استفسار في الجمارك

[Dr.mmfriend]

السلام عليكم

ياريت تفاصيل اكتر عن موضوع شاشات ال LCD

لانه عندى واحد Panasonic 32

وكنت بفكر اشحنه لمصر بدل ما ابيعه فى السعوديه مش هيجيب مبلغ كويس

فانا بفكر اشحنه لمصر تبع شركه شحن

حد عنده فكره الجمارك كام؟؟

طيب لو فرضنا انه 3000 جنيه

هو اساسا سعره فى مصر كام دلوقت؟؟

[doha]

السلام عليكم

ياريت تفاصيل اكتر عن موضوع شاشات ال LCD

لانه عندى واحد Panasonic 32

وكنت بفكر اشحنه لمصر بدل ما ابيعه فى السعوديه مش هيجيب مبلغ كويس

فانا بفكر اشحنه لمصر تبع شركه شحن

حد عنده فكره الجمارك كام؟؟

طيب لو فرضنا انه 3000 جنيه

هو اساسا سعره فى مصر كام دلوقت؟؟

ال سي دي توشيبا 32 بوصه بيتباع في مصر بـ 2500 جنيه تقريبا

ومتستغربش

هو بسعر شراءه في السعوديه يعني بدون شحن بدون شيل وحط بدون جمرك

بس الفرق انه تجميع مصري يعني توشيبا مصري مش زي الي هتجيبه معاك .. صيني مواصفات خليجية

الال سي دي مش هينفع تشحنه مع حد زي ماقلت قبل كده هياخذ عليه بقد تمنه جمرك الحل الوحيد انك تاخذه معاك ( صحبة راكب ) واعتقد لو انتم اسرة كبيرة نوعا وبقالك فترة مقيم في الخارج وباين على الجهاز انه مستعمل فاظن هتدفع لك مبلغ بسيط اوي جمرك واعتبر انك بتشتريه من جديد بالمبلغ ده خاصة وحضرتك بتقول لو بعته مش هيجيب حاجه

[GENDY ABASI]

الأخ العزيز Dr. MMfriend أنا أعرف انك عايش في الخبر فياريت بس تقولي علي شركات الشحن اللي في الخبر او الدمام اللي ممكن تشحن بضاعة لمصر و اكون شاكر جدا ليك و يا ريت لو عندك عناوين الشركات دي او ارقام تليفوناتها و ياريت لو عندك فكرة عن اسعار الشحن .... تقلت عليك انا عارف بس انا عارف برضه انك مصراوي جدع

[Mr MAGED]

السلام عليكم ورحمة الله وبركاته

حبيت أشارك فى الموضوع الصراحه أنا لسه جى الرياض من شهر مسافر من مطار القاهره أول مادخل من بوابة الجوازات لقيت ظابط بيفتشنى تفتيش على السريع كده وانا معدى من البوابه على أساس ان البوابه الألكترونيه ده مش بتكتشف حاجه المهم كان معاه واحد تانى بيقولى الشنط ده فيها ايه قلتله ده اللاب توب وده شنطه فى الملابس واغراض تانيه قالى طب هات الجواز قالى أه السعوديه راح مقرب منى وقالى كل سنه وانت طيب مفيش اى حاجه على السريع بصيت حوليا فى وسط المطار وانا اول مره أروح المطار قلت هنا كمان فى كل سنه وانت طيب روحت مديله 10 جندى والله مافتح الشنط ولا لمسها الى بعدى كان بيفتح الكراتين الى معاهم بالماطوه الصغيره الى معاه علشان معيدوش عليه وكمان لقيت واحد بعديها وأنا بملى استمارة السفر بيقولى مش عاوز قلم تملى بيه كل سنه وانت طيب :unsure: قلتله شكرا أم فى اللاب توب كان معاى فى الشنطه الخاصه على الطياره وبس ولما نزلت الرياض ولا قالولى اللاب توب عليه أيه ولا اى حاجه

ده فين الكلام ده !!! في مطار القاهرة !! انا بانزل مصر مرتين وثلاثة في السنة وعمري ما شفت حاجة من دي ابدا ً ولا سمعت انها حصلت مع اي حد من معارفي ... أكيد كان فيه حاجة غلط .

[youssry]

الى كل افراد المنتدى الموقرين و الى كل الشعب المصرى الغالى

اشكركم جزيل الشكر على كل المعلومات المتميزة بحق

و احب ان أقول اننى ملتحق جديد بالمنتدى و ما ان بدأت فى قراءة الموضوعات و الردود و لم استطع كف نفسى عن الضحك المستمر و ذلك يؤكد خفة دم هذا الشعب العظيم و طيبة قلبه الكبيرة

اشكركم على مناقشاتكم الظريفة و تعليقاتكم الساخرة الى تموت من الضحك

تقبلوا مرورى n2&(

[محمد الشافعى]

السلام عليكم ورحمة الله وبركاته

حبيت أشارك فى الموضوع الصراحه أنا لسه جى الرياض من شهر مسافر من مطار القاهره أول مادخل من بوابة الجوازات لقيت ظابط بيفتشنى تفتيش على السريع كده وانا معدى من البوابه على أساس ان البوابه الألكترونيه ده مش بتكتشف حاجه المهم كان معاه واحد تانى بيقولى الشنط ده فيها ايه قلتله ده اللاب توب وده شنطه فى الملابس واغراض تانيه قالى طب هات الجواز قالى أه السعوديه راح مقرب منى وقالى كل سنه وانت طيب مفيش اى حاجه على السريع بصيت حوليا فى وسط المطار وانا اول مره أروح المطار قلت هنا كمان فى كل سنه وانت طيب روحت مديله 10 جندى والله مافتح الشنط ولا لمسها الى بعدى كان بيفتح الكراتين الى معاهم بالماطوه الصغيره الى معاه علشان معيدوش عليه وكمان لقيت واحد بعديها وأنا بملى استمارة السفر بيقولى مش عاوز قلم تملى بيه كل سنه وانت طيب :closedeyes: قلتله شكرا أم فى اللاب توب كان معاى فى الشنطه الخاصه على الطياره وبس ولما نزلت الرياض ولا قالولى اللاب توب عليه أيه ولا اى حاجه

ده فين الكلام ده !!! في مطار القاهرة !! انا بانزل مصر مرتين وثلاثة في السنة وعمري ما شفت حاجة من دي ابدا ً ولا سمعت انها حصلت مع اي حد من معارفي ... أكيد كان فيه حاجة غلط .

الأخ الى رد على مداخلتى والله حصل معايا كده مفيش مجال انى أهزر يعنى ولا انت من الحزب الوطنى

[doha]

جبت لكم الخبر اليقين ياجماعه ..

الال سي دي 32 جمركه 1400 - 1000 جنيه على حسب حالته .. وصيني طبعا مش اوروبي

الميكروويف والمكنسة والخلاط والتلفزيون العادي كمان كل ده بدون جمرك نهائيا بيعتبروها حاجات خفيفه ليس عليها جمرك..

وطبعا بتفرق انت جاي منين وبقالك فيها قد ايه يعني الي معاه اقامه غير الي زياره غير الي واخد السكه قياسه رايح جاي ..

الكلام ده على مسؤوليتي لاني جبته من موظف الجمارك في المطار ..

[Guest عبدالرحمن]

لو سمحتوا هوا انا لوجايب معايا 5 تليفونات من الاردن الي مصر هدفع جمارك او ضريبه ؟؟
ارجوو الرد

[Guest ehab]

هل يتم فرض رسوم جمركية على الميركوويف

[Guest سيف محمد]

السلام عليكم 

انا في دبي واشتريت ميكرويف 25 لتر و مكنسه صغيره هل عليهم جمارك والا ايه