أنا عارف...

مفيش فايده... عمر المرأة ما "هتكون" محايدة ....

فحتى" كليو " التى إقتربت من لوم الفتاة ... وضعت شروط لهذا اللوم فقالت .... " أنها... أى الفتاة... لو كانت فاتحة الشباك عشان تتشاف ... فهى تتحمل ذنبها و ذنب كل من نظر إليها (دون أن تنقص من ذنوبهم شيئا) " ... كلام جميل ... لكنه كلام يفترض أن مجرد ترك الشباك مفتوح و هى تفعل فعل كهذا لا يجعلها مذنبة , و لا بد لكى تكون مذنبة .. أن يقترن ترك الشباك مفتوحاً و هى ترقص بأن يكون النية لديها مبيتة أن يراها الشباب ... و فى هذا تجاهل إلى أن البنت التى تصل إلى مرحلة الرقص و الشباك مفتوح لتلفت النظر إليها ... إنما هى قد مرت بتلت أو أربع ذنوب فى السكة , و عل الماشى ... قبل أن تصل إلى هذا الذنب ... و يوحى بأن المرأة التى تخرج متبرجة ... لا ذنب عليها طالما أنها لم يكن فى نيتها لفت أنظار الشباب إليها !

أما عرض الأخت الشعنونة للحدث فهو لا يخلو من فكاهة هو الآخر ... فالشعنونة التى كانت تصلى فى غرفتها و قد حرصت على غلق البلكونة و هى تصلى ... لا تجد أن ذنب الفتاة التى تركت الباب مفتوحاً و هى ترقص أكبر من ذنب الشباب الذى ينظر ... يا عينى ...

بصيت لقيت بنت قاعدا في غرفتها  

واكرر غرفتها لكن لسوء حظها في بلكونة في الغرفة تقريبا في وسط الغرفة

و تقول أن من "سوء حظ " الفتاة أن غرفتها بها بلكونة ... سوء حظ ... و كأنها كانت محبوسة بين أربع جدران و فجأة إنشق أحد الجدران عن بلكونة ... و بالصدفة الغريبة "جت" البلكونة تقريباً فى منتصف الغرفة كما قالت الشعنونة ... و بالصدفة الأغرب أن هذا قد حدث و هى ترقص .... يا حظى ....

والبنت فاتحا التلفزيون على اغنية ما وعمالة تقلد البنات اللي بيرقصوا في الأغنية في رقصاتهم..

و هى لا تريد أن تعترف أن الفتاة كانت ترقص ... و لكنها كانت " تقلد" حركات بنات" بيرقصوا " فى التلفزيون كما قالت الشعنونة ... إذاً... فهو "تقليد" و ليس "رقص" .... فرق كبير جداً ...

طبعا هيا مش واخدا بالها انه في جييييييش في البلكونة بيتفرج عليها

و هى متيقنة أن الفتاة يا ولداه ... مش واخدة خوانة ... كما قالت الشعنونة... رغم أنه" فى جييييش فى البلكونة من الأولاد ينظر إليها " كما قالت الشعنونة أيضاً ... و الكل يعلم أن المرأة لديها قرون إستشعار " و هذا لا يعنى أنها حشرة " بالمناسبة ... فهذا فى اللغة و بلاغتها .. يقال عنه " كناية "... يعنى تشبيه.. لكنه تشبيه " مخفى " شوية ... و هذه القرون قد زودت بها المرأة لحمايتها .. حتى تتنبه لأى خطر يحيق بها حتى قبل أن يشرع صاحبه في فعله ...

إن هذه القرون تمكن المرأة من الإحساس برمش عين عبر القارات من خلال "شباك" الكمبيوتر على " الإ نترنت "... فما بالنا بجيييش جرار من العيون المبحلقة عبر الشارع من " بلكونة " و على .. " واحدة و نص " ....

و بعد ذلك تريد المرأة أن تصبح قاضية .... عجبى ....

و أنا هنا لا أبرر ما قام به الصبية كما قلت ... و لكننى أعترض على تحميلهم ذنب أكبر ممن كان السبب فى وقوع الذنب ... و تصوير الذى بدأ بالذنب على أنه ضحية ... فإن لم تتحمل الفتاة الذنب الأكبر و إن لم يتساويا فى الذنب ... فعلى الأقل لا يكون اللوم لرد الفعل أقوى من اللوم للفعل نفسه ... و خاصة أن الفتاة ما كانتش فى حالها قوى كما يراد لنا أن نتصور ...

و العجيب أن العنوان الذى وضع للموضوع هو يا خسارة يا ابن مصر .. فعلاً ... يا خسرتك فى بنات مصر ....

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك

و الله الموضوع سهل تفسيره...الأخت اللي رقصت...اقصد الأخت الرياضيه أغلقت الشباك نص نص علشان الدنيا حر ...جت نسمه هوا فتحت الشباك و لو تنتبي البنت لشباك و في نفس الوقت خرج هؤلاء الشباب للبلكونه و شاهدوها ترقص ..يبقي الذنب يقع علي الهوا اللي فتح الشباك....و دلوقتي سؤال حلقه....ما نوع خشب شباك البنت? علي العموم إذا عرفت الأجابه .... أرسلها لمحاورات المصريين و جزاك الله كل خير.......

:?: :?: :?: :?: :?: :D :D :D :D :D

Egypt is my home , USA is my life.

رابط هذا التعليق
شارك

اعتقد انة خشب الورد ...صح.

:D :D :D

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك

من أين يأتي تخميننا بحسن النية في بلكونة مفتوحة وبنت ترقص أمامها وهي تعلم كل العلم أن هناك جيران في كل مكان يتربصون بأي رأس مطلة أو غير مطلة من أي خرم سواء أكان شباك أو بلكونة!!!!!!! لو كانت البلكونة اتوجدت فجأة وبقدرة قادر بقت في نص الغرفة دون علم البنية ممكن نقول معلش ماهو ماكانش فيه بلكونه قبل كده واذا كانوا الجيران سكان جداد وافدين على الحي وماكنش فيه قبل كده سكان كنا برضه هانقول: وهي تعرف مين فين بس ان السكان جم وسكنوا بيوتهم .

ولكن بالرغم من ذلك فلا يمكننا تقسيم من المذنب أكثر ومن أقل فلا البنت معافاة من الذنب ولا الأولاد الطايشين واللي مش قادرين يتخيلوا ان أي بنت ممكن تكون مكان اختهم أو أختهم مكانها.

إن خوفت ماتقولشي وإن قولت ما تخافشي
رابط هذا التعليق
شارك

يا سيد فواكة البحر

رفقا بالقواريرة :?

اولا سعادتك اغفلت فقرة مهمة اوي

ان البيوت بقت علب سردين دلوقتي يعني غصب عنهم لازم شباك يبقى مفتوح

ثانيا العمارة اللي البنت فيها صعب حد يكشفها لكن حظها النحس ان البلكونة دي كشفاهم بطريقة غير مباشرة ممكن هيا نفسها ما تاخدش بالها؟

وبعدين يا استاذ علامة البحار

البنات وهما صغيرين بيحبوا يقلدوا الفنانات والرقاصات والكلام دا

:?

يعني شيء عادي في اي بنت لسا في بداية المراهقة

ولو سمحت تاني مرة ما تستخفش بحاجا حد كاتبها ومادام ها ترد يبقى ترد في حدود الموضوع وبس

والا ايه رايك! :?

ست امينة

انا عارفا ان الغلط على الأتنين

بس البنت في بيتها ومش واخدا بالها انه حد شايفها

بلاش نحمل البنت العار في كل حاجا!!

دا غلط مزدوج من هنا ومن هنا

لكن غلطة الجماعا اكبر من غلطة فرد

خصوصا لو كانت بدون قصد

وبرضه ما عرفتش ردكم في لب الوضوع

واللي هوا

اكل لحم الناس وسيرتهم لمجرد مظاهر!!

:?: :neutral: :D

وانا من البلد ديييييييييييي

رابط هذا التعليق
شارك

في الرجالة الكبار؟؟؟؟؟    

انا مرة كنت في ماركت ولابسا عبااااااية قدددددددد كدا  

لقيت راجل كبير بيعاكس؟؟؟؟؟؟؟؟  

دا بالله تقوله اييييييييييه بس؟؟؟؟؟؟؟

دة يتشتم و يتهزأ قدام الناس كلها

لانه عجوز متصابي

الشعب اراد الحياة و القيد انكسر

رابط هذا التعليق
شارك

وهي تعلم كل العلم أن هناك جيران

يا أخت أمينة....

هل تضمين صوتك للأخوة الذين يدعون اطلاعهم على سرائر الناس؟؟؟؟؟؟

من أين لكم التأكد أنها واخدة بالها و متأكدة أوى أن البلكونة مفتوحة...؟؟؟

طب حد فيكم شاف موقع البلكونة و هل هى من السهل كشفها لأى عين أم أنها مستورة و لازمها عين صقر عشان تكشف اللى جوة البيت؟؟؟؟؟

quote]e]ثانيا العمارة اللي البنت فيها صعب حد يكشفها لكن حظها النحس ان البلكونة دي كشفاهم بطريقة غير مباشرة ممكن هيا نفسها ما تاخدش بالها؟

اتقوا الله............

يا أخت شعنونة...

وبرضه ما عرفتش ردكم في لب الوضوع

واللي هوا

اكل لحم الناس وسيرتهم لمجرد مظاهر!!

اللى ترضى أنها تطلع فى الأفلام بالبكينى و فى أوضاع خاصة جدا و أن تركز الكاميرا على أجزاء معينة منها يراها آلاف الشباب دى متبقاش محصنة...

هى فين الحصانة اللى حصنتها لنفسها؟؟ دى واحدة ربنا ساترها و هى فضحت نفسها......

المحصنة هى اللى تعمل اللى عليها و تستر نفسها و تتقى الله

و مع ذلك....

"ولا يغتب بعضكم بعضا أيحب أحدكم أن يأكل لحم أخيه ميتا فكرهتموه"

يعنى فيع فرق بين الغيبة و قذف المحصنات و الاتنين حرام...

والله أعلم

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

يا أستاذتنا العزيزة شعنونة ...

القضية الأساسية فى هذه القصة ليست هي سلوك الشباب... لكن ... القضية الأهم أننا أصبحنا نقبل أشياء من تصرفات الفتيات كانت تعد فى الماضى القريب جرما بما تعنيه الكلمة من معنى .. و سمنى رجعى أو أى لقب تحبيه .. هذا لن يغير من فكرى ... و تحويل دفة النقاش إلى تصرف الشباب الخاطئ .. هو نوع من لفت الأنظار عن الخطأ الأكبر ... و هو بالمناسبة ليس ما فعلته الفتاة ... و لكن الخطأ الأكبر هو عدم تضخيمنا لسلوك الفتاة و قبولنا إياه و تبريرنا له بكل حجة ممكنة أو غير ممكنة ... و بصراحة أنا لو أختى أو إبنتى تصرفت هذا التصرف .. فلن أستطيع أن أرفع عينى فى هؤلاء الشباب رغم وقاحتهم .. و سألوم نفسي أننى لم أربى إبنتى على مراعاة سلوكها قبل أن ألوم الغير على ما أتى من قول أو فعل نتيجة هذا السلوك ... الذى أصبحنا نتكلم عنه و كأنه شئ عادى .... و لذلك كان لا بد لى من أن أرد بهذه الطريقة ...

لقد إستخدم الغرب المرأة وجعل منها أداة فى يده لنشر الفكر الإنحلالى بدعوى الحرية داخل المجتمعات الغربية ... ثم أخذ فى محاولة نشر هذه الأفكار بيننا و بالتدريج ... حتى إذا أبدينا مقاومة لهذا الإنحلال .. قام الغرب بإستخدام المرأة كوسيلة للضغط و الإرهاب الفكرى .. متهما إيانا بأننا لا نعطى المرأة حقها .. فصارت المرأة ذراعنا الذى يوجعنا ... كلما لووا هذه الذراع عن طريق اللعب بعقول نسائنا .. كلما إنتفض الناس عندنا و قالوا " إعطوا المرأة مزيدا من الحريات...دراعنا وجعنا... "

و قد إبتدع الغرب طرق عدة لمساعدة المرأة على الإنحلال دون أن تشعر بوخز من ضمير ... و قد تذكرت ذلك على أثر ذكر هذه الحادثة ... حادثة " الراقصة و البلكونة " ... و طاف بعقلى الذكاء الذى يتعامل به الغرب مع المرأة فيشعرها بقيمتها و يهبها كل الحريات فى مقابل أن تتخلى هى عن الفضيلة ... و أحد وسائل الغرب فى تحقيق ذلك و الذى يتماشى مع قصتنا هذه ... هو زعمهم مثلا بأن جريمة الإغتصاب ... هى جريمة عنف ... و طبعا الهدف واضح من وراء الترويج لهذا القول و هو إعفاء المرأة من المسؤولية فى حوادث الإغتصاب ... و أن سفور المرأة ..و تبرجها و مزاحمتها للرجال ..و الإختلاط الغير مبرر .. كل ذلك ليس له علاقة بجرائم الإغتصاب ... و لكنه عنف الرجل الذى يؤدى إلى هذه الجرائم ...

و هذا ما يجسده طريقة مناقشتنا هنا حيث أهملنا النقطة الأساسية ... و ركزنا على الفروع ....

لقد تذكرت ذلك عندما قرأت القصة أعلاه ... و عرفت إلى ماذا نحن متجهون .. و لا أراه إلا طريق مظلم نعرف نهايته و مع ذلك نسير فيه بمحض إختيارنا ... إنه طريق غايته أن يعطى المرأة الحق فى أن تفعل ما تشاء وقتما تشاء ... فإن هب الناس لينتقدوا ذلك السلوك .. قام ألف واحد يتهم من ينتقد المرأة بأنه رجعى .. و بأنه لا يحترم المرأة .. و بأن العيب فيه و ليس فى المرأة .. و أن المهم هو تفكير المرأة و نيتها .. و ليس مظهرها .. و أنه عليه أن يغض بصره كما أمره الله و يدع المرأة تلبس ما تشاء و تفعل ما تشاء .. و يتمادى البعض فيرمى الرجل بأنه يعانى من الكبت الجنسى و أن هجومه على المرأة المتبرجة هو تنفيس عن هذا الكبت .. إلى ما هنالك من نظريات وتحليلات الهدف منها هو إعطاء المرأة الفرصة لتفعل ما تشاء .. و كله بدعوى الحرية و إحترام حقوق المرأة و حقوق الأقليات ..

و لا أدرى أصلا لماذا تعتبر المرأة أقلية .. رغم أنها نصف المجتمع ... وهى فى طريقها لتفوق النصف ... إلا إذا كنا بنحسبها بالكيلو ...

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك

:?

عارف يا فواكة البحر كلامك بيفكرني ب ايه؟

لما ولد يعاكس بنت في الشارع بس يعاكسها بايده زي مثلا $#$#$ :?

لو البنت مسكت فيه وبهدلته وهزاته

الغلط يجي عليها هيا

ويقولك مفروض تسكت وتكمل مشي ولا كانه جرالها حاجا

بلد ليها العجب

:mad: :? :neutral:

وانا من البلد ديييييييييييي

رابط هذا التعليق
شارك

اسميحلي يا بنت شعنونة اقولك .. ان موضوعك ده هو السبب اللي خلاني اشترك في المنتدى ده .. وطبعا باحيي الجميع :cool:

اسمحيلي الاول اقول تعليقه بسيطه وبعد كده ارد على كلام اتقال هنا .. للمشتركين في الحوار..

- اولا واضح من كلامك انهم كانوا بيتريقوا عليها وعلى جنانها وعلى انها ازاي لوحدها وبتعمل كده والرقص والحركات دي.. فتخيلي مثلا انها بفـــــرض : كانت واخده بالها من الشباك اللي اتفتح ده بفعل فاعل .. والا الهوا رماه .. وكانت فعلا عايزة توري الشباب اللي قاعد بيتفرج ده .. اعتقد انها كانت هتتقن اللي بتعمله وتتفنن في " الجذب " اليها .. وهيكونوا عارفين وحاسين انها واخده بالها وهيتقلب الكلام من مجرد تريقه مع شوية قله ادب ..الى قلة ادب بجد مع مسخره .. فبلاش يكون عذرهم ان البنت ممكن تكون عارفه .. ومحدش مش بيغلط .واعتقد انها لو كان الغلط مجرد انها فتحت الشباك والعماره جنب العماره ..يعني ممكن يكون فيه احتمال ان حد يبص .. يعني نيتها للسوء مش اكيده .. فالشباب دول عملوا عملتهم بوضوح نيه .. وكمان غير ده انهم زي مابيقول ........... اخذتهم العزة بالاثم ..

- ثانيا القرآن الكريم بيقول في سورة النور آيه 23 :: (( واللذين يرمون المحصنات الغافلات المؤمنات لعنوا في الدنيا والآخرة ولهم عذاب عظيم ))

اولا واضح في الايه ان رمي المحصنات واللي كان اعتراضه على الكلمه دي انها لو كانت محصنه اصلا .. فهل ثبت عليها الزنا ؟ ده اولا ..

يعني لو كانت فعلا للمرحله دي معتقدش انك يابنت شعنونه هتستغربي من رده فعل الشباب دول ... الا لو كانت البنت دي .. سيرتها مش كده مهما كان لبسها وطريقتها ... وكل حاجه

تاني حاجه انها غافله .. والفغله يعني انك تتهمها في غير وجودها .. ازاي تقدر تدافع عن نفسها ..

آيه تانيه في سوة النور وهي آية 30 .. وابتدأ بيها القآن بوعظ المؤمنين اولا

(( قل للمؤمنين يغضوا من ابصارهم ويحفظوا فروجهم ..))

وفي الايه اللي بعديها قال :: (( قل للمؤمنات يغضضن من ابصارهن ويحفظن فروجهن .. ))

اولا ابتدأ بالرجل .. ياترى الابتداء ده عبثي ؟! طبعا لا

واقولكم السبب ..

احاديث كتيره للرسول عليه الصلاة والسلآم بتوصي الرجال في معامله المرأة

وانه هو المسؤول عن تعاليم دينها وهيسأل عنها يوم القيامه ..

فيه كلمه عجبتني للحبيب بن علي ... كان بيقول الاحاديث والقرآن غالبا بيتكلم عن معامله الوالدين بالحسنى وبأن الابناء عليهم ان يطيعوا آبائهم ..لكن مفيش تركيز للابناء .. زي الزوج والزوجه ..لإيه احاديث كثيره توصي بمعاملة الزوجه لزوجها وبأنه كان سيأمر المرأة ان تسجد لزوجها لولا انه السجود لله فقط .. هل معنى ده ان حق الابناء والزوجه ضايع ؟!

دول جزاءهم عن ربنا .. ومش هيكونوا في موضع سؤال يوم القيامه عن التربيه والمعاملة وتعليمهم الدين زي الطرف التاني اللي هما الوالدين والازواج ..

والابحاث دلوقتي على قدم وساق ..

فيه ابحاث اجريت مؤخرا .. انه معاملة الاب الشديده لبناته مهما كان يعتبرها في مصلحتهم .. ونوع من السلطه والقياده .. ان ده في المستقبل هيأثر على علاقتها بزوجها واولادها وحالات طلاق كتيره حصلت من السبب ده

ده غير انهاء النقاش ...... لمجرد انك بنت

ولو تغلطي غلط بسيط ( ولو من غير قصد ) يحملوكي ذنبك وذنب اللي عملوها من قصد وغير قصد وذنب المجتمع ونظره المرأة وكأنها تابع وناقص اهليه ..بس لو الولد غلط ( طيش شباب والمسامح كريم )

اولا انا مش باتكلم عن نظره المجتمع انا ممكن اتغاضى عنها .. عشان فيه بعض العادات لازالت متوارثه من العصر الجاهلي والتعصب ووأد البنت بالمعاملة ودي اصعب ..

كل ده تتحت عذر انه راجل .. وانه له قوامه عليها .. القوامه دي كلنا عارفين انها تكليف وليست تشريف ... يعني قائم على شؤونها ومين يسمع .. والله احيانا تموت وتتقطع ومحدش سامع !

انا مره باتفرج على قناه .. وكان فيه استفتاء بين الشباب والبنات عن المعاكسات ..... كل الاولاد قالوا ان الحق على البنت بس وعلى طريقه لبسها ومفيش غير راجل واحد قال ان الغلط طبعا على الاتنين .. غض البصر وهي محفظتش نفسها ... ووالله ..البنات كلهم ماعدا واحده قالت على الاولاد .. اما البقيه فقالوا على الاتنين طبعا ..

والايه قدمت غض البصر على حفظ الفرج وللرجل قبل المرأة ..

وبعدين بقول للي رد قبلي ... كلامك حلو ومش هنعترض ان الغرب بيستخدم المرأة كسلعه .. بس في كلمه قلتها ( إنه طريق غايته أن يعطى المرأة الحق فى أن تفعل ما تشاء وقتما تشاء ... فإن هب الناس لينتقدوا ذلك السلوك .. قام ألف واحد يتهم من ينتقد المرأة بأنه رجعى .. و بأنه لا يحترم المرأة .. )

اولا لو كانت على تربيه وخلق ديني .. هيبقى فيه كونترول من الداخل عندها .. ساعتها هيبقى مسأله اعتقاد .. والعقيده مش بتحتاج كل شويه تأكد عليها لانها بتكون خلاص وصلت للمرحله دي ..

بس بلاش تتكلم على ان المرأة طفلة مهما كبرت .. وليس لها الحق في التعبير عن آراها ولك انت ان تنصحها وتوجهها لو كنت خايف عليها .. والرجعيه فعلا هو النظر من زاويه واحده .. وديكتاتوريه الرأى .. يعني لو اختك او زوجتك او اي كان .. اختلفت معاك في حاجه .. قمة الرجعيه انك تعطي لنفسك الافضليه انك رجل وتقول ..خلاص هو كده .. كل حاجه بالنقاش تمشي

ومتنساش ان النساء شقائق الرجال .. وكلامك كان خارج عن الموضوع

يعني انتا شايف انها غلطت في المثال ده ؟

وفين هو الغلط .............؟!

وطبعا باحييك على كلامك ....... وخوفك :D

أنا اسفه اني طولت عليكو .. بس فيه حاجات انا مش عايزة اقول خليكو متحضرين وبلاش الرجعيه .. وخليكو محايدين فعلا .. مش لما ندافع عن حق واحد لينا ممكن تقولوا يادي معقده ..او مش متربيه او منحازة او بتكره الرجاله ... انا عايزه خلق الرسول يبقى ولو في ابسط حقوقنا .. مش كفايه مليون مقال انتقاد للمرأة ولو مقال واحد وقفه وبصراحه للرجل مع نفسه ..برضو يصر على نظرة المجتمع وهو مش مجبر عليها هنا ...انا عايزه كلام في اللي حصل ده وبعدين ادخلوا في هجوم على المرأة في مقالات تانيه ........... والكيبورد ببلاش :D

سلام عليكو .. :cool:

رابط هذا التعليق
شارك

توضيح :shock:

انه كان قصدي على ( وانه هو المسؤول عن تعاليم دينها وهيسأل عنها يوم القيامه ..

فيه كلمه عجبتني للحبيب بن علي ... كان بيقول الاحاديث والقرآن غالبا بيتكلم عن معامله الوالدين بالحسنى وبأن الابناء عليهم ان يطيعوا آبائهم ..لكن مفيش تركيز للابناء .. زي الزوج والزوجه ..لإيه احاديث كثيره توصي بمعاملة الزوجه لزوجها وبأنه كان سيأمر المرأة ان تسجد لزوجها لولا انه السجود لله فقط .. هل معنى ده ان حق الابناء والزوجه ضايع ؟!

دول جزاءهم عن ربنا .. ومش هيكونوا في موضع سؤال يوم القيامه عن التربيه والمعاملة وتعليمهم الدين زي الطرف التاني اللي هما الوالدين والازواج )

انه يوم القيامه .. هيسأل الزوج عن معرفته للدين وعن تعليمه لزوجته

اما هي فستسأل عن نفسها فقط ..

وبالمثل مع الوالدين والابناء

وشكرا :D

رابط هذا التعليق
شارك

:D :D

يا عييييييييييينيييييييييي عليكي يا متمردة

كنتييي فييييييين من زمااااااااان

ايوا كدا

والله خليتيني اخد نفسسسسسسي

:D

بجد بجد كلامك فعلا عييييين العقل

المشكلة انه مجتمعنا اصبح ينظر للمراة من منطلق واحد فقط

وهوا انها نقطة "ضعفه" الوحيدة

يعني المراة نقطة ضعف الرجل

لأن هيا اللي ممكن تجيب مناخيرة الأرض لو طعنته في شرفه لو كانت زوجته او اخته او امه

عشان كدا هوا مش بيخاف عليها

هوا بيخاف على "صورته" فيها

لو عليها هيا ولالالالالا يهمهم

انما طالما شايلة اسمه او تنتمي ليه يقولك.. شرفييييييي

واخدين بالكم من الضمير في كلمة شرفييييييي

مش شرفها كمان؟؟؟؟

لا شرفي

:mad: :mad: :mad:

وانا من البلد ديييييييييييي

رابط هذا التعليق
شارك

:D :D :D :lol:

بنت شعنونة ..

والله انتي اللي تحفه :inlove:

عشان نكون محايدين وميقولوش اننا بنرمي كلام وبس

هنقول .. ليه حق انه يقول شرفي .. زي مابيقول حبيبتي..

وان كان فيه اختلاف في الحالتين

حالة الحب ..حالة اندماج مع الحبيب ..روح وحده

بس لما يقول شرفي .. حاله تبري مش اندماج..

وده انا مش هخالف عليه ..لان الراجل لازم يكون عنده غيره

على اهله .. وتكون بالعقل مش غيره مرضيه طبعا وخوف زايد عن

اللزوم .......... :s2:

بس ياريت تكون معاملته دي بعد ما تكون غلطت فعلا..

معاملته دي قبل كده .. لو كانت فيه مصارحه مابين الاهل وتربيه

كويسه ..باللين والرحمة ... صدقيني مكانش ده وضع المجتمع ..

والمثال اللي انتي قلتيه ده ..

شايفه انهم بيحاسبوا بنت .. لافتراض ان ممكن تكون

متعمده ... افتراض .. وان كانوا بيقولوا ان

الولاد غلطوا فبعضهم بيقولها بنفس طريقة شخصيات المثال

اللي انتي ذكرتيه .. وبنفس الرد بشكل غير مباشر

احنا مش بنعمم ولا بنقول كل البنات كويسين

ولا كل الشباب وحشين ..

بس هي لحظة مواجهه .. لازم يكون الاعتراف بالخطأ بانصاف

وبمثال واضح جدا خطأ الشباب ... ايه اللي دخلنا في محاور

تانيه مالهاش دخل في الموضوع .. :roll:

آخرتها ياشعنونه هيقولوا .. عقد :wink:

وربنا يستر على اللي هيحصل :D :lol:

bye ya gameelaa :cool:

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      فى عصر سمته التغيير المستمر والمتحرك بسرعات كبيرة بتأثير ضغط العولمة المنطلقة كعواصف تصاحبها أمواج لا تهدأ تغزعرض المقال كاملاً
    • 0
      دبي، الإمارات العربية المتحدة (CNN)—عقب الإعلامي المصري، عمرو أديب على نتيجة مباراة الأهلي المصري وبايرن ميونخ الألماني والتي انتهت بفوز الأخير بهدفين مقابل لا شيء في نصف نهائي كأس العالم للأندية، ملقيا الضوء على الفرق بين اللاعب المصري ونظيره الألماني. جاء ذلك في البرنامج الذي يقدمه عمرو أديب على قناة MBC حيث قال: "واحد بيسألني بعد الماتش بيقولي هو ايه الفرق بينا وبينهم؟ قلتله انت شايف الاثنين اللعيبة، اللاعب المصري واللاعب الألماني وهما طالعين؟ بص فرق الجسم، ده واحد مبني... View the full
    • 1
      ٢٤ مليار جنيه خسارة سنوية من القيادة الخاطئة للسيارات ساءقو السيارات فى مصر  الأسوأ فى العالم  يتسبب عن القيادة الهمجية للسيارات فى مصر خسائر لاتقل عن ٣الاف جنيه سنويا لإصلاح السيارة وذلك لعدم التزام السائقين بالحارة المرورية وتغيير الحارات بدون إعطاء إشارة قبل التغيير ب٢٠٠ متر على الاقل كما هو فى قواعد المرور العالمية ولانه يوجد أكثر من ٨مليون سيارة فى مصر تصبح الخسائر ٢٤ مليار جنيه سنويا وحوالى ٣٠٠ جنيه شهريا لكل سيارة للإصلاح فقط وهذا مبلغ باهظ لايتحمله الساءقون فى البلاد المنضبطة
    • 13
      خسارة فينا نجلاء بدير أنى كنت زعلانة ماقدرتش أكتب كل الأيام اللى فاتت، ومش عارفة إن كنت هاقدر أكتب تانى ولا لأ (1) زعلت من البرادعى لما انتظرناه أنا وناس كتير ماعرفهمش وناس قليلين أعرفهم، انتظرناه ينزل فى شارع مجلس الشعب ويسلم لنا نفسه، فمانزلش وتانى يوم الساعة تسعة الصبح قابل المشير وقاله إنه بيمشى ورانا مش إحنا اللى بنمشى وراه، كان بيكذب (مع إنى باحبه لأنه مابيكذبش)، لأنه لو كان بيمشى ورانا كان نزل لنا وماقابلش المشير. (2) زعلت من الراجل اللى كان واقف جنبى فى طابور الانتخابات علشان يحمى
    • 39
      http://www.youtube.com/watch?v=Z2j-3ParONw&sns=em
×
×
  • أضف...